Barna-og unglingameistaramót Reykjavíkur fer fram í dag

Barna- og unglingameistaramót Reykjavíkur, sem og Stúlknameistaramót Reykjavíkur, fer fram sunnudaginn 23. febrúar í félagsheimili T.R. Faxafeni 12.

Taflið hefst kl.14 og stendur til ca. kl. 18. Tefldar verða 7 umferðir eftir Monrad-kerfi með umhugsunartímanum 15 mín. á skák. Teflt verður í einum flokki.
Verðlaun verða veitt fyrir þrjú efstu sætin í mótinu og þar fyrir utan hlýtur sigurvegarinn titilinn Unglingameistari Reykjavíkur 2014, sé hann búsettur í Reykjavík eða félagi í reykvísku taflfélagi.

Einnig verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan titilinn Stúlknameistari Reykjavíkur 2014, sé hún búsett í Reykjavík eða félagi í reykvísku taflfélagi.

Til viðbótar verða veitt verðlaun fyrir þrjú efstu sætin í aldursflokknum 12 ára og yngri (fædd 2001 og síðar).

Mótið er opið öllum krökkum 15 ára og yngri (fædd 1998 og síðar).

Skráning fer fram á [e-mail] (vinsamlegast gefið upp nafn, fæðingarár, símanúmer, skóla og taflfélag (ef við á)) og einnig er hægt að skrá sig á mótsstað sunnudaginn 23.  febrúar frá kl. 13.30- 13.45. Skákmótið hefst kl. 14.

Aðgangur á mótið er ókeypis.

Stórmeistaramót Vildarbarna: Margeir mætir!

Þá styttist í eitt sterkasta hraðskákmót sem haldið hefur verið á Íslandi á þessari öld - ef ekki það sterkasta! Stórmeistaramót Vildarbarna fer fram á Hótel Nordica Hilton á Suðurlandsbraut klukkan 14:00 á sunnudaginn kemur. Sennilega er þetta sterkasta hraðskákmótið í mörg, mörg ár sem er aðeins með stórmeistara sem keppendur, enda um stórmeistaramót að ræða. Hin rómaða "fjórmenningarklíka" er öll með eftir að ljóst varð að Margeir Pétursson kemur til landsins!

Fróðlegt væri að vita hvenær fjórmenningarnir tefldu allir saman á lokuðu móti síðast. Ábendingar um það mega gjarnan berast ritstjóra.

Stefán Kristjánsson er eldheitur eftir sigur sinn á Nóa-Síríus mótinu þar sem frammistaða hans jafngilti 2648 skákstigum. Hannes Hlífar hefur verið að tafli í S-Ameríku en kom nýlega til landsins enda mikil skáktörn framundan á Íslandi. Íslandsmeistarinn er að sjálfsögðu til alls líklegur. Friðrik Ólafsson nýtur ávallt mikillar hylli áhorfenda og tilhlökkunarefni marga að sjá hann við borðið. Þröstur Þórhallsson og Helgi Áss Grétarsson eru báðir þekktir fyrir mikinn hamagang í hraðskákum og má telja þá báða líklega til afreka á mótinu. Ærið verkefnið verður fyrir Lenku Ptácníková að tefla við kollega sín af hinu kyninu og fróðlegt verður að sjá hvort að álag við undirbúning mótsins komi niður á taflmennsku mótshaldarans hans Hjörvars Steins.

Keppendalistinn:

• GM Friðrik Ólafsson
• GM Hannes Hlífar Stefánsson
• GM Helgi Áss Grétarsson
• GM Helgi Ólafsson
• GM Hjörvar Steinn Grétarsson
• GM Jóhann Hjartarson
• GM Jón L. Árnason
• WGM Lenka Ptácníková
• GM Margeir Pétursson
• GM Stefán Kristjánsson
• GM Þröstur Þórhallsson

 

Áhorfendur eru hvattir til að mæta fyrir fyrstu umferð sem hefst 14:00. Skákskýringar verða í hverri umferð í höndum Björns Þorfinnssonar og Ingvars Þórs Jóhannessonar. Lofa þeir félagar lífi og fjöri í sínum skýringum sem verða í hljóðeinangruðu  hliðarherbergi við sjálfan skáksalinn.

Vetrarleyfisskákmót Skákdeildar Fjölnis og Gufunesbæjar fer fram í dag

Næsta föstudag 21. febrúar verður haldið hið árlega Vetrarleyfisskákmót Skákdeildar Fjölnis og Gufunesbæjar í Hlöðunni við Gufunesbæ.

Mótið hefst kl. 13:00. Tefldar verða 6 umferðir og umhugsunartíminn er 7 mínútur. Fjöldi verðlauna verður í boði: bíómiðar, pítsur, aðgangskort að skíðasvæðum og sundstöðum. Í fyrra mættu 30 keppendur til leiks og nýttu vetrarleyfistímann til skákiðkunar. Mótstjórar á Vetrarleyfismótinu verða þeir Stebbi Bergs og Björn Ívar frá Skákakademíu Reykjavíkur.

 

Barna- og unglingameistaramót Reykjavíkur fer fram á sunnudag

Barna- og unglingameistaramót Reykjavíkur, sem og Stúlknameistaramót Reykjavíkur, fer fram sunnudaginn 23. febrúar í félagsheimili T.R. Faxafeni 12.

Taflið hefst kl.14 og stendur til ca. kl. 18. Tefldar verða 7 umferðir eftir Monrad-kerfi með umhugsunartímanum 15 mín. á skák. Teflt verður í einum flokki.
Verðlaun verða veitt fyrir þrjú efstu sætin í mótinu og þar fyrir utan hlýtur sigurvegarinn titilinn Unglingameistari Reykjavíkur 2014, sé hann búsettur í Reykjavík eða félagi í reykvísku taflfélagi.

Einnig verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan titilinn Stúlknameistari Reykjavíkur 2014, sé hún búsett í Reykjavík eða félagi í reykvísku taflfélagi.

Til viðbótar verða veitt verðlaun fyrir þrjú efstu sætin í aldursflokknum 12 ára og yngri (fædd 2001 og síðar).

Mótið er opið öllum krökkum 15 ára og yngri (fædd 1998 og síðar).

Skráning fer fram á [e-mail] (vinsamlegast gefið upp nafn, fæðingarár, símanúmer, skóla og taflfélag (ef við á)) og einnig er hægt að skrá sig á mótsstað sunnudaginn 23.  febrúar frá kl. 13.30- 13.45. Skákmótið hefst kl. 14.

Aðgangur á mótið er ókeypis.

Reykjavik Barna Blitz

Undanrásir Reykjavík Barna Blitz hefjast um helgina. Fyrstu undanrásirnar verða á laugardagsæfingu TR í Skákhöll félagsins að Faxafeni 12. Undanrásirnar hefjast 14:00. Tveir komast áfram.

Næstu undanrásir verða haldnar á GM Hellisæfingu á mánudaginn kemur klukkan 17:15. Teflt í félagsheimili GM Hellis í Mjóddinni. Tveir komast áfram.

Næstu tvær undanrásir auglýstar síðar.

Alls munu átta skákmenn komast í úrslitin sem tefld verða laugardaginn 8. mars í Hörpu.

Rétt til þátttöku í undanrásunum hafa allir skákmenn fæddir 2001 og síðar.

Núverandi meistari er Hilmir Freyr Heimisson.

Lokaumferð Nóa Síríus - mótsins fer fram í kvöld - Stefán með vinnings forskot

Sjöunda og síðasta umferð Nóa Síríus mótsins - Gestamóts GM Hellis og Breiðabliks fer fram í kvöld. Stórmeistarinn Stefán Kristjánsson (2491) er efstur með 5½ vinning og hefur vinningsforskot á næstu menn. Í 2.-7. sæti með 4½ vinning eru alþjóðlegu meistararnir Bragi Þorfinnsson (2454), Jón Viktor Gunnarsson (2412), Björgvin Jónsson (2340) og Karl Þorsteins (2452) og FIDE-meistararnir, Davíð Kjartansson (2336) og Guðmundur Gíslason (2316).

Í lokaumferðinni sem hefst stundvíslega kl. 19:30 mætast meðal annars: Stefán og Karl og Bragi og Jón Viktor.

Teflt er í Stúkunni í Kópavogi. Úrvalsaðstæður fyrir áhorfendur, heitt á könnunni og boðið upp á ljúffent konfekt frá Nóa Síríusi!

• Heimasíða GM Hellis
• Chess-Results
• Myndaalbúm (GB, SB og HGE)
  

Nýtt fréttabréf SÍ komið út!

Nýtt fréttabréf Skáksambands Íslands kom út í fyrradag en fréttabréfið kemur út að jafnaði tvisvar á mánuði yfir vetrarmánuðina.

Hægt er að skrá sig fyrir fréttabréfinu á Skák.is - mjög ofarlega til vinstri með því að velja "Subscribe" þar á bláum fleti.

Meðal efnis er:

• Ísland Norðurlandameistari í skólaskák!
• Magnus Carlsen í einkaviðtali í Tímaritinu Skák
• Metþátttaka á N1 Reykjavíkurskákmótinu
• Kasparov kemur - bókaáritanir í Hörpu
• Jón Viktor skákmeistari Reykjavíkur
• Jón Kristinn yngsti skákmeistari Akureyrar  sögunni!
• Actavis skákmeistari vinnustaða
• Rimaskóli Reykjavíkurmeistari grunnskólasveita
• Vel heppnaður Sturlubúðir - skákbúðir Fjölnis
• N1 Reykjavíkurskákmótið - niðurtalning
• N1 Reykjavíkurskákmótið - nýir keppendur
• Mót á döfinni

Fréttabréfið má nálgast hér.

Hægt er að nálgast eldri fréttabréf hér.

Vetrarleyfisskákmót Skákdeildar Fjölnis og Gufunesbæjar fer fram á morgun

Næsta föstudag 21. febrúar verður haldið hið árlega Vetrarleyfisskákmót Skákdeildar Fjölnis og Gufunesbæjar í Hlöðunni við Gufunesbæ.

Mótið hefst kl. 13:00. Tefldar verða 6 umferðir og umhugsunartíminn er 7 mínútur. Fjöldi verðlauna verður í boði: bíómiðar, pítsur, aðgangskort að skíðasvæðum og sundstöðum. Í fyrra mættu 30 keppendur til leiks og nýttu vetrarleyfistímann til skákiðkunar. Mótstjórar á Vetrarleyfismótinu verða þeir Stebbi Bergs og Björn Ívar frá Skákakademíu Reykjavíkur.

 

Jakob Sævar efstur á Meistaramóti Skákfélags Sauðárkróks

Þeir Jakob Sævar Sigurðsson og Hörður Ingimarsson gerðu jafntefli í 4. umferð Meistaramóts Skákfélags Sauðárkróks sem fram fór í gærkvöldi í milkilli baráttuskák. Þór Hjaltalín sigraði Einar Örn Hreinsson, Birkir Már Magnússon sigraði Guðmund Gunnarsson og loks sigraði Jón Arnljótsson Sigurð Ægisson.

Að lokinni 4 umferð er Jakob efstur með 3½ vinning. Birkir Már Magnússon er með 3 vinninga en Jón Arnljótsson og Hörður Ingimarsson með 2½ vinning. Flestir hinna hafa 2 vinninga.

Í lokaumferðinni mætast Jakob Sævar og Birkir Már í hreinni úrslitaskák um sigur í mótinu. Jón Arnljótsson mætir Þór Hjaltalín, Unnar Ingvarsson mætir Herði Ingimarssyni og þeir Einar Örn Hreinsson og Guðmundur Gunnarsson leiða saman hesta sína.

• Heimasíða Skákfélags Sauðárkróks
• Chess-Results

Hjörvar sigraði á hraðkvöldi hjá GM Helli

Hjörvar Steinn Grétarsson sigraði á hraðkvöldi GM Hellis sem fram fór 17.  febrúar sl. Hjörvar fékk 6½ vinning  í sjö skákum og kom jafnteflið í þriðju umferð í skák við Eirík Björnsson. Í öðru sæti var Elsa María Kristínardóttir með 6 vinninga og þriðji var svo Eiríkur Björnsson með 5,5v en þau þrjú voru nokkuð afgerandi á þessu hraðkvöldi. Hjörvar fékk að draga í happdrættinu í lok hraðkvöldsins og tókst þá að draga Hörð Aron vin sinn og fá þeir báðir gjafamiða á Saffran.

Á næstu æfingu í félagsheimili GM Hellis í Álfabakka 14a sem verður mánudaginn 24. febrúar kl. 20 verður atkvöld.

Lokastaðan á hraðkvöldinu:

Röð	Nafn	Vinn.	TB1	TB2	TB3
1	Hjörvar Steinn Grétarsson	6,5	22,8	0	6
2	Elsa María Kristínardóttir	6	20	0	6
3	Eiríkur K. Björnsson	5,5	15,8	0	5
4	Hörður Aron Hauksson	4	9,5	1	4
5	Björgvin Kristbergsson	4	9,5	0	3
6	Hörður Jónasson	3	7,5	0	2
7	Vigfús Vigfússon	3	7	0	2
8	Sverrir Sigurðsson	3	6,5	0	2
9	Hjálmar Sigurvaldason	2,5	5,25	0	1
10	Gunnar Nikulásson	2,5	4,75	0	1
11	Finnur Kr. Finnsson	2	3,5	0	0