Skólaskákmót Reykjavíkur fer fram á morgun

Skólaskákmót Reykjavíkur fer fram mánudaginn 29. apríl klukkan 17:00. Teflt verður á sal Laugalækjarskóla. Teflt verður í yngri flokki 1.-7. bekk og eldri flokki 8.-10. bekk.

Tefldar verða 7-9 umferðir með 10 mínútna umhugsunartíma.

Ekki er gert ráð fyrir fleiri en 1-4 keppendum frá hverjum skóla í hvorn flokk og eiga skólameistarar og krakkar með ELO-stig sjálfkrafa rétt til til þátttöku. Skákkennarar og aðrir umsjónamenn með skákkennslu í skólanum geta óskað eftir fleiri sætum á mótinu með því að senda beiðni á. [e-mail].

Keppt verður um sæti á Landsmóti sem fer fram á Patreksfirði helgina 2.-5. maí.

Reykjavík á fjögur sæti í eldri flokki og eitt í yngri flokki.

Skráning á Skólaskákmótið fer fram á [e-mail] og rennur fresturinn út á miðnætti 28. apríl. Skráningu þarf að fylgja fullt nafn, fæðingarár og skóli. Ekki verður tekið við skráningum sem koma á sjálfan mótsdag.

Bréfskák: Íslenska landsliðið í úrslit Evrópumótsins

Nú stendur yfir gríðarlega spennandi lokasprettur í undanúrslitum Evrópumóts landsliða í bréfskák. Íslenska landsliðið hefur lokið öllum sínum skákum, er efst í riðlinum og hefur þegar tryggt sér sæti í úrslitamótinu sem er áætlað að hefjist á síðasta fjórðungi ársins.

Staðan í riðlinum er þessi:

1. Ísland 48½ v.

2. Slóvakía 48½ v.

3. Slóvenía 46½ v. (+4 skákum ólokið)

4. Þýskaland 46½ v. (+3 skákum ólokið)

5. Króatía 38½ v. (+6 skákum ólokið)

6. Svíþjóð 36 v., 7.-8. Eistland, Tyrkland 34½ v. (+2), 9. Noregur 33 v. (+1), 10. Búlgaría 31½ v. (+1), 11. Danmörk 30 v. (+5)

Það er ljóst að ýmis stórveldi í bréfskákinni verða að horfa á eftir Íslandi í úrslitin. Þótt Slóvakía sé jöfn Íslendingum að vinningum þá er efsta sætið Íslands, þar sem innbyrðis viðureign liðanna lauk með sigri okkar manna, 5-3. Þessi sigur skiptir sköpum þar sem þrjú efstu liðin komast áfram og Slóvenía og Þýskaland geta náð Íslandi að vinningum. Þótt sex skákum sé ólokið hjá Króatíu, þá dugir jafnvel ekki sigur í þeim öllum til að liðið komist áfram í úrslitakeppnina. Það fer því eftir úrslitunum í síðustu skákunum hjá Slóveníu og Þýskalandi hvort þau ná bæði í úrslitin ásamt Íslandi eða annað hvort þeirra situr eftir með sárt ennið.

Það verður spennandi að sjá hvort íslenska liðið standi uppi sem sigurvegar í þessum riðli og setji þannig punktinn yfir i-ið á frábærum árangri.

Til gamans má geta þess, að elsti liðsmaður íslenska landsliðsins, Jón Adolf Pálsson, er á níræðisaldri. Það eru ekki margar keppnisgreinar sem státa af landsliðsmanni á svo virðulegum aldri!

Vigfús, Jón Trausti, Dagur og Dawid sigurvegarar Stigamóts Hellis

Vigfús Ó. Vigfússon (1994), Jón Trausti Harðarson (1762), Dagur Ragnarsson (2022) og Dawid Kolka (1640) urðu efstir og jafnir á Stigamóti Hellis með 5,5 vinning en sjöunda og síðasta umferð fór fram í gærkveldi. Jón Trausti og Dagur gerði jafntefli, Vigfús gerði jafntefli við Felix Steinþórsson (1419) og Dawid vann Þorstein Magnússon.

Heimir Páll Ragnarsson (1231) og Felix urðu svo í 3.-4. sæti með 5 vinninga. 

Alls tóku 27 skákmenn þátt í mótinu sem telst prýðileg þátttaka. Ungir og efnilegir skákmenn, sérstaklega úr Kópavogi settu mark sig á mótið en eins og nafnið kemur til kynna er mótinu ætlað að gefa mönnum tækiærir að hækka sig á stigum eða krækja sig sér í stig.

Hraðkvöld verður hjá Helli mánudaginn 29. apríl.

 

• Heimasíða Hellis
• Chess-Results
• Myndaalbúm (GB)

Rúnar efstur á minningarmóti Jóns Ingimarssonar

22 keppendur voru mættir til leiks við setningu mótsins í kvöld. Þar fluttu ávörp frá Þorsteinn E. Arnórsson Einingu-Iðju, Friðrik Ólafsson stórmeistari og Áskell Örn Kárason formaður Skákfélags Akureyrar. Friðrik rifjaði m.a. upp kynni sín af Jóni og norðlenskum skákmönnum og færði Skákfélaginu að gjöf skorblað sitt frá keppni Reykvíkingar og Akureyringar að Reykjum í Hrútafirði árið 1950 þegar Friðrik var 15 ára. Þar hafði hann einnig skráð úrslit í öllum skákum í viðureigninni sem lauk með sigri sunnanmanna 9-6.

Hófst þá taflið og voru tefldar fimm umferðir af 21. Að þeim loknum er staðan þessi:

 

Rúnar Sigurpálsson	5
Smári Ólafsson	4,5
Áskell Örn Kárason	4
Haraldur Haraldsson	3,5
Sigurður Arnarson	3,5
Smári Rafn Teitsson	3,5
Haki Jóhannesson	3
Stefán Bergsson	3
Friðrik Ólafsson (GM)	2,5
Guðfinnur Kjartansson	2,5
Hjörleifur Halldórsson	2,5
Ingimar Jónsson	2,5
Kristófer Ómarsson	2,5
Sigurður Eiríksson	2,5
Jón Kristinn Þorgeirsson	2
Oliver Aron Jóhannesson	2
Rúnar Ísleifsson	1,5
Símon Þórhallsson	1,5
Logi Rúnar Jónsson	1
Þór Valtýsson	1
Eymundur L. Eymundsson	0,5
Sindri Snær Kristófersson	0

Mótinu verður fram haldið kl. 11 á morgun. Þá verða tefldar 10 umferðir nema annað verði ákveðið.

Heimasíða SA

Vignir vann aftur í dag

Vignir Vatnar Stefánsson (1678) vann í dag í 5. umferð HM áhugamanna rúmenskan skákmann (1883). Annar sigur hans í röð. Hann hefur nú 3,5 vinning og er í 30.-42. sæti. Á morgun teflir hann við annan Rúmena með 1883 skákstig!

Alls taka 207 skákmenn þátt í mótinu frá 37 löndum en hámarksstig til að mega taka þátt eru 2000 skákstig. Vignir er nr. 132 í stigaröð keppenda.

• Heimasíða mótsins
• Chess-Results 

Sigur og tap hjá Henrik í dag

Stórmeistarinn Henrik Danielsen (2500) fékk einn vinning í tveimur umferðum í Copenhagen Chess Challange sem fram fóru í dag. Henrik hefur 3½ vinning að loknum fimm umferðum og er í 10.-17. sæti.

Í fyrri umferð dagsins tapaði hann fyrir Dananum Martin Haubro (2179) en í þeirri síðari vann norska ungstirnið Aryan Tari (2293), sem nýlega náði stórmeistaraáfanga. Í sjöttu umferð, sem fram fer í fyrramálið, mætir Henrik Þjóðveranum Fabian Englert (2214).

83 skákmenn frá 12 löndum taka þátt í mótinu. Meðal keppenda eru sex stórmeistarar og níu alþjóðlegir meistarar. Henrik er nr. 4 í stigaröð keppenda.

Mótið er teflt á aðeins fimm dögum og síðustu fjóra dagana eru tefldar tvær skákir á dag. Umferðirnar hefjast kl. 8 og 13.

• Heimasíða mótsins 
• Beinar útsendingar
• Chess-Results

Meistaramót Skákskóla Íslands

Meistaramót Skákskóla Íslands fyrir starfsárið 2012/2013 hefst föstudaginn 24. maí. Tefldar verða sjö umferðir eftir svissneska kerfinu. Þátttökurétt hafa nemendur skólans og allir þeir sem tekið hafa þátt í námskeiðum á vegum  skólans eða hlotið þjálfun á vegum skólans.  

Núverandi meistari Skákskóla íslands er Mikhael Jóhann Karlsson

 Þátttökuréttur:

Allir nemendur skólans og þeir sem tekið hafa þátt í námskeiðum á vegum skólans.

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

Tímamörk: Atskákir 25 10  þ.e 25 mínútur að viðbættum sekúndum fyrir hvern leik. 

Kappskákir:  90 30 þ.e. 90 mínútur á alla skákina og 30 sekúndur bætast við eftir hvern leik.

Fyrirkomulag: Svissneska kerfið - swiss perfect.

Skákstig: Mótið verður reiknað til skákstiga.  Fjórar síðustu umferðirnar eru reiknaðar til íslenskra- og alþjóðlegra stiga. At-skákirnar eru ekki reiknaðar til stiga. 

Verðlaun:

A:

1. verðlaun:

Meistaratitill Skákskóla Íslands 2012/2013 og farandbikar. Einnig  flugfar m/Flugleiðum á Evrópuleið* og uppihalds kostnaði kr. 30 þús.

2. verðlaun: Flugfarmiði á leiðum Flugfélags Íslands innanlands.  

3. - 5. verðlaun: Vandaðar skákbækur.

Sérstök stúlknaverðlaun:

Farmiði á leiðum Flugfélags Íslands innanlands.

 

Aldursflokkaverðlaun. 

1. Tvenn verðlaun fyrir þá keppendur sem ná

bestum árangri í hópi 14 ára og yngri

2. Tvenn verðlaun fyrir þær

stúlkur sem bestum árangri ná í mótinu.

Verðlaun fyrir keppendur 12 ára og yngri.

1. - 3. verðlaun: Vandaðar skákbækur.

 

* ^{Mótshaldarinn áskilur sér rétt til að finna hagstæðasta fargjald sem hægt er að fá enda verði tilkynnt um ferðir með góðum fyrirvara.} 

* Verðlaunahafi verður að nýta sér farmiða innan 12 mánaða frá lokum mótsins.

 

B:

Dagskrá:

1. umferð: Föstudagurinn 24. maí kl. 18  

2. umferð: Föstudagurinn 24. maí kl. 19

3. umferð. Föstudagurinn 24. maí kl. 20.

4. umferð: Laugardagurinn 25.maí kl. 10-14  

5. umferð: Laugardagurinn 25. maí kl. 15 - 19

6. umferð: Sunnudagurinn 26.maí kl. 10.-14.

7. umferð: Sunnudagurinn 26. maí kl. 15-19.

^{* Hljóti einhver stúlka 1. eða 2. verðlaun mun 2. sæti meðal stúlkna gilda til sérstakra stúlknaverðlauna.}

Verðlaunaafhending fer fram strax að móti loknu.

Þátttöku skal tilkynna í síma SÍ 568 9141, netfangið [e-mail] eða [e-mail].

Mótsnefnd áskilur rétt til að gera breytingar á fyrirfram boðaðri dagskrá.

Sóley Lind og Dawid kjördæmismeistarar Reykjaness

Sóley Lind Pálsdóttir, Hvaleyararskóla í Hafnarfirði, og Dawid Kolka, Álfhólsskóla í Kópavogi urðu í dag kjördæmismeistarar Reykjaness í skólaskák. Sóley í eldri flokki en Dawid í þeim yngri.  Þau ávinna sér bæði keppnisrétt á Landsmótinu í skólaskák sem fram fer á Patreksfirði 2.-5. maí nk. Það gerir einnig Bárður Örn Birkisson, Smáraskóla í Kópavogi, sem endaði í 2. sæti í yngri flokki.

Röð efstu manna í eldri flokki:

• 1. Sóley Lind Pálsdóttir, Hvaleyrarskóla, 7 v. af 7
• 2. Kristófer Orri Guðmundsson, Vatnsendaskóla, 4,5 v.
• 3. Gísli Freyr Pálmarsson, Myllubakkaskóla, 4 v.

Röð efstu manna í yngri flokki:

• 1. Dawid Kolka, Álfhólsskóla 6 v. af 6
• 2. Bárður Örn Birkisson, Smáraskóla 5 v.
• 3.-5. Brynjar Bjarkason, Hraunvallaskóla, Bjarki Arnaldarson, Hofstaðaskóla, og Bjarni Þór Guðmundsson, Víðistaðaskóla 3 v.

Sjá nánar úrslit á Chess-Results.

Myndaalbúm (PS)

Vigfús, Jón Trausti og Dagur efstir á Stigamóti Hellis

Vigfús Ó. Vigfússon (1994), Jón Trausti Harðarson (1762) og Dagur Ragnarsson (2022) eru efstir og jafnir með 5 vinninga að lokinni sjöttu umferð sem fram fór í dag. Dawid Kolka (1640) og Felix Steinþórsson (1419) eru næstir með 4,5 vinning.

Sjöunda og síðasta umferð fer fram á morgun og hefst kl. 19:30. Þá mætast meðal annars: Jón Trausti-Dagur, Vigfús-Felix og Dawid-Þorsteinn Magnússon.

• Heimasíða Hellis
• Chess-Results
• Myndaalbúm (GB)

Vignir vann í dag

Vignir Vatnar Stefánsson (1678) vann í dag skákmann frá Rúmeníu (1835) í 4. umferð HM áhugamanna sem fram fer í Iasi í Rúmeníu. Vignir hefur 2,5 vinning og er í 53.-79. sæti. Á morgun teflir hann við annan Rúmena (1883).

Í dag tefldi hann á hraðskákmóti og endaði í 3.-7. sæti (4. sæti á stigum) af 110 keppendum og var efstur keppenda 12 ára og yngri.

Alls taka 207 skákmenn þátt í mótinu frá 37 löndum en hámarksstig til að mega taka þátt eru 2000 skákstig. Vignir er nr. 132 í stigaröð keppenda.

• Heimasíða mótsins
• Chess-Results