Eitt sterkasta Reykjavíkurskákmót sögunnar hefst á þriðjudaginn

GAMMA Reykjavíkurskákmótið hefst í Hörpu þriðjudaginn 8. mars. Um 250 manns taka þátt í mótinu sem hefur sjaldan verið sterkara. Meðal keppenda eru fjórir svokallaðir ofurstórmeistarar en það eru þeir kallaðir sem hafa meira en 2700 skákstig. Um 30 stórmeistarar taka þátt.

Ofurmeistararnir

Aserinn Shakhriyar Mamedyarov er stigahæstur keppenda en hann hefur 2747 skákstig. Næstir koma Rússinn Dmitry Andreikin (2732), Ungverjinn Richard Rapport (2721) og Armeninn Gabriel Sargassian (2702). Allt eru þetta lykilmenn í sínum landsliðum.

Heimavarnarliðið

Íslenska heimavarnarliðið mætir með Hannes Hlífar Stefánsson (2600) fremstan í flokki.  Einnig eru skráðir til leiks stórmeistararnir Hjörvar Steinn Grétarsson (2572), Henrik Danielsen (2488), Stefán Kristjánsson (2471) og Þröstur Þórhallsson (2423).

Sterkar skákkonur!

Sterkar skákkonur eru áberandi í ár.  Má þar nefna hina þýsku Elizabetu Paetz (2472), hina írönsku Söru Khademalsharieh (2403) og hina indversku Tönju Sachdev (2366).

Efnilegustu skákmenn heims mæta

Það hefur ávallt verið stefna Reykjavíkurskákmótsins að bjóða hingað ungum og efnilegum skákmönnum. Í ár má nefna hinn ítalska Fransesco Rambaldi (2541), sem er aðeins 16 ára, og einn yngsti stórmeistari heims, hinn norska Aryan Tari (2553), sem er yngsti stórmeistari Norðurlanda og bandaríska undrabarnið Awonder Liang (2408). Hann er aðeins 12 ára og er sá yngsti í skáksögunni sem hefur unnið stórmeistara en það afrekaði hann aðeins 9 ára.

Goðsagnirnar láta sig ekki vanta

Það eru ekki bara ungir menn á menn því ávallt taka þátt í mótinu nokkrar goðsagnir. Í ár má nefna hinn norska Simen Agdestein, sem hefur meðal annars þjálfað Magnus Carlsen, hinn rúmenska Mikhail Marin og Alexander Beljavsky sem var meðal annars Ólympíumeistari með Sovétmönnum.

Carlsen mætir!

Pabbi heimsmeistarans, Henrik Carlsen, lætur sig ekki vanta á GAMMA Reykjavíkurskákmótið nú sem endranær en hann er einn fastagesta. 

Setning mótsins hefst kl. 14:30 þriðjudaginn 8. mars í Hörpu. Illugi Gunnarsson, mennta- og menningarmálaráðherra, og Dagur B. Eggertsson, borgarstjóri í Reykjavík, munu bjóða hina erlendu keppendur velkomna og tríó Óskars Guðjónssonar leika skemmtilegan jazz.

GAMMA Capital Management hf. er aðalstyrktaraðili mótsins ásamt Reykjavíkurborg.

Við erum ein fjölskylda!

Af hinum 250 keppendum koma um 165 erlendis frá en alls koma keppendur mótsins frá 35 þjóðlöndum. Keppendur eru á aldursbilinu 9-73 ára sem endurspeglar einkunnarorð skákarinnar vel - við erum ein fjölskylda!

Enn er opið fyrir skráningu fyrir þá sem vilja taka þátt í veislunni. Nánar á heimasíðu mótsins.

Heimsmeistaeinvígi kvenna hafið

Fjölnir: Undanrásir hjá Fjölni í dag

Undanrásir hjá Skákdeild Fjölnis fyrir Reykjavík Open Barna Blitz fara fram á morgun miðvikudag klukkan 17:00. Teflt verður í Rimaskóla.

Á sama tíma fara fram undanrásir hjá Víkingaklúbbnum í Víkinni. Hefjast þær 17:15.

Þeir sem eru komnir áfram eru: Stephan Briem, Alexander Oliver Mai, Óskar Víkingur Davíðsson og Róbert Luu.

Víkingaklúbburinn: Undanrásir fyrir Barna Blitz í dag

Undankeppni fyrir Reykjavík Barna Blitz verður miðvikudaginn 2. mars kl. 17.15 í Víkingsheimilinu. 

 

Mótið er opið skákmönnum fæddum 2003 og síðar.

 

Tefldar verða sex umferðir með sjö mínútna umhugsunartíma. Tveir efstu komast í úrslitin sem verða tefld verða samhliða Reykjarvíkurskákmótinu í Hörpu, sunnudaginn þrettánda mars klukkan 11:00.

 

Til mikils er að vinna því einungis átta keppendur fá þátttökurétt á sjáfri úrslitakeppninni, þar af eru tveir frá móti Víkingaklúbbsins. Hin félögin í Reykjavík sem halda undanrásir eru Skákdeild Fjölnis, Taflfélagið Huginn og Taflfélag Reykjavíkur.

Skráning á mótið sendist á netfangið vikingaklubburinn(hjá)gmail.com.

Austfirðingur efstur í Ásgarði í dag.

Æsir tefldu sinn tuttugasta skákdag vetrarins í gær í Ásgarði, sem er félagsheimili FEB í Reykjavík. Það voru óvenju fáir sem mættu til leiks í gær eða tuttugu skákvíkingar. Kannski er flensan að angra menn. Það var skákvinur okkar af  austfjörðum  Viðar Jónsson  sem varð efstur ásamt þeim Þór Valtýssyni og Friðgeir Hólm allir með 7½ vinning af 10 mögulegum. Viðar var efstur á stigum og telst því vera Hrókur dagsins.

Guðfinnur R Kjartansson var einn í fjórða sæti með 7 vinninga. Það er mjög sjaldgæft að Guðfinnur fari niður fyrir fimmta sæti, það hefur þó komið fyrir.

Næstu tólf voru svo að bítast í miðju moðinu.

Þeir sem voru síðan í neðsta hópnum í gær virðast varla hafa nennt þessu, því að þeir hafa oft fiskað betur.

Svona er nú skákin bara, það dugir ekki að hafa bara annað augað opið.

Næsta þriðjudag halda Æsir sitt meistaramót, það er með sama sniði

Tefldar verða 10 umferðir með 10. mín. umhugsun.

Allir skákmenn 60 + velkomnir.

Sjá nánari úrslit í meðf. töflu

 

 

Ný alþjóðleg skákstig

Ný alþjóðleg skákstig eru komin út. Hannes Hlífar Stefánsson (2600) er sem fyrr stigahæsti skákmaður landsins. Tryggi Leifur Óttarsson (1624) er stigahæstur nýliða og Vignir Vatnar Stefánsson (157) hækkar mest frá febrúar-listanum.

Topp 20

Hannes Hlífar Stefánsson (2600) er stigahæsti skákmaður landsins. Í næstum sætum er Hjörvar Steinn Grétarsson (2572) og Héðinn Steingrímsson (2567).

Nr.	Skákmaður	Tit	Stig	Mism
1	Stefansson, Hannes	GM	2600	0
2	Gretarsson, Hjorvar Steinn	GM	2572	0
3	Steingrimsson, Hedinn	GM	2567	0
4	Olafsson, Helgi	GM	2546	0
5	Hjartarson, Johann	GM	2541	0
6	Petursson, Margeir	GM	2509	0
7	Arnason, Jon L	GM	2493	0
8	Danielsen, Henrik	GM	2488	0
9	Kristjansson, Stefan	GM	2478	7
10	Gunnarsson, Jon Viktor	IM	2460	5
11	Gretarsson, Helgi Ass	GM	2452	0
12	Kjartansson, Gudmundur	IM	2446	-10
13	Thorsteins, Karl	IM	2435	-14
14	Gunnarsson, Arnar	IM	2426	0
15	Thorfinnsson, Bragi	IM	2419	0
16	Thorhallsson, Throstur	GM	2416	-7
17	Thorfinnsson, Bjorn	IM	2410	-8
18	Ulfarsson, Magnus Orn	FM	2380	5
19	Olafsson, Fridrik	GM	2377	0
20	Arngrimsson, Dagur	IM	2376	0

Stigahæstu nýliðar

Tryggi Leifur Óttarsson (1624) er stigahæstur nýliða. Í næstum sætum eru Gabríel Freyr Björnsson (1454) og Tryggi K. Þrastarson (1450).

Nr.	Skákmaður	Tit	Stig	Mism
1	Ottarsson, Tryggvi		1624	1624
2	Bjornsson, Gabriel Freyr		1454	1454
3	Thrastarson, Tryggvi K		1450	1450
4	Briem, Benedikt		1124	1124
5	Runarsson, Jon Hreidar		1085	1085
6	Gudmundsson, Gunnar Erik		1059	1059

Mestu hækkanir

Vignir Vatnar Stefánsson hækkar mest frá febrúar-listanum eða um 157 skákstig. Í næstum sætum eru Stephan Briem (154) og Hjörtur Kristjánsson (136).

Nr.	Skákmaður	Tit	Stig	Mism
1	Stefansson, Vignir Vatnar		2228	157
2	Briem, Stephan		1514	154
3	Kristjansson, Hjortur		1488	136
4	Njardarson, Daniel Ernir		1425	106
5	Luu, Robert		1599	97
6	Kravchuk, Mykhaylo		1596	92
7	Mai, Alexander Oliver		1558	78
8	Jonsson, Gauti Pall		1996	75
9	Mai, Aron Thor		1784	70
10	Kristofersson, Sindri Snaer		1212	70

Stighæstu ungmenni (1996 og síðar)

Dagur Ragnarsson (2243) er stigahæsi skákmaður landsins 20 ára og yngri. Vignir Vatnar Stefánsson (2228) er kominn alla leið upp í annað sætið eftir frábært tímabil. Oliver Aron Jóhannesson (2177) er þriðji.

 

Nr.	Skákmaður	Tit	Stig	B-day	Mism
1	Ragnarsson, Dagur	FM	2243	1997	24
2	Stefansson, Vignir Vatnar		2228	2003	157
3	Johannesson, Oliver	FM	2177	1998	-21
4	Thorgeirsson, Jon Kristinn		2157	1999	-49
5	Thorhallsson, Simon		2092	1999	-65
6	Hardarson, Jon Trausti		2058	1997	-1
7	Heimisson, Hilmir Freyr		2048	2001	-40
8	Birkisson, Bardur Orn		2017	2000	63
9	Jonsson, Gauti Pall		1996	1999	75
10	Sigurdarson, Emil		1968	1996	0

 

Heimslistann má nálgast hér.

Reiknuð skákmót

• Skákþing Reykjavíkur
• Nóa Síríus-mótið (a- og b-flokkur)
• Skákþing Akureyrar + aukakeppni
• Bikarsyrpa TR #4
• Hraðskákmót Reykjavíkur
• Hraðskákmót Nóa Síríus
• Barna- og unglingameistaramót Reykjavíkur (atskák)
• TR barna blitz (hraðskák)

 

 

Síðari hluti Íslandsmót skákfélaga hefst á fimmtudaginn

Seinni hluti Íslandsmóts skákfélaga 2015-2016 fer fram dagana 3.-5. mars nk í Rimaskóla. Keppnin hefst (eingöngu í 1.deild) kl. 19.30 fimmtudaginn 3. mars.  

Aðrar deildir munu hefja taflmennsku föstudaginn 4. mars  kl. 20.00 og síðan  laugardaginn 5. mars. kl. 11.00 og kl. 17.00 sama dag. Lokahóf mótsins verður haldið í Kringlukránni og hefst kl. 22.

1. deild

Skákfélagið Huginn er efst í fyrstu deild. Taflfélag Reykjavíkur er í öðru sæti en þessar sveitir eru langefstar. Skákfélag Akureyrar er í þriðja sæti.

Nánar á Chess-Results.

2. deild

Skákfélag Reykjanesbæjar hefur yfirburði í 2. deild. c-sveit Taflfélags Reykjavíkur er í öðru sæti og Taflfélag Garðabæjar í því þriðja. 

Nánar á Chess-Results.

3. deild

Vinaskákfélagið er í forystu í þriðju deild. C-sveit Skákfélags Akureyrar í öðru og b-sveit Skákdeildar KR í því þriðja.

Nánar á Chess-Results.

4. deild

Hrókar alls fagnaðar eru efstir í fjórðu deild. Taflfélag Vestmannaeyja er í öðru sæti og Skákdeild Breiðabliks í því þriðja.

Nánar á Chess-Results.

 

Jón Kristinn skákmeistari Akureyrar

Eins og kunnugt er urðu þrír meistarar eftir og jafnir á Skákþingi Akureyrar 2016. Þeir þurftu því að tefla til úrslita um titilinn.  Fyrst áttust við þeir Sigurður Eiríksson og Haraldur Haraldsson og vann sá fyrrnefndi þá skák eftir að hafa snúið á andstæðing sinn í miðtaflinu og náð óstöðvandi sókn. Næst tefldi Sigurður við Jón Kristin Þorgeirsson, meistarann frá 2014. Með sigri í þeirri skák gat Sigurður tryggt sér meistaratitilinn í fyrsta sinn og um tíma var staða hans vænleg. Að lokum náði Jón þó að snúa Sigurð niður og stóð því með pálmann í höndunum fyrir skák sína við Harald, sem varð að vinna skákina til að vera með í baráttunni, tefdli hvasst og sótti að kóngi Jóns, sem var berskjaldaður á upphafsreit sínum. En með snjallri vörn tókst Jóni að skipta upp í jafnteflislegt endatafl og varðist frekari vinningstilraunum Haraldar fimlega. Jóni hefði nægt jafntefli í skákinni, en smám saman náði hann undirtökunum og sigraði. Hann er því skákmeistari Akureyrar 2016 og óskum vð honum til hamingju með titilinn. Sigurður Eiríksson hafnaði í öðru sæti og Haraldur Haraldsson í því þriðja.

Barna Blitz: undanrásir hjá Fjölni á morgun

Undanrásir hjá Skákdeild Fjölnis fyrir Reykjavík Open Barna Blitz fara fram á morgun miðvikudag klukkan 17:00. Teflt verður í Rimaskóla.

Á sama tíma fara fram undanrásir hjá Víkingaklúbbnum í Víkinni. Hefjast þær 17:15.

Þeir sem eru komnir áfram eru: Stephan Briem, Alexander Oliver Mai, Óskar Víkingur Davíðsson og Róbert Luu.

Undanrásir fyrir Barna Blitz hjá Víkingum á morgun

Undankeppni fyrir Reykjavík Barna Blitz verður miðvikudaginn 2. mars kl. 17.15 í Víkingsheimilinu. 

 

Mótið er opið skákmönnum fæddum 2003 og síðar.

 

Tefldar verða sex umferðir með sjö mínútna umhugsunartíma. Tveir efstu komast í úrslitin sem verða tefld verða samhliða Reykjarvíkurskákmótinu í Hörpu, sunnudaginn þrettánda mars klukkan 11:00.

 

Til mikils er að vinna því einungis átta keppendur fá þátttökurétt á sjáfri úrslitakeppninni, þar af eru tveir frá móti Víkingaklúbbsins.  Hin félögin í Reykjavík sem halda undanrásir eru Skákdeild Fjölnis, Taflfélagið Huginn og Taflfélag Reykjavíkur.

Skráning á mótið sendist á netfangið vikingaklubburinn(hjá)gmail.com.