Íslandsmót grunnskólasveita – stúlknaflokkur 2017

Íslandsmót grunnskólasveita – stúlknaflokkur fer fram í Rimaskóla laugardaginn 16. september kl. 11.00.  Mótið miðast við skólaárið 2016-2017.

Teflt verður í þremur flokkum.

Fyrsti og annar bekkur (miðað við skólaárið 2016-2017):  Fimm umferðir með fimm mínútna umhugsunartíma.

Þriðji til fimmti bekkur (miðað við skólaárið 2016-2017):   Sex umferðir með sjö mínútna umhugsunartíma.

Sjötti til tíundi bekkur (miðað við skólaárið 2016-2017):   Sex umferðir með tíu mínútna umhugsunartíma.

Umferðafjöldi getur breyst með tilliti til fjölda þátttökuliða.

Keppendur geta teflst upp fyrir sig, þ.e. með eldri sveit síns skóla.  Í hverri sveit skulu vera fjögur borð.  Varamenn mega vera allt að þrír.

Þátttökugjald á sveit:  5000 kr.  Hámark 10.000 kr. á skóla.

Skráning fer fram á Skák.is (guli kassinn) og þurfa að berast fyrir föstudaginn 15. september.

Upplýsingar um þegar skráðar sveitir má finna hér.

Valfrjáls aðildargjöld að SÍ - Tímaritið Skák kemur aftur út!

Stjórn SÍ stefnir að því að taka upp valfrjáls aðildargjöld að Skáksambandinu frá og með starfsárinu 2017-18.

Kynningarfundur um þau verður haldinn í húsnæði SÍ, fimmtudaginn, 31. ágúst kl. 20:00.Fundurinn er opinn öllum sem hafa áhuga á því að sækja hann. 

Nokkrir punktar um valfrjálsu aðildargjöldin: 

Gjaldið yrði 5.000 kr. á ári. Helmingsafsláttur yrði fyrir börn (u18), eldri borgara (67+) og öryrkja auk þess sem fjölskylduafsláttur yrði veittur (ekki útfærður enn). 

Innifalið í aðildargjöldunum yrði: 

• Tímaritið Skák – sem kæmi út 1-2 sinnum á ári – sent heim til félaga
• Námskeið/skemmtikvöld sem verði haldin að lágmarki tvisvar sinnum á ári fyrir félaga
• Afsláttur af skákbókum í gegnum Skákbókasöluna.
• Útreikningur skákstiga 

Eins og áður hefur komið fram verða gjöldin valfrjáls. Þeir sem kjósa að vera utan þessa kerfis munu þurfa greiða hógvært stigagjald fyrir þátttöku á kappskákmótum frá og með næstu áramótum. 

Allir eru velkomnir á kynningarfundinn!

Kringluskákmót Víkingaklúbbsins fer fram í dag

Kringluskákmótið 2017 fer fram fimmtudaginn 24 ágúst, og hefst það kl. 17:00. Mótið fer fram í Kringlunni, en að mótinu stendur Víkingaklúbburinn skákfélag, með aðsetur í Víkingsheimilinu í Víkinni, í samstarfi við markaðsdeild Kringlunnar. Gera má ráð fyrir að margir af sterkustu skákmönnum þjóðarinnar muni taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið er öllum opið og er þátttaka ókeypis en skráning mun fara fram á Skák.is (Guli kassinn).

Hámarkfjöldi keppenda er 40 manns og því er ekki hægt að tryggja þátttöku nema að skrá sig til leiks. Einnig er hægt að skrá sig í síma 8629744 (Gunnar). Fyrirkomulag mótsins er þannig að keppendur draga fyritækjaspjald úr hatti, sem keppandinn síðan teflir fyrir í mótinu. Skráningu líkur kl 12.00 að hádegi á mótsdag. Tefldar verða 7 umferðir með 7 mínútna umhugsunartíma. Mótið verður reiknað til hraðskákstiga.

1. verðlaun 15.000 kr.
2. verðlaun 10.000 kr. 
3. verðlaun 5000 kr.

Sigurvegarinn mótsins hlýtur titilinn Kringuskákmeistari 2017 og forlátan verðlaunagrip að auki. Þrjár efstu konur og þrjú efstu ungmenni 12. ára og yngri (fædd 2005 og yngri) fá sérstök verðlaun (Verðlaunagrip fyrir efsta sætið og verðlaunapeningur fyrir annað og þriðja sætið). Núverandi Kringlumeistari er Ingvar Þór Jóhannesson, sem telfdi fyrir Verkís. Skákstjórar á mótinu verða Haraldur Baldursson og Kristján Örn Elíasson.

Upplýsingar um þegar skráða keppendur má finna hér.

Úrslit Kringlumótsins 2015 hér: og hér:
Kringlumóitið 2015, myndaalbúm hér:
Úrslit Kringlumótsins 2016 hér:

Omar sigraði á hraðkvöldi Hugins

Omar Salama sigraði á hraðkvöldi Hugins sem fram fór sl. mánudagskvöld 21 ágúst. Omar fékk 9v af 10 mögulegum og var hálfum vinningi á undan Vigfúsi Ó. Vigfússyni sem fékk 8,5v. Þriðji var svo Jón Úlfljótsson með 6v. Jón var hins vegar í forystu lengi vel eftir að Vigfús og Omar höfðu unnið sína skákina hvor í viðureignum þeirra snemma á hraðkvöldinu. Hann átti þá eftir að mæta þeim báðum og staðan breyttist í lokaumferðunum. Það var svo Gunnar Nikulásson sem réð úrslitum með því að gera jafntefli við Vigfús í seinni skák þeirra sem var skrautleg og gat farið alla vega en var unnin á Gunnar þegar jafntefli var samið.

Í þetta sinn var tölvan látin draga í happdrættinu og valdi hún Sigurð Frey Jónatansson sem fékk miða frá American Style en Omar valdi Dominos. Þessi skákkvöld munu svo liggja niðri meðan á Meistaramóti Hugins í Mjóddinni stendur en það hefst á morgun miðvikudaginn 23. ágúst.

Lokastaðan á hraðkvöldinu:

1. Omar Salama, 9v/10
2. Vigfús Ó. Vigfússon,8,5v
3. Jón Úlfljótsson, 6v
4. Sigurður Freyr Jónatansson, 3,5v
5. Gunnar Nikulásson, 3v
6. Pétur Jóhannesson

Úrslitin í chess-results.

Meistaramót Hugins hefst í kvöld

Meistaramót Hugins (suðursvæði) 2017 hefst miðvikudaginn 23. ágúst klukkan 19:30. Mótið er 7 umferða opið kappskákmót sem lýkur 5. október. Leyft verður að taka 2 yfirsetur í 1.- 6. umferð sem tilkynna þarf um fyrir lok næstu umferðar á undan. Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra og íslenskra skákstiga. Skráning í mótið er á skak.is en einnig er hægt að skrá sig með því að hringja í skákstjóra s-866-0116 (Vigfús).

Mótið hefst á miðvikudegi en aðrir skákdagar eru á mánudögum nema lokaumferðin sem verður áfimmtudegi. Að þessu sinni verður aðeins ein umferð í hverri viku. Teflt er í félagsheimili Hugins í Álfabakka 14a í Mjóddinni.

Aðalverðlaun:

1. 50.000
2. 40.000
3. 30.000

Aukaverðlaun (miðað er við alþjóðleg skákstig)

• Skákmeistari Hugins (suðursvæði): Kr. 10.000.
• Besti árangur undir  2000 skákstigum:  Skákbók hjá skákbókasölunni að verðmæti kr. 5.000.
• Besti árangur undir 1800 skákstigum:  Skákbók hjá skákbókasölunni að verðmæti kr. 5.000.
• Besti árangur undir 1600 skákstigum: Skákbók hjá skákbókasölunni að verðmæti kr. 5.000.
• Besti árangur stigalausra: Skákbók hjá skákbókasölunni að verðmæti kr. 5.000.
• Unglingaverðlaun (15 ára og yngri), skákbækur hjá skákbókasölunni að verðmæti: 1.vl. kr. 5.000, 2. og 3.vl. kr. 4000.

Þátttökugjöld:

Félagsmenn kr. 3.500; aðrir 4.500-
Unglingar 15 ára og yngri: Félagsmenn: 2.000; Aðrir 3.000.
Allir titilhafar fá frítt í mótið

Umferðartafla:

• 1. umferð, miðvikudaginn, 23. ágúst, kl. 19:30
• 2. umferð, mánudaginn, 28. ágúst, kl. 19:30
• 3. umferð, mánudaginn, 4. september, kl. 19:30
• 4. umferð, mánudaginn, 11. september, kl. 19:30
• 5. umferð, mánudaginn, 18. september, kl. 19:30
• 6. umferð, mánudaginn, 25. september, kl. 19:30
• 7. umferð, fimmtudagur, 5. október, kl. 19:30

Upplýsingar um þegar skráða keppendur má finna hér.

Afar vel heppnað fjöltefli Geðhjálpar og Vinaskákfélagsins

Fjöltefli Geðhjálpar og Vinaskákfélagsins sem fram fór í gær tókst afar vel. Alls tóku 8 skákmenn þátt og Tefldu Hörður og Hjálmar frá Vinaskákfélaginu við þá. Hörður tefldi 4 skákir og Hjálmar 4 skákir.

Þeir sem tefldu voru:

• Búsetukjarni Flókagata 29-31: Gunnar Gestsson, Jón Gauti og Hlynur starfsmaður.
• Búsetukjarni Bríetartúni 26: Árni J. Árnason.
• Búsetukjarni Gunnarsbraut 51: Jóhann Bernhard Jóhannsson
• Hlutverkasetur: Orri Hilmarsson
• Klúbburinn Geysir: Sigurjón Egilsson
• Vin Fræðslu og Batasetur: Jakob L Sveinsson

Úrslit voru að Hörður fékk 1½–2½ vinning og Hjálmar fékk 3–1.

Anna Ólafsdóttir, framkvæmdastýra Geðhjálpar, lék fyrsta leik fjölteflisins.

Nánar á heimasíðu Vinaskákfélagsins.

 

Hlemmur Square skákmótaröðin hefst!

Hlemmur Square mun í samstarfi við Vinaskákfélagið halda fyrsta kaffihúsahraðskákmótið á Hlemmur Square næstkomandi sunnudag, 27. ágúst, klukkan átta.

Stefnt er að mánaðarlegum mótum þar sem teflt er í rúmgóðum heimkynnum veitingastaðar hótelsins, Pylsa/Pulsa Restaurant.

Tefldar verða 9 umferðir með 5 mínútna umhugsunartíma.
Þátttaka er ókeypis á mótið en Hlemmur Square gefur gjafabréf fyrir efstu þrjú sætin auk þess sem medalía verður veitt fyrir vinningshafann. 

1. verðlaun: Gjafabréf á Pylsa/Pulsa Restaurant / bar fyrir 7.000 kr.
2. verðlaun: Gjafabréf á Pylsa/Pulsa Restaurant / bar fyrir 5.000 kr.
3. verðlaun: Gjafabréf á Pylsa/Pulsa Restaurant / bar fyrir 3.000 kr.

Gleðistundarverðlag á kranaveigum fyrir þátttakendur mótsins, ef þörf skyldi krefja í þeim annars harða skóla sem skákin er!

Gert er ráð fyrir því að skákmótið taki þrjár klukkustundir.

Skráning er í gula kassanum efst á síðunni.

Gott væri að skrá sig sem fyrst, þar sem aðeins 28 skákmenn komast að.

 

 

 

Skákæfingar Taflfélags Reykjavíkur – Haustönn 2017

Haustönn Taflfélags Reykjavíkur hefst formlega laugardaginn 2.september en þá byrja byrjendaæfingar, stúlknaæfing og almenna æfingin. Framhaldsæfingar hefjast þriðjudaginn 29.ágúst. Afreksæfingar eru hins vegar þegar hafnar. Haustönninni lýkur með jólahátíð barna 9.desember.

Æfingarnar eru fjölbreyttar sem fyrr og sérstaklega hannaðar til þess að mæta þörfum sem flestra áhugasamra skákbarna. Á æfingum félagsins fá börnin markvissa kennslu og persónulega leiðsögn sem nýtist þeim sem grunnur að framförum í skáklistinni. Æfingarnar verða sem fyrr flokkaskiptar eftir getu og aldri.

Æfingagjöld á haustönninni haldast óbreytt á milli ára. Gjald fyrir æfingahópa sem hittast einu sinni í viku er 8.000kr. Gjald fyrir æfingahópa sem hittast tvisvar í viku er 14.000kr. Líkt og áður er veittur systkinaafsláttur í formi 50% afsláttar fyrir annað barnið, en þriðja barnið æfir frítt. Börn geta sem fyrr tekið þátt í opinni laugardagsæfingu (kl.14-16) án endurgjalds.

Mikilvægt er að skrá þátttakendur á æfingarnar með því að fylla út skráningarform sem finna má á vef félagsins. Öllum er þó frjálst að prófa eina æfingu án skuldbindingar. Foreldrar geta nýtt sér Frístundakort Reykjavíkurborgar ef börnin/unglingarnar eru með lögheimili í Reykjavík.

Allar nánari upplýsingar sem og leiðbeiningar um hvaða æfingar henta hverjum og einum veita skákþjálfarar félagsins.

Á haustönn 2017 er boðið upp á sex mismunandi skákæfingar:

Manngangskennsla: Lau kl.10:40-11:00 (frítt) – Hefst 2.september.

Á þessari æfingu verður eingöngu manngangurinn kenndur. Þessi æfing er hugsuð fyrir börn á grunnskólaaldri og elstu börn leikskóla, af báðum kynjum, sem vilja læra mannganginn frá grunni eða vilja læra tiltekna þætti manngangsins betur. Börnin munu læra að hreyfa alla mennina auk þess sem þau læra reglur sem gilda um hrókeringu og framhjáhlaup. Þegar barn hefur náð góðum tökum á mannganginum að mati skákþjálfara þá er það tilbúið að taka næsta skref sem er Byrjendaæfing. Umsjón með æfingunum hefur Torfi Leósson (sími: 697 3974). 

Byrjendaæfing: Lau kl.11:15-12:15 (8.000kr) – Hefst 2.september.

Þessi æfing er hugsuð fyrir börn á grunnskólaaldri og elstu börn leikskóla, af báðum kynjum, sem kunna allan mannganginn og þyrstir í að læra meira og ná betri tökum á skáklistinni. Á æfingunni tefla börnin hvert við annað í bland við létta kennslu. Börnin læra almennar reglur sem gilda á skákmótum og þau venjast því að tefla með klukku. Auk þess munu börnin læra grunnatriði á borð við liðsskipan og einföld mát. Umsjón með æfingunum hefur Torfi Leósson (sími: 697 3974).

Stúlknaæfing: Lau kl.12:30-13:45 (8.000kr) – Hefst 2.september.

Stúlknaæfingin hefur fest sig í sessi sem ein fjölmennasta skákæfing TR. Fyrirkomulag æfingarinnar er óbreytt frá því sem verið hefur síðustu misseri og eru allar stúlkur á grunnskólaaldri velkomnar að slást í hópinn. Á skákæfingunum er lögð áhersla á ýmis taktísk atriði og mátstöður í miðtafli og endatafli. Lögð er áhersla á að stelpurnar þrói með sér skilning á stöðuuppbyggingu, svo sem liðsskipan í byrjun, úrvinnslu í miðtafli og læri að ljúka skákinni með máti. Tímarnir innihalda sitthvað af öllu þessu: innlögn og umræður, skákþrautir og taflmennsku, sköpun og gleði. Umsjón með æfingunum hefur Sigurlaug R. Friðþjófsdóttir (sími: 862 6290). 

Laugardagsæfing: Lau kl.14:00-16:00 (frítt) – Hefst 2.september.

Laugardagsæfingar TR hafa verið flaggskip félagsins undanfarna áratugi. Á þessum æfingum er sett upp skákmót og tefla börnin allan tímann. Æfingin er fyrir bæði stráka og stelpur á grunnskólaaldri, sem og elstu börn leikskóla, og eru börn frá öðrum taflfélögum hjartanlega velkomin á þessa æfingu. Á æfingunni fá börnin leiðsögn og þjálfun í því að tefla í skákmóti og læra þannig helstu skákreglur auk þess sem þau læra smám saman þá siði og venjur sem ríkja í skáksal. Þessi mót verða reiknuð til skákstiga. Æfingin er án endurgjalds. Umsjón með æfingunum hefur Gauti Páll Jónsson (sími: 691 9937). 

Framhaldsæfing:  Þri kl.17:00-18:30 & Sun kl.10:30-12:00 (14.000kr) – Hefst 29.ágúst.

Framhaldsæfingin verður með örlítið breyttu sniði frá því sem var síðastliðið vor. Á haustönn verður einn framhaldshópur sem æfir tvisvar í viku. Æfingunni er ætlað að koma til móts við þau skákbörn TR, af báðum kynjum, sem hafa mikinn áhuga á að taka framförum í skáklistinni. Þessar æfingar eru því hugsaðar fyrir börn sem hafa að lágmarki reynslu af að tefla með klukku og kunna einföld mát líkt og að máta með kóngi og hrók gegn stökum kóngi. Þessar æfingar eru einnig ætlaðar þeim börnum sem eru lengra komin og tefla reglulega í kappskákmótum. Æfingarnar eru á sunnudögum og þriðjudögum. Umsjón með æfingunum hefur Björn Ívar Karlsson (sími: 692 1655).

Afreksæfing: Lau kl.16:10-17:40 & Fim kl.17:00-18:30 (14.000kr)

Afreksæfingin verður með hefðbundnu sniði frá því sem verið hefur og er æfingin hugsuð fyrir stigahæstu skákbörn og unglinga TR af báðum kynjum. Á þessum æfingum er mikil áhersla lögð á byrjanafræði og krefjast æfingarnar þess að nemendur geti unnið sjálfstætt. Æft er tvisvar í viku, á fimmtudögum og laugardögum. Umsjón með æfingunum hefur Daði Ómarsson (sími: 615 4273).

Nánar á heimasíðu TR.

Kringluskákmót Víkingaklúbbsins fer fram á fimmtudaginn

Kringluskákmótið 2017 fer fram fimmtudaginn 24 ágúst, og hefst það kl. 17:00. Mótið fer fram í Kringlunni, en að mótinu stendur Víkingaklúbburinn skákfélag, með aðsetur í Víkingsheimilinu í Víkinni, í samstarfi við markaðsdeild Kringlunnar. Gera má ráð fyrir að margir af sterkustu skákmönnum þjóðarinnar muni taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið er öllum opið og er þátttaka ókeypis en skráning mun fara fram á Skák.is (Guli kassinn).

Hámarkfjöldi keppenda er 40 manns og því er ekki hægt að tryggja þátttöku nema að skrá sig til leiks. Einnig er hægt að skrá sig í síma 8629744 (Gunnar). Fyrirkomulag mótsins er þannig að keppendur draga fyritækjaspjald úr hatti, sem keppandinn síðan teflir fyrir í mótinu. Skráningu líkur kl 12.00 að hádegi á mótsdag. Tefldar verða 7 umferðir með 7 mínútna umhugsunartíma. Mótið verður reiknað til hraðskákstiga.

1. verðlaun 15.000 kr.
2. verðlaun 10.000 kr. 
3. verðlaun 5000 kr.

Sigurvegarinn mótsins hlýtur titilinn Kringuskákmeistari 2017 og forlátan verðlaunagrip að auki. Þrjár efstu konur og þrjú efstu ungmenni 12. ára og yngri (fædd 2005 og yngri) fá sérstök verðlaun (Verðlaunagrip fyrir efsta sætið og verðlaunapeningur fyrir annað og þriðja sætið). Núverandi Kringlumeistari er Ingvar Þór Jóhannesson, sem telfdi fyrir Verkís. Skákstjórar á mótinu verða Haraldur Baldursson og Kristján Örn Elíasson.

Upplýsingar um þegar skráða keppendur má finna hér.

Úrslit Kringlumótsins 2015 hér: og hér:
Kringlumóitið 2015, myndaalbúm hér:
Úrslit Kringlumótsins 2016 hér:

Bikarsyrpa TR hefst á föstudaginn

Bikarsyrpa Taflfélags Reykjavíkur hefur fest sig í sessi undanfarin misseri og fer nú af stað fjórða árið í röð. Líkt og síðastliðinn vetur verða mót syrpunnar fimm talsins og verða tefldar sjö umferðir í hverju móti. Mótin fara fram í Skákhöll TR að Faxafeni 12.

Fyrir börn sem vilja taka framförum í skák þá er gott að byrja sem fyrst að tefla í kappskákmótum, en hingað til hefur þeim börnum sem vilja tefla á “alvöru mótum” einkum staðið til boða að taka þátt í opnum mótum. Þar er styrkleikamunur oft mikill og mótin taka langan tíma, auk þess sem mörgum börnum óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því. Þessi mótaröð TR er ekki síður sniðin að þörfum þeirra barna sem dreymir um að næla sér í sín fyrstu skákstig.

Einungis börn á grunnskólaaldri (fædd árið 2002 eða síðar) sem ekki hafa náð 1600 alþjóðlegum skákstigum geta tekið þátt í mótum Bikarsyrpunnar. Þannig er styrkleikamunurinn minni en ella og börnin njóta þess betur að tefla. Tímamörkin eru jafnframt styttri, og henta börnum betur en langar 90 mínútna skákir sem tíðkast á hefðbundnum kappskákmótum fullorðinna. Mótin uppfylla öll skilyrði Alþjóða skáksambandsins FIDE og eru reiknuð til alþjóðlegra skákstiga.

Fyrsta mót Bikarsyrpunnar hefst föstudaginn 25. ágúst og stendur til sunnudagsins 27. ágúst. Tefldar eru 7 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo mikilvægt sé að börnin vandi sig og noti tímann vel, þá má gera ráð fyrir að margar skákir taki mun styttri tíma.

Dagskrá:

1. umferð: 25. ágúst kl. 17.30 (fös)
2. umferð: 26. ágúst kl. 10.00 (lau)
3. umferð: 26. ágúst kl. 13.00 (lau)
4. umferð: 26. ágúst kl. 16.00 (lau)
5. umferð: 27. ágúst kl. 10.00 (sun)
6. umferð: 27. ágúst kl. 13.00 (sun)
7. umferð: 27. ágúst kl. 16.00 (sun)

Verðlaunaafhending fer fram strax að lokinni 7. umferð.

Tvær yfirsetur (bye) eru leyfðar í umferðum 1-5 og fæst 1/2 vinningur fyrir hvora yfirsetu. Tilkynna þarf skákstjóra um yfirsetu fyrir lok umferðarinnar á undan.

Sjálfkrafa tap dæmist á keppanda sem mætir á skákstað meira en 15 mínútum eftir að viðkomandi umferð hefst.

Þátttökugjald í mótið er 1.500kr. Börn sem eru félagar í TR greiða ekki þátttökugjald.

Sigurvegari mótsins hlýtur að launum bikar og þá hlýtur einnig efsta stúlkan í hverju móti bikar. Verðlaunapeningur eru veittur fyrir 2. sæti og 3. sæti. Sérstök verðlaun verða veitt næsta vor fyrir besta samanlagðan árangur, þar sem mest fjögur mót gilda; taflsett, skákklukka, 5.000kr bókainneign ásamt veglegum farandbikar. Þá verða veitt sérstök verðlaun fyrir besta samanlagðan árangur, þar sem mest fjögur mót gilda, fyrir börn sem eru félagar í TR, en það eru einkatímar hjá einhverjum af sterkustu skákmönnum félagsins; 1. sæti gefur 5 einkatíma, 2. sæti gefur 3 einkatíma og 3. sæti gefur 2 einkatíma.

Skráning fer fram í gegnum skráningarform hér að neðan. Hlökkum til að sjá ykkur!

Skráningarform

Skráðir keppendur

Mót Bikarsyrpunnar í vetur: 25.-27. ágúst, 29. sep-1. okt, 27.-29. okt, 16.-18. feb, 6.-8. apr