Henrik sigraði Høi og endar í þriðja sæti

Stórmeistarinn Henrik Danielsen (2495) vann fyrrum landa sinn, danska stórmeistarann, Carsten Høi (2393), í níundu og síðustu umferð afmælismóts Brjönsöj skákklúbbsins, sem jafnframt var Meistaramót Kaupmannahafnar.  Henrik hlaut 6,5 vinning og endaði í þriðja sæti.  Sigurvegari mótsins varð sænski stórmeistarinn Jonny Hector (2572) sem hlaut 8 vinninga og annar varð landi hans og kollegi Tiger Hillarp-Persson (2581) sem hlaut 7 vinninga.  Henrik hækkar um 6 stig fyrir frammistöðu sína.

Henrik heldur nú heim á leið eftir langa skákútgerð og teflir í Reykjavíkurskákmótinu.  Það gerir einnig Tiger-inn.   

Í mótinu tóku þátt 36 skákmenn og þarf af 5 stórmeistarar og var Henrik fjórði stigahæsti keppandinn.

• Heimasíða mótsins
• Skákirnar í beinni

NM í skólaskák: Gott gengi í fimmtu umferð

Vel gekk í fimmtu og næstsíðustu umferð NM í skólaskák sem fram fór í morgun í Vesterås í Svíþjóð og kom 6,5 vinningur í hús.    Daði Ómarsson, Hjörvar Steinn Grétarsson, Friðrik Þjálfi Stefánsson, Jón Trausti Harðarson og Jón Kristinn Þorgeirsson unnu en Sverrir Þorgeirsson, Patrekur Maron Magnússon og Dagur Andri Friðgeirsson gerðu jafntefli.   Hjörvar er efstur íslensku krakkanna, er í 2. sæti með 4 vinninga en Sverrir og Jón Kristinn hafa 3 vinninga.  Sverrir er í 2.-5. sæti.  Íslendingar eru í 3. sæti í landskeppninni með 27,5 vinning.  Norðmenn eru efstir með 29,5 vinning og Finnar eru aðrir með 28,5 vinning. 

Úrslit í viðureignum íslensku skákmannanna:

A flokkur 1990-92
Daði Ómarsson ÍSL - Kim Räisänen FIN 1 - 0.
Vegar Koi Gandrud NOR - Sverrir Þorgeirsson ÍSL 1/2 - 1/2.

Sverrir hefur 3 vinninga og er í 2.-5. sæti og Daði hefur 2,5 vinning og er í 6.-8. sæti.

 

B-flokkur 1993-94
Pål Andreas Hansen NOR - Hjörvar Steinn Grétarsson ÍSL 0 - 1.
Patrekur Maron Magnússon ÍSL - Mads Hansen DAN 1/2 - 1/2.

Hjörvar hefur 4 vinninga og er í 2. sæti en Patrekur hefur 2,5 vinning og er í 5.-9. sæti.

 

C flokkur 1995-96
Peter Jordt DAN - Friðrik Þálfi Stefánsson ÍSL 0 - 1.
Heðin Gregersen FÆR - Dagur Andri Friðgeirsson ÍSL 1/2 - 1/2.

Dagur Andri og Friðrik Þjálfi hafa 2,5 vinning og eru í 6.-7. sæti.

 

D flokkur 1997-98
Kristófer Gautason ÍSL - Egor Norlin SVÍ 0 - 1.
Jere Lindholm FIN - Jón Trausti Harðarson ÍSL 0 - 1.

Jón Trausti og Kristófer hafa 2,5 vinning og eru í 6.-8. sæti.

 

E flokkur 1999 og yngri
Jón Kristinn Þorgeirsson ÍSL - Róbert Aron Eysteinsson ÍSL 1 - 0.

Jón Kristinn hefur 3 vinninga og er í 4.-5. sæti og Róbert Aron hefur 2,5 vinning og er í 6.-9. sæti.

 

Það er komin prýðileg heimasíða upp fyrir mótið þar sem hægt er að finna úrslit, stöðu, myndir og fleira auk þess sem Karl Gauti, faðir Kristófers, er fyrstur með fréttirnir en hann uppfærir úrslit íslensku krakkana reglulega á heimasíðu TV og kann ritstjóri honum bestu þakkir fyrir.

 

• Heimasíða mótsins
• Heimasíða sænska sambandsins
• Heimasíða TV
• Heimasíða danska unglingasambandsins (pistlar frá danska liðsstjóranum - myndir)
• Keppendalistinn

Rúnar efstur á Skákþingi Goðans

Rúnar Ísleifsson er efstur með 3 vinninga þegar þremur umferðum er lokið á Skákþingi Goðans. Jakob Sævar Sigurðsson er með 2,5 vinninga í öðru sæti og Sigurbjörn Ásmundsson og Ævar Ákason eru í 3-4 sæti með 2 vinninga. Fyrstu þrjá umferðirnar voru atskákir (25 mín ).

Nokkuð var um óvænt úrslit í fyrstu þremur umferðunum,m.a. gerði Snorri Hallgrímsson jafntefli við Smára Sigurðsson, Valur Heiðar Einarsson gerði jafntefli við Ármann Olgeirsson og Benedikt Þór Jóhannsson gerði sömuleiðis jafntefli við Jakob Sævar Sigurðsson.

Staðan eftir 3 umferðir:

1      Rúnar Ísleifsson,         isl              1705        3           
2      Jakob Sævar Sigurðsson,   isl       1750        2.5      
3-4   Sigurbjörn Ásmundsson,    isl       1200       2         
        Ævar Ákason,              isl               1530      2        
5-8   Smári Sigurðsson,         isl            1660       1.5       
        Ármann Olgeirsson,        isl           1425       1.5      
        Benedikt Þór Jóhannsson,  isl       1340       1.5       
        Valur Heiðar Einarsson,   isl                         1.5      
9-10  Hermann Aðalsteinsson,    isl       1435      1         
         Sighvatur Karlsson,       isl            1305      1        
11     Snorri Hallgrímsson,      isl            1295       0.5      
12     Hlynur Snær Viðarsson,    isl                        0        

Í 4. umferð verður tefld kl 10:00 í fyrramálið. Þá verður tefld kappskák.

Pörunin er svona:

1 Rúnar Ísleifsson,  (2)            :     Jakob Sævar Sigurðsson,  (1)
2 Smári Sigurðsson,  (3)            :     Sigurbjörn Ásmundsson,  (10)
3 Ævar Ákason,  (4)                 :     Ármann Olgeirsson,  (6)     
4 Benedikt Þór Jóhannsson,  (7)     :     Valur Heiðar Einarsson,  (12)
5 Sighvatur Karlsson,  (8)          :     Hermann Aðalsteinsson,  (5) 
6 Snorri Hallgrímsson,  (9)         :     Hlynur Snær Viðarsson,  (11)

Í 4-7 umferð verða tefldar kappskákir. 90 mín+30 sek/leik.

Heimasíða Goðans

Metrómót Fjölnis fer fram í dag

Skákdeild Fjölnis býður grunnskólanemendum upp á að taka þátt í Metrómótinu á morgun laugardag, 20. febrúar kl. 11.00 - 12:30.  Þátttaka er ókeypis. Lyst hf gefur alla vinninga á mótið, gjafabréf á
hamborgarastaðinn Metró (áður McDonalds) og nammipoka. Skráning á staðnum. Keppendur eru beðnir um að koma tímanlega á mótsstað ti skráningar en teflt verður í Rimaskóla, gengið inn um íþróttahús.

Tveir efstu í barnaskólaflokki vinna  sér sæti á Reykjavík barnablitz 2010 sem fram fer í Ráðhúsi Reykjavíkur sunnudaginn 28. febrúar í tengslum við alþjóðlega Reykjavíkurskákmótið.
Öllum skákkrökkum á grunnskólaaldri er velkomið að taka þátt í stuttu en skemmtilegu Metróskákmóti. Sex umferðir, sex mínútur í umhugsun.

Reykjavík - Barnablitz 2010 - Undanrásir hefjast í dag

Reykjavík - Barnablitz 2010 verður haldið í Ráðhúsi Reykjavíkur sunnudaginn 28. febrúar á vegum Skákakademíu Reykjavíkur. Mótið er ætlað skákmönnum fæddum 1997 og síðar. Mótsfyrirkomulag verður þannig að allir tefla við alla í tveimur átta manna riðlum og tefla svo sigurvegarar riðlanna um sigur í mótinu. Þeir sem lenda í öðru sæti í riðlunum tefla um bronsið. Til þess að öðlast þátttökurétt þarf að verða í tveimur af efstu sætum á einhverju af eftirtöldu:

 

Metrómót Fjölnis               20. febrúar  11:00      Rimaskóli

Laugardagsæfing TR       20. febrúar  14:00      Faxafen 12

Skákæfing Hellis               22. febrúar  17:15      Álfabakki 14 a Mjóddin

Skákæfing KR                   24. febrúar  17:30     Frostaskjól

 

Hægt er að reyna við tvö efstu sætin á öllu þessu. Ef einhver sem hefur unnið sér þátttökurétt lendir í tveimur af efstu sætum annarrar æfingar veitir 3. sætið á þeirri æfingu þátttökurétt o.s.frv.

 

Samtals munu átta skákmenn vinna sér inn þátttökurétt á þessum æfingum. Að auki verður átta ungum skáksnillingum sérstaklega boðið í mótið. Taflið hefst um 12:30 og í kjölfar þess hefst 6. umferð Reykjavik Open. Vegleg verðlaun verða í boði á Reykjavik - Barnablitz 2010.

 

Nýtt Tímarit Skák komið út

Nýtt Tímaritið Skák kom út í dag.  Í því er fjallað m.a. um fyrri hluta Íslandsmóts skákfélaga, EM taflfélaga og skákmót í Uppsölum.

Það er Taflfélag Bolungarvíkur sem staðið hefur að útgáfunni en ritstjóri er Halldór Grétar Einarsson.  

Heimasíða Tímaritsins Skák

 

Topalov með 1,5 vinnings forskot í Linares

Búlgarinn Topalov (2806) vann Spánverjann Vallejo (2705) í sjöttu umferð Linares-mótsins, sem fram fór í dag.  Öðrum skákum lauk með jafntefli og hefur Búlgarinn nú 1,5 vinnings forskot á næstu menn.

 

Úrslit 6. umferðar:

Topalov, Veselin 1-0 Vallejo Pons, Francisco
Gashimov, Vugar 1/2 Gelfand, Boris
Grischuk, Alexander 1/2 Aronian, Levon

Staðan:

• 1. Topalov (2805) 4½ v.
• 2-4. Grischuk (2736), Aronian (2781) og Gashimov (2759) 3 v.
• 5. Gelfand 2½ v.
• 6 Vallejo (2705) 2 v.

Heimasíða mótsins

Þröstur sigraði í áttundu umferð í Cappelle

Stórmeistarinn Þröstur Þórhallsson (2426) vann hollenska skákmanninn Ton Montforts (1500) í áttundu og næstsíðustu umferð opna mótsins í Cappelle La Grande sem fram fór í dag.  Þröstur hefur 4,5 vinning. 

Efstur með 7 vinninga er úkranínski stórmeistarinn Yaroslav Zherbukh (2527).  Í 2.-3. sæti, með 6,5 vinning, eru stórmeistararnir Parimerjan Nagi (2621), Indlandi, og Julian Raduliski (2577), Búlgaríu

Í lokaumferðinni, sem fram fer á morgun, teflir Þröstur við Frakkann Alan Houriez (2120). 

Mótið er eitt stærsta opna skákmót hvers árs en alls taka um 650 skákmenn þátt og þar af um 60-70 stórmeistarar.    Þröstur er 107. stigahæsti keppandi mótsins en bosníski stórmeistarinn Ivan Sokolov (2649) er stigahæstur keppenda.  

Heimasíða mótsins

NM í skólaskák: Hjörvar, Patrekur Maron, Kristófer og Róbert Aron unnu í 3. umferð

vinningur kom í hús í 4. umferð NM í skólaskák sem fram fór í dag í Vesterås í Svíþjóð.  Hellismennirnir í b-flokki Hjörvar Steinn Grétarsson og Patrekur Maron Magnússon og Eyjamennirnir Kristófer Gautason og Róbert Aron Eysteinsson unnu, Sverrir Þorgeirsson gerði jafntelfi en aðrir töpuðu.  Hjörvar er efstur íslensku krakkanna en hann hefur 3 vinninga og er í 2. sæti í b-flokki.  Sverrir, Kristófer og Róbert Aron hafa 2,5 vinning í sínum flokkum.

Úrslit í viðureignum íslensku skákmannanna:

A flokkur 1990-92
Simon Hänninger SVÍ - Daði Ómarsson ÍSL  ½ – ½
Nicolai Getz NOR - Sverrir Þorgeirsson ÍSL   1-0

Sverrir hefur 2,5 vinning og er í 4. sæti og Daði hefur 1,5 vinning og er í 8.-10. sæti.

B-flokkur 1993-94
Hjörvar Steinn Grétarsson ÍSL - Pål Andreas Hansen NOR   1 - 0.
Heiðrekur Tindskarð Jacobsen FÆR - Patrekur Maron Magnússon ÍSL  0-1

Hjörvar hefur 3 vinninga og er í 2. sæti og Patrekur hefur 2 vinninga og er í 7.-9. sæti.

C flokkur 1995-96
Joar Öhlund SVÍ - Friðrik Þálfi Stefánsson ÍSL  1-0
Linus Johansson SVÍ - Dagur Andri Friðgeirsson ÍSL  1 - 0.

Dagur Andri hefur 2 vinninga og er í 5.-6. sæti og Friðrik Þjálfi hefur 1,5 vinning og er í 7.-10. sæti.
 

D flokkur 1997-98
Alfred Olsen FÆR - Kristófer Gautason ÍSL  0 - 1.
Jonathan Bråuner DAN - Jón Trausti Harðarson ÍSL 1-0

Kristófer hefur 2,5 vinning og er í 4.-6. sæti og Jón Trausti hefur 1,5 vinning og er í 9. sæti.

E flokkur 1999 og yngri
Kunal Bhatnagar SVÍ - Jón Kristinn Þorgeirsson ÍSL 1-0
Róbert Aron Eysteinsson ÍSL - Benjamin Bråuner DAN  1 - 0.

Róbert Aron hefur 2,5 vinning og er í 5. sæti og Jón Kristinn hefur 2 vinninga og er í 6.-8. sæti.

Það er loks kominn prýðileg heimasíða upp fyrir mótið þar sem hægt er að finna úrslit, stöðu, myndir og fleira auk þess sem Karl Gauti, faðir Kristófer uppfærir úrslit íslensku krakkana reglulega á heimasíðu TV og kann ritstjóri honum bestu þakkir fyrir.

 

• Heimasíða mótsins
• Heimasíða sænska sambandsins
• Heimasíða TV
• Heimasíða danska unglingasambandsins (pistlar frá danska liðsstjóranum - myndir)
• Keppendalistinn

Henrik tapaði fyrir Hector

Stórmeistarinn Henrik Danielsen (2495) tapaði fyrir sænska stórmeistaranum Jonny Hector (2572) í áttundu og næstsíðustu umferð afmælismót Brjönsöj skákklúbbsins sem fram fór í dag.  Henrik hefur 5,5 vinning og er í 3.-4. sæti.  Hector er efstur með 7 vinninga.

Níunda og síðasta umferð fer fram á morgun og hefst kl. 10.  Henrik teflir þá við danska stórmeistarann Carsten Høi (2393).

Í mótinu taka þátt 36 skákmenn og þarf af 5 stórmeistarar og Henrik fjórði stigahæsti keppandinn.

• Heimasíða mótsins
• Skákirnar í beinni