Skák.is

Færsluflokkur: Spil og leikir

3.10.2013 | 11:00

Gagnaveitumótið: Skákir sjöttu umferðar

Kjartan Maack hefur slegið inn skákir sjöttu umferðar Gagnaveitumótsins - Haustmóts TR sem fram fór í gær. Þær fylgja með sem viðhengi.

Sjöunda umferð fer fram á sunnudag og hefst kl. 14

Veljið skák (24 alls):

Spil og leikir | Breytt s.d. kl. 09:25 | Slóð | Facebook | Athugasemdir (0)

3.10.2013 | 10:00

Gallerý Skák: Dagur vann góðan sigur

Það var glatt á hjalla í Bolholtinu í síðustu viku þegar vetrardagskráin upphófst með fjörlegu 11 umferða "hvatskákmóti" þar sem tímamörkin eru 10 mínútur á skákina. Tuttugu skákgeggjarar á öllum aldri voru mættir til leiks að tefla sér til afþreyingar og hugarhægðar. Boðið var upp á hugræna atferlismeðferð yfir skákborðinu og áfallahjálp milli skáka eftir því þörf var á en flestir tóku úrslitunum vel og mættu sjálfsköpuðum örlögum sínum með jafnaðargeði þótt á móti blési.

Hinn ungi og bráðefnilegi Dagur Ragnarsson sýndi fljótt styrk sinn og leiddi mótið frá byrjun. Ljóst er að þar fer öflugur skákmaður sem kann ýmislegt fyrir sér enda fór svo að hann varð einn efstur með 10 vinninga. Hann hafði sér til fulltingis afa sinn Hermann Ragnarsson sem stappaði í hann stálinu eftir föngum og hvatti til dáða. Hinn hægláti Jon Olav Fivelstad var þó aldrei langt undan og náði öðru sætinu með 9.5 vinning sem verður að teljast vel af sér vikið, enda hefur Norðmönnum farið mikið fram í skákinni á síðustu árum. Gunni Gunn mátti hafa sig allan við að halda sér við toppinn og Ögmundur Kristinsson sýndi einnig að lengi lifir í gömlum glæðum. Aðrir mega muna sinn fífil fegri og hyggjast hefna harma sinna næst og þá verður ekkert gefið eftir og glatt í höllinni ef að líkum lætur.

Nánari úrslit má greina á meðf. mótstöflu ef vel er að gáð.

Mótin í Gallerýinu eru öllum opin og þar er blásið í herlúðra alla fimmtudaga kl. 18 svo nú fer mjög að styttast í þaðan heyrist vopnaglamur á ný þegar menn taka til við að vega hvern annan á hvítum reitum og svörtum í gustukaskyni sér og öðrum til skemmtunar þegar degi hallar.

Spil og leikir | Breytt s.d. kl. 08:41 | Slóð | Facebook | Athugasemdir (0)

3.10.2013 | 08:34

Davíð atskákmeistari Víkingaklúbbsins

Davíð Kjartansson varð á miðvikudagskvöldið þriðji atskákmeistari Víkingaklúbbsins. Mótið fór fram í Víkingsheimilinu og tóku nokkrir hraustir víkingar þátt. Nokkrir margir áhorfendur á foreldrafundi í Víkinni fylgdust með að áhuga. Keppt var með atskákfyrirkomulagi, en umhugsunartíminn var 15 mínútur á skák. Baráttan um meistaratignina stóð á milli Davíðs og Gunnars Freys sem mættust í hreinni úrslitaskák í síðustu umferð. Davíð lék ónákvæmt í byrjuninni og Gunnar stóð með pálmann í höndunum lengst af. Undir lokinn var Davíð kominn með vinningstöðu, en átti bara sjö sekúndur eftir klukkunni og margir leikir eftir í skákinni. Gunnar lék sig hins vegar í mát og Davíð fagnaði sigri. Stefán Þór náði bronsinu eftir mikla baráttu.

Heimasíða Víkingaklúbbsins

Spil og leikir | Slóð | Facebook | Athugasemdir (0)

2.10.2013 | 23:52

Sameining Taflfélags Akraness og Skákfélags Íslands

Tilkynning frá Taflfélagi Akraness og Skákfélagi Íslands.

Taflfélag Akraness hefur sameinast Skákfélagi Íslands þannig að Taflfélag Akraness gengur inn í Skákfélag Íslands. Skákfélag Íslands mun því tefla fram þremur sveitum í Íslandsmóti skákfélaga sem hefst í Rimaskóla þann 10. október nk., þ.e. í 2. deild, 3. deild og 4. deild. Sameiningin hefur engin áhrif á skipan liða í deildum Íslandsmóts skákfélaga.

Kristján Örn Elíasson og Gunnar Magnússon.

Spil og leikir | Breytt 3.10.2013 kl. 00:21 | Slóð | Facebook | Athugasemdir (0)

2.10.2013 | 23:42

Einar Hjalti efstur á Gagnaveitumótinu - Gylfi vann Jón Viktor

Það urðu óvænt úrslit í a-flokki Gagnaveitumótsins - Haustmóts TR sem fram fór í kvöld. Þar voru Akureyringar í aðalhlutverkum. Heiðursfélaginn, Gylfi Þórhallsson (2154), vann alþjóðlega meistarann Jón Viktor Gunnarsson (2409) og Stefán Bergsson (2131) gerði jafntefli við FIDE-meistarann Einar Hjalta Jensson (2305). Jón og Einar höfðu fullt hús fyrir umferðina.

A-flokkur:

Einar Hjalti er efstur með 5,5 vinning, Jón annar með 5 vinninga og Stefán Kristjánsson þriðji með 4,5 vinning efstur sigur á Degi Ragnarssyni (2040). Það stefnir því í æsispennandi lokaátök. Jón Viktor og Einar Hjalti mætast í sjöundu umferð sem fram fer á sunnudag.

B-flokkur:

Jón Trausti Harðarson (1930) og Ingi Tandri Traustason (1817) eru efstir með 5,5 vinning. Þeir unnu báðir

landsliðskonur í kvöld. Jón vann Hallgerði Helgu Þorsteinsdóttur (1920) og Ingi hafði betur gegn Jóhönnu Björg Jóhannsdóttur (1952). Þórir Benediktsson (1942) er þriðji með 4,5 vinning.

C-flokkur:

C-flokkurinn er gríðarlega jafn en þar munar aðeins einum vinningi á keppendum í 1. og 7. sæti. Sigurlaug R. Friðþjófsdóttir (1735) og Sigurjón Haraldsson (1846) er efst með 4 vinninga. Valgarð Ingibergsson (1892) og Elsa María Kristínardóttir (1787) koma næst með 3,5 vinning.

D-flokkur:

Haukur Halldórsson (1689) er efstur með 5 vinninga. Hilmir Hrafnsson (1351) og Ragnar Árnason (1537) koma næstir með 4,5 vinning.

Spil og leikir | Breytt s.d. kl. 23:54 | Slóð | Facebook | Athugasemdir (0)

2.10.2013 | 21:39

Vignir Vatnar, Dawid og Mikael Jóhann unnu

Vignir Vatnar Stefánsson (U10), Dawid Kolka (U14) og Mikael Jóhann Karlsson (U18) unnu sínar skákir í 4. umferð EM ungmenna sem fram fór í dag. Hilmir Freyr Heimisson (U14) gerði jafntefli. Vignir Vatnar hefur 3,5 vinning og er í 2.-9. sæti í sínum flokki. Óskar Víkingur Davíðsson (U8) og Dawid eru næstir Íslendinga með 2 vinninga.

Úrslit 4. umferðar:

Name	FED	Rtg	Result	Name	FED	Rtg
Haufe Laurin	GER	0	1 - 0	Davidsson Oskar Vikingur	ISL	1379
Ahmadzada Ahmad Samir	AZE	1661	0 - 1	Stefansson Vignir Vatnar	ISL	1782
Heimisson Hilmir Freyr	ISL	1742	½ - ½	Efimenko Aleksandr	RUS	1515
Steinthorsson Felix	ISL	1513	0 - 1	Komarov Ivan	RUS	0
Thorgeirsson Jon Kristinn	ISL	1824	0 - 1	Shapiro David	RUS	2071
Kolka Dawid	ISL	1666	1 - 0	Abdulla Murad	SCO	1833
Liu Dennis	FIN	1985	0 - 1	Karlsson Mikael Johann	ISL	2068
Magnusdottir Veronika Steinun	ISL	1577	0 - 1	Kakulidis Ellen	DEN	1600

Staða íslensku keppendanna:

SNo	Name	RtgI	Pts.	Rk.	Group
12	Davidsson Oskar Vikingur	1379	2.0	38	Open8
12	Stefansson Vignir Vatnar	1782	3.5	7	Open10
72	Heimisson Hilmir Freyr	1742	1.5	89	Open12
108	Steinthorsson Felix	1513	0.0	120	Open12
88	Thorgeirsson Jon Kristinn	1824	1.5	85	Open14
108	Kolka Dawid	1666	2.0	73	Open14
57	Karlsson Mikael Johann	2068	1.5	57	Open18
59	Magnusdottir Veronika Steinun	1577	0.0	64	Girls16

Mikael Jóhann teflir í flokki 18 ára og yngri, Jón Kristinn og Dawid í flokki 14 ára og yngri, Hilmir Freyr og Felix í flokki 12 ára og yngri, Vignir Vatnar í flokki 10 ára og yngri, Óskar Víkingur í flokki 8 ára og yngri og Veronika Steinunn í flokki stúlkna 16 ára og yngri. Fararstjórar og þjálfarar eru Helgi Ólafsson og Hjörvar Steinn Grétarsson.

Spil og leikir | Slóð | Facebook | Athugasemdir (0)

2.10.2013 | 20:08

Oleksienko efstur á Stórmeistaramóti TR

Úkraínski stórmeistarinn Mikhailo Oleksienko (2608) er efstur með fullt hús að lokinni annarri umferð Stórmeistaramóts - Haustmóts TR. Hann vann Braga Þorfinnsson (2483) í dag. Guðmundur Kjartansson (2434) vann Arnar E. Gunnarsson (2441) og Helgi Dam Ziska (2485) sigraði Þorvarð F. Ólafsson (2266). Henrik Danielsen (2501) og Sergey Fedorchuk (2667) gerðu örjafntefli.

Henrik, Federchuk og Simon Bekker-Jensen (2440) eru í 2.-4. sæti með 1½ vinning.

Þriðja umferð fer fram á morgun og hefst kl. 15. Þá mætast meðal annars landsliðsmennirnir Guðmundur - Henrik og Oleksenko - Bekker-Jensen.

Úrslit 2. umferðar

Bo.	Rtg		Name	Result		Name	Rtg
1	2483	IM	Thorfinnsson Bragi	0 - 1	GM	Oleksienko Mikhailo	2608
2	2420	IM	Bekker-Jensen Simon	½ - ½	FM	Bjornsson Sigurbjorn	2395
3	2441	IM	Gunnarsson Arnar	0 - 1	IM	Kjartansson Gudmundur	2434
4	2501	GM	Danielsen Henrik	½ - ½	GM	Fedorchuk Sergey A.	2667
5	2266		Olafsson Thorvardur	0 - 1	IM	Ziska Helgi Dam	2485

Spil og leikir | Slóð | Facebook | Athugasemdir (0)

2.10.2013 | 15:22

Önnur umferð Stórmeistaramóts TR hafin

Önnur umferð Stórmeistaramóts Taflfélags Reykjavíkur hófst kl. 15 í dag og eru skákir umferðarinnar sýndar beint.

Meðal viðureigna dagsins má nefna Henrik-Fedorchuk og Bragi-Olekseinko.

Viðureignir dagsins

Bo.	Rtg		Name	Result		Name	Rtg
1	2483	IM	Thorfinnsson Bragi		GM	Oleksienko Mikhailo	2608
2	2420	IM	Bekker-Jensen Simon		FM	Bjornsson Sigurbjorn	2395
3	2441	IM	Gunnarsson Arnar		IM	Kjartansson Gudmundur	2434
4	2501	GM	Danielsen Henrik		GM	Fedorchuk Sergey A.	2667
5	2266		Olafsson Thorvardur		IM	Ziska Helgi Dam	2485

Spil og leikir | Breytt s.d. kl. 15:21 | Slóð | Facebook | Athugasemdir (0)

2.10.2013 | 15:22

Gagnaveitumótið: Skákir fimmtu umferðar

Kjartan Maack hefur slegið inn skákir fimmtu umferðar Gagnaveitumótsins - Haustmóts TR. Þær fylgja með sem viðhengi.

Sjötta umferð fer fram í kvöld og hefst kl. 19:30.

Spil og leikir | Slóð | Facebook | Athugasemdir (0)

2.10.2013 | 15:06

Haustmót Skákfélags Akureyrar - Arionbankamótið

Skráning stendur nú yfir á haustmót SA, sem ber heiti Arion banka eins og í fyrra. Mótið hefst á morgun kl. 20.00.

Dagskrá verður sem hér segir:

Fimmtudagur 3. október kl. 20.00 1-2. umferð

Föstudagur 4. október kl. 20.00 3. umferð

Laugardagur 5. október kl. 13.00 4.umferð

Sunnudagur 6. október kl. 13.00 5. umferð

(Hlé vegna Íslandsmóts Skákfélaga)

Laugardagur 19. október kl. 13.00 6. umferð

Sunnudagur 20. október kl. 13.00 7. umferð

Fyrirkomulag mótsins er áformað þannig, að fyrst verða tefldar tvær atskákir, en síðan fimm skákir með umhugsunartímanum 60 mínútur á skákina, auk þess sem 30 sekúndur bætast við fyrir hvern leik. Þó áskilur mótsstjórn sér rétt til að gera á þessu fyrirkomulagi minniháttar breytingar ef nauðsyn muni krefjast þess þegar fjöldi þátttakenda liggur fyrir. Skráning er hjá formanni félagsins í askell@simnet.is, eða á skákstað, í síðasta lagi 15. mínútum fyrir upphaf fyrstu umferðar.

Þátttökugjald á mótið er kr. 3.000 fyrir félagsmenn, kr. 4.000 fyrir aðra. Eins og áður eru þeir unglingar sem greiða æfingagjald undanþegnir þátttökugjaldi. Peningaverðlaun verða veitt fyrir þrjú efstu sæti, auk einna stigaverðlauna.

Spil og leikir | Slóð | Facebook | Athugasemdir (0)

« Fyrri síða | Næsta síða »

Síðan

Skák.is

Skák.is, skákfréttavefur Íslands. Gunnar Björnsson er ritsjóri vefsins.

RSS-straumar

Erlendar vefsíður

Helstu erlendu fréttasíðurnar

Chessdom

Augnablik - sæki gögn...

Chess24

Augnablik - sæki gögn...

FIDE

Augnablik - sæki gögn...

Nýjustu færslur

Tenglar

Mót í gangi

Mót sem eru í gangi hverju sinni

Íslandsmótið í skák - Icelandic Open Valsheimilið, 1.-9. júní
Altibox Norway Chess 27. maí - 8. júní: Carlsen og flestir sterkustu skákmenn heims

Lykilvefir

Skáksamband Íslands Heimasíða SÍ
Mótaáætlun SÍ
Vefsvæði Friðriks Ólafssonar Vefsíða tileinkuð Friðriki Ólafssyni
Skákskóli Íslands
Skáksögufélagið
F3-klúbburinn Vildarvinir skákíþróttarinnar á Íslandi
Tímaritið Skák
Fischersetur Selfoss
Skákbækur til sölu
Bobbý skáksverslun
Skákhornið Spjallþráður skákmanna
Skáklandið Stefán Bergsson bloggar
Skákmyndir

Kennsluvefir

Íslensk taflfélög

Ef þú vilt tefla á netinu!

Erlendir skákvefir

FIDE Alþjóðlega skáksambandið
ECU
The Week in Chess
ChessBase
Chess Vibes
Chessdom
Your Chess News Umsjón Jóhann H. Ragnarsson
Bergens Schakklub Besta norræna skákfréttasíðan
Færeyska skáksambandið
Bloggsíða Susan Polgar
ChessCafe Pistlar og greinar

Færsluflokkur: Spil og leikir

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: