Skák.is

Færsluflokkur: Íslendingar erlendis

26.11.2010 | 19:33

Róbert með jafntefli í 2. umferð

Róbert Lagerman (2271) gerði jafntefli við ungverska alþjóðlega meistarann Tamas Meszaros (2448) í 2. umferð Tenkes-mótsins í Harkany í Ungerjalandi og hefur 1,5 vinning.

Í 3. umferð, sem fram fer á morgun, teflir Mr. Lagerman við ungverska stórmeistarann Attila Czebe (2487).

63 skákmenn taka þátt í mótinu og þar af 7 stórmeistarar. Róbert er nr. 20 í stigaröð keppenda. Róbert hefur sett myndir frá mótinu og má þær finna í myndaalbúmi. Fleiri myndir væntanlegar frá Róberti.

Íslendingar erlendis | Breytt s.d. kl. 21:57 | Slóð | Facebook | Athugasemdir (0)

26.11.2010 | 09:42

Snorri vann í 2. umferð í Belgrad

Snorri Bergsson (2304) sigraði í 2. umferð Belgrade Trophy sem fram fór í gær. Jón Árni Halldórsson (2196) og Sigurður Ingason (1887) töpuðu báðir fyrir stigahærri andstæðingum. Snorri hefur 2 vinninga en Jón og Sigurður hafa 1 vinning.

285 skákmenn taka þátt í mótinu og þar af 20 stórmeistarar. Snorri er nr. 45 í stigaröð keppenda, Jón nr. 71 og Sigurður nr. 154.

Heimasíða mótsins

Íslendingar erlendis | Slóð | Facebook | Athugasemdir (0)

25.11.2010 | 21:04

Róbert vann í fyrstu umferð í Harkany

Róbert Lagerman (2271) sigraði í fyrstu umferð Tenkes-mótsins sem fram fór í Harkany í Ungverjalandi í dag. Andstæðingur Róbert var með 2075 skákstig. Á morgun teflir Róbert við alþjóðlega meistarann Tamas Meszaros (2432).

Afar takmarkaðar upplýsingar eru aðgengilegar á vefsíðu mótsins.

Heimasíða mótsins

Íslendingar erlendis | Slóð | Facebook | Athugasemdir (0)

24.11.2010 | 22:57

Snorri, Sigurður og Jón Árni unnu í fyrstu umferð

Snorri Bergsson (2304), Jón Árni Halldórsson (2196) og Sigurður Ingason (1887) unnu allir í fyrstu umferð Belgrade Trophy sem fram fór í dag. Snorri og Jón Árni unnu stigalægri andstæðinga og Sigurður sigraði andstæðing sem var 400 skákstigum stigahærri.

285 skákmenn taka þátt í mótinu og þar af 20 stórmeistarar. Snorri er nr. 45 í stigaröð keppenda, Jón nr. 71 og Sigurður nr. 154.

Heimasíða mótsins

Íslendingar erlendis | Slóð | Facebook | Athugasemdir (1)

21.11.2010 | 23:27

Jón Árni og og Sigurður tefldu í Tékklandi

Jón Árni Halldórsson (2196) og Sigurður Ingason (1887) tóku þátt í alþjóðlegu móti fyrir skemmstu í Brno í Tékklandi.

Jón Árni Halldórsson hlaut 6 vinninga í 9 skákum og endaði í 5.-9. sæti. Frammistaða hans samsvaraði 2169 skákstigum og hækkar hann um 2 skákstig. Sigurður hlaut 4 vinninga og endaði í 41.-53. sæti. Árangur hans samsvaraði 1915 skákstigum og hækkar hann um 5 skákstig.

Heimasíða mótsins

Chess-Results

Íslendingar erlendis | Slóð | Facebook | Athugasemdir (0)

14.11.2010 | 23:24

Héðinn og Henrik sigruðu í dag í þýsku deildakeppninni

Stórmeistararnir Héðinn Steingrímsson (2554) og Henrik Danielsen (2516) tefldir báðir í dag í þýsku deildakeppninni og báðir höfðu þeir sigur.

Héðinn teflir í 2. deild vestur (2. Bundesliga West) og vann í dag í 3. umferð þýska alþjóðlega meistarann Joerg Wegerle (2467). Í 2. umferð gerði Héðinn jafntefli við tékkneska alþjóðlega meistarann Mihal Konopka (2454). Héðinn hvíldi í fyrstu umferð enda fór sú umferð fram á sama tíma og Íslandsmót skákfélaga.

Henrik teflir í svokallaðri Oberligu norður norður (Oberliga Nord Nord) og vann í dag þýska FIDE-meistarann Wolfgang Pajeken (2306). Í fyrstu umferð vann hann Wolfgang Krueger (2182) en hvíldi í 2. umferð.

Fjórða umferð þýsku deildakeppninnar fer fram 12. desember.

Heimasíða mótsins

Íslendingar erlendis | Slóð | Facebook | Athugasemdir (0)

6.11.2010 | 19:12

HM öldunga: Gunnar með jafntefli í lokaumferðinni

Gunnar Finnlaugsson (2072) gerði jafntefli við þýska skákmeistarann (CM) Georg Schweiger (2166) í 11. og síðustu umferð HM öldunga sem fram fór í Acro á Ítalíu í dag. Gunnar hlaut 5½ vinning og endaði í 96-131. sæti.

Frammistaða Gunnars samsvaraði 2111 skákstigum og hækkar hann um 8 stig fyrir frammistöðu sína.

Stórmeistararnir Anatoly Vaisser (2507), Frakklandi, Vlastimil Jansa (2499), Tékklandi, Viacheslav Dydyshko (2547), Hvíta-Rússlandi, og Larry C Kaufman (2413), Bandaríkjunum urðu efstir og jafnir. Vaisser er væntanlegur heimsmeistari á stigum.

Tamar Khmiadashvili (2162) og Nona Garprindashvili (2363), Georgíu, og Tatyana Tomina (2256), Eistlandi, urðu efstar og jafnar í kvennaflokki. Khmiadashvili er væntanlega heimsmeistari á stigum.

Gunnar hefur sent ritstjóra allmargar myndir frá mótinu sem finna má í myndaalbúmi. Myndasmiðir eru Calle Erlandsson og Gunnar sjálfur.

Alls taka 224 skákmenn þátt í mótinu frá 66 löndum og þar af eru 16 stórmeistarar. Stigahæstur keppenda er rússneski stórmeistarinn Vitaly Tseshkovsky (2564) sem náði því verða tvöfaldur Sovétmeistari í skák. Stigahæsti fulltrúi Norðurlandanna er Íslandsvinurinn Heikki Westerinen (2365). Gunnar er nr. 121 í stigaröð keppenda.

Samhliða fer fram HM öldunga í kvennaflokki. Þar er stigahæst, fyrrverandi heimsmeistari kvenna, Nona Gaprindashvili (2363).

Íslendingar erlendis | Slóð | Facebook | Athugasemdir (0)

5.11.2010 | 21:37

HM öldunga: Gunnar vann í tíundu umferð

Gunnar Finnlaugsson (2072) vann hvít-rússneska skákmanninn Alexey Sevenyuk (1920) í 10. og næstsíðustu umferð HM öldunga sem fram fór í dag í Acro á Ítalíu. Gunnar hefur 5 vinninga og er í 98.-131. sæti.

Efstir með 8 vinninga eru stórmeistararnir Vlastimil Jansa (2499) og Viacheslav Dydyshko (2547), Hvít-Rússlandi, og rússneski alþjóðlegi meistarinn Anatoli Svedchikov (2421)

Georgíska skákkona, fyrsti kvennastórmeistari heims, Nona Garprindashvili (2363) er efst í kvennaflokki.

Gunnar hefur sent ritstjóra allmargar myndir frá mótinu sem finna má í myndaalbúmi. Myndasmiðir eru Calle Erlandsson og Gunnar sjálfur.

Samhliða fer fram HM öldunga í kvennaflokki. Þar er stigahæst, fyrrverandi heimsmeistari kvenna, Nona Gaprindashvili (2363).

Íslendingar erlendis | Slóð | Facebook | Athugasemdir (0)

5.11.2010 | 18:03

Hannes með jafntefli í lokaumferðinni - endar í 8.-25. sæti

Stórmeistarinn Hannes Hlífar Stefánsson (2585) gerði jafntefli við ísraelska stórmeistarann Ilia Smirin (2657) í níundu og síðustu umferð minningarmótsins um Chigorin sem fram fór í dag í St. Pétursborg. Hannes hlaut 6½ vinning og endaði í 8.-25. sæti. Frammistaða Hannesar er mjög góð og samsvarar 2639 skákstigum. Hann hækkar um 7 stig fyrir hana.

Aserski stórmeistarinn Eltaji Safarali (2607) sigraði á mótinu en hann hlaut 7½ vinning. Meðal þeirra sem enduðu í 2.-7. sæti með 7 vinninga eru Íslandsvinirnir Ivan Sokolov (2641), Alexander Areshchenko (2664) og Alexey Dreev (2649).

Meðfylgjandi eru skákir Hannesar úr 1.-7. umferð. Skákunum úr 8. og 9. umferð verður bætt við fréttina þegar þær hafa skilað sér á heimasíðu mótsins.

Mótið í St. Pétursborg var sautjánda minningarmótið um Chigorin. Mótið var ægisterkt en 61 stórmeistari tók þátt og styrkleika mótsins má sjá á því að Hannes var aðeins númer 31 í stigaröð keppenda. 23 skákmenn höfðu meira en 2600 skákstig. Opin skákmót gerast vart sterkari en þetta en alls voru 274 skákmenn skráðir til leiks. Stigahæstur keppenda var úkraínski stórmeistarinn Anton Korobov (2670). Meðal annarra keppenda má nefna Íslandsvinina Alexey Dreev (2649), Ivan Sokolov (2641) og Yuriy Kuzubov (2628).

Heimasíða mótsins

Íslendingar erlendis | Breytt s.d. kl. 18:05 | Slóð | Facebook | Athugasemdir (0)

5.11.2010 | 00:26

Hannes vann í áttundu umferð í St. Pétursborg og er í 8.-17. sæti fyrir lokaumferðina

Stórmeistarinn Hannes Hlífar Stefánsson (2585) vann rússneska alþjóðlega meistarann Mikhail Mozerov (2494) í áttundu og næstsíðustu umferð minningarmótsins um Chigorin sem fram fór í dag í St. Pétursborg. Hannes hefur 6 vinninga og er í 8.-17. sæti fyrir lokaumferðina sem fram fer á morgun. Þá teflir Hannes í fyrsta skipti ekki við Rússa heldur ísraelska stórmeistarann Ilia Smirin (2657), sem er reyndar fæddur í gömlu Sovétríkjunum.

Efstur með 7 vinninga er aserski stórmeistarinn Eltaji Safarali (2607). Meðal þeirra sem hafa 6½ vinning eru Íslandsvinirnir Ivan Sokolov (2641), Alexander Areshchenko (2664) og Alexey Dreev (2649).

Meðfylgjandi eru skákir Hannesar úr 1.-7. umferð

Mótið í St. Pétursborg er sautjánda minningarmótið um Chigorin. Mótið er ægisterkt en 61 stórmeistari tekur þátt og styrkleika mótsins má sjá á því að Hannes er aðeins númer 31 í stigaröð keppenda. 23 skákmenn hafa meira en 2600 skákstig. Opin skákmót gerast vart sterkari en þetta en alls eru 274 skákmenn skráðir til leiks. Stigahæstur keppenda er úkraínski stórmeistarinn Anton Korobov (2670). Meðal annarra keppenda má nefna Íslandsvinina Alexey Dreev (2649), Ivan Sokolov (2641) og Yuriy Kuzubov (2628).

Heimasíða mótsins