Goða- og Eyja pistlar

Jón Þorvaldsson og Hermann Aðalsteinsson liðsstjórar a- og b-liða Goðans hafa skrifað pistla um Goðmagnaða framgöngu félaganna á heimasíðu félagsins.   Þorsteinn Þorsteinsson, liðsstjóri Taflfélags Vestmannaeyja hefur einnig skrifað pistil um árangur Eyjapeyja.  

Ritstjóri mun safna saman pistlum á einum stað og birta fréttir þegar fleiri pistlar liggja fyrir.

• Goðapistlar
• Eyjapistill
• Fjölnispistill (áður birtur)

Fjölnismenn á flugi í fyrstu deild

Fjölnismenn náðu eftirtektarverðum árangri á Íslandsmóti skákfélaga og í ár ákvað formaður félagsins, Helgi Árnason, að gefa ungum mönnunum aukin tækifæri í fyrstu deild og það gekk upp.  Á heimasíðu Fjölnis má finna pistil frá Helga um árangur Fjölnissveitanna.

Pistill Helga Árna

 

Þröstur með 1,5 vinning í dag

Stórmeistarinn Þröstur Þórhallsson (2367) hlaut 1,5 vinning í 2 skákum dagsins í opnum flokki London Chess Classic.  Í fyrri skák dagsins vann hann stigalágan andstæðing og í þeirri síðari gerði hann jafntefli við enska alþjóðlega meistarann Craig Hanley (2428).   Þröstur hefur 5 vinninga og er í 10.-27. sæti. Í áttundu og næstsíðustu umferð, sem fram fer á morgun, teflir Þröstur við enska stórmeistarann Keith Arkell (2431).  Frí var í aðalmótinu í dag.

Efstir með 6 vinninga eru stórmeistararnir Boris Avrukh (2625), Ísrael, og Gawain Jones (2575), Simon Williams (2493) og Daniel Gormally (2470).

Almennt um mótin:

Þátt taka 8 skákmenn og eru meðalstig keppenda 2725 stig.   Stigahæstur keppenda er Anand (2804) en aðrir þátttakendur eru Carlsen (2802), Kramnik (2791), Nakamura (2741) og svo Englendingarnir Adams (2723), Short (2680), McShane (2645) og Howell (2611).  Þröstur Þórhallsson (2367) tekur þátt í FIDE Open, sem er viðburður sem fram fer samhliða.   Þar tefla 175 skákmenn og þar af 11 stórmeistarar.   Meðal keppenda eru Boris Avrukh (2675), Ísrael, Abhijeet Gupta (2600), Indlandi, sem var meðal sigurvegara á MP Reykjavíkurskákmótinu síðasta og Gawain Jones (2575).   Englandi.   Þröstur er nr. 29 í stigaröð keppenda.

• Heimasíða mótsins
• Skákirnar í beinni (hefjast kl. 14).
• Skákskýringar í beinni
• FIDE Open (flokkur Þrastar)

Pistill um Haustmótið

Þórir Benediktsson hefur skrifað um pistil um Haustmót TR.   Hann má nálgast á heimasíðu félagsins. 

Skákþáttur Morgunblaðsins: Ísland bætti sig um 24 sæti í opnum flokki Ólympíumótsins

Íslensku liðin sem tefldu á Ólympíumótinu í Khanty Manyisk í Síberíu bættu árangur sinn verulega frá síðasta Ólympíumóti. Allir íslensku þátttakendurnir hækkuðu á stigum og karlasveitin, sem varð í 40. sæti af 148 þátttakendum, bætti sig um 24 sæti frá síðasta móti og var 14 sætum ofar en styrkleikaröð fyrir mótið gerði ráð fyrir. Þátttaka karlasveitarinnar var undir smásjá, einkum vegna skipunar liðsins. Undirrituðum var í árslok 2009 boðið að þjálfa liðið og gegna starfi liðsstjóra og var síðar falið að gera tillögu um skipan liðsins. Sú tillaga var síðan samþykkt af stjórn SÍ og hlaut harða gagnrýni. Fannst ýmsum úr skákdeild Hauka valið beinast gegn einstaklingi úr þeirra röðum. Eftir afhroðið í Dresden 2008, þar sem Ísland varð í 64. sæti, hlaut að liggja í augum uppi að enginn úr þeirri sveit gat gengið í landslið Íslands á eigin forsendum. Að sinna ekki á neinn hátt æfingum landsliðshópsins og hætta síðan við þátttöku með litlum fyrirvara á Skákþingi Íslands var ekki í boði ef menn vildu komast í lið. Að endingu voru valdir Hannes Hlífar Stefánsson, Héðinn Steingrímsson, Bragi Þorfinnsson, Björn Þorfinnsson og Hjörvar Steinn Grétarsson. Þessir einstaklingar, hver með sín sérkenni, náðu vel saman.

„Nýliðarnir" voru drýgstir á lokasprettinum. Bragi og Björn Þorfinnssynir hlutu 3 ½ vinning af fjórum í lokaumferðunum tveimur. Sveitin hlaut 26 ½ vinning af 44 mögulegum um 60% vinningshlutfall og 13 stig. Hefði orðið mun ofar ef vinningar sveita með 13 stig væru látnir gilda en ekki flókinn útreikningur mótsstiga. Þannig hlutu Svíar aðeins 24 vinninga og 13 stig en reiknast samt í 34. sæti. Athyglisverð staðreynd er sú að Ísland var á svipuðu róli og ofursveit Búlgaríu sem hafnaði í 31. sæti með 13 stig og 26 ½ vinning en meðalstigin þar voru tæplega 2700 stig.

Ólympíumótsins í Khanty Manyisk verður sennilega minnst fyrir góða framkvæmd og frábæra frammistöðu Vasilí Ivantsjúk sem leiddi Úkraínumenn til sigurs. Ivantsjúk hlaut 8 vinninga úr tíu skákum á 1. borði. Efstu lið urðu:

1. Úkraína 19 stig 2. Rússland 18 stig 3. Ísrael 17 stig 4. Ungverjaland 17 stig 5. Kína 16 stig.

Í tíundu umferð mættu Íslendingar sveita Litháa með feðgana Evgenij Svesnikov, sem vann Hannes Hlífar óvænt, og Vladimir Svesnikov sem varð að láta í minni pokann fyrir Braga Þorfinnssyni á þriðja borði:

Bragi Þorfinnsson - Vladimir Svesnikov

Katalónsk byrjun

1. d4 d5 2. c4 e6 3. Rf3 Rf6 4. g3 dxc4 5. Bg2 c5 6. O-O Rc6 7. Da4 Bd7 8. Dxc4 b5 9. Dd3 Hc8 10. dxc5 Bxc5 11. Rc3 O-O 12. Bg5 Rb4 13. Bxf6 gxf6 14. Dd2 Bc6 15. Dh6 He8 16. Had1 Bf8 17. Dh5 Db6 18. a3 Rc2 19. Hc1 Bxf3

Sennilega eru þessi uppskipti misráðin.

20. Dxf3 Rd4 21. Dg4+ Kh8 22. Hcd1 Hed8 23. Dh5 Kg8 24. e3 Rb3 25. Be4 f5

Betra var 25. ... h6.

Sjá stöðumynd

26. Rd5!

Þrumuleikur sem byggist á valdleysi hróks á c8, t.d. 26. ... exd5 27. Bxf5 h6 28. Bxc8 Hxc8 29. Dg4+ og vinnur.

26. ... Hxd5 27. Hxd5 Bg7

eða 27. ... fxe4 28. Hg5+ Bg7 29. Dh6 og vinnur.

28. Hd7 Hf8 29. Bg2 Bxb2 30. Dg5+ Bg7 31. Hfd1 h6 32. De7 a5 33. Hb7 Da6 34. Hd8 Hxd8 35. Dxf7+ Kh8

- og svartur gafst upp um leið.

Fjallað verður um frammistöðu kvennaliðsins í næsta pistli.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í sunnudagsmogganum, 10. október 2010.

Skákþættir Morgunblaðsins

Víkingapistill

Það streyma að pistlarnir um Íslandsmót skákfélaga.  Á heimasíðu Víkingaklúbbsins má nú finna pistil Gunnar Freys Víkingaforingja um mótið.

Heimasíða Víkingaklúbbsins

SA-pistill um Íslandsmót skákfélaga

Áskell Örn Kárason, formaður Skákfélags Akureyrar, hefur skrifað pistil um gengi félagsins á heimasíðu þess.

Heimasíða SA

TR og TG pistlar

Bæði Páll Sigurðsson, formaður Taflfélags Garðabæjar, og Þórir Benediktsson, Taflfélagi Reykjavíkur hafa skrifað pistla um Íslandsmót skákfélaga.  Þá má nálgast á heimasíðu félaganna.

• Heimasíða TG
• Heimasíða TR

 

Pistill formanns TV

Formaður Taflfélags Vestmannaeyja, Karl Gauti Hjaltason, hefur gert upp fyrri hluta Íslandsmóts skákfélaga í skemmtilegum pistli á heimasíðu félagsins.  

Heimasíða TV

Goðapistill um Íslandsmót skákfélaga

Jón Þorvaldsson, liðsstjóri a-liðs Skákfélags Goðans, hefur skrifað skemmtilega pistil um Íslandsmótið og árangur Goðans í 3. deild.  Von er á pistli Hermanns, formanns Goðans, í kvöld eða á morgun.   

Pistilinn má lesa á heimasíðu Goðans.