Skákmeistari Georgíu uppvís að svindli

Svindlatvik kom upp í Dubai Open fyrir skemmstu. Skákmeistari Georgíu tveggja síðustu ára,Gaioz Nigalidze, var uppvís að svindli. Hann stundaði klósettferðir stíft og varð andstæðingur hans, armenski stórmeistarinn, Tigran Petrosian, var við það að hann fór ávallt á sama salernið jafnvel þótt önnur væru laus og tilkynnir skákstjóra sem kannar málið.

Í ljós kom þar sími Nigalidze falinn vafinn inn í salernispappír. Nigalidze neitaði að eiga símann en í ljós kom að síminn var innskráður á hans nafn og einnig að staðan í skák hans var í tölvureikningi. 

Á heimasíðu mótsins segir svo frá:

International Arbiter (IA) Mahdi Abdul Rahim, the tournament’s chief arbiter, said Petrosian had earlier informed tournament officials of his suspicion that Nigalidze was getting help from a chess computer through a portable electronic device during the game, as the Armenian noticed the Georgian was oddly frequenting the toilet after each move during a crucial part of the game.

When the officials initially checked Nigalidze, they did not find any device with him. Tournament Director and Chief Arbiter suspected he is using the same cubicle . When they checked the cubicle in question, they found a mobile phone and a headset hidden behind the pan and covered with toilet paper. When confronted, Nigalidze denied he owned the device, but officials opened the smart phone and found it was logged into a social networking site under Nigalidze’s account. They also found his game being analyzed in one of the chess applications.

Nigalidze var vísað úr mótinu með skömm og getur átt á von á löngu banni frá skákmótinu frá FIDE fyrir utan allan mannorðsmissi.

Afleiðingin að þessu gæti verið að allt eftirlit með skákmönnum verði mjög hert á komandi misserum. 

Nánar á Chess24.

Fjórða mótið í Bikarsyrpu T.R. hefst föstudaginn 1. maí

Bikarsyrpa Taflfélags Reykjavíkur er nýjung í mótahaldi á Íslandi. Syrpan samanstendur af nokkrum kappskákmótum og er ætluð börnum á grunnskólaaldri (fædd 1999 og síðar) sem ekki hafa náð 1600 skákstigum. Þar með gefst þeim tækifæri til að næla sér í alþjóðleg skákstig á skákmótum sem sérhönnuð eru fyrir þau.

Fjórða mótið í syrpunni hefst föstudaginn 1. maí og stendur til sunnudagsins 3. maí. Tefldar eru 5 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo við leggjum ætíð áherslu á að krakkarnir vandi sig og noti tímann vel, þá má gera ráð fyrir að margar skákir taki mun styttri tíma.

Mótið er sérstaklega hugsað fyrir krakka sem hafa sótt skákæfingar Taflfélagsins (og/eða annarra taflfélaga) reglulega síðastliðinn vetur eða lengur. Það er gott að byrja sem fyrst að keppa á kappskákmótum, en hingað til hefur þeim krökkum sem vilja tefla á “alvöru mótum” mestmegnis staðið til boða að taka þátt í opnum mótum. Þar er styrkleikamunurinn oft mikill, mótin taka langan tíma, auk þess sem marga krakka óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því.

Einungis börn og unglingar á grunnskólaaldri sem ekki hafa náð 1600 alþjóðlegum skákstigum geta tekið þátt í mótum Bikarsyrpunnar. Þannig er styrkleikamunurinn minni en ella og krakkarnir njóta þess betur að tefla kappskákir. Tímamörkin eru líka styttri, og henta krökkunum betur en langar 90 mínútna skákir sem tíðkast á venjulegum kappskákmótum. Mótið uppfyllir öll skilyrði Alþjóða skáksambandsins FIDE og er reiknað til alþjóðlegra skákstiga sem gott er að byrja að safna snemma. Eins og á aðra viðburði félagsins þá er frítt í mótin fyrir krakka í Taflfélagi Reykjavíkur. Fyrir krakka í öðrum taflfélögum er þátttökugjaldið 1000 krónur fyrir hvert mót Bikarsyrpunnar.

Dagskrá:
1. umferð 17.30 á föstudegi (1. maí)
2. umferð 10.30 á laugardegi (2. maí)
3. umferð 14.00 á laugardegi (2. maí)
4. umferð 10.30 á sunnudegi (3. maí)
5. umferð 14.00 á sunnudegi  (3. maí). (Lokaumferð + verðlaunaafhending).

Sigurvegari fyrsta móts Bikarsyrpunnar var TR-ingurinn Mykhaylo Kravchuk, TR-ingurinn Aron Þór Mai sigraði á öðru mótinu og á því þriðja sigraði Fjölnisdrengurinn Jóhann Arnar Finnsson.

Skráning fer fram hér.
Vinsamlegast skráið þátttakendur sem fyrst, það hjálpar við undirbúning mótsins!  Skráðir keppendur.

Bikarsyrpan samanstendur af fjórum mótum í vetur. Bikarar og medalíur eru í verðlaun fyrir efstu sætin í hverju móti, en auk þess verða veitt sérstök verðlaun fyrir samanlagðan árangur á mótunum.

Hlökkum til að sjá ykkur!

• Bikarsyrpa #1
• Bikarsyrpa #2
• Bikarsyrpa #3

Skákstjórar í brennidepli: Svindl og umdeildir úrskurðir

Umdeild atvik hafa átt sér stað við skákborðið undanfarið sem vakið hafa mikla athygli. Hæst ber auðvitað So-málið þar sem dæmt var tap á Wesley So eftir sex leiki fyrir að hafa skrifað athugasemdir á blað sem hann hafði meðferðis. Sjá nánar á Chess24.

Þykir mjög strangur og umdeildur dómur þótt um það sé ekki deilt að það hafi verið réttur skákstjóra að dæma svo. Skákstjórinn hafði reyndar einnig val um að beita vægari refsingum.

Georgískur svindlari var klófestur í Dubai og tap dæmt á keppenda á Aero-flot mótinu fyrir að skrifa niður leiki fyrirfram. 

Ítarlega er fjallað um þetta á Chess24 en hér að neðan má finna stutta samantekt um So-málið. Fjallað verður um hin málin fljótlega.

--------------

Wesley So kom sterkur til baka eftir tapið umdeilda gegn Akobian og vann Gata Kamsky örugglega með svörtu. 

So útskýrir hegðun sína svo:

I wrote something beside my scoresheet on a piece of paper – just to focus during the game, which was a reminder for me to play hard – but apparently the rules don't allow it so I lost the game yesterday.

According to the arbiter he had warned you about it before...

I wrote it on my scoresheet before. He told me you can only write draw offers or the times or the results on the scoresheet, so I brought a piece of paper with me this time, but my logic didn't work out.

Síðar gagnrýnir So andstæðing sinn og landsliðsfélaga:

So you have one more game to play. What do you have to play for now in the last round?

To try to win. I can understand Var [Varuzhan Akobian] for not wanting to play against me.....

You mentioned Var. He says you guys are friends and the opportunity to play you doesn't come every day. Do you think he didn't want to play you?

Well obviously he wanted a free point.

You think he just wanted the free point?

Yes.

Wow, that's a big claim. He said you guys are teammates and friends.

Well we were. But yes, I guess you've just got to abide by the rules.

Hikaru Nakamura lét í sér heyra á Twitter og vandaði landsliðsfélaga sínum ekki kveðjurnar. 

Very shameful and disrespectful comments by So about Varuzhan Akobian. Blame everyone except yourself for breaking the rules.

— Hikaru Nakamura (@GMHikaru) April 11, 2015

Ritstjóri kannast við Wesley So sem er við öll viðkynni ákaflega þægilegur í allri umgengi og var t.a.m. fyrirmyndarkeppandi á Reykjavíkurskákmótinu 2013. Umdeildanlegt er hvort það sama eigi um Nakamura.

Skák.is mun fjalla nánar um hin málin fljótlega.

Minningarmót Þorsteins Guðlaugssonar fer fram á morgun

Á morgun þriðjudag tefla Ásar í minningu Þorsteins Guðlaugssonar. Mótið hefst Kl. 13.00 í Stangarhyl 4. Allir  karlar 60 + velkomnir og allar konur 50 + velkomnar. Tefldar verða 9-10 umferðir með 10 mín. umhugsun.

 

 

Almar Máni kjördæmismeistari Suðurlands í yngri flokki

Kjördæmismót Suðurlands í skólaskák fór fram í Fischersetrinu föstudaginn 10.apríl kl.15. 13 keppendur tóku þátt í yngri flokk (1-7 bekkur) úr 4 skólum. Enginn keppandi keppti í eldri flokk. Tefldar voru 6 umferðir með 15.min umhugsunartíma.

Í fjórum efstu sætunum urðu:

1. Heiðar Óli Guðmundsson - Helluskóli - 5 vinningar.
2. Almar Máni Þorsteinsson - Helluskóli - 5 vinningar.
3. Katla Torfadóttir - Helluskóli - 4 vinningar
4. Martin Srichakham - Helluskóli - 4 vinningar.

Smelltu hér til að skoða nákvæm úrslit.

Keppendur úr Grunnskólanum Hellu og Flóaskóla settu mestan svip á keppnina.

Almar vann Heiðar í úrslitaskák og er því kjördæmameistari Suðurlands 2015. Almar og Heiðar verða fulltrúar Suðurlands í yngri flokki í Landsmótinu í skólaskák sem fer fram á Selfossi 30. apríl - 3 maí n.k. Sem fyrr segir settu krakkar úr Flóaskóla einnig sterkan svip á keppnia og greinilega mikil efni þar á ferð. 

Heimasíða SSON

 

 

KR & Gallerý Skák: Árdegismótið - Birgir Berndsen efstur

Í gærmorgun eins og ávallt á laugardögum var efnt til æfingamóts í KR-heimilinu fyrir árrisula ástríðukákmenn sem vildu hrista af sér slenið og undirgangast skák- og veðurgremjuskapröskunarþerapý til að létta þeim lund. Veðrið var líka þannig að ekki veitti af. 

Sumir telja að þeir sem haldnir eru „skákáráttu“ eyði of miklum tíma í að tefla í stað þess að afla tekna til heimilisins, en gleyma því þá að sumar eiginkonur eru haldnar viðþolslausri „moll-búðarráps-áráttuhegðun“ sem er mun skæðari og skaðlegri heimilisbúskapnum þegar til lengdar lætur og á allt er litið. Sigurvegarinn í dag kom klakabrynjaður inn úr kuldanum og fann sig vel eftir honum fór að hitna í hamsi. Björgvin varð að hverfa á braut eftir þrjár skákir unnar. 

Eins og sjá má á mótstöflunni hér að neðan var þátttaka góð þó ekki sé sýndur árangur þeirra sem fengu minna. Gott að tvíklikka á myndir og töflur til að fá þær skýrari. 

Gríðarlega fjölmennt Skólameistaramót Kópavogs

Gríðarlega fjölmennt Skólameistaramót Kópavogs fór fram í Stúkunni föstudaginn 10. apríl. Teflt var í allmörgum flokkum. Úrslit í einstökum flokkum urðu sem hér segir:

8.-10. bekkur

1. Dawid Kolka 7,5 v. af 8
2. Björn Hólm Birkisson 7 v.
3. Bárður Örn Birkisson 6,5 v.
4. Viktor Andri Henrikssen 5,5
5. Felix Steinþórsson 5,5 v.

Lokaöstðuna má finna á Chess-Results.

Fimm efstu menn mótsins fá keppnisrétt á Kjördæmismóti Reykjaness í eldri flokki em fram fer 16. apríl nk.

3.-7. bekkur

1. Vignir Vatnar Stefánsson 8,5 v. af9
2. Róbert Luu 7 v.
3. Halldór Atli Kristjánsson 7 v.
4. Nikulás Ýmir Valgeirsson 6,5 v.
5. Sindri Snær Kristófersson 6,5 v.

Lokastöðuna má finna á meðfylgjandi PDF-viðhengi. Fimm efstu mótsins fá keppnisrétt á Kjördæmismótinu í yngri flokki.

Röð efstu stúlkna var sem hér segir:

• 1. Rakel Tinna Gunlagusdóttir 5 v.
• 2. Ásgerður Júlía Gunnarsdóttir 5 v.
• 3.-4. Freyja Birkisdóttir og Þórdís Agla Jóhannsdóttir 4 v.

Lokastaða efstu manna í flokki keppenda í 2. bekk

1. Snorri Sveinn Lund 5 v.
2. Gunnar Erik Guðmundsson 4 v.
3. Rayan Sharifa 4 v.
4. Ásgeir Bragi Baldursson
5. Sigurður Sveinn Guðjónsson 4v.

Sjá nánar á Chess-Results.

Lokastaða efstu manna í flokki keppenda í 1. bekk

1. Andri Hrannar Elvarsson 5 v.
2. Bjarki Steinn Guðlaugsson 4 v.
3. Stefán Breki Guðmundsson 3,5 v.
4. Edith Kristín Kristjánsdóttir 3,5 v.
5. Tómas Möller 3 v.

Sjá nánar í Chess-Results.

Myndaalbúm (Tómas Rasmus og fleiri)

Skrár tengdar þessari bloggfærslu:

• kopavogsmeistarar_mi_stig_og_yngri.pdf

Skákþáttur Morgunblaðsins: Lenka efst í áskorendaflokki Íslandsmótsins

Lenka Ptacnikova er efst í áskorendaflokki á Skákþingi Íslands þegar fjórar umferðir hafa verið tefldar. Hún vann Oliver Aron Jóhannesson í 4. umferð sem tefld var á þriðjudagskvöldið og hefur þegar þetta er ritað vinnings forskot á næstu menn. Áskorendaflokkurinn gefur tvö sæti til þátttöku í landsliðsflokki að ári en landsliðsflokkurinn 2015 fer fram í Hörpunni í lok maí nk. Meðal keppenda í áskorendaflokknum er stórmeistarinn Hjörvar Steinn Grétarsson. Það er í sjálfu sér ekki eftir neinu að slægjast fyrir hann þar sem hann hefur öll réttindi hvað varðar landsliðsflokkinn. Hjörvar hefur áður kosið að tefla í þessum flokki til að halda sér í æfingu og margir af efnilegustu skákmönnum okkar fá nú tækifæri til að tefla kappskák við öflugan stórmeistara. Einn þeirra, Bárður Örn Birkisson, gerði jafntefli við Hjörvar Stein í fyrstu umferð og var raunar lengst af með unnið tafl eftir að hafa snúið á Hjörvar í miðtaflinu. Bárður tefldi skínandi vel en stigamunur á þessum tveimur er meiri en 700 elo-stig en Hjörvar mun ef að líkum lætur láta að sér kveða á lokasprettinum. Staða efstu manna:

1. Lenka Ptacnikova 4 v. (af 4) 2.-3. Jón Trausti Harðarson og Davíð Kjartansson 3 ½ v. 4. Oliver Aron Jóhannesson, Guðmundur Gíslason, Gylfi Þórhallsson, Emil Sigurðsson og Hjörvar Steinn Grétarsson 3 v.

Í opna flokknum eru þrír skákmenn efstir en það eru Ýmir Nikulás Valgeirsson, Birkir Ísak Jóhannsson og Stefán Orri Davíðsson sem er aðeins átta ára gamall. Eftir þessa miklu skáktörn kemur smá hlé en fjölmörg verkefni bíða vorsins og seinni helming þessa árs og ber þar vitaskuld hæst Evrópumót landsliða sem fram fer í Reykjavík í nóvember. Heimsmeistaramót ungmenna fer fram í Grikklandi í október og Evrópumót ungmenna í Króatíu í september. Ekki er von á öðru en íslensk ungmenni stefni á þessi mót og þá einkum á það fyrrnefnda en í 3. umferð mættust þessi tvö sem þegar hafa öðlast nokkra reynslu á alþjóðlegum vettvangi:

Skákþing Íslands; 3. umferð:

Tinna Kristín Finnbogadóttir – Dawid Kolka

Caro-Kann vörn

1. e4 c6 2. d3 d5 3. Rd2 e5 4. Rgf3 Bd6 5. d4 exd4 6. exd5 cxd5 7. Bb5+ Rc6 8. O-O Re7 9. Rxd4 O-O 10. R2f3

Þessi staða hefur margsinnis komið upp í Tartakower-afbrigði frönsku varnarinnar – munurinn er hinsvegar sá að hvítur á yfirleitt leik!

10. ... Bg4 11. Rxc6 bxc6 12. Bd3 Dc7!?

Það kann að vera að þessi leikur sem hótar 13. ... Bxh2+ sé byggður á yfirsjón en þó hvítur vinni nú peð hefur svartur gott spil fyrir það.

13. Bxh7+ Kh8 14. Dd4! Dd7

14. .... Bxf3 strandaði á 15. Dh4! sem vinnur.

15. Bd3 c5 16. De3 d4

Betra var 16. ...c4 og síðan Hfe8.

17. De4?!

Tinna átti 17. Dg5! en þá hefur svartur engar bætur fyrir peðið.

17. ... f5 18. De2 Hae8 19. Bb5 Rc6 20. Dd1 Db7! 21. Ba4 He6?!

Missir af 21. .... Re5 sem vinnur því eftir 22. Bxe8 Bxf3 23. gxf3 Rxf3+ 24. Kh1 Hxe7 er hvítur nánast leiklaus.

22. h3 Bh5 23. Bxc6 Dxc6 24. Rxd4 De8 25. g4?

Opnar of mikið á kóngsstöðuna. Hægt var að leika 25. Rf3 og varnir hvíts halda.

25. ... Bxg4 26. hxg4 cxd4 27. g5 f4! 28. Dg4 f3 29. Bd2 Dg6 30. Dh3+ Kg8 31. Hae1 Be5! 32. c3 Hf5! 33. cxd4 

33. ... Hxg5+! 34. Bxg5 Dxg5+ 35. Kh1 Hh6

- og hvítur gafst upp enda blasir mátið við.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 4. apríl 2015.

Skákþættir Morgunblaðsins

Yfirlit yfir íslenska titilhafa

Á heimasíðu Skáksambands Íslands hefur verið útbúið yfirlit yfir íslenska titilhafa. Þar má finna yfirlit yfir stórmeistara, alþjóðlega meistara og FIDE-meistara og einnig yfirlit yfir þá sem hafa alþjóðlegar gráður frá FIDE sem skákdómarar, þjálfarar og mótshaldarar. 

Eitthvað vantar af ártölum varðandi FIDE-meistara og skákdómara.

Yfirlitið má nálgast hér.

Athugasemdir og ábendingar má senda í netfangið [e-mail].

 

KR & Gallerý Skák: Árdegismót í vesturbænum

Í fyrramálið sem endranær á laugardagsmorgnum verður efnt til æfingamóts í Skálkaskjóli, skáksalnum í KR-heimilinu, fyrir árrisula ástríðuskákmenn sem vilja hrista af sér slenið eftir sundsprett í Vesturbæjarlauginni eða einfaldlega bara til slaka á klónni fyrir helgina eða fá útrás fyrir  áunna veðurgremjuröskun.

Mótið sem er öllum opið hefst kl. 11 og tefldar verða 9 umferðir með 7 mín. umhugsunartíma.

Heitt verður á könnunni.