Skákþáttur Morgunblaðsins: Á Íslandsmótinu sannaði 30 leikja reglan gildi sitt

Á Íslandsmótinu sem lauk í Hörpu um síðustu helgi var tekin upp sú ágæta regla að banna jafntefli áður en 30 leikjum var náð. Þó gátu menn slíðrað sverðin ef sama staðan kom þrisvar en það kom ekki oft fyrir. 30 leikja reglan er reyndar rússnesk uppfinning og var ef ég man rétt notuð á sovéska meistaramótinu 1973 þegar herða átt upp bestu skákmennina eystra eftir hrakfarir þeirra í viðskiptum sínum við Bobby Fischer. Nokkrir háttsettir menn úr íþróttamálaráðuneytinu vildu raunar fangelsa þá sem fylgdu Spasskí til Reykjavíkur sumarið 1972 með þeim rökum, að afhroð á keppnisvelli geri kröfu til þess að sökudólgur sé fundinn – þegar í stað. En þrátt fyrir 30 leikja regluna tókst hinum friðsömu á þessu meistaramóti að semja sín jafntefli og þá yfirleitt með samningum áður en skákin var tefld; í bakherbergjum hripuðu menn niður sennilegt 30 leikja handrit og skákin síðan „tefld“ og jafntefli samið.

30 leikja reglan náði því aldrei miklum vinsældum en svo komu Búlgarar með Sofia-regluna sem leggur blátt bann við jafnteflum nema með leyfi og fyrir milligöngu skákdómara. Á Íslandsmótinu kallaði 30 leikja reglan fram mikla baráttu í nánast hverri einustu skák en mönnum gekk misjafnlega vel að halda haus í vandasömum stöðum eins og gengur:

Sjá stöðumynd

Einar Hjalti Jensson – Björn Þorfinnsson

Eftir byrjun sem Birni er nokkuð vel kunn ætlaði hann að leika 12....De8 en þá fór hugurinn á flug og skyndilega greip Björn í biskupinn...

12. ...Bxh2+? 13. Kxh2 De8

Hótar riddaranum og 13. ...Rh4 en hvítur á gott svar: 14. Bc5! með hugmyndinni 14. ...Rg4+ 15. Kg3 og 15. ...Dg6 strandar á 16. Re7+. Einar Hjalti hefði átt að „rissa“ upp valkostina í huganum en lék...

14. exd5 Rh4+ 15. Kg3 Dh5 16. f4?

Tapar. Nauðsynlegt var fyrst 16. Re7+ og síðan 17. f4.

16. ... He8! 17. Re5 Hxe5! 18. fxe5 Dxe5+ 19. Hf4

Eða 19. Kf3 Rxe3 20. Dxe3 Bg4+! 21. Kf2 Hf8+ og vinnur.

19. ... Rxe3 20. Kf3 Bg4+! 21. hxg4 Hf8+

- og Einar gafst upp því hann verður mát í næsta leik.

Henrik Danielsen – Björn Þorfinnsson

Björn komst í hann krappan í nokkrum skákum og hér situr hann að tafli í 10. umferð með koltapaða stöðu gegn Henrik Danielsen. Hann hefði getað gefist upp í þessari stöðu með góðri samvisku en ákvað að henda litlu spreki á löngu slokknað bál:

34. ... Hxh3

Þessum leik er t.d. hægt að svara með 35. Bxf4 en Henrik lék...

35. Bxh3??

og nú kom...

35. ... Rd3+!

Henrik varð svo mikið um þennan leik að hann skellti upp úr, stöðvaði klukkuna og gafst upp. Staðan er vissulega töpuð, t.d. 36. Ke2 Rxb2 37. g5 Da6+ en hann hefði alveg eins og Björn getað haldið aðeins áfram.

Jóhann Hjartarson – Guðmundur Kjartansson

Í miðtafli lokaumferðar þar sem yfirburðir hvíts eru augljósir greip Guðmundur til þess ráðs að leika ...

25. ...Bf5

Og hugmyndin var einföld, 36. Rxf5 Hxe5? og nær manninum til baka. Eða hvað? Jóhann í góðu formi hefði ekki verið lengi að sjá 37. Df6! Hxf5 38. Dh8+ Ka7 39. He1 og við hótuninni 40. He8 er engin vörn. Hann valdi hinsvegar að leika...

26. f4

og eftir...

26. ... Be4!

...var biskupinn komin í óskaaðstöðu og Guðmundur vann í 43 leikjum.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 31. maí

Skákþættir Morgunblaðsins

Góð byrjun í Sardiníu

Það gekk almennt vel hjá íslensku skákmönnunum í fyrstu umferð sjöunda Bjarnarhöfða mótsins sem fram fer í Sardínu. Sextán Íslendingar taka þátt í mótinu. Með fylgihlutum eru Íslendingarnar alls 30 talsins.

Í fyrstu umferð unnust 9 skákir, 3 jafntefli og 4 skákir töpuðust.  Margeir og Friðrik unnu báðir góðir sigra en Jóhann þurfti að sætta sig við jafntefli.

Aðstæður á staðnum eru afar góðar. Skákstaðurinn flottur og allt til staðar. Yuri Garret aðalskipugeggjari mótsins er afar fær sem slíkur. í gær eftir skákir setjast menn niður á hótelbarnum og fara yfir skákirnar.

Mótshaldarinn setti mótið og tók fram að hversu mikill heiður það væri fyrir mótið að hafa Friðrik Ólafsson þar og var vel klappað í salnum. 

Teflt er eftir aðlöguðu svissnesku kerfi þar sem keppendum er skipt upp í nokkrar grúppur. Ég sjálfur var t.d. efstur í minni grúppu í gær og tefldi við Írann Jim Murray. Í dag tefli ég við Alan Byron, sem margir þekkja úr Reykjavíkurskákmótinu, þrátt fyrir að hann tapað fyrir Brunello. Ætla að reyna að stúdera þetta kerfi og athuga hvort þetta gæti verið eitthvað fyrir Reykjavíkurskákmótið. Ekki víst að kerfi sem hannað er fyrir 124 eigi endilega við þar. 

Margeir, Friðrik og Jóhann verða sem fyrr í beinni í dag en umferðin hefst kl. 13. Í þann hóp bætist við Áskell Örn Kárason sem teflir við ítalska stórmeistarann Sabino Brunello (2526).

Bestu kveðjur frá Sardínu,
Gunnar

• Heimasíða mótsins
• Úrslitaþjónusta (áþekkt Chess-Results)
• Beinar útsendingar (yfirleitt kl. 13)
• Myndaalbúm (Facebook)

 

Grænlandssyrpan í Vin á mánudag: Borgarstjórinn heiðursgestur

Dagur B. Eggertsson borgarstjóri er heiðursgestur á Grænlandsmóti Hróksins og Vinaskákfélagsins, sem haldið verður í Vin mánudaginn 8. júní klukkan 13. Tefldar verða sex umferðir með 7 mínútna umhugsunartíma.
Þetta er annað mótið í Flugfélagssyrpu FÍ, Hróksins og Vinaskákfélagsins, en sigurvegarinn fær ferð fyrir tvo til Grænlands.

Fyrsta mótið í Flugfélagssyrpunni fór fram 4. maí og þar sigraði Róbert Lagerman. Fjögur mót eru í syrpunni og er reiknaður árangur úr þremur bestu mótum hvers keppanda. Spennandi verður að fylgjast með framhaldinu, en Héðinn Steingrímsson, stórmeistari og nýbakaður Íslandsmeistari, sigraði í Flugfélagssyrpunni 2014.

Vinaskákfélagið var stofnað af liðsmönnum Hróksins 2014 og hefur síðan staðið fyrir reglulegum æfingum í Vin, bata- og fræðslusetri Rauða krossins við Hverfisgötu 47. Þangað eru allir hjartanlega velkomnir.

Að vanda eiga keppendur og gestir í Vin von á ljúffengum veitingum. Bakarameistarinn, sem hefur verið bakhjarl Vinaskákfélagsins frá upphafi, leggur til gómsæta tertu og heimamenn í Vin leggja til ljúffengar vöfflur.

• Heimasíða Hróksins

 

 

Margeir, Jóhann og Friðrik verða í beinni frá Sardiníu kl. 13

Fyrsta umferðin í Sardiníu hefst kl. 13 í dag. Stórmeistararnir Margeir, Jóhann og Friðrik verða allir í beinni.

• Beinar útsendingar
• Pörun fyrstu umferðar
• Heimasíða mótsins

 

Sextán Íslendingar tefla í Sardiníu

Sextán íslenskir skákmenn taka þátt í alþjóðlega mótinu í Sardiníu sem hefst í dag kl. 13. Með fylgifiskum (mökum, börnum, foreldrum, öfum og ömmum) telur hópurinn alls 30 manns. Meðal keppenda eru stórmeistararnir Friðrik Ólafsson, Jóhann Hjartarson og Margeir Pétursson og FIDE-meistarinn Áskell Örn Kárason. 

Keppendalistinn íslenski er annars sem hér segir:

3. GM Johann Hjartarson 

4. GM Margeir Petursson 

12. GM Friðrik Ólafsson 

15. FM Askell O Karason 

46. 1N Stefan Bergsson 

47. CM Gunnar Bjornsson 

56. 1N Loftur Baldvinsson 

101. 1N Veronika Magnusdottir 

111. 1N Oskar Long Einarsson 

113. 2N Jonasson Hordur 

115. NC Heimir Pall Ragnarsson 

117. NC Oskar Vikingur Davidsson 

119. NC Thorsteinn Magnusson 

121. NC Stefan Davidsson 

122. NC Baltasar Mani Wedholm 

124. NC Birgir Logi Steinthorsson 

Heildarkeppendalistinn er hér.

Umferðin í dag hefst kl. 13. Gera má ráð fyrir að einhverjir Íslendingar verði í beinni útsendingu (a.m.k. Jóhann og Margeir) en pörun er væntanleg um kl. 12.

Skák.is verður með puttann á púlsinum frá Sardiníu. 

Heimasíða mótsins

Ný íslensk skákstig

Ný íslensk skákstig eru nýkomin út. Stigahæstur íslenskra skákmanna er nú enginn annar en Margeir Pétursson (2582).  Elvar Örn Hjaltason er stigahæstur nýliða og Óskar Víkingur Davíðsson hækkaði mest frá mars-listanum.

Topp 20

Margeir Pétursson (2582) er stigahæstur íslenskra skákmanna. Í næstum sætum eru Hannes Hlífar Stefánsson (2580) og Héðinn Steingrímsson (2569).

Nr.	Nafn	Stig	Mism	Tit	Skákir	Félag
1	Margeir Pétursson	2582	-9	GM	677	TR
2	Hannes H Stefánsson	2580	-5	GM	1163	TR
3	Héðinn Steingrímsson	2569	27	GM	393	Fjölnir
4	Jóhann Hjartarson	2557	-50	GM	784	TB
5	Hjörvar Grétarsson	2553	14	GM	624	Huginn
6	Helgi Ólafsson	2549	-2	GM	853	TV
7	Jón Loftur Árnason	2507	-6	GM	645	TB
8	Henrik Danielsen	2497	-13	GM	293	TV
9	Helgi Áss Grétarsson	2480	-9	GM	604	Huginn
10	Stefán Kristjánsson	2473	2	GM	874	Huginn
11	Friðrik Ólafsson	2459	0	GM	173	TR
12	Karl Þorsteins	2453	2	IM	603	TR
13	Jón Viktor Gunnarsson	2451	12	IM	1128	TR
14	Guðmundur Kjartansson	2421	-15	IM	794	TR
15	Þröstur Þórhallsson	2412	-16	GM	1311	Huginn
16	Bragi Þorfinnsson	2403	-18	IM	1033	TB
17	Björn Þorfinnsson	2398	17	IM	1133	TR
18	Dagur Arngrímsson	2397	1	IM	661	TB
19	Arnar Gunnarsson	2394	13	IM	838	TR
20	Ingvar Jóhannesson	2361	13	FM	849	TV

 

Nýliðar

Fimmtán nýliðar eru á listanum nú. Þeira langstigahæstur er Elvar Örn Hjaltason (1706). Í næstu sætum eru Þorvaldur Kári Ingveldarson (1372) og Stephan Briem (1274).

Nr.	Nafn	Stig	Mism	Skákir	Félag
1	Elvar Örn Hjaltason	1706	1706	9
2	Þorvaldur Kári Ingveldarson	1372	1372	5	Vinaskákfélagið
3	Stephan Briem	1274	1274	5
4	Stefán Gunnar Sveinsson	1218	1218	6	SFÍ
5	Rúnar Jónsson	1193	1193	5
6	Katla Torfadóttir	1192	1192	11
7	Sverrir Hakonarson	1179	1179	19
8	Birkir Ísak Johannsson	1176	1176	26
9	Almar Máni Þorsteinsson	1163	1163	15	SSON
10	Hjörtur  Kristjánsson	1144	1144	13
11	Svava Þorsteinsdóttir	1114	1114	6	TR
12	Ísak Orri Karlsson	1023	1023	16	Huginn
13	Mateusz Jakubek	1000	1000	6	TR
14	Óttar Örn B.Sigfússon	1000	1000	17	Huginn
15	Stefán Dagur Jónsson	1000	1000	11

 

Mestu hækkanir

Óskar Víkingur Davíðsson hækkaði mest allra frá síðasta stigalista eða um 299 skákstig. Í næstum sætum eru Veronika Steinunn Magnúsdóttir (209) og Róbert Luu (187).

Nr.	Nafn	Stig	Mism	Skákir	Félag
1	Óskar Víkingur Davíðsson	1666	299	176	Huginn
2	Veronika S Magnúsdóttir	1598	205	213	TR
3	Róbert Luu	1523	187	111	TR
4	Einar Bjarki Valdimarsson	2012	147	224	UMSB
5	Heimir Páll Ragnarsson	1589	138	272	Huginn
6	Stefán Orri Davíðsson	1251	138	87	Huginn
7	Baldur Teodor Petersson	1746	123	76	TG
8	Halldór Atli Kristjánsson	1377	101	111	Huginn
9	Björn Hólm Birkisson	1937	97	178	TR
10	Óskar Long Einarsson	1614	96	190	SA
11	Símon Þórhallsson	2029	94	149	SA
12	Hilmir Freyr Heimisson	1959	81	213	Huginn
13	Alexander Már Bjarnþórsson	1080	80	42	TR
14	Loftur Baldvinsson	1953	77	138	Skákgengið
15	Andri Freyr Björgvinsson	1843	75	186	SA
16	Agnar Tómas Möller	1801	72	145	SR
17	Hrund Hauksdóttir	1707	72	305	Fjölnir
18	Hjálmar Sigurvaldason	1420	71	170	Vinaskákfélagið
19	Aron Þór Mai	1510	70	93	TR
20	Héðinn Briem	1443	66	34	Víkingaklúbburinn

 

Reiknuð mót

• Bikarsyrpa TR #4
• Íslandsmótið í skák – (landsliðs-, áskorenda- og opinn flokkur)
• Íslandsmót skákfélaga (1. deild, 2. deild, 3. deild og 4. deild)
• Landsmótið í skólaskák (eldri og yngri flokkur)
• Meistaramót Skákskólan Íslands (Undir og yfir 1600 skákstigum)
• Reykjavíkurskákmótið
• Skákmót öðlinga
• Skákþing Hugins (norður)
• Skákþing Skagafjarðar
• Wow air Vormót TR (a- og b-flokkur)

Skákþáttur Morgunblaðsins: Héðinn Íslandsmeistari í þriðja sinn

Héðinn Steingrímsson er skákmeistari Íslands 2015 eftir sigur á helsta keppinaut sínum um titilinn, Hjörvari Steini Grétarssyni, í lokaumferð mótsins sem fram fór á sunnudaginn. Skák þeirra var hreint úrslitauppgjör en fyrir hana hafði Héðinn ½ vinnings forskot á Hjörvar en á móti kom að Hjörvar hafði hvítt í skákinni. Hann tefldi byrjunina hinsvegar fremur ónákvæmt og í þröngri stöðu gaf hann Héðni kost á öflugum biskupsleik sem í raun gerði út um taflið. Lauk skákinni eftir aðeins 23 leiki. Þar með hafði Héðinn unnið sína sjöunda skák í röð, hafði hlotið 9 ½ vinning úr ellefu skákum en það er árangur sem reiknast upp á 2763 elo-stig. Hækkar hann um 29 elo-stig fyrir frammistöðuna. Þetta er í þriðja sinn sem Héðinn verður Íslandsmeistari, hann vann titilinn fyrst árið 1990, þá aðeins 15 ára gamall og sá yngsti í skáksögunni, og í annað sinn árið 2011. Héðinn er vel að sigrinum kominn, en hann mætti vel undirbúinn til leiks og á lokasprettinum vann hann bæði Jóhann Hjartarson og Jón L. Árnason. Árangur Hjörvars Steins er einnig frábær og reiknast árangur hans upp á 2626 elo-stig. Jón L. Árnason varð í 3.-4. sæti ásamt Hannesi Hlífari Stefánssyni. Einar Hjalti Jensson, sem varð í 5. sæti, náði áfanga að alþjóðlegum meistaratitli.

Fjölmargir lögðu leið sína í Hörpu til að fylgjast með viðureign Hjörvars og Héðins á sunnudaginn. Þá var hægt að fylgjast með skákinni í beinni útsendingu á a.m.k. tveim netmiðlum og mótshaldarinn var einnig með streymisútsendingu frá skákstað:

Skákþing Íslands 2015; 11. umferð:

Hjörvar Steinn Grétarsson – Héðinn Steingrímsson

Tarrasch-vörn

1. d4 Rf6 2. c4 e6 3. Rf3 d5 4. Rc3 c5 5. e3

Sneiðir hjá skarpasta framhaldinu, 5. cxd5 Rxd5 6. e4.

5. ... Rc6 6. cxd5 exd5 7. Be2 cxd4 8. Rxd4 Bd6 9. O-O O-O 10. h3 He8 11. Rf3 a6 12. b3 Bf5 13. Bb2 Bc7 14. Dd2 Dd6 15. Hfd1 Hfd8 16. Hac1 h5!?

Þessum fremur óvænta leik virðist hafa verið beint gegn næsta leik Hjörvars og heppnast því fullkomlega. En leikurinn gaf Hjörvari engu að síður tækifæri til að þróa stöðu sína áfram með 17. De1!

17. Bd3??

Eftir svar Héðins er ljóst að stöðu hvíts verður ekki bjargað.

17. ... Bg4!

- Sjá stöðumynd -

Hótar 18. ... Bxf3. Hvítur er varnarlaus.

18. hxg4 hxg4 19. g3 gxf3 20. Bf1 Bb6!

Beinir spjótum sínum að e3-peðinu og hótar eftir 21. ... Bxe3 eða eftir því sem verkast vill, 21. ... Hxe3.

21. He1 Rg4 22. Bh3

22 Rd1 dugar skammt vegna 22. ... Dh6!

22. ... Bxe3! 23. Hxe3 Rxe3

- og Hjörvar gafst upp.

Jón L. Árnason tefldi síðast á lokuðu móti fyrir 20 árum – afmælismóti Friðriks Ólafssonar. Hann byrjaði rólega en eftir því sem leið á mótið tefldi hann af meira sjálfstrausti og 3.-4. sæti ásamt Hannesi Hlífari Stefánssyni telst ásættanleg frammistaða. Jóhann Hjartarson náði sér ekki á strik og átti afleitan kafla frá fimmtu umferð til þeirrar síðustu. Hann var eini keppandinn sem gerði ekki jafntefli. Jóhann þurfti yfirleitt ekki að kvarta undan stöðunum sem hann fékk upp úr byrjunum. Styrkur hans hefur oftast legið í góðri leiktækni í miðtöflunum en þar var hann mistækur að þessu sinni. En þátttaka hans og Jóns L. lyfti mótinu á hærra plan. Skákir Björns Þorfinnssonar vöktu athygli fyrir fjörleg tilþrif og marga skrýtna leiki. Framkvæmd mótsins tókst með miklum ágætum.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 27. maí

Skákþættir Morgunblaðsins

[Event "ch-ISL 2015"] [Site "Reykjavik ISL"] [Date "2015.05.24"] [Round "11.2"] [White "Gretarsson, Hjorvar Steinn"] [Black "Steingrimsson, Hedinn"] [Result "0-1"] [ECO "D32"] [WhiteElo "2561"] [BlackElo "2532"] [PlyCount "46"] [EventDate "2015.05.14"] 1. d4 Nf6 2. c4 e6 3. Nf3 d5 4. Nc3 c5 5. e3 Nc6 6. cxd5 exd5 7. Be2 cxd4 8. Nxd4 Bd6 9. O-O O-O 10. h3 Re8 11. Nf3 a6 12. b3 Bf5 13. Bb2 Bc7 14. Qd2 Qd6 15. Rfd1 Rad8 16. Rac1 h5 17. Bd3 Bg4 18. hxg4 hxg4 19. g3 gxf3 20. Bf1 Bb6 21. Re1 Ng4 22. Bh3 Bxe3 23. Rxe3 Nxe3 0-1

Guðmundur Kjartansson: Ameríkutúr 2014

Guðmundur Kjartansson hefur skrifað afar skemmtilegan myndskreyttan pistil um Ameríkutúr sinn í fyrra. 

Hann fylgir með PDF-viðhengi sem allir skákáhugamenn eru hvattir til að lesa.

Skák hans á móti Iturrizaga fylgir með sem viðhengi og er líka hægt að nálgast á Chessbase.

[Event "Open de San Salvador"] [Site "?"] [Date "2014.12.07"] [Round "4"] [White "Kjartansson, Gudmundur"] [Black "Iturrizaga, Eduardo"] [Result "1-0"] [ECO "E17"] [PlyCount "173"] 1. d4 Nf6 2. c4 e6 3. Nf3 b6 4. g3 Bb7 5. Bg2 Be7 6. O-O O-O 7. Re1 c5 8. d5 exd5 9. Nh4 g6 $5 (9... Ne4 {er mun algengari}) 10. Nc3 Re8 11. cxd5 d6 12. e4 Nbd7 {Upp er komin nokkuð týpísk Benoni staða, svartur þarf að eyða tíma í Bf8-g7 og hvíti riddarinn væri betri á f3 heldur en h4, hvítreita biskup svarts er líka ekkert sérstakur á b7. Líklega óhætt að fullyrða að staðan sé eitthvað þægilegri á hvítan en kannski ekki mikið meira en það} 13. f4 $5 Bf8 14. b3 Bg7 15. Bb2 Nh5 16. Nf3 b5 17. Qd2 Qa5 $2 ({Ég var smeykari við} 17... Qb6 {og staðan er í jafnvægi}) 18. a4 $1 b4 (18... Qb4 {er kannski skástur} 19. axb5 $16) 19. Nd1 $2 ({Tölvan er fljót að benda á mun sterkara framhald} 19. Nb5 $1 Qb6 20. e5 dxe5 21. Nxe5 Nxe5 22. fxe5 $18 {en hvítur er samt enn þá með betri stöðu}) 19... Nhf6 20. Nf2 ( 20. e5 $5) 20... Nb6 21. Rac1 Rad8 22. Bf1 Ba6 {Hér þurfti ég að nota smá tíma, fannst staðan mín líta vel út en ég vildi finna eitthvað nógu afgerandi, og að lokum datt mér í hug eftirfarandi plan} 23. Bxa6 Qxa6 24. f5 $1 {með hugmyndinni g4 + g5, 24.g4 gæti samt verið nákvæmari til að missa ekki tökin á e5 reitnum strax} Nbd7 25. g4 Qb6 $6 {Svartur er planlaus} 26. g5 Nh5 27. f6 Bf8 {Nú geta biskupinn á f8 og riddarinn á h5 lítið gert } 28. Qe3 Qb7 29. Nd2 Nb6 30. Qf3 Qd7 31. Nc4 Nxc4 32. Rxc4 Rc8 33. Re3 $1 { Hvíta staðan er nánast unnin, en þar sem svartur getur ekkert gert nema beðið þá er gott að bæta stöðuna eins mikið og hægt er áður en maður lætur til skarar skríða. Líka gott að taka sinn tíma, til að sjá hvort svartur geri einhver mistök.} Rc7 34. Kf1 Rcc8 35. Ke1 Rb8 36. Kd1 Rb6 37. Kc1 Ra6 38. Kb1 {Hvíti kóngurinn stendur betur á drottningarvængnum upp á e5 gegnumbrot, næsti liður í plani hvíts er að koma riddaranum til c4} Ra5 39. Nd3 Qb7 40. Bc1 Ra6 41. Rc2 Qd7 42. Nb2 Re5 43. Ree2 Rb6 44. Nc4 Re8 45. Bb2 {Að sjálfsögðu engin ástæða til að taka á b6} Rbb8 46. Re3 h6 47. h4 Rbd8 48. Rg2 Kh7 49. Bc1 Qb7 50. Rc2 Qd7 { Hvernig getur hvítur bætt stöðu sína enn frekar?!} 51. Bd2 $1 Qb7 52. Be1 Qd7 53. Bf2 Qb7 54. Bg1 Qd7 55. Bh2 Qb7 56. Rd2 Qc7 57. Ka2 Kg8 58. Red3 Qb7 59. Re3 Qc7 60. Rd1 Kh7 61. Rdd3 Kg8 62. Ka1 Kh7 63. Kb1 Kg8 64. Qg4 Kh7 65. Qf3 Kg8 66. Kb2 Kh7 67. Rd1 Kg8 68. Rg1 Kh7 69. Ka2 Qd7 70. Rg2 Qb7 71. Rd3 Qc7 72. Kb1 Qb8 73. Rf2 Qc7 74. Ra2 Qb8 75. Rb2 Qc7 76. Rc2 Qb8 77. Rcd2 Qb7 78. Re2 Qc7 {Nú er hvítur líklega búinn að bæta stöðu sína eins mikið og mögulegt er og óþarfi að bíða lengur} 79. e5 $1 dxe5 80. Rxe5 Rxe5 81. Bxe5 Qd7 82. d6 Kg8 83. Ka2 Kh7 84. Bh2 Kg8 85. Qd5 hxg5 86. hxg5 Qe8 87. d7 1-0

Skrár tengdar þessari bloggfærslu:

• Guðmundur Kjartansson: Ameríkutúr 2014

Pistill frá Degi Arngrímssyni - Skáksumarið 2014

Nú þegar skáksumarið 2015 er nálgast er tilvalið að birta pistil frá Degi Arngrímssyni frá skáksuamrinu 2014.

Albena (1.-9. Júní)

Mótið kallast Grand Europe Cup og er haldið á vinsælum ferðamannastað sem heitir Albena. Skákirnar fóru fram í stóru íþróttahúsi í hjarta bæjarins og var mótið sterkt og góð verðlaun í boði (30.000 €). Aðstæður voru mér kunnulegar enda hef ég farið seinustu tvö ár á þetta mót.

Í fyrstu og þriðju umferðunum sigraði ég stigalága andstæðinga (1892, 2114) með hvítt og tapaði í annari og fjórðu umferð gegn Sedlak (2570) og Akopian (2667) með svart. Í báðum skákunum með svart var þemað mjög svipað. Ég var komin með þægilegra tafl eftir byrjunina en missti þráðinn og endaði í óþægilegum stöðum þar sem voru mislitir biskupar. 

Í fimmtu umferð gerði ég jafntefli við úkraínskan FM (2190) sem var undir 12 ára. Ég reyndi of mikið á stöðuna með hvítt gegn slavanum og var í raun heppinn að halda jafntefli.

Í sjöttu umferð sigraði ég stigalægri andstæðing (2077) örugglega með svart og í sjöundu umferð vann ég rúmenskan alþjóðlegan meistara (2493) með hvítt. Ég fékk góða stöðu út úr byrjuninni en missteig mig í miðtaflinu og þurfti að verjast fram í endatafl. Þegar ég hélt ég væri eingöngu búin að tryggja mér jafntefli, þá tók andstæðingur minn fáránlega ákvörðun í stresskasti og allt í einu var ég kominn með þekkta vinningsstöðu í hróksendatafli.

Í áttundu umferði tapaði ég illa gegn serbneskum IM (2442). Anstæðingurinn minn bauð mér jafntefli mjög snemma en ég ákvað að reyna að vinna hann. Ég hefði betur tekið jafnteflinu því ég lék mjög illa af mér og tapaði örugglega.

Í níundu og seinustu umferð mótsins vann ég stigalægri andstæðing (2192) og var það líklega besta skák mín á mótinu.

Ég var nokkuð svekktur í lok móts því fyrir síðustu umferðina átti ég von á pengingaverðlaunum ef ég myndi sigra. Ég vann en andstæðingar mínir á mótinu stóðu sig hreint út sagt illa í síðustu umferðinni og því missti ég af peningaverðlaunum á stigaútreikningi.

Golden Sands (10.-18. Júní)

Frá Albena lá leið mín yfir til Golden Sands. Mótið er eingöngu í hálftíma fjarlægð og því voru flestir þátttakendur í Albena með á Golden Sands. Fleiri bættust síðan við og var mótið enn sterkara en það fyrra enda betri verðlaun í boði (40.000 €). Mótið í Golden Sands er í raun framhald af mótinu í Albena og bar þess vegna líka nafnið Grand Europe Cup. Teflt var á tveimur stöðum. Annars vegar á fimm stjörnu hóteli þar sem aðstæður voru góðar. Fimmtíu efstu borðin voru þar. Hins vegar var teflt í opinberu skákhúsi staðarins þar sem skákmenn fengu að hlusta á allskonar partýtónlist á meðan á skákinni stóð sem var fín tilbreyting til að byrja með en breyttist fljótt í martröð þegar á leið. Var ég staðráðinn í að standa mig betur en á fyrra mótinu en sú varð alls ekki raunin!

Í fyrstu skák mótsins sigraði ég ungan Asera með herkjum í mislitu biskupaendatafli. Í annari umferð mætti ég Akopian aftur en í þetta skiptið með hvítt. Ég fékk  þægilegt tafl út úr g3 Benoni og í miðtaflinu var ég komin með mjög vænlega stöðu. Akopian bauð mér jafntefli á krítísku augnabliki þar sem ég hefði þurft að halda haus í nokkra leiki og hefði ég þá verið með vinningsstöðu. Ekki fór betur en svo að ég lenti í einu gildrunni í stöðunni og tapaði. Eftir þetta klaufalega tap sá ég aldrei til sólar og hélt þar með uppteknum hætti að tapa 25 stigum þriðja árið í röð Í Búlgaríu.   

Andorra

Dagana 19.-27. júlí sl. tók ég þátt í opnu skákmóti í Andorra. Mótið fór fram á Hótel Gothard við fínar aðstæður. Var ég ekki einn míns liðs því í för voru félagar mínir úr skákinni, Hjörvar og Jón Trausti.

Í fyrstu tveimur umferðunum vann ég tvo stigalægri andstæðinga (1891, 2094) en í þriðju umferð tapaði ég fyrir úkraínska stórmeistaranum Andrey Vovk (2616) með svart.

Ég fékk stigalægri andstæðing (2140) með hvítt í fjórðu umferð og var innblásinn af nýkrýndum Íslandsmeistara Guðmundi Kjartanssyni og tefldi enska leikinn. Byrjunin heppnaðist ekki sem skyldi og eftir 40 leiki kom upp endatafl þar sem ég hafði riddara gegn biskup. Staðan var strangt til tekið jafntefli en andstæðingur minn þurfti alltaf að passa sig á að lenda ekki í leikþröng. Næstu 40 leikina lék ég köllunum fram og til baka í von um að andstæðingur minn myndi leika af sér. Hefði ég sennilega tekið jafnteflinu ef andstæðingur minn hefði ekki verið búinn að bjóða mér fjórum sinnum jafntefli fyrr í skákinni. Kom upp drottningaendatafl þar sem ég hafði auka riddara og hvorugur hafði peð (D+R gegn D). Þegar hér var komið sögu var skákin búin að standa í rúmlega 6 klst. og var ég bjartsýnn á að ég myndi ná að vinna þetta og að lokum lék hann sig í mát.

Í fimmtu umferð vann ég WIM frá Kólumbíu (2190) nokkuð auðveldlega og í þeirri sjöttu sigraði ég spænskan stórmeistara eftir miklar sviptingar (sjá skýrðu skákina hér að neðan).

 Í næstu umferð fékk ég svart á Hjörvar Stein Grétarsson (2535). Hann tefldi mjög vel og komst ég aldrei inn í skákina og tapaði.

 Í áttundu umferðinni tapaði ég fyrir ísraelska stórmeistaranum Artur Kogan (2548) í flókinni skák. Á tímabili stóð ég til vinnings en tefldi ónákvæmt í tímahrakinu.

 Í síðustu umferðinni vann ég auðveldan sigur með svörtu gegn Spánverja (2202).

Niðurstaðan var 10 stig í plús sem var ásættanlegur árangur og var ég hvað mest ánægður með að hafa teflt allar skákir í botn og að engin hafi endað jafntefli.

Í lokin vil ég þakka Skáksambandi Íslands fyrir stuðninginn. 

Dagur Arngrímsson

 

 

 

 

 

 

 

[Event "Andorra 2014"] [Site "?"] [Date "2014.07.24"] [Round "6"] [White "Arngrimsson, D."] [Black "Narciso, M."] [Result "1-0"] [ECO "A80"] [WhiteElo "2366"] [BlackElo "2523"] [Annotator "Arngrimsson"] [PlyCount "75"] [EventDate "2014.??.??"] [SourceDate "2014.07.24"] 1. d4 f5 2. Bg5 {Ég ákvað að nota þetta afbrigði gegn hollenskri vörn því ég sá að andstæðingur minn tefldi yfirleitt 2... e6 með nokkuð góðum árangri.} g6 3. Nc3 d5 ({Ég sá hann tefla nokkrar skákir svona} 3... Nh6 {og hafði hugsað mér að svara því með} 4. Qd2 Nf7 5. h4 {og staðan er mjög skemmtileg.}) 4. Qd2 Bg7 5. h4 c6 6. e3 $6 (6. Nf3 {er sterkari og gerir svörtum erfiðara fyrir að leika e5.}) 6... Nd7 7. f3 $6 { Ég er að tefla þetta alltof rólega, hugmyndin með f3 er að hafa biskupinn á d3, leika svo Rh3 og reyna að ýta e3-e4.} (7. O-O-O Ngf6 8. Kb1 {og fara svo að sækja hefði verið sterkara plan.}) 7... Ngf6 8. Bf4 $6 { Þriðji slaki leikurinn í röð, ég var búinn að sjá skák með þessari uppstillingu en þetta tekur alltof mikinn tíma.} (8. O-O-O {er betri leikur.} ) 8... O-O 9. O-O-O Nh5 $1 {Svartur undirbýr e7-e5 og hvítur er búinn að eyða alltof mörgum tempóum í rólega leiki, svartur er kominn með þægilegra tafl.} 10. Bh2 $2 {Eyði enn einu tempóinu. Ég hefði átt að láta þetta standa og reyna koma mönnunum út t.d. með Rge2 eða Rh3.} e5 11. g4 $2 {Ég var orðinn frekar smeykur þegar hér var komið sögu og ákvað að reyna hræra upp í þessu en sennilega er skást fyrir mig að leika :} (11. dxe5 Nxe5 12. Nh3 Qxh4 $2 (12... Nf7 $15) 13. Nxd5 $1 {og staðan er mjög tvísýn.}) 11... fxg4 12. fxg4 Nhf6 13. Be2 exd4 14. exd4 Nb6 15. g5 $6 {Ég er kominn með mun verra en besti möguleiki minni er að reyna tefla þetta virkt og fórna peði :} (15. h5 Nxg4 16. hxg6 hxg6 (16... Bh6 $4 17. gxh7+ Kh8 18. Be5+ $1 Nxe5 19. Qxh6 $16) 17. Bg3 {en svartur er samt með mun betra eftir t.d.} Qe7 $17) 15... Ne4 $1 ({Ég bjóst við :} 15... Ng4 16. Bg3 Re8 17. b3 Ne3 18. Re1 {og ég hélt að þetta gæti sloppið fyrir hvítan.}) 16. Nxe4 dxe4 {Hérna áttaði ég mig á því hversu slæm hvíta staðan er. Svartur er langt á undan í sókninni og ég þarf að passa mig á allskonar leikjum eins og Dd5 - e3 o.s. frv.} 17. c4 Be6 18. c5 {Hvíta staðan er ekki falleg en mér fannst eini möguleiki minn að reyna að koma Bd6 og svo Bc4.} Nd5 ({Mér leist ekkert á blikuna ef svartur hefði leikið : } 18... Nc8 {og það er erfitt að sjá hvernig ég á að koma bæði köllunum út og verjast sókn svarts.}) 19. Bd6 Rf7 20. Bc4 b5 21. Bb3 a5 22. Ne2 a4 23. Bxd5 Bxd5 24. h5 $1 {Andstæðingur minn átti hérna ca. 15 mín eftir á klukkunni á næstu 16 leiki svo ég reyndi að flækja þetta eins mikið og ég gat.} gxh5 (24... e3 25. Qxe3 Bxh1 26. hxg6 $1 hxg6 27. Rxh1 a3 { Hlýtur að vera mjög vænlegt á svart en þegar maður á lítinn tíma getur verið óþægilegt að tefla svona stöður.}) 25. Rxh5 Bxa2 26. Rdh1 Raa7 $2 (26... a3 $1 27. Rxh7 axb2+ 28. Kxb2 Bd5 {Og ég get gefið.}) 27. Rxh7 Rf1+ $4 {Andstæðingur minn fór alveg á taugum í tímahrakinu og sagði mér eftir skákina að hann hefði séð einhverja drauga í stöðunni. Hann var hræddur við g6 hugmyndir og jafnvel Hh8+ í framhaldinu en það gengur ekkert upp! :)} 28. Rxf1 Kxh7 29. Nc3 $2 {Þá var komið að mér að leika af mér!} (29. Qf4 Kg8 30. Rh1 {Staðan er flókin en Houdini vill meina að ég sé með unnið}) 29... Bd5 $2 {Tapleikurinn} (29... Bc4 $1 {Tölvan vill meina að allir varíantar séu 0.00! t.d. eftir :} 30. Rh1+ Kg8 31. Nxe4 a3 32. Nf6+ Bxf6 33. gxf6 axb2+ 34. Qxb2 Qxf6 35. Qg2+ Qg7 36. Qe4 Ra1+ 37. Kb2 Rxh1 38. Qe8+ Kh7 39. Qe4+ Kg8 {þráskák.}) 30. Nxd5 cxd5 31. Qf4 {og svartur er dauður} Bxd4 32. Qf5+ Kg7 33. Qxd5 {Ég vildi tefla þetta eins "öruggt" og ég gat en einfaldara var að leika :} (33. Rh1 {Og svartur verður mátaður í nokkrum leikjum.}) 33... Be3+ 34. Kb1 Bxg5 35. Bf8+ Kh8 36. Rh1+ Rh7 37. Rxh7+ Kxh7 38. Qf7+ 1-0

Jón Trausti er Skákmeistari Skákskóla Íslands 2015

Jón Trausti Harðarson vann félaga sinn  Dag Ragnarsson 1 ½ : ½ í einvígi þeirra um sæmdarheitið Skákmeistari Skákskóla Íslands 2015 sem fram fór á mánudagskvöldið. Þeir urðu efstir og jafnir á meistaramótiskólans sem fram fór um  helgina  hlutu báðir 5 ½ vinning af sex mögulegum, gerðu jafntefli innbyrðis og unnu aðrar skákir sínar. Hefð er fyrir því að teflt sé um titilinn, farandbikar og 1. verðlaun sem að þessu sinni voru 50 þús. króna ferðavinningur á skákmót erlendis og 35 þús. uppihaldskostnaðurað auki.

Þeir tefldu skákir sínar á mánudagskvöldið með tímfyrirkomulaginu 30 30 og lauk fyrri viðureign þeirra með jafntefli en Dagur hafði hvítt. Seinni skákina vann Jón Trausti og þar með einvígið. Samstarfsaðili Skákskólans varðandi meistaramótið var GAMMA.  Flokkaskipting með góðum verðlaunum í báðum flokkum þótti takast vel og verður væntanlega haldi áfram á sömu braut með það fyrirkomulag á  meistaramóti skólans. Þetta er í fyrsta sinn sem Jón Trausti vinnur Meistaramót Skákskólans en Dagur sigraði örugglega á mótinu í fyrra.