Páll sigraði á fimmtudagsmóti

Páll Snædal Andrason sigraði örugglega í gær og varð þar með fyrstur til að vinna fimmtudagsmót öðru sinni í vetur. Hann stóð að lokum upp sem eini taplausi keppandinn en fram að síðustu umferð átti Eggert Ísólfsson líka möguleika á að vinna mótið. Tap Eggerts í síðustu umferð þýddi að Páll varð einum og hálfum vinningi fyrir ofan næstu menn.

Lokastaðan í gærkvöldi varð:

• 1     Páll Snædal Andrason                   6.5
• 2-4   Eggert Ísólfsson                       5
•       Eiríkur Örn Brynjarsson                5 
•       Birkir Karl Sigurðsson                 5
• 5-10  Eiríkur K. Björnsson                   4 
•       Ingi Tandri Traustason                 4    
•       Áslaug Kristinsdóttir                  4
•       Örn Leó Jóhannsson                     4 
•       Elsa María Kristínardóttir             4 
•       Stefán Már Pétursson                   4       
• 11-12 Vignir Vatnar Stefánsson               3.5    
•       Eyþór Trausti Jóhannsson               3.5   
• 13-15 Kristján Sverrison                     3      
•       Kristinn Andri Kristinsson             3  
•       Gauti Páll Jónsson                     3     
• 16-18 Gunnar Friðrik Ingibergsson            2.5    
•       Óskar Long Einarsson                   2.5    
•       Björgvin Kristbergsson                 2.5   
•  19   Eysteinn Högnason                      1     

Snorri vann í 2. umferð í Belgrad

Snorri Bergsson (2304) sigraði í 2. umferð Belgrade Trophy sem fram fór í gær.   Jón Árni Halldórsson (2196) og Sigurður Ingason (1887) töpuðu báðir fyrir stigahærri andstæðingum.   Snorri hefur 2 vinninga en Jón og Sigurður hafa 1 vinning.

285 skákmenn taka þátt í mótinu og þar af 20 stórmeistarar.   Snorri er nr. 45 í stigaröð keppenda, Jón nr. 71 og Sigurður nr. 154.

Heimasíða mótsins

Hrannar meistari Skákfélags Vinjar

Fyrsta félagsmót Skákfélags Vinjar var haldið í gærkvöldi og mættu þrettán manns. Tefldar voru sjö umferðir með tíu mínútna umhugsunartíma og allt í járnum, enda félagsbikarinn undir. Nokkuð var um forföll vegna prófa hjá námsmönnum og einhverjir Vinjarmenn að tefla á öðrum mótum. Þá er ótrúlegt rokk í liðsmönnum og a.m.k. einn með tónleika á sama tíma.

Þó fríðleiksstuðullinn hafi verið í hærri kantinum var liðsmönnum Skákfélags Óskar boðið, auk nokkurra vina, svona til að hækka hann í topp. Þær hugðu þó einhverjar á að æfa sig í Víkingaskák fyrir Íslandsmótið sem er í næstu viku.

Þegar líða tók á var ljóst að baráttan yrði milli Hrannars Jónssonar, Árna Kristjánssonar og Jóns Birgis Einarssonar. Óttar Norðfjörð TR maður, setti strik í reikning Hrannars með gildru sem hann veiddi fyrirliðann í. En Hrannar lagði svo Árna í hörkuskák og hafði sigur á stigum.

• 1. Hrannar Jónsson 6
• 2. Árni H. Kristjánsson 6
• 3. Jón Birgir Einarsson 5
• 4. Óttar M. Norðfjörð 4 
• 5. Björn S. Sigurjónsson 4
• 6. Jón Gauti Magnússon 3,5

og aðrir minna.

Myndaalbúm mótsins

SkákSeglið 2010: Þór Valtýsson bar sigur úr bítum

Kappteflinu um SkákSeglið, 4 móta mótaröð til minningar um Grím Ársælsson, er lokið hjá Riddaranum.  Mótinu lauk með sigri Þórs Valtýssonar eftir harða og tvísýna baráttu við Sigurð A. Herlufsen, sigurvegarann frá fyrra ári þegar um "Seglið" var teflt í fyrsta sinn. Aðeins munaði 1 punkti,  Þór hlaut 22 stig en Sigurður 21 en besti árangur í mótum og fjórum taldi til stiga.

Guðfinnur R. Kjartansson, varð þriðji.  Á meðan á mótinu stóð var efnt til minningar- og hátíðarkaffis á þann 17. nóvember, en þá hefði "Grímzó", fyrrv. formaður og frumkvöðull að stofnun klúbbsins,  orðið sjötugur hefði hann lifað.

Sjá má nánari úrslit á slóðinni. www.riddarinn.net

Myndaalbúm mótsins

Róbert vann í fyrstu umferð í Harkany

Róbert Lagerman (2271) sigraði í fyrstu umferð Tenkes-mótsins sem fram fór í Harkany í Ungverjalandi í dag.   Andstæðingur Róbert var með 2075 skákstig.   Á morgun teflir Róbert við alþjóðlega meistarann Tamas Meszaros (2432).

Afar takmarkaðar upplýsingar eru aðgengilegar á vefsíðu mótsins.

Heimasíða mótsins

 

Jólaskák í Hótel Glym - Afmælismót Jóns L. Árnasonar

Afmælismót Jóns L. Árnasonar stórmeistara verður haldið í Hótel Glym, Hvalfirði, sunnudaginn 12. desember klukkan 14. Mótið er öllum opið, en meðal keppenda verða stórmeistararnir Helgi Ólafsson, Jóhann Hjartarson og Jón L. Árnason, sem varð fimmtugur 13. nóvember. Það er mótshöldurum mikil ánægja að mega þannig heiðra fyrsta heimsmeistara Íslendinga í skák.

Verðlaun eru veitt í mörgum flokkum, m.a. fyrir bestan árangur grunnskólabarna, kvenna, eldri borgara og stigalausra. Sigurvegari mótsins fær ýmsa góða vinninga, meðal annars gistingu fyrir tvo á Hótel Glym og splunkunýjar jólabækur. 
 
Tefldar verða níu umferðir með sjö mínútna umhugsunartíma. Þátttaka er ókeypis.
 
Í Hótel Glym er fyrsta flokks aðstaða til tafliðkunar, fagurt útsýni og frábærar veitingar. Hótelið er staðsett í norðanverðum firðinum og þangað er innan við hálftíma akstur frá Reykjavík.

Jón L. Árnason varð stórmeistari í skák 1986 og myndaði ásamt Jóhanni Hjartarsyni, Helga Ólafssyni og Margeiri Péturssyni sterkasta landslið sem Ísland hefur nokkru sinni teflt fram. Mestur ljómi hvílir þó yfir afreki Jóns árið 1977 þegar hann varð heimsmeistari sveina, 16 ára og yngri. Meðal keppenda á mótinu voru Gary Kasparov og Nigel Short, og er óhætt að segja að Íslendingar hafi fylgst bergnumdir með framgöngu Jóns á mótinu, sem varð þjóðhetja eftir sigurinn.

 
Nánari fréttir verða sagðar af mótinu næstu daga, en áhugasamir eru beðnir að skrá sig til þátttöku sem fyrst hjá [e-mail] og [e-mail].

Sjá einnig heimasíðu Hótel Glyms:
http://www.hotelglymur.is/

Fimmtudagsmót hjá TR í kvöld

Fimmtudagsmót T.R. fer að venju fram í kvöld og hefst kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

• Fimmtudagsmótin

Fimm skákmenn efstir og jafnir á Atskákmóti öðlinga

Þorsteinn Þorsteinsson (2210), Júlíus Friðjónsson (2179), Halldór Pálsson (1979), Bjarni Sæmundsson (1931) og Gylfi Þórhallsson (2200) eru efstir og jafnir með 4½ vinning að loknum sex umferðum á Atskákmóti öðlinga en umferðir 4-6 fóru fram í kvöld.   Mikið er búið að vera um óvænt úrslit.  Mótinu verður framhaldið á fullveldisdaginn.   

Staðan:

 

Rk.		Name	Rtg	Club/City	Pts.
1	FM	Thorsteinsson Thorsteinn	2210	TV	4,5
2		Fridjonsson Julius	2179	TR	4,5
3		Palsson Halldor	1979	TR	4,5
4		Saemundsson Bjarni	1931	Vík	4,5
5		Thorhallsson Gylfi	2200	SA	4,5
6	IM	Bjarnason Saevar	2151	TV	4
7		Thrainsson Birgir Rafn	1780	Hellir	4
8		Sigurjonsson Stefan Th	2118	Vík	3,5
9		Fivelstad Jon Olav	1875	TR	3,5
10		Bjornsson Gunnar	2130	Hellir	3
11		Eliasson Kristjan Orn	1980	SFI	3
12		Bjornsson Eirikur K	2038	TR	3
13		Kristjansson Sigurdur	1930	KR	3
14		Valtysson Thor	2031	SA	3
15		Jonsson Sigurdur H	1820	SR	3
16		Schmidhauser Ulrich	1395	TR	2,5
17		Gardarsson Halldor	1956	TR	2,5
18		Finnsson Gunnar	1757	TR	2,5
19		Thorarensen Adalsteinn	1660	Sf.Vinjar	2
20		Jonsson Loftur H	1600	SR	2
21		Kristbergsson Bjorgvin	1155	TR	2
22		Johannesson Petur	1085	TR	1,5
23		Bjarnason Sverrir Kr	1400	TR	1,5

Röðun 7. umferðar:

Bo.	Name	Pts.	Result	Pts.	Name
1	Fridjonsson Julius	4½		4½	Thorsteinsson Thorsteinn
2	Palsson Halldor	4½		4½	Thorhallsson Gylfi
3	Saemundsson Bjarni	4½		4	Bjarnason Saevar
4	Thrainsson Birgir Rafn	4		3½	Fivelstad Jon Olav
5	Sigurjonsson Stefan Th	3½		3	Bjornsson Eirikur K
6	Kristjansson Sigurdur	3		3	Bjornsson Gunnar
7	Valtysson Thor	3		3	Jonsson Sigurdur H
8	Finnsson Gunnar	2½		3	Eliasson Kristjan Orn
9	Gardarsson Halldor	2½		2½	Schmidhauser Ulrich
10	Johannesson Petur	1½		2	Jonsson Loftur H
11	Bjarnason Sverrir Kr	1½		2	Kristbergsson Bjorgvin
12	Thorarensen Adalsteinn	2	1		bye

• Heimasíða TR
• Chess-Results

 

Snorri, Sigurður og Jón Árni unnu í fyrstu umferð

Snorri Bergsson (2304), Jón Árni Halldórsson (2196) og Sigurður Ingason (1887) unnu allir í fyrstu umferð Belgrade Trophy sem fram fór í dag.   Snorri og Jón Árni unnu stigalægri andstæðinga og Sigurður sigraði andstæðing sem var 400 skákstigum stigahærri.

285 skákmenn taka þátt í mótinu og þar af 20 stórmeistarar.   Snorri er nr. 45 í stigaröð keppenda, Jón nr. 71 og Sigurður nr. 154.

Heimasíða mótsins

 

Íslandsmótið í atskák fer fram á laugardag og sunnudag

Íslandsmót í atskák 2009 fer fram laugardag og sunnudag, 27.-28. nóvember í húsnæði Taflfélags Reykjavíkur að Faxafeni 12.  Tefldar verða tvær 25 mínútna skákir og verði jafnt skal tefla 7 mínútna bráðabana þar til hreins úrslit fást.  

Öllum er heimil þátttaka!

Dagskrá mótsins:

• Laugardagur 27. nóvember, kl. 13:30, 1. umferð
• Laugardagur 27. nóvember, kl. 15:30, 2. umferð
• Laugardagur 27. nóvember, kl. 17.30, 3. umferð
• Sunnudagur 28. nóvember, kl. 13:00, 4. umferð
• Sunnudagur 28. nóvember, kl. 15.00, 5. umferð

Dagskráin gæti hnikast til dragist einstök einvígi á langinn.  Úrslitaeinvígið verður teflt í desember 2010 - febrúar 2011.

Verðlaun:       

• 1. verðlaun      kr.   50.000.-
• 2. verðlaun      kr.   25.000.-
• 3.-4. verðlaun  kr.   12.500.-
• 5.-8. verðlaun  kr.     2.500.-

Þátttökugjöld:           

• kr. 1.000.- fyrir fullorðna
• kr.    500.- fyrir 15 ára og yngri.

Skráning fer eingöngu fram á Skák.is.   Nauðsynlegt er að skrá sig fyrir kl. 11 á laugardag til að geta tekið þátt.

Núverandi Íslandsmeistari í atskák er Arnar E. Gunnarsson. 

Upplýsingar um skráða keppendur má nálgast hér.