Skák.is

Bloggfærslur mánaðarins, maí 2016

2.5.2016 | 11:23

Hannes og Guðmundur með fullt hús

Hannes Hlífar Stefánsson (2581) og Guðmundur Kjartansson (2457) hafa fullt hús á Hasselbacken-mótinu þegar tveimur umferðum er lokið. Í dag kl. 12 hefst þriðja umferð og fara þá leikur heldur að æsast.

Guðmundur teflir á þá á þriðja borði við ungverska stórmeistarann Zoltan Almasi (2681) en Hannes við sænska FIDE-meistarann Tom Rydström (2303).

Alls taka 387 skákmenn þátt í mótinu frá 53 löndum. Þar af eru 39 stórmeistarar. Hannes er nr. 24 í stigaröð keppenda en Guðmundur er nr. 37.

Spil og leikir | Slóð | Facebook | Athugasemdir (0)

2.5.2016 | 07:00

Hraðkvöld hjá Hugin í kvöld

Hraðkvöld Hugins verður mánudaginn 2. maí nk. og hefst taflið kl. 20:00. Tefldar verða 7-10 umferðir með umhugsunartímanum 4 mínútur + 2 sekúndur á hvern leik. Teflt er í félagsheimili Hugins í Álfabakka 14a í Mjóddinni. Í vetur verða svo hraðkvöldin fyrsta og síðasta mánudag í hverjum mánuði að því undanskildu þegar mánudag ber upp á stórhátíð eða aðrir viðburðir eru til staðar..

Sigurvegarinn á hraðkvöldinu fær í verðlaun máltíð fyrir einn á Saffran eða pizzu frá Dominos Einnig verður dreginn út af handahófi annar keppandi sem einnig fær sama val. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Spil og leikir | Breytt s.d. kl. 08:34 | Slóð | Facebook | Athugasemdir (0)

1.5.2016 | 13:52

Hasselbacken-mótið hófst í gær - Hannes og Guðmundur taka þátt

Hasselbacken-skákmótið hófst í Stokkhólmi í Svíþjóð í gær. Hannes Hlífar Stefánsson (2581) og Guðmundur Kjartansson (2457) eru meðal keppenda á mótinu. Þeir unnu báðir í gær í fyrstu umferð fremur stigalága andstæðinga. Önnur umferð hófst kl. 12 í dag og má fylgjast með Hannesi í beinni en hann teflir við Bengt Hammar (2168).

Alls taka 387 skákmenn þátt í mótinu frá 53 löndum. Þar af eru 39 stórmeistarar. Hannes er nr. 24 í stigaröð keppenda en Guðmundur er nr. 37.

Spil og leikir | Slóð | Facebook | Athugasemdir (0)

1.5.2016 | 12:38

NM stúlkna: Nansý með silfur

NM stúlkna lauk í morgun í Alta í Noregi. Nansý Davíðsdóttir (1778) vann Svövu Þorsteinsdóttur (1332) í lokaumferðinni. Hún hlaut 4 vinninga í 5 skákum fékk silfur að verðlaunum í b-flokknum. Svava hlaut 1,5 vinninga og endaði í 6.-7. sæti.

Freyja Birkisdóttir (1598) gerði jafntefli í lokaumferðinn. Hún hlaut 2,5 vinninga og endaði í 6.-9. sæti. Batal Goitom vann í lokaumferðinni og hlaut 1 vinning.

Björn Ívar Karlsson á eftir að gera lokaumferðinni og mótinu betri skil hér á Skák.is.

Heimasíða mótsins

Spil og leikir | Breytt s.d. kl. 14:06 | Slóð | Facebook | Athugasemdir (0)

1.5.2016 | 12:09

Ólafur og Þorvarður efstir á æsispennandi Öðlingamóti

Ólafur Gísli Jónsson (1904) og Þorvarður Fannar Ólafsson (2195) eru efstir og jafnir með 4 vinninga hvor þegar fimm umferðum er lokið á Skákmóti öðlinga. Ólafur sigraði Þorvarð í fimmtu umferð og virðist í miklu stuði því í fjórðu umferð lagði hann stigahæsta keppanda mótsins, Sigurð Daða Sigfússon (2299). Sigurður Daði, Siguringi Sigurjónsson (1971) og Árni H. Kristjánsson (1894) koma næstir með 3,5 vinning.

Þess ber að geta að enn á eftir að tefla eina viðureign fimmtu umferðar þar sem Stefán Arnalds (2007) hefur hvítt gegn Magnúsi Kristinssyni (1822). Báðir hafa þeir 3 vinninga og geta því með sigri náð efstu mönnum að vinningum.

Sjötta og næstsíðasta umferð fer fram næstkomandi miðvikudagskvöld og hefst venju samkvæmt kl. 19.30. Pörun liggur fyrir um leið og úrslit fyrrnefndar skákar verða ljós.

Skákir fimmtu umfeðar innslegnar af Þóri Ben fylgja með sem viðhengi.

Spil og leikir | Breytt s.d. kl. 12:12 | Slóð | Facebook | Athugasemdir (0)

1.5.2016 | 12:05

Tómas Veigar héraðsmeistari HSÞ í skák

Tómas Veigar Sigurðarson vann sigur á héraðsmóti HSÞ í skák sem fram fór á sumardaginn fyrsta á Laugum. Tómas, sem gerði jafntefli í fyrstu umferð gegn Sigurði Daníelssyni, vann allar aðar skákir og fékk því 4,5 vinninga af 5 mögulegum. Rúnar Ísleifsson og Sigurður Danílesson fengu báðir 3 vinninga en Rúnar hreppt annað sætið eftir stiga útreikning. Einungis 6 keppendur tóku þátt í mótinu að þessu sinni.

Lokastaðan á Chess-Results.

Spil og leikir | Slóð | Facebook | Athugasemdir (0)

1.5.2016 | 06:07

NM stúlkna: Lokaumferðin

Senn hefst 5. og síðasta umferð Norðurlandamóts stúlkna í Alta í Noregi.

Í B-flokki mætast Svava Þorsteinsdóttir og Nansý Davíðsdóttir innbyrðis og eru í beinni útsendingu. Í C-flokki teflir Freyja Birkisdóttir við Agnesi Ng frá Svíþjóð og Batel Goitom Haile mætir Aurora Lappi frá Finnlandi.

Bein sjónvarpsútsending er frá mótinu.