Fullt hús hjá Björgvini í dag

Það var vel mætt hjá Ásum í Stangarhyl í dag. Tuttugu og níu öldungar mættu til leiks  og tefldu tíu umferðir eins og venja er á þessum hefðbundu skákdögum, en þetta var síðasta skákæfingin á þessari haustönn. Næsta þriðjudag verður svo jólahraðskákmótið haldið. Þá verða tefldar  ellefu umferðir með 7 mínútna umhugsunar tíma.

Björgvin landaði fullu húsi af vinningum í dag,eins og hann hefur stundum gert áður. Síðan komu þrír jafnir með 7 vinninga, þeir Stefán Þormar, Guðfinnur R Kjartansson og Gísli Gunnlaugsson. 

Sjá nánari úrslit dagsins á meðf. töflu (ESE).

 

 

 

Það er bara einn Skákjólasveinn: Róbert sigraði á jólamótinu í Vin!

Róbert Lagerman sigraði á hinu árlega jólaskákmóti Vinaskákfélagsins og Hróksins, sem haldið var í Vin mánudaginn 8. desember, og hlaut að launum endurnýjað umboð semSkákjólasveinninn. Róbert, sem var ríkjandi meistari, hlaut 5,5 vinning af 6, næstur kom Skagamaðurinn knái Magnús Magnússon með 5 vinninga. Hinir stórefnilegu Björn Hólm og Bárður Örn Birkissynir urðu í 3.-5. sæti  með 4, ásamt Víkingnum vinalega, Gunnari Frey Rúnarssyni.

Mótið var vel skipað og keppendur alls 17. Helgi Ólafsson stórmeistari, heiðursgestur mótsins, lék fyrsta leikinn fyrir Árna Jóhann Árnason gegnHerði Jónassyni. Bökunarilmur úr hinu fræga eldhúsi í Vin lá í loftinu þegar klukkurnar fóru af stað og í hönd fór stórskemmtilegt mót, sem einkenndist af góðum tilþrifum og eldglæringum á skákborðinu.

Vert er að geta vasklegrar framgöngu Björgvins Kristbergssonar sem hlaut 3 vinninga og skákaði valinkunnum kempum.

Róbert tók forystu strax í upphafi og hélt henni fyrirhafnarlítið til loka, jafnframt því að stýra mótinu af alkunnri snilld. Góðir gestir fylgdust með taflmennskunni, m.a. Gunnar Björnsson forseti Skáksambands Íslands og séra Gunnþór Ingasonsem kallaður er skákklerkurinn.

Í mótslok var boðið upp á rjúkandi kakó með rjóma og nýbakaðar smákökur. Í verðlaun voru splunkunýjar jólabækur frá Sögum útgáfu.

Vinaskákfélagið og Hrókurinn þakka keppendum og öðrum vinum. Næsta mót á dagskrá er Jólamót Stofunnar á fimmtudagskvöld kl. 20

Sæti	Nafn	Vinningar
1	Róbert Lagerman	5,5
2	Magnús Magnússon	5
3-5	Björn Hólm Birkisson	4
3-5	Bárður Örn Birkisson	4
3-5	Gunnar Freyr Rúnarsson	4
6-7	Arnljótur Sigurðarson	3,5
6-7	Hrafn Jökulsson	3,5
8-11	Hörður Jónasson	3
8-11	Hjálmar Sigurvaldason	3
8-11	Björgvin Kristbergsson	3
8-11	Héðinn Briem	3
12-13	Hörður Garðarsson	2,5
12-13	Úlfur Orri Pétursson	2,5
14-16	Finnur Kr. Finnsson	2
14-16	Óskar Einarsson	2
14-16	Haukur Halldórsson	2
17	Árni Jóhann Árnason	1

Jólastemning og skákstuð á jólaskákæfingu TR!

Laugardaginn 6. desember, var haldin síðasta skákæfingin á árinu 2014, sem jafnframt var hin eina og sanna Jólaskákæfing TR. Jólaskákæfingin hvert ár er alltaf skemmtilegur viðburður fyrir krakkana í TR, því þá er bæði hátíðleiki og leikur í gangi. Þetta er uppskeruhátíð haustannarinnar og krakkarnir fá viðurkenningu fyrir ástundun og árangur.

Jólaskákæfingin í gær var sameiginleg fyrir alla fjóra skákhópana sem hafa verið í gangi í haust, byrjendahópinn, stelpuhópinn, laugardagsæfingahópinn og afrekshópinn.

Fyrst á dagskrá á Jólaskákæfingunni voru þrjú tónlistaratriði. Hin 6 ára gamla Guðrún Katrín Tómasdóttir, sem nýlega hefur byrjað að æfa með stúlknahópnum spilaði eitt lag á fiðlu. Því næst spiluðu þær Freyja Birkisdóttir og Vigdís Tinna Hákonardóttir, báðar 8 ára úr stúlknahópnum, saman á blokkflautu. Að lokum spilaði Mykhaylo Kravchuk, 11 ára gamall úr afrekshópnum, tvö lög á pianó/hljómborð. Hann spilaði nú í þriðja skipti á jólaskákæfingu! Öll hlutu þau mikið lófaklapp í lokin! Það er einstaklega skemmtilegt að tónlistaratriði á jólaskákæfingunni skuli vera fastur liður og alltaf einhverjir krakkar tilbúnir að spila á sín hljóðfæri. Skákhöllin okkar verður alltaf örlítið hátíðlegri þegar tónlist hljómar í salnum!

Fjölskylduskákmótið tók svo við, en það er tveggja manna liðakeppni. Krökkunum hafði verið boðið upp á að taka einhvern fjölskyldumeðlim með sér á jólaskákæfinguna og mynda lið. Flest allir komu með einhvern úr fjölskyldunni með sér.
Hvorki meira né minna en 32 lið tóku þátt, samtals 65 þátttakendur og liðanöfnin voru mjög svo frumleg og skemmtileg!
Tefldar voru 5 umferðir með 5 mín. umhugsunartíma. Fóru leikar svo að í fyrsta sæti urðu liðin Kóngarnir og Balotelli með 8 vinninga af 10 mögulegum. Sjö fyrstu liðin fengu Hátíðarpoka Freyju í verðlaun.

En úrslit urðu annars sem hér segir:
1.-2. Kóngarnir: Bárður Örn Birkisson og Björn Hólm Birkisson, Balotelli:Benedikt Ernir Magnússon og Magnús Pálmi, 8 vinninga.
3.-5. Grýlugaffallinn: Mykhaylo Kravchuk og Vladimir,
Jólaskákfélagið: Róbert Luu og Quan,
Biskupaparið: Bjarki Arnaldarson og Arnaldur Loftsson, 7 vinninga.
6.-7. Rut & Aron: Rut Sumarrós og Aron Þór Mai,
Stúfur og Leppunarlúðinn: Alexander Björnsson og Björn Jónsson, 6,5 vinninga.
8.-10. Stjörnurnar: Adam Omarsson og Lenka Ptacnikova,
Ginger gaming: Eldar Sigurðsson og Alexander Sigurðarson,
Riddararnir: Eiríkur Tumi Briem og Atli Antonsson, 6 vinninga.
11.-12. Skákmennirnir: Vignir Sigur Skúlason og Skúli Sigurðsson,
Jólakóngarnir: Alexander Már og Gabríel Sær Bjarnþórssynir, 5,5 vinninga.
13.-17. Svalur og Valur: Halldór Ríkharðsson og Ríkharður Sveinsson
Bismarck: Ólafur Örn Olafsson og Þröstur Olaf Sigurjónsson,
Drekatemjararnir: Guðrún Katrín og Björgvin Víglundsson, Peðasníkir & Mátþefur: Stefán Gunnar Maack og Kjartan Maack,
Skáksnillarnir: Sævar Halldórsson og Guðmundur Kári Jónsson, 5 vinninga.
18.-19. Hvítu biskuparnir: Davíð Dimitry og Indriði Björnsson,
Stúfur og Kjötkrókur í jólaskapi: Freyja Birkisdóttir og Bárður Guðmundsson, 4,5 vinninga.
20.-27-. Black Knights: Freyr Grímsson og Grímur,
Peðin í takkaskónum: Vigdís Lilja Kristjánsdóttir og Halldór Atli Kristjánsson,
Stúfarnir: Funi Freyr Bjarkason og Bjarki Fannar Atlason,
Hrókurinn og peðið: Baldur Karl og Björn Magnússon,
Lakers: Samúel Narfi Steinarsson og Steinar Sigurðsson,
Jólaliðið: Iðunnn Helgadóttir og Helgi Pétur Gunnarsson,
Svörtu riddararnir: Stefán Geir Hermannsson og Kristján Dagur Jónsson
Borgargerði: Magnús Hjaltason og Hjalti Magnússon, 4 vinninga.
28.-29. Pantanóarnir: Benedikt Pantano og Antoine Pantano,
Jólabiskup: Égor og Mateusz Jakubek, 3,5 vinning.
30.-31. Hrókar: Stefán Logi Hermannsson og Hermann Stefánsson,
Sana og Mir: Sana Salah og Mir Salah, 3 vinninga.
32. Peð í jólastuði: Vigdís Tinna Hákonardóttir og Sólveig Freyja Hákonardóttir/Hákon Ágústsson 2 vinninga.

 

Að þessari skemmtilegu liðakeppni lokinni fór fram verðlaunaafhending. Fyrst voru veitt verðlaun (medalíur) fyrir mætingu og árangur á skákæfingunum á þessari önn í byrjendahópnum, stúlknahópnum og laugardagsæfingahópnum.

 

Verðlaun fyrir Ástundun eru veitt í þremur aldurshópum og einum stelpuhóp:

Aldursflokkur 6-7 ára, fædd 2007-2008, (1.-2. bekk). Frá byrjendahópi og laugardagsæfingahópi.
1. Einar Tryggvi Petersen, Gunnar Þórður Jónasson, Lóa Margrét Hauksdóttir. 8 mætingarstig.
2. Benedikt Þórisson, Bjartur Þórisson, John Lyvie Abando, Samúel Narfi Steinarsson, Adam Omarsson. 7 mætingarstig.
3. Halldór Ríkharðsson, Svanur Þór Heiðarsson, Thelma Sigríður Möller, Tómas Möller, Tómas Davidson, Vésteinn Sigurgeirsson. 6 mætingarstig.

 

 

Aldursflokkur 8-9 ára, fædd 2005-2006, (3.-4. bekk)
1. Alexander Már Bjarnþórsson, Gabríel Sær Bjarnþórsson 13/14
2. Róbert Luu 12/14
3. Bjarki Freyr Mariansson, Kristján Dagur Jónsson, Stefán Geir Hermannsson 11/14

Aldursflokkur 10-12 ára, fædd 2002-2004, (5.-7. bekk)
1. Alexander Oliver Mai 13/14
2. Ottó Bjarki Arnar 9/14
3. Arnar Milutin Heiðarsson 8/14

 

 

 

Skákæfingar stúlkna.
1. Iðunn Helgadóttir 14 mætingarstig.
2. Freyja Birkisdóttir 13 mætingarstig.
3.-4. Sólveig Freyja Hákonardóttir, Vigdís Tinna Hákonardóttir 12 mætingarstig.

 

 

Þrenn verðlaun voru veitt fyrir samanlögð stig fyrir Ástundun og Árangur:
1. Alexander Oliver Mai 40 stig.
2. Alexander Már Bjarnþórsson 36 stig.
3. Róbert Luu 33 stig.

 

Því næst fór fram verðlaunaafhendingin fyrir Fjölskylduskákmótið og að lokum var happdrætti, dregið úr skráningarnúmerum liðanna. Í happdrætti var einn Freyju Hátíðarpoki og fimm bækur úr bókalager TR. Að þessu sinni var það bókin Við skákborðið í aldarfjórðun. 50 valdar sóknarskákir Friðriks Ólafssonar. Friðrik Ólafsson verður 80 ára 26. janúar á næsta ári og því var kærkomið að minnast á þennan fyrsta stórmeistara Íslendinga og einn dyggasta félagsmann TR á jólaskákæfingunni.

Þá var bara jólahressingin eftir, sem var skemmtilegur lokapunktur á jólaskákæfingunni. Malt og appelsín, piparkökur, súkkulaðibitakökur og súkkulaðikex - allt átti þetta vel við á vel heppnaðri jólaæfingu.
Nokkrir foreldrar tóku til hendinni í jólahressingunni og hafi þau þökk fyrir það!
Skákstjórar voru Torfi Leósson og Sigurlaug Regína Friðþjófsdóttir.

Taflfélag Reykjavíkur þakkar öllum sem tóku þátt í bráðskemmtilegri jólaskákæfingu félagsins!

Skákæfingarnar hefjast að nýju á nýju ári laugardaginn 10. janúar 2015. Sjáumst þá!

Gleðileg jól!

Jólaskákmót í Stofan Café á fimmtudagskvöld

Hrókurinn og Stofan Café, Vesturgötu 3, efna til jólaskákmóts fimmtudagskvöldið 11. desember kl. 20. Tefldar verða 8 umferðir með 5 mínútna umhugsunartíma og leggur Stofan til verðlaun í formi gjafabréfa, auk þess sem sérstakt tilboð verður á veitingum fyrir keppendur.

Hrókurinn og Stofan Café, Vesturgötu 3, efna til jólaskákmóts fimmtudagskvöldið 11. desember kl. 20. Tefldar verða 8 umferðir með 5 mínútna umhugsunartíma og leggur Stofan til verðlaun í formi gjafabréfa, auk þess sem sérstakt tilboð verður á veitingum fyrir keppendur. 

Skák hefur um aldir notið mikilla vinsælda á kaffihúsum, og Stofan hefur fest sig í sessi sem vinsælasta skákkaffihús borgarinnar. Þar er góð aðstaða til taflmennsku, einstaklega góður andi og fjölbreyttar veitingar. Í október var haldið fyrsta hraðskákmót Hróksins og Stofunnar, sem heppnaðist sérlega vel. Þar sigraði Róbert Lagerman og hreppti titilinn Stofumeistarinn 2014. Nú er spurningin hver verður Stofujólasveinninn!

Keppendur eru hvattir til að skrá sig í [e-mail] þar sem hámarksfjöldi keppenda er 24. 

Allir eru velkomnir og þátttaka er ókeypis.

Rafn sigurvegari Jólaskákmóts Bríó

Jólaskákmót Bríó 2014 fór fram laugardaginn 6. desember í Hlutverkasetrinu við Borgartún. Mótið var fyrst og fremst hugsað fyrir fólk sem kemur að málefnum geðfatlaðra,  þ.e. íbúa og notendur búsetukjarna og athvarfa, ásamt starfsmönnum, vinum og vandamönnum. Til að hafa mótið sem jafnast og skemmtilegast var hámarksstyrkleiki keppanda miðaður við 2000 elo-stig.

9 keppendur mættu til leiks og voru því tefldar 8 umferðir með 7 mínútna umhugsunartíma og náðu þar með allir að tefla við alla. Mótið var jafnt og spennandi og voru úrslit eftirfarandi:

1.-2. Rafn Jónsson 7,5v
1.-2. Hjálmar Sigurvaldason 7,5v
3.-4. Héðinn Briem 6v
3.-4. Dagbjartur Taylor 6v
5.-6. Hörður Jónasson 5,5v
5.-6. Úlfur Orri Pétursson 5,5v
7.     Árni Jóhann Árnason 4v
8.     Orri Hilmarsson 2v
9.     Guðjón Knútsson 1v

Tefldar voru bráðabanaskákir um efstu þrjú sætin og endaði mótið þannig að Rafn sigraði Hjálmar og Héðinn sigraði Dagbjart. Röð efstu manna var því eftirfarandi:

1. Rafn Jónsson
2. Hjálmar Sigurvaldason
3. Héðinn Briem

Styrktaraðilar mótsins voru nokkrir og ber þar helst að nefna Landsbankann, Olís og Skeljung og því voru glæsileg verðlaun og veitingar í boði. Einnig styrkti Sigurbjörn Björnsson mótið með skákbókum til vinninga.

Sérstakar þakkir fá Hlutverkasetrið, Vin og Gunnar Freyr Rúnarsson fyrir aðstoð og hjálp við mótið.

Hannes efstur í San Salvador

Hannes Hlífar Stefánsson (2564) er efstur með 5,5 vinning að loknum sex umferðum á alþjóðlegu móti í El Salvador. Í fimmtu umferð í gær gerði hann jafntefli við Guðmund Kjartansson (2451) og í dag hann kúbverska FIDE-meistarann Roberto Carlo Sanchez Alvarez (2390).

Guðmundur er í 2.-7. sæti með 5 vinninga en hann gerði jafntefli við bandaríska stórmeistarann Alejandro Ramirez (2579).

Hannes teflir við Ramirez í sjöundu umferð en Guðmundur teflir við kúberska stórmeistarann Omar Almeida Quintana (2485).

131 skákmaður frá 12 löndum taka þátt í mótinu. Þar af eru sex stórmeistarar og níu alþjóðlegir meistarar. Hannes er nr. 3 í stigaröð keppenda en Guðmundur eru nr. 7.

• Heimasíða mótsins
• Chess-Results

Hraðskákmóti Garðabæjar frestað

Hraðskákmóti Garðabæjar sem átti fara fram í kvöld hefur verið frestað um viku vegna veðurs.

Jólaskákmótið í Vin í dag kl. 13

Jólaskákmót verður haldið í Vin, Hverfisgötu 47, í dag mánudaginn 8. desember kl. 13. Tefldar verða sex umferðir með 7 mínútna umhugsunartíma, og eru allir hjartanlega velkomnir.

 

Vin er athvarf Rauða krossins fyrir fólk með geðraskanir og þar hefur skáklífið blómstrað síðan 2003, en þá komu liðsmenn Hróksins fyrst í heimsókn. Í kjölfarið var Vinaskákfélagið stofnað, sem stendur fyrir reglulegum æfingum og skákviðburðum, auk þess að tefla fram sveitum á Íslandsmóti skákfélaga.

 

Á jólaskákmótinu verða fjölmargir vinningar og verðlaun, sem Sögur útgáfa og 12 tónar leggja til. Að auki verður efnt til happdrættis svo allir eiga möguleika á glaðningi. Að mótinu standa Hrókurinn og Vinaskákfélagið, og er þátttaka ókeypis.

Jón, Kristján og Viktor héraðsmeistarar HSÞ 2014

Jón Aðalsteinn Hermannsson, Kristján Davíð Björnsson og Viktor Hjartarson unnu sigur hver í sínum aldursflokki á héraðsmóti HSÞ í skák 2014 fyrir 16 ára og yngri sem fram fór á Laugum sl. þriðjudag. Aðeins tveir keppendur mættu til leiks í flokki 8 ára og yngri og tefldu þeir því með keppendum í flokki 9-12 ára. Viktor og Sváfnir Ragnarsson náðu báðir að vinna eina skák, en Viktor Hjartarson vann tiltilinn þar sem hann vann skákina við Sváfni. Kristján Davíð Björnsson hafði mikla yfirburði í flokki 9-12 ára og vann allar sínar skákir. Tímamörk voru 7 mín á mann.

Viktor Hjartarson og Sváfnir Ragnarsson ásamt Hermanni skákstjóra Keppendur í flokki 9-12 ára. Kristján Davíð lengst til vinstri

 

Lokastaðan í flokki 8 ára og yngri og 9-12 ára.

1. Kristján Davíð Björnsson         7 vinninga af 7 mögulegum
2. Ari Ingólfsson                                  5
3. Stefán Bogi Aðalsteinsson      4,5
4. Björn Gunnar Jónsson              4
5. Hilmar Örn Sævarsson             3,5
6. Magnús Máni Sigurgeirsson  2
7. Viktor Hjartarson                         1
8. Sváfnir Ragnarsson                       1

Keppni í flokki 13-15 ára var mjög jöfn og hörð og þegar upp var staðið voru þrír keppendur efstir og jafnir með fjóra vinninga, eftir tvöfalda umferð. Var því ákveðið að þessir þrír efstu tefldu aftur daginn eftir tvöfallt einvígi um titilinn, en með 7. mín umhugsunartíma í stað 10 mín og gerði Jón Aðalsteinn Hermannsson sér lítið fyrir og vann allar skákirnar fjórar og héraðsmeistaratitilinn í flokknum um leið. Eyþór og Jakub fegnu báðir einn vinning og háðu því hraðskákeinvígi um annað sætið, Aftur komu þeir jafnir í mark með einn vinning hvor. Þá tefldu þeir svokallaða “armageddon-skák” þar sem hvítur var með 5 mín en svartur 4 mínútur en svörtum dugði jafntefli til sigurs. Það fór svo að Jakub sem stýrði hvítu mönnunum vann sigur og þar með annað sætið. Eyþór hafnaði því í þriðja sæti.

 

Eyþór Kári Ingólfsson, Jón Aðalsteinn Hermannsson og Jakub Piotr Statkeiwicz

Hraðskákmót Garðabæjar fer fram í kvöld

Hraðskákmót Garðabæjar verður haldið mánudaginn 8. desember 2014. Mótsstaður: Garðatorg 1. (gamla Betrunarhúsið). 2. hæð. Inngangur til hægri við verslunina Víði. 

Umhugsunartími er 5 mínútur á mann og er teflt í einum flokki. Reikna má með að mótið verði búið um kl. 22. 

1. verðlaun í Hraðskákmóti Garðabæjar eru 15.000 kr. auk verðlaunagrips. Medalíur fyrir 2. og 3. sæti. Efsti TG-ingur hlýtur 5.000 kr. Verðlaunafé skiptist eftir Hort kerfi.

Frítt er í hraðskákmótið fyrir þátttakendur skákþingsins og félagsmenn TG en aðrir gestir borga 1.000 kr.

Hraðskákmeistari 2013 var Hjörvar Steinn Grétarsson

Eftir hraðskákmótið er verðlaunahending fyrir bæði Hraðskákmótið auk Skákþings Garðabæjar. 

Mótið verður reiknað til alþjóðlegra hraðskákstiga.

Skráning fer fram á Skák.is (guli kassinn). Upplýsingar um þegar skráða keppendur má finna hér.