Skákfélagið Huginn Íslandsmeistari skákfélaga

Skákfélagið Huginn sigraði á Íslandsmóti skákfélaga sem lauk í Rimaskóla í gær. Huginn vann öruggan 7-1 sigur á b-sveit Taflfélags Reykjavíkur í lokaumferðinni í gær. Taflfélag Reykjavíkur, sem vann b-sveit Skákfélags Akureyrar í lokaumferðinni, varð í öðru sæti. Skákdeild Fjölnis vann stórsigur á Skákdeild KR í lokaumferðinni, 7,5-0,5, hlaut bronsið.

Önnur úrslit urðu þau að Akureyringar unnu Bolvíkinga 5-3 og urðu fjórðu og b-sveit Hugins hafði sigur Víkingaklúbbinn 5,5-2,5 og náðu með því fimmta sætinu af Víkingunum.

B-sveitir Taflfélags Reykjavíkur og Skákfélags Akureyrar féllu niður í aðra deild.

Björn Ívar Karlsson var hetja helgarinnar því með frábærum árangri náði hann áfanga á alþjóðlegum meistaratitli og fór jafnframt yfir 2300 skákstigum og hefur þar með náði FIDE-meistara titli.

Einstaklingsúrslit má nálgast á Chess-Results.

Lokastaðan:

1. Skákfélagið Huginn 57½ v.
2. Taflfélag Reykjavíkur 54½ v.
3. Skákdeild Fjölnis 45 v.
4. Skákfélag Akureyrar 39 v.
5. Skákfélagið Huginn b-sveit 34 v.
6. Víkingaklúbburinn 32 v.
7. Taflfélag Bolungarvíkur 31½ v. (4 stig)
8. Skákdeild KR 24½ v.
9. Taflfélag Reykjavíkur b-sveit 23 v.
10. Skákfélag Akureyrar b-sveit 19 v.

Mótstöflu má finna á Chess-Results. 

2. deild

Skákfélag Reykjanesbæjar vann öruggan sigur á 2. deild og tryggði sér þar með keppnisrétt í fyrstu deild að ári. C-sveit Taflfélags Reykjavíkur varð i öðru sæti. Sú mjög merkilega staða er því uppi að c-sveit TR tekur sæti b-sveitar í TR í efstu deild! Haukar fengu bronsið.

Borgnesingar og Selfyssingar féllu niður í 3. deild. 

Staða efstu liða

1. Skakfélag Reykjanesbæjar 33½ v.
2. Taflfélag Reykjavíkur 26 v.
3. Skákdeild Hauka 22½ v.

Mótstaflan

3. deild

Vinaskákfélagið fór með himinskautum og vann öruggan sigur í þriðju deildinni. Unnu allar sínar viðureignir! B-sveit Fjölnis varð í öðru sæti og fylgir Vinaskákfélaginu upp í 2. deild. D-sveit TR varð í þriðja sæti.

E-sveitir Hugins og TR og b-sveit Víkingaklúbbsins féllu niður í 4. deild.

Röð efstu liða 

1. Vinaskákfélagið 14 stig
2. Skákdeild Fjölnis 9 stig
3. Taflfélag Reykjavíkur d-sveit 8 stig (22 v.)
4. Skákfélag Reykjanesbæjar 8 stig (21½ v.)
5. Skákdeild KR 8 stig (21 v.)
6. Skákfélagið Huginn d-sveit  8 stig (20 v.)

Lokastaðan á Chess-Results.

4. deild

Hrókar alla fagnaðar unnu sigur í 4. deild eftir spennandi baráttu. Aðrir nýliðar á Íslandsmóti skákfélaga, Skákdeild Breiðabliks, varð í öðru sæti. B-sveit Vinaskákfélagsins, undir styrkri stjórn Harðar Jónassonar, varð í þriðja sæti. Allar þessar sveitir tryggja sér keppnisrétt í 3. deild að ári.

1. Hrókar alls fagnaðar 12 stig (33 v.)
2. Skákdeild Breiðabliks 12 stig (26 v.)
3. Vinaskákfélagið 10 stig (30½ v.)
4. Skákfélag Sauðárkróks 10 stig (28 v.)

Lokastaðan á Chess-Results.

Fleiri myndir væntanlegar!

Páskaeggjasyrpa TR hefst í dag

Nú styttist í eina af skemmtilegustu mótasyrpum ársins!  Páskaeggjasyrpa Nóa Síríus og Taflfélags Reykjavíkur hefur slegið rækilega í gegn en mikill fjöldi krakka hefur tekið þátt mótum syrpunnar.  Í ár endurtökum við leikinn og með þessu framtaki vill T.R. í samstarfi við Nóa Síríus þakka þeim gríðarlega fjölda sem sótt hefur barna- og unglingaæfingar félagsins í vetur.

Frábærar aðstæður eru hjá Taflfélagi Reykjavíkur, margir reyndir þjálfarar og félagið býður eitt félaga upp á ítarlegasta námsefni sem völ er á hér á landi. Allar æfingar og allt námsefni er frítt, það þarf bara að mæta og taka þátt í þessum stórskemmtilegu æfingum!

Mótin í ár verða reiknuð til alþjóðlegra hraðskákstiga og glæsileg verðlaun eru í öllum mótunum, sem og fyrir samanlagðan árangur úr þeim öllum.  Í hverju móti verður síðan dregin út glæsileg skákklukka handa einum heppnum þátttakanda.

Páskaeggjasyrpan mun samanstanda af þremur skákmótum sem haldin verða þrjá sunnudaga fyrir páska í skákhöll Taflfélags Reykjavíkur að Faxafeni 12:

1. NÓA KROPP PÁSKAEGGJAMÓTIÐ. Sunnudaginn 6. mars kl. 14

2. NIZZA LAKKRÍS PÁSKAEGGJAMÓTIÐ. Sunnudaginn 13. mars kl. 14

3. NIZZA HRÍSKÚLU PÁSKAEGGJAMÓTIÐ. Sunnudaginn 20. mars kl.14

Keppt verður í tveimur flokkum, 1-3 bekk (og yngri) og 4-10 bekk.
Sex umferðir verða tefldar í hverju móti með 10 mínútna umhugsunartíma á mann.
Glæsileg verðlaun eru í boði fyrir alla hressu skákkrakkana sem taka þátt í syrpunni!
Verðlaunapeningar fyrir þrjú efstu sætin í hvorum flokki á hverju páskaeggjamóti.
Stór páskaegg fyrir þrjú efstu sætin samanlagt úr mótunum í hvorum flokki (misstór eftir sætum)
Allir sem taka þátt í minnst tveimur af þremur mótum í syrpunni fá lítið páskaegg í verðlaun fyrir þátttökuna og verða þau veitt í lok þriðja mótsins í syrpunni.
Dregin verður út ein glæsileg skákklukka handa heppnum skákkrakka á hverju páskaeggjamóti!

Skráningarform

Skráðir keppendur

Taflfélag Reykjavíkur og Nói Síríus hlakka til að sjá ykkur á PÁSKAEGGJASYRPUNNI 2016!

Huginn með örugga forystu fyrir lokaumferðina

Skákfélagið Huginn er á toppnum á Íslandsmóti skákfélaga eftir 5-3 sigur á Taflfélagi Reykjavíkur í afar spennandi viðureign. Þar með hefur Huginn fjögurra vinnings forskot á Taflfélag Reykjavíkur fyrir lokaumferðina sem hefst kl. 17. Komnir með níu fingur á bikarinn. 

Skákdeild Fjölnis er í þriðja sæti eftir öruggan 5,5-2,5 á b-sveit Hugins. Fallbaráttan er að skýrast en KR-ingar fóru langleiðina með tryggja sæti sitt í deild þerra bestu með 5,5-2,5 sigur á b-sveit Akureyringa. Víkingaklúbburinn vann svo a-sveit Akureyringa 4,5-3,5.

 

Einstaklingsúrslit má nálgast á Chess-Results.

Staðan er sem hér segir:

1. Skákfélagið Huginn 50½ v.
2. Taflfélag Reykjavíkur 46½ v.
3. Skákdeild Fjölnis 37½ v.
4. Skákfélag Akureyrar 34 v.
5. Víkingaklúbburinn 29½ v.
6. Skákfélagið Huginn b-sveit 28½ v. (7 stig)
7. Taflfélag Bolungarvíkur 28½ v. (4 stig)
8. Skákdeild KR 24 v.
9. Taflfélag Reykjavíkur b-sveit 22 v.
10. Skákfélag Akureyrar b-sveit 19 v.

Mótstöflu má finna á Chess-Results. 

2. deild

Skákfélag Reykjanesbæjar hefur tryggt sér sigur í 2. deild.  Um hitt sætið í efstu deild berjast Skákdeild Hauka og c-sveit Taflfélags Reykjavíkur.

Staða efstu liða

1. Skakfélag Reykjanesbæjar 28 v.
2. Skákdeild Hauka 22 v.
3. Taflfélag Reykjavíkur 21,5 v.

Mótstaflan

3. deild

Vinaskákfélagið hefur þegar tryggt sér sigur og þar með sæti í 2. deild að ár. B-sveit Fjölnis er í öðru sæti og Huginn og c-sveit Akureyringa eru í 3.-4. sæti.

Staðan á Chess-Results.

4. deild

Skákdeild Breiðabliks náði forystunni af Hrókum alls fagnaðar með góðum sigri í dag. Hrókarnir eru í örðu sæti og b-sveit Vinaskákfélagsins er í þriðja sæti.

Staðan á Chess-Results.

Huginn með 2ja vinninga forskot fyrir lokadag Íslandsmóts skákfélaga - Huginn og TR mætast kl. 11

Það eru miklar sviptingar a Íslandsmóti skákfélaga og skiptast Skákfélagið Huginn og Taflfélag Reykjavíkur á því að vera í forystu. Huginsmenn endurheimtu forystuna í gær með því að vinna stórsigur, 7½-½, á b-sveit Skákfélags Akureyrar. Á sama tíma þurftu TR-ingar  að sætta sig við 5-3 sigur á Taflfélagi Bolungarvíkur. Þar með náði Huginn 2ja vinninga forskoti. Þessi lið mætast kl. 11 í dag og viðureign sem gæti hæglega ráðið úrslitum. Teflt er í Rimaskóla. 

Halldór Grétar Einarsson (Bolungarvík), sem var fimmtugur í gær, hélt upp á afmælið með óvæntum sigri á alþjóðlega meistaranum Braga Þorfinnssyni (TR).

Skákdeild Fjölnis náði þriðja sætinu af Skákfélagi Akureyrar með 5-3 sigri og standa best af vígi í baráttunni um bronsið. B-sveit Hugins gerði 4-4 jafntefli við Skákdeild KR og b-sveit TR vann Víkingaklúbbinn með minnsta mun og koma sér upp úr fallsæti með þeim vinningi. 

Fallbaráttan er í fullum gangi en þar berjast b-sveitir TR og SA og Skákdeild KR. Eitt af þessum liðum heldur sér uppi. KR-ingar mæta b-sveit Akureyringa í afar mikilvægari viðureign kl. 11.

Einstaklingsúrslit má nálgast á Chess-Results.

Staðan er sem hér segir:

1. Skákfélagið Huginn 45½ v.
2. Taflfélag Reykjavíkur 43½ v.
3. Skákdeild Fjölnis 32 v.
3. Skákfélag Akureyrar 30½ v.
5. Skákfélagið Huginn b-sveit 26 v.
6. Víkingaklúbburinn 25 v.
7. Taflfélag Bolungarvíkur 23½ v.
8. Taflfélag Reykjavíkur b-sveit 19 v.
9. Skákdeild KR 18½ v.
10. Skákfélag Akureyrar b-sveit 16½ v.

Mótstöflu má finna á Chess-Results.

 

2. deild

Skákfélag Reykjanesbæjar er með yfirburði í 2. deildinni og virðist ekkert geta komið í veg fyrir það þeir vinni sér sæti í deild þeirra bestu að ári. C-sveit TR er í öðru sæti með 19 vinninga og Haukar eru í þriðja sæti með 17 vinninga eftir stórsigur á Garðbæingum í gær. 

Botnbaráttan er afar afar hörð en þar berjast Skákfélag Selfoss og nágrennis, Skákfélag Íslands og Borgnesingar. Eitt af þessum þremur liðum heldur sér uppi.

Staðan

1. Skakfélag Reykjansbæjar 24½ v.
2. Taflfélag Reykjavíkur 19 v.
3. Skákdeild Hauka 17 v.
4. Skákfélagið Huginn c-sveit 15 v.
5. Taflfélag Garðabæjar 14½ v.
6. Skákfélag Selfoss og nágrennis 10½ v.
7. Skákfélag Íslands 10 v.
8. UMSB (Borgarnes) 9½ v.

Mótstaflan

3. deild

Vinaskákfélagið hefur þar mikla yfirburði og er í forystu með 10 stig. c-sveit Skákfélag Akureyrar er í öðru sæti með 7 vinninga. B-sveitir Fjölnis og Skákfélags Reykjanesbæjar og d-sveit Hugins eru í 3.-5. sæti með 6 stig. 

Staðan á Chess-Results.

4. deild

Hrókar alls fagnaðar fara mikinn og eru efstir með 10 stig. Skákdeild Breiðabliks er í öðru sæti með 9 stig og b-sveit Vinaskákfélagsins er í þriðja sæti með 8 stig.

Staðan á Chess-Results.

Róbert Luu og Óskar Víkingur unnu sér þátttökurétt í úrslitum Reykjavík Barna Blitz á Huginsæfingu

Annað úrtökumótið fyrir Reykjavík Barna Blitz fór fram á skákæfingu hjá Huginn síðastliðinn mánudag 29. febrúar 2016. Það voru 20 þátttakendur sem kepptu um tvö sæti í úrslitum keppninnar sem fram fara sunnudaginn 13. mars fyrir 7. umferðina á Reykjavíkurskákmótinu.  Róbert Luu tók snemma forystu í mótinu og lét hana aldrei af hendi og vann með fullu húsi eða sjö vinningum í jafn mörgum skákum. Fyrir síðustu umferð var Stefán Orri Davíðsson í öðru sæti með 5v og búinn að fá alla efstu menn nema Óskar Víking Davíðsson og þeir mættust í síðustu umferð. Þar varð engin bræðrabylta heldur vann Óskar og tók þar með seinna sætið í úrslitum á Barna blitzinu. Stefán Orri varð svo þriðji sæti á mótinu.

Úrslit á Chess-Results 

Á meðan á undanrásunum stóð tefldu sjö á sérstakri æfingu sem var fyrir þá sem voru eldri en svo að þær mættu taka þátt í undanrásunum eða voru þá þegar búnir að tryggja sér sæti þar. Á þeirri æfingu varð Aron Þór Mai hlutskarpastur með 5,5v af sex mögulegum, Annar varð Jón Þór Lemery með 4,5v og þriðji með 4v var Alexander Oliver Mai með 4v eins og Dawid Kolka en hærri á stigum.

Úrslit á Chess-Results

Í æfingunni tóku þátt: Róbert Luu, Óskar Víkingur Davíðsson, Stefán Orri Davíðsson, Sindri Snær Kristófersson, Benedikt Þórisson, Arnar Milutin Hreiðarsson, Rayan Sharifa, Elfar Þorsteinsson, Adam Omarsson, Andri Hrannar Elvarsson, Óttar Örn Bergmann Sigfússon, Batel Mirion Tesfamheret, Frank Gerritsen, Einar Dagur Brynjarsson, Bjartur Þórisson, Heiður Þórey Atladóttir, Eiríkur Þór Jónsson, Björgvin Atlason, Brynja Stefánsdóttir, Josef Omarsson, Aron Þór Maí, Jón Þór Lemery, Alexander Oliver Mai, Dawid Kolka, Heimir Páll Ragnarsson, Daníel Guðjónsson og Ólafur Helgason.

Næsta æfing verður mánudaginn 7. mars 2016 og hefst kl. 17.15. Æfingarnar eru í félagsheimili Hugins í Álfabakka 14a í Mjóddinni. Gengið er inn milli Subway og Fröken Júlíu og salurinn er á þriðju hæð.

TR í forystu á Íslandsmóti skákfélaga

Það spennir í gríðarlega harða baráttu um Íslandsmeistaratitilinn á Íslandsmóti skákfélaga. Síðari hlutinn hófst í kvöld í Rimaskóla með sjöttu umferð í fyrstu deild. Taflfélag Reykjavíkur hrifsaði forystuna úr höndum Skákfélagsins Hugins með góðum 7-1 sigri á Víkingaklúbbnum. Huginsmenn unnu á sama tíma KR-inga 6-2.

Önnur úrslit kvöldins urðu þau að Akureyringar unnu b-sveit Hugins 4½-3½, Fjölnismenn lögðu b-seit TR 6-2 og Bolvíkingar höfðu betur með b-sveit Akureyringa 4½-3½.

Nokkur óvænt einstaklingsúrslit urðu í kvöld. Má þar nefna að Hrannar Baldursson (KR) vann stórmeistarann Stefán Kristjánsson (Huginn).

Einstaklingsúrslit má nálgast á Chess-Results.

Staðan er sem hér segir:

1. Taflfélag Reykjavíkur 38½ v. 
2. Skákfélagið Huginn 38 v. 
3. Skákfélag Akureyrar 27½ v.
4. Skákdeild Fjölnis 27 v.
5. Skákfélagið Huginn b-sveit 22 v.
6. Víkingaklúbburinn 21½ v.
7. Taflfélag Bolungarvíkur 20½ v.
8. Skákfélag Akureyrar 16 v.
9. Taflfélag Reykjavíkur 14½ v.
10. Skákdeild KR 14 v.

Mótstöflu má finna á Chess-Results.

Sjöunda umferð fer fram á morgun og hefst kl. 20. Þá tefla forystusauðirnir í TR við Bolvíkinga en Huginsmenn mæta b-sveit Akureyringa.

Á morgun hefst jafnframt taflmennska í 2.-4. deild. 

Páskaeggjasyrpa TR hefst á sunnudaginn

Nú styttist í eina af skemmtilegustu mótasyrpum ársins!  Páskaeggjasyrpa Nóa Síríus og Taflfélags Reykjavíkur hefur slegið rækilega í gegn en mikill fjöldi krakka hefur tekið þátt mótum syrpunnar.  Í ár endurtökum við leikinn og með þessu framtaki vill T.R. í samstarfi við Nóa Síríus þakka þeim gríðarlega fjölda sem sótt hefur barna- og unglingaæfingar félagsins í vetur.

Frábærar aðstæður eru hjá Taflfélagi Reykjavíkur, margir reyndir þjálfarar og félagið býður eitt félaga upp á ítarlegasta námsefni sem völ er á hér á landi. Allar æfingar og allt námsefni er frítt, það þarf bara að mæta og taka þátt í þessum stórskemmtilegu æfingum!

Mótin í ár verða reiknuð til alþjóðlegra hraðskákstiga og glæsileg verðlaun eru í öllum mótunum, sem og fyrir samanlagðan árangur úr þeim öllum.  Í hverju móti verður síðan dregin út glæsileg skákklukka handa einum heppnum þátttakanda.

Páskaeggjasyrpan mun samanstanda af þremur skákmótum sem haldin verða þrjá sunnudaga fyrir páska í skákhöll Taflfélags Reykjavíkur að Faxafeni 12:

1. NÓA KROPP PÁSKAEGGJAMÓTIÐ. Sunnudaginn 6. mars kl. 14

2. NIZZA LAKKRÍS PÁSKAEGGJAMÓTIÐ. Sunnudaginn 13. mars kl. 14

3. NIZZA HRÍSKÚLU PÁSKAEGGJAMÓTIÐ. Sunnudaginn 20. mars kl.14

Keppt verður í tveimur flokkum, 1-3 bekk (og yngri) og 4-10 bekk.
Sex umferðir verða tefldar í hverju móti með 10 mínútna umhugsunartíma á mann.
Glæsileg verðlaun eru í boði fyrir alla hressu skákkrakkana sem taka þátt í syrpunni!
Verðlaunapeningar fyrir þrjú efstu sætin í hvorum flokki á hverju páskaeggjamóti.
Stór páskaegg fyrir þrjú efstu sætin samanlagt úr mótunum í hvorum flokki (misstór eftir sætum)
Allir sem taka þátt í minnst tveimur af þremur mótum í syrpunni fá lítið páskaegg í verðlaun fyrir þátttökuna og verða þau veitt í lok þriðja mótsins í syrpunni.
Dregin verður út ein glæsileg skákklukka handa heppnum skákkrakka á hverju páskaeggjamóti!

Skráningarform

Skráðir keppendur

Taflfélag Reykjavíkur og Nói Síríus hlakka til að sjá ykkur á PÁSKAEGGJASYRPUNNI 2016!

Joshuna og Sæmundur áfram á Barna Blitz eftir Fjölnis-undanrásir

Fjölmennustu undanrásir skákfélaganna í keppni um eftirsótt sæti í úrslitakeppni á Barna-Blitz 2016 voru hjá Skákdeild Fjölnis í Rimaskóla þangað sem 35 keppendur mættu til leiks. Flestir þátttakendur komu úr röðum Fjölnismanna, en í þeirra hópi er breiddin afar mikil en jöfn. Skákdeildin naut aðstoðar Stefáns Bergssonar við framkvæmd mótsins og voru tefldar 6 umferðir með fyrirkomulagi hraðskáka.

Skákhlé var gert eftir fjórar umferðir og keppendum boðið upp á gómsæta skúffuköku. Á þeim tímapunkti var Joshua Davíðsson einn efstur og ósigraður en um tugur annarra með þrjá vinninga eða minna. Fyrir lokaumferðina var ljóst að Joshua hafði tryggt sér sæti á Barna-Blitz eftir sigur í öllum fimm skákunum en næstir í röðinni komu þeir Kristján Dagur Jónsson og Sæmundur Árnason. Þeir tveir síðarnefndu tefldu saman í lokaumferðinni, hreina úrslitaskák um síðara Blitz sætið og reyndist viðureign þeirra jöfn og spennandi. Eftir sviptingar á báða bóga fór það svo að Sæmundur landaði sigri og mætir með Joshua á úrslitamót Reykjavik Open, Barna-Blitz sunnudaginn 13. mars. Í lok mótsins var líkt og á öllum miðvikudagskákæfingum Fjölnis í vetur afhent verðlaun og voru það 16 efstu þátttakendurnir sem duttu þar í lukkupottinn.

Sjá nánar á Chess-Results.

 

Sindri Snær og Benedikt Briem unnu sér sæti á úrslitum Barnablitz 2016

Síðustu tvö úrtökumót af fjórum fyrir Reykjavík Barna Blitz fóru fram í gær miðvikudaginn 2. mars.  Annað mótið hélt Fjölnir og hitt fór fram í Víkinni.  Alls tóku 14. keppendur þátt í mótinu hjá V'ikingaklúbbnum.

Sindri Snær Kristófersson sigrað á mótinu, gerði aðeins eitt jafntefli við Benedikt Briem í 2. umferð. Í öðru sæti kom Benedikt Briem sem átti gott mót og endaði með 5. vinninga af sex mögulegum (tvö jafntefli). Þriðji varð svo Stefán Orri Davíðsson, sem er nú fyrsti varamaður inn í úrslitin, því óvíst er hvort Benedikt Briem geti tekið þátt í úrslitunum í Hörpunni. Stefán leiddi mótið lengst af, en tapaði í hörkuspennandi úrslitaskák í næstsíðustu umferð fyrir Sindra Snæ. Í yngri flokki, krakka sem fædd eru 2008 og síðar sigraði Bjartur Þórisson (fæddur 2009) eftir bráðabanaskák við félaga sinn Einar Dag (2009). Bergþóra Helga (2008) náði svo bronzinu í yngri flokki eftir bráðabanaskák við hin bráðefnilega Jósef Omarsson (2011).

Skákstjórar á mótinu voru Gunnar Fr. Rúnarsson, Sigurður Ingason og Lenka Ptacnikova. Tefldar voru sex umferðir með sjö mínútna umhugsunartíma.

Barnaæfingar Víkingaklúbbsins eru alla miðvikudaga í vetur frá kl: 17.15-18.30.  Allir ungir skákmenn eru velkomnir að vera með og æfingarnar eru ókeypis.  Næsti viðburður Víkingaklúbbsins er hið árlega Páskaeggjamót, sem haldið verður á æfingartíma miðvikudaginn 16. mars kl 17.00-19.00.   

Úrslit:

1  Sindri Snær Kristófersson 5.5 af 6   
2  Benedikt Briem 5    
3 Stefán Orri Davíðsson 4.5
4 Benedikt Þórisson 4
5 Batel Mirion 3.5
6 Bjartur Þórisson 3
7 Einar Dagur 3
8 Jóhann Fróði Ásgeirsson 3
9 Adam Omarsson 3
10 Bergþóra Helga Gunnarsdóttir 3
11 Jósef Omarsson 3
12 Gunnar Páll 2
13 Mikael Ísaksson 1
14 Jóel Freyr 1

Sjá nánar á heimasíðu Víkingaklúbbsins

Síðari hluti Íslandsmóts skákfélaga hefst í kvöld

Síðari hluti Íslandsmóts skákfélaga hefst í kvöld í Rimaskóla kl. 19:30. Í kvöld hefst aðeins fyrsta deildin en baráttan í 2.-4. deild hefst á morgun. Baráttan um Íslandsmeistaratitilinn stendur á milli Íslandsmeistara Skákfélagsins Hugins og Taflfélags Reykjavíkur. Huginsmenn hafa ½ vinnings forskot áður farið er inn í síðari hlutann. 

Íslandsmót skákfélaga er mikil skákhátíð. Þar tefla allt frá ofurstórmeisturum, sem taka þátt svo margir hverjir þátt í Reykjavíkurskákmótinu sem hefst á þriðjudaginn, og ungum skákmönnum sem eru að stíga sín fyrstu skref. 

Staðan:

1. Skákfélagið Huginn 32 v.
2. Taflfélag Reykjavíkur 31½ v.
3. Skákfélag Akureyrar 23 v.
4. Skákdeild Fjölnis 21 v.
5. Víkingaklúbburinn 20½ v.
6. Skákfélagið Huginn b-sveit 18½
7. Taflfélag Bolungarvíkur 16 v.
8. Skákdeild KR 12½ v. (3 stig)
9. Skákfélag Akureyrar b-sveit 12½ v. (2 stig)
10. Taflfélag Reykjavíkur b-sveit 12½ v. (1 stig)

Í umferð kvöldsins tefla Huginsmenn við Skákdeild KR. Taflfélag Reykjavíkur mætir Víkingaklúbbnum.

Huginn og Taflfélag Reykjavíkur eiga innbyrðis viðureign kl. 11 á laugardagsmorguninn. Þar geta úrslitin ráðist. 

Sjá nánar á Chess-Results

Staða efstu liða í 2. deild:

1. Skákfélag Reykjanesbæjar 19 v.
2. Taflfélag Reykjavíkur c-sveit 14 v.
3. Taflfélag Garðabæjar 13½ v.

Sjá nánar á Chess-Results.

Staða efstu liða í 3. deild:

1. Vinaskákfélagið 8 stig
2. Skákfélag Akureyrar c-sveit 6 stig
3. Skákdeild KR b-sveit 5 stig (12,5 v.)
4. Taflfélag Reykjavíkur 5 stig (12 stig)
5. Skákfélagið Huginn 5 stig (11 stig)
6. Taflfélag 

Sjá nánar á Chess-Results

Staða efstu liða í 4. deild:

1. Hrókar alls fagnaðar 8 stig
2. Taflfélag Vestamannaeyja 7 stig (18 v.)
3. Skákdeild Breiðabliks 7 stig (15 v.)

Sjá nánar á Chess-Results

• Heimasíða mótsins
• Chess-Results