Gagnaveitumótið - Haustmót TR hefst í dag

Lokaðir flokkar verða þrír í Haustmóti Taflfélags Reykjavíkur sem í ár ber nafn Gagnaveitu Reykjavíkur og bætist Gagnaveitan nú í hóp öflugra bakhjarla félagsins.  Á sjötta tug keppenda er skráður í mótið en enn er tekið við skráningum í opinn flokk sem mun líklega telja á þriðja tug keppenda.  Töfluröð lokuðu flokkanna er að finna hér að neðan en ítarlega verður fjallað um mótið á meðan það fer fram.

• A-flokkur
• B-flokkur
• C-flokkur
• D-flokkur (enn er opið fyrir skráningu)

Friðrik með jafntefli í gær - Áskell vann Sloth - Íslenskur slagur í dag

Stórmeistarinn Friðrik Ólafsson (2407) gerði jafntefli við Svíann Ulf Nyberg (2130) í sjöundu umferð NM öldunga sem fram fór í gær. Áskell Örn Kárason (2205) vann danska FIDE-meistarann og núverandi Norðurlandameistara Jörn Sloth (2330) eftir skemmtilegt hróksendatafl.

Sigurður E. Kristjánsson (1912) gerði svo jafntefli við sænska sænska FIDE-meistarann Nile-Ake Malmdin (2230).

Friðrik og Áskell eru í 2.-4. sæti með 5 vinninga ásamt Sloth og eru hálfum vinningi á eftir forystumanninum, stórmeistaranum og núverandi heimsmeistara öldunga, Jens Kristiansen (2403). Sigurður hefur 3,5 vinning. Í áttundu og næstsíðustu umferð sem hefst nú kl. 11 mætast Friðrik og Áskell.

32 skákmenn taka þátt í mótinu frá öllum Norðurlöndunum nema Færeyjum. Þar af eru þrír stórmeistarar og fjórir FIDE-meistarar. Friðrik er stigahæstur keppenda, Áskell er nr. 7 í stigaröðinni og Sigurður nr. 18.

• Heimasíða mótsins
• Beinar útsendingar (hefjast almennt kl. 11)

Rimaskóli efstur eftir fullt hús vinninga í dag

Það gekk afar vel hjá Rimaskóla í dag á Norðurlandamót grunnskólasveita. Skólin fékk fullt hús vinninga, átta vinninga alls, í viðureignum dagsins! Fyrst var finnski skólinn lagður 4-0 og sveita heimamennirnir frá Hokksund í Noregi. Rimaskóli leiðir með 1,5 vinningi fyrir lokaátökin á morgun þegar tvær síðustu umfeðirnar fara fram. 

• Heimasíða mótsins
• Myndaalbúm mótsins (HÁ)

Háspenna í Helsinki - Álfhólsskóli í vænlegri stöðu

Álfhólsskóli er í 1. til 2. sæti með sveit Noregs á Norðurlandamóti Barnaskólasveita sem fram fer núna um helgina í Helsinki. Eftir 4 umferðir er staðan þannig:

 

1-2	Álfhólsskóli	11 vinningar	6 mp
	Norgur	11 vinningar	6 mp
3	Danmörk	10 vinningar	5 mp
4	Finnland	9.5 vinningar	5 mp
5	Svíþjóð	5.5 vinningar	2 mp
6	Finnland 2	1 vinningur	0 mp

 

Af þessari töflu má sjá að keppnin er mjög spennandi og allt getur gerst. Álfhólsskóli mætir sveit Svíðþjóðar á morgun sunnudag í 5. og síðustu umferð mótsins (kl 6:30 að íslenskum tíma í beinni útsendingu á heimsíðu mótsins). Ljóst má vera að sveitin á þar góða möguleika en einnig eiga Finnland, Danmörk og Noregur fína möguleika á sigri. Dannmörk mun mæta sveit Finnland 2 og Noregur mætir Finnland 1. Allt getur því gerst og  líklegt að það verði dagsformið sem í lokin muni skipta sköpum.

                                 

Álfhólsskóli mætti Dönum í fyrri umferð dagsins og hafði þar sætan sigur 3-1. Dawid, Felix og Agnar unnu örugglega en Oddur lenti í smá erfiðleikum eftir góða byrjun og tapaði.

 

Í síðari umferð dagsins telfdi Álfhólsskóli við Finnland 2 og hafði þar góðan og öruggan sigur 4 -0

 

Stemmingin í hópnum er flott og allir eru bjartsýnir fyrir umferðina á morgun.

 

Á heimasíðu mótsins má sjá allar skákirnar í beinni útsendingu en á morgun verður telfd 5 umferð kl 6:30 íslenskum tíma. 

• Heimasíða mótsins og beinar útsendingar
• Myndaalbúm Finnanna
• Myndaalbúm SB
• Chess Results 

 

 

Gagnaveitumótið - Haustmót TR hefst á morgun

Haustmót Taflfélags Reykjavíkur 2013 hefst sunnudaginn 15. september kl.14. Mótið er eitt af aðalmótum vetrarins í reykvísku skáklífi og jafnframt meistaramót T.R. Það er áratuga gömul hefð fyrir hinu vinsæla Haustmóti og er það flokkaskipt.  Mótið er öllum opið. Skráning fer fram hér á Skák.is (tímabundið óvirkt) og á heimasíðu Taflfélags Reykjavíkur.

Mótið fer fram í félagsheimili Taflfélags Reykjavíkur, skákhöllinni að Faxafeni 12. Sú nýbreytni verður að teflt er tvisvar í viku.  Alls eru níu umferðir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er teflt eftir svissnesku kerfi.

Skráningu í alla lokaða flokka lýkur laugardaginn 14. september kl. 18.

Lokaumferð fer fram föstudaginn 18. október en mótinu lýkur með verðlaunaafhendingu sunnudaginn 20. október ásamt Hraðskákmóti T.R.

Núverandi skákmeistari Taflfélags Reykjavíkur er Daði Ómarsson.

Dagskrá:

1. umferð: Sunnudag 15. september kl.14.00 
2. umferð: Miðvikudag 18. september kl.19.30

3. umferð: Sunnudag 22. september kl.14.00 
4. umferð: Miðvikudag 25. september kl.19.30

5. umferð: Sunnudag 29. september kl.14.00

6. umferð: Miðvikudag 2. október kl.19.30 
7. umferð: Sunnudag 6. október kl.14.00

---Hlé vegna Islandsmóts skákfélaga---
8. umferð: Miðvikudag 16. október kl. 19.30 
9. umferð: Föstudag 18. október. kl.19.30 

Verðlaun í A-flokki: 
1. sæti kr. 100.000 
2. sæti kr. 50.000 
3. sæti kr. 25.000 
4. og 5. sæti ókeypis í Skákþing Reykjavíkur 2014

Verðlaun í B-flokki: 
1. sæti kr. 20.000
2.-3. sæti ókeypis í Skákþing Reykjavíkur 2014

Verðlaun í C-flokki: 
1. sæti kr. 15.000 
2. og 3. sæti ókeypis í Skákþing Reykjavíkur 2014

Verðlaun í opnum flokki:

1. sæti kr. 10.000 
2. og 3. sæti ókeypis í Skákþing Reykjavíkur 2014

Ef fjöldi lokaðra flokka eykst, verða verðlaun í þeim þau sömu og í C-flokki.

Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Verði keppendur jafnir í efstu sætum verður peningaverðlaunum skipt en stigaútreikningur látinn ráða lokaröð keppenda.

Tímamörk:

1 klst. og 30 mín. + 30 sek. á leik. 

Þátttökugjöld:

3.500 kr. fyrir félagsmenn T.R. 16 ára og eldri (5.000 kr. fyrir aðra). 
1.500 kr. fyrir félagsmenn T.R. 15 ára og yngri (2.500 kr. fyrir aðra).

Hou Yifan vann þriðju skákina - leiðir 2,5-0,5

Kínverska skákdrottningin Hou Yifan (2609) vann auðveldan sigur í þriðju skákina í heimsmeistaraeinvígi hennar og hinnar úkraínsku Önnu Ushenina (2500) sem fram fór í morgun. Hou Yifan leiðir þar með í einvíginu 2,5-0,5. einvíginu. Fjórða skák einvígisins fer fram á morgun.

Teflt er í Taizhou í Kína. Alls verða tefldar 10 skákir. 

• Heimsasíða einvígisins
• Beinar útsendingar (hefjast kl. 7)

Carlen efstur í Saint Louis

Magnus Carlsen (2862) virðist vera í fantaformi um þessar mundir. Hann tekur nú þátt í alþjóðlegu móti í Saint Louis, sem er síðasta mót hans fyrir heimsmeistaraeinvígið gegn Anand í nóvember. Hann vann í gær Gata Kamsky (2741) í 4. umferð og er efstur með 3 vinninga. Nakamura (2774) er annar með 2,5 vinning þrátt fyrir tap gegn Aronian (2813) sem hefur 2 vinninga. Kamsky rekur lestina með 1 vinning.

Fimmta og næstsíðsta umferð fer fram í kvöld (hefst kl. 18). Þá mætast Nakamura-Carlsen og Aronian-Kamsky.

• Heimasíða mótsins 
• Beinar útsendingar (hefjast kl. 18)

Rimaskóli gerði 2-2 jafntefli í fyrstu umferð

Norðurlandamót grunnskólasveita hófst í dag í Hokksund í Noregi sem er nágrannabær Osló. Rimaskóli, fulltrúi Íslands, gerði 2-2 jafntefli við dönsku sveitina. Oliver Aron Jóhannesson og Jón Trausti Harðarson unnu sínar skákir en Dagur Ragnarsson og Nansý Davíðsdóttir töpuðu.

Tvær umferðir fara fram á morgun.

• Heimasíða mótsins
• Myndaalbúm mótsins (HÁ)

Álfhólsskóli í 3.- 4. sæti eftir 1. dag á NM

Álfhólsskóli er í 3. til 4. sæti eftir 1. dag NM barnaskólasveita með 4 vinninga. Sveitin gerði tvö jafntefli í dag, fyrst á móti sveit Norðmanna í 1. umferð og síðar á móti sveit Finna í 2. umferð.

Sveit Noregs hefur komið mjög á óvart og hefur gert jafntefli við bæði Ísland og Danmörk en fyrirfram var talið að Danmörk, Ísland og Finnland væru sigurstranglegust. Það eru sem sagt fjórar mjög jafnar sveitir sem líklega munu berjast um sigurinn í þetta sinn og spennan í hámarki.

Dawid Kolka sýndi mikla seiglu og þrautsegju þegar hann vann sigur í 100 leikjum í fyrri umferð dagsins á móti Noregi. SKákin tók hins vegar 4 klst og 30 mín og aðeins 45 mín milli umferða. Felix og Oddur gerðu góð jafntefli en Agnar tapaði eftir að hafa verið kominn í ágæta stöðu.

Í síðar umferð dagsins á móti A sveit Finnlands sigruðu Felix od Oddur örugglega en Agnar og Dawid töpuðu. Það mátti reyndar augljóslega sjá mikil þreytumerki á Dawid enda fyrri skák dagsins löng og erfið og stutt milli skáka.

í fyrramálið mæti Álfhólsskóli sveit Dana sem er viðureign sem verður að vinnast ef sveitin á að verða meðal efstu sveita á mótinu.

Á heimasíðu mótsins má sjá allar skákirnar í beinni útsendingu en á morgun verður telfd 3 umferð kl 7 og 4 umferð kl 12:30 að íslenskum tíma.  Hér gæti þurft handvirkt að breyta hvaða umferð er verið að skoða með því að uppfæra tilvísun í umferðarnúmer í link í browser.

• Heimasíða mótsins
• Myndaalbúm Finnanna
• Chess Results
• Beinar útsendingar

 

Haustmót TR hefst á sunnudag - skráningu lýkur á morgun

Haustmót Taflfélags Reykjavíkur 2013 hefst sunnudaginn 15. september kl.14. Mótið er eitt af aðalmótum vetrarins í reykvísku skáklífi og jafnframt meistaramót T.R. Það er áratuga gömul hefð fyrir hinu vinsæla Haustmóti og er það flokkaskipt.  Mótið er öllum opið. 

Mótið fer fram í félagsheimili Taflfélags Reykjavíkur, skákhöllinni að Faxafeni 12. Sú nýbreytni verður að teflt er tvisvar í viku.  Alls eru níu umferðir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er teflt eftir svissnesku kerfi.

Skráning fer fram hér á Skák.is og á heimasíðu Taflfélags Reykjavíkur.

Hægt er að fylgjast með skráningu hér..

Skráningu í alla lokaða flokka lýkur laugardaginn 14. september kl. 18.

Lokaumferð fer fram föstudaginn 18. október en mótinu lýkur með verðlaunaafhendingu sunnudaginn 20. október ásamt Hraðskákmóti T.R.

Núverandi skákmeistari Taflfélags Reykjavíkur er Daði Ómarsson.

Dagskrá:

1. umferð: Sunnudag 15. september kl.14.00 
2. umferð: Miðvikudag 18. september kl.19.30

3. umferð: Sunnudag 22. september kl.14.00 
4. umferð: Miðvikudag 25. september kl.19.30

5. umferð: Sunnudag 29. september kl.14.00

6. umferð: Miðvikudag 2. október kl.19.30 
7. umferð: Sunnudag 6. október kl.14.00

---Hlé vegna Islandsmóts skákfélaga---
8. umferð: Miðvikudag 16. október kl. 19.30 
9. umferð: Föstudag 18. október. kl.19.30 

Verðlaun í A-flokki: 
1. sæti kr. 100.000 
2. sæti kr. 50.000 
3. sæti kr. 25.000 
4. og 5. sæti ókeypis í Skákþing Reykjavíkur 2014

Verðlaun í B-flokki: 
1. sæti kr. 20.000
2.-3. sæti ókeypis í Skákþing Reykjavíkur 2014

Verðlaun í C-flokki: 
1. sæti kr. 15.000 
2. og 3. sæti ókeypis í Skákþing Reykjavíkur 2014

Verðlaun í opnum flokki:

1. sæti kr. 10.000 
2. og 3. sæti ókeypis í Skákþing Reykjavíkur 2014

Ef fjöldi lokaðra flokka eykst, verða verðlaun í þeim þau sömu og í C-flokki.

Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Verði keppendur jafnir í efstu sætum verður peningaverðlaunum skipt en stigaútreikningur látinn ráða lokaröð keppenda.

Tímamörk:

1 klst. og 30 mín. + 30 sek. á leik. 

Þátttökugjöld:

3.500 kr. fyrir félagsmenn T.R. 16 ára og eldri (5.000 kr. fyrir aðra). 
1.500 kr. fyrir félagsmenn T.R. 15 ára og yngri (2.500 kr. fyrir aðra).