Jóhann Hjartarson teflir á GAMMA Reykjavíkurskákmótinu

Stórmeistarinn Jóhann Hjartarson tekur þátt á GAMMA Reykjavíkurskákmótinu sem hefst 19. apríl nk. Jóhann hefur ekki tekið þátt í mótinu í 21 ár en síðast tók hann tók árið 1996.

Jóhann hefur sigrað tvívegis á mótinu. Annars vegar árið 1984 þegar hann sigraði á mótinu ásamt Helga Ólafssyni og Samuel Reshevesky og hins vegar árið 1992 þegar hann hampaði sigri mótinu ásamt lettneska snillingum Alexei Shirov sem einmitt tekur þátt í ár eftir 25 ára hlé!

Keppendalista mótsins má finna hér.

Mótið nú er það sterkasta og fjölmennasta í ríflega hálfrar aldar sögu mótanna. Nú þegar eru 277 skákmenn skráðr til leiks þar af um 100 erlendir.

Meðal annarra keppenda má nefna ofurstórmeistarana Anish Giri, Dmitry Andreikin, Baadur Jobava. 

Sjá einnig nýlega umfjöllun Fréttablaðsins, "Undrabörn og ofurstórmeistarar".

Heimasíða GAMMA Reykjavíkurskákmótsins. 

 

Skákþing Norðlendinga hefst á föstudaginn

Skákþing Norðlendinga 2017 verður haldið 24.-26. mars, á Kaffi Krók, á Sauðárkróki. Mótið hefst kl. 20.00 á föstudagskvöldið 24. mars, en þá verða telfdar 4 umferðir af 25 mínútna atskákum.  5. umferð kl. 11.00 og 6 umferð kl. 17.00 laugardaginn 25. mars og 7. umferð kl. 11.00 sunnudaginn 26. mars, en þá verður umhugsunartíminn 90 mínútur á skákina + 30 sek. á hvern leik.  Að 7. umf. lokinni verður Hraðskákmót Norðlendinga haldið og hefst kl. 14.30 eða síðar. Skákmeistari Norðlendinga getur aðeins orðið sá sem á lögheimili á Norðurlandi, en mótið er öllum opið. Skákdómari verður Ingibjörg Edda Birgisdóttir.

Verðlaun eru sem hér segir 1. sæti 45.000 kr.  2. sæti 30.000  3. sæti 20.00  4. sæti 15.000 5. sæti 10.000  Aukaverðlaun fær efsti skákmaður með minna en 1800 stig, 10.000 kr. Verði menn jafnir að vinningum skiftast verðlaun  jafnt milli þeirra.

Mótið verður reiknað til alþjóðlegra kapp- og atskákstiga. 

Skráning á skák.is (skak.blog.is) og einnig er hægt að skrá sig á jhaym@simnet eða í síma 865 3827, þar sem nánari upplýsingar gæti líka verið mögulegt að fá. Upplýsingar um þegar skráða keppendur má finna hér.

Aeroflot Open - pistill Dags Ragnarssonar

Ferðalagið til Rússlands byrjaði strax að loknu Norðurlandamótinu í Noregi sem kláraðist þann 19.febrúar. Ferðafélagarnir mínir voru þeir Helgi Ólafsson, Guðmundur Kjartansson og Sigurður Daði Sigfússon. Það var augljóst í mínum huga bara með því að horfa á hópinn að líkurnar á einhverju veseni voru mjög litlar. Eins og Helgi orðaði það "Menn eru ekki á einhverju skralli hér." 

Við flugum með beinu flugi frá Noregi til Moskvu  og vorum komnir á áfangastað um kvöldið. Þegar við vorum komnir á Hótel Cosmos þá komst maður fljótlega að því hvernig Rússarnir gera hlutina. Mjög hægt. Ég hef samt alltaf verið rosalega þolinmóður svo þessar aðstæður sem ég þurfti að búa við í 12 daga voru ekkert að trufla mig.  Þegar allt var afgreitt og við búnir að koma okkur fyrir var borðað og skálað í tilefni þess að menn væru komnir á áfangastað. 

Mótið er líklega eitt erfiðasta mót sem ég hef tefld og ég kem reynslunni ríkari af því. Af 118 skákmönnum voru 95 manns með yfir 2300 elo. Þetta þýðir að í hverju einustu umferð ertu að fara fá stigaháan og að maður þarf alltaf að vera rosalega vel tilbúinn. 

1.umferð

Í fyrstu umferð fékk ég Kínverjann Mu, Ke (2431)

Ég fékk hvítt og var mjög ánægður með það. Snemma í byrjuninni þá lék ég leik sem kom honum rosalega á óvart. Bæði hann og þeir sem sátu við hliðina á borðinu mínu horfðu á mig eins og ég væri vitlaus. Ég var ekki alveg að fatta hvað það var en svo tók ég eftir að andstæðingurinn minn gat unnið peð. Gjörsamlega niðurlægður þá hélt ég coolinu samt og tók eftir því að hvítur myndi fá rosalega bætur ef peðið væri tekið. Hann tók svo peðið sem kom seinna í ljós að hann átti ekki að gera. Ég fékk rosalega mikið speis um allt borðið og tókst svo að vinna mann. Hann gaf svo stuttu eftir það. Þessi skák gaf mér rosalega mikið sjálfstraust og eftir þessa skák tefldi ég mestan hluta af mótinu stresslaus og af miklu sjálfsöryggi.

2.Umferð

Í annarri umferð fékk ég Rússann Makhmutov, Rail (2437)

Ég var ekki viss um hvað hann myndi tefla. Þegar skákin byrjaði kom fljótlega í ljós að hann tefldi London System sem ég var mjög ánægður með. Ég jafnaði taflið býsna auðveldlega og svo kom upp staða sem ég gat fórnað hrók fyrir sókn. Af sjálfsögðu gerði ég það enda eru menn ekki mættir til Rússlands til að vera í vörn. Eftir langa og flókna sókn fékk ég loksins sigurséns en ég sá ekki rétta leikinn. Það er alveg rétt sem sumir skynsamir menn segja „Maður fær alltaf einn séns“. Mér tókst svo að tapa skákinni. Leiðinleg úrslit en mér leið ekkert rosalega illa. Ég sá það að ég gat alveg staðið í þessum gæjum. 

 

3.Umferð

Svo tefldi ég við Mammadova Gulnar. Landsliðmaður í kvennalandsiði Azerbaijan.

Úr byrjuninni fékk ég yfirburðartafl en tókst svo að flækja það alltof mikið og var svo komið með tapað. Hinsvegar lék ég alveg glötuðum leik með svo mikla sjálfsöryggi að ég trúi en að það hafi blekkt hana. Í flækjunum lék hún svo hrikalega af sér og sigldi ég sigrinum örugglega í höfn eftir það. 

4-6 Umferð

Þetta voru frekar góðar og hágæða „pulsur“ – eins og við segjum stundum. Ég var með sigurmögulega í öllum en ég þurfti að vera aðeins meira á tánum til að sjá möguleikana mína. Samt er jafntefli ágætt þegar maður er næstum 200 stigum lægri en andstæðingurinn. 

7-9 Umferð

Seinustu þrjár umferðirnar endypy á langhrókeringu (0-0-0) hjá mér. Leiðinleg upplifun en fer í reynslubankann.  Ég var með yfirburða stöðu í 7.umferð á móti GM Eldar Gasanova. Fljótlega var ég búinn að leika þessu niður í jafntefli en vildi það ekki svo ég ákvað að tefla áfram sem ég sá svo mjög stuttu síðar eftir. Ég náði ekki að jafna mig eftir það tap og tefldi seinustu tvær skákir gjörsamlega búinn á því,  á móti tveimur vel undirbúnum undrabörnum sem kenndu mér lexíu.

Meðal stig andstæðingana mína voru 2430 og endaði ég með 17 stig í + og Ratingperf 2351 sem er þegar upp er staðið, ekki slæmt. 

Eftir mótið var svo hraðskákmót. 9 umferðir, 2 skákir á hvern andstæðing með tímamörk 3:02. Ég fékk 7 af 18. Þetta var ótrúlegt að sjá hversu góðir þessir Rússar geta verið í hraðskák. Ekki ein skák var létt og var ég í tímahraki í öllum skákunum. Hinsvegar gekk honum Guðmundi ansi vel og lagði meira að segja Benjamin Bok 2-0 í seinustu umferð. 

Í lok vil ég þakka ferðafélögunum mínum fyrir þessa frábæru ferð. Ég mæli með þessu móti fyrir alla þá  sem eru að leita sér að alvöru áskorun eða jafnvel áföngum. 

Dagur Ragnarsson

 

[Event "?"] [Site "?"] [Date "2017.02.21"] [Round "?"] [White "Dagur Ragnarsson"] [Black "Ke Mu"] [Result "1-0"] [ECO "D16"] [PlyCount "95"] [EventDate "2017.??.??"] 1. d4 d5 2. c4 c6 3. Nf3 Nf6 4. Nc3 dxc4 5. a4 Bg4 6. Ne5 Bh5 7. Nxc4 e6 8. g3 Na6 9. Bg2 Nb4 10. a5 {Hérna hélt ég að ég væri kominn með tapað} Qxd4 11. Qxd4 Nc2+ 12. Kf1 Nxd4 13. a6 b5 14. Be3 bxc4 15. Bxd4 Nd5 16. Ra4 {Hann greinilega sá ekki o^ennan leik} f6 17. Rxc4 Kd7 18. f4 Be7 19. Kf2 Rab8 20. Na4 (20. Rc1 Rxb2 21. Nxd5 Rxe2+ 22. Kf1 exd5 23. Rxc6 Bd6 24. Bh3+ Ke7 25. Rb1) 20... Rb5 21. Ra1 (21. Bxa7 Ra8 22. Nb6+ Nxb6 23. Bxc6+ Kc7 24. Bxa8+ Nxc4 25. Rc1) 21... Ra8 22. Bc5 Ra5 23. e4 Nc7 24. Bf1 {Restin er bara tæknileg úrvinnsla} Nxa6 25. Bxe7 Kxe7 26. b4 Rb5 27. Rxc6 Nxb4 28. Bxb5 Nxc6 29. Bxc6 Rc8 30. Bb5 Rc2+ 31. Ke3 Kd6 32. Bd3 Rxh2 33. Nc3 Rg2 34. e5+ Ke7 35. Rxa7+ Kf8 36. Ne4 fxe5 37. fxe5 h6 38. Bc4 Bg4 39. Nc5 Rxg3+ 40. Kf4 Rg1 41. Nxe6+ Bxe6 42. Bxe6 Rf1+ 43. Ke4 h5 44. Bc4 Rc1 45. Kd5 g5 46. e6 g4 47. e7+ Kf7 48. Bb5 1-0

Íslandsmót grunnskólasveita hefst á laugardaginn

Íslandsmót grunnskóla 8.–10. bekkur 2017 fer fram í Rimaskóla dagana 25. og 26. mars. Tefldar verða 7-9 umferðir eftir fjölda þátttökusveita. Teflt verður eftir svissneska kerfinu. Fimm á laugardegi og fjórar á sunnudegi Umhugsunartími verður 10 mínútur á skák fyrir hvern keppenda auk fimm sekúnda viðbótatartíma á hvern leik. Taflið hefst kl. 13 á laugardeginum en kl. 11 á sunnudeginum.

Hver skóli getur sent fleiri en eina sveit. Í hverri sveit eru fjórir skákmenn. Keppendur skulu vera í 8.–10. bekk. Ef sérstaklega efnilegir skákmenn finnast í 1.–7. bekk er þeim leyfilegt að tefla með sínum skóla en þá aðeins í a- eða b-sveit hans! Í hverri sveit mega vera allt að þrír varamenn.

Þátttökugjöld kr. 7.500.- á sveit.  Þó ekki hærri en kr. 15.000.- fyrir hvern skóla.

Veitt verða verðlaun fyrir efstu b-e sveitir ásamt verðunum fyrir efstu sveitir af landsbyggðinni.

Veitt verða borðaverðlaun fyrir bestan árangur á 1.-4. borði. 

Tvær efstu sveitirnar fá keppnisrétt til þátttöku á Norðurlandamóti grunnskólasveita sem fram fer í september næstkomandi Í Íslandi

Skráning fer fram á Skák.is

Skráningu skal lokið í í síðasta lagi 23. mars

Ath. Áríðandi er að sveitirnar séu skráðar fyrirfram.

Upplýsingar um þegar skráðar sveitir má finna hér.

 

Páskaeggjasyrpa Nóa Síríus og Taflfélags Reykjavíkur hefst 26.mars

Páskaeggjasyrpa Nóa Síríus og Taflfélags Reykjavíkur hefur slegið rækilega í gegn undanfarin ár og hefur mikill fjöldi barna tekið þátt í mótum syrpunnar. Páskaeggjasyrpan í ár hefst sunnudaginn 26.mars er fyrsta mótið verður haldið. Næsta mót verður haldið 2.apríl og hið þriðja í röðinni fer fram 9.apríl. Öll mótin eru á sunnudegi og hefjast klukkan 13. Mótin í ár verða reiknuð til alþjóðlegra hraðskákstiga.

Keppt verður í tveimur flokkum, 1-3.bekk (og yngri) og 4-10.bekk. Sjö umferðir verða tefldar í hverju móti með 5 mínútna umhugsunartíma á mann og bætast 3 sekúndur við tímann eftir hvern leik (5+3). Páskaegg verða í verðlaun á hverju móti sem og fyrir þrjú efstu sætin samanlagt í hvorum flokki mótanna þriggja. Einnig verða verðlaunapeningar veittir fyrir þrjú efstu sætin í hvorum flokki á hverju páskaeggjamóti.

Allir sem taka þátt í minnst tveimur af þremur mótum Páskaeggjasyrpunnar fá páskaegg í verðlaun fyrir þátttökuna og verða þau afhent í lok þriðja mótsins.

Taflfélag Reykjavíkur og Nói Síríus hlakka til að sjá ykkur á PÁSKAEGGJASYRPUNNI 2017!

 

Skráningarform

Skráðir keppendur

Örn Leó sigraði á hraðkvöldi Hugins

Örn Leó Jóhannsson sigraði á hraðkvöldi Hugins sem haldið var mánudaginn 13. mars sl. Örn Leó fékk 11 vinninga af 12 mögulegum og var það aðeins Sigurður Freyr Jónatansson sem náði að leggja hann að velli. Annar var Vigfús Ó. Vigfússon með 10 vinninga og þriðji var Gunnar Nikulásson með 7 vinninga.

Þátttakendur tefldu tvöfalda umferð með umhugsunartímanum 4 mínútur + 2 sekúndur á leik. Þótt umferðirnar væru 14 og nokkrar umferðir drógust á langinn þá gekk hraðkvöldið nokkuð greitt fyrir sig þar sem báðar skákirnar við hvern andstæðing voru tefldar í röð. Þegar Örn Leó dró töluna 6 í happdrættinu þá fór ekki á milli mála hver  var dreginn. Sjálfur valdi Örn Leó að venju úttektarmiða frá Saffran en Björgvin valdi American Style þótt það væri eiginlega ekki í boði. Næsta skákkvöld verður hraðkvöld mánudaginn 27. mars.

Lokastaðan á hraðkvöldinu:

1. Örn Leó Jóhannsson, 11v/12
2. Vigfús Ó. Vigfússon, 10v
3. Gunnar Nikulásson, 7v
4. Sigurður Freyr Jónatansson, 6,5v
5. Hjálmar Sigurvaldason, 5,5v
6. Björgvin Kristbergsson, 2v
7. Pétur Jóhannesson,

Úrslitin í chess-results:

 

Skákþing Norðlendinga hefst á föstudaginn

Skákþing Norðlendinga 2017 verður haldið 24.-26. mars, á Kaffi Krók, á Sauðárkróki. Mótið hefst kl. 20.00 á föstudagskvöldið 24. mars, en þá verða telfdar 4 umferðir af 25 mínútna atskákum.  5. umferð kl. 11.00 og 6 umferð kl. 17.00 laugardaginn 25. mars og 7. umferð kl. 11.00 sunnudaginn 26. mars, en þá verður umhugsunartíminn 90 mínútur á skákina + 30 sek. á hvern leik.  Að 7. umf. lokinni verður Hraðskákmót Norðlendinga haldið og hefst kl. 14.30 eða síðar. Skákmeistari Norðlendinga getur aðeins orðið sá sem á lögheimili á Norðurlandi, en mótið er öllum opið. Skákdómari verður Ingibjörg Edda Birgisdóttir.

Verðlaun eru sem hér segir 1. sæti 45.000 kr.  2. sæti 30.000  3. sæti 20.00  4. sæti 15.000 5. sæti 10.000  Aukaverðlaun fær efsti skákmaður með minna en 1800 stig, 10.000 kr. Verði menn jafnir að vinningum skiftast verðlaun  jafnt milli þeirra.

Mótið verður reiknað til alþjóðlegra kapp- og atskákstiga. 

Skráning á skák.is (skak.blog.is) og einnig er hægt að skrá sig á jhaym@simnet eða í síma 865 3827, þar sem nánari upplýsingar gæti líka verið mögulegt að fá. Upplýsingar um þegar skráða keppendur má finna hér.

Siguringi og Björgvin efstir á Skákmóti öðlinga

Skákkennarinn knái frá suðurnesjunum, Siguringi Sigurjónsson (2021), skaust upp á topp Öðlingamótsins með góðum sigri á Ögmundi Kristinssyni (2015) í fjórðu umferð sem fram fór síðastliðið miðvikudagskvöld. Siguringi er því efstur með 3,5 vinning ásamt Björgvini Víglundssyni (2185) sem gerði jafntefli við Fide-meistarann Ingvar Þór Jóhannesson (2377) í tíðindalítilli skák.

Þéttur hópur sex keppenda með 3 vinninga hver kemur næstur og því ljóst að það stefnir í afar spennandi seinni hluta móts.

Sannkölluð risaviðureign fór fram á öðru borði þar sem tveir svakalegir reynsluboltar mættust. Er þar átt við Gunnar K. Gunnarsson (2115) sem stýrði hvítu mönnunum gegn Þór Valtýssyni (1962). Reyndust þeir kappar nýta keppnisreynsluna til að spara kraftana fyrir komandi átök því þeir sömdu snemma um skiptan hlut og virtust sáttir við sín hlutskipti.

Af öðrum úrslitum og nokkuð óvæntum má nefna að Óskar Long Einarsson (1671) sigraði Halldór Pálsson (2025) og slíkt hið sama gerði Hjálmar Sigurvaldason (1464) gegn Þorvaldi Siggasyni (1773) en hinn eitilharði Vinjarliði Hjálmar hefur nú landað tveimur sigrum í röð, báðum gegn talsvert stigahærri andstæðingum.

Fimmta umferð fer fram næstkomandi miðvikudagskvöld og þá mætast efstu menn í innbyrðisviðureign þar sem Siguringi stýrir hvítu mönnunum gegn svörtum her Björgvins. Þá mætir Ingvar Þór Gunnari og stórmeistari kvenna, Lenka Ptacnikova (2210) etur kappi við Óskar Long.

Klukkur verða ræstar á slaginu 19.30 og eru áhorfendur hvattir til að mæta og berja snilldina augum. Kaffitankarnir verða á fullu – alltaf heitt á könnunni!

Myndskreytta frásögn má finna á heimasíðu TR.

• Chess-Results
• Skákirnar (pgn): 1 2 3 4

 

Ný íslensk skákstig

Ný íslensk skákstig eru komin út og miðast þau við 1. mars sl. Héðinn Steingrímsson er stigahæstur allra. Björgvin Ívarsson Schram er stigahæstur nýliða og Árni Ólafsson hækkaði mest allra frá desember-listanum.

Topp 20

Héðinn Steingrímsson (2566) er stigahæstur allra. Í næstu sætum eru Hannes Hlífar Stefánsson (2562) og Margeir Pétursson (2561).

No.	Name	RtgC	Diff	Tit	Games	Club
1	Héðinn Steingrímsson	2566	0	GM	425	Fjölnir
2	Hannes H Stefánsson	2562	0	GM	1194	Huginn
3	Margeir Pétursson	2561	0	GM	691	TR
4	Jóhann Hjartarson	2561	-13	GM	818	TB
5	Helgi Ólafsson	2543	0	GM	873	Huginn
6	Hjörvar Grétarsson	2542	0	GM	661	Huginn
7	Henrik Danielsen	2490	0	GM	310	SR
8	Helgi Áss Grétarsson	2472	-4	GM	612	Huginn
9	Jón Loftur Árnason	2470	-16	GM	668	TB
10	Jón Viktor Gunnarsson	2444	5	IM	1166	TR
11	Stefán Kristjánsson	2443	0	GM	906	TR
12	Guðmundur Kjartansson	2439	10	IM	867	TR
13	Bragi Þorfinnsson	2438	0	IM	1076	TR
14	Karl Þorsteins	2429	0	IM	615	TR
15	Friðrik Ólafsson	2426	-15	GM	182	TR
16	Þröstur Þórhallsson	2414	3	GM	1335	Huginn
17	Arnar Gunnarsson	2404	0	IM	850	TR
18	Björn Þorfinnsson	2401	-5	IM	1195	TR
19	Dagur Arngrímsson	2399	0	IM	670	TB
20	Magnús Örn Úlfarsson	2356	4	FM	594	Huginn

Nýliðar

Björgvin Ívarsson (1544) er stigahæstur nýliða. Hjörtur Steinbergsson (1535) kemur annar og Smári Arnarson (1493) er næstur og Þórarinn Hjaltason (1262) þriðji.

No	Name	RtgC	Diff	Games	Club
1	Björgvin Ívarsson Schram	1544	1544	9	KR
2	Hjortur Steinbergsson	1535	1535	6
3	Smári Arnarson	1493	1493	18	TR
4	Þórarinn Hjaltason	1262	1262	10	KR
5	Sveinn Sigurðarson	1197	1197	13
6	Ármann Pétursson	1184	1184	15	TR
7	Heiðar Ólafsson	1184	1184	6
8	Elsa Kristín Arnaldardóttir	1000	1000	8	TR
9	Josef Omarsson	1000	1000	16	Huginn

 

Árn Ólafsson hækkar mest frá desember-listanum. Í næstu sætum er þeir bræður Benedikt (156) og Stephan Briem (149). 

No.	Name	RtgC	Diff	Tit	Games	Club
1	Árni Ólafsson	1238	238		84	TR
2	Benedikt Briem	1423	156		67	Breiðablik
3	Stephan Briem	1748	149		99	Breiðablik
4	Örn Alexandersson	1244	145		50	Breiðablik
5	Gudmundur Peng Sveinsson	1311	140		44	Víkingaklúbburinn
6	Freyja Birkisdóttir	1277	118		115	TR
7	Héðinn Sveinn Baldursson Briem	1606	81		88	Vinaskákfélagið
8	Jóhann Bernhard Jóhannsson	1319	72		25	Vinaskákfélagið
9	Atli Mar Baldursson	1235	71		87	Breiðablik
10	Dawid Kolka	1870	57		344	Huginn
11	Ólafur Evert Úlfsson	1722	54		100	Hrókar alls fagnaðar
12	Alex Cambray Orrason	1571	50		75	Hrókar alls fagnaðar
13	Ingvar Egill Vignisson	1621	47		175	Vinaskákfélagið
14	Sæmundur Árnason	1155	46		40	Fjölnir
15	Dagur Ragnarsson	2266	43	FM	440	Fjölnir
16	Daði Ómarsson	2249	41		358	TR
17	Björn Hólm Birkisson	1908	38		264	TR
18	Hilmar Þorsteinsson	1819	35		259	Huginn
19	Oliver Aron Jóhannesson	2216	33	FM	466	Fjölnir
20	Magnús Hjaltason	1100	33		51	Fjölnir

 

Reiknuð skákmót

• Bikarsyrpa TR III og Bikarsyrpa stúlkna 
• Bikarsrypa TR IV og Bikarsyrpa stúlkna
• Janúarmót Hugins (Húsavík, Vöglum og úrslitakeppni)
• Nóa Síríus mótið (a- og b-flokkur)
• Skákþing Akureyrar (aðalmót og úrslitakeppni)
• Skákþing Reykjavíkur
• Skákþing Vestmannaeyja
• TM-mót Skákfélags Reykjanesbæjar
• U-2000 mót TR

Skákþáttur Morgunblaðsins: Huginn Íslandsmeistari þriðja árið í röð

A-sveit Hugins er Íslandsmeistari skákfélaga þriðja árið í röð eftir æsispennandi lokahrinu Íslandsmóts taflfélaga sem fram fór í Rimaskóla um síðustu helgi. Sem fyrr áttu Huginsmenn í harðri keppni um titilinn við A-sveit Taflfélags Reykjavíkur. Lokumferðirnar einkenndust af óvæntum úrslitum en þegar Íslandsmótið hófst aftur að kvöldi fimmtudags í síðustu viku hafði Huginn 2½ vinnings forskot á TR-inga, sem minnkuðu strax muninn í einn vinning. Á föstudagskvöldið töpuðu TR-ingar hins vegar þrem vinningum gegn hinni félagslega sterku sveit Skákfélags Akureyrar. Arnar Þorsteinsson, Jón Kristinn Þorgeirsson og Gylfi Þórhallsson unnu Stefán Kristjánsson, Arnar Gunnarsson og Daða Ómarsson. Við þessi úrslit og 6:2 sigur Hugins yfir Víkingasveitinni juku Huginsmenn forystuna og formsatriði virtist að ljúka mótinu. En að morgni laugardags sáu dagsins ljós óvæntustu úrslit keppninnar er skákdeild KR hélt jöfnu við Hugin, 4:4 en TR-ingar unnu þá Bolungarvík 5½:2½ og munaði því aðeins hálfum vinningi á liðunum fyrir lokaumferðina þegar TR mætti Fjölni og Huginn tefldi við b-sveit TR.

Gamlir nemendur Rimaskóla, Dagur Ragnarsson og Oliver Aron Jóhannesson, unnu Aman Hamelton og Björn Þorfinnsson og þó að TR hafi unnið samanlagt 5½:2½ dugði það ekki þar sem Huginn fékk sex vinninga gegn b-sveit TR. Lokaniðurstaðan í 1. deild varð þessi:

1. Huginn 52 v. (af 72) 2. TR 51 v. 3. Fjölnir 38½ v. 4. Víkingaklúbburinn 36 v. 5. Taflfélag Bolungavíkur 34½ v. 6. Huginn b-sveit 32½ v. 7. Skákfélag Akureyrar 31½ v. 8. KR 29 v. 9. Skákfélag Reykjanesbæjar 28½ v. 10. TR b-sveit 26½ v.

Í 2. deild sigraði Taflfélag Garðabæjar, í 3. deild sigruðu Hrókar alls fagnaðar og í 4. deild vann b-sveit Víkingaklúbbsins. 

Bragi náði áfanga að stórmeistaratitli

Eftir að fram kom tillaga um að fjölga umferðum í efstu deild Íslandsmóts skákfélaga í níu opnuðust möguleikar til sóknar að alþjóðlegum titlum. Tveir áfangar sáu dagsins ljós þegar Bragi Þorfinnsson og Davíð Kjartansson slíðruðu sverðin í síðustu umferð viðureignar TR og Fjölnis. Bragi hlaut 7 vinninga af níu en árangur hans reiknast upp 2.623 Elo-stig. Davíð náði árangri upp á 2.451 Elo-stig. 

Íslandsmót skákfélaga er umfram allt skemmtileg keppni þar sem dregin eru á flot skemmtileg lið og kunnir kappar. Kristján Guðmundsson, kennari við HR og Kvennaskólann í Reykjavík, var vinsæll leiðbeinandi ungra skákmanna hjá TR og farsæll liðsstjóri íslenska ólympíuliðsins á árunum 1984-´92. Í eftirfarandi skák tíndi hann upp leikvinningana og rak kóng andstæðingsins á flótta út á mitt borð:

Kristján Guðmundsson (Huginn) – Stefán Sigurjónsson (Reykjanesbær)

Frönsk vörn

1. e4 e6 2. d3 d5 3. Rd2 dxe4 4. dxe4 e5 5. Rgf3 Bd6 6. Rc4 Bb4+?!

Upphaf að ferðalagi biskups en betra var 6. ... De7 eða 6. .. Rc6.

7. c3 Dxd1+ 8. Kxd1 Bc5 9. Rcxe5 Bxf2 10. Bc4 Be6 11. Bxe6 fxe6 12. Hf1 Bb6 13. Rg5!

Svartur hefur tapað miklum tíma og getur ekki varið e6-peðið.

13. ... Rf6 14. Rxe6 Rxe4 15. Rxg7+ Ke7 16. Hf7+ Kd6 17. Bf4 Kc5 18. b4+ Kd5 19. Kc2 Rxc3!?

Stefán er útsjónarsamur og hyggst nú svara 20. Kxc3 með 20. ... Bd4+.

20. Hf5! Hg8 2. Rd3+ Kc4 22. Rb2+ Kd4 23. Re6+

- og svartur gafst upp.

------------------

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 11. mars 2017

Skákþættir Morgunblaðsins