Sverrir Norðfjörð látinn

Skákmeistarinn Sverrir Norðfjörð er látinn en hann lést á 67 ára afmælisdag sinn, þjóðhátíðardaginn 17. júní.

Sverrir hefur verið þekktur sem ákaflega litríkur skákmaður og minnast hans margir skákmenn fyrir fjörlegar skákir hans.   

Meðal annars má lesa minningar skákmanna um hann í þræði á Skákhorninu. Þess má geta að Sverrir er einn örfárra Íslendinga sem náði punkti gegn Fischer en hann sigraði hann í fjöltefli í Kaupmannahöfn árið 1962.   Skákina má finna í athugasemd með færslunni.  

Ritstjóri Skák.is vottar aðstandendum Sverris samúð sína.  

Meðfylgjandi mynd af Sverri var tekin á öðlingamótinu, sem fram fór í vor, síðasta mótinu sem hann tefldi í.  

Athugasemdir

[Skák.is, 19.6.2008 kl. 21:15]

Þetta er rétt.  Sverrir vann víst Fischer og hef ég leiðrétt fréttina! 

Kveðja,
Gunnar

[Skák.is, 19.6.2008 kl. 21:18]

Hér er grein úr Morgunablaðinu frá 14. maí 1996:

Bobby Fischer lagður

Leynigesturinn á skemmtikvöldi skákáhugamanna á föstudagskvöldið reyndist vera Sverrir Norðfjörð, arkitekt. Hann sigraði Fischer í fjöltefli í Kaupmannahöfn árið 1962. Fischer var þá á heimleið frá millisvæðamótinu í Stokkhólmi þar sem hann sigraði með yfirburðum. Hann mætti 41 skákmanni í fjölteflinu, vann 27 skákir, gerði sjö jafntefli og tapaði sjö. Í miðri keppninni kvartaði Fischer sáran undan miklum styrkleika andstæðinganna, auk þess sem þeir þægju ráð frá fjölmörgum áhorfendum og færðu til mennina á borðinu.

Hvítt: Bobby Fischer

Svart: Sverrir Norðfjörð

Kóngsindversk árás

1. Rf3 ­ Rf6 2. g3 ­ b6 3. Bg2 ­ Bb7 4. 0-0 e6 5. d3 ­ c5 6. e4 ­ d6 7. Rbd2 ­ Be7 8. De2 ­ 0-0 9. c3 ­ Rc6 10. a3 ­ Dc7 11. b4 ­ Had8 12. Bb2 ­ Rd7 13. Rc4 ­ Hfe8 14. b5 ­ Rce5 15. Re3 ­ d5 16. Rd2 ­ Rf6 17. f4 ­ Rg6 18. e5 ­ Rd7 19. d4 ­ Rdf8 20. a4 ­ h6 21. Hac1 ­ c4 22. Dh5 ­ Hd7

Svartur er orðinn mótspilslaus með öllu og Fischer hefur nú nægan tíma til að undirbúa öfluga sókn á kóngsvæng. En hann reynir að knýja fram sigur strax og yfirsést honum snjallir mótleikir Sverris.

23. f5? ­ Bg5 24. De2?



STÖÐUMYND



24. ­ Rxe5!

Þessi þvingaða mannsfórn tryggir svarti vinningsstöðu og eftir að e-línan opnast er hvítur alveg varnarlaus.

25. dxe5 ­ Dxe5 26. Hf3 ­ exf5 27. Rdf1 ­ d4! 28. cxd4 ­ Bxf3 29. Dxf3 ­ Bxe3+ 30. Rxe3 ­ Dxe3+ 31. Dxe3 ­ Hxe3 32. Hxc4 ­ Hb3 33. Hc2 Re6 34. d5 ­ Rc5 35. Bd4 ­ Re4 og Fischer gafst upp.

[Sigurður Daði Sigfússon (IP-tala skráð) 19.6.2008 kl. 22:06]

Votta aðstandendum Sverris samúð mína.  Frábær náungi og eins og allir sem hafa minnst hans hér og á Skákhorninu þá er mér einna minnistæðast hvað hann var alltaf í góðu skapi og hafði gaman að taflmennskunni.  Mikill öðlingur sem verður sárt saknað.