Henrik og Hilmir byrja vel í Øbro

Stórmeistarinn Henrik Danielsen (2509) og Hilmir Freyr Heimisson (1856) byrja vel á Nýársmóti CXU sem fram fer í Øbro í Danmörku. Henrik hefur fullt hús vinninga eftir 3 umferðir og Hilmir hefur helmingsvinningshlutfell.

Henrik hefur reyndar ekki teflt enn við mjög stigaháa andstæðinga en það þarf samt að vinna skákirnar. Í fjórðu umferð, sem fram fer í kvöld, teflir hann við alþjóðlega meistarann Jens Ove Fries Nielsen (2426). 

Hilmir Freyr Heimisson (1878) gerði í dag jafntefli við Henrik Bolding Pedersen (2180) og hefur 1,5 vinning.

Alls taka 64 skákmenn þátt í mótinu og þar af eru tveir stórmeistarar. Henrik er stigahæstur keppenda en Hilmir er nr. 43 í stigaröð keppenda.

• Heimasíða mótsins
• Mótstaflan

 

Héðinn Íslandsmeistari í atskák

Í gær fór fram Atskákmót Skákklúbbs Icelandair - Íslandsmótið í atskák. Stórmeistararnir Héðinn Steingrímsson og Þröstur Þórhallsson komu jafnir í mark með hið ótrúlega skor 8,5 vinning í 9 skákum. Héðinn hafði hins vegar Íslandsmeistaratitilinn eftir stigaútreikning. Í 3.-4. sæti urðu Einar Hjalti Jensson og Símon Þórhallsson en sá síðarnefndi stal heldur betur senunni með stórkostlegum árangri. Mótið var afar vel heppnað en alls tóku 87 skákmenn þátt og tefldu við frábærar aðstæður í Hótel Natura.

Röð efstu manna:

 

Héðinn og Þröstur höfðu algjöra yfirburði. Gerðu jafntefli í innbyrðis skák en allar aðrar skákir. Það er vægast sérstakt að fá 8,5 vinning í 9 skákum en verða ekki Íslandsmeistari eins og urðu örlög Þrastar að þessu sinni.  

Stigaflokkar

Mótinu var skipt upp í fjóra stigaflokka. Sigurvegarinn hlaut flug fyrir tvo með Icelandair, sá í öðru sæti fékk flug fyrir tvo innanlands og sá þriðji hlaut að verðlaunum gjafabréf í Satt. Eftirtaldir unnu þessi verðlaun:

Flokkur 2300-

1. Héðinn Steingrímsson 8,5 v.
2. Þröstur Þórhallsson 8,5 v.
3. Einar Hjalti Jensson 7 v.

Flokkur 2001-2299

1. Daði Ómarsson 6,5 v.
2. Björn Ívar Karlsson 6,5 v.
3. Þorvarður F. Ólafsson 6,5 v.

Flokkur 1700-1999

1. Símon Þórhallsson 7 v.
2. Bárður Örn Birkisson 6 v.
3. Arnaldur Loftsson 5,5 v.

Flokkur 0-1699

1. Magnús Matthíasson 5 v.
2. Guðmundur Kristinn Lee 5 v.
3. Felix Steinþórsson 5 v.

Auk þess voru veitt aukaverðlaun í nokkrum flokkum. Fontana fyrir tvo.

• Kvennaverðlaun: Lenka Ptácníková
• Öldungaverðlaun (60+): Ólafur Kristjánsson
• Unglingaverðlaun (u15): Símon Þórhallsson
• Útdreginn: Ólafur G. Ingason

Að móti loknu voru svo 40.000 vildarpunktar útdregnir. Þá hlaut Arnaldur Loftsson. 

Halldór Atli Kristjánsson hlaut verðlaun fyrir óvæntustu úrslitin en hann vann Ólaf G. Ingason í fyrstu umferð en þar var stigamunurinn 623 skákstig!

Mótsstjóri var Óskar Long Einarsson en skákstjórn var í höndum Gunnars Björnssonar.

Myndaalbúm (ESE)

Íslandsmótið í netskák fer fram í kvöld

Íslandsmótið í netskák fer fram, sunnudaginn 28. desember á ICC og hefst kl. 20. Mótið er öllum opið og er teflt er einum flokki. Skráning fer fram á Skák.is. Það er Skákfélagið Huginn sem stendur fyrir mótinu.

Ítarlegar upplýsingar á Skákhuganum.

Allt skráningarferlið er sjálfkrafa og eina sem þátttakendur þurfa að hafa í huga er að vera mættir tímanlega á ICC eða eigi síðar en kl. 19:50.  Tímamörk eru 3 2 (3 mínútur + 2 viðbótarsekúndur á hvern leik). Tefldar eru 11 umferðir.

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á Skák.is. Þeir sem ekki hafa hugbúnað til að tefla geta halað niður þar til gerðu forrit(mælt er með Blitzin eða Dasher).  Einnig er hægt að tefla í gegnum java-forrit.  Þar sem allir keppendur þurfa að vera á svokallaðri Íslands-rás er æskilegt að menn slái inn "g-join Iceland" við næstu/fyrstu innskráningu á ICC.

Bragi Þorfinnsson er Íslandsmeistari í netskák.

Verðlaun:

1. kr. 10.000 
2. kr.  6.000 
3. kr.  4.000

Aukaverðlaun:

Undir 2100 skákstigum (miðað við nýjustu íslensku skákstig):

• 1. Fimm frímánuðir á ICC
• 2. Þrír frímánuðir á ICC

Undir 1800 skákstigum (miðað við nýjustu íslensku skákstig):

• 1. Fimm frímánuðir á ICC
• 2. Þrír frímánuðir á ICC

Stigalausir: 

• 1. Fimm frímánuðir á ICC
• 2. Þrír frímánuðir á ICC

Unglingaverðlaun (15 ára og yngri):

• 1. Fimm frímánuðir á ICC
• 2. Þrír frímánuðir á ICC

Kvennaverðlaun:

• 1. Fimm frímánuðir á ICC
• 2. Þrír frímánuðir á ICC

Eldri skákmenn (60 ára og eldri):

• 1. Fimm frímánuðir á ICC
• 2. Þrír frímánuðir á ICC

Upplýsingar um þegar skráða keppendur

Skákþáttur Morgunblaðsins: Þrjú skemmtileg mót

Guðlaug Þorsteinsdóttir sigraði á vel sóttu Skákþingi Garðabæjar sem lauk um mánaðamótin nóv./des. Þetta mót dró til sín marga af yngstu og efnilegustu skákmönnum höfuðborgarsvæðisins. Þegar tími hefur gefist í annasömu læknisstarfi hefur Guðlaug stundum tekið góða spretti á skákborðinu og er aldrei að vita nema hún gefi kost á sér í verkefni kvennalandsliðsins á næsta ári. Hún hlaut 5 ½ vinning af sjö mögulegum, tapaði í fyrstu umferð fyrir Birni Hólm Birkissyni en var óstöðvandi eftir það. Bárður Örn Birkisson og Páll Sigurðsson urðu í 2.-3. sæti með 5 vinninga. Í b-flokki mótsins sigraði Þorsteinn Magnússon, hlaut 6 vinninga af sjö mögulegum en í 2.-3. sæti komu tveir ungir skákmenn, Guðmundur Agnar Bragason og Robert Luu með 5 ½ vinning hvor.

Vetrarmóti öðlinga, skemmtilegri keppni sem hinn kunni skákdómari Ólafur Ásgrímsson á mestan heiður af, lauk svo um svipað leyti í húsakynnum Taflfélags Reykjavíkur við Faxafen. Þar urðu jafnir og efstir þeir Magnús Pálmi Örnólfsson og Þorvarður Ólafsson, hlutu báðir 6 vinninga af sjö mögulegum en Magnúsi var dæmdur sigur á stigum. Keppendur voru 25 talsins og má geta þess að í 3.-4. sæti varð Guðmundur Aronsson, stigalaus skákmaður sem ekki hefur teflt á opinberu móti í meira en 40 ár. 

Óvæntur sigurvegari á Meistaramóti SSON

Sigurvegari Meistaramóts SSON, Skáksambands Selfoss og nágrennis, sem fram fór í Fischer-setrinu á Selfossi, kom úr óvænri átt. Þar voru keppendur átta talsins og tefldu allir við alla með klst. umhugsunartíma á skák. Ýmsum lék forvitni á að vita hvernig stæði á ferðum og þátttöku liðlega þrítugs Bandaríkjamanns, Noah Siegel, sem hafði nokkurra vikna dvöl í grennd við Selfoss í haust. Hann hélt sig þar að mestu til hlés, stundaði jóga hjá Dagmar Unu Ólafsdóttur og bar ýmis merki þess að hann væri að flýja skarkala New York-borgar en þaðan er hann. Við eftirgrennslan kom svo í ljós að hér var á ferðinni gömul vonarstjarna Bandaríkjamanna á skáksviðinu. Hann hafði fyrir u.þ.b. 20 árum teflt fyrir hönd Bandaríkjanna á heimsmeistaramótum barna og unglinga, 12 ára og yngri og 14 ára og yngri, og kljáðst þar við ungstirni á borð við Armenann Levon Aronjan og Rússann Alexander Grischuk; lagt síðar út á brautir veðmála og fjárhættuspila og við pókerborðið atti hann kappi við ýmsa nafntogaða einstaklinga og rakaði saman fé svo af hlutust blaðaskrif og réttarhöld – því að víða eru settar hömlur á fjárhættuspil í Bandaríkjunum. 

Í Fischer-setrinu kom Noah Siegel mönnum fyrir sjónir sem dagfarsprúður og þægilegur einstaklingur. Og ekki kunnu keppendur því illa þegar tvær vel klæddar vinkonur hans, starfandi fyrirsætur frá New York, skruppu yfir hafið til heilsa upp á vin sinn og sátu í mestu rólegheitum yfir skákum hans í Fischer-setrinu. Keppinautar hans stóðust honum ekki snúning að þessu sinni – kappinn hefur lofað að koma aftur – og voru þó á ferðinni býsna öflugir meistarar. Noah Siegel hlaut 6 ½ vinning af sjö mögulegum en í 2.- 3. sæti komu Sverrir Unnarsson og Ingimundur Sigurmundsson með 4 ½ vinning. Þeir tefldu svo tveggja skáka einvígi um sæmdarheitið Skákmeistari SSON og vann Sverrir, 1 ½ : ½.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 20. desember 2014

Skákþættir Morgunblaðsins

Íslandsmótið í atskák - mæting kl. 12:45!

 

Þegar hafa 90 keppendur skráð sig til leiks á Atskákmót Skákklúbbs Icelandair - Íslandsmótsins í atskák sem hefst kl. 13 á morgun.

Skráðir keppendur eru beðnir um að mæta eigi síðar en kl. 12:45 til að staðfesta þátttöku og greiða þátttökugjald.

Ef menn vilja flýta aðeins fyrir þá er hægt að greiða þátttökugjöldin með því að millifæra á: 515-14-406597, kt. 561211-0860. Senda tilkynningu á netfangið: [e-mail] með nafni keppanda í tilvísun. Þá þurfa menn ekki að staðfesta þátttöku á skákstað.

Skráning fer fram á Skák.is og stendur til miðnættis í kvöld. 

Þegar skráða keppendur má finna hér

Mótið á Chess-Results.

Atskákmót Skákklúbbs Icelandair - Íslandsmótið í atskák - SKRÁNINGARFRESTUR FRAM TIL MIÐNÆTTIS

Atskákmót Skákklúbbs Icelandair – verður að þessu sinni einnig Íslandsmótið í atskák.

Mótið fer fram laugardaginn 27. desember í Hótel Natura (áður Hótel Loftleiðir) og hefst kl. 13. Frítt kaffi og frír djús. 

Tefldar eru 9 umferðir eftir svissneska kerfinu með 15 mínútna umhugsunartíma. Teflt eru í einum flokki og verða veitt verðlaun í fjórum flokkum.

Þáttökugjald: 3.000 og 2.000 fyrir 12 og yngri, frítt fyrir stórmeistara og alþjóðlega meistara.

Verðlaun verða veitt í 4 flokkum:

• 2300-yfir
• 2000-2299
• 1700-1999
• 0-1699

Miðað verður við FIDE stig 1. des -> annars íslensk stig 1. des -> atskákstig -> Frammistöðu á síðasta atskákmóti ef fyrir hendi annars 1.500 stig.

Verðlaun í hverjum flokki eru þessi:

1. verðlaun: Farmiði fyrir tvo til Evrópu með Icelandair (skattar ekki innifaldir)
2. verðlaun: Farmiði fyrir tvo innanlands (skattar ekki innifaldir)
3. verðlaun: Gjafabréf fyrir tvo á Satt gildir í brunch/hádegisverðarhlaðborð

Íslandsmeistarinn í atskák fær aukreitis 50.000 kr. peningaverðlaun.

Verði tveir eða fleiri jafnir í verðlaunaflokkum gildir stigaútreikningur. Sama gildir um Íslandsmeistaratitilinn.

Aukaverðlaun:

Einn afar heppinn keppandi fær 40.000 vildarpunkta sem meðal annars er hægt að nota í greiðslu uppí farseðil hjá Icelandair, bóka hótel, bílaleigubíl og panta vörur hjá samstarfsaðilum points.com, meðal annars Amazon.  

Gjafabréf fyrir tvo í Fontana eru veitt til:

• Efsta konan
• Efsti unglingur (1999 eða síðar)
• Efsti eldri skákmaður (1954 eða fyrr)
• Útdreginn keppandi

Aukaverðlaun (Gjafabréf fyrir tvo á Satt gildir í brunch/hádegisverðarhlaðborð) verða fyrir óvæntasta sigurinn samkvæmt stigamun.

Skráning fer fram á Skák.is og stendur til miðnættis þann 26. desember nk. Mótshaldarar áskilja sér rétt til að takmarka þátttöku við 130 manns. 

Þegar skráða keppendur má finna hér

Mótið á Chess-Results.

Íslandsmótið í netskák fer fram á sunnudaginn

Íslandsmótið í netskák fer fram, sunnudaginn 28. desember á ICC og hefst kl. 20. Mótið er öllum opið og er teflt er einum flokki. Skráning fer fram á Skák.is. Það er Skákfélagið Huginn sem stendur fyrir mótinu.

Allt skráningarferlið er sjálfkrafa og eina sem þátttakendur þurfa að hafa í huga er að vera mættir tímanlega á ICC eða eigi síðar en kl. 19:50.  Tímamörk eru 3 2 (3 mínútur + 2 viðbótarsekúndur á hvern leik). Tefldar eru 11 umferðir.

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á Skák.is. Þeir sem ekki hafa hugbúnað til að tefla geta halað niður þar til gerðu forrit(mælt er með Blitzin eða Dasher).  Einnig er hægt að tefla í gegnum java-forrit.  Þar sem allir keppendur þurfa að vera á svokallaðri Íslands-rás er æskilegt að menn slái inn "g-join Iceland" við næstu/fyrstu innskráningu á ICC.

Bragi Þorfinnsson er Íslandsmeistari í netskák.

Verðlaun:

1. kr. 10.000 
2. kr.  6.000 
3. kr.  4.000

Aukaverðlaun:

Undir 2100 skákstigum (miðað við nýjustu íslensku skákstig):

• 1. Fimm frímánuðir á ICC
• 2. Þrír frímánuðir á ICC

Undir 1800 skákstigum (miðað við nýjustu íslensku skákstig):

• 1. Fimm frímánuðir á ICC
• 2. Þrír frímánuðir á ICC

Stigalausir: 

• 1. Fimm frímánuðir á ICC
• 2. Þrír frímánuðir á ICC

Unglingaverðlaun (15 ára og yngri):

• 1. Fimm frímánuðir á ICC
• 2. Þrír frímánuðir á ICC

Kvennaverðlaun:

• 1. Fimm frímánuðir á ICC
• 2. Þrír frímánuðir á ICC

Eldri skákmenn (60 ára og eldri):

• 1. Fimm frímánuðir á ICC
• 2. Þrír frímánuðir á ICC

Upplýsingar um þegar skráða keppendur

Gleðileg jól!

 

 

 

 

 

 

 

 

 

Ritstjóri óskar skák- og skákáhugamönnum gleðilegra jóla!

Það er nóg um að vera fyrir skákáhugamanninn um hátíðirnar. Má þar nefna:

• 27. des: Atskákmót Skákklúbbs Icelandair - Íslandsmótið í atskák
• 28. des: Íslandsmótið í netskák
• 28. des: Jólahraðskákmót SA
• 29. des: Jólaskákmót TR
• 30. des: Jólamót Víkingaklúbbsins (skák og víkingaskák)
• 30. des: Hverfakeppni SA

 

Skák og jól!

Hið árlega Jólapakkamót Hugins fór fram í sautjánda sinn laugardaginn 20. desember sl. Alls tóku ríflega 160 krakkar þátt og skemmtu sér hið besta. Þórgnýr Thoroddsen, formaður ÍTR, setti mótið, rakti sögu Jólapakkamótsins, sem hann hafði greinilega kynnt sér vel, og þakkaði öflugt skákstarf í höfuðborginni. Af því loknu lék hann fyrsta leikinn fyrir hönd Stefán Orra Davíðssonar og þar með hófst Jólapakkamótið formlega!

Alls var teflt í fimm aldursflokkum og svo í peðaskák. Nánast allir sterkustu skákmenn landsins á grunnskólaaldri tóku þátt sem og fjöldi krakka sem voru að að stíga sín fyrstu skref við skákborðið á mótinu. Það er ekki einsdæmi því t.d. hóf stórmeistarinn, Hjörvar Steinn Grétarsson, feril sinn einmitt á Jólapakkamóti Hellis eins og mótið hét áður.

Fjöldi aðila studdu við mótið og færir Huginn eftirtöldum fyrirtækjum bestu þakkir fyrir:

Sælgætisgerðin Góa, Bókabeitan útgáfa, A4, Bókaútgáfan Bjartur/Veröld, Bókaforlagið Bifröst, Bókaútgáfan Björk, Edda útgáfa, Golfklúbburinn Oddur, Ferill verkfræðistofa, Íslandsbanki, Landsbankinn, Góa, Laugarásbíó, Myndform,  Sambíó, Samfilm, Smárabíó, Sjónvarpsmiðstöðin, Stöð 2, Sögur útgáfa, Body Shop, Faxaflóahafnir, Garðabær, Gámaþjónustan, GM Einarsson, Hjá Dóra Matsala, HS Orka, ÍTR, Íslandsspil, Kaupfélag Skagfirðinga, Nettó í Mjódd, Olís, Reykjavíkurborg, Sorpa, Suzuki bílar, Talnakönnun, Valitor, Skákskóli Íslands, Skáksamband Íslands og Skákakademía Kópavogs.

Án stuðnings þessara aðila væri mótið ekki jafn glæsilegt og raun ber og verðlaunin jafn flott. 

Eftirtaldir unnu við mótið:

Vigfús Ó. Vigfússon, Edda Sveinsdóttir, Jóhann Tómas Egilsson, Erla Hlín Hjálmarsdóttir, Kristín Hrönn Þráinsdóttir, Haraldur Þorbjörnsson, Hallgerður Helga Þorsteinsdóttir, Elsa María Kristínardóttir, Margrét Rún Sverrisdóttir, Lenka Ptácníková, Stefán Bergsson, Páll Sigurðsson, Kristín Steinunn Birgisdóttir, Sigurjón Jónsson, Pálmi Pétursson, Kristófer Ómarsson, Kristján Halldórsson, Jón Þór Helgason, Davíð Ólafsson, Gunnar Björnsson og Hjörvar Steinn Grétarsson stórmeistari í skák.

Huginn þakkar þessum aðilum kærlega fyrir hjálpina sem og öllum þeim lögðu hönd á plóginn en voru ekki taldir upp. Í lok mótsins var verðlaunaafhending þar sem efstu menn voru verðlaunaðir sem og heppnir keppendur sem fengu happdrættisvinninga. Einn ungur keppandi var sérstaklega heppinn og fékk farsíma frá HTC.

Vigfús Ó. Vigfússon, sem borið hefur hitann og þungann af mótinu í nánast öll þessi sautján ár, var sérstaklega verðlaunaður af félaginu og var einnig leystur út með gjöf Hann er heilinn á bakvið þetta stærsta og skemmtilegasta barna- og unglingamót hvers árs.

Að móti loknu voru allir keppendur mótsins leystir út með nammipoka frá Sælgætisgerðinni Góu.

Stöð 2 fjallaði um mótið eins og sjá í meðfylgjandi frétt.

Og þá eru það úrslit mótsins. Efstu menn urðu sem hér segir:

Flokkur 1999-2001:

Björn Hólm Birkisson kom sá og sigraði. Vann allar sínar skákir í þessum mjög svo sterka flokki. Hildur Berglind Jóhannsdóttir varð efst stúlkna.

Strákar:

1. Björn Hólm Birkisson 5 v.
2. Hilmir Freyr Heimisson 4 v.
3. Alec Elías Sigurðarson 4 v.
4. Bárður Örn Birkisson 4 v.

Stúlkur:

1. Hildur Berglind Jóhannsdóttir 3 v.
2. Valgerður Jóhannesdóttir 2 v.
3. Sigrún Linda Baldursdóttir

Nánari úrslit má finna á Chess-Results.

Flokkur 2002-03:

Vignir Vatnar Stefánsson og Mykhaylo Kravchuk urðu efstir og jafnir með 4,5 vinning. Nansý Davíðsdóttir varð efst stúlkna.

Strákar:

1. Vignir Vatnar Stefánsson 4,5 v.
2. Mykhaylo Kravchuk 4,5 v.
3. Bjarki Ólafsson 4 v.
4. Alexander Oliver Mai 4 v.
5. Axel Óli Sigurjónsson 4 v.
6. Egill Úlfarsson 4 v.

Stúlkur

1. Nansý Davíðsdóttir 4 v.
2. Katla Torfadóttir 3 v.
3. Ásgerður Júlía Gunnarsdóttir 2 v.
4. Lovísa Sigríður Hansdóttir 2 v.

Nánari úrslit má finna á Chess-Results.

Flokkur 2004-05:

Óskar Víkingur Davíðsson sigraði með fullu húsi.Ylfa Ýr Hákonardóttir Welding varð efst stúlkna.

Strákar:

1. Óskar Víkingur Davíðsson 5 v.
2. Róbert Luu 4,5 v.
3. Joshua Davíðsson 4 v.
4. Þorsteinn Emil Jónsson 4 v.
5. Brynjar Haraldsson 4 v.
6. Ísak Orri Karlsson 4 v.

Stúlkur:

1. Ylfa Ýr Welding Hákonardóttir 3 v.
2. Embla María Möller 2 v.
3. Vigdís Lilja Kristjánsdóttir 2 v.

Nánari úrslit má finna í viðhengi.

Flokkur 2006-07:

Freyja Birkisdóttir kom sú og sigraði í þessum flokki en hún er systir þeirra Björns Hólms og Bárðar Arnar. Það er alltaf ánægjulegt þegar stelpur slá strákunum við í skákinni! Sex strákar fengu 4 vinninga og efstur þeirra eftir stigaútreikning varð Guðni Viðar Friðriksson.

Strákar:

1. Guðni Viðar Friðriksson 4 v.
2. Alexander Björnsson 4 v.
3. Adam Omarsson 4 v.
4. Vilhjálmur Bjarni Gíslason 4 v.
5. Stefán Orri Davíðsson 4 v.
6. Róbert Hlynsson 4 v.

Stúlkur:

1. Freyja Birkisdóttir 5 v.
2. Þórdís Agla Jóhannsdóttir 3 v.
3. Vigdís Tinna Hákonardóttir 3 v.
4. Silja Borg Kristjánsdóttir 3 v.

Nánari úrslit má finna í viðhengi

Flokkur 2008-09:

Árni Benediktsson varð efstur með fullt hús. Edith Kristín Kristjánsdóttir varð efst stúlkna.

Strákar:

1. Árni Benediktsson 5 v.
2. Guðbergur Davíð Ágústsson 4 v.
3. Hjalti Freyr Ólafsson 4 v.

Stelpur:

1. Edith Kristín Kristjánsdóttir 2 v.
2. Hrafndís Halldórsdóttir
3. Bergþóra Gunnarsdóttir

Nánari úrslit má finna í viðhengi.

Peðaskákin:

Strákar:

1. Klemens Árnason 4 v.
2. Eiður Styrr Ívarsson 3,5 v.
3. Benedikt Leifsson 2 v.

Stelpur:

1. Brynja Steinsdóttir 4 v.
2. Andrea Pálsdóttir 3,5 v.
3. Sólveig Freyja Hákonardóttir 3,5 v.

Nánari úrslit má finna í viðhengi.

Myndaalbúm (Sigurjón Jónsson og fleiri)

Skrár tengdar þessari bloggfærslu:

• Flokkur 2004-05
• Flokkur 2006-07
• Flokkur 2008-09
• Peðaskákin

Guðmundur tefldi á minningarmóti Carlos Torre

Alþjóðlegi meistarinn Guðmundur Kjartansson (2451) var meðal keppenda á minningarmóti Carlos Torre, sem fram fór 18.-22. desember í Mexíkó. Guðmundur byrjaði vel á mótinu en átti lélegan endasprett og endaði með 5 vinninga í 9 skákum.

Úrslit Guðmundar má finna hér.

Guðmundur lætur ekki hér við sitja heldur teflir í Hastings en mótið þar fer fram 29. desember - 6. janúar. 

Heimasíða mótsins.