MP Reykjavíkurskákmótið hefst eftir tæpa 2 mánuði

MP Reykjavíkurskákmótið fer fram 9.-16. mars í Ráðhúsi Reykjavíkur.   Það stefnir í verulega sterkt og skemmtilegt mót en nú þegar eru á þriðja tug stórmeistara skráðir til leiks.   Þar má nefna suma af sterkustu skákmönnum heims, alla íslensku virku stórmeistarana, sterkustu skákkonur heims, yngsta stórmeistara heims og náfrænda eins besta knattspyrnumanns heims.  Svo má finna goðsagnir eins og venjulega.  Mótið er jafnframt Norðurlandamót í skák.  

Stigahæstur keppenda er Úkraínumaðurinn Evgenij Miroshnichenko (2670).  Næstur í stigaröðinni er Ivan Sokolov (2657), sem var einn sigurvegara síðasta MP Reykjavíkurmóts og þriðji í stigaröðinni er Þjóðverjinn Jan Gustafsson (2652).  Meðal Norðurlandabúa má nefna, jafnaldra og félaga besta skákmanns heims, Magnúsar Carlsen, Jon Ludvig Hammer (2647) og svo Danann Sune Berg Hansen (2603). Fleiri norðurlandabúar eiga eftir að bætast við. 

Stigahæsti skákmaður Afríku Ahmed Adly (2640) er einnig með.   Og ekki vantar goðsagnir en meðal keppenda er Lettinn Evgeny Sveshnikov (2521), sem kemur hingað ásamt syni sínum, höfundur einnar þekkustu byrjunar heims. 

Sem fyrr má finna marga af yngstu og efnilegustu skákmönnum heims.   Yngsti stórmeistari heims í dag, Illya Nyzhnik (2530) mætir.   Það gerir einnig búlgarski alþjóðlegi meistarinn Kiprian Berbatov (2437), sem mun vera náfrændi Dimitar og væntanlega betri í hnjánum.  Suri Vaibhav (2421) er indverskur alþjóðlegur meistari aðeins 13 ára að aldri. 

Og ekki má gleyma skákkonunum.  Ein stigahæsta skákkona heims, Harika Dronavalli (2520)  auðvitað kemur til leiks en meðal kvenna má löndu hennar Tania Sachdev (2391), frönsku skákkonuna Sophie Millet (2375) og sterkustu skákkonu Hvíta-Rússlands, Anna Sharevich (2332). 

Íslenskir skákmenn eru hvattir til að skrá sig leiks.   Skráning fer fram í gegnum Chess-Results. Upplýsingar um hvernig skuli greiða þátttökugjöld og hvað þau séu há má finna hér.  20% afláttur á þátttökugjöldum er í boði sé gengið frá skráningu og greiðslu eigi síðar en 20. janúar. 

Keppendalisti (11. janúar):

 

SNo.		Name	IRtg	FED
1	GM	Evgenij Miroshnichenko	2670	UKR
2	GM	Ivan Sokolov	2657	NED
3	GM	Jan Gustafsson	2652	GER
4	GM	Jon Ludvig Hammer	2647	NOR
5	GM	Ahmed Adly	2640	EGY
6	GM	Yuriy Kuzubov	2624	UKR
7	GM	Kamil Miton	2616	POL
8	GM	Vladimir Baklan	2613	UKR
9	GM	Sune Berg Hansen	2603	DEN
10	GM	Boris Chatalbashev	2602	BUL
11	GM	Gawain C B Jones	2593	ENG
12	GM	Abhijeet Gupta	2590	IND
13	GM	Yannick Pelletier	2586	SUI
14	GM	Hannes Stefansson	2580	ISL
15	GM	Robert L Hess	2572	USA
16	GM	Alexandr Fier	2571	BRA
17	GM	Hedinn Steingrimsson	2554	ISL
18	IM	Illya Nyzhnyk	2530	UKR
19	GM	Krikor Sevag Mekhitarian	2528	BRA
20	GM	Evgeny Sveshnikov	2521	LAT
21	IM	Dronavalli Harika	2520	IND
22	GM	Henrik Danielsen	2519	ISL
23	GM	Simon K Williams	2513	ENG
24	IM	Sahaj Grover	2462	IND
25	IM	Kiprian Berbatov	2439	BUL
26	IM	Helgi Dam Ziska	2428	FAI
27	IM	Suri Vaibhav	2421	IND
28	IM	Bjorn Thorfinnsson	2404	ISL
29	IM	Bjorn Tiller	2393	NOR
30	IM	Sachdev Tania	2391	IND
31	GM	Throstur Thorhallsson	2387	ISL
32	IM	Maxim L Devereaux	2385	ENG
33	FM	Vladimir Sveshnikov	2379	LAT
34	IM	Hie Milliet So	2375	FRA
35	FM	Evgeny Degtiarev	2368	GER
36	IM	Eesha Karavade	2353	IND
37	IM	Vishal Sareen	2349	IND
38	FM	Nicolai Getz	2334	NOR
39	WGM	Anna Sharevich	2332	BLR
40	WGM	Lenka Ptacnikova	2317	ISL
41	FM	Daniel Jakobsen Kovachev	2307	NOR
42	FM	Espen Forsaa	2306	NOR
43	IM	Leon Piasetski	2303	CAN
44	FM	Halldor Gretar Einarsson	2220	ISL
45	FM	Thorsteinn Thorsteinsson	2220	ISL
46		Ian Stuvik Holm Kris	2209	NOR
47		Jon Arni Halldorsson	2195	ISL
48	WIM	Sheila Barth Sahl	2173	NOR
49		Guido Rothe	2171	GER
50	IM	Saevar Bjarnason	2151	ISL
51	FM	Tomas Bjornsson	2148	ISL
52		Oliver Duchrow	2136	GER
53		Reyk Schaefer	2133	GER
54		Tarjei Svensen	2125	NOR
55	WIM	Fiona Steil-Antoni	2118	LUX
56		Jordi Herms Agullo	2098	ESP
57		Markus Schwenke	2098	GER
58		Frank Rehfeldt	2091	GER
59		Etoslav Mihajlov S	2087	NOR
60		Johann Ragnarsson	2075	ISL
61		Michael Klyszcz	2064	GER
62		Bjarni Jens Kristinsson	2042	ISL
63		Magnus Magnusson	2026	ISL
64		Jes West Knudsen	2000	DEN
65		Peter Schelwokat	1994	GER
66		Ellisiv Reppen	1963	NOR
67		Kjartan Masson	1916	ISL
68		Olafur Gisli Jonsson	1882	ISL
69		Bastian Mihajlov S	1871	NOR
70		Orn Leo Johannsson	1854	ISL
71		Olav Erikstad	1829	NOR
72		Atli Antonsson	1825	ISL
73		Tinna Kristin Finnbogadottir	1776	ISL
74		David A Gates	1698	ENG
75		Marcin Muller	1661	POL
76		Pall Andrason	1637	ISL
77		Eirikur Orn Brynjarsson	1624	ISL
78		Dagur Kjartansson	1522	ISL
79		Birkir Karl Sigurdsson	1472	ISL

 

Þrefaldur íslenskur sigur í sjöttu umferð í Dehli

Allir íslensku keppendurnir unnu í 6. umferð alþjóðlega mótsins í Nýju Dehli sem fram fór í dag.   Hannes Hlífar Stefánsson (2580) vann alþjóðlega meistarann Varugeese Koshy (2309), Henrik Danielsen (2519) vann K. Ramu (2220) og Guðmundur Kjartansson (2379) vann Khandok Manan (1566).   Hannes og Henrik hafa 5 vinninga og eru í 8.-30. sæti en Guðmundur hefur 3½ vinning.   Efstur með fullt hús er indverski stórmeistarinn Parimarjan Negi (2607).

Í sjöundu umferð, sem fram fer á morgun og hefst kl. 9:30, teflir Hannes við indverska alþjóðlega meistarann Rahul Sangma (2386), Henrik við indverska FIDE-meistarann Diptayan Ghosh (2180) og Guðmundur við Indverjann Karthik Ramalingam (2046).  Skák Hannes verður sýnd beint og jafnvel Henriks líka. 

Á mótinu taka þátt 407 keppendur og Þar á meðal eru 24 stórmeistarar.   Hannes er nr. 10 í stigaröð keppenda, Henrik nr. 17 og Guðmundur nr. 42.  Tefldar eru 11 umferðir.

• Heimasíða indverska skáksambandsins
• Heimasíða Skáksambands Nýju-Dehli
  
• Beinar útsendingar
• Chess-Results

Arnar sigraði á hraðkvöldi Hellis

Arnar Gunnarsson sigraði örugglega á hraðkvöldi Hellis sem fram fór í gærkvöldi, mánudaginn 10 janúar. Arnar sigraði í öllum skákunum 7 og segja má að hann hafi tekið andstæðinga sína í bakaríið. Næstir komu Birkir Karl Sigurðsson, Guðmundur Kristinn Lee og Vigfús Vigfússon með 4,5v.

Sigurvegarinn þurfti að drífa sig í fótbolta eftir mótið og hafði því ekki tíma til að draga út aukaverðlaunin. Pétur hljóp þá í skarðið og dró út Hildi Berglindi þótt hann hefði leyfi til draga út sjálfan sig.

Lokastaðan á hraðkvöldinu:

Röð	Nafn	V.	Stig
1	Arnar Gunnarsson	7	28½
2	Birkir Karl Sigurðsson	4½	30½
3	Guðmundur Kristinn Lee	4½	29½
4	Vigfús Vigfusson	4½	27½
5	Gunnar Nikulásson	4	28½
6	Eggert Ísólfsson	4	24
7	Elsa María Kristínardóttir	4	20
8	Jóhanna Björg Jóhannsdóttir	3½	28
9	Jón Úlfljótsson	3½	26½
10	Eyþór Trausti Jóhannsson	3	19½
11	Dawid Kolka	3	18½
12	Björgvin Kristbergsson	2	21
13	Hildur Berglind Jóhannsdóttir	1½	19
14	Pétur Jóhannesson	0	22

Skákárið 2010

Skákárið 2010 er lokið og það fyrir nokkrum dögum síðan.  Fínt skákár þar sem gott Reykjavíkurskákmót, haldið í Ráðhúsinu, og góð frammistaða íslensku landsliðsins á Ólympíuskákmótinu standa upp úr.  Hannes Hlífar kom sá og sigraði bæði á MP Reykjavíkurskákmótinu og Íslandsmótinu.......eins og venjulega.  Lenka Ptácníková stal senunni á Ólympíuskákmótinu með frábærri frammistöðu, krækti sér í 20 skáka áfanga að alþjóðlegum meistaratitli og tefldi skák ársins.  Jú og Kirsan var endurkjörinn forseti FIDE, þrátt fyrir að Kasparov yrði óður.

Ekkert kom á óvart á MP Reykjavíkurskákmótinu.  Hannes Hlífar vann..... ásamt Gupta, Indlandi, Kurzubov, Úkraínu, og Íslandsvininum Ivan Sokolov.  Allir koma þeir aftur á mótið í ár.  Hannes Hlífar sigraði einnig á Íslandsmótinu en að þessu sinni þurfti hann að hafa verulega fyrir því.  Björn Þorfinnsson stimplaði sig vel, var aðeins hálfum vinningi á eftir Hannesi og var valinn í Ólympíulandsliðið.

Bolvíkingar sigruðu á Íslandsmóti skákfélaga og standa vel að vígi eftir fyrri hlutann en þar leiða reyndar Eyjamenn.  Búast má við harðri baráttu félaganna tveggja um Íslandsmeistaratitilinn.

Og landsliðsmálin.  Þar gekk vel.  Hart var deilt um val á karlaliðinu þar sem Henrik sat heima á meðan Hjörvar og Þorfinnssynir voru valdir.  Karlaliðið stóð sig vonum framar og liðið nú stóð sig mun betur en síðast.  Frammistaða kvennaliðsins var sem og til mikillar fyrirmyndar og Lenka fór á kostum.  Sú ákvörðun stjórnar SÍ að ráða landsliðsþjálfara held ég hafi verið skynsamleg og meiri festa yfir landsliðsmálun en oft áður.

Góð þátttaka var á skákmótum innanlands.  Gróska er í skákinni innanlands.  Guðmundur Gíslason krækti sér í áfanga að alþjóðlegum meistaratitli á Íslandsmótinu.  Skákmenn tefldu minna erlendis en oft áður enda mun dýrara að taka þátt í mótum erlendis eftir hrunið.  Björn Þorfinnsson náði frábærum árangri í Rúmeníu og var nálægt stórmeistaraáfanga.  

Ritstjóri er bjartsýnn fyrir árið 2011.  Spáir skemmtilegu Íslandsmóti á Egilsstöðum.  Þátttökulisti MP Reykjavíkurmótsins, sem verður birtur á næstum dögum, lítur afar vel út.  Þar verður að finna marga kunna kappa og mörg ný athyglisverð nöfn.  Mótið verður jafnframt Norðurlandamót og þar verður t.d. að finna marga af sterkustu skákmönnum Norðurlandanna eins og t.d. Jon Ludvig Hammer. 

Eins og venjulega hefur ritstjóri valið hina og þessa viðburði ársins.  Sjálfsagt gleymist eitthvað í upptalningunni og biðst ég fyrirfram afsökunar á því.  Upptalningin á léttu nótunum og bak við hana liggja engin geimvísindi og má enginn vera móðgaður vegna hennar.  Sem er erfitt því skákmenn eiga það til að verða móðgungargjarnir!

Óvæntasta frétt ársins

Töluvert var um óvænt úrslit á árinu.  Má þar nefna að Atli Antonsson vann Róbert Lagerman á MP Reykjavíkurskákmótinu og Sverrir Örn Björnsson vann Íslandsmeistarann Hannes Hlífar Stefánsson á Íslandsmóti skákfélaga.  

Svo má nefna að Guðmundur Kristinn Lee varð Íslandsmeistari í Víkingaskák og sló þar við mörgum þrautreyndum Víkingaskákmanninum.

Að Henrik skyldi ekki vera valinn í Ólympíuliðið verður þó að teljast óvæntasta frétt ársins.  

Skák ársins 

Án efa skák Lenku og Repkovu á Ólympíuskákmótinu sem Halldór Grétar hefur gert góð skil á Skákhorninu.  Sjálfur var ég staddur á Ólympíuskákmótinu og var ásamt Jóhanni Hjartarsyni staddur í herbergi þar sem við horfðum á skákina beint á Netinu.  Jóhanni leyst svona mátulega á 18. Rb5 taldi stöðuna of góða fyrir svona leik!  Leikurinn reyndist tær snilld, sem og biskupsleikir í framhaldinu og úr varð besta skák ársins að mati íslenskra skákáhugamanna.

Deila ársins

Hart var deilt um val á Ólympíuliðinu og fóru margir hart fram í gagnrýni sínu á SÍ og landsliðsþjálfarann fyrir að velja ekki Henrik í liðið.  Henrik svaraði fyrir sig á réttan hátt, á skákborðinu sjálfu, og vann m.a. lokað skákmót í Færeyjum skömmu síðar.

Lið ársins:

Lið ársins eru íslensku landsliðin á Ólympíuskákmótinu.  Frábær frammistaða beggja liða og fararstjórinn, það er ég, var gífurlega stoltur af mínu fólki.  Allir hækkuðu á stigum en góður andi einkenndi liðin.  Sérstaklega var ég stoltur af kvennaliðinu, en ég tók að mér liðsstjórn með aðeins dags fyrirvara, þegar Davíð forfallaðist.  Það þýddi að stelpurnar þurftu að leggja enn meira á sig varðandi stúderingar og ákvörðunartöku og stóðu þá plikt með sóma!

Félagaskipti ársins

Félagaskipti margra ungra skákmanna úr TR og Helli yfir í Skákfélag Íslands vakti athygli.    

Í fyrra sagði ég Stefán Kristjánsson eiga félagaskipti ársins en hann gekk í Taflfélag Bolungarvíkur, sagði sig úr félaginu eftir deilur við eigin liðsmenn.

Stefán tefldi samt með sveitinni í síðari hlutanum í vor.  Eiginlega samt ekki-félagaskipti ársins!

Efnilegasti skákmaður ársins

Það er alltaf erfitt að velja efnilegasta skákmann ársins.  Örn Leó Jóhannsson var hækkunarkóngur ársins með 144 stig.  Daði Ómarsson og Sverrir Þorgeirsson stóðu sig vel á Haustmóti TR og sá síðarnefndi var meðal sigurvegara þess.  Efnilegasti skákmaður ársins hlýtur hins vegar að vera Hjörvar Steinn Grétarsson sem sigraði á nánast hverju einasta móti sem hann tók þátt í á árinu og bar þar hæst sigur hans á Skákþingi Reykjavíkur.  

Skákkona ársins

Jóhanna Björg Jóhannsdóttir kom verulega á óvart á Íslandsmótinu kvenna í skák þar sem hún kom jöfn Lenku í mark.    

En skákkona ársins 2010 er auðvitað Lenka og þá sérstaklega fyrir frammistöðu á Ólympíuskákmótinu þar sem hún sló í gegn á fyrsta borði.  Hún náði alþjóðlegum áfanga sem telur 20 skákir á Ól og hefur því náð tilskyldum áföngum en þarf að hækka sig í 2400 til að verða útnefnd.  Lenka var einnig sannur leiðtogi í liðinu, hvatti liðsfélaga sína áfram.   Fyrirmyndar liðsmaður.    

Skákmaður ársins

Lenka kemur sterklega til greina sem skákmaður ársins að áðurnefndum ástæðum.  Ég ætla hins vegar að velja Hannes Hlífar sem skákmann ársins.  Fyrsta borðs maður íslenska landsliðsins sem stóð sig svo vel.  Náði góðri frammistöðu á alþjóðlegu móti í St. Pétursborg.    Sigrar hans á Íslandsmótinu og MP Reykjavíkurskákmótinu ráðu þó mestu í vali ritstjóra.    

Endurkoma ársins

Hér ætla ég að nefna Ásgeir P. Ásbjörnsson sem tefldi sínar fyrstu kappskákir í einhverja áratugi.  Hann tefldi fyrir Goðann og hlaut 3½ vinning í fjórum skákum og komst þar með inn á stigalista afreksmanna, þ.e.. þeirra skákmanna sem hafa meira en 2300 skákstig og teljast virkir samkvæmt skilgreiningu FIDE.

Viðburður ársins

Margir skemmtilegir viðburðir áttu sér stað á árinu.  Hellir stóð fyrir unglingamóti í byrjun árs í samvinnu við skákstyrktarsjóð Kópavogs.    

TR stóð fyrir afar skemmtilegu atskákmóti í samvinnu við CCP og MP banka þar sem Jón L. kom sá og sigraði.  Viðburður ársins hlýtur þó að vera MP Reykjavíkurskákmótið sem tókst eins og áður sagði glimrandi vel

Taflfélag ársins

Að velja taflfélag ársins er erfiðara nú en oft áður.  Bolvíkingar urðu jú Íslandsmeistarar en voru ekki jafn ferskir í mótahaldi eins og oft áður.

Eyjamenn halda uppi öflugu starfi og eru efstir á Íslandsmóti skákfélaga.    

TR hélt flott CCP-MP mót og mjög góð Haustmót og Skákþing Reykjavíkur.   Félagið gaf út auk þess mjög skemmtilegt afmælisblað. 

Skákfélag Íslands kom sterkt inn í ár þegar félagið sigraði á Íslandsmóti unglingasveita með sameiginlegu liði ásamt Laugdælum en að öðru leyti er starfsemin ekki komin í verulegan gang.  

Og Víkingaklúbbnum tókst að komast í Kastljósið fyrir Víkingaskákina.  

Ég ætla samt að koma á óvart í ár og velja Goðann sem félag ársins.  Goðinn hefur komið eins og ferskur andblær í íslenskt skáklíf og lífið í kringum Íslandsmót skákfélaga vakti athygli.    Að fá t.d. Einar Hjalta til að halda fyrirlestur í gegnum Skype er eftirtektarvert fyrir fjarstadda Goðamenn Og því má ekki gleyma að Goðinn var búinn til úr ekki neinu og sínum tíma og er hrein viðbót við íslenskt skáklíf.  

Félagsmálamaður ársins

Annað félag hefur vakið þjóðarathygli fyrir skemmtileg skákmót og um þau hefur verið fjallað í heimildamynd og nýlega var mikil umfjöllun um félagið í Mogganum.  Hér er verið að tala um Skákfélag Vinjar.  Starfsemi félagsins er auk þess gífurlega jákvæð og sem fyrrum starfsmaður Kleppsspítala hef ég ávallt borið gífurlega virðingu fyrir starfi félagsins og sá árangur sem það hefur náð fyrir skjólstæðinga sína er aðdáunarverður.

Kletturinn í starfi Vinjar, Arnar Valgeirsson, forseti félagsins, er félagsmálamaður ársins 2010 að mati ritstjóra.

Skáksíða ársins

Skák.is

Atvik ársins

Atvik ársins, sem ritstjóri upplifði er hins er þegar Garry Kasparov trompaðist á FIDE-þinginu samanber eftirfarandi neðangreint og þegar Larry frá Bermúda öskraði til baka á hann (sjá eftir 2 mín.)

Præssless.    

 

Mynd ársins

 

Mynd ársins er tengd atviki ársins.  Takið eftir álkulega manninum á hægri hönd Kasparov.    

 

Ummæli ársins:

Fáir skrifa á skemmtilegri hátt um skák en Helgi Ólafsson.  Í afmælisblaði TR skrifar hann mjög skemmtilega grein.  Ein setning úr þeirri grein, sem lýsir stíl Helga mjög vel, eru ummæli ársins að mati ritstjóra þar sem hann lýsir þegar hann og Jón L. tefldu í Stokkhólmi 1977: 

„Við tefldum á Rilton cup og okkur fannst mikið til þess koma þegar Jóni tókst að ná jafntefli við búlgarska stórmeistarann Spassov.  Á gamlárskvöld sáum við stórmyndin „King Kong"". 

Hornverjar ársins

Árið 2009 var Áskels Arnar á Skákhorninu sem fór á kostum.  Hornverji ársins 2010 er að mínu mati Halldór Grétar Einarsson sem gladdi skákáhugamenn með skákskýringum oft og iðulega við góðar undirtektir og má þar nefna í kringum Ólympíuskákmótið og skák ársins. 

Færsla ársins

Áramótauppgjörið í fyrra verður að teljast færsla ársins enda milljónasta færslan á Moggablogginu!

Að lokum

Skákárið 2010 var flott skákár.  Ég á von góðu skákári í ár, ekki síður.  MP Reykjavíkurmótið stendur vonandi fyrir sínu og vonandi fáum við sterkt Íslandsmót á Egilsstöðum

Gleðilegt nýtt skákár!

Gunnar Björnsson

 

KORNAX-pistlar

Þórir Benediktsson ætlar að skrifa pistla um KORNAX mótið - Skákþing Reykjavíkur á meðan því stendur.  Fyrsta pistil Þóris má sjá á heimasíðu mótsins.

Henrik og Guðmundur unnu í fjórðu umferð í Dehli

Fjórða umferð alþjóðlega mótsins í Nýju-Dehli fór fram í nótt.   Henrik Danielsen (2519) og Guðmundur Kjartansson (2379) unnu en  Hannes Hlífar Stefánsson (2580) gerði jafntefli.   Allir tefldu þeir við töluvert stigalæri andstæðinga.  Henrik hefur 3½ vinning, Hannes hefur 3 vinninga en Guðmundur hefur  2 vinninga.  16 skákmenn eru efstir og jafnir með fullt hús.  Síðari umferð dagsins hefst kl. 11.

Þá teflir Henrik við indverska alþjóðlega meistarann Nikil Shyam (2381) og gæti sú skák hugsanlega verið sýnd beint.   Hannes og Guðmundur tefla við töluvert stigalægri andstæðinga. 

Á mótinu taka þátt 407 keppendur.   Þar á meðal eru 24 stórmeistarar.   Hannes er nr. 10 í stigaröð keppenda, Henrik nr. 17 og Guðmundur nr. 42.  

• Heimasíða indverska skáksambandsins
• Heimasíða Skáksambands Nýju-Dehli
  
• Beinar útsendingar
• Chess-Results

Hraðkvöld hjá Helli í kvöld

Taflfélagið Hellir heldur hraðkvöld mánudaginn 10. janúar og hefst mótið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Einnig verður dreginn út af handahófi annar keppandi, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Páll Andra vann Guðmund Gísla

KORNAX-mótið Skákþing Reykjavíkur 2011 hófst í dag.  Eva Einarsdóttir, formaður ÍTR setti mótið og lék fyrsta leik þess fyrir Hjörvar Stein Grétarsson.  Alls taka 69 skákmenn þátt í mótinu og þar á meðal landsliðsmennirnir Hjörvar Steinn Grétarsson (2433), Björn Þorfinnsson (2404) og Lenka Ptácníková (2317).  Strax urðu í óvænt úrslit í fyrstu umferð þegar Páll Andrason (1637) gerðu sér lítið fyrir og vann Guðmund Gíslason (2324) og það í örfáum leikjum.  Önnur úrslit voru eftir bókinni, þ.e. hinir stigahærri unnu hina stigalægri.   Önnur umferð fer fram á miðvikudag.

Úrslit 1. umferðar:

 

Bo.	Name	Res.	Name
1	Hjorvar Steinn Gretarsson	1  -  0	Atli Johann Leosson
2	Agnar T Moller	0  -  1	Bjorn Thorfinnsson
3	Ingvar Thor Johannesson	1  -  0	Birgir Rafn Thrainsson
4	Pall Andrason	1  -  0	Gudmundur Gislason
5	Snorri Bergsson	1  -  0	Dagur Ragnarsson
6	Emil Sigurdarson	0  -  1	Lenka Ptacnikova
7	Sigurbjorn Bjornsson	1  -  0	Jon Trausti Hardarson
8	Hrund Hauksdottir	0  -  1	Sverrir Thorgeirsson
9	Halldor Halldorsson	1  -  0	Oliver Johannesson
10	Gudmundur Kristinn Lee	0  -  1	Hrafn Loftsson
11	Julius Fridjonsson	1  -  0	Birkir Karl Sigurdsson
12	Kristofer Joel Johannesson	0  -  1	Thorvardur Olafsson
13	Gylfi Thorhallsson	1  -  0	Veronika Steinunn Magnusdottir
14	Rafnar Fridriksson	0  -  1	Sverrir Orn Bjornsson
15	Kjartan Maack	1  -  0	Kristinn Andri Kristinsson
16	Elin Nhung	0  -  1	Saevar Bjarnason
17	Tomas Bjornsson	1  -  0	Jon Hakon Richter
18	Gauti Pall Jonsson	0  -  1	Johann Ragnarsson
19	Smari Rafn Teitsson	1  -  0	Vignir Vatnar Stefansson
20	Heimir Pall Ragnarsson	0  -  1	Eirikur K Bjornsson
21	Bjarni Jens Kristinsson	1  -  0	Soley Lind Palsdottir
22	Tara Soley Mobee	0  -  1	Thor Valtysson
23	Grimur Bjorn Kristinsson	1  -  0	Dawid Kolka
24	Robert Leo Jonsson	0  -  1	Hallgerdur Thorsteinsdottir
25	Kristjan Orn Eliasson	1  -  0	Bjorgvin Kristbergsson
26	Sonja Maria Fridriksdottir	0  -  1	Olafur Gisli Jonsson
27	Jon Ulfljotsson	1  -  0	Petur Johannesson
28	Nansy Davidsdottir	0  -  1	Orn Leo Johannsson
29	Sigurl  Regin Fridthjofsdottir	1  -  0	Csaba Daday
30	Donika Kolica	0  -  1	Johanna Bjorg Johannsdottir
31	Tinna Kristin Finnbogadottir	1  -  0	Gunnar Ingibergsson
32	Johann Arnar Finnsson	0  -  1	Adalsteinn Thorarensen
33	Sigridur Bjorg Helgadottir	1  -  0	Leifur Thorsteinsson
	Oskar Einarsson	1  -  -	Bye

Röðun 2. umferðar (miðvikudagur kl. 19:30):

Bo.	Name	Res.	Name
1	Smari Rafn Teitsson	-	Hjorvar Steinn Gretarsson
2	Bjorn Thorfinnsson	-	Bjarni Jens Kristinsson
3	Eirikur K Bjornsson	-	Ingvar Thor Johannesson
4	Thor Valtysson	-	Snorri Bergsson
5	Lenka Ptacnikova	-	Grimur Bjorn Kristinsson
6	Hallgerdur Thorsteinsdottir	-	Sigurbjorn Bjornsson
7	Sverrir Thorgeirsson	-	Kristjan Orn Eliasson
8	Olafur Gisli Jonsson	-	Halldor Halldorsson
9	Hrafn Loftsson	-	Jon Ulfljotsson
10	Orn Leo Johannsson	-	Julius Fridjonsson
11	Thorvardur Olafsson	-	Sigurl  Regin Fridthjofsdottir
12	Johanna Bjorg Johannsdottir	-	Gylfi Thorhallsson
13	Sverrir Orn Bjornsson	-	Tinna Kristin Finnbogadottir
14	Adalsteinn Thorarensen	-	Kjartan Maack
15	Saevar Bjarnason	-	Sigridur Bjorg Helgadottir
16	Oskar Einarsson	-	Tomas Bjornsson
17	Johann Ragnarsson	-	Pall Andrason
18	Gudmundur Gislason	-	Gauti Pall Jonsson
19	Atli Johann Leosson	-	Heimir Pall Ragnarsson
20	Jon Hakon Richter	-	Agnar T Moller
21	Birgir Rafn Thrainsson	-	Tara Soley Mobee
22	Dagur Ragnarsson	-	Robert Leo Jonsson
23	Vignir Vatnar Stefansson	-	Emil Sigurdarson
24	Jon Trausti Hardarson	-	Sonja Maria Fridriksdottir
25	Soley Lind Palsdottir	-	Hrund Hauksdottir
26	Oliver Johannesson	-	Nansy Davidsdottir
27	Dawid Kolka	-	Gudmundur Kristinn Lee
28	Bjorgvin Kristbergsson	-	Dagur Kjartansson
29	Birkir Karl Sigurdsson	-	Donika Kolica
30	Petur Johannesson	-	Kristofer Joel Johannesson
31	Veronika Steinunn Magnusdottir	-	Erik Daniel Johannesson
32	Csaba Daday	-	Rafnar Fridriksson
33	Kristinn Andri Kristinsson	-	Johann Arnar Finnsson
34	Gunnar Ingibergsson	-	Elin Nhung
	Leifur Thorsteinsson	1  -  -	Bye

• KORNAX-mótið
• Chess-Results
• Skákir í beinni
• Myndaalbúm mótsins

 

Kennsla Skákskóla Íslands og Skákakademíu Kópavogs hefst að nýju í Stúkunni

Föstudaginn 14. janúar hefst að nýju starfssemi Skákskóla Íslands og Skákakademíu Kópavogs í stúkunni á Kópavogsvelli þar sem er bæði hátt til lofts  og vítt til veggja og frábært útsýni. Markviss þjálfun sterkustu og efnilegustu skákmanna Kópavogs hófst þar sl. haust. Kennari er Helgi Ólafsson stórmeistari og skólastjóri Skákskóla íslands en aðrir sem hafa stutt við starfssemina í hinum glæsilegu salarkynnum eru Haraldur Baldursson, Smári Rafn Teitsson, Tómas Rasmus og Hlíðar Þór Hreinsson f/h Skákakademíunnar. 

Þeir Smári og Tómas eru skákkennarar í Hjallaskóla og Salaskóla lands. Meðal þeirra sem sótt hafa æfingar og kennslu í stúkunni á Kópavogsvellinum eru meðlimir í hinni kunnu skáksveit Salaskóla, Páll Andrason, Guðmundur Kristinn Lee, Birkir Karl Sigurðsson og Eiríkur Örn Brynjarsson. Einnig nýbakaður Íslandsmeistari barna 10 ára og yngri, Dawid Kolka og nokkrar af efnilegustu ungu stúlkum í skákinni dag.

Auk þjálfunar og taflmennsku hafa  krakkarnir fengið heimsókn Hallgerðar Helgu Þorsteinsdóttir sem tefldi fjöltefli í nóvember sl. og jólamót fór fram þann 17. desember sl. en þar sigraði Páll Andrason eftir harða keppni við félaga sína Birki Karl og Eirík Örn.

Myndaalbúm Skákakademíu Kópavogs

Guðmundur G. kemur sterkur til leiks

Á Þrettándamóti Gallerý Skákar í síðustu viku bar Guðmundur G. Þórarinsson sigur úr bítum í jafnri og harðri keppni við snúa og eitilharða andstæðinga sína af eldri kynslóðinni með 7.5 vinning af 11. Jafnir í 2-4 sætu urðu þeir hinir valinkunnu skákmenn Guðfinnur R. Kjartansson, Stefán Þormar Guðmundsson og Össur Kristinsson með 7 vinninga. Daði Guðmundsson varð fimmti með 6.5 v. 

Athygli vakti að Kristján Stefánsson, sem vann síðustu Mánudagsmenntu KR glæsilega með 10.5 v. af 13 varð einungis í 6.-8. sæti af 14. Keppendum, ásamt Kristni Johnsen og Þorsteini Þorsteinssyni, skólameistara, með aðeins 6 vinninga, sem sýnir hvað dagsformið hefur mikið að segja.  Ennfremur að Sæbjörn Larsen Guðfinnsson,  Bolvíkingurinn frækni, sem vann Þriðjudagsmót Ása tveim dögum fyrr með fullu húsi, hafnaði í 10. á eftir Andra V. Hrólfssyni, með 5 1/2 vinning,  Restina ráku svo þeir: Þórarinn Sigþórsson, (Tóti Tönn), gamall reynslubolti, sem ekki hefur teflt lengi og Páll G. Jónsson, Árni Þ. Árnason og Einar S. Einarsson, með ögn færri vinninga en með feita sigra gegn efstu mönnum. Keppt var um myndarlegt súkkulaði Kærleikstré frá Sælgætisgerðinni Sambó fullu af nammi handa barnabörnum.

Kappteflið um Patagónínusteininn, 6 kvölda mótaröð með GrandPrix sniði, hefst í Gallerý Skák fimmtudaginn kemur, þann 13. janúar, þar sem 4 bestu mót hvers keppenda telja til stiga, 10-8-6-5-4-3-2-1 líkt og í Formúlu 1.

Síðan verður teflt hálfsmánaðarlega. Fléttumeistarinn Gunnar Kr. Gunnarsson sigraði í fyrsta sinn sem keppt var um þennan merkilega stein úr iðrum jarðar hinumegin af hnettinum.  Mótin hefjast kl. 18 og lagt í púkk fyrir kaffi og kruðeríi/matföngum. Mótin eru opin öllum hvort heldur menn hyggjast taka þátt í þeim öllum eða detta inn til að tefla í einu og einu móti til að spreyta sig og/eða sýna snilli sína.

Sjá nánar á www.galleryskak.net