EM taflfélaga: Íslensku liðin töpuðu með minnsta - Óskar með jafntefli

Íslensku liðin töpuðu bæði með minnsta mun, 3½-2½, í fimmtu umferð EM taflfélaga í gær. Fjölnir gegn ensku sveitinni 3CS og Víkingaklúbburinn á móti Hasan Pristina frá Kósóvo. Davíð Kjartansson (Víkingaklúbbnum) og Páll A. Þórarinsson (Fjölni) voru þeir einu sem unnu í gær. Toppbaráttan er spennandi en þar eru klúbbar . Í gær gerðu Aserarnir í Odlar Yurdu jafntefli við Rússanna í Globus 3-3. Óskar Bjarnason, sem teflir með klúbbi frá Lúxemborg, gerði jafntefli í gær. 

Báðar íslensku sveitirnar tefla við írskar sveitir í dag. 

Úrslit gærdagsins

 

 

• Heimasíða mótsins
• Chess-Results
• Beinar útsendingar

 

Haustmót SA: Efstu menn unnu sínar skákir

Fjórða umferð - síðari hluta - Haustmóts SA hófst í gærkvöldi. Jón Kristinn vann skák sína gegn Smára; Sigurður Arnarson lagði Ólaf að velli og sömuleiðis hafði Áskell betur gegn Eymundi. Umferðinni lýkur í kvöld þegar Arnar Smári og Jón Magnússon leiða saman hesta sína og hróka.  Lokaumferðin verður svo háð á sunnudag, en eftir úrslit dagsins getur enginn ógnað sigri FM Thorgeirssonar. Þeir Arnarson og Kárason berjast um silfrið og er sá fyrrnefndi sjónarmun á undan í því kapphlaupi. 

 

• Heimasíða SA
• Chess-Results (síðari hlulti)
• Chess-Results (fyrri hluti)

 

Hraðskákmót Hugins fer fram á mánudaginn

Hraðskákmót Hugins í Mjóddinni verður haldið mánudaginn 16. október nk. Teflt er í félagsheimili Hugins í Álfabakka 14a og hefst taflið kl. 20. Tefldar verða 7 umferðir tvöföld með umhugsunartímanum 4 mínútur + 2 sekúndur á hvern leik.

Mótið verður reiknað til hraðskákstiga. Heildarverðlaun á mótinu eru kr. 20.000.

Núverandi hraðskákmeistari Hugins er Hjörvar Steinn Grétarsson. Þetta er í tuttugasta og annað sinn sem mótið fer fram. Björn Þorfinnsson, Davíð Ólafsson og Hjörvar Steinn Grétarsson hafa hampað titlinum oftast eða fjórum sinnum. Verðlaunaafhending vegna Meistaramóts Hugins (suðursvæði) sem lauk í síðustu viku verður í lok hraðskákmótsins.

Verðlaun skiptast svo:

1. 10.000 kr.
2. 6.000 kr.
3. 4.000 kr.

Þátttökugjöld eru kr. 400 fyrir félagsmenn en kr. 600 fyrir aðra. Fyrir unglinga í Huginn eru þau kr. 300 en kr. 400 fyrir aðra.

Skákþing Garðabæjar hefst í kvöld

Skákþing Garðabæjar hefst föstudaginn 13. október 2017. (Ath. breyting frá upphaflegu plani) Tefldar verða 7 umferðir og verður mótið reiknað til íslenskra og alþjóðlegra stiga.

Mótsstaður: Garðatorg 1. (gamla Betrunarhúsið). 2. hæð. Inngangur til hægri við verslunina Víði.

Umferðatafla:
1. umf. Föstudag 13. okt. kl :19:30
2. umf. Mánudag 16. okt. kl. 19:30
3. umf. Mánudag 30. okt kl. 19:30
4. umf. Föstudag 3. nóv. kl. 19:30
5. umf. Mánudag 6. nóv. kl: 19:30
6. umf. Föstudag 10. nóv kl. 19:30
7. umf. Mánudag 13. nóv. kl. 19:30

Verðlaunaafhending og Hraðskákmót Garðabæjar mánudaginn 27. Nóvember kl 20:00

Keppnisfyrirkomulag er svissneskt kerfi. Skákstjóri er Páll Sigurðsson. Sími 860 3120
Tímamörk eru 90 mínútur og 30 sek sem bætist við hvern leik.

Mótið er opið öllum.
Leyfilegt er í mótinu í umferðum 1-5 að taka einu sinni hjásetu gegn hálfum vinning. Ekki er hægt að taka hjásetu eftir að pörun í umferð liggur fyrir. 0 vinningar reiknast í tiebreak fyrir slíka hjásetu.

Verðlaun auk verðlaunagripa:
Heildarverðlaun fyrir efstu 3 sæti uþb. 60% af aðgangseyri í hvorum flokki skipt eftir Hort Kerfinu.
Verðlaun skiptast (50/30/20). Lágmarks-heildarverðlaun eru 20.000 fyrir þessi sæti.

Mótið er um leið skákþing Taflfélags Garðabæjar. (keppt er um titilinn ef jafnt).

Aukaverðlaun verða fyrir þann skákmann sem nær flestum samanlögðum vinningum úr bæði Skákþingi Garðabæjar og U2000 móti Taflfélags Reykjavíkur. (samanlögð Buchholz stig ráða ef jafnt á vinningum) Kr. 10.000.-
Efsti skákmaður í ca. hverjum 10 manna stigaflokki mv. fide stig (ísl til vara) fær 5000 króna aukaverðlaun. Stigalausir telja ekki. þe. ef 30 keppendur verða tvenn slík verðlaun.

Sæmdartitilinn Skákmeistari Garðabæjar geta aðeins fengið félagsmenn taflfélags í Garðabæ eða skákmaður með lögheimili í Garðabæ.

Þátttökugjöld:
Félagsmenn. Fullorðnir 3000 kr. 17 ára og yngri ókeypis.
Utanfélagsmenn. Fullorðnir 4000 kr. Unglingar 17 ára og yngri 2000 kr

Skráning í mótið fer fram á heimasíðu TG. www.tgchessclub.com og á skak.is

Skákmeistari Garðabæjar 2016 var Páll Sigurðsson.

Hér er hægt að skoða hverjir eru skráðir
https://docs.google.com/spreadsheets/d/1sCf0mBXdAk3y4IUj4Z_AFnDficJtrzH97JQk5feiyhM/edit?usp=sharing. 

U-2000 mótið hófst í gær

Fjölmennt U-2000 mót hófst í gærkveld í húsnæði Taflfélags Reykjavíkur að Faxafeni. Mótið fer nú af stað þriðja árið í röð en það var endurvakið eftir tíu ára dvala frá síðastliðnum áratug. Keppendur í ár eru 42 talsins sem er örlítið minna en í fyrra en aftur tvöfalt fleiri en fyrir tveimur árum. Það er nokkuð athyglisvert hve marga skákmenn U-2000 laðar að sér miðað við hvað skákmótahald hefur átt undir högg að sækja að undanförnu en fyrir því liggja sjálfsagt nokkrar ástæður að baki. Hvort um er að ræða “rólega” dagskrá mótsins, þ.e. að aðeins er teflt einu sinni í viku, eða það fyrirkomulag mótsins að aðeins skákmenn með minna en 2000 Elo-stig hafa þátttökurétt, er erfitt að fullyrða. Þó má geta þess að í þau þrjú ár þar sem var teflt tvisvar í viku í stað þrisvar í viku í Haustmóti TR varð hvorki breyting á fjölda keppenda né styrkleika þeirra. Þá hefur einnig verið teflt tvisvar í viku í Skákþingi Reykjavíkur undanfarin ár í stað þrisvar en það fyrirkomulag hefur ekki komið í veg fyrir töluverða fækkun keppenda.

Að tefla einu sinni í viku getur verið hentugt fyrir önnum kafið fólk í hröðu nútímasamfélagi. Hinsvegar hentar öðrum að keyra mótin hratt í gegn í stað þess að að taka 6-7 vikur í að klára þau. Sem dæmi má nefna að sjö umferða mót væri hægt að klára á fimm dögum, t.d. ef tvöfaldar umferðir væru teknar á laugardegi og sunnudegi. Það myndi að einhverju leyti gera mótshöldurum auðveldara fyrir að koma mótum fyrir í annars þéttri mótadagskrá. “Sumir vilja ekkert endilega vera að tefla við einhverja hákarla” sagði reynslumikill skákmaður fyrir nokkru síðan þegar verið var að ræða skáklífið almennt og ágæta þátttöku í U-2000 mótinu. Þetta er góður punktur og undirstrikar mikilvægi þess að hafa eitthvað í boði fyrir alla, en TR hefur lagt áherslu á fjölbreytileika í mótahaldi. Fjöldi móta og fyrirkomulag er eitthvað sem mótshaldarar þurfa ávallt að hafa í huga enda getur það gerst að skákmót séu einfaldlega of mörg á svipuðum tíma, oftar en ekki hjá mismunandi skákfélögum. Það þarf að velta upp spurningunni; viljum við halda færri mót með mörgum keppendum eða fleiri mót með færri keppendum? Líkast til er engin leið fullkomin, eitt hentar einum og annað öðrum. Höfum þessi atriði þó í huga og komum góðum og uppbyggjandi ábendingum til mótshaldara.

Eftir þessa hugleiðingu er lag að snúa sér að máli málanna. Fyrsta umferð U-2000 fór vel fram og settust 42 keppendur við borðin köflóttu tilbúnir að stýra sínum 16 stríðsmönnum fram til sigurs. Elo-stigadreifing keppenda er mjög góð og spannar allan kvarðann upp að tæpum 2000 Elo-stigum. Góð blanda er af reynslumiklum skákmönnum og yngri kynslóðinni sem er raunar líka orðin alveg grjóthörð. “Djöfull eru þessir ungu krakkar orðnir sterkir í dag” varð einum eldri keppanda að orði eftir viðureign sína síðla kvölds. Yngstur allra er hinn átta ára Mikael Bjarki Heiðarsson sem hefur nú þegar sýnt góða takta við skákborðið og tefldi meðal annars í sinni fyrstu Bikarsyrpu fyrir skömmu síðan.

Á efsta borði mætti stigahæsti keppandi mótsins, hinn norskættaði Jon Olav Fivelstad (1950), Herði Jónassyni (1508). Stýrandi hvítu mönnum virtist Jon Olav hvorki komast lönd né strönd gegn svörtum her Harðar en ónákvæmni þess síðarnefnda þegar langt var liðið á baráttuna varð til þess að Jon Olav stóð uppi sem sigurvegari. Á öðru borði fékk hinn ungi Arnar Milutin Heiðarsson (1498) það verkefni að eiga við sigurvegara mótsins síðustu tvö ár, Harald Baldursson (1935), en Arnar hefur verið á mikilli siglingu að undanförnu. Blikapilturinn knái sýndi að framfarirnar eru engin tilviljun því hann átti í fullu tré við reynslumikinn andstæðing sinn og endataflið, þar sem hvor var með hrók, riddara og jafnmörg peð sín í milli, leit mjög jafnteflislega út. Haraldur var þó ekki á því að þiggja jafnteflisboð og upphófst einhver hinn mesti “svíðingur” sem sést hefur. Kveikt var á reynsluvélinni og snérist hún svo hratt að lá við að hún bræddi úr sér þegar henni var beitt til þess að pressa hægt og rólega á pilt sem varð að endingu að leggja niður vopnin. Á þriðja borði sigldi Stephan Briem (1895) sigrinum nokkuð örugglega í höfn gegn Hjálmari Sigurvaldasyni (1488) en sá fyrrnefndi beitti laglegri mannsfórn í lok skákar til að veiða berskjaldaðan kóng Hjálmars í mátnet.

Úrlit voru annars nokkuð hefðbundin, þ.e. sá stigahærri sigraði þann stigalægri, ef frá eru skilin tvö jafntefli á milli Sveins Sigurðarsonar (1262) og Jóns Úlfljótssonar (1723), sem og Benedikts Briem (1435) og Páls Andrasonar (1805). Önnur umferð fer fram næstkomandi miðvikudagskvöld og hefst kl. 19.30. Þá mætast á efstu borðum Ólafur Guðmarsson (1724) og Jon Olav, Haraldur og Páll Þórsson (1695) og á þriðja borði Birkir Ísak Jóhannsson (1678) og Stephan. Áhofendur eru hvattir til að mæta – alltaf heitt á könnunni!

Á Chess-Results má sjá öll úrslit og þá verða skákir mótsins birtar þar jafnóðum og þær berast.

Nánar á heimasíðu TR

Áskell efstur á geðheilbrigðismóti

Í fyrrdag, 10. október, var haldinn hátíðlegur Alþjóðlegi geðheilbrigðisdagurinn á Akureyri. Það var gott tilefni til að taka í skák. Tólf keppendur mættu til leiks í Grófinni - geðverndarmiðstöð á Akureyri og léku við hvern sinni fingur. Það fór þannig:

Áskell Örn Kárason	9
Ólafur Kristjánsson	8
Smári Ólafsson	7½
Sigurður Eiríksson	6½
Sigurður Arnarson	6
Haki Jóhannesson	6
Haraldur Haraldsson	6
Elsa María Kristínardóttir	5½
Tómas Veigar Sigurðarson	5½
Eymundur Eymundsson	4½
Stefán Júlíusson	1½
Hilmir Vilhjálmsson	0

 

Góður sigur Fjölnismanna

Fjölnismenn unnu góðan 4½-1½ á sveit ensku sveitinni Hvítu rósinni (White Rose) 4. umferð EM taflfélaga í gær. Sigrarnir unnustu á 3.-6. borði þar sem Davíð Kjartansson (2386), Jón Trausti Harðarson (2146) og Tómas Björnsson (2130) unnu. Jafntefli á borðum 1-3. Góð úrslit gegn sveit sem er áþekk að styrleika.

Víkingaklúbburinn tapaði naumlega fyrir finnsku sveitinni  Etelä-Vantaan Shakki. Páll A. Þórarinsson vann mjög góðan sigur á öðru borði. 

Fimmta umferð fer fram í dag og hefst kl. 12.  Fjölnir teflir aftur cið enska sveit. Sveitina 3CS sem Víkingar tefldu við fyrr í mótinu fyrir og unnu. Víkingar mæta Hasan Pristina sem Fjölnismenn fóru mjög illa með fyrr á mótinu.

Úrlit íslensku sveitinna

 

 

 

• Heimasíða mótsins
• Chess-Results
• Beinar útsendingar

Alþjóða geðheilbrigðismótið fer fram í dag

Alþjóða geðheilbrigðismótið í skák verður haldið í húsakynnum Taflfélags Reykjavíkur að Faxafeni 12 fimmtudagskvöldið 12.október og hefst taflið klukkan 19.30.

Tefldar verða 9 umferðir með umhugsunartímanum 4+2. Mótið verður reiknað til hraðskákstiga. Verðlaun verða veitt fyrir þrjú efstu sætin. Þá verða einnig veitt verðlaun fyrir efstu konuna, efsta skákmanninn 60 ára og eldri, sem og efsta keppandann 16 ára eða yngri. Allir verðlaunahafar verða leystir út með verðlaunapeningi og bókaglaðningi. Sigurvegari mótsins fær jafnframt bikar að launum. Sigurvegari mótsins í fyrra varð Vignir Vatnar Stefánsson.

Mótið er haldið til að vekja athygli á Alþjóða geðheilbrigðisdeginum, sem rímar vel við kjörorð skákhreyfingarinnar: Við erum ein fjölskylda. Að mótinu standa Vinaskákfélagið og Taflfélag Reykjavíkur en félögin hafa átt afar ánægjulegt og gott samstarf undanfarin ár.

Öllum skákáhugamönnum er velkomið að tefla með í þessu skemmtilega móti. Þátttökugjöld eru engin. Skráning fer fram í gegnum skráningarform sem finna má í gula kassanum á skak.is.

Níu Íslandsmeistarar krýndir á Íslandsmóti ungmnenna

Íslandsmót ungmenna fór fram um helgina í Rimaskóla í Grafarvog. Krýndir voru níu Íslandsmeistarar og var baráttan á reitunum 64 hörð. 79 skákmenn tóku þátt bæði drengir og stúlkur. 

Flokkar 13-14 ára og 15-16 ára voru sameinaðir í einn en verðlaun voru veit í báðum flokkunum. Efstir voru Arnar Heiðarsson og Birkir Ísak Jóhannesson með 5v af 6 en Arnar var sjónarmun á undan á stigum. Þriðji var Sæmundur Árnason með 4v. 

Lokastöðuna má nálgast á Chess-Results. 

Íslandsmeistari ungmenna stráka 15-16 ára – Birkir Ísak

 

Birkir Ísak Jóhannsson varð Íslandsmeistari í flokki 15-16 ára en hann hlaut 5v vinninga í 6 skákum. Annar varð Arnar Smári Signýjarson en hann hlaut 3,5 vinninga.

Flokkur 13-14 ára – Arnar og Rakel Tinna Íslandsmeistarar!

Arnar Heiðarsson varð Íslandsmeistari 13-14 ára en hann hlaut 5 vinninga í 6 skákum. Annar varð Sæmundur Árnason með 4 vinninga. Þriðji var Elfar Ingi Þorsteinsson. 

Rakel Tinna Gunnarsdóttir varð Íslandsmeistari stúlkna í flokknum með 3,5v af 6. Nadía Heiðrún Arthursdotttir varð önnur. með 3v. 

Flokkur 11-12 ára – Róbert Luu og Freyja Íslandsmeistarar 

Þessi flokkur var afar vel skipaður og baráttan um verðlaunasæti mjög hörð. Margar skákir voru tefldar alveg í botn þannig umferðir í þessum flokki tóku að jafnaði lengstan tíma.

Róbert Luu varð Íslandsmeistari sigraði í flokki 11 og 12 með 8v í níu skákum. Óskar Víkingur Davíðsson varð annar með 7v. Joshua Davíðsson varð þriðji með 6v eins og Ísak Orri Karlsson og Baltasar Máni Wedholm Gunnarsson en Joshua var hæstur á stigum.

Freyja Birkisdóttir varð Íslandsmeistari stúlkna 11-12 ára með 5v. Ylfa Ýr Hákonardóttir varð önnur með 4 vinninga og Þórdís Agla Jóhannsdótttir þriðja með 3v.

Lokastöðuna má nálgast á Chess-Results. 

Flokkur 9-10 ára og yngri – Gunnar Erik og Batel Íslandsmeistarar.

Kynjahlutfallið í þessum aldursflokki er nokkurn veginn jafnt og náðist aðeins hér að tefla í tveimur flokkum skipt eftir kyni.

Gunnar Erik Guðmundsson sigraði í drengja flokki með 6,5 vinninga í 7 umferðum. Annar var Adam Omarsson með 6v og Tómas Möller þriðji með 5v. 

Stöðuna má finna á Chess-Results.

 

Í stúlknaflokki sigraði Batel Goitom Haile með fullu húsi 7v af sjö mögulegum. Síðan komu jafnar Anna Katarína Thoroddsen og Soffia Arndís Berndsen með 5,5v. Anna Katarína var stigi hærri og hlaut annað sætið og Soffía það þriðja. 

Lokastöðuna má nálgast á Chess-Results. 

Flokkur 8 ára og yngri - Bjartur og Guðrún Fanney Íslandsmeistarar 

Bjartur Þórisson sigraði á mótinu með 8v af níu mögulegum. Einar Dagur Brynjarsson og Guðrún Fanney Briem komu næst með 7,5 v en Einar Dagur hærri á stigum. Bjartur Þórisson er því Íslandsmeistari drengja 8 ára og yngri, Einar Dagur Brynjarsson annar og þriðji var Jósef Omarsson með 5,5v en Jósef er aðeins 6 ára. Þetta var eini flokkurinn þar sem þátttakendafjöldinn var skorinn niður á sunnudeginum. Miðað við fjölda þátttakenda er það spurning hvort þessi niðurskurður sé ekki óþarfur. 

Lokastöðuna má nálgast á Chess-Results. 

Guðrún Fanney Briem var Íslandsmeistari stúlkna 8 ára og yngri, Önnur var Svandís María Gunnarsdóttir og þriðja Wibet Goitom Haile. 

Mótshaldið tókst í alla staði vel og lítið um vandamál. Fjölda starfsmanna kom að mótinu og er rétt að þakka þeim öllum fyrir aðstoðina. 

Skákstjórn önnuðust Kristján Örn Elíasson, Omar Salama, Páll Sigurðsson og Vigfús Ó. Vigfússon. Helgi Árnason og starfsfólk Rimaskóla fær þakkir fyrir lána SÍ salarkynnin endurgjaldslaust.

U-2000 mót TR hefst í kvöld

Hið sívinsæla U-2000 mót Taflfélags Reykjavíkur hefst miðvikudaginn 11. október.

Þátttökurétt hafa allir þeir sem hafa minna en 2000 Elo-stig. Tefldar eru sjö umferðir eftir svissneska kerfinu og er umhugsunartími 90 mínútur fyrir alla skákina auk 30 sekúndna sem bætast við eftir hvern leik. Leyfðar eru tvær yfirsetur í umferðum 1-5 sem skal tilkynna fyrir lok umferðarinnar á undan en 1/2 vinningur fæst fyrir yfirsetu. Teflt er einu sinni í viku, á miðvikudagskvöldum kl. 19.30, í Skákhöll félagsins að Faxafeni 12.

Mótið verður reiknað til alþjóðlegra skákstiga og verða allar skákir mótsins birtar.

Sigurvegari u-2000 mótsins 2016 var Haraldur Baldursson.

Dagskrá1. umferð: 11. október kl. 19.30
2. umferð: 18. október kl. 19.30
3. umferð: 25. október kl. 19.30
4. umferð: 1. nóvember kl.19.30
5. umferð: 8. nóvember kl. 19.30
—————-HLÉ——————
6. umferð: 22. nóvember kl. 19.30
7. umferð: 29. nóvember kl. 19.30

Sjálfkrafa tap dæmist á keppanda sem mætir á skákstað meira en 30 mínútum eftir upphaf umferðar.

Tímamörk: 90 mín á alla skákina + 30 sek viðbót eftir hvern leik

Verðlaun: 1. sæti kr. 30.000, 2. sæti kr. 20.000, 3. sæti kr. 10.000. Hort-kerfi gildir.

Röð mótsstiga (tiebreaks): 1. Innbyrðis viðureign 2. Buchholz (-1) 3. Buchholz

Þátttökugjöld: 18 ára og eldri kr. 5.000, kr. 3.000 fyrir félagsmenn í TR. 17 ára og yngri kr. 2.000, kr. 1.000 fyrir félagsmenn í TR.

Skráning í mótið

Skráðir keppendur