Dagur skákmeistari Rimaskóla

Á fjölmennu og sterku skákmóti Rimaskóla 2010 varð Dagur Ragnarsson 7-A skólameistari. Dagur tók við verðlaunum úr hendi Hjörvars Steins Grétarssonar sem hafði unnið mótið í sjö ár á undan nánast samfellt.  Dagur stóð einn uppi sem sigurvegar á mótinu. Hann fékk 5,5 vinninga af 6 mögulegum.
 
Í næstu sætum komu félagar hans í Íslandsmeistarasveitum skólans 2009 og 2010. Jón Trausti Harðarson 7-A varð annar á mótinu með  5 vinninga. Hrund Harðardóttir 8-T, Oliver Aron Jóhannesson 6-C og Kristófer Jóel Jóhannesson 5-C fengu 4,5 vinninga. H
 
Hrund vann stúlknaflokkinn örugglega en í næstu sætum urðu bráðefnilegar skákkonur með 3 vinninga, þær Tinna Sif Aðalsteinsdóttir 2-B , Nansý Davíðsdóttir 2-B, Ásdís Birna Þórarinsdóttir 2-B, Heiðrún Anna Hauksdóttir 3-D og Svandís Rós Ríkharðsdóttir 4-C. Tefldar voru sex umferðir.T T
 
Tuttugu verðlaun voru veitt fyrir glæsilegan árangur; nýir CD diskar og pítsur frá Hróa hetti. Skákstjórn var í öruggum höndum þeirra Hjörvars Steins Grétarssonar og Sigríðar Bjargar Helgadóttur.

Giri efstur á Sigeman-mótinu

Hollenski undradrengurinn Anish Giri (2642), sem er aðeins 15 ára, er efstur með fullt hús á Sigeman & Co - mótinu sem fram fer í Malmö í Svíþjóð þessa dagana.   Giri er ættaður frá Rússlandi og Nepal og ólst upp m.a. upp í Japan svo drengurinn hefur mikla alþjóðlega tengingu!  Í dag sigraði hann Tiger Hillarp Persson (2542) í skemmtlegri fórnarskák sem fylgir með þessari frétt.   Sex skákmenn taka þátt og er tefld einföld umferð.  Mótinu lýkur á sunnudag.

Staðan:

1. GM Anish Giri (2642) 3
2. GM Jon Ludvig Hammer (2610) 2½
3. GM Jonny Hector (2609) 2
4. IM Nils Grandelius (2476) 1
5. GM Tiger Hillarp Persson (2542) ½
6. GM Pia Cramling (2536) 0 

Heimasíða mótsins

[Event "Sigeman & Co"] [Site "Malmo"] [Date "2010.05.28"] [Round "3"] [White "Persson, Tiger Hillarp"] [Black "Giri, Anish"] [Result "0-1"] [ECO "A12"] [WhiteElo "2542"] [BlackElo "2642"] [PlyCount "58"] [EventDate "2010.??.??"] [EventType "tourn"] [EventRounds "1"] [SourceDate "2010.05.26"] 1. c4 c6 2. Nf3 d5 3. b3 Bg4 4. e3 e6 5. Bb2 Nd7 6. h3 Bh5 7. Nc3 Ngf6 8. g4 Bg6 9. Nh4 Nc5 10. Nxg6 hxg6 11. Qe2 a5 12. f3 e5 13. g5 Nh5 14. Rg1 d4 15. Nd1 Be7 16. h4 Ne6 17. Bh3 Nhf4 18. exf4 Nxf4 19. Qf1 Rxh4 20. Nf2 a4 21. b4 a3 22. Bc1 d3 23. Rb1 Qd4 24. Rh1 Qxc4 25. Bd7+ Kxd7 26. Rxh4 Qxa2 27. Rxf4 Qxb1 28. Rxf7 Qxc1+ 29. Nd1 Qc4 0-1

Ársreikningar SÍ fyrir árið 2009

Ársreikninga Skáksambands Íslands fyrir árið 2009 má finna á heimasíðu sambandsins.  Einnig fylgir samantekt með sem viðhengi.

Skrár tengdar þessari bloggfærslu:

• Ársreikningar SÍ 2009

Stefán Bergsson sigraði á fimmtudagsmóti

Það mættu 18 manns á síðasta fimmtudagsmót Taflfélags Reykjavíkur fyrir sumarfrí sem verður að teljast góð í jafngóðu verði.   Tefldar voru 7 umferðir eftir Monrad kerfi.

 

 

 

 

Lokstaðan: 

1. Stefán Bergsson 6,5v. og hlaut verðlaunapening að launum

2. - 6. með 4,5 vinninga:

Stefán Már Pétursson

Oliver Aron Jóhannesson

Jón Olav Fivlestadt

Jón Úlfljótsson

Birkir Karl

7. - 9. með 4v.

Dagur Ragnarsson

Elsa María Kristínardóttir

Kristinn Andri Kristinsson

10. - 13.

Björgvin Kristbergsson

Finnur Kr. Finnsson

Guðmundur Lee

Óskar Long Einarsson

14. - 15.

Gauti Páll Jónsson

Vignir Vatnar Stefánsson

16. - 17.

Kristófer Jóel Jóhannesson

Kristján Sigurleifsson

18. Ingvar Egill Vignisson

Meistaramót Skákskólans hefst í kvöld

Meistaramót Skákskóla Íslands fyrir starfsárið 2009/2010 hefst föstudaginn 28. maí. Tefldar verða sjö umferðir eftir svissneska kerfinu. Þátttökurétt hafa allir nemendur skólans og allir þeir sem tekið hafa þátt í námskeiðum á vegum  skólans eða hlotið þjálfun á vegum skólans.  

Núverandi meistari Skákskólans er Sverrir Þorgeirsson. 

Þátttökuréttur:

• Allir nemendur skólans og þeir sem tekið hafa þátt í námskeiðum á vegum skólans.
• Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

 

Tímamörk: Atskákir 25 10  þ.e 25 mínútur að viðættum 10 sekúndum fyrir hvern leik. 

Kappskákir: 1 ½ klst. á 30 leiki fyrir hvorn keppenda og síðan 15 10 til að ljúka skákinni þ.e. 15 mínútur og 10 sekúndur í viðbót á hvorn leik

Fyrirkomulag: Svissneska kerfið.

Skákstig: Mótið verður reiknað til skákstiga, en þrjár fyrstu umferðirnar til At-skákstiga.

Verðlaun:

A:

1. verðlaun:

Meistaratitill Skákskóla Íslands 2009/2010 og farandbikar. Einnig  flugfar m/Flugleiðum á Evrópuleið* og uppihalds kostnaði kr. 30 þús.

2. verðlaun: Flugfarmiði á leiðum Flugfélags Íslands innanlands.  

3. - 5. verðlaun: Vandaðar skákbækur.

Sérstök stúlknaverðlaun:

Farmiði á leiðum Flugfélags Íslands innanlands.

 

Aldursflokkaverðlaun. 

1. Tvenn verðlaun fyrir þá keppendur sem ná

bestum árangri í hópi 14 ára og yngri

2. Tvenn verðlaun fyrir þær

stúlkur sem bestum árangri ná í mótinu.

Verðlaun fyrir keppendur 12 ára og yngri.

1. - 3. verðlaun: Vandaðar skákbækur.

 

* ^{Mótshaldarinn áskilur sér rétt til að finna hagstæðasta fargjald sem hægt er að fá enda verði tilkynnt um ferðir með góðum fyrirvara.} 

 

B:

 

Dagskrá:

• 1. umferð: Föstudagurinn 28.maí kl. 18  
• 2. umferð: Föstudagurinn 28.maí kl. 19
• 3. umferð. Föstudagurinn 28.maí kl. 20.
•  
• 4. umferð: Laugardagurinn 29. maí kl. 10-14  
• 5. umferð: Laugardagurinn 29. maí 15 - 19
•  
• 6. umferð: Sunnudagurinn 30. maí kl. 10.-14.
• 7. umferð: Sunnudagurinn 30. maí kl. 15-19.

 

^{* Hljóti einhver stúlka 1. eða 2. verðlaun mun 2. sæti meðal stúlkna gilda til sérstakra stúlknaverðlauna.}

 

Verðlaunaafhending fer fram strax að móti loknu.

Þátttöku skal tilkynna í síma SÍ 5689141 eða á netfangið [e-mail] eða [e-mail]

Mótsnefnd áskilur rétt til að gera breytingar á fyrirfram boðaðri dagskrá.

Aðalfundur SÍ fer fram á laugardag

Aðalfundur Skáksambands Íslands 2010 fer fram 29. maí nk. í Faxafeni 12.  Fundurinn hefst kl. 10.    Forseti SÍ, Gunnar Björnsson, gefur kost á sér til endurkjörs.  Tveir stjórnarmenn, Magnús Matthíasson, núverandi varaforseti, og Stefán Freyr Guðmundsson, varastjórnarmaður, gefa ekki kost á sér til áframhaldandi stjórnarmennsku.

Fjölda lagabreytingatillaga liggur fyrir og má fá kynningu á þeim á Skákhorninu.  Þar má einnig finna umræður um tillögurnar.

Fimmtudagsmót í kvöld - það síðasta fyrir sumarfrí

Síðasta fimmtudagsmótið fyrir sumarfrí fer fram fimmtudagsmót T.R. í kvöld kl. 19.30.  Tefldar verða 7 umferðir með 7 mínútna umhugsunartíma.  Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

Minningarmót um Margeir Steingrímsson

Skákfélag Akureyrar heldur minningarmót um Margeir Steingrímsson sem lést á sl. ári. Mótið fer fram dagana 4. - 6. júní í Íþróttahöllinni.

Margeir Steingrímsson var fæddur 4. október 1921, d. 9. maí 2009.   Margeir var skákmeistari Akureyrar 1952, skákmeist Akureyrar 1949, 1953 og 1959.

Margeir var fyrst kosinn í stjórn Skákfélags Akureyrar 1952 og hefur unnið mikið starf fyrir félagið m.a. við Skákfélagsblaðið í rúm fjörutíu ár.   Margeir var gerður að heiðursfélaga Skákfélags Akureyrar árið 1989.

Á mótinu verða tefldar sjö umferðir eftir monrad kerfi. Fyrstu fjórar umferðirnar  eru tefldar föstudagskvöldið 4. júní og hefst taflið kl. 20.00 og verða tefldar atskákir, 25 mínútur á keppenda.

Tímamörkin í síðustu þrem umferðunum verða 90 mínútur + 30 sekúndur við hvern leik.

Dagskrá:

• 1.- 4. umferð  föstudagur     4. júní kl. 20.00
•      5. umferð  laugardagur   5. júní kl. 13.00
•      6. umferð  laugardagur   5. júní kl. 19.30
•      7. umferð   sunnudagur   6. júní kl. 13.00

              

Verðlaun:

Vegleg verðlaun verða veitt á mótinu og verða peningaverðlaun eigi minna en kr. 50.000

Veitt verða verðlaun fyrir þrjú efstu sætin, 1 verðlaun kr. 25.000

Auk þess verða veitt aukaverðlaun  í:

•  Öldungaflokki 60 ára og eldri.
•  Í stigaflokki 1701 til  2000      og  í 1700 stig og minna
•  Í unglingaflokki 15 ára og yngri verða veitt þrenn verðlaun.

Keppnisgjald kr. 2500 og fyrir 15 ára og yngri kr. 1500.

Skráning send í netfangið [e-mail]   og í síma 862 3820 (Gylfi).

Framboðssíða Kirsan Ilyumzhinov

Kirsan Ilyumzhinov, forseti FIDE, hefur sett upp vefsíðu tileinkaða forsetaframboði sínu.  Þar kemur m.a. fram að allir svæðisforsetar FIDE (Asíu, Ameríku, Evrópu og Afríku) styðja framboð Kirsan en lítið þar um beinan stuðning aðildarlanda nema þá Tyrklands.

Vefsíða Ilyumzhinov

Aðalsteinn og Steingrímur skipta um félög

Aðalsteinn Thorarensen (1751) er genginn til liðs við Skákfélag Vinjar en Aðalsteinn hefur lengi verið í Skákdeild Hauka.  Steingrímur Steinþórsson (1730) er genginn til liðs við Skákfélag Siglufjarðar en Steingrímur hefur verið óvirkur um nokkuð árabil en tefldi síðast með Hróknum á Íslandsmóti skákfélaga.