Skák.is

Færsluflokkur: Pistlar

4.9.2010 | 13:50

NM barnaskólasveita: Sigur gegn Dönum

Það byrjar vel hjá liði Rimaskóla í NM barnaskólasveita sem fram fer um helgina í Osló. Í 2. umferð vann sveitin sterka danska sveit 3-1 og er efst með 6 vinninga, vinningi á undan dönsku sveitinni. Norsku sveitirnar eru í 3.-4. sæti með 4½ vinning. Oliver Aron Jóhannesson, Jón Trausti Harðarson og Kristinn Andri Kristinsson unnu en Dagur Ragnarsson tapaði á fyrsta borði. Í þriðju umferð, sem fram fer í síðar í dag teflir sveitin við Noreg II.

Staðan:

1. Rimaskóli 6 v.
2. Danmörk 5 v.
3.-4. Noregur II og Noregur I 4½ v.
5. Svíþjóð 2½ v.
6. Finnland 1½ v.

Sveit Rimaskóla skipa:

1. Dagur Ragnarsson 0 v. af 2
2. Oliver Aron Jóhannesson 2 v. af 2
3. Jón Trausti Harðarson 2 v. af 2
4. Kristófer Jóel Jóhannesson 1 v. af 1
5. Kristinn Andri Kristinsson 1 v. af 1

Liðsstjóri er Hjörvar Steinn Grétarsson en fararstjóri er Helgi Árnason, skólastjóri.

Heimasíða mótsins
Myndaalbúm mótsins (myndir fengnar af heimasíðu mótsins)
Tournament Services

Pistlar | Breytt s.d. kl. 13:58 | Slóð | Facebook | Athugasemdir (0)

4.9.2010 | 11:04

Ól í skák: Liðsuppstillingar liggja fyrir

Liðsuppstillingar allra ólympíuliðina liggur nú fyrr. Í opnum flokki taka 159 lið þátt og er íslenska liðinu raðað nr. 53 með 2489 meðalskákstig. Rússneska liðið er stigahæst með 2749 meðalstig, Úkraína (2737) kemur næst, Aserar (2721) og b-lið Rússa (2704) fjórða. Ólympíumeistarar Armenar (2698) er með sjöunda stigahæsta liðið.

Stofnaður hefur verið færsluflokkur um Ólympíuskákmótið þar sem öllum fréttum um mótið verður safnað saman á einn stað.

Norðurlöndin:

26. Noregur (2594)
35. Svíþjóð (2572)
44. Danmörk (2519)
53. Ísland (2489)
59. Finnland (2456)
79. Færeyjar (2332)

Í kvennaflokki er íslenska liði nr. 69 af 119. Rússar er stigahæstir með 2538 meðalstig og í næstu sætum eru Búlgarar (2516) og Kínverjar (2500).

Norðurlöndin:

42. Noregur (2166)
48. Svíþjóð (2141)
55. Danmörk (2057)
69. Ísland (1968)

Hvorki Finnar né Færeyingar taka þátt.

Íslensku liðin skipa:

Opin flokkur:

SM Hannes Hlífar Stefánsson (2585)
SM Héðinn Steingrímsson (2550)
AM Bragi Þorfinnsson (2415)
AM Björn Þorfinnsson (2404)
Hjörvar Steinn Grétarsson (2398)

Liðsstjóri: Helgi Ólafsson stórmeistari og skólastjóri Skákskóla Íslands

Kvennaflokkur:

KSM Lenka Ptácníková (2282)
Hallgerður Helga Þorsteinsdóttir (1995)
Sigurlaug R. Friðþjófsdóttir (1812)
Tinna Kristín Finnbogadóttir (1781)
Jóhanna Björg Jóhannsdóttr (1781)

Liðsstjóri er Davíð Ólafsson.

Fararstjóri og FIDE-fulltrúi er Gunnar Björnsson.

Pistlar | Breytt s.d. kl. 13:38 | Slóð | Facebook | Athugasemdir (2)

22.8.2010 | 23:38

Skákþáttur Morgunblaðsins: Kínverjar að mala Rússana

Þegar næsta Ólympíumót verður komið á góðan rekspöl í Khanty Manyisk í Síberíu í september/október og augu skákunnenda um heim allan munu beinast að efstu borðum er ekki ósennilegt að þar sitji sveit frá Kína sem er hið nýja stórveldi skákarinnar. Ekki eru það alveg ný tíðindi í kvennaflokki þar sem Kína hefur margsinnis unnið gullverðlaun en í karlaflokki, sem nefndur er opni flokkurinn, hefur Kína aldrei borið sigur úr býtum. Nú kann að verða breyting á, Armenar sem sigruðu 2006 og 2008 hljóta að telja Kínverja sína helstu andstæðinga.

Hverju veldur þessi mikli uppgangur? Þegar sá sem þetta ritar tók þátt í hraðskákmóti á Grand Rokk, 40 ára afmælismóti Illuga Jökulssonar árið 2000 og langt var liðið á viðureign mína í 8. umferð við 14 ára kínverskan pilt, Bu Xiangzhi, varð mér litið á klukkuna og sá að Bu átti tæpar 4 mínútur eftir gegn u.þ.b. 1½ mínútu. Ég velti því fyrir mér hver hefði hleypt piltinum inn á þessa hrikalegu knæpu en kom þá auga á fulltrúa frá kínverska sendiráðinu. Og hvernig var þjálfun hans háttað? Mér fannst Bu þeyta taflmönnunum út um allt borð eins og hann væri að leika borðtennis. Nú þurfti að hafa hraðar hendur á og rétt að halda því til haga að á síðustu sekúndunum tókst mér að vinna taflið af hinum unga Bu sem þessa dagana fer fremstur í flokki kínverskra skákmanna sem eru nánast að niðurlægja Rússa í landskeppni þjóðanna sem stendur yfir í borginni Ningbo í Kína. Eftir fyrri hluta keppninnar þar sem tefldar voru kappskákir var staðan þessi:

Kína 27 (karlar 15½, konur 11½) - Rússland 23 (karlar 9½, konur 13½). Eftir fyrsta keppnisdag at-skáka höfðu Kínverja aukið forskotið um þrjá vinninga.

Stílbrögðin Kínverjanna hafa vitanlega tekið miklum breytingum frá því er þeir tefldu á sínu Ólympíumóti árið 1978 og þjálfun mun markvissari; Nigel Short sagði mér að þegar hann hélt fyrirlestur í smábæ einum í Kína hefðu mætt þúsund börn til að hlýða á sig. Þeir hafa bætt sig gríðarlega á öllum sviðum skákarinnar, ekki síst í byrjunum og í endatöflum hafa margir þeirra tileinkað sér afburða tækni. Það sem hinsvegar jók mjög á vinsældir þeirra er þeir tóku að hasla sér völl á alþjóðavettvangi var mögnuð nálgun í taktískum stöðum: enn má heyra skæran bjölluhljóm þegar yfir menn dembast kínverskar drottningarfórnir eða aðrar leikbrellur.

Í eftirfarandi skák úr landskeppni þjóðanna hikar svartur ekki við að láta skiptamun af hendi og knýr fram sigur með þróttmikilli taflmennsku:

Vladimir Potkin - Hao Wang

Nimzoindversk vörn

1. d4 Rf6 2. c4 e6 3. Rc3 Bb4 4. e3 0-0 5. Bd3 d5 6. Rf3 c5 7. 0-0 Rc6. 8. a3 bxc3 9. bxc3 Dc7 10. Bb2 Ra5 11. cxd5 exd5 12. Re5 He8 13. a4

( Sjá stöðumynd )

13....Hxe5! 14. dxe5 Dxe5 15. h3 c4 16. Bc2 Bf5!

Skiptamunsfórnin var ekki síst stöðulegs eðlis. Biskupinn á b2 er grafinn bak við c3-peðið.

17. He1 Bxc2 18. Dxc2 Rb3 19. Had1 He8 20. f3 Rc5 21. Hd4 Rd3 22. He2

Hér varð hvítur að reyna 22. Hxd3 þó svarta staðan sé betri efir 22.... cxd3 23. Dxd3 .

22.... Rh5 23. e4 Rhf4 24. Hd2 f5 25. Ba3 fxe4 26. fxe4 Dg5 27. Kh2 Hxe4 28. Dd1 De5 29. Hxe4 dxe4 30. Dg4 h5

- og hvítur gafst upp. Framhaldið gæti orðið 31. Dc8+ Kh7 32. g3 e3! og vinnur.

Helgi Ólafsson | helol@simnet.is

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.

Grein þessi birtist í sunnudagsmogganum, 15. ágúst 2010.

Skákþættir Morgunblaðsins

Veljið skák (25 alls):

Pistlar | Breytt s.d. kl. 23:41 | Slóð | Facebook | Athugasemdir (0)

13.8.2010 | 02:12

Garðbæingar mörðu Reyknesinga í Hraðskákkeppni taflfélaga

Undirskrift

Taflfélag Garðabæjar sigraði Skákfélag Reyknesinga í æsispennandi viðureign gegn nú fyrr í kvöld, 36,5-35,5. TG komst yfir í byrjun en Suðurnesjamenn snéru taflinu sér í vil þegar nálgast fór hálfleik og voru yfir í hálfleik 19-17. Einar Hjalti Jensson var bestur Garðbæinga en Jóhann Ingvason var bestur Reyknesinga.

TG-ingar náðu forustunni til baka strax í áttundu umferð og bættu aðeins í þeirri níundu Reyknesingar svöruðu hins vegar til baka í bæði tíundu og tólftu umferð en niðurstaðan minnsti mögulegi sigur fyrir Garðbæinga eða 36,5 vinningur gegn 35,5.

Árangur einstakra liðsmanna.

TG
Einar Hjalti Jensson 9 v.
Jóhann H Ragnarsson 6 af 10.
Björn Jónsson 6 af 11.
Jóhann Helgi Sigurðsson 5,5 v
Leifur I Vilmundarson 5,5 v.
Jón Þór Bergþórsson 3 af 6.
Páll Sigurðsson 1,5 af 5.
Svanberg Már Pálsson 0 af 4.

SR.
Jóhann Ingvason 9,5 v.
Siguringi Sigurjónsson 7,5 v.
Haukur Bergmann 7 v.
Helgi E Jónatansson 5 v.
Ólafur Ísberg Hannesson 4 v. af 11.
Patrick Svansson 1,5 v. af 7.
Arnbjörn Barbato 1 v. af 6.

Pistlar | Slóð | Facebook | Athugasemdir (0)

1.8.2010 | 20:06

Henrik, Guðmundur og Bjarni Jens unnu í þriðju umferð - Henrik mætir Eljanov

Stórmeistarinn Henrik Danielsen (2512), Guðmundur Gíslason (2351) og Bjarni Jens Kristinsson (2044) unnu allir í þriðju umferð Politiken Cup sem fram fór í dag. Bragi Halldórsson (2253) tapaði hins vegar. Henrik hefur fullt hús, Guðmundur 2½ vinning, Bjarni Jens 2 vinninga og Bragi 1½ vinning.

Fjórða umferð fer fram á morgun og hefst kl. 12. Henrik mætir þá langstigahæsta keppenda mótsins, úkraínska stórmeistaranum Pavel Eljanov (2755) sem jafnframt er áttundi stigahæsti skákmaður heims. Skákin verður sýnd beint á vefsíðu mótsins.

Skákir íslensku skákmannanna úr 1.-2. umferð fylgja með.

Alls taka 292 skákmenn þátt í Politiken Cup. sem fram fer í Helsingör nærri Kaupmannahöfn. Þar af er 21 stórmeistari og 4 alþjóðlegir meistarar. Henrik er nr. 18 í stigaröð keppenda, Guðmundur nr. 29, Bragi nr. 45 og Bjarni Jens nr. 113. Stigahæstur keppenda er úkraínski stórmeistarinn Pavel Eljanov (2755).

Heimasíða mótsins
Beinar útsendingar (4.-9. umf. kl. 12 og 10. umf. kl. 8)

Pistlar | Breytt s.d. kl. 21:16 | Slóð | Facebook | Athugasemdir (0)

27.7.2010 | 20:36

Guðmundur tapaði í fimmtu umferð í Pardubice

Alþjóðlegi meistarinn, Guðmundur Kjartansson (2384), tapaði fyrir indverska alþjóðlega meistarann Santosh Gujrathi Vidit (2492) í fimmtu umferð Czech Open sem fram fór í Pardubice í Tékklandi í dag. Guðmundur hefur 3 vinninga og er í 67.-124. sæti.

Í 6. umferð, sem fram fer á morgun, teflir Guðmundur við króatísku skákkonuna Borka Franciskovic (2253).

Efstir með 4,5 vinning eru stórmeistararnir Anton Korobov (2657), Úkraínu, og Alexandr Rakhmanov (2590) og Artur Gabrielian (2559), Rússlandi, og alþjóðlegu meistararnir Hans Tikkanen (2469) og Axel Smith (2416), Svíþjóð, og Mikhail Zaslavsky (2413), Ísrael.

Tvær skákir Guðmundar eru aðgengilegar á vef mótsins og fylgja hér með.

Alls taka 308 skákmenn þátt í efsta flokki Czech Open sem fram fer 23.-31. júlí í Pardubice í Tékklandi, þar á meðal 42 stórmeistarar, 10 stórmeistarar kvenna og 65 alþjóðlegir meistarar. Guðmundur er númer 100 í stigaröð keppenda.

Pistlar | Breytt s.d. kl. 20:38 | Slóð | Facebook | Athugasemdir (0)

11.7.2010 | 20:29

Skákþáttur Morgunblaðsins: Magnús Carlsen nálgast stigamet Kasparovs

Skákáhugamönnum víða um heim kom ekki á óvart að „norska undrið" Magnús Carlsen skyldi bera sigur úr býtum á því sem kallað var „Mót kónganna" sem fram fór í smábænum Medias og heilsulindinni Bazna í Rúmeníu á dögunum.Yfirburðir hans voru með ólíkindum eins og lokaniðurstaðan gefur til kynna:

1. Magnús Carlsen 7 ½ v. af 10. 2. - 3. Teimour Radjabov og Boris Gelfand 5 ½ v. 4. Ruslan Ponomariov 4 ½ v. 5. Liviu Nisipeanu 4 v. 6. Yue Wang 3 v.

Samanburður við Fischer og Kasparov kemur strax upp í hugann og ekki skrýtið því enn er Magnús að bæta sig og ógnar jafnvel stigameti Kasparovs sem stóð í 2851 elo-stigi á júlí-lista FIDE árið 1999. Eftir mótið í Rúmeníu er Magnús með 2826 elo-stig, næstur er Venselin Topalov með 2803 stig. Heimsmeistarinn Anand kemur svo í 3. sæti með 2800 stig. Skylt er þó að benda á mikla verðbólgu í stigunum, 2700 er nú það sem 2600 stigin voru fyrir 20-25 árum, hvorki fleiri né færri en 37 skákmenn eru í dag komnir yfir 2700 stiga markið þ.á m. danski stórmeistari Peter Heine Nielsen. Í gamla daga sat aðeins einn fugl á þessari grein, Bobby Fischer og kannski 100 stig í næsta mann.

Menn bíða með óþreyju eftir áskorendakeppninni sem leiðir til heimsmeistaraeinvígis sem er á dagskrá FIDE árið 2012. Þegar hafa sjö skákmenn unnið sér rétt til þessarar keppni sem verður með einvígisfyrirkomulagi en þeir eru auk Magnúsar: Kramnik, Aronjan, Gelfand, Topalov, Kamsky og Radjabov.

Um Kasparov var sagt þegar hann kom fram að hann væri hvassari en Fischer - öruggari en Tal. Magnús Carlsen er ítrekað borinn saman við Fischer, stíllinn virðist áreynslulaus og hann hefur mikið baráttuþrek. Í Rúmeníu byrjaði hann með þrem jafnteflum, leiddist þófið og leitaði þá til 19. aldar meistaranna; í fyrsta sinn á ferlinum beitti hann kóngsbragði og það gegn Kínverjanum Yue Wang, vann þá skák og síðan næstu þrjár. Þá var sýnt að enginn myndi ógna honum í fyrsta sæti:

Medias 2010; 4. umferð:

Magnús Carlsen - Yue Wang

Kóngsbragð

1. e4 e5 2. f4 d5

Falkbeer-afbrigðið, krítíska leiðin hefur alltaf verið 2. ... exf4 3. Rf3 d6 eða 3. ... g5.

3. exd5 exf4 4. Rf3 Rf6 5. Bc4 Rxd5 6. 0-0 Be7 7. Bxd5!?

Merkileg ákvörðun sem gerir hvíti kleift að hraða liðsskipan sinni.

7. ... Dxd5 8. Rc3 Dd8 9. d4 0-0 10. Bxf4 Bf5 11. De2 Bd6. 12. Bxd6 Dxd6 13. Rb5 Dd8 14. c4 a6 15. Rc3 Rd7 16. Had1 Bg6 17. Df2 He8 18. h3 Hc8 19. Hfe1 Hxe1+ 20. Hxe1 c6 21. d5!

Þetta peð á eftir reynast Wang þungt í skauti.

21. ... Rf6 22. Dd4 cxd5 23. Rxd5 Rxd5 24. cxd5 Dd6 25. Re5 He8 26. He3 Hd8 27. Rc4 Df6 28. He5 h6 29. d6 Bf5 30. Rb6 Be6

Ekki 30. ... Dxd6 vegna 31. He8+! og vinnur, eða 30. ... Hxd6 31. Rd5! o.s.frv. 31. d7 Kh8 32. a4 g6 33. Dc3 Kg7 34. a5!

Bætir stöðu sína hægt og bítandi, 34. ... Bxd7 er alltaf svarað með 35. Hd5! sem vinnur mann.

34. ... h5 35. h4 Hxd7 36. Rxd7 Bxd7 37. Dd4 Bc6 38. b4 Bb5 39. Kh2 Ba4 40. Hd5 Bc6 41. Dxf6+ Kxf6 42. Hc5 Ke6 43. Kg3 f6 44. Kf2 Bd5 45. g3 g5

Að öðrum kosti ryðst kóngurinn til b6. En Magnús var með svar á reiðum höndum.

( STÖÐUMYND )

46. g4! hxg4 47. h5 Be4 48. Hc7 f5 49. h6 f4 50. h7 g3+ 51. Ke1 f3 52. h8D f2+ 53. Ke2 Bd3+ 54. Ke3

- og svartur gafst upp.

Helgi Ólafsson | helol@simnet.is

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.

Grein þessi birtist í sunnudagsmogganum, 4. júlí 2010.

Skákþættir Morgunblaðsins

Pistlar | Slóð | Facebook | Athugasemdir (0)

4.5.2010 | 16:21

Ólympíulið karla valið í byrjun júlí

Ólympíulið Íslands í opnum flokki verður valið endanlega í byrjun júlí nk. Liðskipan kvennalandsliðsins verður hins vegar tilkynnt á næstu dögum. Eftirfarandi bókun var samþykkt á stjórnarfundi SÍ þann 26. apríl sl.:

Stjórn SÍ, að höfðu samráði við Helga Ólafsson landsliðsþjálfara og liðsstjóra karlaliðs Íslands á næsta Ólympíumóti, frestar vali á ÓL-landsliðinu frá byrjun maí til byrjun júlí.

Frestur til að tilkynna ÓL-liðið til FIDE rennur út þann 20. júlí nk. og verður lið Íslands kynnt nokkrum dögum fyrr. Þó liggur fyrir að Íslandsmeistarinn Hannes Hlífar Stefánsson hefur unnið sér sæti í liðinu. Einnig ákveður stjórn SÍ að val landsliðsins verði í höndum landsliðsþjálfarans, en með endanlegu samþykki stjórnar. Að auki samþykkir stjórn SÍ þá kröfu til ÓL-landsliðsmanna Íslands, að á árinu 2010 hafi hver einasti liðsmaður teflt í a.m.k. tveimur alþjóðlegum mótum einstaklinga (landsliðsflokkur meðtalinn) áður en Ólympíumótið hefst.

Pistlar | Breytt s.d. kl. 16:23 | Slóð | Facebook | Athugasemdir (0)

11.7.2009 | 16:19

Guðmundur fjallar um Big Slick-mótið

Guðmundur Kjartansson hefur skrifað pistil um þátttöku sína á Big Slick-mótinu sem fram fór í London fyrir skemmstu.

Pistilinn má nálgast á heimasíðu TR.

Pistlar | Slóð | Facebook | Athugasemdir (0)

19.11.2008 | 18:50

Stórsigur gegn Kosta Ríka

Íslenska kvennalandsliðið vann stórsigur, 4-0, á sveit Kosta Ríka í sjöttu umferð kvennaflokks Ólympíuskákmótsins, sem fram fór í dag. Lenka Ptácníková, Guðlaug Þorsteinsdóttir, Hallgerður Helga Þorsteinsdóttir og Sigurlaug R. Friðþjófsdóttir unnu allar. Vel af sér vikið!

Úrslit sjöttu umferðar:

Bo.	65	Iceland (ISL)	Rtg	-	80	Costa Rica (CRC)	Rtg	4-0
43.1	WGM	Ptacnikova Lenka	2237	-	WIM	Munoz Carolina	2026	1-0
43.2	WFM	Thorsteinsdottir Gudlaug	2156	-	WFM	Da Bosco Carla	1966	1-0
43.3		Thorsteinsdottir Hallgerdur	1915	-		Rodriguez Arrieta Maria Elena	0	1-0
43.4		Fridthjofsdottir Sigurl Regin	1806	-		Fernandez Patricia	0	1-0