Gleðileg skák-jól!

Ritstjóri óskar skák- og skákáhugamönnum gleðilegra jóla og minnir skákmenn á öfluga jóladagskrá félaganna.

• 26. desember - Jólahraðskákmót TV
• 27. desember - Jólahraðskákmót SA
• 28. desember - Jólahraðskákmót TR
• 29. desember - Friðriksmót Landsbankans
• 30. desember - Íslandsmótið í netskák (ICC)

 

Kaupþing gefur Helli skákklukkur

Taflfélaginu Helli hafa borist að gjöf 20 skákklukkur. Þessi góða gjöf  sem kemur frá  Kaupþing í Mjódd  mun  nýtast félaginu vel í margþættri starfsemi þess. Segja má núna fyrst eigi félagið næg skákáhöld til að halda öll mót á þess vegum.

Kaupþing hefur ávallt verið félaginu góður bakhjarl og má þar nefna að bankinn hefur stutt dyggilega við Hjörvar Stein Grétarsson og þess fyrir utan hefur útibúið í Mjódd verið aðalstyrktaraðili alþjóðlegra móta félagsins bæði nú í ár sem og í fyrra.

Á myndinni er Baldvin Hrafnsson, útibússtjóri í Mjódd, að færa Gunnari Björnssyni, formanni Hellis, klukkurnar.   

Íslandsmótið í netskák fer fram á ICC 30. desember

Íslandsmótið í netskák fer fram sunnudaginn 30. desember á ICC og hefst kl. 20. Mótið er öllum opið og er teflt er einum flokki. Góð verðlauð að fjárhæð 75.000 kr., eru í boði Landsbankans.   Mótið er öllum opið og er teflt er einum flokki.  

Íslandsmótið í netskák er elsta landsmót í netskák í gervöllum heiminum en fyrsta Íslandsmótið fór fram 1996.   Tímamörk eru 4 2 (4 mínútur + 2 sekúndur á leik) og tefldar eru 9 umferðir.

Verðlaun:

1. kr. 30.000
2. kr. 20.000
3. kr. 10.000

Undir 2100 skákstigum (miðað við nýjustu íslensku skákstig):
1. kr. 5.000

Undir 1800 skákstigum (miðað við nýjustu íslensku skákstig):
1. kr. 5.000

Stigalausir:
1. kr. 5.000

Auk þess verða frímánuðir í boði frá ICC.

Mótið sjálft og  fyrirkomulag þess verður nánar kynnt þegar nær dregur.  

Jól og pakkar á Jólapakkaskákmóti Hellis

Mikil og góð stemming var á Jólapakkaskákmóti Taflfélagsins Hellis sem fram fór í Ráðhúsi Reykjavíkur í dag.  Alls tók um 120 skákmenn á mótinu á aldrinum 6-16 ára.   Borgarstjórinn í Reykjavík, Dagur B. Eggertsson setti mótið og lék fyrsta leik þess. Fjórir efstu strákar og stelpur í hvorum flokki fengu verðlaun auk þess sem happdrætti var í hverjum flokki.  Í lok mótsins var svo happdrætti þar sem stærstu vinningarnir voru dregnir og þar á meðal skáktölvur frá Bókabúð Pennans.  

Myndasafn frá mótinu. 

Sigurvegarar flokkanna voru sem hér segir:

1999 og síðar:

Stelpur: Hildur Berglind Jóhannsdóttir
Strákar: Daníel Bjarki Sigurðsson

1997-98:

Stelpur: Sonia María
Strákar: Dagur Ragnarsson

1995-96:

Stelpur: Hrund Hauksdóttir
Strákar: Friðrik Þjálfi Stefánsson

1992-94:

Stelpur: Jóhanna Björg Jóhannsdóttir
Strákar: Svanberg Már Pálsson

Eftirtalin fyrirtæki gáfu jólapakkanna:

• Penninn, Hallarmúla
• Útlíf
• 66 Norður
• Puma
• Jói útherji
• Edda - útgáfa
• Max
• Vodafone
• Sambíóin

Allir krakkarnir fengu svo Nammipakka frá Góu. 

Nánari úrslit verður að finna á Heimasíðu Hellis á morgun.  

 

Tómas Veigar hraðskákmeistari Goðans

Tómas Veigar Sigurðarson varð efstur á Hraðskákmóti skákfélagsins Goðans sem fram fór á Fosshóli í Þingeyjarsveit í kvöld og er því Hraðskákmeistari félagsins 2007.  Tómas fékk 12 vinninga af 13 mögulegum.  Baldur Daníelsson var sá eini sem náði að vinna Tómas.   Smári Sigurðsson, hraðskákmeistari Goðans frá því í fyrra, varð annar af félagsmönnum Goðans með 9 vinninga og Rúnar Ísleifsson varð þriðji með 8,5 vinninga.  Alls tóku 14 keppendur þátt í mótinu.  

 

 

 

 

Úrslit urðu eftirfarandi :

• 1.  Tómas Veigar Sigurðarson                      12 af 13 mögul.          gull
• 2.  Sigurður Eiríksson      (S.A.)                    11
• 3.  Sindri Guðjónsson      (T.G.)                     9,5
• 4.  Smári Sigurðsson                                   9                                silfur
• 5.  Rúnar Ísleifsson                                       8,5                            brons
• 6.  Jakob Sævar Sigurðsson                          8
• 7.  Baldur Daníelsson                                   7,5
• 8.  Sigurbjörn Ásmundsson                           6
• 9.  Hermann Aðalsteinsson                           5
• 10. Ármann Olgeirsson                                 4,5
• 11. Jóhann Sigurðsson                                 3,5
• 12. Heimir Bessason                                      3
• 13. Benedikt Þór Jóhannsson                        2                               gull
• 14. Ketill Tryggvason                                     1,5

Benedikt Þór sigraði í flokki 16 ára og yngri með 2 vinninga. Sigurður og Sindri kepptu sem gestir á mótinu þar sem þeir eru ekki félagsmenn í Goðanum

Friðriksmót Landsbankans fer fram 29. desember

Friðriksmót Landsbankans fer fram í aðalútibúi Landsbankans í Austurstræti laugardaginn 29. desember nk.og hefst kl. 14.00. Mótið er öllum opið meðan húsrúm leyfir, en þátttakendur eru hvattir til að skrá sig í tölvupósti á netfangið [e-mail] fyrir kl. 10 á laugardag. Húsrúm er miðað við 60 keppendur.    

Verðlaun eru sem hér segir:

• 1) 100.000 kr.
• 2) 60.000 kr.
• 3) 50.000 kr.
• 4) 30.000 kr.
• 5) 20.000 kr.

Aukaverðlaun:

• Efsti unglingurinn 16 ára og yngri: 10.000 kr.
• Efsta konan: 10.000 kr.
• Efsti maður með 2200 stig og minna: 10.000 kr.
• Efsti maður með 2000 stig og minna: 10.000 kr.

Tefldar verða 13 umferðir með 7 mínútna umhugsunartíma á mann og er reiknað með að mótinu ljúki um kl. 16.00.

Þetta er fjórða árið í röð sem Landsbanki Íslands og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Margir af sterkustu stórmeisturum landsins hafa undanfarin ár teflt til heiðurs Friðriki og búist er við að ýmsir af mestu skákmeisturum landsins verði með á mótinu.    

Gunnar Freyr með gull í Vin

Hrókurinn og Skákfélag Vinjar héldu jólamót sitt mánudaginn 17. desember.  Tíu manns mættu og var mótið býsna sterkt enda glæsilegir vinningar í boði frá bóka- og tónlistarútgáfunni SÖGUR. 

Tefldar voru fimm umferðir og var umhugsunartími sjö mínútur. Talsverð spenna lá í loftinu enda mönnum meinilla við að tapa, eins og gengur.

Að loknum þremur umferðum var gerð kaffipása, enda bornar í keppnisfólkið smákökur og jólailmurinn sveif um í stofunni. 

Fyrir mót var ákveðið að verðlaunapeninga fengju þeir sem voru með undir 2000 Elo-stigum, þar sem von var á nokkrum fræknum kempum sem eiga fullt af medalíum. Flestir forfölluðust vegna mikillar vinnu eða hinnar alræmdu desemberflensu. Stórmeistarinn Henrik Danielsen, sem er einn þeirra sem hafa verið með æfingar í Vin undanfarin ár, keppti því sem heiðursgestur og hafði hann að lokum sigur í öllum sínum skákum en fékk þó veglega mótspyrnu.

Sigurvegari jólamótsins varð að lokum Gunnar Freyr Rúnarsson, fyrirliði hins alræmda Víkinga-og Kínaskákklúbbs, sem verið hefur í banastuði undanfarna mánuði. Fékk hann fjóra vinninga og gullið, sem að venju var sótt í smiðju eins af heiðursfélögum Hróksins, Árna Höskuldssonar, gullsmiðs.

Annar varð hinn öflugi Björn Sölvi Sigurjónsson með þrjá og hálfan og bronsið hlaut Rafn Jónsson, með tvo og hálfan. Sigurjón Þór Friðþjófsson varð í fjórða sæti, einnig með tvo og hálfan vinning.

Allir þátttakendur fengu nýútkomnar jólabækur í vinning frá úrgáfunni SÖGUR, m.a. Hníf Abrahams, eftir Óttar Norðfjörð, sem trónir hátt á metsölulistanum fyrir þessi jól og var norðurlandameistari í skólaskák með Æfingaskóla KHÍ á sínum tíma.  

Skákstjóri var Kristian Guttesen.

Áskell Akureyrarmeistari í atskák

Áskell Örn Kárason sigraði glæsilega á Akureyrarmótinu í atskák sem lauk í dag en hann fékk 7 vinninga af 7 mögulegum og fékk 2,5 vinningi meira en næstu menn.

 

Röð efstu keppenda:

 

1. Áskell Örn Kárason 7 v. af 7.

2. Þór Valtýsson        4,5

3. Gylfi Þórhallsson    4,5

4. Skúli Torfason        4,5

5. Ari Friðfinnsson      4

6. Rúnar Ísleifsson      4

Jólaskákmót Vinjar fer fram í dag

Mánudaginn 17. desember. kl. 13;15 heldur Skákfélag Vinjar, í samstarfi við Hrókinn, jólamótið  í Vin. Tefldar verða fimm skákir með 7 mínútna umhugsunartíma.

Bóka- og tónlistarútgáfan SÖGUR gefur glæsilega vinninga, nýútkomnar jólabækur,  fyrir ALLA þátttakendur. 

Að sjálfsögðu verður kaffi og eitthvert góðmeti með að afloknu móti. 

Áritaðir verðlaunapeningar fyrir efstu menn undir 2000 elo stigum en auðvitað fá allir vinning, ekki spurning....

OG ALLIR ERU VELKOMNIR

Vin langar sérstaklega að bjóða velkomna þá sem tóku þátt í jólamóti Hróksins í hátíðarsal Kleppsspítala um daginn enda er teflt í Vin á hverjum mánudegi. 

Vin er athvarf Rauða krossins fyrir fólk með geðraskanir og Hrókurinn hefur komið að skákiðkun klukkan 13 á mánudögum nú í fjögur ár. 

Vin er að Hverfisgötu 47 í Reykjavík og síminn er 561-2612.

Ný skákbók eftir Bobby Fischer

 

Íslendingurinn Bobby Fischer hefur gefið út nýja bók sem ber nafnið 61 minnisstæð skák (My 61 Memorable Games) og er samkvæmt frásögn á Ebay endurgerð á hinni þekktu bók 60 minnisstæðar skákir sem út kom fyrst árið 1969 og hefur þótt meðal betra skákbóka sem komið hafa út.  Fischer hefur bætt við einni skák en um er að ræða fyrstu einvígisskákina gegn Spassky árið 1992.  Fyrsta útgáfa bókarinn er aðeins gefin út í 50 eintökum til að byrja og auglýst eftir boði á Ebay í allar bækurnar.  Annað útboð verður svo síðar fyrir bækur 51-100 en eftir það mun bókin fara í almenna sölu. 

 

Í umföllun í bókinni á Ebay segir: 

The book is entitled "My 61 Memorable Games", a new book released by Bobby Fischer. The "cover price" of this book is $24.95 but as a collector's item of limited production run, they can obviously sell for much more. You are bidding on THE FIRST 50 COPIES OF THIS BOOK to be released! Only bid if you intend to be in receipt of all 50 copies. The first 100 copies are marked as SPECIAL EDITION, FIRST PRINT RUN, and this auction is for books #1-50. Another auction will be for books 51-100. This book will not be made available for the public before February 2008, and all books from 101 onward will say SECOND EDITION on them. Send an email to [e-mail] for more information. Nearly four decades have passed since Bobby Fischer's "My 60 Memorable Games" was first printed. The year was 1969. America was embroiled in the Viet Nam Conflict. Lyndon B. Johnson was replaced by Richard M. Nixon in the White House. And a group known as "Led Zeppelin" released their first album. Much has changed since then, but even modern computer analysis in 2007 indicates that Fischer's intuition and tactical combinations were very accurate. This has made "My 60 Memorable Games" a treasure to chessplayers, and a book highly sought after by collectors. And now, Fischer's new book has outperformed its great predecessor! It remains true to the original form: Chess analysis, objective and clear, devoid of personal attacks or other diatribe. Updated with modern Figurine Algebraic Notation, it is much easier to read than the antiquated Descriptive Notation of 1969. The pensive, elder Fischer has annotated the games from the perspective of his accumulated lifetime of experience, an impossible undertaking for his 26-year old counterpart that penned the original tome. The new book also contains IMPROVED analysis and more commentary by the legendary reclusive World Champion. And the icing on the cake is, a new game added to the collection! For the first time ever, Fischer's own recounting of his 'memorable' game 1 from the 1992 rematch with Boris Spassky. This was the Breyer Variation of the ancient Ruy Lopez opening (which dates back to 1561!) yet Fischer imparts new life to it with a move that was highly praised by Grandmasters around the world! Chess enthusiasts of all ages, strengths, and backgrounds will love this book. P.S. The page images below are VERY BLURRY for some reason -- eBay has scaled them down, the book looks much sharper and much better than these images!