Hannes og Guðmundur með 4 vinninga eftir 5 umferðir

Vel gengur hjá Hannesi Hlífar Stefánssyni (2581) og Guðmundi Kjartanssyni (2457) á Hasselbacken-mótinu sem nú er í gangi í Stokkhólmi í Svíþjóð. Þeir hafa báðir 4 vinninga eftir fimm umferðir. Þeir eru í 10.-38. sæti. Í fimmtu umferð, sem fram fór í gær, gerði Hannes jafntefli við ísraelska stórmeistarann Evgeny Postny (2673) en Guðmundur vann hollenska skákmanninn Jacob Florians (2229).

Í sjöttu umferð, sem frem fer í dag, teflir Guðmundur við franska stórmeistarann Vladislav Tkachiev (2660) en Hannes við Svíann Jonas Lundvik (2204).

Umferð dagsins hefst kl. 12 og verða skákir beggja sýndar beint. 

Alls taka 387 skákmenn þátt í mótinu frá 53 löndum. Þar af eru 39 stórmeistarar. Hannes er nr. 24 í stigaröð keppenda en Guðmundur er nr. 37.

• Heimasíða mótsins
• Beinar útsendingar (hefjast kl. 12)
• Chess-Results

 

Hemmamót Vals - Keppnin um Valshrókinn hefst kl. 18

Hemmamótið-keppnin um VALS-Hrókinn fer fram í Lollastúkunni í Valsheimilinu að Hlíðarenda fimmtudaginn 4. maí og hefst kl. 18. Tefldar verða níu umferðir eftir svissneska kerfinu og verða tímamörkin 4 2, þ.e. 4 mínútur á alla skákina að viðbættum 2 sekúndum fyrir hvern leik.

Meðal keppenda er stórmeistarinn Jón L. Árnason.

Afar góð verðlaun eru í boði. Má þar nefna landsliðsbúning Tólfunnar, heimavallarmiða hjá Val auk þess sem allir keppendur 16 ára og yngri fá fría keppnistreyju. 

Mótið er haldið til minningar um Hemma Gunn en hann var meðal þátttakenda í Valsmótinu 2013 en lést nokkrum vikum síðar. Hermann Gunnarsson var ómetanlegur stuðningsmaður skáklistarinnar á íslandi,   og hrókur alls fagnaðar og þess vegna rakið að tefla jafnframt um VALS-Hrókinn en núverandi handhafi hans er Jón Viktor Gunnarsson. Jón Viktor vann einnig mótið árið 2014.

Hermann Gunnarsson var einn fræknasti afreksmaður Vals, markakóngur í knattspyrnu og handknattleik og klæddist margoft landsliðstreyju í báðum greinum; átti þess utan nokkra leiki í körfuknattleik með Val.  

VALS-Hrókurinn var gefinn af Jóhanni Eyjólfssyni fyrrverandi formanni Vals en gripurinn sem úr tré kom í leitirnar ekki  alls fyrir löngu en fyrst var keppt um hann fyrir meira en 60 árum og meðal sigurvegara á þeim tíma voru Gunnar Gunnarsson og Björn Theódórsson. Fjölmörg önnur verðlaun verða veitt  m.a. varningur  frá HENSON fyrirtæki formanns skákdeildar Vals, Halldórs Einarsson. Vakin er athygli því að EM treyja Tólfunnar er meðal verðlauna. Allir skákunnendur er hvattir til að taka þátt í mótinu og gamlir Valsmenn og konur eru alveg sérstaklega velkomin. Mótið er öllum opið meðan húsrúm leyfir. 

Mótið nú er haldið af Skákdeild Vals í samvinnu við Skáksamband Íslands og Skákskóla Íslands.

Mótið verður reiknað til alþjóðlegra hraðskákstiga.

Skráning fer fram á Skák.is (guli kassinn efst). Upplýsingar um þegar skráða keppendur má finna hér.

Hannes með jafntefli í gær - hefur 3½ vinning eftir 4 umferðir

Hannes Hlífar Stefánsson (2581) gerði jafntefli við indverska stórmeistarann B. Adhiban (2633) í 4. umferð Hasselbacken-mótsins í Stokkhólmi í Svíþjóð. Hannes hefur 3½ vinning og er í 5.-24. sæti á mótinu. Í dag teflir hann við ísraelska stórmeistarann Evgeny Postny (2673). 

Guðmundur Kjartansson (2457) vann Svíann Svíann Jan Lundin (2275) og hefur 3 vinninga. Í dag teflir hann við hollenska skákmanninn Jacob Florians (2229). 

Fimmta umferð hefst í dag kl. 12. Skák Hannesar verður í beinni á vefsíðu mótsins.

Alls taka 387 skákmenn þátt í mótinu frá 53 löndum. Þar af eru 39 stórmeistarar. Hannes er nr. 24 í stigaröð keppenda en Guðmundur er nr. 37.

• Heimasíða mótsins
• Beinar útsendingar (hefjast kl. 12)
• Chess-Results

 

Vigfús sigraði á hraðkvöldi

Vigfús Ó. Vigfússon sigraði örugglega á hraðkvöldi Hugins sem, haldið var 2. maí sl. Vigfús vann allar skákir sínar níu að tölu og fékk því fullt hús á þessari æfingu. Annar var Jon Olav Fivelstad með 7v.. Síðan komu þrír skákmenn jafnir með 6v en það voru Sigurður Freyr Jónatansson, Kristinn Jón Sævaldsson og Kristófer Ómarsson, Sigurður Freyr náði þriðja sætinu eftir þrjá stigaútreikning.

Í þetta sinn voru þátttakendur 10 og tefldu einfalda umferð allir við alla. Notuð voru sömu tímamörk eins og síðast 4 mínútur + 2 sek. á hvern leik. Úrslitin voru ráðin fyrir síðustu umferð en það var eina umferðin þar sigurvegarinn lenti í taphættu í skákinni við Sindra Snæ Kristófersson. Eftir glannalega taflmennsku í byrjuninni lenti svarti kóngurinn á miðjum vígvellinum en náði einhvern veginn að sleppa undan sókn hvíts. Þegar leið á skákina réð reynslan úrslitum. Það fór því vel á því þegar Vigfús dró Sindra Snæ í happdrættinu. Sindri Snær valdi pizzu frá Dominos en Vigfús Saffran. Næsta skákkvöld verður hraðkvöldi mánudaginn 30. mai nk.

Lokastaðan á hraðkvöldinu:

1. Vigfús Ó. Vigfússon, 9v/9
2. Jon Olav Fivelstad, 7v
3. Sigurður Freyr Jónatansson, 6v
4. Kristinn Jón Sævaldsson, 6v
5. Kristófer Ómarsson, 6v
6. Hörður Jónasson, 4v
7. Finnur Kr. Finnsson, 2,5v
8. Sindri Snær Kristófersson, 2,5v
9. Páll Friðgeirsson, 1,5v
10. Björgvin Kristbergsson, 0,5v

Úrslitin í chess-results

Hemmamótið - keppnin um Valshrókinn fer fram í dag

Hemmamótið-keppnin um VALS-Hrókinn fer fram í Lollastúkunni í Valsheimilinu að Hlíðarenda fimmtudaginn 28. apríl og hefst kl. 18. Tefldar verða níu umferðir eftir svissneska kerfinu og verða tímamörkin 4 2, þ.e. 4 mínútur á alla skákina að viðbættum 2 sekúndum fyrir hvern leik.

Afar góð verðlaun eru í boði. Má þar nefna landsliðsbúning Tólfunnar, heimavallarmiða hjá Val auk þess sem allir keppendur 16 ára og yngri fá fría keppnistreyju. 

Mótið er haldið til minningar um Hemma Gunn en hann var meðal þátttakenda í Valsmótinu 2013 en lést nokkrum vikum síðar. Hermann Gunnarsson var ómetanlegur stuðningsmaður skáklistarinnar á íslandi,   og hrókur alls fagnaðar og þess vegna rakið að tefla jafnframt um VALS-Hrókinn en núverandi handhafi hans er Jón Viktor Gunnarsson. Jón Viktor vann einnig mótið árið 2014.

Hermann Gunnarsson var einn fræknasti afreksmaður Vals, markakóngur í knattspyrnu og handknattleik og klæddist margoft landsliðstreyju í báðum greinum; átti þess utan nokkra leiki í körfuknattleik með Val.  

VALS-Hrókurinn var gefinn af Jóhanni Eyjólfssyni fyrrverandi formanni Vals en gripurinn sem úr tré kom í leitirnar ekki  alls fyrir löngu en fyrst var keppt um hann fyrir meira en 60 árum og meðal sigurvegara á þeim tíma voru Gunnar Gunnarsson og Björn Theódórsson. Fjölmörg önnur verðlaun verða veitt  m.a. varningur  frá HENSON fyrirtæki formanns skákdeildar Vals, Halldórs Einarsson. Vakin er athygli því að EM treyja Tólfunnar er meðal verðlauna. Allir skákunnendur er hvattir til að taka þátt í mótinu og gamlir Valsmenn og konur eru alveg sérstaklega velkomin. Mótið er öllum opið meðan húsrúm leyfir. 

Mótið nú er haldið af Skákdeild Vals í samvinnu við Skáksamband Íslands og Skákskóla Íslands.

Mótið verður reiknað til alþjóðlegra hraðskákstiga.

Skráning fer fram á Skák.is (guli kassinn efst). Upplýsingar um þegar skráða keppendur má finna hér.

Hannes með fullt hús í Stokkhólmi

Hannes Hlífar Stefánsson (2581) vann sænska FIDE-meistarann Tom Rydström (2303) í þriðju umferð Hallesbacken-mótsins sem fram fór í Stokkhólmi í gær. Hannes er meðal 23 keppenda sem hafa fullt hús á mótinu. Í fjórðu umferð, sem hefst á hádegi, teflir Hannes við indverska stórmeistarann B. Adhiban (2633). Skák Hannesar verður í beinni á vefsíðu mótsins.

Guðmundur Kjartansson (2457) tapaði fyrir ungverska stórmeistaranum Zoltan Almasi (2681) og hefur 2 vinninga. Hann teflir í dag við Svíann Jan Lundin (2275).

Alls taka 387 skákmenn þátt í mótinu frá 53 löndum. Þar af eru 39 stórmeistarar. Hannes er nr. 24 í stigaröð keppenda en Guðmundur er nr. 37.

• Heimasíða mótsins
• Beinar útsendingar (hefjast kl. 12)
• Chess-Results

 

Spennandi Kópavogsmót stúlkna

Ellefu flottar stúlkur úr grunnskólum Kópavogs mættu til keppni um meistaratignir stúlkna í 5.-7.bekk og 8.-10.bekk.

Mótið fór fram í Glersalnum í stúkunni við Kópavogsvöll í umsjón Skákdeildar Breiðabliks og skákkennara í Kópavogi.

Keppnin var hörð og spennandi í báðum flokkum og eftir 11 umferðir voru þrjár stúlkur hnífjafnar í 1.-3. sæti í 5.-7.bekkjar keppninni. 

Eftir að búið var að nota þrjú þrep stigaútreiknings var niðurstaðan eftirfarandi:

1. Ásgerður Júlía Gunnarsdóttir Salaskóla
2. Rakel Tinna Gunnarsdóttir Salaskóla
3. Esther Lind Valdimarsdóttir Salaskóla 

Sama jafna keppni var á milli tveggja stúlkna í 8.-10.bekkjar keppninni. Eftir þrjú þrep stigaútreiknings var niðurstaðan:

1. Arnhildur Tómasdóttir Smáraskóla
2. Edda Ingibjörg Gunnarsdóttir Smáraskóla 

Úrslit mótsins á Chess Results 

Myndaalbúm (HGE)

NM stúlkna: Lokapistill

Dagana 28. apríl til 1. maí fór Norðurlandamót stúlkna fram í bænum Alta í Noregi. Alta er nyrsta bæjarfélag í heiminum með íbúa yfir 10.000 og er mjög athyglisverður staður að heimsækja. Svæðið er vinsæll ferðamannastaður en þar nýtur fólk norðurljósanna yfir vetrartímann en á sumrin streyma þangað veiðimenn í leit að stórum löxum í Altaánni, sem er ein gjöfulasta laxveiðiá Noregs.

Fulltrúar Íslands á mótinu að þessu sinni voru Nansý Davíðsdóttir (1808) og Svava Þorsteinsdóttir (1332) sem tefldu í B-flokki og Freyja Birkisdóttir (1158) og Batel Goitom Haile (0) sem tefldu í C-flokki. Enginn fulltrúi Íslands tefldi í A-flokki að þessu sinni. Fararstjóri og þjálfari hópsins var FM Björn Ívar Karlsson en móðir Freyju, Guðlaug Björnsdóttir, og faðir Batel, Goitom Haile Tesfamheret, voru einnig með í för. Gist var á mjög viðkunnalegu hóteli í bænum, Thon Alta Hotel, þar sem vel fór um keppendur og fylgdarlið. Teflt var á 3. hæð hótelsins, í rúmgóðum sal, þar sem öll aðstaða var til fyrirmyndar. Tvær skákir úr hverjum flokki voru sýndar beint á netinu í hverri umferð auk þess sem sýnt var frá tveimur síðustu umferðunum í beinni sjónvarpsútsendingu. Alþjóðlegi meistarinn Nikolai Getz og Fide-meistarinn Erlend Mikaelsen sáu um útsendingarnar og þeir fengu auk þess til sín keppendur og þjálfara til þess að fara yfir skákirnar. Aðalskipuleggjandi mótsins, Jörund Greibrokk sem er formaður taflfélagsins á svæðinu, sá um skipulagið og hafði sér til aðstoðar tvo mjög færa skákdómara sem sáu til þess að farið var eftir settum reglum. Mega Norðmennirnir vera mjög stoltir af framkvæmd mótsins.

Taflmennska íslensku keppendanna var mjög góð. Ljóst var fyrir mótið að Nansý eigði möguleika á því að berjast um verðlaunasæti þar sem hún var næststigahæsti keppandi B-flokks. Hún háði harða baráttu við Ingrid Greibrokk (1878) um sigurinn í mótinu sem réðist í síðustu umferð. Þar vann Nansý Svövu og þurfti á sama tíma að treysta á að Ingrid tapaði. Fór svo að Ingrid vann sína skák, þrátt fyrir að standa höllum fæti um tíma, og tryggði sér þar með sigurinn í B-flokki. Nansý fékk silfrið og má vera mjög ánægð með sinn árangur. Hún hlaut 4 vinninga af 5 mögulegum, fór taplaus í gegnum mótið og leyfði einungis tvö jafntefli. Nansý hækkar um 22 stig fyrir frammistöðuna. Svava endaði í 6.-7. sæti og hlaut 1,5 vinning. Svava tefldi vel í flestum sínum skákum og er greinilega í mikilli framför. Hana skortir hins vegar örlítið upp á reynsluna sem er mikilvæg í mótum sem þessum. Svava lækkar um 6 stig eftir mótið.

Freyja fékk 2,5 vinning í C-flokki. Hún barðist eins og ljón í öllum sínum skákum, sem er klárlega hennar helsti styrkleiki, og það skilaði henni þessum fína árangri. Freyja hækkar um 10 stig fyrir frammistöðuna. Batel var eini stigalausi keppandinn í C-flokki og það var ljóst fyrir mótið að hún gæti átt erfitt mót fyrir höndum. Taflmennskan hennar fór hins vegar síbatnandi þegar leið á mótið og hún endaði á því að vinna í lokaumferðinni sem var mjög ánægjulegt og henni líka mjög mikilvægt. Hún hlaut 1 vinning. Batel, sem byrjaði að æfa skák fyrir nokkrum mánuðum er mjög efnileg, en hana skortir reynslu í kappskákum og á framtíðina fyrir sér haldi hún áfram að æfa. 

Norðmenn sigruðu verðskuldað í öllum flokkum. Kimia Moradi í A-flokki, Ingdrid Greibrokk í B-flokki og Embla Eikeland Grönn í C-flokki. Áhugi á skák í Noregi hefur aukist mikið undanfarin ár og ástæðan leynist engum. Heimsmeistarinn hefur kveikt mikinn skákáhuga í heimalandi sínu, svo mikinn að menn á svæðinu tala um "the Magnus Carlsen-effect".

Lítill frítími gafst á meðan á mótinu stóð enda tefldar fimm umferðir á þremur dögum. Eftir lokaumferðina var keppendum og fylgdarliði hins vegar boðið upp á skemmtiferð sem skipuleggjendur mótsins sáu um. Farið var í ratleik í skóginum í útjaðri bæjarins, sem fól í sér hjólaferð á sérútbúnum fjallahjólum á nagladekkjum og skemmtilega spurningakeppni, sem endaði á matarboði í tjaldi með varðeldi. Þetta var allt hin besta skemmtun. 

Stelpurnar stóðu sig allar virkilega vel á meðan á mótinu stóð, bæði í æfingum og undirbúningi fyrir skákir en einnig í umgengni og hegðun. Höfðu skipuleggjendur mótsins orð á því að íslenski hópurinn væri til mikillar fyrirmyndar.

- Björn Ívar Karlsson

Heimasíða mótsins

Myndir frá mótinu

Hafnasamlag Norðurlands (Símon) sigurvegari Firmakeppni Sa

Í gær fór fram úrslitakeppnin í Firmakeppni Skákfélags Akureyrar. Undanfarnar vikur hefur undankeppni farið fram og 12 fyrirtæki komust í úrslit. Þau leiddu saman hesta sína og knapa. Knaparnir drógu sér fyrirtæki til að tefla fyrir. Í keppninni tóku þátt bæði þrautreyndir kappar sem og styttra komnir efnispiltar.

Snemma var ljóst að tvö fyrirtæki börðust um sigurinn. Það voru Hafnasamlag Norðurlands og Gullsmiðirnir Sigtryggur og Pétur. Að auki var hörð keppni um 3. sætið og þar vegnaði ýmsum betur.

Svo fór að lokum að Símon Þórhallsson kom fyrstur í höfn fyrir Hafnasamlag Norðurlands með 10 vinninga af 11 mögulegum. Jón Kristinn Þorgeirsson gerði harða atlögu að gullinu, enda tefldi hann fyrir Gullsmiðina Sigtrygg og Pétur. Hann lenti að lokum í 2. sæti, hálfum vinningi á eftir Hafnarsamlaginu. Í 3. sæti lenti Litla saumastofan með 7,5 vinninga. Fyrir hana tefldi Sigurður Arnarson og saumaði hann vel að andstæðingum sínum. Jöfn í 4.-5. sæti urðu Olís og Þrif og ræstivörur. Bæði fyrirtækin hlutu 7 vinninga. Fyrir hið fyrrnefnda tefldi elsti kappi mótsins, sjálfur Ólafur Kristjánsson. Hann gaf allt í botn í sínum skákum. Fyrir hið síðarnefnda tefldi Andri Freyr Björgvinsson. Hann gekk hreint til verks og sópaði að sér vinningum.
Heildarstöðuna má sjá hér að neðan.

 

1. Hafnasamlag Norðurlands (Símon Þórhallsson) 10 vinningar af 11 mögulegum
2. Gullsmiðir, Sigtryggur og Pétur (Jón Kristinn Þorgeirsson) 9,5 vinningar
3. Litla saumastofan (Sigurður Arnarson) 7,5 vinningar
4. Olís (Ólafur Kristjánsson) 7 vinningar
5. Þrif og ræstivörur (Andri Freyr Björgvinsson) 7 vinningar
6. Heimilistæki (Áskell Örn Kárason) 6,5 vinningar
7. Matur og Mörk (Haraldur Haraldsson) 5.5 vinningar
8. Skósmiðurinn og álfarnir (Sigurður Eiríksson) 4,5 vinningar
9. Skíðaþjónustan (Smári Ólafsson) 3,5 vinningar
10. Becromal (Kristinn P. Magnússon) 3 vinningar
11. Norðlenska (Fannar Breki Kárason) 1 vinningur
12. Tengir (Arnar Smári Signýjarson) 0 vinningar en mikil reynsla í reynslubankann.

Hemmamótið - keppnin um Valshrókinn fer fram á miðvikudag - mjög góð verðlaun

Hemmamótið-keppnin um VALS-Hrókinn fer fram í Lollastúkunni í Valsheimilinu að Hlíðarenda fimmtudaginn 28. apríl og hefst kl. 18. Tefldar verða níu umferðir eftir svissneska kerfinu og verða tímamörkin 4 2, þ.e. 4 mínútur á alla skákina að viðbættum 2 sekúndum fyrir hvern leik.

Afar góð verðlaun eru í boði. Má þar nefna landsliðsbúning Tólfunnar, heimavallarmiða hjá Val auk þess sem allir keppendur 16 ára og yngri fá fría keppnistreyju. 

Mótið er haldið til minningar um Hemma Gunn en hann var meðal þátttakenda í Valsmótinu 2013 en lést nokkrum vikum síðar. Hermann Gunnarsson var ómetanlegur stuðningsmaður skáklistarinnar á íslandi,   og hrókur alls fagnaðar og þess vegna rakið að tefla jafnframt um VALS-Hrókinn en núverandi handhafi hans er Jón Viktor Gunnarsson. Jón Viktor vann einnig mótið árið 2014.

Hermann Gunnarsson var einn fræknasti afreksmaður Vals, markakóngur í knattspyrnu og handknattleik og klæddist margoft landsliðstreyju í báðum greinum; átti þess utan nokkra leiki í körfuknattleik með Val.  

VALS-Hrókurinn var gefinn af Jóhanni Eyjólfssyni fyrrverandi formanni Vals en gripurinn sem úr tré kom í leitirnar ekki  alls fyrir löngu en fyrst var keppt um hann fyrir meira en 60 árum og meðal sigurvegara á þeim tíma voru Gunnar Gunnarsson og Björn Theódórsson. Fjölmörg önnur verðlaun verða veitt  m.a. varningur  frá HENSON fyrirtæki formanns skákdeildar Vals, Halldórs Einarsson. Vakin er athygli því að EM treyja Tólfunnar er meðal verðlauna. Allir skákunnendur er hvattir til að taka þátt í mótinu og gamlir Valsmenn og konur eru alveg sérstaklega velkomin. Mótið er öllum opið meðan húsrúm leyfir. 

Mótið nú er haldið af Skákdeild Vals í samvinnu við Skáksamband Íslands og Skákskóla Íslands.

Mótið verður reiknað til alþjóðlegra hraðskákstiga.

Skráning fer fram á Skák.is (guli kassinn efst). Upplýsingar um þegar skráða keppendur má finna hér.