Önnur umferð MP Reykjavíkurmótsins hefst kl. 16:30 í Ráðhúsinu

Önnur umferð MP Reykjavíkurmótsins fer fram í dag og hefst kl. 16:30 og þá verða margar hörkuviðureignir.   Helgi Ólafsson verður með skákskýringar sem hefjast uppúr kl.  18.

Í 2. umferð mætast m.a.:

• Þröstur - Gustafsson
• Dagur - Hammer
• Hansen - Ingvar Þór
• Jones - Guðmundur Kja
• Sharevich - Hannes
• Henrik - Kovachev

Helstu tenglar

• Heimasíða mótsins
• Chess-Results
• Beinar útsendingar
• Myndaalbúm mótsins
• Bloggsíða Jan Gustafsson
• Chessbomb (beinar útsendingar með tölvuskýringum)

 

Íslandsmót grunnskólasveita

Íslandsmót grunnskólasveita 2011 fer fram í húsnæði Taflfélags Reykjavíkur Faxafeni 12, Reykjavík dagana  19. og 20. mars nk.  Tefldar verða 9 umferðir eftir Monradkerfi - umhugsunartími 20 mín. á skák fyrir hvern keppenda.

Hver skóli getur sent fleiri en eina sveit - en hver sveit er skipuð fjórum nemendum 1. - 10. bekkjar grunnskóla (auk varamanna).  Keppendur skulu vera fæddir 1995 eða síðar.

 

Dagskrá:                    

• Laugardagur 19. mars kl. 13.00 1., 2., 3., 4. og 5. umf.
• Sunnudagur 20. mars kl. 11.00 6., 7., 8. og 9. umf.

Sigurvegari mótsins hlýtur rétt til þátttöku á Norðurlandamóti grunnskólasveita sem fram fer á Íslandi í september næstkomandi.  

Skráning fer fram hjá Skáksambandi Íslands í síma 568 9141 virka daga kl. 10-13 og í tölvupósti [e-mail].   Skráningu skal lokið í síðasta lagi 17. mars.

Ath.:  Áríðandi er að sveitirnar séu skráðar fyrirfram.

Fimmtudagsmót hjá TR í kvöld

Fimmtudagsmót T.R. fer að venju fram í kvöld og hefst kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

• Fimmtudagsmótin

MP Reykjavíkurskákmótið hófst í dag - Hannes Hlífar vann í 10 leikjum!

MP Reykjavíkurskákmótið hófst í dag í Ráðhúsi Reykjavíkur.  166 skákmenn taka þátt frá 30 löndum og þar af eru 29 sem bera stórmeistaratign.  Úrslitin í dag hafa almennt eftir bókinni það er hinir stigahærri unnu hina stigalægri enda styrkleikamunurinn mikill í fyrstu umferð.   Af hinum 166 keppendum eru 67 íslenskir og 99 erlendir.   Sigurvegari síðustu 3ja Reykjavíkurskákmóta, Hannes Hlífar Stefánsson, byrjaði vel og vann sína skák í aðeins 10 leikjum!

Mótið í ár er margþætt en það er jafnframt minningarmót um Inga R. Jóhannsson, skákmeistara, auk þess að vera bæði Norðurlandamót í opnum flokki sem og kvennaflokki.

Eva Einarsdóttir, borgarfulltrúi og formaður ÍTR, setti mótið og lék fyrsta leik þess fyrir enska stórmeistarann Luke McShane gegn norsku skákkonunni Sheila Barth Sahl og sitja þau enn að tafli en um 10 skákum er enn ólokið.  

Ungstirnin setja svip sitt á mótið en yngsti stórmeistari heims, hinn 14 ára Úkraínumaður Ilya Nyzhnik er meðal keppenda sem og jafnaldri hans Kiprian Berbatov, sem er náfrændi fótboltamanns úr Manjú.

Önnur umferð fer fram á morgun og hefst kl. 16:30.   Þá hefjast einnig skákskýringar Jóhanns Hjartarsonar og hefjast um kl. 19.   

Aðalstyrktaraðilar mótsins eru MP banki og Deloitte.  

Heimasíða mótsins er Chess.is og þar er t.d. hægt að nálgast átta af helstu viðureignum hverrar umferðar í beinni útsendingu.  

Áhorfendur er hvattir til að fjölmenna á skákstað.

MP Reykjavíkurskákmótið í erlendum skákfjölmiðlum

MP Reykjavíkurskákmótið vekur mikla athygli erlendis á ChessBase er komin skemmtileg frétt um MP Reykjavíkurskákmótið og Íslandsmót skákfélaga.  Chessdom ætlar svo að vera með beinar útsendingar á vef sínum með tölvuskýringum.  

Skák.is mun reyna að fylgjast með erlendum skákfréttum frá MP Reykjavíkurskákmótinu.  Skákáhugamenn eru hvattir til að fjölmenna á í Ráðhúsið kl. 16 í dag en þá er mótið sett.  

 

SA-pistill

Enn fjölgar pistlum um Íslandsmót skákfélaga.  Áskell Örn Kárason, formaður Skákfélags Akureyrar, hefur skrifað einn slíkan sem finna má á heimasíðu SA.   

Ritstjóri mun safna saman pistlum á einum stað og birta fréttir þegar fleiri pistlar liggja fyrir en a.m.k. pistill frá KR-ingum er væntanlegur í hús.   

• SA-pistill
• Goðapistlar
• Eyjapistill
• Fjölnispistill

Valdimar og Þorsteinn efstir í Ásgarði í dag

Það var frekar fámennt og góðmennt í Ásgarði í dag. Kannski hefur snjórinn haft einhver áhrif og svo getur verið að sumir eldri skákmenn hafi verið þreyttir eftir íslandsmót skákfélaga sem lauk á laugardag en þar voru margir eldri borgarar að berjast á hvítum reitum og svörtum.

Valdimar Ásmundsson og Þorsteinn Guðlaugsson urðu efstir og jafnir með 7.5 vinning af 9 mögulegum og Ásgeir Sigurðsson náði  þriðja sæti með 6.5vinning.

Heildarúrslit:

• 1-2            Valdimar ásmundsson                     7.5 vinninga
•                  Þorsteinn Guðlaugsson                      -
• 3               Ásgeir Sigurðsson                           6.5      -
• 4-5            Birgir Ólafsson                                5.5      -
•                  Gísli Sigurhansson                            -
• 6-7            Hermann Hjartarson                        5         -
•                  Baldur Garðarsson                           -
• 8-9            Jón Víglundson                                4.5      -
•                  Birgir Sigurðsson                              -
• 10-12        Eiður Á Gunnarsson                          4         -
•                  Finnur Kr Finnsson                           -
•                  Jónas Ástráðsson                             -
• 13              Halldór Skaftason                            3.5         -
• 14              Friðrik Sófusson                              3          -
• 15              Sæmundur Kjartansson                   2           -
• 16              Hrafnkell Guðjónsson                      0            -

Hress Hess

Hinum unga bandaríska stórmeistara Robert Hess var vel fagnað þegar hann heimsótti Frostaskjólið í gærkvöldi og tók þátt í hraðskákmóti KR-klúbbsins, sem þar fer fram öll mánudagsmót árið um kring.

Þátttakendur voru 28 og tefldar 13 umferðir með 7 mínútna umhugsunartíma eins og venjulega.

Eins og við mátti búast fór Hess með sigur af hólmi með fullu húsi og var býsna hress með árangur sinn.  Gunnar Gunnarsson var í öðru sæti með 11.5 v. og Jón G. Friðjónsson þriðji með 9.5, annars dreifust vinningarnir nokkuð jafnt eftir það, nema hjá þeim sem áttu slæman dag.

Goða- og Eyja pistlar

Jón Þorvaldsson og Hermann Aðalsteinsson liðsstjórar a- og b-liða Goðans hafa skrifað pistla um Goðmagnaða framgöngu félaganna á heimasíðu félagsins.   Þorsteinn Þorsteinsson, liðsstjóri Taflfélags Vestmannaeyja hefur einnig skrifað pistil um árangur Eyjapeyja.  

Ritstjóri mun safna saman pistlum á einum stað og birta fréttir þegar fleiri pistlar liggja fyrir.

• Goðapistlar
• Eyjapistill
• Fjölnispistill (áður birtur)

Teflir 10 skákir í einu blindandi - í dag kl. 16:30 í MP banka

MP Reykjavíkurskákmótið mun fara fram dagana 9.-16. Mars. Teflt verður í Ráðhúsi Reykjavíkur og munu um 170 keppendur frá 30 löndum tefla í mótinu.  Meðfram sjálfu mótinu munu verða haldnir nokkrir skemmtilegir skákviðburðir.

Fyrsti viðburðurinn og ef til vill sá merkilegasti verður þegar Úkraínumaðurinn  Evgenij Miroshnichenko mun reyna að tefla við 10 skákmenn í einu og það blindandi! Það verður fjölbreyttur hópur skákmanna og kvenna sem mun tefla við Úkraínumanninn. Fyrst skal nefna hinu ungu skákkrakka Vigni Vatnar Stefánsson, Nansý Davíðsdóttir og Mykael Krawchuk. Vignir og Nansý hafa vakið mikla athygli að undanförnu fyrir sigra sína við skákborðið og Mykael stendur þeim ekki langt að baki og er jafnframt ættaður frá Úkraínu. 

Íslendingar eiga margar glæsilegar skákdrottningar og fulltrúar kvennalandsliðsins munu reyna að máta ofurstórmeistarann. Margt er líkt með skák og stjórnmálum; Guðfríður Lilja, Halldór Blöndal og Óttarr Proppé verða fulltrúar pólitíkusa en í þeirra röðum hafa margoft leynst sterkir skákmenn.

Síðastan en langt frá því að vera sístan skal nefna hinn þekkta skákskýranda og gleðipinna Hermann nokkurn Gunnarsson en Hemmi er býsn sterkur skákmaður og fróðlegt að fylgjast með hvort honum takist að leggja stórmeistarann að velli.

Fjölteflið fer fram í MP-banka Ármúla 13a - þriðjudaginn 8. mars kl. 16:30 til ca. 19:00, degi áður en Reykjavík-Open hefst.

Allir eru velkomnir til að horfa á fjölteflið og er aðgangur ókeypis.