Sverrir Norðfjörð látinn

Skákmeistarinn Sverrir Norðfjörð er látinn en hann lést á 67 ára afmælisdag sinn, þjóðhátíðardaginn 17. júní.

Sverrir hefur verið þekktur sem ákaflega litríkur skákmaður og minnast hans margir skákmenn fyrir fjörlegar skákir hans.   

Meðal annars má lesa minningar skákmanna um hann í þræði á Skákhorninu. Þess má geta að Sverrir er einn örfárra Íslendinga sem náði punkti gegn Fischer en hann sigraði hann í fjöltefli í Kaupmannahöfn árið 1962.   Skákina má finna í athugasemd með færslunni.  

Ritstjóri Skák.is vottar aðstandendum Sverris samúð sína.  

Meðfylgjandi mynd af Sverri var tekin á öðlingamótinu, sem fram fór í vor, síðasta mótinu sem hann tefldi í.  

Danskir dagar á Boðsmóti TR

Þrír danskir alþjóðlegir meistarar eru í þremur efstur sætum Boðsmóts TR að lokinni fimmtu umferð semf ram fór í dag.  Þeirra efstur er Simon Bekker-Jensen (2392).  FIDE-meistararnir Ingvar Þór Jóhannesson (2344), Björn Þorfinnsson (2417) og Guðmundur Kjartansson (2321) eru í 4.-6. sæti með 3 vinninga.  

Úrslit fimmtu umferðar:

Kjartansson Gudmundur	1 - 0		Nieves Kamalakanta Ivan
Lund Esben	1 - 0	IM	Glud Jakob Vang
Thorsteinsson Bjorn	0 - 1	FM	Thorfinnsson Bjorn
Leosson Torfi	½ - ½		Omarsson Dadi
Bekker-Jensen Simon	1 - 0	FM	Johannesson Ingvar Thor

Staðan:

Rk.		Name	FED	Rtg	Club/City	Pts.	Rp	rtg+/-
1	IM	Bekker-Jensen Simon	DEN	2392		4,5	2630	11,8
2	IM	Lund Esben	DEN	2420		3,5	2476	7,8
3	IM	Glud Jakob Vang	DEN	2456		3,5	2431	0,4
4	FM	Johannesson Ingvar Thor	ISL	2344	Hellir	3,0	2364	2,5
5	FM	Thorfinnsson Bjorn	ISL	2417	Hellir	3,0	2395	-1,6
6	FM	Kjartansson Gudmundur	ISL	2321	TR	3,0	2366	5,4
7		Thorsteinsson Bjorn	ISL	2192	TR	1,5	2114	-8,4
8		Omarsson Dadi	ISL	2027	TR	1,5	2156	7,5
9		Leosson Torfi	ISL	2137	TR	1,0	1996	-13,1
10		Nieves Kamalakanta Ivan	PUR	2225		0,5	1979	-18,5

 

Sjötta umferð fer fram á morgun og hefst kl. 17:30.  Teflt er í húsnæði TR, Faxafeni 12.

 

• Heimasíða TR
• Chess-Results
• Myndaalbúm Boðsmóts TR

 

Danskir meistarar á Ströndum

Þrír danskir alþjóðameistarar mæta til leiks á Minningarmót Páls Gunnarssonar í Djúpavík. Þetta eru þeir Jakob Vang Glud (2456 Elo-stig), Espen Lund (2420) og Simon Bekker-Jensen (2392).

Þeir eru meðal keppenda á alþjóðlegu skákmóti sem Taflfélag Reykjavíkur stendur fyrir, en hlé er gert á mótinu svo danska tríóið geti teflt í Djúpavík.

Alls eru hátt í 50 keppendur búnir að skrá sig. Heimamenn í Árneshreppi tefla fram vaskri sveit á mótinu. Þegar eru skráð til leiks Ingólfur Benediktsson, Róbert Ingólfsson og Númi Ingólfsson frá Melum, Björn Torfason, Árný Björnsdóttir og Kristján Albertsson frá Melum, Guðmundur Þorsteinsson frá Finnbogastöðum og Guðmundur Jónsson frá Stóru-Ávík, og má gera ráð fyrir fleiri skráningum nú á lokasprettinum.

Gott veður á Ströndum um helgina.

Góðu veðri er spáð á Ströndum nú um helgina, sól og hægum vindi. Og það ætti að fara vel um skákmenn í gömlu síldarverksmiðjunni í Djúpavík, þar sem Minningarmót Páls Gunnarssonar verður haldið.

Meðal meistara sem skráðir eru til leiks eru Helgi Ólafsson, Henrik Danielsen, Arnar Gunnarsson, Björn Þorfinnsson og Guðfríður Lilja Grétarsdóttir. 

Mótið er öllum opið, byrjendum jafnt sem meisturum, bændum og borgarbörnum. Enn er hægt að fá gistingu í Norðurfirði, en þar verður einmitt hraðskákmót á sunnudaginn.

Allar upplýsingar er að finna hérna.

Myndin var tekin 17. júní, þegar nýr veitingastaður, Kaffi Norðurfjörður, var vígður með pompi og prakt. Oddný Þórðardóttir, oddviti Árneshrepps, ræðir við Guðmund Þorsteinsson bónda á Finnbogastöðum, sem missti hús sitt og innbú í stórbruna daginn áður.

Guðmundur er einn af betri skákmönnum Árneshrepps, og hefur tekið skaða sínum einsog sönnum skákmanni sæmir: Ekki tjóar að fást um það sem orðið er, heldur þarf að finna besta leikinn í stöðunni -- og tefla svo til sigurs.

Til marks um það blakti islenski fáninn blakti tignarlega við Finnbogastaði á þjóðhátíðardaginn. Enn rauk úr rústum íbúðarhússins en fáninn var til merkis um að endurreisnin á Finnbogastöðum er hafin.

Minnt er á söfnun Félags Árneshreppsbúa til styrktar Guðmundi Þorsteinssyni á Finnbogastöðum. Reikningsnúmer: 1161-26-001050 Kennitala: 4510892509

Heimasíða minningarmótsins

Ingvar, Björn og Guðmundur í 3.-5. sæti

FIDE-meistarnir Ingvar Þór Jóhannesson (2344), Björn Þorfinnsson (2417) og Guðmundur Kjartansson (2321) eru í 3.-5. sæti með 2 vinninga að lokinni þriðju umferð Boðsmóts TR sem fram fór í dag.   

Rétt er að minna á könnun um sigurvegara hér á vinstri hluta síðunnar.   Komið er myndaalbúm frá mótinu.     

 

Úrslit 3. umferðar:
 

IM	Glud Jakob Vang	1 - 0		Nieves Kamalakanta Ivan
FM	Kjartansson Gudmundur	½ - ½	FM	Thorfinnsson Bjorn
IM	Lund Esben	1 - 0		Omarsson Dadi
	Thorsteinsson Bjorn	½ - ½	FM	Johannesson Ingvar Thor
	Leosson Torfi	0 - 1	IM	Bekker-Jensen Simon

Staðan:

 

Rk.		Name	FED	Rtg	Club/City	Pts.	Rp	rtg+/-
1	IM	Bekker-Jensen Simon	DEN	2392		2,5	2523	4,7
2	IM	Glud Jakob Vang	DEN	2456		2,5	2496	2,7
3	FM	Johannesson Ingvar Thor	ISL	2344	Hellir	2,0	2436	5,6
4	FM	Thorfinnsson Bjorn	ISL	2417	Hellir	2,0	2459	2,5
5	FM	Kjartansson Gudmundur	ISL	2321	TR	2,0	2388	4,7
6		Thorsteinsson Bjorn	ISL	2192	TR	1,5	2291	5,7
7	IM	Lund Esben	DEN	2420		1,5	2254	-7,9
8		Leosson Torfi	ISL	2137	TR	0,5	1997	-7,3
		Nieves Kamalakanta Ivan	PUR	2225		0,5	2064	-8,7
10		Omarsson Dadi	ISL	2027	TR	0,0	1722	-5,6

Fjórða umferð hófst núna kl. 17:30.   Teflt er í húsnæði TR, Faxafeni 12.

 

• Heimasíða TR
• Chess-Results
• Myndaalbúm Boðsmóts TR

 

Minningarmót í Djúpuvík hefst á föstudag

Fjölmargir hafa þegar skráð sig til leiks á stórmóti Hróksins í Djúpavík á Ströndum, sem helgað er minningu Páls Gunnarssonar, og fer fram helgina 20.-22. júní. Mótið er öllum opið og eru vegleg verðlaun í mörgum flokkum.

            Tefldar verða 9 umferðir, þrjár föstudagskvöldið 20. júní og sex laugardaginn 21. júní. Umhugsunartími er 20 mínútur fyrir hverja skák. Sunnudaginn 22. júní fer svo fram hraðskákmót í Trékyllisvík.

            Meðal skákmeistara sem þegar hafa skráð sig til leiks eru stórmeistararnir Helgi Ólafsson og Henrik Danielsen, alþjóðlegu meistararnir Stefán Kristjánsson, Arnar Gunnarsson og Guðfríður Lilja Grétarsdóttir og meðal annarra keppenda má nefna Björn Þorfinnsson, Róbert Harðarson, Guðmund Kjartansson, Elvar Guðmundsson, Ingvar Ásbjörnsson og síðast en ekki síst Einar K. Einarsson

            Þá mun vinir og félagar Páls Gunnarssonar úr Hróknum fjölmenna og segir Sigrún Baldvinsdóttir dagskrárstjóri hátíðarinnar að menn hafi boðað komu sína siglandi, fljúgandi, ríðandi og akandi.

            1. verðlaun á minningarmótinu eru 100 þúsund krónur, 2. verðlaun 50 þúsund, 3. verðlaun 30 þúsund, 4. verðlaun 20 þúsund og 5. verðlaun 15 þúsund.

            Þá eru veitt verðlaun fyrir besta frammistöðu Strandamanna, stigalausra skákmanna og skákmanna með minna en 2200 stig. Í hverjum flokki eru 1. verðlaun 15 þúsund, 2. verðlaun 10 þúsund og ný bók í 3. verðlaun.

            Ennfremur eru veitt 15 þúsund króna verðlaun fyrir bestan árangur kvenna, heldri borgara og grunnskólabarna, auk bókavinninga. Fleiri eiga von á glaðningi, en meðal verðlaunagripa verða handunnin listaverk af Ströndum.

            Þá verða vegleg verðlaun á hraðskákmótinu, sem haldið verður í kjölfar atskákmótsins.

            Skákmenn á öllum aldri eru hvattir til að skrá sig sem fyrst til þátttöku hjá Róbert Harðarsyni ([e-mail]) eða hjá Sigrúnu Baldvinsdóttur í ([e-mail], sími 698-7307) og mun hún m.a. hjálpa fólki við að finna gistingu og veita upplýsingar um hátíðina að öðru leyti.

Gistingu er hægt að fá í Hótel Djúpavík og víðar í Árneshreppi, auk þess sem tjaldstæði er í Trékyllisvík og Norðurfirði. Gestir í Árneshreppi, sem er afskekktasta sveit á Íslandi, eiga í vændum að kynnast stórbrotinni náttúru og sögu við ysta haf.

Páll Gunnarsson (1961-2006) tók þátt í stofnun Hróksins 1998 og tefldi flestar skákir allra liðsmanna félagsins á Íslandsmóti skákfélaga. Páll, sem ættaður var af Ströndum, var einn traustasti liðsmaður Hróksins og tók virkan þátt í skáklandnáminu á Grænlandi. Með mótinu vilja vinir hans, félagar og fjölskylda heiðra minningu þessa góða drengs.

Allar nánari upplýsingar má nálgast á vefsíðu mótsins.   

Björn forseti, Ingvar og Guðmundur í 1.-5. sæti á Boðsmóti TR

FIDE-meistararnir Björn Þorfinnsson (2417), Ingvar Þór Jóhannesson (2344) og Guðmundur Kjartansson (2321) eru í 1.-5. sæti ásamt dönsku alþjóðlegu meisturunum Simon Bekker-Jensen og Jakob Vang Glud (2456) með 1,5 vinning að lokinni 2. umferð Boðsmóts TR sem fram fór í kvöld. Ingvar sigraði danska alþjóðlega meistarann Esben Lund (2420).

 

 

Úrslit 2. umferðar:
 

	Nieves Kamalakanta Ivan	½ - ½		Leosson Torfi
IM	Bekker-Jensen Simon	1 - 0		Thorsteinsson Bjorn
FM	Johannesson Ingvar Thor	1 - 0	IM	Lund Esben
	Omarsson Dadi	0 - 1	FM	Kjartansson Gudmundur
FM	Thorfinnsson Bjorn	½ - ½	IM	Glud Jakob Vang

Staðan:

 

Rk.		Name	FED	Rtg	Club/City	Pts.	rtg+/-
1	FM	Thorfinnsson Bjorn	ISL	2417	Hellir	1,5	4,5
	IM	Bekker-Jensen Simon	DEN	2392		1,5	2,8
	FM	Johannesson Ingvar Thor	ISL	2344	Hellir	1,5	8,6
4	IM	Glud Jakob Vang	DEN	2456		1,5	0,6
	FM	Kjartansson Gudmundur	ISL	2321	TR	1,5	2,7
6		Thorsteinsson Bjorn	ISL	2192	TR	1,0	2,7
7	IM	Lund Esben	DEN	2420		0,5	-9,6
8		Leosson Torfi	ISL	2137	TR	0,5	-4,5
		Nieves Kamalakanta Ivan	PUR	2225		0,5	-5,6
10		Omarsson Dadi	ISL	2027	TR	0,0	-3,9

 

Á morgun eru tefdar tvær umferðir.  Sú fyrri hefst kl. 11 og sú síðari kl. 17:30.  Teflt er í húsnæði TR, Faxafeni 12.

 

• Heimasíða TR
• Chess-Results 

 

Birnir byrja býsna vel á Boðsmóti TR

Nafnarnir Björn Þorfinnsson (2417) og Björn Þorsteinsson (2192) byrja vel á alþjóðlegu Boðsmóti TR, sem hófst í kvöld.  Sá yngri (Þorfinnsson) sigraði Ivan Nieves Kamalakanta (2225) og sá eldri (Þorsteinsson) lagði Torfa Leósson að velli.

 

 

Úrslit fyrstu umferðar:
 

FM	Thorfinnsson Bjorn	1 - 0		Nieves Kamalakanta Ivan
IM	Glud Jakob Vang	1 - 0		Omarsson Dadi
FM	Kjartansson Gudmundur	½ - ½	FM	Johannesson Ingvar Thor
IM	Lund Esben	½ - ½	IM	Bekker-Jensen Simon
	Thorsteinsson Bjorn	1 - 0		Leosson Torfi

 

Önnur umferð fer fram á morgun og hefst kl. 17:30.  Teflt er í húsnæði TR, Faxafeni 12.

 

• Heimasíða TR
• Chess-Results 

 

Carlsen með 2 vinninga forskot - vantar aðeins 3 stig í toppsæti stigalistans

Norski undradrengurinn Magnus Carlsen (2765) hélt áfram ótrúlegri sigurgöngu sinni í sjöundu umferð Aerosvits-mótsins sem fram fór í Úkraínu í dag.  Fórnarlamb dagsins var rúmenski stórmeistarinn Liviu-Dieter Nisipeanu (2684).  Carlsen hefur 6 vinninga og tveggja vinninga forskot á Úkraínumennina Sergey Karjakin (2732), Andrei Volokitin (2684) og Pavel Eljanov (2687).  Carlsen vantar nú aðeins um 3 stig til viðbótar til að ná efsta sæti skákstigalistans af Anand.  

Úrslit sjöundu umferðar:

Jakovenko, Dmitry	1 - 0	Van Wely, Loek
Onischuk, Alexander	0 - 1	Eljanov, Pavel
Nisipeanu, Liviu-Dieter	0 - 1	Carlsen, Magnus
Alekseev, Evgeny	½ - ½	Shirov, Alexei
Volokitin, Andrei	½ - ½	Svidler, Peter
Karjakin, Sergey	½ - ½	Ivanchuk, Vassily

Staðan:

1. Magnus Carlsen 2765  6 v.
2.-4.Sergey Karjakin 2732, Andrei Volokitin 2684 Pavel Eljanov 2687 4 v.
5.-8. Alexei Shirov 2740, Dmitry Jakovenko 2711, L, Peter Svidler 2746 og Vassily Ivanchuk 2740 3½ v.
9-10. Liviu-Dieter Nisipeanu 2684 og Evgeny Alekseev 2711 2½ v.
11-12. Alexander Onischuk 2664 og Loek Van Wely 2676 2 v.

Aerosvit-mótið 

Þorsteinn í Taflfélag Vestmannaeyja

FIDE-meistarinn Þorsteinn Þorsteinsson (2290) hefur ásamt syni Aroni Ellerti gengið til liðs við Taflfélag Vestmannaeyja. 

Þorsteinn hefur lengst af verið í herbúðum Taflfélags Reykjavíkur.