Fyrsta skemmtikvöld vetrarins í kvöld

Fyrsta skemmtikvöldið af tíu í þéttri vetrardagskrá Taflfélagsins fer fram næstkomandi föstudagskvöld og byrjar fjörið klukkan 20.00  Það verður ekki ráðist á garðinn þar sem hann er lægstur í byrjun heldur er Íslandsmeistaratitillinn í King of the hill undir!

King of the hill er bráðskemmtilegt tilbrigði við hefðbundna skák:

1. Allar skákreglur Fide gilda. Sérstaklega að leikur er löglegur þá aðeins að hann uppfylli skákreglur Fide.
2. Ef þú leikur kóngi þínum á löglegan hátt á einn af miðborðsreitunum (e4, d4, e5, d5) þá vinnur þú!

Sigurleikurinn verður að vera löglegur, ekki má leika kónginum ofan í skák á miðborðsreitina.  Að sjálfsögðu er einnig hægt að sigra á “hefðbundinn” hátt, þ.e.a.s með því að máta, nú eða berja andstæðinginn niður á klukkunni!  Tekið skal fram að skákinni er ekki lokið með jafntefli ef einungis kóngarnir standa eftir á borðinu.  Sá vinnur einfaldlega sem nær að leika sínum fyrst á einn af miðborðsreitunum.

Youtube stjarnan Ingvar Þór Jóhannesson (aka Zibbit) hefur að sjálfsögðu reynslu af þessu afbrigði og gerði skemmtilegt myndband sem má finna hér

Hægt er að tefla King of the hill á Lichess og eru menn hvattir til að æfa sig af kappi fyrir mótið! 

Upplýsingar:

• Kvöldið hefst kl. 20.00 Skráning á staðnum.
• 12 umferðir, 5 mínútna umhugsunartími á skák
• Eitt hlé gerð á taflmennskunni eftir 6 umferðir. Bjórinn á 500 kr. fyrir keppendur allt kvöldið á Billiardbarnum.
• Verðlaunaafhending í mótslok:
  • 1. sæti  Bikar + 5000 króna inneign á Billiardbarnum. Sæti í úrslitum skemmtikvöldakónganna.
  • 2. sæti  Verðlaunapeningur + 3000 króna inneign á Billiardbarnum
  • 3. sæti  Verðlaunapeningur + 2000 króna inneign á Billiardbarnum
  • Aukaverðlaun. Einn heppinn keppandi verður dreginn út og fær hann frítt á Haustmót TR 2015
• Aðgangseyrir 500 kr.
• Bjórinn á Billiardbarnum 500 kr. allt kvöldið fyrir keppendur og gesti skemmtikvöldsins. 30% afsláttur af tímagjaldi í pool eftir mót.
• Sigurvegarinn hlítur nafnbótina “Íslandsmeistarinn í KOTH skák 2015″ og mun sem slíkur fara í sögubækurnar.
• Tekið skal fram að öll meðferð göróttra drykkja er bönnuð í húsakynnum Taflfélags Reykjavíkur.
• Allir skákáhugamenn velkomnir óháð getu eða væntinga og 20 ára aldurstakmark er á skemmtikvöld félagsins.

Taflfélag Reykjavíkur vonast til að sjá sem flest ykkar.  Verið velkomin!

Aronian vann Wesley So - efstur ásamt Topalov

Levon Aronian (2765) vann Wesley So (2779) með afar laglegri mannsfórn í fjórðu umferð Sinquefields-mótsins sem fram fór í gær. Aronian virðist vera kominn í sitt gamla form sem lofar afar góðu fyrir EM landsliða í haust í Laugardalshöll en þar fer hann fyrir armensku sveitinni.

Öðrum skákum lauk með jafntefli. Carlsen (2853) tókst því ekki vinna Anish Giri (2793) nú sem endranær. Aronian er efstur með 3 vinninga ásamt Topalov (2816). Carlsen og Giri eru í 3.-4. sæti með 2½ vinning.

Vert er að benda á góða umfjöllum á Chess24.

Fimmta umferð hefst nú kl. 18. Þá teflir heimsmeistarinn við Wesley So, Topalov við Caruana (2805) og Aronian við Grischuk (2771). 

• Heimasíða mótsins
• Beinar útsendingar

 

 

Tveir FIDE skákmeistarar til liðs við Fjölnismenn

Nú í ágústmánuði hafa tveir öflugir skákmenn gengið til liðs við Skákdeild Fjölnis. Þetta eru FIDE meistararnir Davíð Kjartansson og Sigurbjörn Björnsson. Að sögn Helga Árnasonar formanns Skákdeildar Fjölnis er með komu þessara heiðursmanna mótað sterkt lið íslenskra skákmanna í kringum hina ungu og efnilegu skákmenn sem deildin hefur alið upp og tryggt fast sæti í deild hinna bestu. Davíð tefldi með Skákdeild Fjölnis í 1. deild á árunum 2007 - 2012 og tefldi m.a. á 1. borði sveitarinnar sem nokkuð óvænt sigraði á sterku Landsmóti UMFÍ árið 2007. Davíð sem tefldi síðustu árin með Víkingasveitinni þekkir vel til skákdeildar Fjölnis og þeirra efnilegu skákkrakka sem fyrir deildina tefla. Hann liðstýrði skáksveitum Rimaskóla 2008 og 2012 sem báðar unnu til gullverðlauna á NM grunnskóla.

Sigurbjörn Björnsson sem gengur í raðir Fjölnismanna frá Taflfélagi Vestmannaeyja er vel kynntur innan skákhreyfingarinnar sem öflugur skákmaður og framtakssamur skákbókasali. Hann átti einstaklega gott ár með TV á síðasta keppnistímabili og engin vafi leikur á að hann muni falla vel inn í hina áhugaverðu skáksveit Fjölnis í 1. deild á komandi keppnistímabili. Þar mun  Íslandsmeistarinn 2015, stórmeistarinn Héðinn Steingrímsson, leiða sveitina með því að tefla þar á 1. borði. Skákdeild Fjölnis var stofnuð árið 2004 og hefur með hverju ári eflst jafnt og þétt í það að verða ein sú öflugasta á landinu. 

Tvíburarnir tefla við FIDE-meistarana

Pörun þriðju umferðar sem fram fer í kvöld liggur nú fyrir. Á efstu borðunum tefla tvíburarnir, Björn Hólm Birkisson (1907) og Bárður Örn Birkisson (2854), við FIDE-meistarana Einar Hjalta Jensson (2394) og Davíð Kjartansson (2366).

Röðunina má finna á Chess-Results.

• Skákhuginn
• Chess-Results

 

Haustmót TR hefst sunnudaginn 13. september

Haustmót Taflfélags Reykjavíkur 2015 hefst sunnudaginn 13. september kl.14. Mótið, sem er hið 82. í röðinni, er eitt af aðalmótum vetrarins í reykvísku skáklífi og er jafnframt meistaramót T.R. Mótið er flokkaskipt og öllum opið.

Haustmótið fer fram í félagsheimili Taflfélags Reykjavíkur, skákhöllinni að Faxafeni 12. Tefldar verða tvær umferðir á viku. Alls eru níu umferðir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er teflt eftir svissnesku kerfi.

Skráningu í alla lokaða flokka lýkur laugardaginn 12. september kl. 18.

Lokaumferð fer fram föstudaginn 16. október en mótinu lýkur með verðlaunaafhendingu sunnudaginn 18. október þegar Hraðskákmót TR fer fram.

Núverandi skákmeistari Taflfélags Reykjavíkur er Þorvarður Fannar Ólafsson.

Skráningarform

Skráðir keppendur

Dagskrá:

• 1. umferð: Sunnudag 13. september kl. 14.00
• 2. umferð: Miðvikudag 16. september kl. 19.30
• 3. umferð: Sunnudag 20. september kl. 14.00
• —Hlé vegna Íslandsmóts skákfélaga—
• 4. umferð: Miðvikudag 30. september kl.19.30
• 5. umferð: Sunnudag 4. október kl. 14.00
• 6. umferð: Miðvikudag 7. október kl. 19.30
• 7. umferð: Sunnudag 11. október kl. 14.00
• 8. umferð: Miðvikudag 14. október kl. 19.30
• 9. umferð: Föstudag 16. október. kl. 19.30

Verðlaun í A-flokki:
1. sæti kr. 100.000
2. sæti kr. 50.000
3. sæti kr. 25.000
4. og 5. sæti ókeypis í Skákþing Reykjavíkur 2016

Verðlaun í B-flokki:
1. sæti kr. 20.000
2.-3. sæti ókeypis í Skákþing Reykjavíkur 2016

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2016

Verðlaun í opnum flokki:
1. sæti kr. 10.000
2. og 3. sæti ókeypis í Skákþing Reykjavíkur 2016

Ef lokuðum flokkum fjölgar þá verða verðlaun í þeim þau sömu og í C-flokki. Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu. Verði keppendur jafnir í efstu sætum verður peningaverðlaunum skipt en stigaútreikningur látinn ráða lokaröð keppenda. Taflfélag Reykjavíkur áskilur sér jafnframt rétt til þess að halda eftir 25% af verðlaunafé þeirra sem ekki mæta á verðlaunaafhendinguna.

Tímamörk:
1 klst. og 30 mín. + 30 sek. á leik. Að loknum 40 leikjum bætast við 15 mínútur.

Þátttökugjöld:
3.500 kr. fyrir félagsmenn T.R. 16 ára og eldri (5.000 kr. fyrir aðra).
1.500 kr. fyrir félagsmenn T.R. 15 ára og yngri (2.500 kr. fyrir aðra).

Uppgjör Haustmótsins 2014

Topalov eftur í St. Louis - Carlsen kominn á beinu brautina

Topalov (2816) er efstur með 2½ vinning að loknum þremur umferðum á Sinquefield Cup-mótinu í St. Louis. Hann vann Nakamura (2814) í 2. umferð en gerði jafntefli við Anand (2816) í þeirri þriðju. Carlsen er í 2.-4. æsti með 2 vinninga eftir tvær vinningskákir í röð gegn þeim Caruana (2808) og MVL (2731). Jafnir honum eru Anish Giri (2793) og Aronian (2765)

Ákaflega fjörlega er teflt á mótinu. Engin stutt jafntefli og allt teflt í botn. Fjórða umferð hefst nú kl. 18. Þá teflir Carlsen við Giri (2793) sem honum hefur gengið illa á móti í gegnum tíðina. Topalov mætir Grischuk (2771). Þá fer fram "botnslagur" Caruana (2808) og Anand (2816) en þeir tveir reka lestina með ½ vinning hvor.

 

• Heimasíða mótsins
• Beinar útsendingar

 

 

Enn óvænt úrslit á Meistaramóti Hugins

Önnur umferð Meistaramóts Hugins fór fram í gærkvöldi. Eins og í fyrstu umferð var nokkuð um óvænt úrslit. Hjörtur Kristjánsson (1281) sýndi það að jafnteflið gegn Veroniku í fyrstu umferð var engin tilviljun og vann Róbert Luu (1460). Óskar Long (1667) gerði jafntefli við Jón Trausta Harðarson (2117) og sama gerðu Aron Þór Mai (1478) og Arnar Heiðarsson (1055).

Þetta er mjög ólík byrjun miðað við meistaramótið í fyrra þar sem fátt var um óvænt úrslit í fyrstu þremur umferðunum. Það er svo spurning hvort framhald verður á í 3.umferð en ekki verður parað í hana fyrr en annað kvöld þar sem einni viðureign var frestað. Staðan á toppnum er ennþá nokkuð óljós en fimm keppendur eru jafnir með fullt hús en það eru Einar Hjalti Jensson, Davíð Kjartansson, Loftur Baldvinsson, Björn Hólm Birkisson og Bárður Örn Birkisson. Það er því ekki von á því að línur verði farnar að skýrast fyrr en í fyrsta lagi eftir 3. umferð.

Dagskrá mótsins:

1. umferð, mánudaginn, 24. ágúst, kl. 19:30
2. umferð, þriðjudaginn, 25. ágúst, kl. 19:30
3. umferð, fimmtudaginn, 27. ágúst, kl. 19:30
4. umferð, mánudaginn, 31. ágúst, kl. 19:30
5. umferð, þriðjudaginn, 1. september, ágúst, kl. 19:30
6. umferð, fimmtudaginn, 3. september, kl. 19:30
7. umferð, mánudaginn, 7. september, kl. 19:30.

• Skákhuginn
• Chess-Results

 

Bolvíkingar unnu Vinaskákfélagið í lokaviðureign fyrstu umferðar

Lokaviðureign fyrstu umferðar (16 liða úrslita) Hraðskákkeppni taflfélaga fór fram í gærkvöldi. Taflfélag Bolungarvíkur lagði Vinaskákfélagið að velli með 40 vinningum gegn 32. Elvar Guðmundsson 10 vinningar og Don Róbert 8 voru sterkastir heimamanna en Halldór Grétar 10, Guðni Stefán 8 og Sæbjörn Guðfinnsson 7 fyrir gestina. Aðrir minna.

Bolvíkingar mæta TRuxvi í annarri umferð en Vinaskákfélagið mætir Skákdeild Fjölnis í fyrstu umferð Litlu Bikarkeppninnar.

Hraðskákeppni taflfélaga

Úrslit/pörun annarrar umferðar:

• Skákfélag Akureyrar - Víkingaklúbburinn 45-27
• Taflfélag Bolungarvíkur - TRuxvi (dags. ekki vituð)
• Taflfélag Reykjavíkur - Skákfélagið Huginn a-sveit (31. ágúst í TR)
• Skákfélagið Huginn b-sveit - Taflfélag Garðabæjar (28. ágúst í Garðabæ)

Litla bikarkeppnin

Úrslit/pörun fyrstu umferðar

• Skákfélag Íslands - Skákgengið (dags. ekki vituð)
• Ungmennasamband Borgarfjarðar - Skákfélag Selfoss og nágrennis 34-38
• Vinaskákfélagið - Skákddeild Fjölnis (dags. ekki vituð)
• Skákdeild Hauka - Skákfélag Reykjanesbæjar (dags. ekki vituð)

Átta liða úrslitum á að vera lokið í sl. 31. ágúst.

Heimasíða mótsins

Mikið um óvænt úrslit í fyrstu umferð Meistaramóts Hugins

Meistaramót Hugins hófst í gær. Mikið var um óvænt úrslit í fyrstu umferð. Engin úrslit komu þó meira á óvart en sigur Alexanders Olivers Mai (1231) á Birki Karli Sigurðssyni (1815). Þrír ungir og efnilegir skákmenn gerðu jafntefli við mun stigahærri andstæðinga. Það voru þeir Róbert Luu (1460), Hjörtur Kristjánsson (1281) og Stefán Orri Davíðsson (1251) sem gerðu jafntefli við Snorra Þór Sigurðsson (1956), Veroniku Steinunni Magnúsdóttur (1843) og Dawid Kolka (1819).

Önnur umferð fer fram í kvöld og hefst kl. 19:30. 

• Skákhuginn
• Chess-Results

 

Fyrsta skemmtikvöld vetrarins á föstudag!

Fyrsta skemmtikvöldið af tíu í þéttri vetrardagskrá Taflfélagsins fer fram næstkomandi föstudagskvöld og byrjar fjörið klukkan 20.00  Það verður ekki ráðist á garðinn þar sem hann er lægstur í byrjun heldur er Íslandsmeistaratitillinn í King of the hill undir!

King of the hill er bráðskemmtilegt tilbrigði við hefðbundna skák:

1. Allar skákreglur Fide gilda. Sérstaklega að leikur er löglegur þá aðeins að hann uppfylli skákreglur Fide.
2. Ef þú leikur kóngi þínum á löglegan hátt á einn af miðborðsreitunum (e4, d4, e5, d5) þá vinnur þú!

Sigurleikurinn verður að vera löglegur, ekki má leika kónginum ofan í skák á miðborðsreitina.  Að sjálfsögðu er einnig hægt að sigra á “hefðbundinn” hátt, þ.e.a.s með því að máta, nú eða berja andstæðinginn niður á klukkunni!  Tekið skal fram að skákinni er ekki lokið með jafntefli ef einungis kóngarnir standa eftir á borðinu.  Sá vinnur einfaldlega sem nær að leika sínum fyrst á einn af miðborðsreitunum.

Youtube stjarnan Ingvar Þór Jóhannesson (aka Zibbit) hefur að sjálfsögðu reynslu af þessu afbrigði og gerði skemmtilegt myndband sem má finna hér

Hægt er að tefla King of the hill á Lichess og eru menn hvattir til að æfa sig af kappi fyrir mótið! 

Upplýsingar:

• Kvöldið hefst kl. 20.00 Skráning á staðnum.
• 12 umferðir, 5 mínútna umhugsunartími á skák
• Eitt hlé gerð á taflmennskunni eftir 6 umferðir. Bjórinn á 500 kr. fyrir keppendur allt kvöldið á Billiardbarnum.
• Verðlaunaafhending í mótslok:
  • 1. sæti  Bikar + 5000 króna inneign á Billiardbarnum. Sæti í úrslitum skemmtikvöldakónganna.
  • 2. sæti  Verðlaunapeningur + 3000 króna inneign á Billiardbarnum
  • 3. sæti  Verðlaunapeningur + 2000 króna inneign á Billiardbarnum
  • Aukaverðlaun. Einn heppinn keppandi verður dreginn út og fær hann frítt á Haustmót TR 2015
• Aðgangseyrir 500 kr.
• Bjórinn á Billiardbarnum 500 kr. allt kvöldið fyrir keppendur og gesti skemmtikvöldsins. 30% afsláttur af tímagjaldi í pool eftir mót.
• Sigurvegarinn hlítur nafnbótina “Íslandsmeistarinn í KOTH skák 2015″ og mun sem slíkur fara í sögubækurnar.
• Tekið skal fram að öll meðferð göróttra drykkja er bönnuð í húsakynnum Taflfélags Reykjavíkur.
• Allir skákáhugamenn velkomnir óháð getu eða væntinga og 20 ára aldurstakmark er á skemmtikvöld félagsins.

Taflfélag Reykjavíkur vonast til að sjá sem flest ykkar.  Verið velkomin!