Íslandsmót kvenna - b-flokkur

Íslandsmót kvenna 2007 – B flokkur mun fara fram dagana 28. ágúst – 7. september nk.  Teflt verður í Faxafeni 12, Reykjavík.

 

Fyrirkomulag:   

Tefldar verða 7 umferðir (gæti breyst eftir fjölda þátttakenda), 60 mín. + 30 sek. á leik.

Umferðatafla:       

• Þriðjud. 28. ágúst    kl. 18.00    1. umferð
• Miðvikud. 29. ágúst    kl. 18.00    2. umferð                   
• Fimmtud. 30. ág.    kl. 18.00    3. umferð
• Föstud. 31. ágúst            Frídagur
• Laugard. 1. sept.    kl. 14.00    4. umferð
• Sunnud. 2. sept.    kl. 14.00    5. umferð
• Mánud. 3. sept.    kl. 18.00    Frídagur
• Þriðjud. 4. sept.    kl. 18.00    6. umferð
• Miðvikud. 5. sept.    kl. 18.00    7. umferð

Öllum stúlkum/konum er heimil þátttaka.  Sigurvegari mótsins vinnur sér rétt til setu í A-flokki að ári.  Þátttaka tilkynnist fyrir 27. ágúst í síma 568 9141 eða með tölvupósti- [e-mail]

Borgarskákmótið fer fram á morgun

Borgarskákmótið fer fram fimmtudaginn 16. ágúst, og hefst það kl. 15:00.  Mótið fer fram venju samkvæmt í Ráðhúsi Reykjavíkur og standa Reykjavíkurfélögin, Taflfélag Reykjavíkur og Taflfélagið Hellir, að mótinu, sem og síðustu ár.  Gera má ráð fyrir að margir af sterkustu skákmönnum þjóðarinnar taka þátt í því.   Skákmenn eru hvattir til að skrá sig sem fyrst. Mótið er öllum opið og er þátttaka ókeypis en skráning fer fram á netinu á heimasíðu Hellis.   Einnig er hægt að skrá sig í netfanginu [e-mail] eða í síma 866 0116.   Tefldar verða 7 umferðir með 7 mínútna umhugsunartíma.    Þegar hafa margir af sterkustu skákmönnum landsins skráð sig til leiks. 

Þetta er í 22. sinn sem mótið fer fram og er þetta iðulega eitt best sótta skákmót hvers árs.  Í fyrra sigraði Arnar E. Gunnarsson, alþjóðlegur meistari, í þriðja sinn, sem þá tefldi fyrir Menntasjóð Reykjavíkur.  Athyglisvert er að allir þeir sem hafa sigrað á mótinu frá upphaf eru nú ýmist stórmeistarar eða alþjóðlegir meistarar.

Verðlaun:

1. 15.000 kr.
2. 10.000 kr.
3.   5.000 kr. 

Sigurvegarar frá upphafi:

• ·         1986: Íslenska álfélagið (Helgi Ólafsson)
• ·         1987: Hótel Loftleiðir (Jón L. Árnason
• ·         1988: Bílaborg (Karl Þorsteins)
• ·         1989: VISA-Ísland (Þröstur Þórhallsson)
• ·         1990: Íslenskir aðalverktakar (Þröstur Þórhallsson)
• ·         1991: Nesti (Haukar Angantýsson)
• ·         1992: Eimskip (Helgi Áss Grétarsson)
• ·         1993: Dagvist barna (Héðinn Steingrímsson)
• ·         1994: Sveinsbakarí (Helgi Áss Grétarsson)
• ·         1995: Búnaðarbanki Íslands (Margeir Pétursson)
• ·         1996: Íslenskir aðalverktakar (Hannes Hlífar Stefánsson)
• ·         1997: Gras efnavörur (Arnar E. Gunnarsson)
• ·         1998: Hrói Höttur (Jón Garðar Viðarsson)
• ·         1999: MP verðbréf (Margeir Pétursson)
• ·         2000: Innkaupastofnun Reykjavíkurborgar (Helgi Ólafsson)
• ·         2001: Verkfræðistofan Afl (Hannes Hlífar Stefánsson)
• ·         2002: Hlöllabátar (Hannes Hlífar Stefánsson)
• ·         2003: NASA (Helgi Ólafsson)
• ·         2004: SPRON (Jón Viktor Gunnarsson)
• ·         2005: RST-Net (Arnar E. Gunnarsson)
• ·         2006: Menntasvið Reykjavíkurborgar (Arnar E. Gunnarsson)
•      2007: ?????

Landsdystur: Færeyingar lagðir að velli

Íslendingar, nánar tiltekið norðanmenn og austanmenn, lögðu Færeyinga að velli í landskeppni sem fram fór um helgina.  Teflt var á Reyðarfirði 11. og 12. ágúst. Landskeppnin hefur verið háð með
þessu sniði síðan 1978, yfirleitt teflt annaðhvort ár, til skiptis á Íslandi og í Færeyjum. Í þetta sinn sigruðu Íslendingar örugglega 7-3 í fyrri umferð g 6,5-3,5 í þeirri síðar, eða 13,5-6,5 í heildina.

Úrslit: 

Fyrri umferð: 

1 Áskell Örn Kárason 2235 Martin Poulsen 2327 1-0
2 Halldór Brynjar Halldórsson 2190 Hans K. Simonsen 2231 1-0
3 Gylfi Þórhallsson 2140 Finnbjørn Vang 2086 1-0
4 Björn Ívar Karlsson 2105 Martin Brekká 2025 1-0
5 Stefán Bergsson 2030 Sjúrður Thorsteinsson 1996 0-1
6 Viðar Jónsson 1910 Andreas Andreasen 1837 ½-½
7 Sigurður Eiríksson 1840 Gunnar Joensen 1754 1-0
8 Jóhann Þorsteinsson (1835) Esbern Christiansen 1745 ½-½
9 Bjarni Jens Kristinsson 1655 Herborg Hansen 1485 0-1
10 Albert Ó. Geirsson - Vagn Heldarskarð 1392 1-0

Meðaltal stiga 9 manna: 1993,5 Meðaltal stiga: 1887,8 .
Úrslit fyrri umferðar Ísland - Færeyjar: 7-3

Síðari umferð:

Borð Keppendur Stig Keppendur Stig Úrslit
1 Áskell Örn Kárason 2235 Martin Poulsen 2327 ½-½
2 Halldór Brynjar Halldórsson 2190 Hans K. Simonsen 2231 ½-½
3 Gylfi Þórhallsson 2140 Finnbjørn Vang 2086 ½-½
4 Björn Ívar Karlsson 2105 Martin Brekká 2025 1-0
5 Stefán Bergsson 2030 Sjúrður Thorsteinsson 1996 1-0
6 Viðar Jónsson 1910 Andreas Andreasen 1837 1-0
7 Sverrir Gestsson 1845 Gunnar Joensen 1754 0-1
8 Sigurður Eiríksson 1840 Esbern Christiansen 1745 0-1
9 Bjarni Jens Kristinsson 1655 Herborg Hansen 1485 1-0
10 Rúnar Hilmarsson (1635) Vagn Heldarskarð 1392 1-0

Meðaltal stiga: 1958,5 Meðaltal stiga: 1887,8 .
. Úrslit síðari umferðar: Ísland - Færeyjar: 6½-3½
. Heildarúrslit: Ísland - Færeyjar: 13½-6½

Sjá nánar:

• Heimasíða Skáksambands Austurlands
• Heimasíða Skáksambands Færeyja

Vinnslustöðvarmótið í Eyjum

Helgina 24.–26. ágúst n.k. fer fram Vinnslustöðvarmótið í Vestmannaeyjum á vegum Taflfélags Vestmannaeyja.  Mótið er 5 umferðir,  sú fyrsta á föstudagskvöldinu kl. 19:00, þrjár á laugardag og síðasta umferð á sunnudag kl. 10:00. 

Tími á skák er 1 klst. og að auki 15 sek fyrir hvern leik.  Mótið er opið öllum, verðlaun eru kr. 20.000 fyrir efsta sæti en að auki 5.000 fyrir efsta sæti  16 ára og yngri.

Þátttöku bera að tilkynna fyrir 21. ágúst kl. 19:00 á netfangið [e-mail].

Garðbæingar lögðu Kátu biskupna

Taflfélag Garðabæjar vann öruggan sigur á komu á Kátu Biskupunum í 1. umferð Hraðskákkeppni taflfélaga, á A Hansen Hafnarfirði, sem er heimavöllur biskupanna, í gærkveldi. TG-ingar  byrjuðu á 6-0 sigri og eftir það var aldrei spurning hvoru megin sigurinn lenti. Staðan í Hálfleik var 32-4 og lokastaðan 61-11. Seinni hálfleikurinn fór því 29-7 fyrir TG.  Leifur Ingi var bestur gestanna, fékk fullt hús, en Kjartan Guðmundsson var bestur biskupa, fékk 7 vinninga.  

Einstaklingsúrslit:

TG:
Leifur Ingi Vilmundarson 12 af 12.
Jón Þór Bergþórsson 11. v.
Björn Jónsson 11 v.
Páll Sigurðsson 10 v.
Sigurjón Haraldsson 9 v.
Svanberg Már Pálsson 8 v.

Kátu Biskuparnir:
Kjartan Guðmundsson 7 v.
Marteinn 2 v.
Daði 2 v.
Ron, Oddbergur, Ingimar og Þórður 0 v.

Garðbæingar mæta Taflfélagi Reykjavíkur í 2. umferð.    

Þrettán lið taka þátt í Hraðskákkeppni taflfélaga

Alls taka 13 lið þátt í Hraðskákkeppni taflfélaga og er um að ræða metjöfnun í þátttöku.  Í morgun, var dregið hvaða lið mætast lið mætast í 1. og 2. umferð en drátturinn fór fram í höfuðstöðvum Landsbankans í umsjón Ólafs Ásgrímssonar.   Fyrstu umferð á að vera lokið þann 20. ágúst og 2. umferð á að vera lokið 31. ágúst.

1. umferð (fyrrnefnda liðið á heimaleik):

• ·         Kátu biskuparnir – Taflfélag Garðabæjar
• ·         Taflfélag Akraness – Skákfélag Akureyrar
• ·         Skákdeild KR – Skáksamband Austurlands
• ·         Skákfélag Reykjanesbæjar – Skákdeild Fjölnis
• ·         Skákfélag Selfoss og nágrennis – Taflfélag Bolungarvíkur

Taflfélag Reykjavíkur, Taflfélagið Hellir og Skákdeild Hauka komast beint í 2. umferð.

2. umferð (fyrrnefnda liðið á heimaleik):

• ·         Taflfélagið Hellir – Skákdeild KR/Skáksamband Austurlands
• ·         Kátu biskuparnir/Taflfélag Garðabæjar – Taflfélag Reykjavíkur
• ·         Skákdeild Hauka – Skákfélag Selfoss og nágrennis/Taflfélag Bolungarvíkur
• ·         Taflfélag Akraness/Skákfélag Akureyrar – Skákfélag Reykjanesbæjar/Skákdeild Fjölnis

Hraðskákkeppni taflfélag hefur farið fram síðan 1995 og hefur verið í umsjón Taflfélagsins Hellis frá upphafi.  Núverandi meistari er Taflfélag Reykjavíkur en Hellismenn hafa verið sigursælastir í keppninni og unnið hana alls 6 sinnum, TR-ingar hafa unnið fjórum sinnum en Skákfélag  Hafnarfjarðar og Hrókurinn sigruðu einu sinni hvort félag.

Fylgst verður með gangi máli á Skák.is og á heimasíðu Hellis.

Hraðskákkeppni taflfélaga að hefjast - skráningarfrestur að renna út

Hraðskákkeppni taflfélaga mun hefjast að lokinni verslunarmannahelgi en skráningarfrestur rennur út á morgun 7. ágúst.   Átta félög hafa skráð sig til leiks og eru áhugasöm félög hvött til að skrá sig eigi síðar en á morgun þriðjudag en dregið verður í 1. umferð á miðvikudagsmorgun. 

Eftirfarandi átta félög hafa skráð sig til leiks:

• Taflfélagið Hellir
• Taflfélag Garðabæjar
• Skákdeild KR
• Skáksamband Austurlands
• Skákdeild Hauka
• Taflfélag Reykjavíkur
• Skákfélag Akureyrar
• Skákfélag Reykjanesbæjar

Enn vantar fastagesti eins og Taflfélag Vestmannaeyja, Skákdeild Fjölnis, Taflfélag Bolungarvíkur og  Taflfélag Akraness.

Einnig að hvetja þau félög sem ekki hafa tekið áður þátt til að vera með eins og t.d. Kátu biskupana.  Lítið mál að taka þátt enda útsláttarkeppni og sex skákmenn í hverri viðureign.  

Dagskráin er sem hér segir:

1. umferð (U.þ.b. 12 liða úrslit): Skuli vera lokið um 20. ágúst
2. umferð (8 liða úrslit): Skuli vera lokið 31. ágúst
3. umferð (undanúrslit): Skuli vera lokið 10. september.
4. umferð (úrslit): Skuli vera lokið 20. september.   

Forráðamenn taflfélag eru hvattir til að hafa samband við Gunnar Björnsson í netfangið [e-mail] eða símleiðis 820 6533 fyrir miðnætti miðvikudaginn 7. ágúst.

Reglugerð mótsins er sem hér segir:

1. Sex manns eru í hvoru liði og tefld er tvöföld umferð, þ.e. allir í öðru liðinu tefla við alla í hinu liðinu. Samtals 12 umferðir, eða 72 skákir.

2. Heimalið sér um dómgæslu. Komi til deiluatriða er Ólafur S. Ásgrímsson yfirdómari keppninnar.

3. Varamenn mega koma alls staðar inn. Þó skal gæta þess að menn tefli ekki oftar en tvívegis gegn sama andstæðingi og hafi ekki sama lit í báðum skákunum.

4. Ætlast er til þess að þeir sem tefli séu fullgildir meðlimir síns félags. Aðeins má tefla með einu taflfélagi í keppninni.

5. Liðsstjórar koma sér saman um hvenær er teflt og innan tímaáætlunar.

6. Keppnin fer fram á Stór-Reykjavíkursvæðinu.   Heimavöllur liða verður að vera innan 100 km. radíus frá Reykjavík nema að bæði félög samþykki annað.

7. Verði jafnt verður tefldur bráðabani. Það er tefld er einföld umferð þar sem dregið er um liti á fyrsta borði og svo hvítt og svart til skiptist. Verði enn jafnt verður áfram teflt áfram með skiptum litum þar til úrslit fást.

8. Heimalið bjóði upp á léttar veitingar, t.d. kaffi, gos, kökur eða kex.

9. Úrslitum skal koma til umsjónarmann eins fljótt og auðið er í netfangið [e-mail] og eigi síðar en 12 klukkustundum eftir að keppni lýkur.

10. Úrslit keppninnar verða ávallt aðgengileg á heimasíðu Hellis, www.hellir.com, sem er heimasíða keppninnar, og á www.skak.is

11. Mótshaldið er í höndum Taflfélagsins Hellis sem sér um framkvæmd hennar

Elsa María og Tinna Kristín efstar á unglingalandsmótinu á Höfn

Tinna Kristín Finnbogadóttir, UMSB, og Elsa María Þorfinnsdóttir, ÍBR (Hellir) sigruðu í skákkeppni á 10. unglingalandsmóti UMFÍ á Höfn í Hornafirði, sem fram fór í Nýheimum, menningar-og fræðslumiðstöð staðarins í dag.

Alls tóku 17 börn og unglingar þátt í mótinu og tefldar voru 7 umferðir. Keppnin var jöfn og spennandi allt frá upphafi til enda.

Tinna og Elsa fengu sex vinninga og fast á hæla þeirra komu þau Páll Andrason UMSK og Sigríður Björg Helgadóttir Umf. Fjölni með 5 vinninga. Umsjón með mótinu hafði skákdeild Fjölnis og skákstjóri var Helgi Árnason. Davíð Kjartansson skákmeistari úr Fjölni mun tefla fjöltefli á landsmótinu í stóra tjaldinu á mótsvæðinu.

Lokastaða efstu manna:

1-2        Tinna Kristín Finnbogadóttir       UMSB               6  vinningar
             Elsa María Þorfinnsdóttir          ÍBR
 
3-4        Sigríður Björg Helgadóttir           Fjölni                5  vinningar
            Páll Andrason                           UMSK         
 
5-9        Davíð Þór Jónsson                    UMSK               4 vinningar
            Auður Eiðsdóttir                        UMSB
            Emil Sigurðsson                        HSK
            Hulda Rún Finnbogadóttir          UMSB
            Einar Bjarni Björnsson               USAH

Heimasíða unglingalandsmótsins

Skák.is á nýjum stað!

Skákvefurinn Skák.hefur nú flutt sig um set og verður framvegis á blogghluta Morgunblaðsvefjarins, mbl.is. Vefurinn verður sem fyrr á slóðinni skak.is en mun frá og með breytingunni áframsendast á slóðina skak.blog.is.

Á Skák.is hefur megináherslan verið lögð á innlendar skákfréttir og fylgst glögglega með íslenskum skákmönnum þegar þeir hafa teflt á erlendri grundu. Einnig hefur verið fylgst með stærri erlendum viðburðum.

Ritstjóri vefjarins er Gunnar Björnsson en hann hefur ritstjóri frá upphafi, nánar tiltekið frá 1. apríl 2000. Vefurinn er nú rekinn af Skáksambandi Íslands en var upphaflega hluti af Strikinu.  

Þann 5. ágúst nk. hefst í Singapore ólympíuskákmót 16 ára og yngri þar sem Ísland mun taka þátt í fyrsta skipti 10 ár en mótið mun standa til 11. ágúst.  Torfi Leósson fararstjóri krakkanna mun blogga reglulega frá skákstað á vefinn.       


Rétt er að benda á eftirfarandi á vinstri hluta heimasíðunnar:

• Myndaalbúm: Hér verða myndasöfn frá ýmsum viðburðum.  Fyrsta myndaalbúmið verður frá Singapore þar sem Torfi Leósson ætlar að senda myndir frá mótinu.
• Færsluflokkar: Allar fréttir fara í „spil og leikir“ en auk þess verða fréttir sundurliðaðar enn frekar lesendum til hægðarauka.
• Tenglarnir: Hér verða tenglar yfir viðburði sem eru í gangi hverju sinni.  Þessi tenglar verða síbreytilegir en aðrir tenglar munu ekki breytast mikið. 

Morgunblaðið og Skák.is vænta góðs af samvinnu þessara miðla. Leit.is er þökkuð góð samvinna síðustu mánuði.  

Ritstjóri vonar að skák- og skákáhugamenn muni koma til með að kunna vel við gamlan vef á nýjum stað! 

Unglingalandsmót UMFÍ

Tíunda unglingalandsmót UMFÍ verður haldið á Höfn í Hornarfirði um verslunarmannahelgina. Keppt er í tíu íþróttagreinum og er skákin þar á meðal. Skákkeppnin fer fram laugardaginn 4. ágúst frá kl. 10.00 - 15.00. Verðlaunahafar í hverjum flokki fá verðlaunapeninga og allir keppendur fá keppnisgögn og ýmsan varning.

Keppt er í fjórum flokkum; 11-12 ára, 13-14 ára, 15-16 ára og 17-18 ára. Einnig verður boðið upp á fjöltefli kl. 17:00 á laugardegi. Á undanförnum landsmótum UMFÍ hafa margir af okkar efnilegustu skákmönn verið þátttakendur og keppnin  verið spennandi og skemmtileg.

Skákdeild Umf. Fjölnis mun hafa umsjón með skákkeppninni á landsmótinu en allar frekari upplýsingar er að finna á heimasíðu mótsins.

Heimasíða unglingalandsmótsins