Óskar Víkingur unglingameistari Hugins

Óskar Víkingur Davíðsson sigraði á Unglingameistaramóti Hugins sem lauk í síðustu viku. Óskar Víkingur fékk 6 vinninga í sjö skákum. Fyrst komu fimm sigrar og svo jafntefli í tveimur síðustu umferðunum við Óttar Örn og Baltasar Mána. Óskar Víkingur tefldi af öryggi í mótinu og vann verðskuldaðan sigur og hefði ekki þurft á þessum tveimur jafnteflum að halda til að landa honum. Þetta er í þriðja sinn sem Óskar verður unglingameistari Hugins og hann getur enn bætt þremur í viðbót í safnið.

Eftir spennandi lokaumferð voru fimm jöfn með 5v en það voru Stefán Orri Davíðsson, Batel Goitom Haile, Benedikt Þórisson, Óttar Örn Bergmann Sigfússon og Baltasar Máni Wedholm Gunnarsson. Stefán Orri var hlutskarpastur á stigum og hlaut annað sætið. Það þurfti þrefaldan útreikning til að skilja milli Stefáns Orra og Batel sem hlaut þriðja sætið. Það blés ekki byrlega fyrir Stefáni Orra eftir slysalegt tap gegn Batel í annarri umferð þar sem hann manni yfir lét leppa hjá sér hrók í endatafli. Lokaumferðirnar tefldust Stefáni Orra í hag. Batel lenti í tveimur erfiðum viðureignum við þá bræður Bjart og Benedikt Þórissyni og hafði hún sigur gegn þeim yngri en tapaði fyrir þeim eldri. Benedikt stóð því vel fyrir lokaumferðina og gat tryggt sér annað sætið með því að vinna Stefán Orra í lokaumferðinni en það er erfitt að tefla tvær úrslitaskákir í röð og Stefán Orri vann viðureignina. Þar með var allt komið í eina kös á eftir Óskari í fyrsta sætinu.

Veitt voru sérstök verðlaun fyrir 12 ára og yngri þar sem undanskyldir voru þeir sem voru í þremur efstu sætum. Þar komu þeir þrír sem einnig voru með 5v. Benedikt var þeirra stighæstur með 29 stig, Óttar Örn var annar með 27 stig og Baltasar Máni þriðji með 26 stig. Óttar og Baltasar tefldu vel á mótinu og áttu góðan seinni hluta sem oft hefur gefist vel. Það vantar aðeins meiri nákvæmni hjá þeim og meiri byrjanakunnáttu til að stinga sér alveg á kaf í toppbaráttuna.

Þátttakendur á mótinu voru 22 sem telst bara nokkuð gott á þessu móti sem stendur yfir í tvo daga. Allir sem hófu mótið luku því sem hefur ekki gerst oft.

Frásögn þessi er lausleg endursögn á frétt sem birtist á skákhuganum rétt áður en síðan hrundi.

 Unglingameistaramót Hugins lokastaðan

Guðmundur vann annan stórmeistara og er í odda í Rúnavík

Guðmundur Kjartansson (2435) vann moldóska stórmeistarann Vladimir Hamitevici (2519) í sjöttu umferð alþjóðlega skákmótsins í Lækjarhöll í Rúnavík í Færeyjum. Gummi hefur teflt stórmeistarar fjórar umferðir í röð og hefur hlotið 3 vinninga. Gummi er efstur með 5 vinninga ásamt hvít-rússneska stórmeistaranum Nikita Maiorov (2521) og mætast þeir í sjöundu umferð sem hófst núna kl. 9. Tvær umferðir tefldar í dag.

Fleiri Íslendingar náðu eftirtektarverðum úrslitum í gær. Vignir Vatnar Stefánsson (2294) gerði jafntefli við úkraínska stórmeistarann Stanislav Savchenko (2479) og Símon Þórhallsson (2059) færeyska FIDE-meistarann og landsliðsmanninn Rógva Egilstoft Nielsen (2340). 

Fyrri umferð hófst núna kl. 9. Sú síðari er tefld kl. 15. 

 

• Heimasíða mótsins
• Chess-Results
• Beinar útsendingar

Íslandsmót öldunga 65+ fer fram í dag

Íslandsmót öldunga  65 ára og eldri  verður haldið laugardaginn 25. nóvember  nk. í Ásgarði félagsheimili  FEB að Stangarhyl 4, Reykjavík. Eins og í fyrra standa skákklúbbar eldri borgara á Höfuðborgarsvæðinu  sameiginlega að mótshaldinu. Þetta er í fjórða sinn sem slíkt Íslandsmót með atskákarsniði er haldið í þessum elsta aldursflokki virkra  skákmanna. 

Tefldar verða 9 umferðir með tímamörkunum  10+5; þ.e. 10 mínútna umhugsunartíma á skákina plús 5 sekúndna viðbótartíma á leik. Fjórar umferðir verða tefldar fyrir hádegi en lokaumferðirnar fimm að loknu hádegisverðarhléi. 

     

Mótið hefst kl. 10 árdegis og lýkur um kl. 16.30  með verðlaunaafhendingu. 

Þátttökugjald er kr. 1.500 og innifelur kaffi og og með því meðan á mótinu stendur og pizzusneið/ar í hádeginu. Björgvin Víglundsson er núverandi Íslandsmeistari og  hefur unnið sæmdartitilinn "Íslandsmeistari 65 ár og eldri" í öll þrjú skiptin sem um hann hefur verið keppt.  

Aðalverðlaun mótsins er kr. 50.000 ferðastyrkur til þátttöku á skákmóti erlendis.  

Auk verðlaunagripa og peninga verða veitt vegleg bókaverðlaun og aldursflokkaviðurkenningar (65-70;  71-75; 76-80; 81 og eldri).    

Vænst er góðrar þátttöku  sem víðast hvar að af landinu. Skráning á tengli á www.skak.is ; eða með smáskilaboðum  í síma 690-2000. Annars gildir bara að mæta tímanlega á mótsstað. 

Mótsnefndina skipa þeir: Einar S. Einarsson, Finnur Kr. Finnsson og Garðar Guðmundsson.

Upplýsingar um þegar skráða keppendur má finna hér.

Minningarmót um Steinþór Baldursson

Skáksamband Íslands stendur fyrir minningarmóti um Steinþór Baldursson dagana 4.-7. janúar nk. Um er að ræða alþjóðlegt unglingamót sem fram fer í Stúkunni í Kópavogi. Mótið er opið öllum unglingum fæddum 1997-2003 með meira en 1750 skákstig. Mótsefnd hafa leyfi til að víkja frá skilyrðunum og er hægt að sækja um undanþágu með því að senda tölvupóst í netfangið [e-mail]. 

Eins og er eru 14 skákmenn skráðir til leiks og þar af eru tveir sænskir. Hinum erlendum keppendum mun fjölga verulega á næstu dögum og verða væntanlega í kringum tuginn. 

Kvika og Landsbankinn eru stuðningsaðilar mótsins. 

Heimasíða mótsins

Skemmtikvöld Skáksambandsins á fimmtudaginn - Friðrik Ólafsson

Skáksamband Íslands verður með skemmtikvöld, fimmtudaginn 30. nóvember nk. í húsnæði Skáksambandsins. Fyrsti stórmeistari Íslendinga, Friðrik Ólafsson, verður með fyrirlestur en efni hans er leyndarmál sem stendur.

Fyrirlestur Friðriks hefst kl. 20 og stendur í um klukkustund. Eftir það geta menn gripið i tafl og skeggrætt skákmálefni. Boðið verður upp á léttar veitingar.

Allir þeir sem hafa greitt áskriftargjald til Skáksambandsins eru velkomnir. Engin aðgangseyrir.

Íslandsmót eldri skákmanna 65+ - á morgun í Ásgarði

Íslandsmót öldunga  65 ára og eldri  verður haldið laugardaginn 25. nóvember  nk. í Ásgarði, félagsheimili  FEB að Stangarhyl 4, Reykjavík. 

Mótið hefst kl. 10 árdegis og lýkur um kl. 16.00  með verðlaunaafhendingu. Tefldar verða 9 umferðir með tímamörkunum  10+5; þ.e. 10 mínútna umhugsunartíma á skákina plús 5 sekúndna viðbótartíma á leik. Fjórar umferðir verða tefldar fyrir hádegi en  fimm að loknu hádegisverðarhléi.

Þátttökugjald er kr. 1.500 og innifelur kaffi og og með því meðan á mótinu stendur og pizzusneið/ar í hádeginu. 

Aðalverðlaun mótsins er kr. 50.000 ferðastyrkur til þátttöku á skákmóti erlendis.  

Auk verðlaunagripa og peninga verða veitt vegleg bókaverðlaun og  aldursflokkaviðurkenningar (65-70;  71-75; 76-80; 81 og eldri).  

Skráning á tengli á www.skak.is ; eða með smáskilaboðum  í síma 690-2000.

Annars gildir bara að mæta tímanlega á mótsstað.  

10 mínútna mót Hugins (N) fer fram fer fram á sunnudaginn

Hið árlega 10 mín skákmót verður haldið sunnudaginn 26. nóvember í Framsýnarsalnum Húsavík og hefst það kl 14:00.

Mótslok eru áætluð um kl 16:30

Reiknað er með því að allir tefli við alla og verður umhugsunartíminn 10 mín á skák án viðbótartíma.

Mótið verður reiknað til alþjóðlegra hraðskákstiga.

Þátttökugjald verður 500 kr á mann

Verðlaunað verður fyrir þrjá efstu á mótinu og fær sigurvegarinn að auki farandbikar til varðveislu næsta árið og titilinn 10 mín meistari 2017.

Skráning

• Skráningarform

Guðmundur vann stórmeistara og er í 2.-6. sæti í Rúnavík

Guðmundur Kjartansson (2435) er forystusauður (oddafiskur - sé notuð færeyska) íslenskra keppenda eftir 5 umferðir á Rúnavík Open. Gummi vann í dag belgíska stórmeistarann Vadim Malakhatko (2540)) og hefur 4 vinninga. Jón Kristinn Þorgeirsson (2319), Vignir Vatnar Stefánsson (2294), Bragi Halldórsson (2103) og Einar Hjalti Jensson (2372) koma næstir Íslendinga með 3 vinninga.

Indverski stórmeistarinn Srinath Narayanan (2517) er efstur með 4,5 vinninga. Ásamt Gúmma hafa þrír stórmeistarar 4 vinninga og svo indverski undradrengurinn Nihal Sarin (2487) sem lagði Einar Hjalta að velli í aðeins 13 leikjum. 

Sjötta umferð fer fram á morgun. Þá teflir Guðmundur við moldóska stórmeistarann og Íslandsvininn Vladimir Hamitevici (2519), Jón Kristinn við Malakhatko, Vignir við úkraínska stórmeistrann Stanislav Savchenko (2479) og Einar Hjalti við Braga.

Umferðin á morgun hefst kl. 15.

 

• Heimasíða mótsins
• Chess-Results
• Beinar útsendingar

Pálmi efstur á Skákþingi Skagafjarðar

Pálmi Sighvatsson vann Baldvin Kristjánsson í uppgjöri efstu manna, í þriðju umferð Skákþings Skagafjarðar og hefur 3 vinninga, en Baldvin og Hörður Ingimarsson, sem gerði jafntefli við Guðmund Gunnarsson, koma næstir með 2 vinninga.  Jón Arnljótsson vann Einar Örn Hreinsson og er fjórði með 1 og 1/2 vinning.  Í fjórðu og næstsíðustu umferð tefla Pálmi og Hörður, Baldvin og Jón og Guðmundur og Einar og stýra þeir fyrrtöldu hvítu mönnunum.

Heimasíða Skákfélags Sauðárkróks

Íslandsmót öldunga 65+ fer fram á laugardaginn

Íslandsmót öldunga  65 ára og eldri  verður haldið laugardaginn 25. nóvember  nk. í Ásgarði félagsheimili  FEB að Stangarhyl 4, Reykjavík. Eins og í fyrra standa skákklúbbar eldri borgara á Höfuðborgarsvæðinu  sameiginlega að mótshaldinu. Þetta er í fjórða sinn sem slíkt Íslandsmót með atskákarsniði er haldið í þessum elsta aldursflokki virkra  skákmanna. 

Tefldar verða 9 umferðir með tímamörkunum  10+5; þ.e. 10 mínútna umhugsunartíma á skákina plús 5 sekúndna viðbótartíma á leik. Fjórar umferðir verða tefldar fyrir hádegi en lokaumferðirnar fimm að loknu hádegisverðarhléi. 

     

Mótið hefst kl. 10 árdegis og lýkur um kl. 16.30  með verðlaunaafhendingu. 

Þátttökugjald er kr. 1.500 og innifelur kaffi og og með því meðan á mótinu stendur og pizzusneið/ar í hádeginu. Björgvin Víglundsson er núverandi Íslandsmeistari og  hefur unnið sæmdartitilinn "Íslandsmeistari 65 ár og eldri" í öll þrjú skiptin sem um hann hefur verið keppt.  

Aðalverðlaun mótsins er kr. 50.000 ferðastyrkur til þátttöku á skákmóti erlendis.  

Auk verðlaunagripa og peninga verða veitt vegleg bókaverðlaun og aldursflokkaviðurkenningar (65-70;  71-75; 76-80; 81 og eldri).    

Vænst er góðrar þátttöku  sem víðast hvar að af landinu. Skráning á tengli á www.skak.is ; eða með smáskilaboðum  í síma 690-2000. Annars gildir bara að mæta tímanlega á mótsstað. 

Mótsnefndina skipa þeir: Einar S. Einarsson, Finnur Kr. Finnsson og Garðar Guðmundsson.

Upplýsingar um þegar skráða keppendur má finna hér.