FIDE-þjálfara námskeið hefst 8. janúar nk.

 Skákskóli Íslands og Skáksamband Íslands kynna:

FIDE trainer námskeið 8.-11. janúar 2015

Haldið í samvinnu við FIDE, FIDE trainers commision (TRG ) og Evrópska skáksambandinu (ECU)

Síðustu árin hafa sífellt fleiri komið að skákkennslu- og þjálfun barna og unglinga. Áhugasamt og hæft fólk er á hverju strái en til að auka enn þekkingu og hæfni til kennslu efnir Skákskóli Íslands og Skáksambandið til FIDE trainer námskeiðs. Eftir setu á námskeiðinu og próf að því loknu öðlast þátttakendur mismunandi gráður eftir árangri á prófinu, reynslu, ELO-stigum og öðrum þáttum.

Eftir áramót mun hefjast stefnumótun um menntun kennara og þjálfara, hvaða réttindi gráður fela í sér o.s.frv. Sú vinna mun tengjast inn í hugmyndir innan stjórnar SÍ um að hanna leyfiskerfi eins og er til staðar í öðrum íþróttum. Til dæmis yrðu félögum í efstu deild skylt að hafa ákveðið marga innan sinna raða með tiltekin réttindi til þjálfunar og kennslu.

Rétt er að geta þess að mót á vegum FIDE greiða götu þjálfara sem eru með FIDE– þjálfara gráðu. Mót sem FIDE stendur fyrir gera kröfu til þess að þjálfarar og liðsstjórar hafi gráðu af þessu tagi. 

Einnig má þess FIDE-trainer gráðu geta gefið mönnum tækifæri á að þjálfa á erlendri grundu stefni hugurinn þangað.

Umsjónarmaður:

Helgi Ólafsson stórmeistari og skólastjóri Skákskóla Íslands. Hann er FIDE senior trainer (FST) og á sæti í stjórn FIDE trainers commision. Helgi er eini Íslendingurinn sem hefur réttindi  til að halda námskeið af þessu tagi sem veitir full réttindi.

Dagsetning:

8.–11. janúar 2015

Lengd: 

16 klst.

Tilhögun:

Námskeiðið stendur í 16 klst og verður gert stutt hlé eftir eftir hverja kennslustund. Það hefst:

Fimmtudaginn 8. janúar kl. 17-21

Föstudaginn 9. janúar kl. 17-21.

Laugardaginn 10. janúar kl. 14-18.

Sunnudaginn 11. janúar kl. 14-18.  

Í lok námskeiðsins taka þátttakendur próf sem samanstendur af 30 spurningum upp úr því námsefni sem þátttakendur hafa undir höndum.

Standist þátttakandi próf  og hefur haft fulla viðveru út námskeiðið mun viðkomandi fá útnefningu og diploma sem FIDE trainer eða samkvæmt nánari skilgreiningu:

Þær gráður sem eru boði eru. Nánari skýringar eru í viðauka á ensku.

• FIDE Trainer (FT) – Þjálfarar hafi kunnáttu og getu til að þjálfa skákmenn sem hafa vilja til að ná langt.
• FIDE Instructor (FI) – Þjálfarar kunni grundvallaratriði í miðtafli og endatafli. Geti aðstoðað við að byggja upp byrjunarkerfi.
• National Instructor (NI) – Þjálfarar geti aðstoðað skákmenn til að ná góðri getu og geti kennt nemendum upp að 1.700 skákstigum.
• Developmental Instructor (DI) – Þjálfarar sem geta aukið áhuga krakka á skák og komið þeim á næsta stig. Leiðbeinendur fyrir byrjendur og þá sem eru skemmra komnir. Tilvalið fyrir kennara í skólum. .

Innifalin eru kennslugögn og verður prófað upp úr þeim kennslugögnum sem þátttakendur fá.

Efni sem notað er á námskeiðinu kemur frá TRG.

Þátttökugjald er kr. 39.000. 

Innifalið í þátttökugjöldum er námskeiðsgjald til FIDE (€100), gjald til FIDE fyrir þjálfaragráðuna í tvö ár (allt að €200) sem og öll kennslugögn.

Bent er á að flest verkalýðsfélög taka þátt í greiðslu námskeiðsgjalda af þessari tegund.

Ítarupplýsingar: http://www.fide.com/images/stories/NEWS_2014/Trainers/FTS-REY_2015-Prospectus.pdf

Skráning fer fram á Skák.is (guli kassinn efst). 

Viðauki

FIDE Trainer (FT)

Introducing the trainee to important aspects of chess, such as the concept of and preparation for competitive success. This is necessary for trainees who wish to reach a high level of play or seek competitive success in any form.

FIDE Instructor (FI)

Teach the trainee the theory of the middlegame and the endgame. He will work closely with the trainee towards the creation of the trainee's personalized opening repertoire, which he will also help enrich with new ideas.

National Instructor (NI)

1. Raising the level of competitive chess players to a national level standard.
2. Training trainees with rating up to 1700.
3. School teacher.

Developmental Instructor (DI) 

1. Spread the love for chess among children and methodically bring them to a competitive level.
2. Instructor for beginners, elementary, intermediate and recreational level players.
3. School teacher. 

Ný alþjóðleg skákstig

Ný alþjóðleg skákstig komu út í gær. Jóhann Hjartarson (2576) er sem fyrr stigahæstur en aðeins munar nú þremur skákstigum á honum og Hannesi Hlífari Stefánssyni (2573). Hjörvar Steinn Grétarsson (2554) er þriðji. Guðmundur Aronsson (1790) er hæstur sex nýliða og Bárður Örn Birkisson (107) hækkar mest frá desember-listanum. Bárður Örn (387) hækkar einnig mest frá áramótunum síðustu.

Á næstum dögum verður gerð úttekt á at- og hraðskákstigum.

Stigin má finna sem viðhengi.

Topp 20

No.	Name	Tit	SRtng	SGm	Ch.
1	Hjartarson, Johann	GM	2576	0	0
2	Stefansson, Hannes	GM	2573	9	9
3	Gretarsson, Hjorvar Steinn	GM	2554	0	0
4	Olafsson, Helgi	GM	2547	0	0
5	Petursson, Margeir	GM	2536	0	0
6	Steingrimsson, Hedinn	GM	2530	0	0
7	Danielsen, Henrik	GM	2511	1	2
8	Arnason, Jon L	GM	2502	0	0
9	Kristjansson, Stefan	GM	2492	0	0
10	Kjartansson, Gudmundur	IM	2468	18	17
11	Gretarsson, Helgi Ass	GM	2458	0	0
12	Thorsteins, Karl	IM	2456	0	0
13	Thorhallsson, Throstur	GM	2433	0	0
14	Gunnarsson, Jon Viktor	IM	2433	0	0
15	Thorfinnsson, Bragi	IM	2432	0	0
16	Gunnarsson, Arnar	IM	2416	0	0
17	Olafsson, Fridrik	GM	2397	0	0
18	Jensson, Einar Hjalti	FM	2390	0	0
19	Ulfarsson, Magnus Orn	FM	2377	0	0
20	Thorfinnsson, Bjorn	IM	2373	0	0

Nýliðar

Guðmundur Aronsson (1790) er hæstur sex nýliða. Í næstum sætum eru Ólafur Guðmundsson (1764) og Ólafur Hermannsson (1635).

No.	Name	Tit	SRtng	SGm	Ch.
1	Aronsson, Gudmundur		1790	11	1790
2	Gudmundsson, Olafur		1764	13	1764
3	Hermannsson, Olafur		1635	14	1635
4	Haraldsson, Haraldur Arnar		1556	12	1556
5	Siguringason, Solon		1325	9	1325
6	Jonsson, Thorsteinn Emil		1086	9	1086

Mestu hækkanir

Bárður Örn Birkisson (107) hækkar mest frá desember-listanum. Í næstum sætum eru Agnar Tómas Möller (102) og Þorsteinn Magnússon (64).

No.	Name	Tit	SRtng	SGm	Ch.
1	Birkisson, Bardur Orn		1843	7	107
2	Moller, Agnar T		1749	7	102
3	Magnusson, Thorsteinn		1353	5	64
4	Bragason, Arnfinnur		1509	6	56
5	Sigurdarson, Alec Elias		1348	6	56
6	Birkisson, Bjorn Holm		1911	6	55
7	Hallsson, Jon Eggert		1661	5	54
8	Helgason, Jon Thor		1734	6	46
9	Luu, Robert		1358	5	35
10	Bragason, Gudmundur Agnar		1327	5	34

Mestu hækkanir frá 1. janúar 2014

Bárður Örn Birkisson hækkar mest allra á nýliðnu ári eða um 387 skákstig! Björn Hólm (318) bróðir hans er í þriðja sæti en á milli þeirra er Símon Þórhallsson (355). Ungir og efnilegir skákmenn raða sér í níu efstu sætin. Það er aðeins John Ontiveros (100) sem er í tíunda sæti sem fellur ekki undir hugtakið "ungur"!

	Name	SRtng	Ch.
1	Birkisson, Bardur Orn	1843	387
2	Thorhallsson, Simon	1961	355
3	Birkisson, Bjorn Holm	1911	318
4	Jonsson, Gauti Pall	1871	255
5	Thorgeirsson, Jon Kristinn	2059	215
6	Stefansson, Vignir Vatnar	1959	159
7	Davidsdottir, Nansy	1641	127
8	Magnusson, Thorsteinn	1353	115
9	Bjorgvinsson, Andri Freyr	1754	108
10	Ontiveros, John	1810	100

 

Stigahæstu skákkonur landsins

Lenka Ptácníková (2270) er langstigahæsta skákkona landsins. Í næstum sætum eru Hallgerður Helga Þorsteinsdóttir (1992) og Guðlaug Þorsteinsdóttir (1976).

No.	Name	Tit	SRtng	SGm	Ch.
1	Ptacnikova, Lenka	WGM	2270	0	0
2	Thorsteinsdottir, Hallgerdur		1992	0	0
3	Thorsteinsdottir, Gudlaug	WFM	1976	6	-8
4	Finnbogadottir, Tinna Kristin		1938	0	0
5	Johannsdottir, Johanna Bjorg		1862	0	0
6	Kristinardottir, Elsa Maria		1861	0	0
7	Fridthjofsdottir, Sigurl. Regina		1789	0	0
8	Birgisdottir, Ingibjorg		1779	0	0
9	Helgadottir, Sigridur Bjorg		1776	0	0
10	Hauksdottir, Hrund		1692	0	0

Stigahæstu ungmenni landsins (fædd 1995 eða síðar)

Oliver Aron Jóhannesson (2170) er stigahæsta ungmenni landsins. Í næstum sætum eru Mikael Jóhannsson (2077) og Jón Trausti Harðarson (2067).

No.	Name	SRtng	SGm	B-day	Ch.
1	Johannesson, Oliver	2170	0	1998	0
2	Karlsson, Mikael Johann	2077	0	1995	0
3	Hardarson, Jon Trausti	2067	0	1997	0
4	Ragnarsson, Dagur	2059	0	1997	0
5	Thorgeirsson, Jon Kristinn	2059	0	1999	0
6	Thorhallsson, Simon	1961	0	1999	0
7	Stefansson, Vignir Vatnar	1959	0	2003	0
8	Sigurdarson, Emil	1922	0	1996	0
9	Birkisson, Bjorn Holm	1911	6	2000	55
10	Jonsson, Gauti Pall	1871	5	1999	28

Stigahæstu eldri skákmenn landsins (65+):

Friðrik Ólafsson (2397) er langstigahæsti skákmaður landsins sem er 65 ára eða eldri. Í næstum sætum eru Jónas Þorvaldsson (2264) og Jón Kristinsson (2251).

No.	Name	SRtng	SGm	B-day	Ch.
1	Olafsson, Fridrik	2397	0	1935	0
2	Thorvaldsson, Jonas	2264	0	1941	0
3	Kristinsson, Jon	2251	0	1942	0
4	Einarsson, Arnthor	2229	0	1946	0
5	Thorsteinsson, Bjorn	2203	0	1940	0
6	Viglundsson, Bjorgvin	2181	0	1946	0
7	Thorvaldsson, Jon	2164	0	1949	0
8	Gunnarsson, Gunnar K	2158	0	1933	0
9	Fridjonsson, Julius	2151	0	1950	0
10	Briem, Stefan	2148	0	1938	0

Stigahæstu eldri skákmenn landsins (50+)

Þar raða "fjórmenningarnir" í efstu sætin. 

No.	Name	SRtng	SGm	B-day	Ch.
1	Hjartarson, Johann	2576	0	1963	0
2	Olafsson, Helgi	2547	0	1956	0
3	Petursson, Margeir	2536	0	1960	0
4	Arnason, Jon L	2502	0	1960	0
5	Thorsteins, Karl	2456	0	1964	0
6	Olafsson, Fridrik	2397	0	1935	0
7	Jonsson, Bjorgvin	2353	0	1964	0
8	Gudmundsson, Elvar	2326	0	1963	0
9	Vidarsson, Jon G	2322	0	1962	0
10	Gislason, Gudmundur	2315	0	1964	0

Reiknuð mót

• Skákþing Garðabæjar (a- og b-flokkur)
• Vetrarmót öðlinga

Heimslistinn

Magnus Carlsen (2862) er langstigahæsti skákmaður heims. Í næstum sætum eru Fabiano Caruana (2820) og Alexander Grischuk (2810).

Topp 100 má nálgast hér.

 

Skrár tengdar þessari bloggfærslu:

• Alþjóðleg skákstig, 1. janúar 2015

Góð byrjun Guðmundar í Hastings

Alþjóðlegi meistarinn Guðmundur Kjartansson (2451) hefur byrjað prýðilega á alþjóðlega mótinu í Hastings. Eftir fjórar umferðir hefur hann 3 vinninga. Í fimmtu umferð sem hófst fyrir nokkrum mínútum mætir hann bandaríska alþjóðlega meistaranum Vladimir Prosviriakov (2271). Hægt er að fylgjast með Gumma beint á vefnum.

Einstök úrslit Gumma í upphafsumferðunum má nálgast hér.

Alls taka 110 skákmenn þátt frá 29 löndum þátt í þessu fornfræga móti. Þar af eru 14 stórmeistarar og 9 alþjóðlegir meistarar. Guðmundur er nr. 15 í stigaröð keppenda.

• Heimasíða mótsins
• Chess-Results 
• Beinar útstendingar (hefjast kl. 14:15)
• ChessBomb

Stefán Þór og Gunnar Freyr jólavíkingar Víkingaklúbbsins 2014

Stefán Þór Sigurjónsson og Gunnar Fr. Rúnarsson sigruðu á Jólamóti Víkingaklúbbsins sem haldið var í húsnæði Skáksambands Íslands þriðjudaginn 30. desember sl.  

Stefán Þór sigraði á skákmótinu eftir harða keppni við liðsfélaga sinn Pál Agnar Þórarinsson sem kominn var til Íslands í Víking til að hitta félaga sína um hátíðarnar.  Þeir enduð báðir með 6. vinninga af sjö mögulegum og tefldu bráðabanaskák um titilinn sem Stefán Þór vann, en Stefán stýrði hvítu mönnunum.  Í bráðabananum nægði Páli Agnari jafntefli.  Þriðji varð svo Lárus Knútsson með 5. vinninga.    Keppendur í skákinni voru 18, en tefldar voru 7. umferðir, þar sem tímamörk voru 5. mínútur.

Í Víkingaskákinni tók Gunnar Fr. fljótlega forustu í mótinu, en hann náði að vinna Svein Inga í 2. umferð og komst þar með á mikla siglingu.  Gunnar vann allar sex skákir sínar.  Í öðru til þriðja sæti urðu Sveinn Ingi og Stefán Þór með 4. vinninga.  Sigurður Ingason og Björn Birkisson komu næstir með 3.5 vinninga. Tvíburabræðurnir Björn og Bárður Birkisson komu ógnarsterkir inn á sitt fyrsta Víkingaskákmót, m.a tókst Bárði að vinna Íslandsmeistarann Svein Inga Sveinsson í 4. umferð.  Frábær árangur hjá þeim bræðrum og systur þeirra sem tók einnig þátt, en hún er einungis 8. ára.  Framganga þeirra á mótinu minnti óneitanlega á árangur Guðmundar Lee árið 2010,  en hann varð óvænt Íslandsmeistari það ár.  Lenka Placnikova stór sig einnig vel á sínu fyrsta móti, en hún hlaut 3. vinninga.  Keppendur í  Víkingaskákinni voru tólf, en tefldar voru 6. umferðir, þar sem tímamörk voru 7. mínútur á skákina.

Á mótinu var einnig keppt um titilinn Íslandsmeistari í tvískák, en sérstakur bikar var fyrir besta árangur í báðum mótunum. Gunnar Fr. og Stefán Þór urðu efsti með 10. vinninga af 13. mögulegum.  Þeir þurfa því að tefla einvígi um titilinn (bikarinn) fljótlega á nýja árinu.

Mótið var síðasta mót ársins á hinu mangaða ári hjá Víkingaklúbbnum, þar sem félagið varð Íslandsmeistari á Íslandsmóti skákfélaga annað árið í röð í mars.  En á síðara hluta ársins var fókusinn settur á unglingastarfið.

Úrslit í hraðskákmótinu:

  1    Stefán Þór Sigurjónsson  6.0 af 7    
  2   Páll Agnar Þórarinsson  6.0      
  3   Lárus Knútsson  5.0              
  4    Lenka Ptacnikova   4.5              
  5    Ólafur B. Þórsson  4.5     
  6   Gunnar Fr. Rúnarsson 4.0          
  7   Haraldur Baldursson 4.0                
  8   Bárður Birkisson 4.0
  9   Óskar Long Einarsson  3.5      
 10 Halldór Pálsson  3.5
11   Björn Birkisson  3.0
12. Sturla Þórðarson  3.0
13. Sigurður Ingason  3.0
14. Jón Úlfljótsson  2.0
15. Sveinn Ingi Sveinsson  2.0
16. Stefán Már Pétursson  2.0
17. Vignir Vatnar Stefánsson  2.0
18. Freyja Birkisdótir  0.0                            

 

Úrslit í Víkingahraðskákinni:

 

 1.   Gunnar Fr. Rúnarsson  6.0 af 6 

 2.   Sveinn Ingi Sveinsson  4.0                 

 3 .  Stefán Þór  4.0

 4   Sigurður Ingason  3.5

 5   Björn Birkisson  3.5

 6.  Bárður Birkisson  3.0

 7. Halldór Ólafsson  3.0

 8. Halldór Pálsson  3.0

 9. Lenka Ptacnikova  3.0

10. Sturla Þórðarson  2.0
11,Freyja Birkisdóttir  1.0
12. Orri Víkingsson  0.0

 

Úrslit í Tvískákmótinu:

 

1. Gunnar Fr. Rúnarsson   10 v. 

2. Stefán Þór Sigurjónsson  10 v.                 

3. Lenka Ptacnikova 7.5
4. Bárður Birkisson 7.0
5. Björn 6.5
6. Sigurður Ingason 6.5
7. Halldór pálsson 6.5
8. Sveinn Ingi Sveinsson 6.0
9. Sturla 5.0
10. Freyja 1.0

 

Heimasíða Víkingaklúbbsins

Jón Trausti skákmaður ársins hjá Fjölni 2014

Skákdeild Fjölnis valdi Jón Trausta Harðarson skákmann ársins 2014 innan sinna raða. Þetta var kunngjört í hófi sem Umf. Fjölnir í Grafarvogi hélt í hádeginu á Gamlársdag en þar voru íþróttamennallra deilda innan Fjölnis heiðraðir.

Jón Trausti á þrátt fyrir ungan aldur fast sæti í 1. deildar skáksveit Fjölnis og stóran þátt í því að Fjölnismenn héldu örugglega sæti sínu í 1. deild 2013 – 2014. Jón Trausti hefur hækkað mikið á skákstigum á árinu og er nú ásamt félögum sínum, Degi Ragnarssyni og Oliver Aroni Jóhannessyni í efstu stigasætum íslenskra skákmanna undir 20 ára aldri. Jón Trausti stóð sig mjög vel á skákmótum erlendis á þessu ári og má þar nefna skákmótin í Andorra í sumar og Västerås Open í Svíþjóð í enda september.

Jón Trausti hefur frá því í haust verið þjálfari og liðstjóri Íslandsmeistarasveita Rimaskóla og farist það starf vel úr hendi. Skólinn tefldi á tveimur Norðurlandamótum í haust undir stjórn Jóns Trausta auk þess að sigra á fjölmennasta jólaskákmóti ÍTR og SFS nú um sl. mánaðarmót í opnum flokki. Jón Trausti varð margsinnis Íslandsmeistari með skáksveitum Rimaskóla og fjórum sinnum Norðurlandameistari frá 11. -16 ára aldurs.

Nýársmót í Vin á mánudaginn!

Nýársskákmót verður haldið í Vin, Hverfisgötu 47, mánudaginn 5. janúar klukkan 13. Tefldar verða sex umferðir með 7 umferða umhugsunartíma. Að mótinu standa Vinaskákfélagið og Hrókurinn og markar mótið upphaf á nýju og spennandi starfsári.

 

Allir eru velkomnir á nýársmótið í Vin og er þátttaka ókeypis. Sérlega ljúffengar veitingar verða á mótinu enda vígð ný Kitchenaid hrærivél frá Einari Farestveit, sem skákmaðurinn Hlíðar Þór Hreinsson skákmaður m.m. færði athvarfinu.

 

Opnar æfingar eru í Vin á mánudögum klukkan 13 og þangað eru allir áhugamenn, jafnt byrjendur sem lengra komnir, hjartanlega velkomnir. Á næstu vikum verður boðið upp á fyrirlestra og heimsóknir meistara í Vin, enda undirbúa liðsmenn Vinaskákfélagsins sig af kappi undir seinni hluta Íslandsmóts skákfélaga.

 

Gleðilegt ár -- sjáumst í Vin á mánudaginn!

 

Facebook-síða Vinaskákfélagsins

 

Heimasíða Hróksins

Gamlársmót Magga Pé

Lokamót ársins fór fram í gær í húsakynnum Jóa Útherja. Forstjórinn og afmælisbarn dagsins Magnús V. Pétursson, alias Maggi Pé, fagnaði 82 ára afmæli sínu með því að bjóða völdum vinahópi upp á tafl og trakteringar. 

Mótið hófst kl. 13 og tefldar voru 7 umferðir á 7 mín. Fulltrúar Alþingis og Litlu kaffistofunar létu sig vanta og því voru þátttakendur aðeins 12 eins og postularnir forðum. Æsir voru fjölmennir sem og Riddarar úr skákklúbbum eldri borgara sem hylltu hinn síunga ástríðuskákmann og víðfræga milliríkjadómara sem teflir í anda Morphys. 

Guðfinnur og Össur voru einna snjallastir að þessu sinni eins og sjá má á mótstöflunni hér að neðan.  Þetta er þriðja árið í röð sem Magnús fagnar afmæli sínu með þessum hætti. Frábær lokahnikkur ársins við taflborðið fyrir þá sem nutu. 

Þar með lauk viðburðaríku og góðu skákári og framundan er eitt mesta skákár Íslandssögunnar ef að líkum lætur.  Ekki er annað hægt að segja en að skáklífið sé afar blómlegt um þessar mundir og bjart framundan á því sviði hvað sem öðru líður.  - GLEÐILEGT NÝAR

Skákþing Reykjavíkur hefst á sunnudaginn

Skákþing Reykjavíkur hefst sunnudaginn 4. janúar kl. 14. Tefldar verða níu umferðir eftir svissnesku kerfi og eru tímamörk 1½ klst. á 40 leiki auk 30 sek. á leik. 15 mínútur bætast við eftir 40 leiki auk 30 sek. á leik. Umferðir fara fram tvisvar í viku, á miðvikudögum kl. 19.30 og á sunnudögum kl. 14. Teflt er í húsnæði Taflfélags Reykjavíkur að Faxafeni 12.

Mótið í ár er haldið sérstaklega til heiðurs fyrsta stórmeistara þjóðarinnar, eðal TR-ingnum Friðriki Ólafssyni, sem verður áttræður meðan mótið stendur stendur yfir. Skákmenn eru hvattir til að heiðra meistarann með þátttöku sinni í aðalmóti vetrarins sem nú fer fram í 84. sinn!

Boðið er upp á tvær yfirsetur (bye) í umferðum 2-6. Keppandi skal leggja inn skriflega beiðni um yfirsetu til skákstjóra í síðasta lagi við upphaf umferðarinnar á undan. Hálfur vinningur fæst fyrir yfirsetu.

Dagskrá:

1. umferð sunnudag 4. janúar kl. 14
2. umferð miðvikudag 7. janúar kl. 19.30
3. umferð sunnudag 11. janúar kl. 14.00
4. umferð miðvikudag 14. janúar kl. 19.30
5. umferð sunnudag 18. janúar kl. 14.00
6. umferð miðvikudag 21. janúar kl. 19.30
7. umferð sunnudag 25. janúar kl. 14
8. umferð miðvikudag 28. janúar kl. 19.30
9. umferð sunnudag 1. febrúar kl. 14

Verðlaun:

1. sæti kr. 120.000
2. sæti kr. 60.000
3. sæti kr. 30.000

Besti árangur undir 2000 skákstigum kr. 10.000

Besti árangur undir 1800 skákstigum kr. 10.000

Besti árangur undir 1600 skákstigum - bókaverðlaun

Besti árangur undir 1400 skákstigum - bókaverðlaun

Besti árangur undir 1200 skákstigum - bókaverðlaun

Besti árangur stigalausra - bókaverðlaun

 

Fide stig gilda við úthlutun stigaverðlauna - annars íslensk stig.

Þátttökugjöld:

kr. 5.000 fyrir 16 ára og eldri
kr. 2.500 fyrir 15 ára og yngri

Keppt er um titilinn "Skákmeistari Reykjavíkur 2015" og hlýtur sá keppandi sem verður efstur þeirra sem eiga lögheimili í Reykjavík, eða eru félagsmenn í reykvísku skákfélagi, titilinn og farandbikar til varðveislu í eitt ár. Núverandi Skákmeistari Reykjavíkur er alþjóðlegi meistarinn Jón Viktor Gunnarsson.

Verði keppendur jafnir að vinningum í þremur efstu sætunum, verður verðlaunum skipt (Hort útreikningur), en stigaútreikningur látinn skera úr um verðlaunasæti. Í aukaverðlaunaflokkum ganga verðlaun óskipt til þess, sem hefur flest stig eftir stigaútreikning.

Skákþingið er reiknað til alþjóðlegra skákstiga.

Skráning fer fram á heimasíðu Taflfélags Reykjavíkur. Hægt er að fylgjast með skráningu hér.

Vinsamlegast mætið tímanlega á skákstað til að staðfesta skráningu og greiða þátttökugjald. Athugið að skráningu lýkur 15 mínútum fyrir auglýst upphaf móts, þ.e. kl. 13.45.

• Skákþing Reykjavíkur 2014
• Skákmeistarar Reykjavíkur
• Mótstöflur