MH með stórsigur - MR tapaði

Skáksveit Menntaskólans við Hamrahlíð vann stórsigur, 4-0, á dönsku sveitinni í fjórðu og næstsíðustu umferð Norðurlandamóts framhaldsskólasveita sem fram fór í dag.  Skáksveit Menntaskólans í Reykjavík tapaði hins vegar 1-3 fyrir norsku sveitinni.  MH er í efsta sæti fyrir lokaumferðina.  Engu að síður er ekki tölfræðilegur möguleiki á sigri sveitarinnar þar sem hún situr yfir í lokaumferðinni og ljóst að annaðhvort norska og/eða sænska fara upp fyrir hana.  

Úrslit 4. umferðar:

 

Norge, Toppidrettsgymnas (NTG)	Rtg	-	Iceland 2, MR	Rtg	3 : 1
Getz Nicolai	2111	-	Kjartansson Gudmundur	2328	½ - ½
Hagen Anders Gjerdum	2084	-	Asbjornsson Ingvar	2026	½ - ½
Haugstad Espen	2032	-	Kristinsson Bjarni Jens	1912	1 - 0
Gandrud Vegar Koi	2002	-	Frigge Paul Joseph	1826	1 - 0
Danmark, Sankt Annæ Gymnasium	Rtg	-	Iceland 1, MH	Rtg	0 : 4
Thestrup Sixten	1883	-	Kristjansson Atli Freyr	2070	0 - 1
Christanssen Andreas Ryding Lund	1300	-	Omarsson Dadi	2029	0 - 1
Torp-Hansen Mathias Frost	1300	-	Petursson Matthias	1878	0 - 1
Schulz Albert Johannes Mardechai	1200	-	Finnbogadottir Tinna Kristin	1655	0 - 1

Staðan:

1. MH 10,5 v.
2. Noregur 9,5 v.
3. Svíþjóð 8 v.
4. MR 3,5 v.
5. Danmörk 0,5 v.

 

Fimm sveitir taka þátt.  Engin finnsk sveit tekur þátt og Danirnir munu hafa tilkynnt að þetta verði í síðasta sinn sem þeir taki þátt í keppninni og veitir danska skáksambandið dönsku sveitinni engan fjárhagslegan stuðning.  

• Heimasíða mótsins
• Chess-Results

 

Jafntefli hjá MR - Tap hjá MH

Skáksveit Menntaskólans í Reykjavík gerði 2-2 jafntefli við sænsku sveitina í þriðju umferð Norðurlandamóts framhaldsskólasveita sem fram fór í morgun.  Ingvar Ásbjörnsson og Bjarni Jens Kristinsson unnu sínar skákir á fyrsta og öðru borði.  Skáksveit Menntaskólans við Hamrahlíð tapaði hins vegar 1,5-2,5 fyrir norsku sveitinni.  Atli Freyr Kristjánsson vann stigahæsta skákmann keppninnar hinn norska Joachim Thomassen (2357) á fyrsta borði.  Skáksveit MH er í þriðja sæti með 6,5 vinning en skáksveit MR er í fjórða sæti með 2,5 vinning.  Sænska sveitin leiðir, hefur 8 vinninga.   Fjórða umferð hefst kl. 16.  

Úrslit 3. umferðar:

 

Iceland 1, MH	Rtg	-	Norge, Toppidrettsgymnas (NTG)	Rtg	1½:2½
Kristjansson Atli Freyr	2070	-	Thomassen Joachim	2357	1 - 0
Omarsson Dadi	2029	-	Getz Nicolai	2111	0 - 1
Petursson Matthias	1878	-	Gandrud Vegar Koi	2002	½ - ½
Finnbogadottir Tinna Kristin	1655	-	Demac Elias	1914	0 - 1
Iceland 2, MR	Rtg	-	Sverige, Gymnasieskolen Metapontum	Rtg	2 : 2
Asbjornsson Ingvar	2026	-	Rosberg Simon	2238	1 - 0
Kristinsson Bjarni Jens	1912	-	Thollin Robert	2011	1 - 0
Oskarsson Aron Ingi	1888	-	Pettersson Anders	2029	0 - 1
Frigge Paul Joseph	1826	-	Larsson Daniel	2018	0 - 1

 

Fimm sveitir taka þátt.  Engin finnsk sveit tekur þátt og Danirnir munu hafa tilkynnt að þetta verði í síðasta sinn sem þeir taki þátt í keppninni og veitir danska skáksambandið dönsku sveitinni engan fjárhagslegan stuðning.  

• Heimasíða mótsins
• Chess-Results

 

MH tapaði 1,5-2,5 fyrir sænskri sveit

Skáksveit Menntaskólans við Hamrahlíð tapaði 1,5-2,5 fyrir sænsku sveitinni í 2. umferð norðurlandamóts framhaldsskólasveit, sem fram fór í kvöld.  Daði Ómarsson vann, Atli Freyr Kristjánsson gerði jafntefli en aðrar skákir töpuðust.  Skáksveit Menntaskólans í Reykjavík sat yfir.  MH er í öðru sæti með 5 vinninga, vinningi á eftir Svíunum.  Þriðja umferð fer fram í fyrramálið og hefst kl. 10.

Viðureign HM:

Rosberg Simon	2238	-	Kristjansson Atli Freyr	2070	½ - ½
Thollin Robert	2011	-	Omarsson Dadi	2029	0 - 1
Pettersson Anders	2029	-	Petursson Matthias	1878	1 - 0
Larsson Daniel	2018	-	Finnbogadottir Tinna Kristin	1655	1 - 0

Fimm sveitir taka þátt.  Engin finnsk sveit tekur þátt og Danirnir munu hafa tilkynnt að þetta verði í síðasta sinn sem þeir taki þátt í keppninni og veitir danska skáksambandið dönsku sveitinni engan fjárhagslegan stuðning.  

• Heimasíða mótsins
• Chess-Results

MH sigraði MR 3,5-0,5

Skáksveit Menntaskólans við Hamrahlíð sigraði skáksveita Menntaskólans í Reykjavík 3,5-0,5 í fyrstu umferð Norðurlandamóts framhaldskóla sem fram fór í morgun í skákhöllinni Faxafeni 12.  Sænska sveitin sigraði dönsku sveita með sama mun.  Guðmundur Kjartansson er skráður á fyrsta borð MR-sveitarinnar en teflir væntanlega lítið sem ekkert með henni enda teflandi í landsliðsflokki.    Önnur umferð hefst kl. 16:30. 

Viðureign MH og MR:

 

Iceland 1, MH	Rtg	-	4	Iceland 2, MR	Rtg	3½: ½
Kristjansson Atli Freyr	2070	-		Asbjornsson Ingvar	2026	1 - 0
Omarsson Dadi	2029	-		Kristinsson Bjarni Jens	1912	1 - 0
Petursson Matthias	1878	-		Oskarsson Aron Ingi	1888	1 - 0
Finnbogadottir Tinna Kristin	1655	-		Frigge Paul Joseph	1826	½ - ½

Fimm sveitir taka þátt.  Engin finnsk sveit tekur þátt og Danirnir munu hafa tilkynnt að þetta verði í síðasta sinn sem þeir taki þátt í keppninni og veitir danska skáksambandið dönsku sveitinni engan fjárhagslegan stuðning.  

• Heimasíða mótsins
• Chess-Results

Rimaskóli norðurlandameistari grunnskólasveita!

Skáksveit Rimaskóla varð norðurlandameistari grunnskólasveita!  Sveitin vann öruggan 4-0 sigur á danskri sveit í lokaumferðinni.  Hjörvar Steinn Grétarsson, Hörður Aron Hauksson, Sigríður Björg Helgadóttir og Jón Trausti Harðarson unnu sínar skákir.  Fyrir umferðina hafði sveitin 1,5 vinnings forskot á norska sveit og sigurinn nokkuð öruggur!

Lokastaðan verður birt þegar hún liggur fyrir. 

Sveit Rimaskóla skipa:

1. Hjörvar Steinn Grétarsson (2299) 4½ v. af5
2. Hörður Aron Hauksson (1728) 3 v. af 5
3. Sigríður Björg Helgadóttir (1595)  4 v. af 5
4. Dagur Ragnarsson 1 v. af 2
5. Jón Trausti Harðarson 2 v. af 3

Liðsstjóri er Davíð Kjartansson en fararstjóri er Helgi Árnason skólastjóri. 

Heimasíða mótsins

Rimaskóli með 1½ vinnings forskot fyrir lokaumferðina

Skáksveit Rimaskóla hefur 1½ vinnings forskot fyrir lokaumferð Norðurlandamóts grunnskólasveita sem fram fer í Osló í Noregi.  Í fjórðu og næstsíðustu umferð sem fram fór í morgun vann sveitin Noreg I 3-1 og hefur 1½ vinnings á forskot á Noreg II fyrir lokaumferðina sem hefst kl. 12:30.  Hörður Aron Hauksson og Dagur Ragnarsson unnu en Hjörvar Steinn Grétarsson og Sigríður Björg Helgadóttir gerðu jafntefli.  

Staðan efstir 4 umferðir:

• 1. Rimaskóli 10½ v. af 16
• 2. Noregur II 9 v.
• 3. Noregur I 7½ v. (4 stig)
• 4.-5. Finnland 7½ v. (3 stig)
• 4.-5. Svíþjóð 7½ v. (3 stig)
• 6. Danmörk 6 v.

Sveit Rimaskóla skipa:

1. Hjörvar Steinn Grétarsson (2299) 3½ v. af 4
2. Hörður Aron Hauksson (1728) 2 v. af 4
3. Sigríður Björg Helgadóttir (1595)  3 v. af 4
4. Dagur Ragnarsson 1 v. af 2
5. Jón Trausti Harðarson1 v. af 2

Liðsstjóri er Davíð Kjartansson en fararstjóri er Helgi Árnason skólastjóri. 

Heimasíða mótsins

Rimaskóli efstur á NM grunnskólasveita

Skáksveit Rimaskóla sigraði norska sveit 3-1 í þriðju umferð Norðurlandamóts grunnskólasveita sem fram fór í dag í Osló í Noregi.  Rimaskóli leiðir nú á mótinu, hefur 7,5 vinning.  Hjörvar Steinn Grétarsson, Sigríður Björg Helgadóttir og Jón Trausti Harðarson sigruðu í sínum skákum.

Staðan efstir 2 umferðir:

• 1. Rimaskóli 7,5 v. af 12
• 2. Noregur I 6,5 v. (4 stig)
• 3. Finnland 6,5 v. (3 stig)
• 4. Noregur II 6 v.
• 5. Svíþjóð 5½ v.
• 6. Danmörk 4 v.

Sveit Rimaskóla skipa:

1. Hjörvar Steinn Grétarsson (2299) 3 v. af 2
2. Hörður Aron Hauksson (1728) 1 v. af 3
3. Sigríður Björg Helgadóttir (1595) 2,5 v. af3
4. Dagur Ragnarsson 0 v. af 1
5. Jón Trausti Harðarson 1 v. af2

Heimasíða mótsins

Rimaskóli í 2.-3. sæti á NM grunnskólasveita

Skáksveit Rimaskóla hefur 4½ vinning að loknum tveimur umferðum á Norðurlandamóti grunnskólasveita sem fram fer í Osló á Noregi.  Í fyrstu umferð gerði jafntefli við sænska sveit.  Hjörvar  Steinn Grétarsson og Sigríður Björg Helgadóttir unnu sínar skákir og í 2. umferð vann sveitin finnska sveit 2½-1½.  Hjörvar og Hörður Aron Hauksson unnu en Sigríður Björg Helgadóttir gerði jafntefli.

 

 

Staðan efstir 2 umferðir:

• 1. Noregur I 5 v. af 8
• 2.-3 Rimaskóli 4½ v. (1½ stig)
• 2.-3. Noregur II 4½ v. (1½ stig)
• 4. Finnland 4½ v. (1 stig)
• 5. Svíþjóð 3½ v.
• 6. Danmörk 2 v.

Sveit Rimaskóla skipa:

1. Hjörvar Steinn Grétarsson (2299) 2 v. af 2
2. Hörður Aron Hauksson (1728) 1 v. af 2
3. Sigríður Björg Helgadóttir (1595) 1,5 v. af 2
4. Dagur Ragnarsson 0 v. af 1
5. Jón Trausti Harðarson 0 v. af 1

Heimasíða mótsins

Barna- og unglingaæfingar Hellis hefjast í dag

Barna- og unglingaæfingar Hellis hefjast aftur mánudaginn 25. ágúst 2008. Taflið byrjar kl. 17:15 og fyrirkomulagið verður það sama og síðasta vetur.  Æfingarnar eru opnar öllum 15 ára og yngri. Engin þátttökugjöld.

Æfingarnar verða haldnar í félagsheimili Hellis í Álfabakka 14a, Mjódd. Inngangur er við hliðina á Sparisjóði Reykjavíkur en salur félagsins er á þriðju hæð hússins. Á æfingunum verða 5 eða 6 umferðir með umhugsunartíma 10 eða 7 mínútur. Einnig verður farið í dæmi og endatöfl eins og tíma vinnst til. Umsjón með unglingaæfingunum hefur Vigfús Ó. Vigfússon.

Hópefli EM-liðsins - lið Davíðs lagði lið forsetans

Íslenska unglingalandsliðið sem er á leið á Evrópumótið í Svartfjallalandi um miðjan september kom saman í dag í Sporthúsinu í Kópavogi. Tilefnið var liður í hópeflingu liðsins en það er ekki síður mikilvægt að styrkja liðsandann þótt keppt sé á einstaklingsmóti. Má segja að þetta hafi að hluta til verið óvissuferð því þau vissu minnst um það sem framundan var.

Með krökkunum mættu þeir Davíð Ólafsson annar þjálfari unglingalandsliðsins og svo forseti Skáksambandsins Björn Þorfinnsson. Aðeins einn liðsmann vantaði í morgun en Tinna Kristín mætti þrátt fyrir veikindi og fylgdist með.

Hópurinn fékk fræðslu um mikilvægi hreyfingar fyrir líkama og sál en eins og við flest vitum þarf nokkuð gott form til þess að halda út langar skákir og löng mót. Allir fóru í gegnum skemmtilega en jafnframt nokkuð óvenjulega upphitun þar sem margir þurftu að fara út fyrir þægindahringinn en öll stóðu þau sig frábærlega. Sem dæmi um upphitunaræfingar voru upphífur, armbeygjur, hnébeygjur og kviðæfingar á bolta. Þegar upphitun var lokið var hópnum skipt í tvennt og voru Davíð og Bjössi liðsstjórar hvors hóp fyrir sig. Í hóp Davíðs voru: Hallgerður, Dagur Andri, Daði og Geirþrúður en í liði Bjössa voru: Jóhanna, Patrekur, Friðrik Þjálfi og Hjörvar. Keppnin var einföld en reyndi á liðsheildina og líkamlegan styrk og þol. Keppt var í þremur greinum: Veggjabolta (bolta hent 3,5m upp á vegg og gripin í hnébeygju), Ketilbjöllusveiflu með 5kg handlóði og að síðustu svo kölluðum Burpees (armbeygjur sem eru gerðar úr froskastöðu og hoppað upp í lok hverrar beygju). Þyngdir voru miðaðar við að allir gætu lyft og þá sérstaklega tekið tillit til þeirra yngstu í hópnum. Í hverri grein átti að gera 100 sinnum og mátti einn úr hvoru liðið gera í einu en svo skiptu þau út um leið og þau urðu þreytt og fóru að hægja á sér. Allir fengu því að reyna á sig nokkuð oft í hverri þraut. Að vísu þurfti aðeins að ýta við liðsstjórunum í fyrstu tveimur æfingunum sem voru nokkuð léttar fyrir þá en svo varð þetta jafnara í lokaþrautinni. Ekki vantaði hvatninguna og orkuna í hópinn því vinningsliðið, lið Davíðs lauk þrautinni á 11:50 en mjótt var á munum og lauk Bjössa hópur á 12:13.

Að þessu búnu fengu krakkarnir að spreyta sig í fimleikahringjum, upphífingum ofl. Allir tóku áskorunum með stæl og gáfu ekkert eftir í hringjunum. Síðan tók við smá "ninja" fræðsla en við fengum til liðs við okkur Reyni Sveinsson sem fór yfir grunnatriði í sjálfsvörn. Þar var allt látið flakka og vörðust þau af mikilli færni. Eftir tveggja tíma törn í Sporthúsinu var svo brunað upp í Salalaug þar sem var slappað af í heitapottinum.

Ég vil því þakka krökkunum fyrir frábæran dag enda stóðu þau sig frábærlega. Einnig vil ég þakka þeim Jósep landsliðsmanni í Júdó, Gumma fyrrum fimleikamanni og Reyni sjálfsvarnar og CrossFittara fyrir mjög góða aðstoð í dag. Framundan eru svo fleiri hópeflisuppákomur fyrir landsliðið sem er án efa komin í góðan gír eftir stífar æfingar að undanförnu og þrekið í dag.

Með bestu kveðjum,

Edda Sveinsdóttir, fararstjóri unglingalandsliðsins

Meðfylgjandi myndir, sem finna má í myndaalbúmi, eru teknar eftir að keppninni lauk. Það var bara svo rosalega mikil spenna að það gleymdist að taka myndir í keppninni.