Skák.is

Bloggfærslur mánaðarins, janúar 2014

10.1.2014 | 11:30

Skákþing Akureyrar hefst á sunnudaginn

Mótið hefst nk. sunnudag 12. janúar kl. 13.00 í Skákheimilinu, Íþróttahöllinni við Skólastíg. Mótið er að þessu sinni haldið í samvinnu við Landsbankann og nefnist Landsbankamótið.

Teflt verður í einum flokki og er öllum heimil þátttaka. Aðeins þeir skákmenn sem eiga lögheimili á Akureyri eða eru fullgildir félagsmenn í Skákfélagi Akureyrar geta unnið titilinn sem teflt er um:

„SKÁKMEISTARI AKUREYRAR 2014."

Dagskrá:

Á mótinu er áformað að tefla 9 umferðir á eftirtöldum dögum

Sunnudaginn 12. janúar kl. 13.00 1. umferð

Fimmtudaginn 16. janúar kl. 18.00 2. umferð

Sunnudaginn 19. janúar kl. 13.00 3. umferð

Fimmtudaginn 23. janúar kl. 18.00 4. umferð

Fimmtudaginn 30. janúar kl. 18.00 5. umferð

Sunnudaginn 2. febrúar kl. 13.00 6. umferð

Sunnudaginn 9. febrúar kl. 13.00 7. umferð

Fimmtudaginn 13. febrúar kl. 18.00 8. umferð

Sunnudaginn 16.febrúar kl. 13.00 9. umferð

Hraðskákmót Akureyrar og verðlaunafhending verður svo sunnudaginn 23. febrúar kl. 13.00

Mótsstjórn áskilur sér rétt til að gera minniháttar breytingar á þessari dagskrá þegar fjöldi þátttakenda liggur fyrir. Ákvörðun um þetta mun liggja fyrir við upphaf 1. umferðar.

Umhugsunartími verður 90 mínútur á skákina, auk þess sem 30 sekúndur bætast við tímann fyrir hvern leik (90+30).

Mótið verður reiknað til innlendra og alþjóðlegra skákstiga.

Þátttökugjald er kr. 3.000 fyrir skuldlausa félagsmenn, kr. 4.000 fyrir aðra. Þátttaka er ókeypis fyrir þá unglinga sem greitt hafa æfingagjald.

Skráning er með tölvupósti á netfangið askell@simnet.is, eða á skákstað eigi síðar en 30 mínútum fyrir auglýst upphaf 1. umferðar.

Verðlaun. Veitt verða peningarverðlaun fyrir þrjú efstu sætin, auk a.m.k. einna stigaverðlauna. Lágmarksverðlaunafé er kr. 50.000 en getur hækkað með góðri þátttöku. Endanleg ákvörðun um upphæð verðlauna mun liggja fyrir eftir upphafsumferð mótsins.

Spil og leikir | Breytt s.d. kl. 11:39 | Slóð | Facebook | Athugasemdir (0)

10.1.2014 | 01:23

Nóa Siríus mótið hófst í kvöld - 22 titilhafar taka þátt

Nóa Siríus mótið 2014 (Gestamót GM Hellis og Breiðabliks) hófst í kvöld. Keppendur eru 67 talsins og er mótið vel mannað með 22 alþjóðlegum titilhöfum. Meðal keppenda eru stórmeistarararnir Þröstur Þórhallsson og Stefán Kristjánsson en sá síðarnefndi sigraði einmitt Gestamótinu í fyrra.

Orri Hlöðversson leikur fyrsta leiknum fyrir Stefán kristjánsson stórmeistara.

Kristján Geir Gunnarsson markaðsstjóri Nóa-Síríus lék fyrsta leiknum fyrir Sverri Örn Björnsson gegn Þresti Þórhallssyni stórmeistara.

Mótið er samstarfsverkefni GM Hellis og Skákdeildar Breiðabliks og haldið í hinum vistlegu húsakynnum undir stúku Kópavogsvallar. Eins og nafnið bendir til er bakhjarl mótsins Nói Siríus sem leggur til verðlaun mótsins og laumar auk þess að keppendum gómsætum molum til að skerpa einbeitinguna.

Við setningu mótsins þakkaði Jón Þorvaldsson keppendum góðar undirtektir og bauð gesti velkomna. Orri Hlöðversson, formaður Breiðabliks, lýsti velþóknun sinni á kröftugu starfi skákdeildar Breiðabliks undir forystu Halldórs G. Einarssonar og lauk lofsorði á glæsilegt mót. Orri og Kristján Geir Gunnarsson, markaðsstjóri Nóa-Siríus, léku síðan fyrsta leikinn á tveimur efstu borðum og þótti Kristjáni Geir miður að fá ekki að ráða því hverju hvítur lék. Var honum boðið sæti í mótinu að ári ásamt skákþjálfun í sárabætur!

Það hefur komið forvígismönnum mótsins á óvart hve vel það hefur mælst fyrir meðal skákmanna og hve fjölsótt það er. Engin snilld býr þar að baki heldur hefur einfaldega verið hlustað á óskir skákmanna og reynt að verða við þeim eftir bestu getu.

Ljóst er að mikill meirihluti skákmanna kýs að tefla aðeins einu sinni í viku og er mótið sniðið að þeim óskum. Jafnframt er alltaf parað fyrir næstu umferð morguninn eftir hverja umferð. Þá geta keppendur notið þess að undirbúa sig af kostgæfni og enda liggur fyrir að sumir keppendanna hafa jafn gaman af undirbúningnum og að tefla sjálfa skákina.

Vert er að taka fram að sem fyrr var sérstök áhersla lögð á að laða til mótsins skákmenn sem hafa verið lengi frá keppni á kappskákmótum, jafnvel áratugum saman. Þar má nefna kappa á borð við Elvar Guðmundsson, Davíð Ólafsson, Þráin Vigfússon, Magnús Teitsson, Sæberg Sigurðsson, Hrannar Arnarson og Arnald Loftsson.

Undirbúningsnefnd mótsins skipa:

Andrea Margrét Gunnarsdóttir
Einar Hjalti Jensson
Halldór Grétar Einarsson
Jón Þorvaldsson
Steinþór Baldursson
Vigfús Vigfússon.

Sitthvað var um óvænt úrslit í fyrstu umferð. Ögmundur Kristinsson (2014) vann Andra Áss Grétarsson (2325). Gunnar Björnsson (2073) gerði jafntefli við Einar Hjalta Jensson (2347), Örn Leó Jóhannsson (1955) við Davíð Ólafsson (2316) og Vignir Vatnar Stefánsson við Halldór Brynjar Halldórsson (2233).

Úrslit í 1. umferð.

Önnur umferð fer fram 16. janúar. Þá mætast m.a. Björn Ívar - Stefán Kr., Bragi - Þráinn, Þröstur Á - Karl, Þröstur Þ - Sigurður Páll og Lenka - Jón Viktor.

Pörun 2. umferðar

Spil og leikir | Slóð | Facebook | Athugasemdir (0)

9.1.2014 | 17:34

Skákþing Reykjavíkur: Skákir 2. umferðar

Kjartan Maack hefur slegið inn skákir 2. umferðar Skákþings Reykjavíkur. Þær fylgja með sem viðhengi.

Veljið skák (35 alls):

Spil og leikir | Slóð | Facebook | Athugasemdir (0)

9.1.2014 | 15:05

Skákþing Reykjavíkur: Fjórtán skákmenn með fullt hús

Önnur umferð Skákþings Reykjavíkur fór fram í gærkveldi. Sitthvað var um óvænt og má þar nefna að Jón Úlfljótsson (1797) gerði jafntefli við Júlíus Friðjónsson (2175) og að Hörður Aron Hauksson (1761) við Stefán Bergsson (2157) en að langmestu unnu hinir stigahærri þá stigalægri. Þriðja umferð Skákþingsins fer fram á sunnudag og hefst kl. 14.

Þá mætast meðal annars: Oliver Aron - Jón Viktor, Sigurbjörn - Mikael Jóhann, Dagur - Einar Hjalti, Davíð - Þór Már, Haraldur - Þorvarður Fannar, Lenka - Loftur og Jón Trausti - Kjartan.

Spil og leikir | Slóð | Facebook | Athugasemdir (0)

9.1.2014 | 07:00

Skáktímar hefjast í Stúkunni í dag

Samvinnuverkefni Skákskóla Íslands og Skákakademíu Kópavogs fer af stað á nýja árinu í Stúkunni á Kópavogsvell og verður fyrsti tími fimmtudaginn 9. janúar og hefst kl. 14:30. Sem fyrr verður það Helgi Ólafsson stórmeistari og skólastjóri Skákskóla Íslands sem hefur umsjón með þessum tímum. Þessir tímar eru einkum miðaðir við börn og unglinga í grunnskólum Kópavogs.

Spil og leikir | Breytt 8.1.2014 kl. 10:08 | Slóð | Facebook | Athugasemdir (0)

8.1.2014 | 14:17

Björgvin sigraði á skákmóti Ása

Æsir hittust gallvaskir í gær og fyrsta æfingakeppni ársins sá ljósið en mættir voru 23 áhugasamir sem settust að borðum. Birgir Sigurðsson lét af störfum sem formaður eftir fjölda ára og voru honum þökkuð ómetanleg störf og dugnaður með langvinnu lófataki. Nýr formaður Ása Garðar Guðmundsson var boðinn velkominn til starfa en hann hefur verið óþreytandi í forystusveit okkar. Hinn góðkunni Björgvin Víglundsson mætti til móts og gekk lítt sár frá borði með fullt hús stiga en úrslit urðu þessi.

1. Björgvin Víglundsson 10 vinningar.

2. Össur Kristinsson 8,5 vinningar.

3. Stefán Þormar 7,0 vinningar.

4-5. Guðfinnur R Kjartansson 6,5 vinningar

Ari Stefánsson 6,5 vinningar.

6.0 Baldur Garðarsson 6.0 vinningar.

7-13. Páll G Jónsson 5,0 vinningar.

Magnús V Pétursson 5.0 vinningar.

Ásgeir Sigurðsson 5,0 vinningar.

Garðar Guðmundsson 5,0 vinningar.

Gísli Árnason 5,0 vinningar.

Bragi Bjarnason 5,0 vinningar.

Friðrik Sófusson 5,0 vinningar.

14-18. Halldór Skaftason 4,5 vinningar.

Óli Árni Vilhjálmsson 4,5 vinningar

Hlynur Þórðarson 4,5 vinningar

Jónas Ástráðsson 4,5 vinningar

19-21. Birgir Sigurðsson 4,0 vinningar.

Haraldur Magnússon 4,0 vinningar.

Reynir Jóhannesson 4,0 vinningar.

22-23. Viðar Arthúrsson 3,0 vinningar.

Sverrir K Hjaltason 3.0 vinningar.

Bestu kveðjur Jónas.

Spil og leikir | Slóð | Facebook | Athugasemdir (0)

8.1.2014 | 14:04

Guðmundur og Þór efstir á Atskákmóti Skákfélags Sauðárkróks

Þeir Guðmundur Gunnarsson og Þór Hjaltalín eru efstir með fullt hús vinninga eftir 3 umferðir á Atskákmóti Skákfélags Sauðárkróks sem hófst í gær. Alls taka 8 skákmenn þátt í mótinu og tefla allir við alla. Umhugsunartími er 25 mín. pr mann á skák. Næstu 3 umferðir verða tefldar nk. þriðjudag.

Heimasíða Skákfélags Sauðárkróks

Spil og leikir | Slóð | Facebook | Athugasemdir (0)

8.1.2014 | 10:06

Elsa María sigraði á atkvöldi GM Hellis

Elsa María Kristínardóttir sigraði með 5 vinninga af sex mögulegum á jöfnu og spennandi atkvöldi GM Hellis sem fram fór 6. janúar sl. Vignir Vatnar hafði leitt æfinguna lengst af og hafði aðeins misst hálfan vinning fyrir síðustu umferðina á meðan Elsa María var einn vinning niður. Í lokaumferðinni laut Vignir Vatnar í lægra haldi fyrir Gunnari Birgissyni.

Á meðan bar Elsa María sigurorð af Sverri Sigurðssyni og tryggði sér með því sigurinn á lokasprettinum. Elsa María hafði ekki alveg gleymt Vignir Vatnari því hún dró hann í happdrættinu í lok hraðkvöldsins og fengu þau bæði gjafamiða á Saffran.

Næsta skákkvöld í félagsheimili GM Hellis í Mjóddinni verður mánudaginn 13. janúar kl. 20 og þá verður hraðkvöld.

Lokastaðan:

Röð	Nafn	Vinn.	TB1	TB2	TB3
1	Elsa María Kristínardóttir	5	17	11	12,5
2	Vignir Vatnar Stefánsson	4,5	21	14	15
3	Vigfús Vigfússon	4,5	20	13	14,5
4	Gunnar Birgisson	4,5	16	11	11,8
5	Sverrir Sigurðsson	3,5	20	14	7,75
6	Sigurður Kristjánsson	3,5	15	10	6,25
7	Kristján Halldórsson	3	22	14	9,25
8	Gunnar Ingibergsson	3	19	13	7,75
9	Óskar Long Einarsson	3	18	12	6
10	Árni Thoroddsen	3	18	12	7,25
11	Hjálmar Sigurvaldason	3	17	11	5,5
12	Jón Úfljótsson	2,5	22	16	8,75
13	Sigurður Freyr Jónatansson	2	17	12	2
14	Hörður Jónasson	2	15	10	2
15	Björgvin Kristbergsson	1	16	10	0,5

Spil og leikir | Breytt s.d. kl. 10:09 | Slóð | Facebook | Athugasemdir (0)

8.1.2014 | 09:47

Skáktímar hefjast í Stúkunni á fimmtudaginn

Samvinnuverkefni Skákskóla Íslands og Skákakademíu Kópavogs fer af stað á nýja árinu í Stúkunni á Kópavogsvell og verður fyrsti tími fimmtudaginn 9. janúar og hefst kl. 1430. Sem fyrr verður það Helgi Ólafsson stórmeistari og skólastjóri Skákskóla Íslands sem hefur umsjón með þessum tímum. Þessir tímar eru einkum miðaðir við börn og unglinga í grunnskólum Kópavogs.

Spil og leikir | Breytt s.d. kl. 10:08 | Slóð | Facebook | Athugasemdir (0)

7.1.2014 | 15:37