Hannes vann í þriðju umferð

Stórmeistarinn Hannes Hlífar Stefánsson (2536) hefur 2 vinninga að loknum þremur umferðum á Czech Open. Hann vann í þriðju umferð, sem fram fór í gær, en tapaði í annarri umferð.  FIDE-meistarinn Tómas Björnsson (2144) hefur átt gott mót og gert jafntefli við þrjá skákmenn með meira en 2300 skákstig.

Í fjórðu umferð, sem fram fer í dag, tefla þeir  við skákmenn á stigabilinu 2343-2375.

Þrjú íslensk systkini tefla í d-flokki. Þar er lokið tveimur umferðum. Það eru Björn Hólm (1607), Bárður Örn (1542) og Freyja (1000) Birkisbörn. Björn hefur 2 vinning, Birkir 1,5 vinning og Freyja hefur 1 vinning.

Alls taka 255 skákmenn frá 28 löndum þátt í efsta flokki mótsins. Þar af eru 34 stórmeistarar. Hannes er nr. 10 í stigaröð keppenda.

• Heimasíða mótsins
• Chess-Results
• Beinar útsendingar (hefjast kl. 13)

 

Ólympíufarinn: Omar Salama

Í dag kynnum við til leiks nýjasta Íslendinginn Omar Salama, sem verður einn fimm íslenskra skákdómara á Ólympíuskákmótinu.

Nafn

Omar Salama

Taflfélag

Utan félaga

Staða

Skákstjóri.

Hvenær tókstu fyrst þátt á Ólympíuskákmót og hversu oft hefur þú tekið þátt?

Þetta er í þriðja skipti.

Minnisstæðasta atvik á Ólympíuskákmóti?

I have 2 incidents one as an arbiter and one as a team captain: I remember one of the arbiters in Istanbul 2012 walking Judit Polgar throught the whole playing room to check if she has a correct 3 fold repetition claim or not before move 30, that annoyed her so much and made her so much angry, but everyone else felt that it was funny.  Another incident when I was team captain in Dresden 2008, after the chief arbiter published the board pairings for round two (at 10 am as usually)  and I started preparing the players individually for the opponents, and while we were having lunch we got to know that they have changed the pairings. The team compositions have not been received from some hotels so automatically the chief arbiter published the first 4 players from every team. And in our case we were playing Italy and board 1 by them was to get a rest day, so it has changed the whole 4 opponents just almost 1 hour before the start of the round, If you want to see the result of the match you can check it on chess-results, (but I dont recommend you to do this ) :)

Hverjar eru þínar væntingar/vonir um gengi íslensku liðanna?

Ég er bjartsýnn fyrir bæði liðin. Ég get ekki séð hvar okkur er raðað ég giska á karlaliðið endi í 25.-35. sæti en kvennaliðið í 35-45 sæti.

Hverju spáir þú fyrir um sigurvegara?

Aserbaídsjan- Rússland.

Hver er/verður þinn undirbúningur fyrir Ól?

Skákstjóranámskeið sem verður hér í lok júlí.

Hefurðu áður teflt fyrir norðan heimskautsbaug?

Nei

Eitthvað að lokum?

Ég treysti Norðmönnum að halda frábært Ólympíumót í Noregi og hlakka til að fylgjast með FIDE kosningunum á staðnum :)

Stofnaður hefur verið sér færsluflokkur á Skák.is þar sem haldið er utan um allar fréttir tengdar Ólympíuskákmótinu í Tromsö og FIDE-kosningunum.

Skákþáttur Morgunblaðsins: Hitað upp fyrir ólympíumótið í Tromsö

Íslensku sveitinni, sem teflir í opnum flokki ólympíumótsins í Tromsö í Noregi sem hefst í byrjun ágúst, er raðað í 43. sæti á styrkleikalistanum en sveitina skipa í stigaröð greinarhöfundur, Hjörvar Steinn Grétarsson, Hannes Hlífar Stefánsson, Guðmundur Kjartansson og Þröstur Þórhallsson. Liðsstjóri er Jón L. Árnason. Sem einvaldur tók hann að sér að velja hópinn en aðeins sæti Íslandsmeistarans er tryggt samkvæmt lögum Skáksambandsins. Tvær breytingar hefur Jón gert á hópnum frá því í Istanbúl 2012.

Kvennaliðið er eins skipað skipað og í Istanbúl: Lenka Ptacnikova, Hallgerður Helga Þorsteinsdóttir, Tinna Kristín Finnbogadóttir, Jóhanna Björg Jóhannsdóttir og Elsa María Kristínardóttir munu tefla fyrir Íslands hönd. Liðsstjóri er Ingvar Jóhannesson.

Fimm sterkustu þjóðirnar í opna flokknum eru Rússar, Úkraínumenn, Frakkar, Ungverjar og Bandaríkjamenn.

Mikil athygli beinist að norsku sveitinni sem skartar heimsmeistaranum Magnúsi Carlsen á 1. borði. Aðrir í sveitinni eru Simen Agdestein, Jon Ludwig Hammer, Leif Erlend Johannessen og Kjetil Lie. Sveitin er í 15. sæti í styrkleikaröðinni. Nær allir bestu skákmenn og -konur heims taka þátt í þessu móti.

Tromsö er jafnframt vettvangur kosningar til forseta FIDE en Garrí Kasparov sækir hart að Kirsan Iljumzhinov sem setið hefur í tæplega 20 ár. Staðan mun vera tvísýn en Kasparov nýtur stuðnings allra Norðurlandaþjóðanna.

Undanfarið hafa fjölmörg skákmót verið haldin víða sem varða beint val á landsliðum líkt og Skákþing Íslands í vor. Þess utan hafa menn og konur verið að undirbúa sig hver í sínu horni. Okkar öflugasta skákkona; Lenka Ptacnikova, situr þessa dagana að tafli í Plovdiv í Búlgaríu á Evrópumóti kvenna. Eftir fimm umferðir er hún í námunda við toppinn með þrjá vinninga. Keppendur eru 116 talsins. Taflmennska hefur verið frískleg sbr. eftirfarandi sigur í 3. umferð:

Lenka Ptacnikova - Svetla Jordanova (Búlgaríu)

Enskur leikur

1. c4 Rf6 2. g3 c5 3. Bg2 d5 4. cxd5 Rxd5 5. Rc3 Rc7 6. Rf3 Rc6 7. 0-0 e5 8. b3 Be7 9. Bb2 0-0 10. Re1 Bd7 11. Rd3 f6 12. f4 exf4 13. Rxf4 Kh8 14. e3 De8 15. Hc1 Hd8 16. Re4 b6 17. g4!?

Þessu peði er falið stórt hlutverk eftir byrjun sem telja má hefðbundna.

17.... Re6 18. Rd5 Re5 19. g5 Rd3 20. gxf6 Rxb2 21. Dc2!

21. fxe7 er freistandi en gengur ekki einfaldlega vegna 21.... Rxd1 og þegar allt verður talið hefur svartur hagnast á þeim vopnaviðskiptum.

21.... Bb5 22. fxe7 Hxf1+ 23. Bxf1 Hxd5 24. Bxb5 Dxb5 25. Dxb2 De8 26. b4!

Á meðan svartur er enn að kljást við e7-peðið er rétti tíminn að opna línur á drottningarvæng.

26.... Dxe7 27. bxc5

Svartur getur haldið í horfinu með því að leika 27.... bx45 eða 27.... Rxc5. En vegna þess hversu liðfár hvítur er á kóngsvæng rær búlgarska stúlkan á önnur mið.

27.... Rg5?

28. cxb6!

Krókur á móti bragði. Nú strandar 28.... Rxe4 á 29. Hc8+ Hd8 30. De5! með vinningsstöðu.

28.... Rh3+ 29. Kf1 Hf5+ 30. Ke2 axb6 31. Hc8+ Hf8 32. De5! Rg1+ 33. Kd1 Df7 34. Hxf8+ Dxf8 35. Rd6 Df3+ 36. Kc2 Dc6+ 37. Dc3 Da4+ 38. Db3 Dc6+ 39. Dc4 Dxc4+

Fær ekki lengur forðast drottningaruppskiptin sem tryggja sigur Lenku.

40. Rxc4 Rf3 41. Rxb6 Kg8 42. a4!

- og svartur gafst upp.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Laugardagsmogganum, 12. júlí 2014

Skákþættir Morgunblaðsins

[Event "European Individual Women's Championship"] [Site "Plovdiv BUL"] [Date "2014.07.08"] [EventDate "2014.07.06"] [Round "3.40"] [Result "1-0"] [White "Lenka Ptacnikova"] [Black "Svetla Yordanova"] [ECO "A34"] [WhiteElo "?"] [BlackElo "?"] [PlyCount "83"] 1. c4 Nf6 2. g3 c5 3. Bg2 d5 4. cxd5 Nxd5 5. Nc3 Nc7 6. Nf3 Nc6 7. O-O e5 8. b3 Be7 9. Bb2 O-O 10. Ne1 Bd7 11. Nd3 f6 12. f4 exf4 13. Nxf4 Kh8 14. e3 Qe8 15. Rc1 Rd8 16. Ne4 b6 17. g4 Ne6 18. Nd5 Ne5 19. g5 Nd3 20. gxf6 Nxb2 21. Qc2 Bb5 22. fxe7 Rxf1+ 23. Bxf1 Rxd5 24. Bxb5 Qxb5 25. Qxb2 Qe8 26. b4 Qxe7 27. bxc5 Ng5 28. cxb6 Nh3+ 29. Kf1 Rf5+ 30. Ke2 axb6 31. Rc8+ Rf8 32. Qe5 Ng1+ 33. Kd1 Qf7 34. Rxf8+ Qxf8 35. Nd6 Qf3+ 36. Kc2 Qc6+ 37. Qc3 Qa4+ 38. Qb3 Qc6+ 39. Qc4 Qxc4+ 40. Nxc4 Nf3 41. Nxb6 Kg8 42. d4 1-0

Frode Urkedal skákmeistari Noregs

Alþjóðlegi skákmeistarinn (2487) varð í gær skákmeistari Noregs í annað sinn. Hinn 21 árs, Fróði, sem mun leiða b-lið Norðmanna á Ólympíuskákmótinu, hlaut 7 vinninga í 9 skákum. Ungir og efnilegir skákmenn settu lit sinn á mótið en hinn 15 ára Aryan Tari (2391), sem einnig teflir í b-liði Norðmanna, varð annar. Erik Fossan (2362) varð þriðji.

Um 500 manns tóku þátt í Meistaramóti Noregs sem er hefðbundin þátttaka á mótinu. Meistaramótið í Noregi er mikil hátíð þar sem teflt er í júlí ár hvert. Skákmennirnir sem taka þátt taka sér vikufrí og leigja sér hótelherbergi í viðkomandi bæjarfélagi til að taka þátt í mótinu en á bakvið þetta fyrirkomulag er áratuga hefð. Tímasetningar og staðsetningar á mótunum eru ákveðnar með tveggja ára fyrirkomulagi og samhliða mótinu fer fram aðalfundur norska skáksambandsins.

Jöran Aulin-Jansson, var endurkjörinn forseti norska skáksambandsins, en hann hefur gefið út að eftir þetta tímabil hætti hann. Jansson, sem er 53 ára, tók þátt í sínu 41. meistaramóti í röð! Hann á samt ekki metið því annar keppandi hefur teflt í 43 mót í röð!

Mótið nú markaði tímamót því Skáksamband Noregs fagnaði 100 ára afmæli í ár. Nánar tiltekið í dag, 20. júlí!

Magnus Carlsen, sá sér ekki fært um að taka þátt í hátíðarhöldunum, en hann er í Frakklandi að lýsa Tour to France fyrir norska sjónvarpsáhorfendur. Foreldrar hans, Henrik og Sigrun, voru hins vegar meðal gesta.

Norska meistaramótið

Daniel Semcesen skákmeistari Svíþjóðar

Sænka meistaramótinu í skák lauk í dag í Borläng. Skákmeistari Svíþjóðar varð Daniel Semcesen (2471). Í öðru sæti varð Erik Blomqvist (2496) varð annar og Pontus Carlsson (2578) og Emanuel Berg (2557) urðu jafnir í 3.-4. sæti.

Heimasíða sænska meistaramótsins

Ólympíufarinn: Hallgerður Helga Þorsteinsdóttir

Í dag er kynnt til leiks Hallgerður Helga Þorsteinsdóttir, sem teflir á öðru borði í kvennaliðinu á Ólympíuskákmótinu sem hefst í ágústbyrjun.

Nafn

Hallgerður Helga Þorsteinsdóttir

Taflfélag

Huginn

Staða

2. borð í kvennalandsliðinu

Hvenær tókstu fyrst þátt á Ólympíuskákmót og hversu oft hefur þú tekið þátt?

Ég tók fyrst þátt á Ólympíumótinu í Dresden 2008, þá 15 ára gömul. Hef verið í landsliðinu síðan þá og verður þetta því mitt fjórða Ólympíumót.

Minnisstæðasta skák á Ólympíuskákmóti og af hverju?:

Ein minnisstæðasta skák sem ég hef teflt á Ólympíumóti er skák á móti írskri eldri konu í annarri umferð í Síberíu. Skákin sjálf var svosem ekkert merkileg, ég var mun sterkari í byrjuninni og fékk unna stöðu fljótlega. Hins vegar er eftirminnilegt að andstæðingurinn stoppaði klukkuna tvisvar meðan á skák stóð og byrjaði að ræða við mig um að sólin skini á okkur, sótti svo dómara og hvort skákin var ekki sett í stutta bið meðan sólin færðist úr glugganum. Þegar staðan var orðin gjörtöpuð á þessa góðlegu konu á áttræðisaldri, fékk hún þá áhugaverðu hugmynd að segja mér að hún ætlaði að gefast upp en vildi ekki klára strax þar sem enn var ein önnur skák í viðureignin í gangi og þegar keppendur ljúka leik verða þeir að fara út af svæðinu. Ég varð hálf hissa en kunni nú ekki við annað en að samþykkja þetta og rölti því um svæðið næstu 20 mínúturnar þar til sú gamla var búin að skoða nóg.

 

Minnisstæðasta atvik á Ólympíuskákmóti?

Ferðin til Síberíu er mjög minnisstæð. Mikil óvissa var fyrir mót hvernig aðstæður yrðu, það virtist vera sem ekki væri búið að byggja hótelið sem gist yrði á og flugvöllurinn fannst hvergi á kortum né upplýsingum á netinu. Við héldum því af stað ögn áhyggjufull og máttum svosem vera það miðað við lengd flugbrautarinnar sem klárlega var ekki gerð fyrir stórar Boeng vélar. Ónefndir Íslendingar [Aths. ritstjóra: Hjörvar Steinn Grétarsson] voru orðnir ansi fölir á svipinn þegar flugvélin loks stoppaði, alltof nálægt enda flugbrautarinnar. Málningarlykt var enn í loftinu á hótelinu og vorum við með fyrstu gestum. Aðstæður voru til fyrirmyndar fyrir utan að lyfturnar voru síbilandi (herbergin okkar voru á 11.hæð og íslenska liðið því komið í gott form í lok ferðar) og mikill fjöldi hermanna með vélbyssur voru á hverju götuhorni. Við máttum ekki fara út af hótelinu, nema í fylgd með rússneskum fylgdarmanni og var þetta því harla ólíkt aðstæðum á flestum öðrum mótum sem ég hef komið á. 

 

Hverjar eru þínar væntingar/vonir um gengi íslensku liðanna?

Þegar þetta er skrifað er enn ekki búið að birta keppendalista í kvennaflokki á mótinu og því erfitt að giska hvar íslenska liðið mun lenda. Við í liðinu erum einbeittar og ætlum okkur að eiga gott mót.

Strákarnir eru alltaf flottir og eiga ábyggilega eftir að standa sig.

Hverju spáir þú fyrir um sigurvegara?

Í opna flokknum eru Rússarnir með jafnt og þétt lið sem er mjög sigurstranglegt. Í kvennaflokkinum býst ég við að þær kínversku taki þetta, með heimsmeistarann Hou Yifan í broddi fylkingar.

Hver er/verður þinn undirbúningur fyrir Ól?

Ég tók þátt í nokkrum mót hérna heima í vor og hef verið að vinna nokkuð með þær skákir. Æfingar hjá kvennalandsliðinu eru einu sinni í viku, ásamt stúderingum heima.

Hefurðu áður teflt fyrir norðan heimskautsbaug?

Nei, hef aldrei áður farið norður fyrir heimskautsbaug.

Eitthvað að lokum?

Stofnaður hefur verið sér færsluflokkur á Skák.is þar sem haldið er utan um allar fréttir tengdar Ólympíuskákmótinu í Tromsö og FIDE-kosningunum.

Ólympíufarinn: Hjörvar Steinn Grétarsson

Áfram er haldið með kynningar á Ólympíuförunum. Í dag er kynntur til leiks Hjörvar Steinn Grétarsson, sem teflir á öðru borði í opnum flokki. Hjörvar hefur einmitt þátttöku á alþjóðlegu móti í Andorra í dag.

Nafn

Hjörvar Steinn Grétarsson

Taflfélag

Víkingaklúbburinn

Staða

Hjúskaparstaða eller?

Hvenær tókstu fyrst þátt á Ólympíuskákmót og hversu oft hefur þú tekið þátt?

Síberíu 2010 var mitt fyrsta mótt. Mótið í Tromso verður mitt þriðja.

Minnisstæðasta skák á Ólympíuskákmóti og af hverju?:

Ég hef teflt frekar illa á Ólympíumótum hingað til svo mín minnisstæðasta skák verður án efa á mótinu í Tromso.

Minnisstæðasta atvik á Ólympíuskákmóti?

Lokakvöldin eru oft mjög skemmtileg en þar sletta menn almennt hressilega úr klaufunum. Minnisstæðasta atvikið fyrir mig er þegar ég sá Cheparinov og Toplaov dansa. Yndislegt

Hverjar eru þínar væntingar/vonir um gengi íslensku liðanna?

Í ár erum við flottan hóp og fyrirmyndarþjálfara. Við munum lenda í topp 35.

Hverju spáir þú fyrir um sigurvegara?

Maður segir alltaf Rússarnir en þeir vinna aldrei svo ég ætla að segja Armenar.

Hver er/verður þinn undirbúningur fyrir Ól?

Harðar stúderingar og almenn líkamsrækt. Það er verið að reyna að koma sér í Tromso formið og stefni á það að vera eini maðurinn í mótinu með vott af "Sixpack". Eins og staðan er í dag þá stefnir í "onepack".

Hefurðu áður teflt fyrir norðan heimskautsbaug?

Já ég tefldi á Svalbarða árið 2012, ég og jólasveinninn tefldum nokkrar hraðskákir. Nei ég hef ekk teflt í Grímsey Gunnar.  (ódýr spurning, ódýrt svar :) )

Eitthvað að lokum?

Ég er virkilega spenntur fyrir þessu móti og ég tel að við getum komið á óvart. Bæði karlaliðið og kvennaliðið. Það verður leiðinlegt að hafa ekki Davíð en það var sennilega ekk hægt að velja betri mann en Ingvar Þór í starfið. Aldrei leiðinlegt þar sem Ingvar er. Áfram Ísland!

Stofnaður hefur verið sér færsluflokkur á Skák.is þar sem haldið er utan um allar fréttir tengdar Ólympíuskákmótinu í Tromsö og FIDE-kosningunum.

Hannes vann í fyrstu umferð

Stórmeistarinn Hannes Hlífar Stefánsson (2536) byrjaði vel  á Czech Open sem hófst í gær í Pardubice. Hann vann Tékkann Miroslla Jurasek (2266) mjög örugglega.

FIDE-meistarinn Tómas Björnsson (2144) er einnig meðal keppenda. Hann gerði jafntefli við rússneska alþjóðlega meistarann Alexej Gorbatov (2358) í fyrstu umferð. 

Önnur umferð hefst kl. 13 í dag og verða þeir báðir í beinni.

Alls taka 255 skákmenn frá 28 löndum þátt í efsta flokki mótsins. Þar af eru 34 stórmeistarar. Hannes er nr. 10 í stigaröð keppenda.

• Heimasíða mótsins
• Chess-Results
• Beinar útsendingar (hefjast kl. 13)

 

FIDE og Rússneska skáksambandið hóta lögsókn gegn mótshöldurum Ólympíuskákmótsins

Eins og fram kom á Skák.is var birt opið bréf í morgun frá forseta FIDE, Kirsan Ilyumzhinov, til mótshaldara Ólympíuskákmótsins þar sem hann "fyrirskipaði" þeim að leyfa kvennaliði Rússa og hinum átta liðunum að taka þátt. Í dag var birt bréf frá lögfræðingum FIDE til mótshaldara sem og bréf rússneska skáksambandsins til mótshaldara. 

Viðbrögð FIDE

Bréf frá lögfræðingum FIDE má finna hér.

Lokaorð yfirlýsingarinnar vekja óneitanlega athygli en þar segir:

In case the OC would unfortunately not (i) reverse its decision of 16 July 2014, (ii) allow legitimate delegates to attend the FIDE Congress, (iii) exclude biased members and (iv) fully comply with the letter and the spirit of FIDE regulations, FIDE will (i) request urgent measures before the CAS and (ii) sue individually the members of the OC and/or signatories of the decision of 16 July 2014 for the financial damages caused by their infringements of FIDE regulations, in particular (but not only) if the Chess Olympiad in Tromsø must be cancelled and be held in another country.
 
Copy of this letter is sent to His Royal Highnesses the Crown Prince in his capacity of Patron of the Chess Olympiad Tromsø 2014, for his information.

FIDE ýjar þarna að því að hugsanlega verði mótið fellt niður og haldið í öðru landi. Athyglisvert er einnig að afrit af erindinu er sent til krónprinsins í Noregi!

Mótshaldarar hafa gefið það til kynna að þeir gefi sér frest fram til mánudags til að svara.

Kirsan Ilyumzhinov lét taka af sér mynd í dag í boli merktum þjóðunum níu og stillir sér þar upp sem sérstökum málsvara þeirra.

Rússneska skáksambandið sendi einnig í dag bréf til mótshaldara þar sem þeir krefjast þess að þátttaka liðsins verði leyfð. Bréfið sjálft og umfjöllun um það má finna á Chessbase.

Heimasíða Ólympíuskákmótsins

Ólympíufarinn: Róbert Lagerman

Á meðan allt logar varðandi Ólympíuskákmótið halda áfram kynningar á Ólympíuförunum hér á Skák.is. Í dag er kynntur til leiks Róbert Lagerman, einn fimm íslenskra skákdómara á mótinu.

Nafn

Róbert DON Lagerman

Taflfélag

Vinaskákfélagið

Staða

IA

Hvenær tókstu fyrst þátt á Ólympíuskákmót og hversu oft hefur þú tekið þátt?

Árið 2002 fór ég á Ólympíumótið í Bled. 

Minnisstæðasta skák:

Líklega sigur-skákin á móti IM Jóni Viktor Gunnarssyni árið 2009, á alþjóðlegu móti Taflfélags Bolungarvíkur. Þetta var áfangaskák að lokaáfanga mínum að IM.

Minnisstæðasta atvik á Ólympíuskákmóti?

Aftur að Bled 2002, Haldið var (óopinbert) Ólympíu-mót í hraðskák samhliða sjálfum Ólympíu-leikunum. Ég sigraði á mótinu með 8 vin. af 9. mögl. þrátt fyrir að ég væri í kringum 40. sæti á keppenda-stigalistanum, Líklega eina Ólympíu-gull Íslendings í sögu Íslands.

Hverjar eru þínar væntingar/vonir um gengi íslensku liðanna?

Að koma á hressilega á óvart.

Hverju spáir þú fyrir um sigurvegara?

Enn og aftur að Bled, síðasta skiptið sem Rússar unnu Ólympíu-gull karla, var í Bled 2002, ég var þar, ég verð í Tromsö 2014, Rússar hljóta að vinna, skrifað í skýin, Rússa-konur vinna kvennagullið. [Aths. ritstjóra: Skrifað áður en fréttir bárust af rússneska kvennaliðinu]

Hver er/verður þinn undirbúningur fyrir Ól?

Lesa skáklög, og njóta lífsins.

Hefurðu áður teflt fyrir norðan heimskautsbaug?

Ég hef teflt á 73. breiddargráðu, hjá okkar næstu nágrönnum Grænlendingum 

Eitthvað að lokum?

GENS UNA SUMUS.

Stofnaður hefur verið sér færsluflokkur á Skák.is þar sem haldið er utan um allar fréttir tengdar Ólympíuskákmótinu í Tromsö og FIDE-kosningunum.

[Event "BolInt 2009"] [Site "Reykjavík"] [Date "2009/9/24"] [Round "8"] [White "FM Róbert Lagerman 2351"] [Black "AM Jón Viktor Gunnarsson 2462"] [Result "1-0"] [Board "r9g3"] [Input "DGT4033"] [Owner "Icelandic Chess Federation"] 1. e4 c5 2. Nf3 d6 3. Bb5+ Nc6 4. Bxc6+ bxc6 5. O-O e5 6. d3 Be7 7. Nbd2 f5 8. Re1 f4 9. c3 g5 10. Nc4 Be6 11. Qa4 Qc7 12. d4 g4 13. Nfxe5 dxe5 14. Nxe5 Rc8 15. Nd3 Bg5 16. Nxc5 Bf7 17. e5 Ne7 18. Ne4 h6 19. Nd6+ Kf8 20. Nxc8 Qxc8 21. e6 Bxe6 22. Qxa7 Rh7 23. Qc5 Rf7 24. Qe5 Bd5 25. b3 Kg8 26. Ba3 Bf6 27. Qh5 Nf5 28. c4 g3 29. Qg6+ Kh8 30. hxg3 fxg3 31. fxg3 Be6 32. Bb2 Rf8 33. Rad1 Bg8 34. Rf1 Bh7 35. Qh5 Nxg3 36. Qxh6 Nxf1 37. Rxf1 Bg7 38. Rxf8+ Qxf8 39. Qxc6 Qf5 40. Qe8+ Bg8 41. Qe1 Qc2 42. Bc3 Qxa2 43. d5 Qxb3 44. Qh4+ Bh7 45. Qd8+ Bg8 46. Qh4+ Bh7 47. Bxg7+ Kxg7 48. Qe7+ Kg8 49. Qe6+ Kg7 50. Qe5+ Kf7 51. d6 Qb1+ 52. Kh2 Bf5 53. Qe7+ Kg6 54. Qe8+ Kg5 55. d7 Bxd7 56. Qe7+ Kg6 57. Qxd7 Qb8+ 58. Kh3 Qb3+ 59. Kh4 Qb1 60. Qe6+ Kg7 61. Qe5+ Kg6 62. Qg5+ Kf7 63. Qd5+ Kg6 64. Qe6+ Kg7 65. g4 Qf1 66. Kh5 Qh1+ 67. Kg5 Qc1+ 68. Kf5 Qc2+ 69. Ke5 Qb2+ 70. Kd5 Qb3 71. Kd6 Qb6+ 72. Kd5 Qb3 73. Qe5+ Kf7 74. Qf5+ Ke7 75. Qe6+ Kd8 76. g5 Qd3+ 77. Ke5 Qg3+ 78. Kf6 Qf4+ 79. Kg6 Qc1 80. Qd6+ Ke8 81. Qe5+ Kd7 82. c5 Qc4 83. Kg7 Qg4 84. g6 1-0