Önnur umferð MP Reykjavíkurmótsins hefst kl. 16:30 í Ráðhúsinu

Önnur umferð MP Reykjavíkurmótsins fer fram í dag og hefst kl. 16:30 og þá verða margar hörkuviðureignir.   Helgi Ólafsson verður með skákskýringar sem hefjast uppúr kl.  18.

Í 2. umferð mætast m.a.:

• Þröstur - Gustafsson
• Dagur - Hammer
• Hansen - Ingvar Þór
• Jones - Guðmundur Kja
• Sharevich - Hannes
• Henrik - Kovachev

Helstu tenglar

• Heimasíða mótsins
• Chess-Results
• Beinar útsendingar
• Myndaalbúm mótsins
• Bloggsíða Jan Gustafsson
• Chessbomb (beinar útsendingar með tölvuskýringum)

 

TR-pistill

Þórir Benediktsson, stjórnamaður TR, hefur skrifað pistil um gengi TR-inga á Íslandsmóti skákfélaga.

Ritstjóri mun safna saman pistlum á einum stað og birta fréttir þegar fleiri pistlar liggja fyrir.   

• TR-pistill
• KR-pistill
• SA-pistill
• Goðapistlar
• Eyjapistill
• Fjölnispistill

Íslandsmót grunnskólasveita

Íslandsmót grunnskólasveita 2011 fer fram í húsnæði Taflfélags Reykjavíkur Faxafeni 12, Reykjavík dagana  19. og 20. mars nk.  Tefldar verða 9 umferðir eftir Monradkerfi - umhugsunartími 20 mín. á skák fyrir hvern keppenda.

Hver skóli getur sent fleiri en eina sveit - en hver sveit er skipuð fjórum nemendum 1. - 10. bekkjar grunnskóla (auk varamanna).  Keppendur skulu vera fæddir 1995 eða síðar.

 

Dagskrá:                    

• Laugardagur 19. mars kl. 13.00 1., 2., 3., 4. og 5. umf.
• Sunnudagur 20. mars kl. 11.00 6., 7., 8. og 9. umf.

Sigurvegari mótsins hlýtur rétt til þátttöku á Norðurlandamóti grunnskólasveita sem fram fer á Íslandi í september næstkomandi.  

Skráning fer fram hjá Skáksambandi Íslands í síma 568 9141 virka daga kl. 10-13 og í tölvupósti [e-mail].   Skráningu skal lokið í síðasta lagi 17. mars.

Ath.:  Áríðandi er að sveitirnar séu skráðar fyrirfram.

Fimmtudagsmót hjá TR í kvöld

Fimmtudagsmót T.R. fer að venju fram í kvöld og hefst kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

• Fimmtudagsmótin

MP Reykjavíkurskákmótið: Röðun 2. umferðar

Röðun 2. umferðar MP Reykjavíkurmótsins, sem fram fer á morgun, liggur nú fyrir og má sjá á Chess-Results.  Umferðin hefst kl. 16:30.  Jóhann Hjartarson, stórmeistari, verður með skákskýringar og hefjast þær um kl. 19.

 

Í 2. umferð mætast m.a.:

• Þröstur - Gustafsson
• Dagur - Hammer
• Hansen - Ingvar Þór
• Jones - Guðmundur Kja
• Sharevich - Hannes
• Henrik - Kovachev

Helstu tenglar

• Heimasíða mótsins
• Chess-Results
• Beinar útsendingar
• Myndaalbúm mótsins
• Bloggsíða Jan Gustafsson
• Chessbomb (beinar útsendingar með tölvuskýringum)

 

MP Reykjavíkurskákmótið hófst í dag - Hannes Hlífar vann í 10 leikjum!

MP Reykjavíkurskákmótið hófst í dag í Ráðhúsi Reykjavíkur.  166 skákmenn taka þátt frá 30 löndum og þar af eru 29 sem bera stórmeistaratign.  Úrslitin í dag hafa almennt eftir bókinni það er hinir stigahærri unnu hina stigalægri enda styrkleikamunurinn mikill í fyrstu umferð.   Af hinum 166 keppendum eru 67 íslenskir og 99 erlendir.   Sigurvegari síðustu 3ja Reykjavíkurskákmóta, Hannes Hlífar Stefánsson, byrjaði vel og vann sína skák í aðeins 10 leikjum!

Mótið í ár er margþætt en það er jafnframt minningarmót um Inga R. Jóhannsson, skákmeistara, auk þess að vera bæði Norðurlandamót í opnum flokki sem og kvennaflokki.

Eva Einarsdóttir, borgarfulltrúi og formaður ÍTR, setti mótið og lék fyrsta leik þess fyrir enska stórmeistarann Luke McShane gegn norsku skákkonunni Sheila Barth Sahl og sitja þau enn að tafli en um 10 skákum er enn ólokið.  

Ungstirnin setja svip sitt á mótið en yngsti stórmeistari heims, hinn 14 ára Úkraínumaður Ilya Nyzhnik er meðal keppenda sem og jafnaldri hans Kiprian Berbatov, sem er náfrændi fótboltamanns úr Manjú.

Önnur umferð fer fram á morgun og hefst kl. 16:30.   Þá hefjast einnig skákskýringar Jóhanns Hjartarsonar og hefjast um kl. 19.   

Aðalstyrktaraðilar mótsins eru MP banki og Deloitte.  

Heimasíða mótsins er Chess.is og þar er t.d. hægt að nálgast átta af helstu viðureignum hverrar umferðar í beinni útsendingu.  

Áhorfendur er hvattir til að fjölmenna á skákstað.

MP Reykjavíkurskákmótið í erlendum skákfjölmiðlum

MP Reykjavíkurskákmótið vekur mikla athygli erlendis á ChessBase er komin skemmtileg frétt um MP Reykjavíkurskákmótið og Íslandsmót skákfélaga.  Chessdom ætlar svo að vera með beinar útsendingar á vef sínum með tölvuskýringum.  

Skák.is mun reyna að fylgjast með erlendum skákfréttum frá MP Reykjavíkurskákmótinu.  Skákáhugamenn eru hvattir til að fjölmenna á í Ráðhúsið kl. 16 í dag en þá er mótið sett.  

 

Og KR-pistill

Og enn fjölgar pistlunum.  Einar S. Einarsson, liðsstjóri KR, hefur skrifað pistil um gang mála hjá KR-ingum sem hvöttu fyrstu deildina með stæl. 

Ritstjóri mun safna saman pistlum á einum stað og birta fréttir þegar fleiri pistlar liggja fyrir.   

• KR-pistill
• SA-pistill
• Goðapistlar
• Eyjapistill
• Fjölnispistill

Míró vann 9 af 10 í blindskákarfjöltefi - Lilja lagði meistarann!

Nokkur fjöldi skákáhugamanna lagði leið sína í MP-banka í dag. Tilefnið; Evgenij Miroshnichenko hugðist tefla við tíu skákmenn í einu, og það blindandi. Keppendahópurinn samanstóð af ungum og efnilegum skákkrökkum, þekktum einstaklingum sem þó tengjast skák með einum eða öðrum hætti og svo fulltrúum frá SÍ og MP.  Hermann Gunnarsson fór í viðtal í beinni útsendingu á Rás 2 í miðri skák!

Fyrir sterkan skákmann er erfitt að tefla eina blindskák í einu án þess að ruglast neitt. En fyrir ofurstórmeistarann og Úkraínumanninn Evgenij Miroshnichenko er hins vegar lítið mál að tefla við tíu í einu. Míró, eins og hann er kallaður, ruglaðist nær aldrei í skákum sínum.

Eini ólöglegi leikurinn hans var gegn Hemma Gunn, sem hélt lengst út af þeim níu keppendum sem þurftu að gefast upp. Já. það voru bara níu sem þurftu að gefast upp, því skákdrottningin og nýbakaða móðirin Guðfríður Lilja Grétarsdóttir vann sína skák. Lokin í skák Lilju voru einkar skemmtileg. Lilja, 2 peðum yfir í hróksendatafli ákvað að sína stórmeistaranum vægð og bauð honum jafntefli. Hugsanlega spilaði það eitthvað inn í jafnteflisboðið að nýfædd dóttir hennar var orðin svöng. Svar Míró var tær snilld og vakti mikla kátínu viðstaddra; "I think I already have a lost position, so I have to refuse the offer and resign."

Sumsé 9-1 fyrir Evgenij Miroshnichenko. Sannarlega mikið afrek.

MP-mótið sjálft hefst svo í Ráðhúsi Reykjavíkur klukkan 16:30.

SA-pistill

Enn fjölgar pistlum um Íslandsmót skákfélaga.  Áskell Örn Kárason, formaður Skákfélags Akureyrar, hefur skrifað einn slíkan sem finna má á heimasíðu SA.   

Ritstjóri mun safna saman pistlum á einum stað og birta fréttir þegar fleiri pistlar liggja fyrir en a.m.k. pistill frá KR-ingum er væntanlegur í hús.   

• SA-pistill
• Goðapistlar
• Eyjapistill
• Fjölnispistill