Moskva: Gott gengi í þriðju umferð

Vel gekk hjá íslensku skákmönnunum í 3. umferð Aeroflot Open sem fram fór í Moskvu í dag. Helgi Ólafsson (2540), sem teflir í a-flokki, gerði jafntefli við rússneska alþjóðlega meistarann Alexay Sarana (2468).  Vel gekk í b-flokki. FIDE-meistararnir Dagur Ragnarsson (2276) og Sigurður Daði Sigfússon (2226) náðu báðir góðum úrslitum. Dagur vann asersku landsliðskonuna Gulnar Mammadova (2401) og Daði vann rússnesku skákkonuna Polina Shuvalova (2387). Guðmundur Kjartansson (2464) gerði jafntefli í sinni skák. Dagur hefur 2 vinninga og Gúmmi og Daði hafa 1,5 vinninga.

Aeroflot Open er ægisterkt mót. Í a-flokki tefla 96 skákmenn og þar af 73 (!!) stórmeistarar. Helgi er nr. 70 í röð keppenda. Í b-flokki, sem er almennt hugsaður fyrir skákmenn á stigabilinu 2200-2550 skákstig, tefla 118 skákmenn og þar af 18 stórmeistarar. Guðmundur er nr. 27 í röð keppenda, Dagur nr. 99 og Daði nr. 105. 

• Heimasíða mótsins
• Chess-Results
• Beinar útsendingar

Björn með 2 vinninga í Kragerø

Tvær umferðir fóru fram í dag í alþjóðlega mótinu í Kragerø í Noregi. Björn Þorfinnsson (2404) gerði jafntefli í báðum skákum dagsins. Annars vegar gegn litháíska stórmeistaranum Aloyzas Kveinys (2508) og hins vegar gegn norska alþjóðlega meistaranum Kristian Stuvik Holm (2385). Bragi Þorfinnsson gerði jafntefli gegn búlgarska stórmeistaranum Boris Chatalbashev (2550) en tapaði svo fyrir ofangreindum Kveinys. Björn hefur 2 vinninga en Bragi hefur 1,5 vinninga.

Tvær umferðir eru tefldar á morgun og hefst sú fyrri kl. 9. Þá teflir ´þeir bræður við stigalága heimamenn.

26 skákmenn tefla í efsta-flokknum og þar á meðal fimm stórmeistarar. Bragi og Björn eru nr. 7 og 9 í stigaröð keppenda. Tvær umferðir eru tefldar á dag og hefjast þær kl. 9 og 14 - nema lokadaginn, sunnudaginn 26. febrúar en þá hefjast þær kl. 8 og 12:15.

• Heimasíða mótsins
• Úrslitaþjónusta
• Beinar útsendingar (Chess24)

Íslandsmót skákfélaga hefst 2. mars

Seinni hluti Íslandsmóts skákfélaga 2016-2017 fer fram dagana 2..-4. mars nk.  Mótið fer fram í Rimaskóla, Reykjavík.  Keppnin hefst (eingöngu í 1.deild) kl. 19.30 fimmtudaginn 2. mars. Aðrar deildir munu hefja taflmennsku föstudaginn 3. mars  kl. 20.00 og síðan  laugardaginn 4. mars. kl. 11.00 og kl. 17.00 sama dag. 

Þau félög sem enn skulda þátttökugjöld þurfa að gera upp áður en seinni hlutinn hefst.

Heimasíða mótsins

Bræðurnar byrja vel í Kragerø

Bræðurnir Bragi og Björn Þorfinnssynir hófu þátttöku alþjóðlegu móti í Kragerø í Noregi í gær. Þeir unnu hvor sína skákina. Andstæðingar þeirra voru heimamenn með 1822-1969 skákstig. Í dag fara leikar heldur betur að æsast. Bragi teflir þá við búlgarska stórmeistarann Boris Chatalbashev (2550) og Björn við litháíska stórmeistarann Aloyzas Kveinys (2508). Umferðin hefst núna kl. 9 og vera "The brothers" báðir í þráðbeinni.

26 skákmenn tefla í efsta-flokknum og þar á meðal fimm stórmeistarar. Bragi og Björn eru nr. 7 og 9 í stigaröð keppenda. Tvær umferðir eru tefldar á dag og hefjast þær kl. 9 og 14 - nema lokadaginn, sunnudaginn 26. febrúar en þá hefjast þær kl. 8 og 12:15.

• Heimasíða mótsins
• Úrslitaþjónusta
• Beinar útsendingar (Chess24)

 

Íslandsmót barnaskólasveita fer fram á laugardarinn - skráningarfrestur til miðnættis

Íslandsmót barnaskólasveita 1.-3. bekk 2017 fer fram í skákhöll Taflfélags Reykjavíkur, Faxafeni 12, laugardaginn 25. febrúar nk. 

Tefldar verða sjö umferðir eftir svissneska kerfinu. Umhugsunartími 8+2 á hvern keppenda. Mótið hefst kl. 14 og áætlað er að því ljúki með verðlaunaafhendingu um kl 17:00.

Hver skóli getur sent fleiri en eina sveit - en hver sveit er skipuð fjórum nemendum 1.-3. bekkjar (auk allt að fjögurra varamanna)

Þátttökugjöld kr. 7.500.- á sveit. Þó ekki hærri en kr. 15.000.- fyrir hvern skóla.

Veitt verða verðlaun fyrir efstu þrjár sveitirnar og einnig efstu b-e sveitir.

Einnig borðaverðlaun fyrir bestan árangur á 1.-4. borði. 

Skráning fer fram á Skák.is (guli kassinn efst). Skrá þarf sveitir í síðasta lagi 23. febrúar.

Upplýsingar um þegar skráðar sveitir má finna hér. 

Meistaramót Vinaskákfélagsins hefst í kvöld

Meistaramót Vinaskákfélagsins í atskák verður haldið 23 febrúar, 9 mars og 16 mars. Ákveðið er að hafa skákmótið á 3 stöðum ef húsrúm leyfir. Þetta verður árlegt skákmót. 

• 23. febrúar verður það haldið í Vin Hverfisgötu 47.
• 9. mars verður það í Hlutverkasetrið Borgartúni 1.
• 16. mars verður það annaðhvort í Vin eða í Skáksambandinu / Skákskólanum í Faxafeni. Keppendum verður tilkynnt um það síðar. 

Skákmótið verður 8 umferðir. 3 skákir á kvöldi, nema síðasta kvöldið þá verða tefldar 2 skákir og verðlaunaafhending að þeim loknum.

Þetta verður opið skákmót fyrir alla.

Tímamörkin eru  15 mín. + 10 sek. uppbótartími á leik.

Mótið er reiknað til atskákstiga. Mótið hefst kl. 19:30. 

Verðlaun:

1. sætið eignarbikar + gullpeningur. Einnig verðum við með farandbikar en þetta skákmót verður síðan árlegt.
2. sætið silfurpeningur.
3. sætið bronzepeningur.
4. Einnig ætlar einn félagi í Vinaskákfélaginu að gefa andlitsteikningar af frægum skákmönnum. 

Veitingar: Kaffi og kökur verða á skákstað. 

Þátttökugjald á mótið er að félagsmenn greiði 500 kr., en 2.000 kr. fyrir aðra.

Ath. að Hollvinir Vinaskákfélagsins fá frítt á skákmótið.

Þið getið skráð ykkur á mótið á gula kassanum efst á síðunni á skak.is.

HM kvenna: Og þá eru eftir fjórar

Fjórðu umferð (átta manna úrslitum) Heimsmeistaramóts kvenna lauk í dag íTeheran í Íran. Stærstu tíðindi umferðarinnar verða að teljast að stigahæsti keppandi mótsins og næststigahæsta skákkona heimsJuWenjun (2583) er fallin úr leik eftir tap gegnlöndu sinniTanZhongyi (2502). Íslenskur skákheimur heldur með indversku skákdrottningunni Hariku Dronavalli (2539) en hún verður meðal þátttakenda á GAMMA Reykjavíkurskákmótinu. Það yrði ekki amalegt að hafa heimsmeistara kvenna meðal keppenda þar!

Úrslit 4. umferðar urðu sem hér segir:

• Tan Zhongyi (2502) - Ju Wenjun (2583) 1½-½
• Harika Dronavalli (2539) - Nana Dzagnidze (2525) 2½-1½
• Anna Muzychuk (2558) - Antoaneta Stefanova (2512)1½-½
• Ni Shiqun (2399) - Alexandra Kosteniuk (2549) ½-1½

Fimmta umferð (undanúrslit) hefst á morgun. Taflmennskan hefst kl. 11:30. Þá mætast Zhongyi-Dronavalli og Kosteniuk-Muzychuk. 

Nánar á Chess24.

• Heimasíða mótsins
• Beinar útsendinar

Moskva: Guðmundur vann í 2. umferð

Önnur umferð Aeroflot Open fór fram í Moskvu í dag. Guðmundur Kjartansson (2464) vann rússneska alþjóðla meistarann Ruslan Yandarbiev (2311) í b-flokki. Sigurður Daði Sigfússon (2226) gerði jafntefli en Dagur Ragnarsson (2276) tapaði. Gummi og Dagur hafa 1 vinning en Daði hefur hálfan vinning. Helgi Ólafsson (2540), sem teflir í a-flokki, tapaði fyrir Sanan Sjugirov (2673).

Þriðja umferð fer fram á morgun og hefst kl. 12:30. Helgi teflir þá við rússneska alþjóðlega meistarann Alexey Sarana (2468). 

Aeroflot er ægisterkt mót. Í a-flokki tefla 96 skákmenn og þar af 73 (!!) stórmeistarar.  Helgi er nr. 70 í röð keppenda. Í b-flokki, sem er almennt hugsaður fyrir skákmenn á stigabilinu 2200-2550 skákstig, tefla 118 skákmenn og þar af 18 stórmeistarar. Guðmundur er nr. 27 í röð keppenda, Dagur nr. 99 og Daði nr. 105. 

• Heimasíða mótsins
• Chess-Results
• Beinar útsendingar

Akureyri: Barist til síðasta manns

Nú er að hefjast keppni til úrslita um það hver þeirra þremenninga, Andra Freys Björgvinssonar, Tómasar Veigars Sigurðarsonar eða Jóns Kristins Þorgeirssonar, stendur uppi sem sigurvegari í Skákþingi Akureyrar og um leið skákmeistari Akureyrar 2017. Um titilinn verður teflt með þessum hætti:

• Miðvikudag kl. 16.30  Tómas-Andri
• Fimmtudag kl. 16.30   Jón Kristinn-Tómas
• Laugardag kl. 13.15   Andri-Jón Kristinn

Þeir munu tefla kappskákir - sömu tímamörk og á aðalmótinu. Ef tveir eða þrír verða enn jafnir munu þeir tefla atskákir á sunnudag með umhugsunartímanum 15-10. Ef enginn er enn búinn að tryggja sér sigurinn eftir þetta verður farið í hraðskákir 4-2. Í báðum tilvikum einföld umferð ef þeir eru þrír, en tvöföld ef þeir eru tveir. Í lokið - ef annað gengur ekki - verður tefld ein gjörningaskák þar sem annar hefur fimm mínútur og hinn fjórar og þá nægir þeim tímanaumari jafntefli.

En sumsé -  við byrjum í dag, miðvikudag kl. 16.30!

Dagur vann í fyrstu umferð í Moskvu

Opna skákmótið Aeroflot Open hófst í gær í Moskvu. Fjórir íslenskir skákmenn taka þátt. Helgi Ólafsson (2540) teflir í a-flokki. Guðmundur Kjartansson (2464), Dagur Ragnarsson (2276) og Sigurður Daði Sigfússon (2226) taka þátt í b-flokki.

Dagur var eini sigurvegari gærdagsins en Kínverjann Mu Ke (2431). Helgi sem er að tefla á sínu fyrstu alþjóðlega móti, sem er ekki liðakeppni, síðan 2014 tapaði fyrir stórmeistaranum Eduardo Iturrizaga (2652).

Önnur umferð hefst kl. 12:30 og verður Helgi í beinni. Hann teflir við rússneska stórmeistarann Sanan Sjugirov (2673).

Aeroflot er ægisterkt mót. Í a-flokki tefla 96 skákmenn og þar af 73 (!!) stórmeistarar.  Helgi er nr. 70 í röð keppenda. Í b-flokki, sem er almennt hugsaður fyrir skákmenn á stigabilinu 2200-2550 skákstig,  tefla 118 skákmenn og þar af 18 stórmeistarar. Guðmundur er nr. 27 í röð keppenda, Dagur nr. 99 og Daði nr. 105. 

• Heimasíða mótsins
• Chess-Results
• Beinar útsendingar