Pistill um Bad Homburg

Á Chess Tigers má finna pistil um alþjóðlega mótið í Bad Homburg. sem Héðinn tók þátt og endaði í 1.-4.. sæti.  Pistillinn er eftir Mika Rosa og er reyndar á þýsku en finna má einnig hér á neðan ensku þýðingu.

• Pistill á Chess Tigers
• Pistill á ensku (Google Translate)

 

 

Síðasta Sumarskákmót Vinnuskólans og Skákakademíunnar fer fram í dag

Í sumar efnir Vinnuskóli Reykjavíkur í samstarfi við Skákakademíu Reykjavíkur til útiskákmóta á útitaflinu við Lækjartorg. Mótin verða haldin miðvikudaganna 16, 23. júní, 30. júní og 7. júlí og hefjast klukkan 12:30 og má búast við að mótin taki um 2 klst. Mótin verða með sama sniði og í fyrra en tefldar verða 5-6 umferðir með 7 mínútna umhugsunartíma.  Mótaröðin er opin öllum og er að sjálfsögðu ókeypis að taka þátt.  Þátttaka takmarkast við 50 keppendur og er því mikilvægt að keppendur mæti tímanlega.

Sú skemmtilega hefð var sett á í fyrra að úrslitaskák mótsins væri tefld á stóra útitaflinu, enda léttleikinn í fyrirrúmi. Verðlaunin verða afar fjölbreytt allt frá skákbókum, kaffivinningum og gjafakörfum frá Kaffitár auk dýrindis máltíða á Hamborgarabúllunni og The Deli. 

 

Þátttakendur eru hvattir til að klæða sig eftir veðri!

Skákstjórar í sumar verða : Davíð Kjartansson, Björn Þorfinnsson, Bragi Þorfinnsson og Stefán Bergsson.   

Myndaalbúm Sumarskákmótana

Guðmundur með jafntefli við stórmeistara

Alþjóðlegi meistarinn Guðmundur Kjartansson (2384) gerði jafntefli við ungverska stórmeistarann Tibor Fogarasi (2431) í fjórðu umferð SM-flokks First Saturday-mótsins sem fram fór í dag.  Guðmundur hefur 1,5 vinning og er í 9.-10. sæti.  Í fimmtu umferð, sem fram fer á morgun teflir Guðmundur við ungverska alþjóðlega meistarann Gyula Pap (2508).

First Saturday-mót hefst eins og nafnið ber með sér fyrsta laugardag hvers mánaðar.  Guðmundur teflir í stórmeistaraflokki og eru meðalstigin í flokknum 2411 skákstig.  8½ vinning þarf í áfanga að stórmeistaratitli í 11 skákum.  Guðmundur er sjöundi í stigaröð keppenda.   

First Saturday-mótin