Íslandsmót kvenna hefst á föstudaginn

Íslandsmót kvenna fer fram helgina 25.-27. ágúst í húsnæði Skákskóla Íslands Faxafeni 12. Tefldar verða fimm umferðir eftir svissneska kerfinu. Teflt verður í einum flokki, þ.e. mótið opið öllum konum/stúlkum. 

Þátttökugjöld: Engin.

Umferðarfjöldi: Fimm umferðir

Tímamörk: 90 mín. + 30 sek. á leik 

Dagskrá:  

• 1. umferð, föstudaginn, 25. ágúst, kl. 19:30
• 2. umferð, laugardaginn, 26. ágúst, kl. 11:00
• 3. umferð, laugardaginn, 26. ágúst kl. 17:00
• 4. umferð, sunnudaginn, 27. ágúst, kl. 11:00
• 5. umferð, sunnudaginn, 27. ágúst, kl. 17:00

Verðlaun: 

1. 75.000.-
2. 45.000.-
3. 30.000.-

Verðlaun skiptast jafnt séu konar jafnar í verðlaunasætum. Teflt verður til úrslita um Íslandsmeistaratitilinn með styttri umhugsunarhtíma verði fleiri en ein efst.  

Skráning fer fram hér á Skák.is (guli kassinn efst).

Upplýsingar um þegar skráða keppendur má finna hér.

Mótið á Chess-Results.

Hjörvar Steinn sigraði á Stórmóti Árbæjarsafns og TR

Stórmeistarinn Hjörvar Steinn Grétarsson kom, sá og sigraði á Stórmóti Árbæjarsafns og TR sem fram fór í gær, sunnudag. Teflt var í blíðskaparveðri í fallegu umhverfi Árbæjarsafns, nánar tiltekið Kornhúsinu, sem byggt var á Vopnafirði um 1820 og gegndi m.a. hlutverki verslunarhúsnæðis og þá bjó þar Kristján Jónsson Fjallaskáld síðasta æviár sitt. Tefldar voru átta umferðir og lagði hinn öflugi stórmeistari, sem er á meðal sterkustu hraðskákmanna heims, alla sína andstæðinga og kom því efstur í mark, 1,5 vinningi á undan hinum unga Fide-meistara, Vigni Vatnari Stefánssyni, sem varð annar með 6,5 vinning. Jafnir í 3.-4. sæti með 6 vinninga urðu Fide-meistararnir Tómas Björnsson og Dagur Ragnarsson þar sem Tómas var sjónarmun á undan á mótsstigum.

Mótahald fór vel fram og var keppendalistinn vel skipaður 30 keppendum á öllum aldri og breiðu styrkleikabili. Yngsta kynslóðin setti svip sinn á mótið og er greinilegt að þar er að koma upp fjöldinn allur af grjóthörðum hraðskákmönnum eftir mikla taflmennsku undanfarin misseri. Vertar Árbæjarsafns sáu til þess að enginn viðstaddra fór svangur eða þyrstur heim og kann TR þeim hinar bestu þakkir fyrir. Við þökkum keppendum fyrir þátttökuna og erum strax farin að hlakka til Stórmóts næsta árs!

• Chess-Results

Nánar á heimasíðu TR.

Haustmót TR hefst 6. september

Haustmót Taflfélags Reykjavíkur 2017 hefst miðvikudaginn 6. september kl. 19.30. Mótið, sem er hið 84. í röðinni, er eitt af aðalmótum vetrarins í reykvísku skáklífi og er jafnframt meistaramót T.R. Mótið er flokkaskipt, öllum opið og verður reiknað til alþjóðlegra skákstiga.

Haustmótið fer fram í félagsheimili Taflfélags Reykjavíkur, skákhöllinni að Faxafeni 12. Tefldar verða þrjár umferðir á viku og eru alls níu umferðir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er teflt eftir svissnesku kerfi. Í lokuðu flokkunum er keppendum raðað eftir Elo-skákstigum (september listi).

Skráningu í alla lokaða flokka lýkur þriðjudaginn 5. september kl. 22.

Lokaumferð fer fram sunnudaginn 24. september en mótinu lýkur formlega með verðlaunaafhendingu miðvikudaginn 27. september þegar Hraðskákmót TR fer fram.

Núverandi skákmeistari Taflfélags Reykjavíkur er Vignir Vatnar Stefánsson.

Dagskrá:

1. umferð: Miðvikudag 6. september kl. 19.30
2. umferð: Föstudag 8. september kl. 19.30
3. umferð: Sunnudag 10. september kl. 13:00
4. umferð: Miðvikudag 13. september kl.19.30
5. umferð: Föstudag 15. september kl. 19.30
6. umferð: Sunnudag 17. september kl. 13.00
7. umferð: Miðvikudag 20. september kl. 19.30
8. umferð: Föstudag 22. september kl. 19.30
9. umferð: Sunnudag 24. september kl. 13.00

Í opna flokknum eru leyfðar tvær yfirsetur (bye) í umferðum 1-6 og fæst 1/2 vinningur fyrir hvora yfirsetu. Tilkynna þarf skákstjóra um yfirsetu fyrir lok umferðarinnar á undan.

Sjálfkrafa tap dæmist á keppanda sem mætir á skákstað meira en 30 mínútum eftir upphaf umferðar.

Verðlaun í A-flokki:
1. sæti kr. 100.000
2. sæti kr. 50.000
3. sæti kr. 25.000
4. og 5. sæti ókeypis í Skákþing Reykjavíkur 2018

Verðlaun í B-flokki:
1. sæti kr. 20.000
2. og 3. sæti ókeypis í Skákþing Reykjavíkur 2018

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2018

Verðlaun í opnum flokki:
1. sæti kr. 10.000
2. og 3. sæti ókeypis í Skákþing Reykjavíkur 2018
Stigaverðlaun 5.000kr skákbókainneign: stigalausir, U1200, U1400

Ef lokuðum flokkum fjölgar þá verða verðlaun í þeim þau sömu og í C-flokki. Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Verði keppendur í A-flokki jafnir að vinningum í efstu sætum verður verðlaunafé skipt eftir Hort-kerfi. Lokaröð keppenda í öllum flokkum ákvarðast af mótsstigum (tiebreaks).

Röð mótsstiga (tiebreaks):

Lokaðir flokkar: 1. Innbyrðis viðureign 2. Sonneborn-Berger 3. Fjöldi sigra
Opinn flokkur: 1. Innbyrðis viðureign 2. Buchholz (-1) 3. Buchholz

Tímamörk í lokuðum flokkum:
1 klst og 30 mín á fyrstu 40 leikina. Að loknum 40 leikjum bætast við 15 mínútur. 30 sekúndur bætast við eftir hvern leik alla skákina.

Tímamörk í opnum flokki:
60 mín auk þess sem 30 sekúndur bætast við eftir hvern leik alla skákina (60+30). Enginn viðbótartími eftir 40 leiki.

Þátttökugjöld (greiðist með reiðufé við upphaf móts):
3.500 kr. fyrir félagsmenn T.R. 18 ára og eldri (5.000 kr. fyrir aðra).
1.500 kr. fyrir félagsmenn T.R. 17 ára og yngri (2.500 kr. fyrir aðra).

Vinsamlegast mætið tímanlega á skákstað til að staðfesta skráningu og greiða þátttökugjald. Skráningu í opinn flokk lýkur 15 mínútum fyrir auglýst upphaf móts, þ.e. 6. september kl. 19.15. Skráningu í alla lokaða flokka lýkur þriðjudaginn 5. september kl. 22.

Skráningarform

Skráðir keppendur

Meistaramót Hugins hefst á miðvikudaginn

Meistaramót Hugins (suðursvæði) 2017 hefst miðvikudaginn 23. ágúst klukkan 19:30. Mótið er 7 umferða opið kappskákmót sem lýkur 2. október. Leyft verður að taka 2 yfirsetur í 1.- 6. umferð sem tilkynna þarf um fyrir lok næstu umferðar á undan. Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra og íslenskra skákstiga. Skráning í mótið er á skak.is en einnig er hægt að skrá sig með því að hringja í skákstjóra s-866-0116 (Vigfús).

Mótið hefst á miðvikudegi en aðrir skákdagar eru á mánudögum nema lokaumferðin sem verður áfimmtudegi. Að þessu sinni verður aðeins ein umferð í hverri viku. Teflt er í félagsheimili Hugins í Álfabakka 14a í Mjóddinni.

Aðalverðlaun:

1. 50.000
2. 40.000
3. 30.000

Aukaverðlaun (miðað er við alþjóðleg skákstig)

• Skákmeistari Hugins (suðursvæði): Kr. 10.000.
• Besti árangur undir  2000 skákstigum:  Skákbók hjá skákbókasölunni að verðmæti kr. 5.000.
• Besti árangur undir 1800 skákstigum:  Skákbók hjá skákbókasölunni að verðmæti kr. 5.000.
• Besti árangur undir 1600 skákstigum: Skákbók hjá skákbókasölunni að verðmæti kr. 5.000.
• Besti árangur stigalausra: Skákbók hjá skákbókasölunni að verðmæti kr. 5.000.
• Unglingaverðlaun (15 ára og yngri), skákbækur hjá skákbókasölunni að verðmæti: 1.vl. kr. 5.000, 2. og 3.vl. kr. 4000.

Þátttökugjöld:

Félagsmenn kr. 3.500; aðrir 4.500-
Unglingar 15 ára og yngri: Félagsmenn: 2.000; Aðrir 3.000.
Allir titilhafar fá frítt í mótið

Umferðartafla:

• 1. umferð, miðvikudaginn, 23. ágúst, kl. 19:30
• 2. umferð, mánudaginn, 28. ágúst, kl. 19:30
• 3. umferð, mánudaginn, 4. september, kl. 19:30
• 4. umferð, mánudaginn, 11. september, kl. 19:30
• 5. umferð, mánudaginn, 18. september, kl. 19:30
• 6. umferð, mánudaginn, 25. september, kl. 19:30
• 7. umferð, fimmtudagur, 5. október, kl. 19:30

Upplýsingar um þegar skráða keppendur má finna hér.

Þorsteinn gerði jafntefli við stórmeistara - endaði í 4.-8. sæti

FM-meistarinn Þorsteinn Þorsteinsson (2279) gerði jafntefli við stórmeistarann Alexei Gavrilov (2479) í níundu og síðustu umferð EM öldunga sem fram fór í gær. Þorsteinn stóð sig afar vel og hlaut 6 vinninga í 9 skákum og endaði í 4.-8. sæti. Var aðeins hálfum vinningi frá því að krækja sér í áfanga að alþjóðlegum meistaratitli. Hann hækkar um 29 stig og rífur 2300 stiga múrinn.

Þorsteinn stóg sig afar vel gegn stórmeisturunum. Gegn þeim fékk hann 2,5 vinninga í fjórum skákum. Hefði þurft að standa sig betur í "skúnkaslátrunni" en gegn stigalægri fékk Þorsteinn 3,5 vinninga í 5 skákum. 

Gefum Þorsteini orðið:

Evrópumeistari 65 ára og eldri varð Svíinn og alþjóðlegi meistarinn Nils Gustaf Renman sem er gamall vinur minn frá Svíþjóðarárunum.

Hann vann mótið með 7,5 vinning í 9 umferðum. Myndin til vinstri er af Renman og mér. Bragi Halldórsson endaði með 4,5 vinning í þessum flokki sem þýddi að hann var í miðjum hópi keppenda þegar upp var staðið en þeir voru 65 talsins. Bragi tefldi stórvel á köflum og ljóst er að hann á mikið inni.

Evrópumeistari 50 ára og eldri varð Armeninn og stórmeistarinn Karen Movsziszian með 7,5 vinning af 9.

Ég lenti í 4. – 8. sæti með 6 vinninga en keppendur í þessum flokki voru 55. Ég fór taplaus í gegnum mótið, tefldi við 4 stórmeistara og fékk 2,5 vinning gegn þeim.

Myndin til efst upp er af Braga, mér og Movsziszian.

51 skákmaður tefldi í flokki Þorsteins og þar af voru sjö stórmeistarar. Þorsteinn var nr. 14 í stigaröð keppenda. 66 tefldu í flokki Braga og þar af eru þrír stórmeistarar. Bragi var nr. 24 í stigaröð keppenda. 

• Heimasíða mótsins 
• Pörunarforrit

Hraðkvöld hjá Hugin í kvöld

Hraðkvöld Hugins verður mánudaginn 21. ágúst nk.  og hefst taflið kl. 20:00. Tefldar verða 7-10 umferðir með umhugsunartímanum 4 mínútur + 3 sekúndur eða 5 mínútur + 3 sekúndur á hvern leik. Teflt er í félagsheimili Hugins í Álfabakka 14a í Mjóddinni. Hraðkvöldið verður reiknað til hraðskákstiga.   Sigurvegarinn á hraðkvöldinu fær í verðlaun máltíð fyrir einn á Saffran eða American Style eða pizzu frá Dominos Einnig verður dreginn út af handahófi annar keppandi sem einnig fær sama val. Þar eiga allir jafna möguleika, án tillits til árangurs á mótinu.   Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Fjöltefli Geðhjálpar og Vinaskákfélagsins fer fram á morgun

Fjöltefli Geðhjálpar og Vinaskákfélagsins verður haldið í húsnæði Geðhjálpar mánudaginn 21 ágúst kl. 16:00. Keppendur verða 10 manns frá athvörfum, búsetukjörnum, geðdeildum og fólki frá Kleppi. 1 til 2 frá hverjum stað. Engin skákmaður yfir 2000 skákstig mun tefla, þannig að þetta verða bara áhuga skákmenn sem verða þarna í fararbroddi. Hörður Jónasson og Hjálmar Sigurvaldason munu svo tefla við þau.

Teflt verður með klukku og er áætlað að skákmenn hafi 20 mín, en þeir Hörður og Hjálmar 30 mín. Verðlaun verða veitt öllum sem keppa þ.e. gullverðlaunapeningur sem á stendur "Fjöltefli á vegum Geðhjálpar og Vinaskákfélagsins 2017". Ennfremur mun Vinaskákfélagið vera með kaffi og kökur í samvinnu við Geðhjálp. Áhorfendur eru hjartanlega velkomnir.

Skráning er hjá Hörður Jónasson Sími 777-4477 og Netfang: [e-mail].

Bragi vann í gær - Þorsteinn með jafntefli - fær áfangaskák í dag

FIDE-meistarinn Þorsteinnsson (2279), sem teflir í flokki 50+, gerði jafntefli við enska skákmeistarann Neil Crickmore (2162) í áttundu og næstsíðustu umferð EM öldunga í gær. Þorsteinn er í toppbaráttunni en hann er í 3.-7. sæti með 5,5 vinninga. Í níundu og síðustu umferð sem fram fer í dag teflir Þorsteinn við rússneska stórmeistarann Alexei Gavrilov (2479). Þorsteinn þarf að vinna skákina til að tryggja sér sinn fyrsta áfanga að alþjóðlegum meistaratitli. 

Bragi Halldórsson (2116), sem teflir í flokki 65+, vann í gær Spánverjann Josep Garcia i Riera (1962) og hefur 4,5 vinninga. Í lokaumferðinni teflir hann við rússneska FIDE-meistarann Boris Furman (2202).

Báðir verða þeir í beinni í dag. Útsending hefst kl. 13 eða klukkutíma fyrr en venjulega.

51 skákmaður teflir í flokki Þorsteins og þar af eru sjö stórmeistarar. Þorsteinn er nr. 14 í stigaröð keppenda. 66 tefla í flokki Braga og þar af eru þrír stórmeistarar. Bragi er nr. 24 í stigaröð keppenda. 

• Heimasíða mótsins 
• Pörunarforrit
• Beinar útsendingar (Chess 24) - hefjast kl. 14

Aronian öruggur sigurvegari St. Louis mótsins - Kasparov komst á skrið

Levon Aronian (2809) sigraði á at- og hraðskákmóti í St. Louis sem lauk í fyrradag. Hann hlaut 24,5 stig af 36 mögulegum. Karjkin (2773) tefldi best allra í hraðskákinni, hlaut 13,5 vinninga af 18 mögulegum og það tryggði honum annað sætið ásamt Nakamura (2792) í heildarkeppninni. Garry Kaspaorv náði sér loks á strik lokadaginn. Fékk 50% vinningshlutfall í hraðskákhlutanum og endaði fyrir ofan Anand og Davara í heildarkeppninni.

 

Þrettðandi heimsmeistarinn tísti degi eftir lokadaginn

Wait, there's no round today?! I was just getting warmed up and these young guys were getting tired!

— Garry Kasparov (@Kasparov63) August 19, 2017

Lokastaðan

 

 

Garry Kasparov er engum líkur og benti á að hefði hann ekki klúðrað atskákinni gegn Navara hefði hann lent í fimmta sæti!

Nánar má lesa um gærdaginn á Chess24.

Myndir: Lennart Ootes (af Chess24).

• Heimasíða mótsins
• Beinar útsendingar

Stórmót Árbæjarsafns og TR fer fram í dag

Stórmót Árbæjarsafns og Taflfélags Reykjavíkur fer fram sunnudaginn 20. ágúst.

Þetta skemmtilega mót í sögulegu umhverfi er fyrir löngu orðinn fastur viðburður í skákdagatalinu.

Teflt verður í Árbæjarsafni og hefst taflið kl. 14. Tefldar verða 8 umferðir með umhugsunartímanum 4 mín á  skák auk 2 sek á hvern leik (4+2).

Veitt verða verðlaun fyrir þrjú efstu sætin, 15.000 kr., 10.000 kr. og 5.000 kr.

Þátttökugjald er 1500 kr. fyrir 18 ára og eldri, en ókeypis er fyrir yngri en 18 ára og er þátttökugjald jafnframt aðgangseyrir í  safnið. Þeir sem fá ókeypis aðgang í safnið, t.d. eldri borgarar og öryrkjar, borga ekkert þátttökugjald.

Þátttökugjald er greitt við inngang Árbæjarsafns.

Mótið verður reiknað til alþjóðlegra (Fide) hraðskákstiga. Skráning fer fram í gegnum hlekkinn hér að neðan.

Skráningarform

Skráðir keppendur