Hannes og Hjörvar unnu - Mikael í toppbaráttunni í b-flokki

Hannes Hlífar Stefánsson (2522) og Hjörvar Steinn Grétarsson (2511) unnu báðir í sjöttu umferð a-flokks Czech Open sem fram fór í dag. Hannes gegn alþjóðlega meistarann Vilka Sipila (2423) en Hjörvar á móti tékkneska FIDE-meistaranum Jan Suran (2362). Dagur Arngrímsson (2384) gerði jafntefli við pólska stórmeistarann Kacper Piorun (2566). Mikael Jóhann Karlsson (2029) er meðal efstu manna í b-flokki.

A-flokkur:

Hannes hefur 4,5 vinning og er í 8.-23. sæti, Hjörvar hefur 4 vinninga og er í 24.-55. sæti og Dagur hefur 3,5 vinning og er í 56.-98. sæti.

Rúmenski stórmeistarinn Liviu-Dieter Nisipeanu (2670) er efstur með 5 vinninga.

Í sjöundu umferð, sem fram fer á morgun, teflir Hannes við úkraínska stórmeistarann Dmitry Kononeko (2610), Hjörvar við aserska alþjóðlega meistarann Bahruz Rzayev (2429) og Dagur við ungverska stórmeistarann Denes Boros (2504).

B-flokkur: 

Mikael Jóhann Karlsson (2029) og Jón Trausti Harðarson (1899) unnu, Dagur Ragnarsson (2020) og Nökkvi Sverrisson (2041) gerðu jafntefli en Oliver Aron Jóhannesson (2015) tapaði.

Mikael hefur 5 vinninga og er í 3.-8. sæti, Dagur hefur 4 vinninga, Jón Trausti og Nökkvi hafa 3,5 vinning og Oliver hefur 2,5 vinning.

D-flokkur:

Felix Steinþórsson (1488) vann, Dawid Kolka (1669) gerði jafntefli og Heimir Páll Ragnarsson (1406) tapaði.

Dawid og Felix hafa 2,5 vinning og Heimir hefur 2 vinninga.

E-flokkur

Steinþór Baldursson tapaði og hefur 3 vinninga. 

238 skákmenn frá 35 löndum tefla í efsta flokki. Þar af eru 46 stórmeistarar og 63 alþjóðlegir meistarar. Hannes er nr. 24 í stigaröð keppenda, Hjörvar er nr. 29 og Dagur er nr. 89. Hámarksstig í b-flokki eru 2400 skákstig og þar taka 235 skákmenn þátt. Íslensku skákmennirnir eru nr. 96-192 í stigaröð keppenda.

• Heimasíða mótsins
• Chess-Results
• Beinar útsendingar (hefjast kl. 13)
• Myndaalbúm (Steinþór Baldursson)

Guðmundur vann í fimmtu umferð

Alþjóðlegi meistarinn Guðmundur Kjartansson (2444) vann Skotann Adam Bremner (2228) í fimmtu umferð Andorra Open sem fram fór í dag. Héðinn Steingrímsson (2557) gerði jafntefli við Frakkann Sebastian Abello (2335). Guðmundur hefur 4 vinninga en Héðinn hefur 3,5 vinning.

Í sjöttu umferð, sem fram fer á morgun, teflir Guðmundur við spænska stórmeistarann Alexis Cabrera (2525) en Héðinn við stigalágan Spánverja (2198). 

Alls taka 178 skákmenn frá 20 löndum þátt í mótinu. Þar af eru 16 stórmeistarar og 14 alþjóðlegir meistarar. Héðinn er nr. 9 í stigaröð keppenda en Guðmundur er nr. 22.

• Heimasíða mótsins
• Chess-Results
• Beinar útsendingar - 4 skákir (hefjast kl. 13:30 eða 14:00)

Sólarmótið fer fram á Kaffi Reykjavík á morgun - miðvikudag

Sólarmótið 2013 fer fram á pallinum hjá Kaffi Reykjavík á morgun, miðvikudag. Taflið hefst klukkan 15:00 og tefldar verða sjö umferðir. Umhugsunartími verður með sérkennilegu sniði, en keppendur hafa tíu mínútur til skiptanna, og hefur sá stigalægri sjö mínútur gegn þeim stigahærri sem hefur þrjár mínútur, alveg sama hver stigamismunurinn er! Farið verður eftir FIDE-stigum (til vara íslenskum stigum).

Kaffi Reykjavík er staðsett að Vesturgötu 2, rétt við Ingólfstorg.

Sólgleraugu verða í verðlaun fyrir sigurvegarann, efsta keppandann 16 ára og yngri, efstu konuna og efsta skákmanninn 60 ára og eldri. Þátttökugjald er 1.000 kr. Frítt fyrir 16 ára og yngri.

Skráning hér á Skák.is eða hér en þátttaka er takmörkuð við 32 keppendur.

Skáksambandið, Skákakademían og Kaffi Reykjavík standa að mótinu.

Hjörvar vann - Hannes með jafntefli

Hjörvar Steinn Grétarsson (2511) vann tékkneska alþjóðlega meistarann Dmitry Nadjezhin (2300) í fimmtu umferð Czech Open sem fram fór í dag. Hannes Hlífar Stefánsson (2511) gerði jafntefli við tékkneska stórmeistarann Marek Vokac (2450) en Dagur Arngrímsson (2384) tapaði fyrir úkraínska stórmeistaranum og TR-ingnum Mikhailo Oleksienko (2568).

A-flokkur:

Hannes hefur 3,5 vinning en Dagur og Hjörvar hafa 3 vinninga. 

Í sjöttu umferð, sem fram fer á morgun, teflir Hannes við finnska alþjóðlega meistarann Vilka Sipila (2423), Dagur við pólska stórmeistarann Kacper Piorun (2566) og Hjörvar við tékkneska FIDE-meistarann Jan Suran (2362).

B-flokkur: 

Mikael Jóhann Karlsson (2029) og Oliver Aron Jóhannesson (2015) unnu, Dagur Ragnarsson (2020) gerði jafntefli en Nökkvi Sverrisson (2041) og Jón Trausti Harðarson (1899) töpuðu.

Mikael hefur 4 vinninga, Dagur hefur 3,5 vinning, Nökkvi hefur 3 vinninga en Jón Trausti og Oliver hafa 2,5 vinning.

D-flokkur:

Felix Steinþórsson (1488) vann en Dawid Kolka (1669) og Heimir Páll Ragnarsson (1406) töpuðu.

Heimir og Dawid hafa 2 vinninga en Felix hefur 1,5 vinning.

E-flokkur

Steinþór Baldursson tapaði og hefur 3 vinninga. 

238 skákmenn frá 35 löndum tefla í efsta flokki. Þar af eru 46 stórmeistarar og 63 alþjóðlegir meistarar. Hannes er nr. 24 í stigaröð keppenda, Hjörvar er nr. 29 og Dagur er nr. 89. Hámarksstig í b-flokki eru 2400 skákstig og þar taka 235 skákmenn þátt. Íslensku skákmennirnir eru nr. 96-192 í stigaröð keppenda.

• Heimasíða mótsins
• Chess-Results
• Beinar útsendingar (hefjast kl. 13)
• Myndaalbúm (Steinþór Baldursson)

Héðinn og Guðmundur unnu í fjórðu umferð

Héðinn Steingrímsson (2557) og Guðmundur Kjartansson (2444) unnu báðir stiglægri andstæðinga (2183-2184) í 4. umferð Andorra Open sem fram fór í dag. Báðir hafa þeir 3 vinninga og eru í 14.-41. sæti.

Stórmeistararnir Maxim Rodshtein (2641), Ísrael, Andrey Vovk (2567), Úkraínu, David Norwood (2491), Andorra, eru efstir og jafnir með fullt hús.

Í fimmtu umferð, sem fram fer á morgun, tefla þeir við titillausa andstæðinga (2228-2335).

Alls taka 178 skákmenn frá 20 löndum þátt í mótinu. Þar af eru 16 stórmeistarar og 14 alþjóðlegir meistarar. Héðinn er nr. 9 í stigaröð keppenda en Guðmundur er nr. 22.

• Heimasíða mótsins
• Chess-Results
• Beinar útsendingar - 4 skákir (hefjast kl. 13:30 eða 14:00)

Dagur vann stórmeistara - Hannes og Hjörvar með jafntefli

Dagur Arngrímsson (2384) byrjar afar vel á Czec Open sem fram fer í Pardubice. Í fjórðu umferð, sem fram fór í dag, vann hann hvít-rússneska stórmeistarann Kirill Stupak (2510). Hannes Hlífar Stefánsson (2522) og Hjörvar Steinn Grétarsson (2511) gerðu báðir jafntefli. Hannes við sænska alþjóðlega meistarann Daniel Semcesen (2447) en Hjörvar við tékkneskan FIDE-meistara (2284). 

A-flokkur:

Hannes og Dagur hafa 3 vinninga en Hjörvar hefur 2 vinninga. Tékkneski stórmeistarinn Viktor Laznicka (2684) er efstur með fullt hús.

Í fimmtu umferð, sem fram fer á morgun, teflir Hannes við tékkneska stórmeistarann Marek Vokac (2450), Dagur við úkranínska stórmeistarann og TR-inginn Mikhailo Oleksienko (2568) og Hjörvar við tékkneska alþjóðlega meistarann Dmitry Nadjezhin (2300).

B-flokkur: 

Nökkvi Sverrisson (2041) og Mikael Jóhann Karlsson (2029) en Dagur Ragnarsson (2020), Oliver Aron Jóhannesson (2015) og Jón Trausti Harðarson (1899) töpuðu.

Nökkvi, Mikael og Dagur hafa 3 vinninga, Jón Trausti hefur 2,5 vinning og Oliver hefur 1,5 vinning.  

D-flokkur:

Tvær umferðir fóru fram í dag og eru núna 4 umferðir einnig búnar þar.

Dawid Kolka (1669) og Heimir Páll Ragnarsson (1406) fengu 1 vinning en Felix Steinþórsson (1488) engan.

Heimir og Dawid hafa 2 vinninga en Felix hefur 0,5 vinning.

E-flokkur

Steinþór Baldursson vann báðar sínar skákir og hefur 3 vinninga.

238 skákmenn frá 35 löndum tefla í efsta flokki. Þar af eru 46 stórmeistarar og 63 alþjóðlegir meistarar. Hannes er nr. 24 í stigaröð keppenda, Hjörvar er nr. 29 og Dagur er nr. 89. Hámarksstig í b-flokki eru 2400 skákstig og þar taka 235 skákmenn þátt. Íslensku skákmennirnir eru nr. 96-192 í stigaröð keppenda.

• Heimasíða mótsins
• Chess-Results
• Beinar útsendingar (hefjast kl. 13)
• Myndaalbúm (Steinþór Baldursson)

Héðinn og Guðmundur töpuðu í dag

Héðinn Steingrímsson (2557) og Guðmundur Kjartansson (2444) töpuðu báðir í 3. umferð Andorra Open sem fram fór í dag. Guðmundur fyrir spænska stórmeistaranum Luis Arizmendi (2580) en Héðinn fyrir enska alþjóðlega meistaranum Lawrence Trent (2420). Báðir hafa þeir tvo vinninga.

Í fjórðu umferð, sem fram fer á morgun mæta þeir töluvert stigalægri andstæðingum (2183-2184).

Alls taka 178 skákmenn frá 20 löndum þátt í mótinu. Þar af eru 16 stórmeistarar og 14 alþjóðlegir meistarar. Héðinn er nr. 9 í stigaröð keppenda en Guðmundur er nr. 22.

• Heimasíða mótsins
• Chess-Results
• Beinar útsendingar - 4 skákir (hefjast kl. 13:30 eða 14:00)

Gawain Jones um aðlagaða pörun og opna skoska meistaramótið

Enski "þingeyski" stórmeistarinn Gawain Jones skrifar athyglisverðan pistil á Chessvibes þar sem hann fjalla mikið  um "flýtipörun" eða "aðlagaða pörun" (Accelerated Pairings). Hans niðurstaða er að hún sé ekki góð og nefnir dæmi um að hún hafi ekki reynst Hjörvari Steini vel á mótinu.

Ritstjóri er sömu skoðunar og Jones um aðlagaða pörun. Það hefur engum tekist að sannfæra ritstjóra um gildi hennar. Hún fyrst og fremst frestar vandamálinu að að stigaháir mæti þeim stigalægri, eins og var í dæmi Hjörvars, auk þess sem hún gefur ranga mynd af stöðu efstu manna.

Pistil Jones má finna á Chessvibes.

Káerringar slá ekki slöku við

Þó hásumar sé að nafninu til slá KáEerringar ekki slöku við og hittast til tafls vikulega á mánudagskvöldum nema heimaleikur sé á knattspyrnuvellinum, þá degi seinna.

Góðir aufúsugestir og áráttuskákmenn eiga það til að reka inn nefið og freista þessa að skáka heimamönnum.  Það tókst þeim bærilega fulltrúum Skáksambandsins sem héldu uppi merki þess fyrir viku síðan enda þótt þeir tefldu þar þar ábyrðarlaust á eigin vegum enda orðnir  sárþjáðir af skákbakteríunni og langeygðir á að taka þátt í almennilegu hraðskákmóti - 13 umferðir í beit og ekkert slór.

Stefán Bergsson, forsvarsmaður Skákakademíunnar, gaf nemendum sínum gott fordæmi, fór þar langfremstur og sigraði glæsilega með 12 vinningum og Gunnar forseti Björnsson seldi sig einnig dýrt krækti sér í 10 vinninga og hvarf glaðbeittur á braut. Jón G. Friðjónsson og Guðfinnur "sigursæli" Kjartansson voru svo skammt undan með 9.5 vinninga. Prófessor Jón er jafnan harður í horn að taka þá sjaldan hann má vera að því að líta upp úr skræðum sínum og etja kappi við samherja sína eins og sannaði eina ferðina enn að hann er sterkur skákmaður þó stigalaust sé.  Júlíus Friðjónsson, hinn rútíneraði RB-maður, kom einnig við nýlega og lét ljós sitt skína skært og landaði sigri af gömlum vana.

Nánari úrslit má greina á meðf. mótstöflum ef vel er að gáð. 

 

 

 

Telft verður að vanda í KáErr-heimilinu í kvöld og þar er jafnan galopið hús fyrir alla taflfæra menn á öllum aldri sem vilja freista gæfu sinnar og leggja höfuð sín á gapastokkinn.

 

 

SUMARMÓT VIÐ SELVATN: Á fimmtudaginn kemur verður í samvinnu við Gallerý Skák haldin skákhátíð og veisla mikil við fjallavatnið fagurblátt, út í guðsgrænni náttúrunni við Selvatn ofan Geitháls við Nesjavallaveg. Teflt verður 11-13 umferða hvatskákmót með 10 mín. uht,  og reiddur fram margréttaður hátíðarkvöldverður undir beru lofti í taflhléi auk svaladrykkja,  kaffi og kruðerís á meðan á tafli stendur.   Þátttökugjald er kr. 5000. Nær fullskráð er í mótið en þátttaka takmarkast við 40  keppendur, en ef smuga myndast vegna forfalla er hægt að senda inn þátttökubeiðnir á netfangið: [e-mail].

Pardubice: Hjörvar vann - Hannes og Dagur með jafntefli

Vel gekk á þriðja keppnisdegi Czech Open sem fram fór í dag. Hjörvar Steinn Grétarsson (2511) vann sína skák en Hannes Hlífar Stefánsson (2522) og Dagur Arngrímsson (2384) gerðu jafntefli. Sá síðarnefndi átti sennilega unnið tefla gegn aserska stórmeistarann Azer Mirzoev (2536). Vel gekk í b-flokki þar sem 3 vinningar í 5 skákum komu í hús og d-flokki þar sem 1,5 vinningur í 3 skákum kom í hús.

A-flokkur:

Hannes hefur 2,5 vinning, Dagur hefur 2 vinninga og Hjörvar hefur 1,5 vinning.

Í 4. umferð, sem fram fer á morgun, teflir Hannes við sænska alþjóðlega meistarann Daniel Semcesen (2447), Dagur við hvít-rússneska stórmeistarann Kirill Stupak (2510) og Hjörvar við tékkneskan FIDE-meistara (2284). Allar skákirnar verða sýndar beint á vefsíðu mótsins.

B-flokkur: 

Þrír vinningar af 5 mögulegum komu í hús í 3. umferð. Dagur Ragnarsson (2020) og Oliver Aron Jóhannesson (2015) unnu, Nökkvi Sverrisson (2041) og Jón Trausti Harðarson (1899) gerðu jafntelfi en Mikael Jóhann Karlsson (2029) tapaði.

Dagur hefur fullt hús, Jón Trausti hefur 2,5 vinning, Nökkvi og Mikael hafa 2 vinninga og Oliver hefur 1,5 vinning.

D-flokkur:

Dawid Kolka (1669) vann, Heimir Páll Ragnarsson (1406) gerði jafntefli en Felix Steinþórsson (1488) tapaði. 

Dawid og Heimir hafa 1 vinning en Felix hefur 0,5 vinning en tefldar hafa verið 2 umferðir. Á morgun verða tefldar tvær umferðir í d- og e-flokki.

E-flokkur

Steinþór Baldursson tapaði og hefur 1 vinning eftir 2 skákir.

238 skákmenn frá 35 löndum tefla í efsta flokki. Þar af eru 46 stórmeistarar og 63 alþjóðlegir meistarar. Hannes er nr. 24 í stigaröð keppenda, Hjörvar er nr. 29 og Dagur er nr. 89. Hámarksstig í b-flokki eru 2400 skákstig og þar taka 235 skákmenn þátt. Íslensku skákmennirnir eru nr. 96-192 í stigaröð keppenda.

• Heimasíða mótsins
• Chess-Results
• Beinar útsendingar (hefjast kl. 13)
• Myndaalbúm (Steinþór Baldursson)