Guðmundur vann í þriðju umferð í Pardubice

Alþjóðlegi meistarinn, Guðmundur Kjartansson (2384), vann þýska skákmanninn Marco Otte (2258) í þriðju umferð Czech Open sem fram fór í dag.  Guðmundur hefur 2 vinninga.  

Í 4. umferð, sem fram fer á morgun, teflir Guðmundur við Þjóðverjann Jens Schulz (2156).

Alls taka 308 skákmenn þátt í efsta flokki Czech Open sem fram fer 23.-31. júlí í Pardubice í Tékklandi, þar á meðal 42 stórmeistarar, 10 stórmeistarar kvenna og 65 alþjóðlegir meistarar.  Guðmundur er númer 100 í stigaröð keppenda.

• Heimasíða mótsins
• Chess-Results
• Beinar útsendingar (hefjast kl. 13)

 

Henrik efstur í Klaksvík eftir sigur á Jones

Stórmeistarinn Henrik Danielsen (2512) vann enska stórmeistarann Gawain Jones (2568) í sjöundu umferð minningarmótsins um Heini Olsen sem fram fór í dag í Klaksvík.  Henrik er nú efstur á mótinu með 5,5 vinning.  Jones er annar með 5 vinninga og þriðji er pólski stórmeistarinn Miroslaw Grabarczyk (2466) með 4,5 vinning.  Í áttundu og næstsíðustu umferð, sem fram fer á morgun, teflir Henrik við danska alþjóðlega meistarann Silas Lund (2408).

Á Klaksvík Open, sem er opinn flokkur, sem tefldur er samhliða er Róbert Lagerman (2282) í 3.-4. sæti með 5 vinninga. Saga Kjartansdóttir er efst ÓSK-anna með 4 vinninga, Ásrún Bjarnadóttir, Guðný Erla Guðnadóttir og Þorbjörg Sigfúsdóttir hafa 3 vinninga.  

Á minningarmótinu tefla 10 skákmenn og eru meðalstig 2389 skákstig.  Henrik er næststigahæstur  keppenda en stigahæstur er enski stórmeistarinn Gawain Jones (2568).  Róbert er næststigahæstur í Klaksvík Open en auk hans tefla þar átta stúlkur frá Ó.S.K.

• Heimasíða mótsins 
• Chess-Results
• Beinar útsendingar (óstöðugt)
• Heimasíða Ó.S.K.

Pono með vinningsforskot fyrir lokaumferðina í Dortmund

Ponomariov (2734) hefur vinningsforskot fyrir lokaumferð Dortmund Sparkassen-mótsins.  Í níundu og næstsíðustu umferð sigraði  Naiditsch (2684) Kramnik (2790) en öðrum skákum lauk með jafntefli.   Lokaumferðin hefst kl. 11:15 í fyrramálið.

Úrslit 9. umferðar:

Le – Leko
Mamedyarov – Ponomariov ½-½
Naiditsch – Kramnik 1-0

Staðan:

• 1. Ponomariov (2734) 6 v.
• 2.-3. Le Quang Liem (2681) og Mamedyarov (2761) 5 v.
• 4.-5. Kramnik (2790) og Naiditsch (2684) 4 v.
• 6. Leko (2734) 3 v.

Tefld er tvöföld umferð.  Meðalstig eru 2731 skákstig og er mótið í 20. styrkleikaflokki.

• Heimasíða mótsins
• Skákirnar í beinni (15 mínútna seinkun - útsending hefst kl. 13:15 hvern dag)