Helgi skákmeistari Vals

Stórmeistarinn Helgi Ólafsson sigraði á Skákmóti Vals sem fram fór 23. apríl sl. Mótið var nú endurvakið eftir langt hlé en teflt var um gripinn Hrókinn en síðasta áletrun á hann er nafn Björns Theodórssonar árið 1961.

Helgi hlaut 7 vinninga í 8 skákum. Annar varð Róbert Lagerman með 6 vinninga en í 3.-5. sæti urðu Jón L. Árnason, Gunnar Björnsson og Davíð Ólafsson, en sá síðastnefndi tefldi á mótinu sem gestur.

Það var Halldór Einarsson, oft kallaður Henson, sem var aðaldriffjöður mótsins og setti mótið Meðal keppenda var svo Heimmi Gunn sjálfur sem afhendi verðlaun í mótslok. Brynjar Níelsson, lögmaður og frambjóðandi, lét sig ekki vanta á skákstað en sonur hans Helgi tók þátt í mótinu og stóð sig vel.

Lokastöðu mótsins má nálgast á Chess-Results.

Myndaalbúm (GB)

 

Henrik með 2½ vinning eftir 3 umferðir

Stórmeistarinn Henrik Danielsen (2500) hefur 2½ vinning að loknum þremur umferð á Copenhagen Chess Challange en tvær umferðir fóru fram í dag.

Í fyrri umferð dagsins vann hann  danska FIDE-meistarann Martin Matthiesen (2284) en í þeirri síðari gerði hann jafntefli við sænska FIDE-meistarann Linus Johansson (2348).

Henrik er í 5.-13. sæti. Í fjórðu umferð, sem fram fer í fyrramálið, teflir Henrik við Danann Martin Haubro (2179).

83 skákmenn frá 12 löndum taka þátt í mótinu. Meðal keppenda eru sex stórmeistarar og níu alþjóðlegir meistarar. Henrik er nr. 4 í stigaröð keppenda.

Mótið er teflt á aðeins fimm dögum og síðustu fjóra dagana eru tefldar tvær skákir á dag. Umferðirnar hefjast kl. 8 og 13.

• Heimasíða mótsins 
• Beinar útsendingar
• Chess-Results

Aðalfundur Skákdeildar Breiðabliks 2013

Aðalfundur Skákdeildar Breiðabliks verður haldinn í félagsheimili Breiðabliks í Smáranum (gengið inn í íþróttahúsið og farið þar upp á aðra hæð) kl 20:00 mánudaginn 29. apríl.

Dagskrá samkvæmt lögum Breiðabliks:
Kosning starfsmanna fundarins.
Skýrsla formanns.
Skýrsla gjaldkera.
Umræður og afgreiðsla á skýrslum og reikningum.
Umræður um málefni deildarinnar.
Kosningar

• formaður,
• aðrir stjórnarmenn,
• varamenn.

Önnur mál.

Bráðabirgðastjórn sem skipa Halldór Grétar Einarsson, Jón Þorvaldsson og Páll Andrason lætur af störfum og ný stjórn tekur við.

Á fundinn eru boðaðir núverandi félagsmenn í Skákdeild Breiðabliks, skákmenn búsettir í Kópavogi ungir sem aldnir, skákmenn sem voru í TK, skákmenn sem eru næstu nágrannar, skákkennarar í Kópavogi og aðrir sem vilja tengjast deildinni.

Mönnum er frjálst að mæta á aðalfundinn sem áheyrnarfulltrúar og þeir sem áhuga hafa á geta skráð sig í Skákdeild Breiðabliks á staðnum!

Gunnar Björnsson forseti Skáksambandsins mun mæta á fundinn og hefur boðið sig fram sem fundarstjóri.

Stjórn Skákdeildarinnar

Ólafur B. sigraði á skákmóti Víkings

Síðasta skákmót Víkingaklúbbsins fyrir sumarfrí var tileinkað Knattspyrnufélaginu Víking. Skákmót Víkings hefur ekki verið haldið síðan 1975 að sögn Jóns Úlfljótssonar. Sextán keppendur mættu í Víkina fimmtudaginn 18. apríl og gleðilegt var að sjá unga efnilega skákmenn taka þátt í mótinu.  

Mótið snérist upp í einvígi milli Ólafs B. Þórssonar og Magnúsar Pálma Örnólfssonar Víkings. Ólafur hafði betur eftir mikla baráttu. Gunnar F. Rúnarsson náði 3. sætinu. Benjamín Jóhann Johnsen varð efstur unglinga á sínu fyrsta móti, en hann endaði með 5.5 vinninga. Matthías Ævar Magnússon varð efstur í barnaflokki með 5. vinninga, en hann varð hærri á stigum en bróður hans Benedikt Ernir.

Síðustu verkefni Víkingaklúbbsins fyrir sumarfrí, verður barnaskákmót miðvikudaginn 24. apríl, sem hefst kl. 17.00 í Víkinni og liðakeppni í Víkingaskák sem sett er miðvikudaginn 15. maí.

Úrslit

  1   Thórsson, Ólafur B                      10.5     54.0  64.5   63.0
  2   Örnólfsson, Magnús P                    10       53.5  66.5   58.0
  3   Rúnarsson, Gunnar F                     8.5      54.5  66.0   48.0
  4   Thorfinnssdóttir, Elsa                  8        52.0  63.0   46.5
  5   Thorarensen, Aðalsteinn                 7        54.5  65.5   39.0
  6   Úlfljótsson, Jón                        6.5      54.0  65.0   36.5
7-8   Sigurðsson, Sverrir                     5.5      58.0  69.5   38.0
7-8  Johnsen, Benjamín J                     5.5        52.5  64.0   32.0
9-11 Ásgeirsson, Pétur                       5        50.0  61.0   36.0
        Magnússon, Matthías Ævar                5        45.0  56.0   26.0
        Magnússon, Benidikt Ernir               5        43.0  52.0   32.0
 12   Thorgeirsson, Kristófer                 4.5      39.0  49.5   21.5
 13   Sigurðsson, Einar Örn                   3.5      46.5  57.5   23.5
 14   , Kristján Örn Sigurðsson               2.5      46.0  56.5   13.5
 15   Jóhannsdóttir, Fanney                   1        44.0  53.0   10.0
 16   Róbertsson, Tómas                       0.5      47.0  58.5    4.5

Þorvarður efstur fyrir lokaumferð öðlingamótsins

Þorvarður Fannar Ólafsson (2225) er efstur á Skákmóti öðlinga að lokinni sjöttu og næstsíðustu umferð sem fram fór í gærkveldi. Í gær gerði hann jafntefli við Sævar Bjarnason (2132). Sævar, Sigurður Daði Sigfússon (2324), Vigfús Ó. Vigfússon (1988) og Hrafn Loftsson (2204) koma í humátt á eftir Varða með 4,5 vinning. Lokaumferðin fer fram á frídag verkalýðsins, 1. maí.

Öll úrslit sjöttu umferðar má nálgast hér.

Stöðu mótsins má nálgast hér.

Einni skák í umferðinni var frestað og pörun lokaumferðirnar því ekki tilbúin.

• Heimasíða TR
• Chess-Results

Minningarmót um Jón Ingimarsson hefst á morgun

Við hvetjum félagsmenn sem aðra skákáhugamenn til að skrá sig hið fyrsta! Hámark 44 keppendur!

Meðal þeirra sem þegar hafa skráð sig má nefna Friðrik Ólafsson stórmeistara, Ingimar Jónsson ólympíufara, Stefán Bergsson Norðurlandsmeistara, Harald Haraldsson Akureyrarmeistara, Guðfinn Kjartansson gallerísgoða o.fl. ofl.!

Þann 6. febrúar sl. voru 100 ár liðin frá fæðingu Jóns Ingimarssonar skákmeistara og verkalýðsfrömuðar. Jón gekk í Skákfélag Akureyrar árið 1931 og var fyrst kjörinn í stjórn þess árið 1936.  Hann var um árabil ein helsta driffjöðrin í  starfi félagsins og lengi formaður þess. Árið 1973 gerði félagið hann að  heiðursfélaga. Í nokkur ár sat Jón í stjórn Skáksambands Íslands. Hann tefldi á skákmótum í hálfa öld,  allt frá því á árinu 1931 og þar til stuttu áður en hann lést árið 1981.  M.a. tefldi hann í landsliðflokki á Skákþingi Íslands og á Norðurlandamóti. Hann varð skákmeistari Norðlendinga  árið 1961.

Jón lagði gjörva hönd á margt fleira á sínum ferli. Hann var einn af stofnendum Iðju, félags verksmiðjufólks á Akureyri og var formaður félagsins frá 1946 til dauðadags, alls í 35 ár. Þá sat hann í bæjarstjórn Akureyrar í 8 ár og starfaði lengi með Leikfélagi Akureyrar, svo nokkuð sé nefnt.

Í aldarminningu Jóns mun Skákfélag Akureyrar og verkalýðsfélagið Eining-Iðja í samvinnu við Ingimar Jónsson halda veglegt skákmót dagana 26-28. apríl nk.

Á mótinu verða tefldar 10 mínútna skákir, alls 17-21 umferð, eftir fjölda þátttakenda. Veitt verða peningaverðlaun fyrir efstu sætin á mótinu, heildarverðlaun sem næst 120 þúsund kr. Teflt verður í Alþýðuhúsinu við Skipagötu.

Dagskrá mótsins verður sem hér segir (með fyrirvara um minniháttar breytingar, s.s. fjölda umferða):

• Föstudagur 26. apríl  kl. 19.30 Mótsetning, ávarp og stutt erindi um skákferil Jóns.  1-4. umferð.
• Laugardagur 27. apríl kl. 11.00 5-14.umferð.
• Sunnudagur 28. apríl kl. 11.00 15-21.umferð.

Öllum er heimil þátttaka í mótinu og vonast mótshaldarar til þess að hún verði sem best. Þeir skákmenn sem voru samtímis Jóni og öttu kappi við hann við skákborðið eru sérstaklega boðnir velkomnir.

Hægt er að skrá þátttöku hjá formanni Skákfélagsins á netfangið [e-mail].

Skólaskákmót Kópavogs í sveitakeppni fer fram á sunnudag

Skólaskákmót Kópavogs í sveitakeppni fyrir grunnskólanemendur verður haldið sunnudaginn 28. apríl nk. í Álfhólsskóla (Hjallamegin). 

Keppt er í fjórum flokkum:

Kl. 11.00- 13.30 5 umferðir og 2x5 mín umhugsunartími

• 1. flokkur 1.-2. bekkur
• 2. flokkur 3.-4. bekkur

Kl. 14.00 - 17.00 5 umferðir og 2x10 mín umhugsunartími

• 3. flokkur 5.-7. bekkur
• 4. flokkur 8.-10. bekkur

Fjórir eru í hverju liði og auk þess mega vera 1-3 varamenn í hverju liði. 

Allir krakkar sem kunna skákreglur og eru skráðir til náms við grunnskóla í Kópavogi eru velkomnir og er aðgangur ókeypis.  Gull, silfur og brons verðlaun verða veitt fyrir hvern flokk fyrir sig. Hverjum liði þarf að fylgjast liðstjóri. Yngri krakkar geta teflt í eldri flokki.

Skráning fer fram hér. Upplýsingar um þegar skráð lið má nálgast hér.

Liðin verða að skrá sig fyrir kl 12:00 föstudaginn  26. apríl 2013.

Nemendur Álfhólfsskóla verða með nesti sölu á meðan mótin stendur, en geta ekki taka á móti kortum.

Vigfús efstur á Stigamóti Hellis

Vigfús Ó. Vigfússon (1994) er efstur með fullt hús að loknum fjórum umferðum á Stigamóti Hellis sem hófst í kvöld í húsnæði SÍ. Dawid Kolka (1640) er annar með 3,5 vinning. Tefld var atskák í kvöld. Fimm skákmenn hafa 3 vinninga.

Fimmta og sjötta umferð fara fram á morgun en á morgun verður tefld kappskák.

• Heimasíða Hellis
• Chess-Results

Símon og Óliver kjördæmismeistarar Norðurlands eystra

Kjördæmismót Norðurlands -Eystra fór fram í Litlulaugaskóla í Reykjadal í dag. Alls mættu 5 keppendur í eldri flokk og 6 keppendur í Yngri flokk. Símon Þórhallsson frá Akureyri vann sigur í eldri flokki með fullu húsi, 4 vinningum af 4 mögulegum. Jón Kristinn Þorgeirsson varð í öðru sæti og Hlynur Snær Viðarsson varð í 3. sæti. Óliver Ísak vann sigur í yngri flokki með 4,5 vinninga af 5 mögulegum. Sævar Gylfason varð í öðru sæti með 4. vinninga og Guðmundur Aron Guðmundsson varð þriðji með 3,5 vinninga. Umhugsunartíminn var 15 mín á skák í báðum flokkum.

 

Keppendur í eldri flokki. Hlynur, Bjarni, Benedikt, Símon og Jón Kristinn.

Lokastaðan í eldri flokki.

1. Símon Þórhallsson          4  af 4
2. Jón Kristinn Þorgeirsson  3
3. Hlynur Snær Viðarsson   1,5
4. Benedikt Stefánsson       1
5. Bjarni Jón Kristjánsson    0,5 

 

Keppendur í yngri flokki. Elvar, Helgi, Óliver, Guðmundur, Sævar og Ari.

Lokastaðan í yngri flokki:

1. Óliver Ísak                                4,5 af 5
2. Sævar Gylfason                         4
3. Guðmundur Aron Guðmundsson  3,5
4. Ari Rúnar Gunnarsson                 2
5. Helgi James Þórarinsson              1
6. Elvar Goði Yngvason                   0 

Símon, Óliver, Sævar og Guðmundur hafa því unnið sér keppnisrétt á Landsmótinu í skólaskák sem haldið verður á Patreksfirði 2.-5. maí nk.

Henrik vann í fyrstu umferð

Copenhagen Chess Challange hófst í dag. Stórmeistarinn Henrik Danielsen (2500) er meðal keppenda. Í fyrstu umferð vann Svíann Tom Rydstrom (2149).

Í 2. umferð, sem fram fer í fyrramálið, teflir Henrik við danska FIDE-meistarann Martin Matthiesen (2284).

83 skákmenn frá 12 löndum taka þátt í mótinu. Meðal keppenda eru sex stórmeistarar og níu alþjóðlegir meistarar. Henrik er nr. 4 í stigaröð keppenda.

Mótið er teflt á aðeins fimm dögum og síðustu fjóra dagana eru tefldar tvær skákir á dag. Umferðirnar hefjast kl. 8 og 13.

• Heimasíða mótsins 
• Beinar útsendingar
• Chess-Results