Björn og Kamalakanta mætast í fyrstu umferð

Í kvöld var dregið um töfluröð Boðsmóts Taflfélags Reykjavíkur sem hefst á sunnudag.  

Hún er sem hér segir:

SNo.		Name	Rtg	FED	1	2	3	4	5	6	7	8	9	10	SB.	Rank
1	FM	Thorfinnsson Bjorn	2417	ISL	*										0,00	1
2	IM	Glud Jakob Vang	2456	DEN		*									0,00	2
3	FM	Kjartansson Gudmundur	2321	ISL			*								0,00	3
4	IM	Lund Esben	2420	DEN				*							0,00	4
5		Thorsteinsson Bjorn	2192	ISL					*						0,00	5
6		Leosson Torfi	2137	ISL						*					0,00	6
7	IM	Bekker-Jensen Simon	2391	DEN							*				0,00	7
8	FM	Johannesson Ingvar Thor	2344	ISL								*			0,00	8
9		Omarsson Dadi	2027	ISL									*		0,00	9
10		Nieves Kamalakanta Ivan	2225	PUR										*	0,00	10

• Heimasíða TR
• Chess-Results

Enginn venjuleg verðlaun á Djúpuvík

Til mikils er að vinna á Minningarmóti Páls Gunnarssonar í Djúpavík. Sigurvegarinn fær 100 þúsund krónur og glæsilega skál úr smiðju listamannsins Valgeirs Benediktssonar í Árnesi.

Valgeir hefur á síðustu árum byggt upp Minja- og handverkshúsið Kört í Trékyllisvík, en það er einstaklega skemmtilegt safn um liðna tíð í Árneshreppi. Þar er einnig hægt að kaupa handverk hreppsbúa, allt frá listilega prjónuðum smábarnahosum til smíðisgripa úr rekaviði.

Ferð í Kört er ómissandi fyrir þá sem koma í Árneshrepp.

Á myndinni er Valgeir Benediktsson með skálina góðu.

Alþjóðlegt Boðsmót TR hefst 15. júní

Boðsmót TR verður alþjóðlegt mót annað árið í röð. Mótið er haldið til þess að færa ungum Íslendingum meiri reynslu og gefa þeim jafnframt  kost á að reyna við áfanga að alþjóðlegum meistaratitli.

 

Breytt dagskrá:

• 1.umferð Sunnudagur 15. júní kl.19.00
• 2. umferð mánudagur 16. júní kl.17.30
• 3. umferð þriðjudagur 17. júní kl.11.00
• 4. umferð þriðjudagur 17. júní kl.17.30
• 5. umferð miðvikudagur 18. júní kl.17.30
• 6. umferð fimmtudagur 19. júní kl.17.30
• föstudagur 20. júní – frí
• laugardagur 21. júní – frí
• 7. umferð sunnudagur 22. júní kl.19.00
• 8. umferð mánudagur 23. júní kl.17.30
• 9. umferð þriðjudagur 24. júní kl.17.30

 

Tíu keppendur eru skráðir til leiks og verða tefldar níu umferðir. Sex og hálfan vinning þarf til að ná áfanga að alþjóðlegum meistaratitli.

 

Umhugsunartími: 90 mín. og 30 sek. á leik.  Við 40. leik bætast við 15 mín.

Hér að neðan er keppendalistinn ásamt FIDE- stigum keppenda:

 

• IM Jakob Vang Glud  (Danmörk)       2456
• IM Espen Lund (Danmörk)                2420
• FM Björn Þorfinnsson                        2417
• IM Simon Bekker- Jensen (Dan.)    2392
• FM Ingvar Þór Jóhannesson               2344
• FM Guðmundur Kjartansson              2321
• Kamalakanta Nieves (Puerto Rico)     2225
• Björn Þorsteinsson                              2192
• Torfi Leósson                                      2137
• Daði Ómarsson                                   2027 

Teflt verður í salarkynnum Taflfélags Reykjavíkur í Skákhöllinni Faxafeni.

Taflmennskan hefst í öllum umferðum kl. 17:30.

Aðgangur að mótinu er ókeypis og veitingasalan verður opin.

Skákstjóri er Ólafur S. Ásgrímsson alþjóðlegur skákdómari.

Skákbúðir í Reykjavík og á Laugarvatni 12. - 16. júní 2008

Dagana 12. - 16. júní nk. standa Skákskóli Íslands og Skáksambandið fyrir skákbúðum. 

Umsjón með skipulagi og dagskrá skákbúða hefur Guðrún Sóley Guðjónsdóttir [e-mail]; [e-mail]   Umsjón með kennslu hefur Helgi Ólafsson skólastjóri.

Kennarar eru:  Helgi Ólafsson, Þröstur Þórhallsson, Lenka Ptácníková, Bragi Kristjánsson og Gunnar Eyjólfsson sem kennir Qi gong.  Kennt verður í hópum eftir aldri og styrkleika. 

Þátttakendur eru 27 ungmenni frá Reykjavík, Akureyri, Borgarfirði, Laugarvatni og Vestmannaeyjum, fædd 1989 - 1997.  Námskeiðið er fullt og skráningu lokið.

Hér má sjá dagskrá skákbúða:

 

12. júní (fimmtudagur) Skákskóli Íslands, Faxafeni

10:00 - 12:00 Opnun, skipt í hópa, skákkennsla

12:00 Hádegisverður

13:00 - 16:00 Skákkennsla

Sund í Laugardal (frjálst)

Bíó kl. 20

13. júní (föstudagur)

10:00 Mæting við Skákskólann  - rúta að Laugarvatni

12:00 Matur/grill / íþróttir

13:15 - 16:00 Skákkennsla

Hressing

16:00  Íþróttahús / fótbolti / göngutúr

17:00 - 19:00 Skákkennsla

19:00 Kvöldverður

20:00 Fjöltefli - "Pragtelagssjak"

Hressing

 

14. júní (laugardagur)

8:30 Morgunverður

9:00 - 12:00 Skákkennsla

12:00 Hádegisverður

Kl. 13:00 - 15:30 Qi Gong - Gunnar Eyjólfsson

Hressing

16:00 - 17:30 Skákkennsla

17:30 Íþróttir /göngutúr/

18:00 Ratleikur

19:00 Kvöldverður

20:00 Fjöltefli eða hraðskákmót

Eftir lokun sundlaugar, sundlaugadiskó

Hressing

15. júní (Sunnudagur)

8:30 Morgunverður

9:00 - 10:30 Skákkennsla

Íþróttir /göngutúr

11:15 - 12:20 Skákkennsla

12:30 Pizza / íþróttir / göngutúr

14:00 Hraðskákmót með þátttöku heimamanna í tilefni 100 ára afmælis UMFL

Verðlaunaafhending

Hressing

17:00 Bátar

19:00 Kvöldverður

20:00 Kvöldvaka

Frjáls tími/ íþróttir / video

Hressing

 

16. júní (mánudagur)

8:30 Pakkað niður/ Morgunmatur

9:00 - 10:00 Skákkennsla

10:00 Íþróttir

10:30 Skákmót

12:00 Verðlaunaafhending 

Hádegisverður

Heimferð

Jón L. skákmeistari Kaupþings

Glæsilegt skákþing Kaupþings var haldið á dögunum. Fjölmargir þátttakendur voru mættir til leiks, og mátti meðal annars sjá glitta í fyrrverandi heimsmeistara. Ekkert skal fullyrt um það hér, en óvíst verður að telja að annað eins úrval skákmanna finnist í nokkru öðru fyrirtæki innan landhelgi.

Tefldar voru atskákir, 7 mín. Menn létu hendur skipta hratt og örugglega og skemmst er frá því að segja að hinn hægláti og prúði viðskiptastjóri í Einkabankaþjónustunni, Jón L. Árnason bar sigur úr býtum. Verður ekki sagt að sigur hans hafi komið á óvart, enda er hann einn fimm heimsmeistara sem Íslendingar hafa eignast. Hann var heimsmeistari sveina 1977 og er fyrsti íslenski heimsmeistarinn samkvæmt upplýsingum á vef Skáksambands Íslands. Í öðru sæti var undrabarnið Arnaldur Loftsson framkvæmdastjóri Frjálsa og þriðji hinn geðþekki Þröstur Árnason bílstjóri.

Myndaalbúm mótsins 

Björn Ívar í TV

Björn Ívar Karlsson (2200) er genginn í raðir Taflfélags Vestmannaeyja eftir eins árs dvöl í Skákfélagi Akureyrar.

 

FEB: Reykvíkingar lögðu Akureyringa

Um helgina lauk vetrarstarfi skákdeildarinnar með keppni við skákfélag eldri borgara frá Akureyri.  Ellefu manna hópur kom að norðan.  Á laugardag var keppt í atskák í 2 riðlum. Heimamenn sigruðu í báðum riðlum.

• A riðill Reykjavík 25,5 v Akureyri 10,5 v 
• B riðill Reykjavík 17 v Akureyri 13 v.

Á sunnudag var keppt í hraðskák þar sigruðu Reykvíkingar einnig, fengu 75 vinninga gegn 46 vinningum Akureyringa.

Björn Þorsteinsson stóð sig best allra ,hann vann allar sínar skákir .

Nánari árangur einstaklinga í hraðskákkeppninni: 

• 1          Björn Þorsteinsson          R     11 vinningar
• 2          Magnús Sólmundarson  R     1o,5
• 3          Gunnar Gunnarsson       R       9
• 4-5      Sigurður Daníelsson       A       8,5
•              Jóhann Ö Sigurjónsson R       8,5
• 6          Þór Valtýsson                   A       8
• 7-8      Kári Sólmundarson         R       6,5
•              Grétar Áss Sigurðsson   R       6,5
•   9         Björn V Þórðarson          R       6
• 10-11  Haki Jóhannesson         A       5,5
•               Ari Friðfinnsson              A       5,5
• 12-13  Jón Víglundsson            R       5
•               Þorsteinn Guðlaugsson R     5
• 14-15  Sveinbjörn Sigurðsson   A     4
•               Páll G Jónsson                R     4
• 16-17  Hjörleifur Halldórsson    A     3,5
•               Atli Benediktsson            A     3,5
• 18        Grímur Ársælsson           R     3
• 19        Haukur Jónsson              A     2,5
• 20        Karl Steingrímsson         A     2
• 21-22  Bragi Pálmason              A     1,5
•               Haraldur ólafsson          A     1,5

Mót til heiðurs Lilju á morgun í Vin

Fyrir utan félaga í Skákfélagi Vinjar hafa nokkrir sterkir skákmenn og - konur boðað komu sína í Vin, Hverfisgötu 47, í dag, mánudag 9. júní kl. 13:00 á mót til heiðurs Guðfríði Lilju Grétarsdóttur sem nýlega hefur látið af störfum sem forseti Skáksambands Íslands. 

Má þar nefna: Omar Salama, Lenku  Ptácníková, Jöhönnu Björgu Jóhannsdóttur, Pétur Atla Lárusson og svo mætir Íslandsmeistaralið Rimaskóla í rífandi formi. Nýkjörinn forseti Skáksambandsins, Björn Þorfinnsson og mótframbjóðandinn Óttar Felix Hauksson mæta einnig en vinningar eru einmitt bækur um - eða eftir - Guðfríði, Lilju, Björn, Óttar og Felix, sem þeir heiðursfeðgar Bragi Kristjónsson og Ari Gísli Bragason hafa tekið til. Munu þeir sjá um verðlaunaafhendingu og fá allir þátttakendur glaðning.

Veglegir happadrættisvinningar verða einnig, m.a. skákborð áritað af sjálfum Garry Kasparov, þar sem eðalskákkallar fylgja með.  

Tefldar verða fimm umferðir eftir Monradkerfi og er umhugsunartími 7 mínútur.

Skákstjórar eru þeir Robert Lagerman og Hrannar Jónsson. 

Allir eru velkomnir til leiks en þátttaka kostar ekkert (og er kaffihlaðborð  a la Vin, sem aldrei hefur brugðist, innifalið)!  

Vin er athvarf Rauða kross Íslands fyrir fólk með geðraskanir og er að Hverfisgötu 47 í Reykjavík. Hrókurinn hefur staðið fyrir æfingum á mánudögum í u.þ.b. fimm ár og Skákfélag Vinjar er aðili að Skáksambandi Íslands. Síminn i Vin er 561-2612

Blindur grænlenskur skákmaður með í Djúpuvík - síðustu forvöð að skrá sig

Sextán ára gamall grænlenskur piltur, Paulus Napatoq, sem verið hefur blindur fá fæðingu verður meðal keppenda á Minningarmóti Páls Gunnarssonar í Djúpavík 20. og 21. júní.

Paulus kemur alla leið frá þorpinu Ittoqqortoormiit, en engin byggð er norðar á austurströnd Grænlands. Þangað hafa liðsmenn Hróksins farið síðustu 2 árin, og það var í fyrra sem Paulus lærði mannganginn á undraskömmum tíma. Við það tækifæri var Paulus gerður að heiðursfélaga í Hróknum.

Þegar Hróksmenn voru aftur á ferð í Ittoqqortoormiit um páskana sigraði Paulus á skákmóti, þar sem keppendur voru 70, og sýndi að hann er engum líkur.

Hann fer líka létt með að aka hundasleða og fer allra sinna ferða í þessu litla þorpi, þar sem 700 kílómetrar eru í næstu byggð.

Smellið hér til að lesa meira um ferðir Hróksins í nyrstu byggðum Grænlands.

Mikill áhugi hefur verið á mótinu.  Allt gistirými í Hótel Djúpavík er nú bókað, sömuleiðis allt svefnpokapláss í Finnbogastaðaskóla, en nóg pláss er á tjaldstæðum. Örfá önnur gistirými eru eftir í hreppnum.

Keppendur ættu að skrá sig sem allra fyrst, því búast má við að loka þurfi skráningu á næstu dögum!

Mót til heiðurs Guðfríði Lilju á mánudag

Mánudaginn 9. júní, klukkan 13:00 halda Skákfélag Vinjar og Hrókurinn stórmót til heiðurs Guðfríði Lilju Grétarsdóttur sem nýlega hefur látið af störfum sem forseti Skáksambands Íslands. 

Mótið verður haldið í Vin, Hverfisgötu 47 og tefldar verða fimm umferðir eftir Monrad kerfi þar sem umhugsunartími er 7 mínútur.

Þeir heiðursfeðgar, Bragi Kristjónsson og Ari Gísli Bragason í Bókinni ehf, hafa tekið saman vinninga, sem eru bækur um - eða eftir - Guðfríði, Lilju, Björn, Óttar og Felix, en þeir Björn Þorfinnsson og Óttar Felix buðu sig einmitt fram til forseta fyrir síðasta aðalfund Skáksambandsins. Bragi deilir út vinningum af alkunnri snilld.

Veglegir happadrættisvinningar verða einnig, m.a. skákborð áritað af sjálfum Garry Kasparov, þar sem eðalskákkallar fylgja með. 

Skákstjórar eru þeir Robert Lagerman og Hrannar Jónsson. 

Að móti loknu verður boðið upp á kaffihlaðborð  a la Vin, sem aldrei hefur brugðist. 

Vin er athvarf Rauða kross Íslands fyrir fólk með geðraskanir og er að Hverfisgötu 47 í Reykjavík. Hrókurinn hefur staðið fyrir æfingum á mánudögum í u.þ.b. fimm ár og Skákfélag Vinjar er aðili að Skáksambandi Íslands. Síminn i Vin er 561-2612