GAMMA Reykjavíkurskákmótið: Dagskrá dagsins - setning og fyrsta umferð

Anish Giri fór illa með andstæðinga sína í fjöltefli gærdagsins í GAMMA og vann þá alla tólf að tölu eins og sjá má í fréttum Stöðvar 2 og RÚV. Í gær fór einnig fram afar vel heppnað opnunarpartý mótsins þar sem mikill fjölda keppenda og gesta mættu. Meðal annars létu Shirov, Kamsky, Torre og Jobava sjá sig þar.

GAMMA Reykjavíkurskákmótið verður sett kl. 14:30 í dag og eru skákáhugamenn hvattir til að fjölmenna. Fyrsta umferð mótsins hefst svo kl. 15:00.

Skákskýringar í umsjón Ágústar Sindra Karlssonar hefjast kl. 17:00 í Hörpu.

GAMMA Reykjavíkurskákmótið: Dagskrá dagsins; Fjöltefli Giri og Opnunarpartý mótsins

Upphitun fyrir GAMMA Reykjavíkurskákmótið hefst í dag með tveimur viðburðum. Annars vegar klukkufjöltefli Anish Giri sem fram fer í höfuðstöðvum GAMMA, Garðastræti 37, og hins vegar opnunarpartý mótsins sem fram fer í Smurstöðinni í Hörpu. Fjölteflið hefst kl. 13 og opnunarpartýið kl. 18.

FJÖLTEFLI ANISH GIRI

Ofurstórmeistarinn Anish Giri (2771) verður með klukkufjöltefli í dag. Meðal andstæðinga hans verður fjármálaráðherrann Benedikt Jóhannesson. Fjölteflið fer fram í höfuðstöðvum GAMMA, Garðastræti 37, og hefst kl. 13:00. Ráðherrann var um skeið meðal efnilegustu skákmanna landsins áður en önnur hugðarefni tóku við. Friðrik Ólafsson, fyrrverandi forseti FIDE, leikur fyrsta leik fjölteflisins.  

Andstæðingar Giri í fjölteflinu verða engin lömb að leika sér við. Elstur þeirra verður Gunnar Gunnarsson, 83 ára, fyrrum Íslandsmeistari í skák (árið 1966) og fótbolta með Val (árið 1956) og landsliðskonurnar Guðlaug Þorsteinsdóttir og Hrund Hauksdóttir. 

Andstæðingar Giri í fjölteflinu verða sem hér segir:

1. Aron Þór Mai
2. Benedikt Jóhannesson
3. Bragi Halldórsson
4. Gauti Páll Jónsson
5. Guðlaug Þorsteinsdóttir
6. Gunnar Björnsson
7. Gunnar Kr. Gunnarsson
8. Haraldur Haraldsson
9. Hrund Hauksdóttir
10. Óskar Víkingur Davíðsson
11. Stephan Briem
12. Svava Þorsteinsdóttir

Umhugsunartíminn verður 45 mínútur á mann.

Áhorfendur eru hjartanlega velkomnir! 

OPUNARPARTÝ REYKAJVÍKURSKÁKMÓTSINS

Opnunarpartý Reykjavíkurskákmótsins verður haldið í veitingastaðnum Smurstöðunni í Hörpu á milli 18 og 20. Þangað eru allir velkomnir. Tilvalið til að hitta keppendur. Nokkrar af stærstu stjörnum mótsins hafa þegar boðað komu sína. 

Sértilboð verða í boði fyrri gesti opnunarpartýsins á Smurstöðinni. 

Áskell Örn bestur á Páskamóti SA

Skáklífið á Akureyri hefur verið með fjörugasta móti nú um páskana. Góð þátttaka var í Bikarmótinu á skírdag og föstudaginn langa og páskahraðskákmótið sem fór fram í dag, annan í páskum var bæði fjölmennt og góðmennt. Alls mætti 26 keppendur til leiks og voru tefldar 12 umferðir. Í þetta sinn var Monrad gamli kallaður til leiks í röðuninni og fórst það vel úr hendi. 

Úrslitin urðu þessi:

Áskell Örn Kárason	10½
Smári Teitsson	9
Jón Kristinn Þorgeirsson	9
Sigurður Arnarson	7½
Tómas Veigar Sigurðarson	7½
Haraldur Haraldsson	7½
Benedikt Briem	7
Magnús Teitsson	7
Elsa María Kristínardóttir	7
Andri Freyr Björgvinsson	6½
Ólafur Kristjánsson	6½
Smári Ólafsson	6½
Stephan Briem	6
Ágúst Ívar Árnason	6
Hjörtur Steinbergsson	6
Sigurður Eiríksson	6
Karl Egill Steingrímsson	6
Haki Jóhannesson	6
Fannar Breki Kárason	5½
Arnar Smári Signýjarson	5
Heiðar Ólafsson	4½
Hilmir Vilhjálmsson	4
Jóel Snær Davíðsson	3
Sigurður Máni Guðmundsson	3
Ingólfur Árni Benediktsson	2
Alexía Líf Hilmisdóttir	1½

Þeir hlutskörpustu fengu páskaegg í verðlaun, bæði yngri og eldri. Fóru allir sæmilega mettir heim. 

Anish Giri með klukkufjöltefli á morgun í GAMMA - fjármálaráðherra meðal andstæðinga

Ofurstórmeistarinn Anish Giri (2771) verður með klukkufjöltefli á morgun. Meðal andstæðinga hans verður fjármálaráðherrann Benedikt Jóhannesson. Fjölteflið fer fram í höfuðstöðvum GAMMA, Garðastræti 37, og hefst kl. 13:00. Ráðherrann var um skeið meðal efnilegustu skákmanna landsins áður en önnur hugðarefni tóku við. Friðrik Ólafsson, fyrrverandi forseti FIDE, leikur fyrsta leik fjölteflisins.  

Andstæðingar Giri í fjölteflinu verða engin lömb að leika sér við. Elstur þeirra verður Gunnar Gunnarsson, 83 ára, fyrrum Íslandsmeistari í skák (árið 1966) og fótbolta með Val (árið 1956) og landsliðskonurnar Guðlaug Þorsteinsdóttir og Hrund Hauksdóttir. 

Andstæðingar Giri í fjölteflinu verða sem hér segir:

1. Benedikt Jóhannesson
2. Bragi Halldórsson
3. Gauti Páll Jónsson
4. Guðlaug Þorsteinsdóttir
5. Gunnar Björnsson
6. Gunnar Kr. Gunnarsson
7. Haraldur Haraldsson
8. Hrund Hauksdóttir
9. Óskar Víkingur Davíðsson
10. Stephan Briem
11. Svava Þorsteinsdóttir

Umhugsunartíminn verður 45 mínútur á mann.

Áhorfendur eru hjartanlega velkomnir! 

Birkir Karl endaði í þriðja sæti

Birkir Karl Sigurðsson (1851) endaði í þriðja sæti á skákmóti í Ástralíu sem lauk í gær. Birkir Karl hlaut 5½ vinning í sjö skákum.

Lokastöðuna má finna á Chess-Results.

Heimasíða mótsins.

Mads Andersen skákmeistari Danmerkur

Færeyingar og Danir hafa haldið þeirri venju að hafa sín meistaramót um páska. Landsliðsflokki Dananna lauk í gær. Danski stórmeistarinn Mads Andersen (2565) kom sá og sigraði og hlaut 7½ vinning í 9 skákum. Annar varð Allan Stig Rasmussen (2533) með 7 vinninga og þriðji varð Jesper Söndergard Thybo (2739) með 5½ vinning.

Heimasíða mótsins

Páskamót SA fer fram í dag

Sælir félagar í lok páskaveislunnar mánudaginn 17 apríl kl 13:00 bjóðum við upp á Skákveislu. Páskahraðskáksmótið. Nú ríður á að menn láti sig ekki vanta, heldur mæti hressir og kátir eftir páskeggjaátið og brenni nokkrum kaloríum við skákborðið. Það mættu 17 keppendur á Bikarmótið og nú stendur til að slá þá tölu út. Mótið er opið öllum sem kunna mannganginn.

Sjá nánar á heimasíðu SA.

Helgi Dam skákmeistari Færeyja

Helgi Dam Ziska varð í gær skákmeistari Færeyinga. Helgi vann öruggan sigur en hann hlaut 4½ vinning í 6 skákum. Fjórir skákmenn tóku þátt í landslisðflokki og tefldu tvöfalda umferð. Høgni Egilstoft Nielsen varð annar með 3 vinninga og John Rødgård þriðji með 2½ vinning.

Þetta er þriðji meistaratitill Helga en hann hefur ekki teflt svo oft á mótinu. Hann vann mótið síðast 2011.

Um 40 skákmenn tóku þátt í mótinu sem fram fór um páskana. 

Nánar á heimasíðu færeyska skáksambandsins.

 

GRENKE-mótið hófst í gær - Carlsen með nýtt útlit

GRENKE-mótið hófst í Karlsruhe í Þýskalandi í gær. Átta skákmenn taka þátt og þar af bæði heimsmeistarar karla og kvenna. Carlsen mætti með "nýtt útlit" og gerði jafntefli við Þjóðverjann Matthias Bluebaum (2634) í fyrstu umferð. Hou Yifan gerði sér hins vegar lítið fyrir og vann Fabiano Caruana (2817) í fyrstu umferðinni. Caruana hefur ekki náð sér strik undanfarið og er nú kominn niður 2800 skákstig á lifandi listanum. 

 

Önnur umferð hefst kl. 13 og þá teflir Carlsen við Levon Aronian (2774). 

GRENKE-mótið fer fram í Karlsruhe og Baden Baden dagana 15.-22. apríl. Takmörkuð umfjöllun verður um mótið á Skák.is vegna árekstur þess við GAMMA Reykjavíkurskákmótið. Áhugasömum er bent á Chess.24. 

GRENKE-mótið í ár varð til þess að Henrik Carlsen, faðir heimsmeistarans, getur að þessu sinni ekki tekið þátt í Reykjavíkurskákmótinu þar sem hann fylgir syni sínum á flest mót. Hann lofar hins vegar komu sinni að ári!

• Heimasíða mótsins
• Beinar útsendingar (hefjast kl. 13)

 

Skákþáttur Morgunblaðsins: Guðmundur Gíslason efstur í áskorendaflokki Íslandsmótsins

Í keppni áskorendaflokks Skákþings Íslands sem fram fer í Stúkunni á Kópavogsvelli þar sem keppt er um tvö sæti í landsliðsflokki hefur Ísfirðingurinn Guðmundur Gíslason unnið allar skákir sínar og er 1 ½ vinningi á undan Jóhanni Ingvasyni og Lenku Ptacnikovu sem eru með 3 ½ vinning. Með þrjá vinninga eru nokkrir, þ.ám. Jón Kristinsson, eini keppandinn sem orðið hefur Íslandsmeistari en það gerðist árin 1971 og aftur 1974. 

Óvænt úrslit á bandaríska meistaramótinu

Spænski leikurinn er eins og margir vita nefndur eftir spænskum presti, Ruy Lopez. Hann var samfara miklum breytingum sem urðu á iðkun skákar þegar styrkur drottningarinnar var aukinn á skákborðinu en breytingin er rakin til hylli Ísabellu Spánardrottningar sem eins og sagan greinir frá greiddi götu Kristófers Kólumbus. Eftir níu algengustu leiki þess spænska á svartur marga valkosti og einn þeirra sem virkar svolítið skringilega er afbrigði Ungverjans Breyer og byggist á því að riddara er leikið upp í borð. 

Vinur okkar Boris Spasskí, sem varð áttræður 30. janúar sl., tefldi Breyer-afbrigðið af slíkum þokka að unun var á að horfa. En þar kom að hann tapaði; í 10. einvígisskák gegn Fischer í Laugardalshöllinni um verslunarmannahelgina 1972 og aftur 20 árum síðar í fyrstu skák endurkomueinvígis þeirra í Júgóslavíu. Spasskí lagði meira til þróunar afbrigðisins með hvítu en flesta grunar; í áskorendaeinvígi sem hann háði við Lajos Portisch árið 1977 vann hann lykilskák með slíkum glæsibrag að mótspyrna Ungverjans hrundi. Á bandaríska meistaramótinu í St. Louis kom eiginlega „systurskák“ þessarar viðureignar. Wesley So heldur naumri forystu en stórskytturnar Hikaru Nakamura og Fabiano Caruana hafa átt í basli og sá síðarnefndi missti sennilega af lestinni í keppni um efsta sætið þegar hann tapaði í 7. umferð fyrir lítt þekktum Úkraínumanni sem náði við það efsta sæti ásamt So. Staðan á toppnum:

1. – 2. So og Zherebukh 4 ½ v. (af 7) 3. – 4. Akobian og Nakamura 4 v. 5. – 9. Robson, Caruana, Shankland, Naroditsky og Onischuk 3 ½ v. Keppendur eru 12 talsins.

Bandaríska meistaramótið 2017:

Zherebukh – Caruana

Spænskur leikur

1. e4 e5 2. Rf3 Rc6 3. Bb5 a6 4. Ba4 Rf6 5. O-O Be7 6. He1 b5 7. Bb3 d6 8. c3 O-O 9. h3 Rb8 10. d4 Rbd7 11. Rbd2 Bb7 12. Bc2 He8 13. Rf1 Bf8 14. Rg3 g6 15. a4 c5 16. d5 c4 17. Bg5 h6 18. Be3 Rc5 19. Dd2 h5 20. Bg5 Bg7 21. Hf1 Dc7

Allt saman þekkt en drottningin gæti verið betur geymd á e7 til að eiga f8-reitinn.

22. Bh6 Bh8 23. Rg5 Rh7 24. Rxh7 Kxh7 25. Be3 De7 26. f4!

Þessi framrás reynir á burðarveggi kóngsstöðunnar en riddarinn fær e5-reitinn.

26. ... exf4 27. Bxf4 Kg8 28. Hf3 Bg7 29. Haf1 Rd7 30. Bh6 Bxh6 31. Dxh6 Df8 32. Dd2 Re5 33. Hf6 Had8 34. Dg5 Dg7 35. Bd1! Bc8 36. Dh4 Kf8 37. Df4 Dg8 38. Kh1 He7 

39. Bxh5!

Þessi biskup sem stundum rekst á eigin peð í spænska leiknum tekur nú til óspilltra málanna. Það er ekki hollt að taka hann: 39. ... gxh5 40. Rxh5 og „Houdini“ segir mér að svarta staðan sé óverjandi.

39. ... bxa4 40. Bd1 Dg7 41. Bxa4 Dh7 42. Dg5 a5 43. Kg1 Dh8 44. H1f4 Dg7 45. Hh4 Rd3 46. Hh6 Re5 47. Hf4 Bd7 48. Dh4! Kg8 49. Dxe7 He8 50. Dg5 Bxa4 51. Hf6

- og svartur gafst upp.

------------------

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 8. apríl 2017

Skákþættir Morgunblaðsins