Skák.is á nýjum stað!

Skákvefurinn Skák.hefur nú flutt sig um set og verður framvegis á blogghluta Morgunblaðsvefjarins, mbl.is. Vefurinn verður sem fyrr á slóðinni skak.is en mun frá og með breytingunni áframsendast á slóðina skak.blog.is.

Á Skák.is hefur megináherslan verið lögð á innlendar skákfréttir og fylgst glögglega með íslenskum skákmönnum þegar þeir hafa teflt á erlendri grundu. Einnig hefur verið fylgst með stærri erlendum viðburðum.

Ritstjóri vefjarins er Gunnar Björnsson en hann hefur ritstjóri frá upphafi, nánar tiltekið frá 1. apríl 2000. Vefurinn er nú rekinn af Skáksambandi Íslands en var upphaflega hluti af Strikinu.  

Þann 5. ágúst nk. hefst í Singapore ólympíuskákmót 16 ára og yngri þar sem Ísland mun taka þátt í fyrsta skipti 10 ár en mótið mun standa til 11. ágúst.  Torfi Leósson fararstjóri krakkanna mun blogga reglulega frá skákstað á vefinn.       


Rétt er að benda á eftirfarandi á vinstri hluta heimasíðunnar:

• Myndaalbúm: Hér verða myndasöfn frá ýmsum viðburðum.  Fyrsta myndaalbúmið verður frá Singapore þar sem Torfi Leósson ætlar að senda myndir frá mótinu.
• Færsluflokkar: Allar fréttir fara í „spil og leikir“ en auk þess verða fréttir sundurliðaðar enn frekar lesendum til hægðarauka.
• Tenglarnir: Hér verða tenglar yfir viðburði sem eru í gangi hverju sinni.  Þessi tenglar verða síbreytilegir en aðrir tenglar munu ekki breytast mikið. 

Morgunblaðið og Skák.is vænta góðs af samvinnu þessara miðla. Leit.is er þökkuð góð samvinna síðustu mánuði.  

Ritstjóri vonar að skák- og skákáhugamenn muni koma til með að kunna vel við gamlan vef á nýjum stað! 

Athugasemdir

[Hrannar Baldursson, 3.8.2007 kl. 09:36]

Til hamingju með nýtt heimili fyrir skak.is

[Skák.is, 3.8.2007 kl. 11:47]

Takk Hrannar!

Kveðja,
Gunnar

[Saevar Bjarnason (IP-tala skráð) 3.8.2007 kl. 11:47]

Til hamingju með nýja vefinn. Ég þarf að skamma Gunnar fyrir nýja orðið ,,vefjarins", rétt er : Vefur, vef,vefi til vefs. Gunnar er sem segt umsjónarmaður nýja vefsins og til hamingju aftur með það. Er búið að leggja þá hornið endanlega niður? Ég sem á eftir að komast í árs bann

 Sævar

[Hrannar Baldursson, 3.8.2007 kl. 12:13]

Af Vísindavefnum:

Spurning: 

Beygist vefur ekki þannig: vefur - vef - vef - vefjar?

 Svar:

Jú, þetta er sú beyging sem ýmsar orðabækur sýna. Hins vegar finnst okkur eignarfallið "Vísindavefs" fara alveg eins vel og "Vísindavefjar" svo að við höfum hyllst til þess að nota báðar orðmyndirnar á víxl, bæði hér á vefsetrinu og í Morgunblaðinu.

Við erum ekki þar með að leggja til að beygingu orðsins sé breytt þegar það er notað í hefðbundinni merkingu. Hins vegar sýnist okkur skaðlaust að eignarfallið 'vefs' sé notað þegar átt er við Veraldarvefinn (World Wide Web, WWW) eða hluta hans.