Boðsmót Taflfélags Reykjavíkur endurvakið 23.-25. júní

Boðsmót Taflfélags Reykjavíkur á sér yfir 40 ára langa sögu en mótið hefur legið í dvala síðasta áratuginn. Nú hefur stjórn T.R. ákveðið að endurlífga Boðsmótið í formi helgarskákmóts. Boðsmót T.R. hefur því göngu sína á ný föstudaginn 23. júní kl. 19:30 í félagsheimili T.R. að Faxafeni 12. Tefldar verða 7 umferðir eftir svissneska-kerfinu og verða tefldar atskákir í bland við kappskákir samkvæmt dagskrá hér að neðan. Venju samkvæmt verður mótið reiknað til skákstiga.

Keppt er um stórglæsilegan farandbikar, en auk hans eru peningaverðlaun fyrir þrjú efstu sætin. Þá verða veitt bókaverðlaun fyrir bestu frammistöðu miðað við eigin stig. Verði keppendur jafnir að vinningum mun stigaútreikningur (tiebreaks) skera úr um lokaröð. Peningaverðlaunum verður skipt eftir Hort kerfinu.

Skráningu lýkur föstudaginn 23.júní kl.19:15.

Dagskrá:
1. umferð (atskák) föstudaginn 23. júní kl. 19:30
2. umferð (atskák) föstudaginn 23. júní kl. 20:45
3. umferð (atskák) föstudaginn 23. júní kl. 22:00
4. umferð (kappskák) laugardaginn 24. júní kl. 11:00
5. umferð (kappskák) laugardaginn 24. júní kl. 17:00
6. umferð (kappskák) sunnudaginn 25. júní kl. 11:00
7. umferð (kappskák) sunnudaginn 25. júní kl. 17:00

Tímamörk:
Atskákir: 20 mínútur + 10 sekúndna viðbót eftir hvern leik.
Kappskákir: 90 mínútur + 30 sekúndna viðbót eftir hvern leik.

Verðlaun:
1. sæti kr. 20.000
2. sæti kr. 10.000
3. sæti kr. 5.000

Bókaverðlaun fyrir bestu frammistöðu miðað við eigin kappskákstig (“performance” mínus “eigin kappskákstig”).

Þátttökugjald:
Fyrir fullgilda meðlimi T.R. er gjaldið 2.500kr en aðrir greiða 4.000kr. Þátttökugjöld greiðast með reiðufé við upphaf móts. Fyrrum sigurvegarar Boðsmótsins fá frítt í mótið. Titilhafar fá auk þess frítt í mótið.

Skráningarform

Skráðir keppendur

Minningarmót Jóhönnu hápunktur skákhátíðar í Árneshreppi 7.-9. júlí

Skákhátíð í Árneshreppi verður haldin dagana 7. til 9. júlí þar sem áhugamönnum gefst kostur á að spreyta sig gegn sumum bestu skákmönnum Íslands. Meðal þeirra sem þegar eru skráð til leiks eru Guðmundur Kjartansson, nýbakaður Íslandsmeistari, stórmeistararnir Jóhann Hjartarson, Jón L. Árnason og Lenka Ptacnikova og landsliðskonan Guðlaug Unnur Þorsteinsdóttir. 

Hátíðin hefst með tvískákarmóti og brennu í Trékyllisvík föstudagskvöldið 7. júlí kl. 20. Í tvískák eru tveir saman í liði, og iðulega afar heitt í kolunum. 

Hápunktur hátíðarinnar verður laugardaginn 8. júlí í félagsheimilinu, minninningarmót Jóhönnu Kristjónsdóttur 2017. Jóhanna, sem lést 11. maí síðastliðinn, var meðal ötulustu liðsmanna Hróksins og hafði jafnframt sterk tengsl við Árneshrepp. Yfirskrift hátíðarinnar er sótt í kjörorð Jóhönnu: Til lífs og til gleði. 

Minningarmótið hefst klukkan 14 og verða tefldar 8 umferðir, með 10 mínútna umhugsunartíma. Verðlaun á mótinu eru í senn vegleg og óvenjuleg, m.a. listaverk sem Guðjón Kristinsson frá Dröngum og Valgeir Benediktsson í Árnesi vinna sérstaklega af þessu tilefni. Þá verða ýmsir munir úr fjarlægum löndum, vegleg gjafabréf og fleiri vinningar. 

Á laugardagskvöldið verður hátíðarkvöldverður í félagsheimilinu, þar sem ýmislegt verður til skemmtunar, og verðlaun á minningarmóti Jóhönnu afhent. 

Hátíðinni lýkur með hraðskákmóti í Kaffi Norðurfirði sunnudaginn 9. júlí kl. 12. Þar verða tefldar 5 mínútna skákir, 7 umferðir, og sigurvegarinn hlýtur nafnbótina Norðurfjarðarmeistarinn 2017. 

Hrókurinn hefur um árabil efnt til skákviðburða í Árneshreppi og þangað hafa flestir bestu skákmenn landsins og fjölmargir áhugamenn lagt leið sína á skákmót og hátíðir. 

Árneshreppur er afskekktasta og fámennasta sveitarfélag á Íslandi, en jafnframt eitt hið fegursta og stórbrotnasta. Það er Hróknum mikið gleðiefni að geta nú boðað til hátíðar undir kjörorðunum: Til lífs og til gleði. 

• Áhugasamir ættu að skrá sig sem fyrst hjá [e-mail] eða [e-mail]. 
• Mjög góð tjaldstæði eru í Trékyllisvík og Norðurfirði.  
• Gistirými er takmarkað en við reynum að hjálpast að við að koma öllum góðum gestum í hús!

Hraðkvöld hjá Hugin í kvöld

Hraðkvöld Hugins verður mánudaginn 12. júní nk.  og hefst taflið kl. 20:00. Tefldar verða 7-10 umferðir með umhugsunartímanum 4 mínútur + 3 sekúndur eða 5 mínútur + 3 sekúndur á hvern leik. Teflt er í félagsheimili Hugins í Álfabakka 14a í Mjóddinni. Hraðkvöldið verður reiknað til hraðskákstiga. Sigurvegarinn á hraðkvöldinu fær í verðlaun máltíð fyrir einn á Saffran eða American Style eða pizzu frá Dominos Einnig verður dreginn út af handahófi annar keppandi sem einnig fær sama val. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Ný íslensk skákstig

Ný íslensk skákstig eru komin út og miðast þau við 1. júní sl. Héðinn Steingrímsson (2568) er stigahæstu allra. Ólafur Bjarnason (1784) er stigahæstur nýliða og Gunnar Erik Guðmundsson (170) hækkaði mest allra frá mars-listanum.

Heildarlistann má finna hér.

Topp 20:

No.	Name	RtgC	Diff
1	Héðinn Steingrímsson	2568	2
2	Jóhann Hjartarson	2564	3
3	Margeir Pétursson	2563	2
4	Hjörvar Grétarsson	2546	4
5	Helgi Ólafsson	2541	-2
6	Hannes H Stefánsson	2536	-26
7	Henrik Danielsen	2490	0
8	Helgi Áss Grétarsson	2471	-1
9	Jón Loftur Árnason	2470	0
10	Guðmundur Kjartansson	2452	13
11	Jón Viktor Gunnarsson	2446	2
12	Bragi Þorfinnsson	2445	7
13	Guðmundur Sigurjónsson	2445	0
14	Stefán Kristjánsson	2430	-13
15	Karl Þorsteins	2429	0
16	Friðrik Ólafsson	2426	0
17	Þröstur Þórhallsson	2413	-1
18	Arnar Gunnarsson	2400	-4
19	Dagur Arngrímsson	2397	-2
20	Björn Þorfinnsson	2383	-18

 

Nýliðar

Þrettán nýliðar eru á listanum. Stigahæstur þeirra er Ólafur Bjarnason (1746). Í næstu sætum eru Þórður Guðmundsson (1628) og Piotr Wypior (1278).

 

No.	Name	RtgC	Diff
1	Ólafur Bjarnason	1746	1746
2	Þórður Guðmundsson	1628	1628
3	Piotr Wypior	1278	1278
4	Einar Örn Hreinsson	1259	1259
5	Tumi Snær Sigurðsson	1015	1015
6	Rayan Sharifa	1002	1002
7	Einar Tryggvi Petersen	1000	1000
8	Elvar Mar Valsson	1000	1000
9	Helga Rut Einarsdottir	1000	1000
10	Iðunn  Helgadóttir	1000	1000
11	Kjartan Karl Gunnarsson	1000	1000
12	Martin Patryk Srichakham	1000	1000
13	Soffía Berndsen	1000	1000

 

Mestu hækkanir

Gunnar Erik Guðmundsson (170) hækkar mest frá mars-listanum. Í næstu sætum eru Birkir Ísak Jóhannsson og Daníel Ernir Njarðarson (170).

No.	Name	RtgC	Diff
1	Gunnar Erik Guðmundsson	1330	170
2	Birkir Ísak Jóhannsson	1603	117
3	Daníel Ernir  Njarðarson	1405	117
4	Nansý Davíðsdóttir	1793	109
5	Hilmir Freyr Heimisson	2037	107
6	Magnús Hjaltason	1204	104
7	Arnar Milutin Heiðarsson	1431	99
8	Alexander Oliver Mai	1742	92
9	Jón Þór  Lemery	1688	92
10	Sæmundur Árnason	1243	88
11	Stephan Briem	1830	82
12	Aron Þór Mai	1874	81
13	Ármann Pétursson	1263	79
14	Hjálmar Sigurvaldason	1419	70
15	Dagur Ragnarsson	2335	69
16	Smári Arnarson	1562	69
17	Óskar Long Einarsson	1688	68
18	Jóhann Arnar Finnsson	1642	68
19	Baltasar Máni Wedholm	1105	68
20	Björn Hólm Birkisson	1970	62

 

Reiknuð skákmót

• Bikarsyrpa TR #5
• Skákþing Íslands - landsliðsflokkur
• Íslandsmót skákfélaga, 1.-4. deild
• Skákþing Íslands - áskorendaflokkur
• Landsmótið í skólaskák (eldri og yngri flokkar)
• Meistaramót Hugins (norður)
• Meistaramót Skákskóla Ísland (y1600 og u1600)
• GAMMA Reykjavíkurskákmótið
• Skákmót öðlinga
• Skákþing Norðlendinga.

Íslensk skákstig

Skrár tengdar þessari bloggfærslu:

• Íslensk skákstig 1. júní 2017

Aronian vann Carlsen

Fjórða umferðin á Altibox Norway Chess í gær var sú langfjörugusta hingað til. Þremur skákum lauk með hreinum úrslitum - en aðeins höfðu orðið tvö hrein úrslit í fyrstu umferðunum þremur. Mesta athygli vakti frábær sigurskák Levon Aronian (2793) á heimsmeistaranum en auk þess unnu Nakamura (2785) og Giri (2771) báðir mjög góða sigra á MVL (2796) og Anand (2786). 

Nakamura er efstur með 3 vinning.a Aronin og Kramnik (2808) koma næstir með 2,5 vinninga. Carlsen er aðeins áttundi með 1,5 vinninga. Carlsen hefur oft gengið illa á Norway Chess en vann loks mótið í fyrra - í sinni fjórðu tilraun.

Eftir umferð gærdagsins hefur Carlsen nú aðeins 13 stiga forskot á Kramnik og Wesley So á lifandi stigalistanum.

Fimmta umferð fer fram í dag og hefst kl. 14. Þá mætast meðal annars: Carlsen-Giri og Kramnik-Nakamura. 

Ítarlega umfjöllun um gærdaginn má finna á Chess.com.

• Heimasíða mótsins
• Beinar útsendingar (hefjast kl. 14)

 

Hannes vann tékkneskan skákmeistara

Stórmeistarinn Hannes Hlífar Stefánsson (2548) hóf í gær þátttöku á opnu alþjóðlegu móti í Teplice í Tékklandi. Hann vann í fyrstu umferð tékkneska skákmeistarann Petr Mohapl (2040). 

Önnur umferð fer fram í dag og þá teflir Hannes við annan heimamann. Sá heitir Jan Mikes (2212). Hægt verður að fylgjast með Hannesi í beinni.

166 skákmenn frá 26 löndum taka þátt í mótinu. Þar af eru 14 stórmeistarar. Hannes er nr. 11 í stigaröð keppenda.

• Heimasíða mótsins
• Chess-Results
• Beinar útsendingar (hefjast kl. 14)

Skákþáttur Morgunblaðsins: Óbilandi sjálfstraust

Af þeim bókum sem Jan Timman hefur skrifað held ég mest upp á „The art of chess analysis“, samantekt viðureigna frá tímabili þegar Hollendingurinn var að hasla sér völl í skákheiminum. Timman tekur nokkur dæmi um djarfar ákvarðanir við skákborðið: Bobby Fischer sat að tafli andspænis Júgóslavanum Milan Matulovic á millisvæðamótinu í Palma á Mallorca síðla árs 1970 og virtist geta tekið jafntefli með því að endataka leiki. Staða hans var greinilega lakari en hann hafnaði því að þráleika og hélt baráttunni áfram. Skákinni lauk um síðir með jafntefli en þetta dæmi og annað sem Timman tók úr viðureign Karpovs í Las Palmas á Kanaríeyjum frá árinu 1977 gegn Ungverjanum Andras Adorjan eru lýsandi dæmi um óbilandi sjálfstraust þeirra allra bestu á hátindi ferilsins. Timman hefði getað bætt við dæmum úr skákum þess heimsmeistara sem lengst sat; Emanuel Lasker tók oft á sig erfiðar stöður og jafnvel tapaðar eingöngu til þess að geta haldið baráttunni áfram. Og mér sýnist að þessi lyndiseinkunn sem hér er lýst eigi vel við núverandi heimsmeistara, Magnús Carlsen.

Á Meistaramóti Skákskóla Íslands sem haldið var um síðustu helgi féllu leikir þannig í baráttu tveggja af sigurstranglegustu keppendunum:

Meistaramót Skákskóla Íslands 2017; 3. umferð:

Hilmir Freyr Heimisson – Jón Trausti Harðarson

Trompowsky-byrjun

1. d4 Rf6 2. Bg5 Re4 3. h4 c5 4. dxc5 Da5+ 5. Rd2 e5 6. c3 Rxd2 7. b4 Dc7 8. Bxd2 b6 9. cxb6 axb6 10. e4 Bb7 11. Bd3 Be7 12. Re2 d5 13. Rg3 Rd7 14. De2 O-O 15. h5 dxe4 16. Bxe4 Bxe4 17. Dxe4 Rf6 18. De2 Rd5 19. O-O Rxc3 20. Bxc3 Dxc3 21. h6 g6 22. Hac1 Dd4 23. Hfd1 Df4 24. Hc6 Hfd8 25. Hxb6 Bxb4 26. Hxd8+ Hxd8 27. Re4 Dxh6

- Sjá stöðumynd 1 -

Þú ert einn efstur í mótinu og ert að tefla við stigahæsta keppandann. „Besti“ leikurinn er 28. Hxb4 en þá þvingar svartur fram jafntefli með þráskák, 28. ... Dc1+ 29. Kh2 Dh6+ o.s.frv. Hvað gerir þú? Jafntefli þarf ekki að henta illa; eftir aðra leiki er svarta staðan heldur betri að mati „vélanna“ og hvítur er peði undir. Það virtist ekki hvarfla að Hilmi að sættast á skiptan hlut og hann lék ...

28. g3!? Be7 29. Kg2 Hc8 30. Hb1 Df8 31. a4 f5 2. Rd2 Bf6 33. Da6 Bg7 34. Rf3 De8 35. Hb7 e4 36. Rg5 e3 37. Dd6

37. ... Kh8 38. Dd5

 

Í einhverjum tilvikum á þessum kafla hefði svartur getað gert betur en núna varð hann að leika 38. ... Dc6 og staðan er í jafnvægi.

38. ... e2?? 39. Rf7+ Kg8 40. Rd6+ Kh8 41. Rxe8 e1(D) 42. Rxg7 f4 43. Rh5!

og svartur gafst upp, 43. .. gxh5 er svarað með 44. Dd4+ og mátar.

Hilmir Freyr lét ekki staðar numið eftir þennan sigur og vann stigahærri flokki meistaramótins með fullu húsi. Efstu menn urðu: 1. Hilmir Freyr Heimisson 5 v. (af 5) 2. Bárður Örn Birkisson 3½ v. 3.-5. Aron Thor Mai, Alexander Oliver Mai og Jón Trausti Harðarson 2½ v.

Í flokki keppenda undir 1.600 Elo-stigum urðu jafnir og efstir Gunnar Erik Guðmundsson, Örn Alexandersson og Þorsteinn Magnússon allir með 6 vinninga af átta mögulegum. Við stigaútreikning reyndist Gunnar Erik hlutskarpastur. Efstur í flokki keppenda undir 1.200 Elo-stigum var Magnús Hjaltason.

Myndaexti: Fullt hús Hilmir Feyr Heimisson tekur við verðlaunum úr hendi Agnars Tómasar Möller frá GAMMA sem var aðalstyrktaraðili Meistaramóts Skákskólans. — Morgunblaðið/SÍ

------------------

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 3. júní 2017

Skákþættir Morgunblaðsins

Guðmundur endaði á jafntefli

Guðmundur Kjartansson (2437) gerði jafntefli við úkranínska skákmeistarann Dmitry Kononenko (2255) í elleftu og síðustu umferð EM einstaklinga í Minsk í Hvíta-Rússlandi. Guðmundur endaði með 5 vinninga og endaði í 259. sæti. 

Þrír skákmenn urðu efstir og jafnir. Evrópumeistaratitilinn féll í skaut rússneska stórmeistarans Maxim Matlakov (2714). Jafnir honum að vinningum en lægri á stigum urðu Baadur Jobava (2713), Georgíu og vldimir Feoseev (2690).

Daglega umfjöllun um mótið má finna á heimasíðu ECU.

Mótið var gríðarlega sterkt. Þátt tóku 397 skákmenn frá 38 löndum og þar af er 171 stórmeistari. Það segir ýmislegt um styrkleika mótsins að Guðmundur var aðeins nr. 220 í stigaröð keppenda. 

• Heimasíða mótsins
• Chess-Results
• Beinar útsendingar (útsendingar hefjast kl. 12:45).

Allt jafntefli í gær - frídagur í dag

Öllum skákum þriðju umferðar Altibox Norway Chess-mótsins, sem fram fór í gær lauk með jafntefli. Það var engu að síður hart barist og ekki síst í skák Carl (2832) og Nakamura (2785) sem tefldu hörkuskák. Kramnik (2808) sótti að Wesley So (2812) en náði ekki að kreista fram sigur. Nakamura og Kramnik eru því sem fyrr efstir. Frídagur er í dag. Fjórða umferð fer fram á morgun. 

Ítarlega umfjöllun um gærdaginn má finna á Chess.com.

• Heimasíða mótsins
• Beinar útsendingar (hefjast kl. 14)

 

Guðmundur með gott jafntefli

Guðmundur Kjartansson (2437) gerði gott jafntefli við úkraínska stórmeistarann Mykhaylo Oleksieynko (2636) í níundu umferð EM einstaklinga í Minsk í Hvíta-Rússlandi í gær. Guðmundur hefur 4,5 vinning.

Tíunda og næstsíðasta umferð fer fram í dag og hefst kl. 12:45. Þá teflir Gummi við annan úkraínskan stórmeistara. Sá heitir Stanislav Bogdanovich (2596). 

Skákin er sýnd beint og má nálgast hér.

Enski stórmeistarinn David Howell (2684) er efstur með 7,5 vinning. Stöðu mótsins má finna hér. 

Daglega umfjöllun um mótið má finna á heimasíðu ECU.

Mótið er gríðarlega sterkt. Þátt taka 397 skákmenn frá 38 löndum og þar af er 171 stórmeistari. Það segir ýmislegt um styrkleika mótsins að Guðmundur er aðeins nr. 220 í stigaröð keppenda. 

• Heimasíða mótsins
• Chess-Results
• Beinar útsendingar (útsendingar hefjast kl. 12:45).