Mjóddarmót Hugins fer fram 14. júní

Mjóddarmótið fer fram laugardaginn 14. júní í göngugötunni í Mjódd.  Mótið hefst kl. 14 og er mótið öllum opið. Góð verðlaun í boði.  Á síðasta ári sigraði Gámaþjónustan ehf en fyrir þá tefldi Daði Ómarsson.  Tefldar verða sjö umferðir með sjö mínútna umhugsunartíma.  Skráning fer fram í síma 866-0116 og á heimasíðu Hugins Þátttaka er ókeypis!

Mjóddarmótið var fyrst haldið 1999 og hét þá Kosningamót Hellis og fór fram á kjördegi. Á fyrsta mótinu sigraði Hannes Hlífar Stefánsson sem tefldi fyrir Símvirkjann. Mótið fékk fljótlega nafnið Mjóddarmót Hellis enda ekki hægt að halda kosningamót á hverju ári og ekki var mögulegt að halda mótið á kjördegi eftir Taflfélagið Hellir flutti í núverandi húsnæði. Núna tekur Skákfélagið Huginn við mótinu eftir sameiningu félaganna Goðans-Máta og Hellis undir nafni Hugins. 

Verðlaun eru sem hér segir:

• 1. 15.000
• 2. 10.000
• 3.   5.000

Skráning:

• Heimasíða Hugins
• Sími: 866 0116

Lokapistill frá No Logo Norway Chess - Caruana efstur

Caruana er efstur með 2,5 vinning að lokinni þriðju umferð No Logo Norway Chess sem fram fór í gær. Carlsen mátti teljast seigur að halda jafntefli gegn Ítalanum unga. Kramnik vann Giri, Kog Grischuk vann Aronian eftir að hafa yfirspilað hann í byrjun skákarinnar.  Glæsilegur 14. leikur hvíts gerði út um skákina eins lesendur Fréttablaðsins geta séð í fyrramálið.

Agdestein var nærri því að leggja Karjakin að velli en náði því ekki. Karjakin hefur nú ekki unnið skák í síðustu 18 kappskákum. Að lokum gerðu Topalov og Svidler tilþrifalítið jafntefli.

Caruana er efstur eins og áður sagði með 2,5 vinning en Grischuk og Kramnik eru næstir með 2 vinninga. Carlsen, Aronian og Agdestein hafa svo 1,5 vinning. Frammistaða þess síðastanefnda hefur vakið athygli og ljóst að Norðmenn eru til alls líklegir á næsta ólympíuskákmóti með þá Carlsen, Agdestein og Hammer á 1.-3. borði. Ég heyrði að Nigel Short hældi Agdestein sérstaklega í gær.

Minn maður á mótinu er Grischuk en ég hef hrifist af honum sem skákmanni og ekki síður persónu. Gríðarlega skemmtilegur skákstíll og skemmtilegur karakter. Topalov er þó sá aðili sem langmest minglar af keppendunum.  Einnig hef ég gaman að Kramnik sem er bæði léttur, brosmildur og kátur. Það vakti það athygli mína hversu vel fór á með Rússunum þremur (Karjakin ekki meðtalinn - enda fæddur í Úkraínu) og Kasparov. Það er greinilegt að andstæða Rússa við Kasparov nær ekki til þeirra bestu skákmanna. 

Í dag er svo frídagur en á morgun er svo teflt í Sandnesi. Mótið er alloft flutt til en eins og áður sagði er hér hópur af Dönum sem heldur alfarið utan um beinar útsendingar. Þessi hópur tekur saman töflin á hverjum mótsstað og setur upp á nýjum. Þetta er sami hópur og heldur utan um Politiken Cup og flest mót Kaupamannahafnar. Miklir fagmenn. Þetta er mennirnir á bakvið tjöldin í bókstaflegri merkingu en aðstæða þeirra er bakvið tjaldið þar sem útsendingunni er varpað á.

Sem fyrr vil ég hæla Norðmönnunum fyrir afar gott mótshald. Mér skilst að mótið kosti um kosti um 120 milljónir króna. Ekki eru greiddar komuþóknanir en verulega há verðlaun er á mótinu (€275.000).

Í fyrradag var svo endanlega ljóst að Ólympíuskákmótið verður haldið í Tromsö þegar stjórnvöld samþykktu framlag upp á 12 milljónir norska króna. Það verður án efa afar flott mót. Rétt er þá að taka fram að mótshaldarar á Ólympíuskákmótinu og No Logo Norway Chess eru á engan hátt þeir sömu en forseti norska skáksambandsins Jöran Aulin-Jansson er þó reyndar í mótsnefndum beggja móta. Að öðru leyti er gerólíkur hópur sem stendur að mótinu

Verðlagið í Noregi er úti í hött en stór bjór (0,6 lítrar) kostaði um 1.900 kr. á flugvellinum þar sem ég lagði lokahöndina á lokapistilinn!

Sjálfur hef ég lokið störfum og er farinn frá Stafangri og leita nú nýrra ævintýra. Ég er mótshöldurum mjög þakklátur fyrir að hafa boðið mér að taka þátt í þessu verkefni og hlakka til þess að koma til Tromsö í ágúst.

Gunnar Björnsson

Myndaalbúm 3. umferðar (GB)

Meistaramót Skákskóla Íslands hefst í kvöld

Meistaramót Skákskóla Íslands fyrir starfsárið 2013/2014 hefst föstudaginn 6. júní. Tefldar verða sjö umferðir eftir svissneska kerfinu. Þátttökurétt hafa nemendur skólans og allir þeir sem tekið hafa þátt í námskeiðum á vegum  skólans eða hlotið þjálfun á vegum skólans. 

Núverandi meistari  Skákskóla Íslands er Nökkvi Sverrisson

Þátttökuréttur:

Allir nemendur skólans og þeir sem tekið hafa þátt í námskeiðum á vegum skólans.

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

Tímamörk: Atskákir:  25 10  þ.e 25 mínútur að viðbættum sekúndum fyrir hvern leik. 

Kappskákir:  90 30 þ.e. 90 mínútur á alla skákina og 30 sekúndur bætast við eftir hvern leik.

Fyrirkomulag: Svissneska kerfið - swiss perfect.

Skákstig: Mótið verður reiknað til skákstiga.  Fjórar síðustu umferðirnar eru reiknaðar til íslenskra- og alþjóðlegra stiga. At-skákirnar eru ekki reiknaðar til stiga. 

Verðlaun:

A:

1. verðlaun:

Meistaratitill Skákskóla Íslands 2012/2013 og farandbikar. Einnig  flugfar með Icelandair á Evrópuleið* og uppihalds kostnaði kr. 30 þús.

2. verðlaun: Flugfarmiði á leiðum Icelandair á Evrópuleið.

3. - 5. verðlaun: Vandaðar skákbækur.

Verðlaun fyrir keppendur 12 ára og yngri.

1. - 3. verðlaun: Vandaðar skákbækur.

 

Verðlaun fyrir krakka 8 ára og yngri

1. - 3. verðlaun: Vandaðar skákbækur. 

 

* ^{Mótshaldarinn áskilur sér rétt til að finna hagstæðasta fargjald sem hægt er að fá enda verði tilkynnt um ferðir með góðum fyrirvara.} 

* Verðlaunahafi verður að nýta sér farmiða innan 12 mánuða frá lokum mótsins.

 

B:

 

Dagskrá:

1. umferð: Föstudagurinn 6. júní kl. 18  

2. umferð: Föstudagurinn 6. júní kl. 19

3. umferð. Föstudagurinn 6. júní kl. 20.

 

4. umferð: Laugardagurinn 7. júní kl. 10-14  

5. umferð: Laugardagurinn 7. júní kl. 15 - 19

 

6. umferð: Sunnudagurinn 8. júní kl. 10.-14.

7. umferð: Sunnudagurinn 8. júní kl. 15-19.

 

Verðlaunaafhending fer fram strax að móti loknu.

Athugið að hver keppandi getur tekið ½ vinnings yfirsetu í 1.-6. umferð. Tilkynna skal fyrir mótið hvenær óskað er yfirsetu.

Þátttöku skal tilkynna í síma SÍ 56 89141 á netfangið [e-mail] eða [e-mail] .

Mótsnefnd áskilur rétt til að gera breytingar á fyrirfram boðaðri dagskrá.

Fjöltefli við útitaflið þann 17. júní

Eins og síðustu ár stendur Skákakademía Reykjavíkur fyrir fjöltefli á 17. júní við útitaflið í Lækjargötu. Að þessu sinni verða það landsliðsmennirnir Hjörvar Steinn Grétarsson og Guðmundur Kjartansson sem tefla við gesti, en Guðmundur er nýkrýndur Íslandsmeistari eins og alkunna er.

Hefja þeir félagar taflið um 14:00 og stendur það til 16:00. Engin skráning, bara mæta.

 

Caruana með fullt hús á No Logo Norway Chess

Ítalinn ungi Fabiano Caruana er efstur með fullt hús að loknum tveimur umferðum á No Logo Norway Chess-mótinu sem er í fullum gangi í Stafangri. Í gær vann hann Peter Svidler í hörkuskák þar sem hann fórnaði manni fyrir óljósar bætur. Gríðarlega vel undirbúinn hann Carauna og frábær skákmaður. Hann er kominn í 2800 skákstig á "Live Ratings". 

Aronian vann Karjakin og þar með var settur endi á jafnteflisseríu Karjakin sem hafði gert 17 jafntefli í röð! Aronian var kampakátur í gær en hann sagðist vera að hefna fremur nýlegra ófara. Karjakin hefur ekki aðstoðarmann eins og svo margir - en er með eiginkonu með í för.

Grischuk vann svo Topalov í gríðarlegri skemmtilegri skák.  Ég hef gaman af Topalov. Hann er afskaplega afslappaður. Í gærkveldi sat hann úti með okkur nokkrum og drakk Mojito! Ég sagði honum frá því að við hefðum mæst á Eddu-móti Hróksins 2003 og þá kom í ljós að hann mundi vel eftir því sem og einnig byrjun skákarinnar!

Agdestein byrjar vel og gerði jafntefli við Giri í gær. Þeir brutu 40 leikja regluna. Virðist hafa gleymt henni. Ekki varð þeim gerð refsing en lokastaðan var steindautt jafntefli með mislitum biskupum. 

Carlsen virkilega reyndi að vinna Kramnik sem svörtu en Rússinn var vandanum vaxinn. Eftir skákina spjölluðu þeir lengi vel um hana í skáksalnum á meðan nánast allir norskir fjölmiðlar biðu eftir þeim frammi! Fjölmiðlafulltrúinn var að fara á taugum!

Það er gaman að fylgjast með þessum köppum. Haldi menn að þeir séu fastir með borðið sitt alla skákina er það mikill misskilningur. Þeir eru mikið á ferðinni og skoða gjarnan skákir annarra. Sérstaklega sitja Kramnik og Svidler lítið við borðið - standa nánast upp eftir hvern leik. Keppendur hafa aðgang að hvíldarherbergi þar sem þeir geta reyndar séð skákirnar á tölvuskjá. Eru töluvert þar.Það er algeng sjón að sjá aðeins 5-6 skákmenn af 10 sitja við borðið.

Giri er ákaflega líflegur og með skemmtilegan kæk. Hann rúllar peði í hringi í sífellu. Ég tek líka eftir því að þetta fer ekki í taugarnar á andstæðingum hans. Ég held að skákmenn á þessu leveli láti einfaldlega ekki slíkt fara í taugarnar á sér.

Eins og ég sagði í gær er skipulagning góð. Mótshaldarar hafa greinilega samið við Mini en hér eru allir keyrðir fram og aftur á Mini-bílum merktum mótinu en skákstaðurinn er í um 15-20 akstursfæri frá hótelinu sem við búum á.

Þriðja umferð, síðasta umferðin sem ég tek þátt í, hefst kl. 13:30. Skora á menn að fylgjast með á heimasíðu mótsins. Hér er teflt að krafti! Aðalskák umferðarinnar er að sjálfsögðu skák Carlsen og Caruana.

Gunnar Björnsson

Myndaalbúm (GB)

F3-kvöld í kvöld - Íslandsmeistarinn mætir

Á fimmtudagskvöldið 5. júní verður loks F3-kvöld. Það hefst kl. 20. Gestir kvöldsins, verða Hjörvar Steinn Grétarsson, sigurvegari Wow air Vormóts TR, og Guðmundur Kjartansson, nýkrýndur Íslandsmeistari í skák. Báðir voru þeir jafnframt valdir í ólympíuliðið sem heldur til Tromsö þann 1. ágúst nk.  Þeir munu segja frá sigrum sínum og skýra skákir.

Sigurbjörn Björnsson kemur á staðinn og kynnir nýja sendingu af bókum frá Quality Chess.

 

F3-kvöld eru opinn fyrir alla félagsmenn F3-klúbbsins.

Upplýsingar um klúbbinn og hvernig megi ganga í hann má nálgast á heimsíðu klúbbsins.

Caruana byrjar best á No Logo Norway Chess

Í gær hófst No Logo Norway Chess - mótið í Stafangri í Noregi. Þátt taka 10 skákmenn. Níu þeirra eru meðal fjórtán stigahæstu skákmanna heims en sá tíundi er annar fulltrúa heimamanna Simen Agdestein. Íslendingar eiga sinn fulltrúa á staðnum en það er undirritaður sem er meðal skákstjóra á mótinu

Hátíðin hófst þann 2. júní með hraðskákmóti sem haldið var í eyju sem er rétt fyrir utan Stafangur. Sú eyja er stundum kölluð Paradís en aðstæður þar eru afar sérstakur og minnir helst á Suður-Ameríku. Carlsen fór mikinn á hraðskákmótinu og rúllaði því með því að fá 7,5 vinning í 9 skákum.

Allmargir gestir eru á skákstað. Má þar helst nefna Garry Kasparov, sem hér heiðursgestur og lék fyrsta leikinn fyrir Carlsen gegn Giri í fyrstu umferð. Hann fór reyndar í morgun.

Aðstæður á skákstað eru afbragðsgóðar og fagmennska mikil. Það er gaman að fylgjast með þessum toppskákmönnum sem allir eru toppeinstaklingar. Engir stjörnustælar, allir ákaflega geðþekkir og þeim fylgja nákvæmlega engin vandræði. Mæta snyrtilegir við skákborðið og eru allir sem einn ákaflega góðar fyrirmyndir. Tveir þeirra eru í merktum jakkafötum stuðningsaðila en það eru Magnus Carlsen og Sergei Karjakin. Flestir þeirra virðist vera í einir á ferð en a.m.k. Giri, Caruana og Aronian hafa hér aðstoðarmenn. Aðstoðarmaður Giri er Tukmakov.

Ég er einn þriggja skákstjóra en verð reyndar ekki nema fyrstu þrjár umferðirnar auk þess sem ég var einn skákstjóra hraðskákmótsins. Eftir þrjár umferðir tekur annar skákstjóri við mínu hlutverki.

Meðal starfsmanna hér eru 3-4 Danir sem sjá alfarið um beinar útsendingar og komu hér eingöngu í þeim tilgangi. Nigel Short og Dirk Jan Geuzendam, ritstjóri New in Chess, eru með skákskýringar (live commentary) á staðnum. Norska sjónvarpið er út um allt og Hans Olav Lahlum situr þar og talar svo klukkutímum skiptir og fer á kostum. Skák er flott sjónvarpsefni.

Mótið heitir No Logo Norway Chess. Helsti styrktaraðili þess er veðmálafyrirtækið Unibet. Ekki má auglýsa veðmálafyrirtæki í Noregi og því er þessi óvenjulega leið farinn að kalla mótið No Logo Norway Chess. Með þessu frumlega heiti hafa mótshaldarar í raun og veru tryggt að allir vita hver styrkir það.

Hér gilda aðlagaðar Sofíu-reglur. Keppendur mega ekki semja jafntefli, nema að þráteflt sé, fyrr en eftir 40 leiki. Hvernig 40 leikja regla var endanlega ákveðin er skemmtileg. Í gær sátum við skákstjórarnir úti við og fórum yfir reglurnar ásamt Jöran Aulin-Jansson forseta norska skáksambandsins sem er hér mótsstjóri. Í reglum stóð eingöngu að Sofíu-reglan gilti en ekkert um leikjafjölda. Rætt var um 30 eða 40 leiki eða hvort það alfarið bannað að semja jafntefli sem er jú upphaflega Sofíu-reglan. Þá birtist Grischuk úti til að reykja - en hann er eini keppandinn sem það gerir. Kallar þá Jöran á Grischuk og spyr um hans álit. Grischuk svarar um hæl og það sé fáránlegt að miða við 30 leiki. Annað hvort ætti alfarið að banna alfarið jafnteflisboð eða miða við 40 leiki. Skákirnar væru oft ótefldar við 30 leiki.

Þar með var það ákveðið. Miðað var við 40 leiki. Það var semsagt Grischuk sem réði því! Ég tek ofan fyrir baráttuhugnum í Grischuk sem nú er þriðji stigahæsti skákmaður heims. Hann er greinilega ekki hingað kominn til að semja stutt.

Mesta fjörið í gær var í skákum Carlsen og Giri. Carlsen tókst ekki að kreista fram sigur og þráteflt eftir rúma 30 leik. Caruana vann Grischuk í mikill tímahraksskák en hér er enginn viðbótartími á fyrstu tveimur tímamörkunum.  Þetta er eins og denn. Barið á klukkuna og ekki skrifað í tímahrakinu.

Önnur umferð fer fram í dag og hefst kl. 13:30. Hvet menn til að fylgjast með skemmtilegri útsendingu á heimasíðu mótsins. Einnig er hægt að fylgjast með Hans Olav á NRK2.

Nokkrar myndir fylgja með. Náði lítið að taka af myndum af skákunum sjálfa vegna skákstjórastafa en reyndi að að fanga stemminguna að öðru leyti.  Ætti að vera auðveldara í dag - þegar mótið er komið í "rútínu".

Gunnar Björnsson

Myndaalbúm (GB)

Meistaramót Skákskóla Íslands hefst á föstudaginn

Meistaramót Skákskóla Íslands fyrir starfsárið 2013/2014 hefst föstudaginn 6. júní. Tefldar verða sjö umferðir eftir svissneska kerfinu. Þátttökurétt hafa nemendur skólans og allir þeir sem tekið hafa þátt í námskeiðum á vegum  skólans eða hlotið þjálfun á vegum skólans. 

Núverandi meistari  Skákskóla Íslands er Nökkvi Sverrisson

Þátttökuréttur:

Allir nemendur skólans og þeir sem tekið hafa þátt í námskeiðum á vegum skólans.

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

Tímamörk: Atskákir:  25 10  þ.e 25 mínútur að viðbættum sekúndum fyrir hvern leik. 

Kappskákir:  90 30 þ.e. 90 mínútur á alla skákina og 30 sekúndur bætast við eftir hvern leik.

Fyrirkomulag: Svissneska kerfið - swiss perfect.

Skákstig: Mótið verður reiknað til skákstiga.  Fjórar síðustu umferðirnar eru reiknaðar til íslenskra- og alþjóðlegra stiga. At-skákirnar eru ekki reiknaðar til stiga. 

Verðlaun:

A:

1. verðlaun:

Meistaratitill Skákskóla Íslands 2012/2013 og farandbikar. Einnig  flugfar með Icelandair á Evrópuleið* og uppihalds kostnaði kr. 30 þús.

2. verðlaun: Flugfarmiði á leiðum Icelandair á Evrópuleið.

3. - 5. verðlaun: Vandaðar skákbækur.

Verðlaun fyrir keppendur 12 ára og yngri.

1. - 3. verðlaun: Vandaðar skákbækur.

 

Verðlaun fyrir krakka 8 ára og yngri

1. - 3. verðlaun: Vandaðar skákbækur. 

 

* ^{Mótshaldarinn áskilur sér rétt til að finna hagstæðasta fargjald sem hægt er að fá enda verði tilkynnt um ferðir með góðum fyrirvara.} 

* Verðlaunahafi verður að nýta sér farmiða innan 12 mánuða frá lokum mótsins.

 

B:

 

Dagskrá:

1. umferð: Föstudagurinn 6. júní kl. 18  

2. umferð: Föstudagurinn 6. júní kl. 19

3. umferð. Föstudagurinn 6. júní kl. 20.

 

4. umferð: Laugardagurinn 7. júní kl. 10-14  

5. umferð: Laugardagurinn 7. júní kl. 15 - 19

 

6. umferð: Sunnudagurinn 8. júní kl. 10.-14.

7. umferð: Sunnudagurinn 8. júní kl. 15-19.

 

Verðlaunaafhending fer fram strax að móti loknu.

Athugið að hver keppandi getur tekið ½ vinnings yfirsetu í 1.-6. umferð. Tilkynna skal fyrir mótið hvenær óskað er yfirsetu.

Þátttöku skal tilkynna í síma SÍ 56 89141 á netfangið [e-mail] eða [e-mail] .

Mótsnefnd áskilur rétt til að gera breytingar á fyrirfram boðaðri dagskrá.

Elsa María sigraði á hraðkvöldi

Elsa María Kristínardóttir sigraði á hraðkvöldi Hugins sem haldið var 2. júní. Elsa María fékk 6 vinninga í sjö skákum og voru það Jón Úlfljótsson og Vigfús sem náðu jafntefli. Annar varð Vigfús Ó. Vigfússon með 5,5 vinning en auk þess að gera jafntefli við Elsu Maríu tók hann upp á því að tapa fyrir Kristni Jens sem sagðist myndu ganga ánægður til náða eftir það verk og sofa vel. Þriðji var svo Jón Úlfljótsson með 5 vinninga. 

Í lok hraðkvöldsins dró svo Elsa María Sindra Snæ Kristófersson í happdrættinu og fengu þau bæði gjafamiða á Saffran.

Næsti viðurburður í Mjóddinni er Mjóddarskákmótið sem verður 14. maí í göngugötunni en næsta æfing í félagsheimili Hugins í Álfabakka 14a verður mánudaginn 16. júní kl. 20 og þá verður einnig hraðkvöld. Það verður lokaæfing fyrir sumarhlé.

Lokastaðan á hraðkvöldinu:

1.  Elsa María Kristínardóttir        6v/7

2.  Vigfús Ó. Vigfússon                5,5v

3.  Jón Úlfljótsson                        5v

4.  Kristófer Ómarsson                4,5v

5.  Kristinn Jens Bjartmarsson     4,5v

6.  Gunnar Nikulásson                 4,5v

7.  Aron Þór Maí                           3,5v

8.  Sindri Snær Kristófersson       3v

9.  Hjálmar Sigurvaldason           3v

10. Gunnar Friðrik Ingibergsson  3v

11. Hörður Jónasson                    2,5v

12. Alexander Oliver Maí              2,5v

13. Stefán Orri Davíðsson            1,5v

Sigurvegarar og landsliðsmenn á F3-kvöldi

Á fimmtudagskvöldið 5. júní verður loks F3-kvöld. Það hefst kl. 20. Gestir kvöldsins, verða Hjörvar Steinn Grétarsson, sigurvegari Wow air Vormóts TR, og Guðmundur Kjartansson, nýkrýndur Íslandsmeistari í skák. Báðir voru þeir jafnframt valdir í ólympíuliðið sem heldur til Tromsö þann 1. ágúst nk.  Þeir munu segja frá sigrum sínum og skýra skákir.

Sigurbjörn Björnsson kemur á staðinn og kynnir nýja sendingu af bókum frá Quality Chess.

F3-kvöld eru opinn fyrir alla félagsmenn F3-klúbbsins.

Upplýsingar um klúbbinn og hvernig megi ganga í hann má nálgast á heimsíðu klúbbsins.