Janúarmótið: Tómas Veigar sigurvegari austur-riðils - Hjörleifur Halldórsson efstur í vestur

Umferð fór fram í kvöld í janúarmóti Hugins. Teflt er í tveim riðlum – austur og vestur og tefla sigurvegarar riðlana um sigurinn í mótinu 2. sætið o.s.frv.

Vestur

Hjörleifur Halldórsson (fremst) er efstur í vestur riðli.

 

Vestanmenn eru fram úr hófi frumlegir menn og tefldu 7. umferð í kvöld í stað þeirrar 6.. Það var þó ekki vegna þess að þeir kunna ekki að telja, heldur buðu samgöngur upp á þessi frumlegheit – 7. umferðin hentaði betur þar sem þeir keppendur sem koma langt að reyna gjarnan að tefla fleiri en eina skák þegar þeir mæta til leiks.

Teflt var að Vöglum í Fnjóskadal þar sem Rúnar Ísleifsson (1799) skógarvörður ræður ríkjum.

Hermann Aðalsteinsson stendur yfir skák Jóns Aðalsteins og Jakubs

Sigurbjörn Ásmundsson (1156) frá sveitabænum Stöng, sem er einhverstaðar uppi á hálendi, stöðvaði sigurgöngu Hermanns Aðalsteinssonar (1342) og gerði líklega út um sigurvonir foringjans sem fram til þessa hafði átt afar góðu gengi að fagna. Leiðtogi félagins afréð í framhaldinu að nafni sveitabæjarins skyldi breytt í Stöngin-inn og fornafni félagsmannsins í Sigurgrís. Vel má vera að Hermann hafi alls ekki ákveðið slíkt og fréttaritari [Tómas Veigar Sigurðarson alias-Palli] sé að segja ósatt.

Önnur úrslit fyrir vestan voru hefðbundin.

Hjörleifur Halldórsson (1920) vermir efsta sætið með 4,5 vinninga eftir 6 skákir en Jakob Sævar Sigurðsson (1806) á inni frestaða skák og getur því náð honum að vinningum.

Einni umferð er ólokið í vestur riðli.

• Vesturskákir
• Vestur á Chess-Results
• Síða mótsins

Austur

Guðmundur Hólmgeirsson (til vinstri) átti skák 6. umferðar. Tómas Veigar stendur yfir honum og Sigurði Gunnari sem endaði í 2. sæti.

Austanmenn trúa staðfastlega á debet og kredit, talnaraðir og stjörnuspá Morgunblaðis og tefldu bara umferð eins og til stóð skv. fyrirfram ákveðinni og birtri áætlun.

Reyndar eru austanmenn svo markvissir og þróttmiklir þegar kemur að skipulagi, utanumhaldi og framkvæmdum að þeir eru búnir að tefla allar skákirnar, utan eina sem þeir ákváðu að geyma svo vestanmönnum gefist færi á að ljúka sínum riðli á sama tíma.

Tómas Veigar Sigurðarson (1922) hefur sigrað í riðlinum með 6,5 vinninga af 7. Þá liggur fyrir að Sigurður Gunnar Daníelsson (1793) endar í 2. sæti með 6 vinninga, Smári Sigurðsson (1905) endar í 3. sæti með 5 vinninga og Hlynur Yamaha Viðarsson (1090) endar í 4. sæti með 4 vinninga.

Mjög óvænt úrslit urðu í 6. umferð í kvöld þegar Guðmundur Hólmgeirsson (0) gerði sér lítið fyrir og mátaði Ævar Ákason (1433) með glæsibrag og það þrátt fyrir að hafa tapað drottningunni!

Ævar Ákason og Sighvatur Karlsson (1298) eiga eftir að tefla innbyrðis í 7. umferð.

• Austurskákir
• Síða mótsins
• Austur á Chess-Results

Kappteflið um Friðrikskónginn hefst í kvöld

Gallerý Skák og Skákdeild KR hafa ákveðið að rugla saman reitum tímabundið og standa saman að  kappteflinu um Taflkóng Friðriks Ólafssonar sem nú fer fram í fjórða sinn og stendur næstu fjögur mánudagskvöld vestur í Frostaskjóli.

Mótið er liður í viðburðahaldi sem til er hvatt af  SÍ og Skákakademíu Reykjavíkur í  tengslum við  „Dag skákarinnar“, þann 26. janúar, á afmælisdegi Friðriks Ólafssonar, stórmeistara, fremsta skákmanns Íslands fyrr og síðar, sem þá fagnar 80 ára afmæli sínu.  

Um er að ræða 4ra kvölda Grand Prix mótaröð þar sem átta efstu sæti í hverju móti telja
til stiga (10-8-6-5-4-3-2-1).   Keppt er um veglegan farandgrip,  taflkóng úr Hallormsstaðabirki, merktan og áletraðan af meistaranum.  Þrjú bestu mót hvers keppanda reiknast til stiga og vinnings.

Sigurvegari ár hvert fær nafn sitt skráð gullnu letri á stall styttunnar og fagran verðlaunagrip til eignar.  Nöfn þriggja nafna þeirra: Gunnars Kr. Gunnarssonar, Gunnars I. Birgissonar og Gunnars Skarphéðinssonar prýða nú gripinn fagra. Í fyrra tóku um 30 keppendur þátt,  þar af hlutu 18 stig.  Nú er að sjá hvað Gunnar stendur uppi sem sigurvegari að þessu sinni eða einhver annar.

Keppnin hefst annað kvöld, mánudaginn 12. Janúar kl.  19.30  Tefldar verða 9 umferðir með 10 mínútna uht.  Mótið er opið öllum sem „vinningi“ geta valdið, hvort sem þeir ætla að verða með í því öllu eða bara kvöld og kvöld.  Kaffi og kruðerí meðan á tafli stendur.    

Óskar Víkingur Íslandsmeistari barna - ítarleg frétt

Óskar Víkingur Davíðsson kom sá og sigraði á Íslandsmóti barna (10 ára og yngri) sem fram fór í Rimaskóla laugardaginn 10. janúar. Keppnin var æsispennandi en þrír komu efstir og jafnir í mark. Óskar hafði svo sigur efstir æsispennandi aukakeppni en hann mátti einmitt lúta í gras eftir aukakeppni í fyrra gegn Vignir Vatnari Stefánssyni. 

Verðlaunahafarnir

 

Fyrirfram þóttu Óskar, Róbert Luu og Joshua Davíðsson vera sigurstranglegastir. Og það varð raunin því þeir börðust um sigurinn. Óskar vann Róbert í sjöttu umferð. Eftir sex umferðir voru Óskar og Joshua efstir og jafnir með fullt hús. Joshua vann þá skák og var þar með einn efstur. Róbert hafði svo sigur á Joshua í áttundu umferð. Allir unnu þeir í níundu umferð og urðu þ.a.l. allir efstir og jafnir með 8 vinninga í 9 skákum.

Josua og Róbert

Tefld var aukakeppni og þá snérust úrslitin við en þó ekki alveg. Joshua vann sigur á Róbert með laglegri hróksfórn. Óskar lagði þar næst Joshua að velli. Báðir hefndu þeir úrlita úr sjálfu mótinu.

Lokaskákin var á milli Óskars og Róberts og þar var ljóst að Róbert þyrfti að vinna til að knýja fram aðra aukakeppni með styttri umhugsunartíma. Það tókst ekki og jafntefli samið. Þar með var lokaröðin ákveðin. Óskar með gullið, Joshua með silfrið og Róbert með bronsið.

Sigurður Gunnar, Stefán Orri og Adam

Þetta voru ekki einu verðlaunin því einnig voru sérstök árangaverðlaun veitt. Þau unnu:

• 2004: Sigurður Gunnar Jónsson 7 v.
• 2005: Óskar Víkingur Davíðsson 8 v.
• 2006: Stefán Orri Davíðsson 7 v.
• 2007: Adam Omarsson 6 v.
• 2008: Guðbergur Davíð Ágústsson (úr Flóaskóla)

Guðbergur Ágúst

Mjög góð þátttaka var á mótinu en alls tóku 77 skákmenn þátt. Þess fyrir utan var teflt í Peðaskák þar sem leikgleðin skein af öllum andlitum. Enda er skák skemmtileg!

Skákstjórar voru Gunnar Björnsson, Stefán Steingrímur Bergsson, Ingibjörg Edda Birgisdóttir og Omar Salama.

Skáksamband Íslands og Skákakademían þakka öllum keppendum og aðstandendum fyrir frábæra skemmtun.

Fjölskylda Íslandsmeistararns var ánægð í mótslok!

 

• Myndaalbúm (HÁ, GB og SSB)
• Chess-Results.

 

Afar óvænt úrslit í þriðju umferð Skákþings Reykjavíkur

Það urðu afar óvænt úrslit í þriðju umferð Skákþings Reykjavíkur sem lauk fyrir skemmstu. Á sex efstu borðunum urðu óvænt úrslit á fimm af þeim! Á þremur efstu borðunum gerðist það að Þorvarður F. Ólafsson (2245) vann stórmeistararann Stefán Kristjánsson (2492) og Oliver Aron Jóhannesson (2170) og Sævar Bjarnason (2114) unnu alþjóðlegu meistarana Jón Viktor Gunnarsson (2433) og Björn Þorfinnsson (2373).

Dagur Ragnarsson (2059) gerði jafntefli við nafna sinn Arngrímsson (2368) og Örn Leó Jóhannsson (2048) hafði sigur gegn Daða Ómarssyni (2256).

Þorvarður, Sævar, Örn Leó og Oliver eru efstir með fullt hús ásamt Guðmundi Gíslasyni (2315). 

Þess fyrir utan gerðu Þorsteinn Magnússon (1353), Aron Þór Mai (1262) og Alexander Björnson (1000) allir jafntefli við mun stigahærri andstæðinga.

Helstu úrslit

Staða efstu manna:

 

 

• Heimasíða TR
• Chess-Results
• Myndir á Facebook (Hrafn Jökulsson)

Caruana efstur í Sjávarvík

Ítalinn ungi Fabiano Caruana (2820) byrjar best allra á Tata Steel mótinu í Wijk aan Zee en hefur fullt hús eftir tvær umferðir. Í dag vann hann Króatann Ivan Saric (2666). Kínverjinn Ding Liren (2766) vann löndu sína Hou Yifan (2673) en öðrum skákum annarrar umferðar lauk með jafntefli. Carlsen (2862) gerði jafntefli við Wesley So (2762).

Úrslit 2. umferðar:

Van Wely, L. - Wojtaszek, R.	½-½
Carlsen, M. - So, W.	½-½
Aronian, L. - Giri, A.	½-½
Caruana, F. - Saric, I.	1-0
Hou, Y. - Ding, L.	0-1
Jobava, B. - Vachier-Lagrave, M.	½-½
Radjabov, T. - Ivanchuk, V.	½-½

Staða efstu manna:

• 1. Caruana (2820)
• 2.-3.Ivanchuk (2715) og Vachier-Lagrave (2757)

 

• Heimasíða mótsins
• Beinar útsendingar

Guðmundur með tvö jafntefli í dönsku deildakeppninni

Guðmundur Kjartansson (2468) tefldi tvær skákir um helgina í dönsku deildakeppninni en þar tefldi hann á fyrsta borði fyrir Jetsmark-klúbbinn. Báðum skákum Guðmundar lauk með jafntefli um helgina.

Í fyrri skákinni gerði hann jafntefli við stórmeistarann Lars Schandorff (2536) og í þeirri síðari við FIDE-meistarann Arne Mathiesen (2353). 

Heimasíða mótsins

 

Gallerý Skák og KR: Kappteflið um Friðrikskónginn IV

Gallerý Skák og Skákdeild KR hafa ákveðið að rugla saman reitum tímabundið og standa saman að  kappteflinu um Taflkóng Friðriks Ólafssonar sem nú fer fram í fjórða sinn og stendur næstu fjögur mánudagskvöld vestur í Frostaskjóli.

Mótið er liður í viðburðahaldi sem til er hvatt af  SÍ og Skákakademíu Reykjavíkur í  tengslum við  „Dag skákarinnar“, þann 26. janúar, á afmælisdegi Friðriks Ólafssonar, stórmeistara, fremsta skákmanns Íslands fyrr og síðar, sem þá fagnar 80 ára afmæli sínu.  

Um er að ræða 4ra kvölda Grand Prix mótaröð þar sem átta efstu sæti í hverju móti telja til stiga (10-8-6-5-4-3-2-1).   Keppt er um veglegan farandgrip,  taflkóng úr Hallormsstaðabirki, merktan og áletraðan af meistaranum.  Þrjú bestu mót hvers keppanda reiknast til stiga og vinnings.

Sigurvegari ár hvert fær nafn sitt skráð gullnu letri á stall styttunnar og fagran verðlaunagrip til eignar.  Nöfn þriggja nafna þeirra: Gunnars Kr. Gunnarssonar, Gunnars I. Birgissonar og Gunnars Skarphéðinssonar prýða nú gripinn fagra. Í fyrra tóku um 30 keppendur þátt,  þar af hlutu 18 stig.  Nú er að sjá hvað Gunnar stendur uppi sem sigurvegari að þessu sinni eða einhver annar.

Keppnin hefst annað kvöld, mánudaginn 12. Janúar kl.  19.30  Tefldar verða 9 umferðir með 10 mínútna uht.  Mótið er opið öllum sem „vinningi“ geta valdið, hvort sem þeir ætla að verða með í því öllu eða bara kvöld og kvöld.  Kaffi og kruðerí meðan á tafli stendur.    

Tata Steel mótið hófst í gær - Carlsen og Caruana taka þátt

Tata Steel-mótið hófst í gær í Wijk aan Zee (Sjávarvík) í Hollandi. Fjórtán keppendur tefla í efsta flokki og ber þátttaka heimsmeistarans Magnúsar Carlsen (2862) hæst. Meðal annarra keppenda eru Caruana (2820), Aronian (2797) og Giri (2784). Önnur umferð hófst í dag kl. 12:30 og er sýnd beint. Þar mætast meðal annars Carlsen og Wesley So og Aronian og Giri.

Keppendalistinn:

NameCountryRatingPosition

GM	Carlsen, Magnus	NOR	2862	1	Photo
GM	Caruana, Fabiano	ITA	2820	2	Photo
GM	Aronian, Levon	ARM	2797	6	Photo
GM	Giri, Anish	NED	2784	7	Photo
GM	So, Wesley	USA	2762	10	Photo
GM	Vachier-Lagrave, Maxime	FRA	2757	13	Photo
GM	Wojtaszek, Radoslaw	POL	2744	15	Photo
GM	Radjabov, Teimour	AZE	2734	20	Photo
GM	Ding, Liren	CHN	2732	22	Photo
GM	Jobava, Baadur	GEO	2727	26	Photo
GM	Ivanchuk, Vasil	UKR	2715	33	Photo
GM	Hou, Yifan	CHN	2673	70	Photo
GM	Van Wely, Loek	NED	2667	81	Photo
GM	Saric, Ivan	CRO	2666	82	Photo

 

Úrslit fyrstu umferðar:

Radjabov, T. - Van Wely, L.	½-½
Ivanchuk, V. - Jobava, B.	1-0
Vachier-Lagrave, M. - Hou, Y.	1-0
Ding, L. - Caruana, F.	0-1
Saric, I. - Aronian, L.	½-½
Giri, A. - Carlsen, M.	½-½
So, W. - Wojtaszek, R.	½-½

 

• Heimasíða mótsins
• Beinar útsendingar

Skákþáttur Morgunblaðsins: Stórafmæli Taflfélagsmanna

Skákþing Reykjavíkur sem hefst á morgun, hinn 4. janúar, er tileinkað Friðriki Ólafssyni, fyrsta stórmeistara Íslendinga, sem verður áttræður hinn 26. janúar næstkomandi. Friðrik hefur alla tíð verið félagsmaður í Taflfélagi Reykjavíkur, en hann tók þátt í sínu fyrsta opinbera móti fyrir tæplega 70 árum. Það hlýtur að gleðja Friðrik og aðra velunnara elsta taflfélags landsins hversu vel er haldið á málum hjá TR um þessar mundir. Félagið hefur auðvitað farið í gegnum hæðir og lægðir á langri ævi en félagsleg staða þess er sterk í dag. Það var stofnað aldamótaárið 1900 og hefur ávallt verið ein aðalkjölfestan í skáklífi Íslendinga. Núverandi Skákmeistari Reykjavíkur er Jón Viktor Gunnarsson, sem er skráður til leiks ásamt mörgum sterkum skákmönnum á borð við Björn Þorfinnsson, Omar Salama, Þorvarð Fannar Ólafsson og Sævar Bjarnason.

Tveir gamlir TR-ingar eiga einnig stórafmæli í þessum mánuði; Ólafur H. Ólafsson og Bragi Kristjánsson verða báðir 70 ára hinn 8. janúar næstkomandi. Ólafur og Bragi áttu stóran þátt í vexti og viðgangi TR á löngu tímabili, ekki síst eftir að TR eignaðist sitt eigið húsnæði við Grensásveg. Ólafur fór fyrir miklum breytingum á starfsemi TR, sem fólust í mögnuðu barna- og unglingastarfi frá því um miðjan áttunda áratuginn. Bragi beitti sér fyrir skákkennslu og þjálfun ungra skákmanna og kvenna og var um tíma skólastjóri Skákskóla Íslands. Ólafur var býsna sterkur skákmaður og átti t.d. sæti í liði Íslands á heimsmeistaramóti stúdenta ári 1971, en það ár varð hann í 2. sæti í meistaraflokki á Skákþingi Íslands. Hann dró mjög úr taflmennsku eftir að hann settist í stjórn TR. Bragi Kristjánsson var einn af fremstu skákmönnum Íslands á sjöunda áratugnum; átti sæti í ólympíuliði okkar árin 1964 og 1968, varð Skákmeistari Reykjavíkur árið 1968 og tefldi á nokkrum af fyrstu Reykjavíkurskákmótunum, Meðfram sat hann oft í stjórnum þessara móta. Skipulag Reykjavíkurmótsins 1968 var þannig til mikillar fyrirmyndar, en þar réðst TR í útgáfu vandaðs bæklings á ensku um mótshaldið. Bragi stóð sig vel á þessu Reykjavíkurmóti, sem haldið var vorið 1968 í minningu Willards Fiske, og var sérstaklega hættulegur þegar hann fékk að beita Sikileyjarvörn. Hann vann þennan ágæta fulltrúa Bandaríkjanna á sannfærandi hátt:

William Addison – Bragi Kristjánsson

Sikileyjarvörn

1. e4 c5 2. Rf3 d6 3. d4 cxd4 4. Rxd4 Rf6 5. Rc3 a6 6. Be2 e6 7. f4 Be7 8. Bf3 0-0 9. 0-0 Dc7 10. Kh1 Rc6 11. Rde2 b5 12. a3 Bb7 13. g4 d5!

Árás á væng skal svarað með árás á miðborði! Þó að Scheveningen-afbrigði Sikileyjarvarnarinnar hafi ekki verið mjög þróað á þessum tíma teflir Bragi óaðfinnanlega

14. exd5 Had8 15. g5 Rxd5 16. Rxd5 exd5 17. Rc3 Ra5 18. f5 Rc4!

Lætur sér fátt um finnast þó að f-peðið virki ógnandi.

19. f6 Bc5 20. fxg7 Hfe8!

Menn svarts standa allir vel til sóknar og hvítur er sérstaklega veikur fyrir á hornlínunni a8-h1.

21. Re2 d4 22. Bf4 Bxf3 23. Hxf3 Dc6 24. Rg1

24.... Re3!

Góður leikur en aðrir vænlegir kostir voru 24.... d3 og 24....Rxb2.

25. Dd3 Hd5 26. He1 Bb6 27. c3

Opnar stöðuna enn meira. Eitthvert hald var í 27. h4.

27.... dxc3 28. Dxc3 Hc5 29. Db3 Hf5!

– og hvítur gafst upp. Engin vörn fyrirfinnst við hótuninni 30. Hxf4 o.s.frv.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 3. janúar 2015.

Skákþættir Morgunblaðsins

[Event "It"] [Site "Reykjavik (Iceland)"] [Date "1968.??.??"] [Round "?"] [White "Addison Wiliam G (USA)"] [Black "Kristjansson Bragi (ISL)"] [Result "0-1"] [ECO "B84"] [WhiteElo "2490"] [BlackElo "2283"] [Annotator ""] [Source ""] [Remark ""] 1.e4 c5 2.Nf3 d6 3.d4 cxd4 4.Nxd4 Nf6 5.Nc3 a6 6.Be2 e6 7.f4 Be7 8.Bf3 O-O 9.O-O Qc7 10.Kh1 Nc6 11.Nde2 b5 12.a3 Bb7 13.g4 d5 14.exd5 Rad8 15.g5 Nxd5 16.Nxd5 exd5 17.Nc3 Na5 18.f5 Nc4 19.f6 Bc5 20.fxg7 Rfe8 21.Ne2 d4 22.Bf4 Bxf3+ 23.Rxf3 Qc6 24.Ng1 Ne3 25.Qd3 Rd5 26.Re1 Bb6 27.c3 dxc3 28.Qxc3 Rc5 29.Qb3 Rf5 0-1

Óskar Víkingur Íslandsmeistari barna eftir æsispennandi mót

Óskar Víkingur Davíðsson varð í dag Íslandsmeistari barna (10 ára og yngri) eftir æsispennandi keppni sem fram fór í Rimaskóla. Óskar, Joshua Davíðsson og Róbert Luu komu allir jafnir í mark með 8 vinninga í 9 skákum. Grípa þurfti því til aukakeppni og þar hafði Óskar sigur eftir æsispennandi keppni. 

Árgangameistarar urðu:

• 2004: Sigurður Gunnar Jónsson
• 2005: Óskar Víkingur Davíðsson
• 2006: Stefán Orri Davíðsson
• 2007: Adam Omarsson
• 2008: Guðbergur Davíð Ágústsson 

Ítarleg frétt verður birt um mótið á morgun.

• Myndaalbúm (HÁ, GB og SSB)
• Chess-Results.