Stórsigur gegn Skotum - jafnt gegn Norðmönnum

Íslenska liðið í opnum flokki vann stórsigur, 3,5-0,5, á liði Skotland í fjórðu umferð EM landsliða sem fram fór í kvöld. Hannes Hlífar, Henrik og Guðmundur unnu allir en Héðinn gerði jafntefli. Liðið í kvennaflokki gerði 2-2 jafntefli við sveit Noregs. Lenka  og Tinna Kristín  unnu sínar skákir og virðast báðar vera í fantaformi. Hallgerður Helga og Jóhanna Björg töpuðu.

Íslenska liðið í opnum flokki hefur nú 3 stig og 8,5 vinning og er í 27. sæti. Liðið er efst Norðurlandanna.

Frakkar, sem unnu Tékka, eru efstir með 8 stig. Átta lið hafa 6 stig.

Íslenska liðið í kvennaflokki hefur 2 stig og 6 vinninga og er í 27. sæti. Pólverjar og Úkranínumenn eru efstir með 8 stig.

Karlaliðið mætir Pólverjum á morgun sem hafa meðalstigin 2637 (við höfum 2524) en kvennaliðið mætir sveit Ítalíu, sem hafa 2238 skákstig (við höfum 1993). Það verður því erfiður róður hjá báðum liðum á morgun.

• Heimasíða mótsins
• Chess-Results
• Beinar útsendingar
• Myndir frá fjórðu umferð (GB)

EM-pistill nr. 4: Kröftug mótmæli við skákstað

 

Það náðist mikilvægt stig í hús í gær hjá kvennaliðinu þegar það gerði 2-2 jafntefli við svissnesku sveitina. Tinna vann sína aðra skák. Strákarnir töpuðu með finnsta mun fyrir Póllandi „Goldies". Guðmundur Kjartansson vann sinn fyrsta sigur með íslenska a-landsliðinu.  Í dag tefla sveitirnar báðar við vel viðráðanlegar sveitir. Vonandi reynist þjóðhátíðardagur Pólverja okkur vel!

 

Viðureignir gærdagsins

Strax í upphafi fékk maður ekki góða tilfinningu. Hjörvar fékk upp skítastöðu sem hann tapaði örugglega  og enginn hinna með neitt að ráði.

Hannes fórnaði peði og þráskákaði skömmu síðar.  Henrik fékk ekkert útúr byrjuninni - lenti síðar í vandræðum og tapaði. Guðmundur var hins vegar maður dagsins þegar honum tókst að svíða jafnteflislegt endatafl.  Seigur strákurinn.

Stelpurnar áttu góða viðureign og fengu sitt fyrsta stig. Tinna vann góðan sigur en svolítil lukka yfir henni því andstæðingurinn lék af sér drottningu en þá var Tinna reyndar kominn með Tinnu-lega sóknarstöðu.

Jóhanna lék ónákvæmt en þegar það virtist vera að lifna yfir stöðunni lék hún aftur af sér og tapaði.

Lenka og Hallgerður gerðu jafntefli fremur örugglega. Gott jafntefli á móti sterkri sveit.

Viðureignir dagsins

Andstæðingar dagsins eru heldur viðráðanlegri í dag. Strákarnir tefla við Skota sem eru með næstlakasta lið mótsins sé miðað við skákstig. Aðeins Wales-arar hafa lakara lið. Þeir hafa meðalstigin 2305. Ég ræddi lítilsháttar við Alan Tate í gær sem sagðist hvíla. Hann horfði á mig flóttalegum augum og ég svaraði um hæl „I don´t beleive you". Enda var hann að blöffa. Hann teflir en Graham Morrison hvílir. Hjörvar tryggði sér einmitt stórmeistaratitilinn með sigri á Morrison á EM 2011 í Porto Carras.

Skotar eru yfirleitt með allt annað lið á EM en Ólympíuskákmótinu. Þeir fá takmarkaða fjármuni (3.000 pund) sem dugir ekki fyrir öllum kostnaði. Því hvíla þeirra allra sterkustu menn hér en tefla svo á Ól.  Meira eða minna sem liðið sem kemur frá þeim ár eftir ár á EM.

Héðinn kemur aftur inn en Hjörvar sem átti vonda skák í gær hvílir.

Okkur hefur gengið vel á móti Skotum á EM. Höfum mætt þeim fjórum sinnum (2001, 2003, 2009 og 2011) og ávallt unnið.  Nú síðast 4-0 í Porto Carras. Heildarstaðan er 12-4 okkur í vil. Aldrei tapast skák.

Okkur hefur ekki gengið jafn vel á móti þeim á Ólympíuskákmótinu en þar eru þeir yfirleitt mun sterkari.  Þar höfum við mætt þeim átta sinnum, unnið þá tvisvar, tapað einu sinni og gert fimm jafntefli.  Leiðum 17-15.

Kvennaliðið mætir sveit Noregs. Við erum lakari á pappírnum (eins og alltaf) enda höfum við stigalægsta liðin. Elsa hvílir.

Höfum meðalstigin 1993 á móti 2099 meðalstigum. Norðmenn eru með 29. sterkasta liðið af 32 svo við fáum ekki mikið meðfærilegra andstæðinga.

Höfum aldrei mætt þeim á EM og aðeins eini sinni á Ól. Það var árið 2002 og þá unnum við stórsigur 2,5-0,5. Helgi var þá liðsstjóri.

Toppbaráttan

Tékkar sem rétt mörðu okkur í fyrstu umferð og Frakkar eru efstir með fullt hús. Tékkar flengduTyrkina í gær, 3,5-0,5 og virðast til alls líklegir. Þetta er miklu leyti sama lið og vann EM taflfélaga mjög óvænt í Rhodos nýlega. Frakkar unnu Úkraínumenn í gær og héldu sínum rytma í gær. Það er að spila bridge og sötra rauðvín.

Rússar og Englendingar gerðu 2-2 jafntefli í hörkuviðureign. Jones yfirspilaði Morozevich, Svidler vann McShane og Adams klúðraði unninni stöðu niður í jafntefli gegn Grischuk.

Hollendingar eru í tómu basli. Í gær töpuðu þeir fyrir Ísrael þar sem Smeets tapaði fyrir Boruchovsky. Ísraelsmenn eru hins vegar stórhættulegir, tefla fram ungum og afar efnilegum skákmönnum. Ekki liðið sem menn vilja fá.

Armenar, Pólverjar og Úkraínukonur leiða í kvennaflokki.

Norðurlandamótið

Það gekk hræðilega hjá Norðurlöndunum í gær og allar sveitirnar töpuðu. Serbar rassskelltu Svía 3,5-0,5. Finnar töpuðu fyrir Topalov-lausum Búlgörum með sama mun. Danir lágu fyrir Hvíta-Rússlandi 1-3 og Norðmenn töpuðu fyrir Sviss með minnsta mun.

Norrænu sveitirnar raða sér í neðstu sætin. Danir eru efstir með 2 stig, en við Svíar og Finnar höfum 1 stig. Norðmenn reka lestina með 0 stig.

Danir fá svo Hollendinga, sem hvíla Smeets, sem hefur átt vont mót en Norðmenn tefla við Wales.

Norðurlandaþjóðirnar fimm raða sér á sex neðstu borðin í umferð dagsins og eru öll í „gúanóinu".  Í gúanóinu má í kvöld m.a. sjá menn eins og Topalov, Caruana og Giri. Þeir fyrstnefndu tefla saman.

Í kvennaflokki raða norrænu þjóðirnar sér í 27.-29. sæti. Norðmenn hafa 2 stig en við og Finnar höfum 1 stig.

Mótmæli!

Í dag er þjóðhátíðardagur Pólverja. Hann er notaður á allt annan hátt en á Íslandi. Pólverjar safnast saman og mótmæla í miðbæ Varsjár.  Sigurbjörn Björnsson lýsir þessu svo á Facebook

Á þessum degi er hefð fyrir því að þeir sem eru yst til hægri og yst til vinstri marseri um götur Varsjár og svo er að hefjast loftlagsráðstefna á vegum Sameinuðu Þjóðanna í Varsjá í dag og eru aðgerðarsinnar að þramma um borgina af því tilefni. Þið gerið ykkur vonandi grein fyrir því að Þjóðhátíðardagur Póllands er í dag vegna þess að fyrri heimsstyrjöldinni lauk á þessum degi 1918.

Töluverð læti voru fyrir fram hótelið í dag, sprengingar, hávaði, sírenuvæl og auk þess sem þyrlur sveimuðu yfir. Reykmettað loft.

Við Róbert ákvæðum að taka virkan þátt, keyptum okkur fána, og mótmæltum því að Íslendingar væru ekki efstir Norðurlandanna á EM.

Þegar við komum aftur inn á hótelið átti ekki að hleypa okkur inn þar sem við vorum taldir pólskir mótmælendur. Beðnir margfaldar afsökunar þegar í ljós kom hverjir voru þarna á ferðinni. Við Robbi hlógum alla leiðina upp á herbergi.

Mótið

Allt gengur sinn vanagang. Ég, Róbert og Omar tókum smá fund í dag og vorum að velta fyrir okkur mótinu 2015. Alls konar hugmyndir koma upp hvernig hægt sé að gera hlutina sem best á Íslandi.  Það má margt læra af Pólverjunum. Við stefnum á að ná fundi með pólversku mótshöldurunum þegar lengra líður á mótið.

Omar og Róbert telja skákstjóra heldur of fáa hér og sennilega þurfi um 20 dómara á Íslandi. Það verður þó betra í Höllinni þegar við verðum í einum sal.

Við höfum rekið okkur á að pörunin getur stundum verið sein. Nú er komin ástæða þess.  Forritið Swiss-Manager hefur ekki það sem til þarf til að raða skv. reglum ECU. Því þarf að handraða.

Tomak Sileck, sagði mér í dag að álagið á netþjóna ykist og ykist og í gær bættu þeir við fjórum netþjónum. Eitthvað sem við þurfum að spá í fyrir 2015-mótið

Engir skákblaðamenn eru sjáanlegir á skákstað. Það má væntanleg rekja til heimsmeistaraeinvígisins í Chennai. Hér er þó teflt að meira krafti en þar!

Nóg í bili.

Kveðja frá Varsjá,
Gunnar

• Heimasíða mótsins
• Chess-Results
• Beinar útsendingar
• Myndir frá fjórðu umferð (GB)

Viðureignir dagsins: Skotland og Noregur

Fjórða umferð EM landsliðsa hefst í dag kl. 16 eða tveimur tímum síðar en vanalega. 

Viðureignir dagsins:

Hjörvar Steinn hvílir hjá strákunum. Skotarnir hvíla fyrsta borðs manninn FIDE-meistarann Graham Morrison (2351).

Opinn flokkur:

Bo.	37	SCOTLAND	Rtg	-	28	ICELAND	Rtg	0 : 0
17.1	IM	MUIR, Andrew J	2312	-	GM	STEINGRIMSSON, Hedinn	2543
17.2	FM	TATE, Alan	2299	-	GM	STEFANSSON, Hannes	2539
17.3		GRANT, Jonathan I M	2257	-	GM	DANIELSEN, Henrik	2502
17.4		MINNICAN, Alan	2135	-	IM	KJARTANSSON, Gudmundur	2455

Kvennaflokkur:

Elsa María hvílir hjá stelpunum. Norðmennirnir hvíla annað borðs manninn Sheila Barth Sahl (2233) sem hefur engan veginn náð sér á strik.

Bo.	32	Iceland	Rtg	-	29	Norway	Rtg	0 : 0
14.1	WGM	Ptacnikova, Lenka	2238	-	WGM	Dolzhikova, Olga	2198
14.2		Thorsteinsdottir, Hallgerdur	1951	-		Gronnestad, Anita	1958
14.3		Johannsdottir, Johanna Bjorg	1901	-		Machlik, Monika	1936
14.4		Finnbogadottir, Tinna Kristin	1882	-		Reppen, Ellisiv	2008

• Heimasíða mótsins
• Chess-Results
• Beinar útsendingar
• Myndir frá þriðju umferð (GB)

Atskákmót Reykjavíkur - atskákmót GM Hellis fer fram í kvöld

Atskákmót Reykjavíkur sem jafnframt er atskákmót GM Hellis fer fram mánudaginn 11. nóvember.  Mótið fer fram í félagsheimili GM Hellis, Álfabakka 14a í Mjódd. Tefldar verða 6 umferðir með Svissnesku-kerfi og hefur hvor keppandi 15 mínútur á skák. Mótið hefst kl. 19:30.

Verði tveir jafnir í baráttunni um annanhvorn titilinn verður teflt tveggja skáka hraðskákeinvígi. Verði jafnt að því loknu verður tefldur hraðskákbráðabani. Verði fleiri en tveir jafnir verður tefld einföld umferð, hraðskák. Verði enn jafnt, þá bráðabani.  

Núverandi atskákmeistari Reykjavíkur er Arnar Gunnarsson og atskákmeistari Hellis er Vigfús Ó. Vigfússon.

Verðlaun:

1. 15.000

2. 7.500 

3. 4.000

 Þátttökugjöld:

16 ára og eldri: 1000 kr

15 ára og yngri: 500

EM: Skotland og Noregur á morgun

Þá liggur fyrir röðun í fjórðu umferð EM landsliða sem fram fer á morgun. Liðið í opnum flokki mætir sveit Makedóníu. Íslenska liðið er töluvert sterkara en það skoska - hefur meðalstigin 2524 á móti 2305.  Stelpurnar fá Norðmenn sem hafa meðalstign 2099 á móti 1993 meðalstigum okkar liðs.

Tékkar og Frakkar hafa fullt hús stiga í opnum flokki Ungverjar, Georgíumenn, Grikkir, Armenar og Aserar hafa 5 stig. Ísland hefur 1 stig og 5 vinninga og er í 32. sæti og er næstefst Norðurlandanna sem flest hafa byrjað illa á mótinu.

Armenar, Pólverjar og Úkraínukonur eru efstar í kvennaflokki með fullt hús stiga. Íslenska liðið er í 28. sæti með 1 stig og 4 vinninga og er einnig næstefst Norðurlandanna.

Nánari umfjöllun um stöðu mála í pistli á morgun.

• Heimasíða mótsins
• Chess-Results
• Beinar útsendingar
• Myndir frá þriðju umferð (GB)

Skákþáttur Morgunblaðsins: Hjörvar Steinn á eftir að vinna marga sigra á komandi árum

Nýjasti stórmeistari Íslendinga, Hjörvar Steinn Grétarsson, sem er aðeins tuttugu ára gamall, er glæsilegur ungur maður sem mun án efa vinna mörg glæsileg afrek á næstu árum. Þá fjallgrænu vissu byggir undirritaður á meira en tíu ára samvinnu. Metnaður Hjörvars hefur alltaf verið til staðar auk mikils baráttuvilja sem er sennilega mikilvægasti eiginleiki sem nokkur skákmaður getur haft. Auðvitað getur hann bætt sig á ýmsum sviðum en það á nú við flesta. Á EM taflfélaga á Rhodos tefldi Hjörvar Steinn á 2. borði fyrir enska klúbbinn Jutes of Kent og náði lokaáfanganum. Félag Hjörvars hér heima, Víkingaklúbburinn, sendi einnig sveit á þetta Evrópumót en báðar þessar sveitir áttu erfitt uppdráttar en mótið er skemmtileg blanda af áhugamönnum og öflugum stórmeisturum.

Fyrri áfanginn í Porto Carras í Grikklandi haustið 2011 reiknast tvöfaldur vegna sérstakra ákvæða FIDE varðandi titilumsóknir en þar er gert ráð fyrir a.m.k. 24 skákum tefldum. Það var aðeins tímaspursmál hvenær Hjörvar myndi ná lokaáfanganum en nokkuð er um liðið síðan hann skipaði sér í flokk með bestu skákmönnum þjóðarinnar. Hann mun tefla á 3. borði fyrir Íslands hönd á Evrópumótinu í Varsjá.

Og þá er það spurningin um skákstílinn. Sé litið yfir skáksöguna og frægustu meistara hennar eiga þeir það sameiginlegt að hafa snemma fundið sinn stíl - og skákstíllinn endurspeglar persónuleikann. Þetta átti a.m.k. við um þá tóku út skákþroska sinn fyrir daga tölvutækninnar, sem hefur gerbreytt landslagi skákarinnar. Í Time á dögunum gaf Garrí Kasparov þá athyglisverðu lýsingu á stíl Magnúsar Carlsen að hann væri byggður á innsæi. Stíll Hjörvars er býsna dýnamískur og hann tekur oft áhættu til að halda vinningsmöguleikum opnum. Í eftirfarandi skák, sem hann vann gegn þekktum rússneskum stórmeistara í fyrra, komu þessir þættir fyrir:

Ortisei, Ítalíu 2012

Mikhael Ulibin - Hjörvar Steinn Grétarsson

Nimzoindversk vörn

1. d4 Rf6 2. c4 e6 3. Rc3 Bb4 4. f3 0-0

Víkur strax frá algengari leiðum, 4.... d5 eða 4.... c5.

5. a3 Bxc3+ 6. bxc3 Re8 7. e4 b6 8. Bd3 Ba6 9. Rh3 Rc6

Hyggst ráðast gegn c4-peðinu með - Ra5 og jafnvel - Rd6.

10. e5 Dh4+ 11. Rf2 Ra5 12. De2 c5 13. 0-0 cxd4 14. Re4 f5 15. exf6 gxf6

15.... Rxf6 má svara með 16. Bg5 Dg5 17. Bxf6 og 18. cxd4.

16. g3 Dh5 17. g4 Dh4 18. Bd2?!

Fyrsti ónákvæmi leikur hvíts. Sjálfsagt var 18. cxd4 Rb3 19. Hb1 Rxd4 20. Dd1 og hvítur hefur góðar bætur fyrir peðið. Hér er 18.... Rb3 sennilega best en Hjörvar velur lakari leik.

18.... Hc8 19. cxd4 Rxc4 20. d5?!

Lítur vel út en traustara var 20. Bf4 og hvítur má vel við una.

20.... exd5 21. Rc3 Bb7 22. Bf4 Rg7 23. Bxc4?

Aftur ónákvæmni. Staðan er í járnum eftir 23. Rb5.

23.... Hxc4 24. Dd2 Re6 25. Bd6 Hfc8

Vegna yfirráða eftir c-línunni hefur svartur nú sterkt frumkvæði.

26. Rxd5 Hc2 27. Re7+ Kf7 28. De1

Komist hvíti riddarinn til f5 á hvítur enn von. En næsti leikur kom Ulibin í opna skjöldu.

28.... Dxg4+!

Með hugmyndinni 29. fxg4 Hg2+ 30. Kh1 Hxg4 og mátar.

29. Dg3 Dxg3+ 30. hxg3 H8c3 31. Rf5 Bxf3 32. Rh4 Rg5!

Hótar máti með 33.... Rh3. Ef 34. Rxf3 Rxf3+ kemur 35.... Hh2 sem er „arabískt mát".

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 3. nóvember 2013.

Skákþættir Morgunblaðsins

EM: Jafntefli gegn Sviss og tap fyrir Pólverjum

Íslenska liðið í opnum flokki tapaði 1,5-2,5 fyrir þriðja liði heimamanna á EM landsliða en þriðja umferð fór fram í kvöld í Varsjá. Liðið ber nafnið Pólland "Goldies" og er skipað sterkum skákmönnum sem eru hættir atvinnumennsku. Guðmundur Kjartansson vann góðan sigur - hans fyrsti sigur með íslenska landsliðinu, Hannes Hlífar Stefánsson gerði jafntefli en Hjörvar Steinn Grétarsson og Henrik Danielsen töpuðu.

Kvennaliðið gerði 2-2 jafntefli gegn liði Sviss. Tinna Kristín Finnbogadóttir vann, Lenka Ptácníková og Hallgerður Helga Þorsteinsdóttir gerðu jafntefli en Jóhanna Björg Jóhannsdóttir tapaði.

Bæði íslensku liðin hafa 1 stig.

Frakkar sem unnu Úkraínu og Tékkar sem véluðu Tyrki eru með fullt hús stiga í opnum flokki. Rússar máttu teljast heppnir að sleppa 2-2 gegn Englendingum. Ísraelsmenn unnu óvæntan sigur á Hollendingum.

Umferðin var ekki umferð Norðurlandanna sem töpuðu öll.

Nánari frétt síðar í kvöld.

Vakin er athygli á því að umferðin á morgun byrjar tveimur tíðar síðar en venjulega eða kl. 16 þar sem þjóðhátíðardagur Pólverja er á morgun.

• Heimasíða mótsins
• Chess-Results
• Beinar útsendingar
• Myndir frá þriðju umferð (GB)

EM-pistill nr. 3 - Lenka vann Evrópumeistarann!

Íslenska liðið í opnum flokki gerði 2-2 jafntefli við finnsku sveitina í gær. Hannes Hlífar vann góðan sigur á öðru borði en hefur gengið vel á móti finnskum skákmönnum síðustu misseri. Virðist Finna sig vel á móti finnum. Lenka var hetja dagsins en hún hann Evrópumeistara kvenna í mjög vel tefldri skák. Í dag eru það þriðja lið Pólland og Svisslendingar. Hallar á stigalega í báðum viðureignum.

Viðureignir gærdagsins

Héðinn var fyrstur að klára í gær. Hann fékk ekkert útúr byrjuninni og smá saman hallaði á hann og tap staðreynd. Engu að síður bundum við vonir um sigur í viðureigninni. Hannes hafði unnið og Hjörvar vænlegt tafl. Hannes vann en Hjörvar náði ekki að kreista fram vinning þrátt fyrir ríflega 100 leikja skák. Henrik gerði öruggt jafntefli á fjórða borði með svörtu. 2-2 staðreynd. Ásættanleg úrslit en að sjálfsögðu var stefnt á sigur enda heldur sterkari.

Hjá stelpunum var það fljótlega ljóst að Tinna myndi tapa - fékk fljótt skítastöðu. En allar hinar skákirnar litu vel. Hallgerður lék af sér skákinni niður í tap í einum leik peði yfir þegar henni yfirsást 29. He8+! Elsa María vann peð í  byrjuninni en andstæðingurinn hafði hættulegt frípeð. Elsu yfirsást riddara-fitta en þess má geta 46...f4! hefði unnið skákina þar sem þá eru e3 og g3-reitirnir valdaðir. Stelpurnar drullusvekktar eftir viðureignina en fyrirfram hefði 1 vinningur þótt ásættanlegur. Lukkan ekki með okkur í liði.

Viðureignir dagsins

Í dag eru það þriðja lið Pólland í opnum flokki. Liðið ber nafnið Pólland Goldies. Í liðinu eru skákmenn sem hafa lagt atvinnumennsku á hilluna. Sjálfur man ég vel eftir Gdanski sem teflir við Henrik í dag. Hann var oft andstæðingur Þrastar á unglingamótum hér áður fyrr og iðulega meðal efstu manna.  Pólski fyrrverandi forseti pólska skáksambandsins, sem á mestan heiður að fá mótshaldið til Varsjár, Tomek Silicka, sagði að þetta lið skipuðu „amatörar"! Held að það sé hæpin nálgun því þetta er stórhættulegt lið með þrautreynda skákmenn og fyrrum landsliðsmenn innanborðs.

Guðmundur kemur aftur inn en Héðinn hvílir.

Við höfum aðeins einu sinni mætt Pólverjum á EM. Það var árið 2007 en þá vann íslenska liðið mjög óvæntan  3-1 sigur á Pólverjum sem var mun stigahærra á öllum borðum en við. Þá var ég liðsstjóri liðsins. Hannes, Héðinn og Stefán Kristjánsson unnu en Henrik tapaði. Ég minnist þess að Áskell Örn hafi sagt á Horninu að þetta væru ein bestu einstöku úrslit sem íslenskt lið hafi náð.  Sjá pistil frá 2007.

Við höfum mætt Pólverjum tíu sinnum á Ólympíuskákmóti á tímabilinu 1930-1986. Með liðinu 1930 þá tefldu meðal annars Tartakower og Rubenstein! Sú viðureign tapaðist 0-4. Þar hallar verulega á okkur. Staðan er 14-26. Við höfum unnið tvær viðureignir en höfum tapað fimm. Þrjú jafntefli.

Kvennaliðið, sem teflir á sína þriðja EM-móti, mætir Svisslendingum í þriðja skipti! Þær eru haldir sterkari en við og veikasta sveitin sem höfum hingað til fengið. Jóhanna kemur aftur inn en Elsa hvílir.

Töpuðum fyrir þeim 0,5-1,5 árið 2001 (þá aðeins teflt á tveimur borðum) og töpuðum aftur 1,5-2,5 árið 2005. Höfum teflt við þá fimm sinnum á Ólympíuskákmótum. Þar höfum við unnið þær þrisvar en tapað tvisvar.

Toppbaráttan

Það urðu verulega óvænt úrslit í gær þegar Tyrkir unnu Rússa með 2,5-1,5. Grikkir unnu svo Englendinga örugglega 3-1. Til fullkomna ólán þessara liða sem bæði eru fyrrverandi Evrópumeistarar mætast þau í dag!

Hitti Nigel Short í lyftunni í dag sem sagðist vera að upplifa Deja Vu. Á EM 2011 töpuðu einmitt Englendingar fyrir Grikkjum í 2. umferð og mættum Armenum í þeirri þriðua. Nigel Short sagði lessíuna - ekki tapa fyrir Grikkjum!

Englendingar eru með fimmta stigahæsta liðið. Frakkar og Úkraínumenn mætast á efsta borði.

Fimm lið hafa fullt hús stiga en auk Frakka og Úkraínumanna eru það Tékkar, Grikkir og Tyrkir.

Í kvennakeppninni hafa sjö lið enn fullt hús stiga og þar á meðal tvö pólsk lið.

Norðurlandamótið

Danir, sem unnu Belga, leiðir Norðurlandamótið með 2 stig. Við, Svíar og Finnar höfum 1 stig. Norðmenn reka lestina - ekki enn komnir á blað.

Í gúanóinu (borð 12-19) er nú allar norrænu sveitirnar !

Finnar eru efstir í kvennakeppninni með 1 stig. Við og Norðmenn eru ekki komnir á blað.

Mótshaldið

Íslensku fulltrúarnir erum óðum að ná sinni rútínu. Á svona mótum verða allir dagar eins hvort sem er að ræða helgi eða virka daga.

Dagurinn á morgun verður þá öðruvísi en þá verður þjóðhátíðardagur Pólverja. Skrýtin þjóðhátíðardagur en mér skilst að Pólverjar noti til móttæla! Það komu tilmæli frá yfirdómara til keppenda að vera ekki úti eftir kl. 13 á morgun. Við Davíð stefnum ótrauðir út!

Verður fróðlegt að fylgjast með en við erum hér í miðbæ Varsjár. Umferðin á morgun byrjar tveimur tímum síðar en vanalega eða kl. 16 að íslenskum tíma.

Einhverjum vandræðum voru mótshaldarar í gær með pörunina en hún skilaði sér þó fyrir rest. Róbert sagði mér að skákstjórnin væri farin að róast og hlutirnir að komast í fastari skorður hjá þeim.

Ég sjálfur lenti í smávandræðum að komast inn í skáksalina í gær. Skákstjórarnir eru orðnir strangari og sumir full strangir enda sumir reynslulitlir á stærri mótum (á engan við þá Omar og Róbert).  Ég er búinn að verða mér útum betri aðgang og á nú að geta komist inn í skáksalina án þess að eiga hættu á því að vera rekinn út.

Rólegt er á hótelinu og keppendur lítið á hótelbarnum. Frakkarnir sitja þó þar á kvöldin, sötra rauðvín, og spila Bridge sýnist mér.

Í gær var hér diskótek hér í gær og voru víst sumir þar í stuði.

Mótið hér virðist vekja töluvert athygli og hér má sjá pólska ríkissjónvarpið á hverjum degi. Í dag var tekið viðtal við áðurnefndan Tomek Silecki og í gær við Aronian.

Skákkennsla er einnig á staðnum. Pólverjarnir eru að sstanda sig vel.

Skák.is

Áhorfið á Skák.is var mikið í gær. Stærsti dagurinn á Skák.is þar síðan 27. febrúar sl. sem var lokadagur Reykjavíkurskákmótsins. Kemur ekki á óvart í ljósi EM og Heimsmeistaraeinvígisins.

Nóg í bili.

Kveðja frá Varsjá,
Gunnar

Heimsmeistaraeinvígið: Annað tilþrifalítið jafntefli

Annarri einvígisskák Anand (2775) og Carlsen (2775) lauk með jafntefli í aðeins 25 leikjum í fremur tilþrifalítilli skák. Staðan er því 1-1. Frídagur er á morgun.

Þriðja skák einvígisins verður tefld á þriðjudag og hefst kl. 9:30. Þá hefur Carlsen hvítt.

• Vefsíða mótsins
• Bein útsending á vefsíðu mótsins
• Verdens Gang
• Chessbomb

EM landsliða: Viðureignir dagsins

Þá er liðsuppstilling dagsins tilbúin. Héðinn Steingrímsson hvílir í opnum flokki en Elsa María Kristínardóttir í kvennaflokki.

Opinn flokkur:

Bo.	28	ICELAND	Rtg	-	24	POLAND GOLDIES	Rtg	0 : 0
13.1	GM	STEFANSSON, Hannes	2539	-	GM	TAZBIR, Marcin	2555
13.2	IM	GRETARSSON, Hjorvar Steinn	2511	-	GM	BULSKI, Krzysztof	2538
13.3	GM	DANIELSEN, Henrik	2502	-	GM	GDANSKI, Jacek	2518
13.4	IM	KJARTANSSON, Gudmundur	2455	-	IM	MASTERNAK, Grzegorz	2333

Kvennaflokkur:

Bo.	26	Switzerland	Rtg	-	32	Iceland	Rtg	0 : 0
16.1	WIM	Seps, Monika	2260	-	WGM	Ptacnikova, Lenka	2238
16.2	WIM	Heinatz, Dr. Gundula	2169	-		Thorsteinsdottir, Hallgerdur	1951
16.3	WFM	Stoeri, Laura	2102	-		Johannsdottir, Johanna Bjorg	1901
16.4	WFM	De Seroux, Camille	2066	-		Finnbogadottir, Tinna Kristin	1882

• Heimasíða mótsins
• Chess-Results
• Beinar útsendingar
• Myndir frá annarri umferð (GB)