Skákmót öðlinga hefst 23. mars

Skákmót öðlinga 40 ára og eldri hefst miðvikudaginn 23. mars kl. 19.30 í félagsheimili T.R. að Faxafeni 12.  Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina + 30 sekúndna viðbótartími á hvern leik.

Núverandi öðlingameistari er Bragi Halldórsson.

Dagskrá:

• 1. umferð miðvikudag 23. mars kl. 19.30
• 2. umferð miðvikudag 30. mars kl. 19.30
• 3. umferð miðvikudag 6. apríl kl. 19.30
• 4. umferð miðvikudag 13. apríl kl. 19.30
• 5. umferð miðvikudag 27. apríl kl. 19.30
• 6. umferð miðvikudag 4. maí kl. 19.30
• 7. umferð miðvikudag 11. maí kl. 19.30

Mótinu lýkur miðvikudaginn 18. maí kl. 19:30 með hraðskákmóti og verðlaunaafhendingu.  Keppt er um veglegan farandbikar,en auk hans eru verðlaun fyrir þrjú efstu sætin, bæði í aðalmótinu og hraðskákmótinu.

Þátttökugjald er kr. 4.000 fyrir aðalmótið og kr 500 fyrir hraðskákmótið.  Innifalið er frítt kaffi allt mótið ásamt rjómavöfflum og öðru góðgæti á lokakvöldi.

Úrslit í Deloitte Reykjavík Barna Blitz fara fram í dag

Í úrslitunum keppa átta ungir skákmenn sem ýmist unnu sér rétt til þátttöku á æfingum taflfélaganna í borginni eða hlutu boðssæti.

Keppendalistinn liggur fyrir og er þannig:

• Oliver Aron Jóhannesson Fjölni
• Jóhann Arnar Finnsson Fjölni
• Nansý Davíðsdóttir Fjölni
• Gauti Páll Jónsson TR
• Veronika Steinunn Magnúsdóttir TR
• Vignir Vatnar Stefánsson TR
• Dawid Kolka Helli
• Heimir Páll Ragnarsson Helli

Tefldar verða hraðskákir og teflt verður eftir útsláttarfyrirkomulagi.

Skákirnar verða sýndar á sýningartjaldi og hefjast átta manna úrslit 14:30.

Úrslitaeinvígið fer svo fram rétt fyrir 6. umferð Reykjavíkurskákmótsins.

 

Fimm erlendir stórmeistarar efstir á MP Reykjavíkurskákmótinu

Ýmislegt óvænt hefur gerst á MP Reykjavíkurskákmótinu og erlendir skákmenn raða sér í efstu sætin að lokinni fimmtu umferð sem fram fór í kvöld.  Og efstir Íslendinga eru nöfn sem er ekki venjuleg á þeim lista en með 3,5 vinning auk stórmeistarans Henriks Danielsen, sem ekki kemur óvart að sjá þarna, eru þeir Jón Árni Halldórsson og Bjarni Sæmundsson. 

Árangur þess síðarnefnda var einkar eftirtekarverður í dag en fórnarlömb hans í dag voru sterkir íslenskir skákmenn þeir Róbert Lagerman og Dagur Arngrímsson.  Sjötta umferð fer fram á morgun og hefst kl. 16:30.    Jón L. Árnason verður með skákskýringar sem hefjast upp úr kl. 18.    

Þeir sem eru efstir með 4,5 vinning eru stórmeistararnir Luke McShane, Englandi, Yuriy Kuzubov, Úkraínu, sem sigraði landa sinn Ilya Nyzhnik, Kamil Miton, Póllandi, Grikkinn Stelios Halkia, og Kaninn Robert Hess.  

Mótið er jafnframt Norðurlandamót í skák bæði í opnum flokki og kvennaflokki. Tiger Hillarp Persson (Svíþjóð), Jon Ludvig Hammer (Noregi) og Sune Berg Hansen (Danmörku)  eru efstir í opnum flokki með 4 vinninga en Emilia Horn og Christin Andersson (Svíþjóð), Sheila Barth Sahl (Noregi) og Oksana Vovk (Danmörku) eru efstar í kvennaflokki með 3 vinninga.   

Pörun sjöttu umferðar liggur fyrir og er aðgengileg á Chess-Results.  Þá mætast m.a.:

• Hess - McShane
• Kuzubov - Miton
• Gustafsson - Halkias
• Henrik - Milliet
• Jón Árni - Grover
• Bjarni - Hannes Hlífar

. Helstu tenglar

• Heimasíða mótsins
• Chess-Results
• Beinar útsendingar
• Myndaalbúm mótsins
• Bloggsíða Jan Gustafsson
• Chessbomb (beinar útsendingar með tölvuskýringum)

 

Hið árlega Skák-PubQuiz fer fram í kvöld, laugardagskvöld.

Hið árlega Skák-PubQuiz fer fram í kvöld, laugardagskvöld.  Spurningakeppnin er sem fyrr skipulögð af Skákakademíu Reykjavíkur, í nánu samstarfi við spurningahöfundinn Sigurbjörn Björnsson.

Keppnin fer fram á Hressingarskálanum - nánar tiltekið á dansgólfinu - og hefst klukkan 22:00.

Tveir og tveir saman í liði og 30 spurningar. Það þarf ekki að skrá sig en keppendur minntir á að mæta með penna.

 

Vin Open á mánudag

Í samstarfi við Skákakademíu Reykjavíkur, heldur Skákfélag Vinjar hið árlega Vin - Open, mánudaginn 14. mars klukkan 13:00. Vin er að Hverfisgötu 47 í Reykjavík.

Mótið er einn hliðarviðburða MP Reykjavíkurmótsins og þátttakendur þaðan hafa fjölmennt í Vin undanfarin ár og gefið mótinu skemmtilegan lit.

Tefldar verða sex umferðir og mótið verður búið fyrir klukkan 15, jafnvel þó kaffihlé verði gert til að bústa upp orkuna.

Auk verðlaunapeninga eru bókaverðlaun fyrir þrjú efstu sætin auk sérstakra aukaverðlauna fyrir:

• Efsta þátttakandann 60 ára og eldri.
• Efsta þátttakandann fæddan 1993 og yngri
• Efst kvenna

 

Skákstjórn, dómgæsla  og utanumhald er í höndum Róberts Lagerman.

 

Allir velkomnir og kostar ekkert,  en endilega að mæta tímanlega svo mótið geti hafist klukkan 13:02!

Umfjöllun um MP Reykjavíkurskákmótið á erlendum skáksíðum

Fjallað er um MP Reykjavíkurskákmótið á ýmsum erlendum skáksíðum.  Þær helstu má finna í neðangreindum vefsíðum:

• ChessBase (ensk útgáfa)
• ChessBase (þýska útgáfa)
• Vefsíða Susan Polgar
• Vefsíða Yelena Dembo

EM öldungasveita 2011

Það er áhugi fyrir því meðal eldri skákmanna að senda íslenskt lið á EM öldungasveita sem fram fer í Þessalóníku í Grikklandi í maí.   Þegar hafa fjórir skákmenn meldað en einn vantar til viðbótar.  Skák.is hefur fengið póst frá Gunnari Finnlaugssyni, þar sem hann hvetur áhugasama að hafa samband við sig.   

Þeir sem hafa skráð sig þegar til leiks eru: Arnþór Sævar Einarsson, Gunnar Finnlaugsson, Gunnar Gunnarsson og Magnús Gunnarsson.

Gunnar segir:

Mótið mun að þessu sinn fara fram 3. til 11. maí næstkomandi í nágrenni Thessaloniki í Grikklandi.

Þeir skákmenn sem náð hafa 60 ára aldri 1. janúar 2011 hafa þátttökurétt. Fyrir skákkonur gildir 50 ár.

Á slóðinni http://gamesfestival.chessdom.com/european-senior-teams-championship-2011 má finna allar upplýsingar um mótið.

Þeir sem hafa áhuga á þátttöku eru beðnir að hafa samband sem fyrst við undirritaðan á [e-mail]. Tilkynna þarf þátttöku sveitarinnar/sveitanna um miðjan mars. Íslandsmeistarinn frá 1966.  Þátttakendur þurfa að reikna með að borga stóran hluta ferðakostnaðar úr eigin vasa. Skáksambandið og Skákdeild KR styrkti ferðina til Dresden.

Búast má við góðu veðri og skemmtilegri keppni!

 

Elsa María sigraði á fimmtudagsmóti

Vegna Reykjavíkurskákmótsins voru þátttakendur á fimmtudagsmótinu 10. mars færri en venjulega eða aðeins 8. En Elsa María Kristínardóttir, sem teflir í Reykjavíkurskákmótinu, kom við í Faxafeninu á heimleið eftir skákina í Ráðhúsinu, tók þátt í fimmtudagsmótinu og gerði sér lítið fyrir og fékk 7 vinn. af 7 mögulegum. Hún var búin að tryggja sér sigurinn fyrir síðustu umferðina.

 

Lokastaðan:

1.       Elsa María Kristínardóttir 7 v.

2.-3. Gauti Páll Jónsson    5 v.

2.-3. Helgi Heiðar Stefánsson 5 v.

4.-5. Guðmundur Gunnlaugsson 3 v.

4.-5. Andrés Sigurðsson  3 v.

6.    Atli Andrésson  2,5 v.

7.    Björgvin Kristbergsson 2 v.

8.    Veronika Steinunn Magnúsdóttir 0,5 v.   

MP Reykjavíkurskákmótið: Pörun 3. umferðar

Alls eru 32 skákmenn efstir með fullt hús eftir 2. umferð MP Reykjavíkurmótsins sem fram fór í kvöld.  Þar á meðal eru fjórir íslenskir skákmenn; Jón Viktor Gunnarsson (2428), Henrik Danielsen (2533), Bragi Þorfinnsson (2417) og Þröstur Þórhallsson (2387).   Þriðja umferð fer fram á morgun og hefst kl. 16:30. Pörun 3. umferðar má finna á Chess-Results.  Jóhann Hjartarson verður með skákskýringar sem hefjast uppúr kl. 18.

Í 3. umferð mætast m.a.:

• Hammer - Berbatov
• Jón Viktor - Baklan
• Bragi - Gupta
• Hess - Þröstur
• Thomassen - Henrik

Helstu tenglar

• Heimasíða mótsins
• Chess-Results
• Beinar útsendingar
• Myndaalbúm mótsins
• Bloggsíða Jan Gustafsson
• Chessbomb (beinar útsendingar með tölvuskýringum)

 

MP Reykjavíkurskákmótið: Þröstur vann Gustafsson

Flestum skákum 2. umferðar MP Reykjavíkurskákmótsins er lokið.  Þröstur Þórhallsson (2387) gerði sér lítið fyrir og lagði þriðja stigahæsta keppenda mótsins, þýska stórmeistarann Jan Gustafsson (2647).  Þröstur naut þar aðstoðar Ólafs Haraldssonar, framkvæmdastjóra viðskiptabankasviðs MP banka, sem lék fyrir hann fyrsta leikinn!  Stórmeistarinn Henrik Danielsen (2533) og alþjóðlegu meistararnir Jón Viktor Gunnarsson (2428) og Bragi Þorfinnsson (2417) hafa 2 vinninga eins og Þröstur. 

Hannesi Hlífar Stefánssyni (2557) gekk ekki jafnvel og í fyrstu umferð og tapaði fyrir hvít-rússnesku skákkonunni Önnu Sharevich (2323).  

Ýmsir íslensku skákmannanna náðu góðum úrslitum.  Alþjóðlegi meistarinn Guðmundur Kjartansson (2327) gerði jafntefli við enska stórmeistarann Gawain Jones (2578), nafni hans Gíslason (2291) gerði jafntefli við indversku skákdrottninguna Harika Dronavalli (2524) og Áskell Örn Kárason (2258) gerði jafntefli litháíska stórmeistarann Aloyzas Kveinys (2506). 

Umferðinni lýkur um 22.  

Helstu tenglar

• Heimasíða mótsins
• Chess-Results
• Beinar útsendingar
• Myndaalbúm mótsins
• Bloggsíða Jan Gustafsson
• Chessbomb (beinar útsendingar með tölvuskýringum)