Michael Adams sigurvegari Dortmund-mótsins

Enski stórmeistarinn Michael Adams (2740) sigraði á Dortmund-skákmótinu sem lauk í gær. Hann hlaut 7 vinninga í níu skákum sem verður að teljast afar gott á svo sterku móti. Tífaldur sigurvegari Dortmund-mótsins, Vladimir Kramnik (2784) varð annar með 6,5 vinning en þessir tveir höfðu algjöra yfirburði.

Ungverjinn Peter Leko (2737) og hinn geðþekki fulltrúi heimamanna Naiditsch (2710) urðu í 3.-4. sæti með 4,5 vinning.

Caruana (2796), þriðji stigahæsti skákmaður heims, náði sér ekki á strik og hlaut 4 vinninga.

Þátt tóku 10 skákmenn í mótinu og þar af sex alþjóðlegar stjörnur. Hin fjögur sætin fylltu svo þýskir landsliðsmenn.

• Heimasíða mótsins 
• Beinar útsendingar (hefjast kl. 13)

Skákþáttur Morgunblaðsins: Rétt ákvörðun í miðtaflinu

Þessa dagana hafa skákunnendur á Íslandi getað fylgst með tveimur mótum samtímis þar sem íslenskir skákmenn hafa látið til sín taka. Guðmundur Kjartansson og Héðinn Steingrímsson héldu til Andorra eftir að hafa teflt í námunda við Pýrenea-fjöllin fyrr í mánuðinum og stór hópur íslenskra skákmanna teflir á skákhátíðinni í Pardubice í Tékklandi. Í Andorra er Guðmundur Kjartansson aðeins ½ vinningi á eftir efstu mönnum með 4 vinninga að loknum fimm umferðum og situr í 7.-19. sæti af 178 keppendum, Héðinn er með 3 ½ vinning og er sem stendur í 20.-42. sæti. Tefldar verða níu umferðir.

Í Pardubice tefla tólf Íslendingar í fjórum flokkum. Í A-flokki þar sem 238 skákmenn hófu keppni er Hannes Hlífar með 4 ½ vinning af sex mögulegum og er í 8.-23. sæti, Hjörvar Steinn Grétarsson er með 4 vinninga í 24.-55. sæti og Dagur Arngrímsson hefur hlotið 3 ½ vinning og er í 56.-98. sæti. Í B-flokki vekur athygli frábær frammistaða Mikhaels Jóhanns Karlssonar sem er með 4 vinninga af fimm. Dagur Ragnarsson er með 3 ½ vinning en þeir eru báðir að ná árangri langt umfram reiknuð elo-stig. Nökkvi Sverrisson og Jón Trausti Harðarson standa sig einnig vel, en yngri skákmenn eru að heyja sér mikilsverða reynslu í D-flokknum: Dawid Kolka, Felix Steinþórsson og Heimir Páll Ragnarsson. Steinþór, faðir Felix sem er fararstjóri piltanna, situr einn í E-flokki og hefur staðið sig merkilega vel.

Dagur Arngrímsson hefur verið duglegur að tefla undanfarið. Bestur var hann á Íslandsmótinu í fyrra. Hann getur greinilega bætt sig í endatöflum því í 3. umferð missti hann auðunna stöðu gegn Aseranum Mirzoev niður í jafntefli; bætti það upp með góðum sigri yfir Hvít-Rússanum Stupak strax í næstu umferð.

Dagur Arngrímsson - Kiril Stupak

Bogo-indversk vörn

1. d4 e6 2. c4 Bb4+ 3. Bd2 a5 4. Rc3 Rf6 5. Dc2 d6 6. Rf3 Rc6 7. a3 Bxc3 8. Bxc3 De7 9. e4 e5 10. d5 Rb8 11. Bd3 a4 12. c5 O-O 13. Hc1 Bg4 14. cxd6 cxd6 15. Rd2 Rh5 16. Rc4 Rf4 17. Bf1!

Þetta kostar allt tíma en liðsafli svarts hrekst undan í næstu leikjum.

17. ... b5 18. Re3 Bd7 19. g3 Rh5 20. Be2 Rf6 21 O-O He8 22. Bd3 Ra6 23. f4!

Blæs til sóknar.

23. ... exf4 24. Hxf4 Rh5 25. Hh4 g6 26. Df2 Rc5 27. Bc2 Dg5 28. Hf1 f6 29. Bd2 De5 30. Bc3 Dg5

Hér er komið gott dæmi um vandann við ákvarðanatöku í miðtafli. Að Dagur skyldi endurtaka leiki benti til þess að hann væri ekki viss í sinni sök en að hrókurinn sé enn á a8 bendir til þess að stöðuuppbygging svarts hafi mislukkast. Ég fylgdist með skákinni á netinu: að fórna skiptamun með 31. Hxh5 blasti við. Framhaldið gæti orðið 31. ... gxh5 32. Bxf6 Dh6 (32. ... Dg6 33. e5! o.s.frv.) 33. Bc3 Hf8 34. Rf5 Bxf5 35. exf5 Hae8 og nú má svara 36. f6 með 36. .... De3, engan rakinn vinning að finna þarna. En Dagur fann lausnina og sparaði púðrið.

31. Rg2! Hf8 32. g4!

Svartur á ekkert svar við þessari einföldu leikfléttu, 32. ... Rg7 er vitanlega svarað með 33. Bxf6 og vinnur.

32. ... Bxg4 33. Bd2! De5 34. Hxg4 Dxb2 35. Bb4 Hac8 36. Re3 De5 37. Rf5 Kh8 38. Rd4!

Þessi riddari er á leiðinni til c6 og gerir þar út um allar vonir um mótspil.

38. ... f5 39. Rc6 Dg7 40. exf5 Rf6 41. Bc3

- og svartur gafst upp.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 28. júlí 2013

Skákþættir Morgunblaðsins

[Event "Czech Open A 2013"] [Site "Pardubice CZE"] [Date "2013.07.22"] [Round "4.27"] [White "Arngrimsson, D."] [Black "Stupak, K."] [Result "1-0"] [ECO "E11"] [WhiteElo "2384"] [BlackElo "2510"] [PlyCount "81"] [EventDate "2013.07.19"] 1. d4 e6 2. c4 Bb4+ 3. Bd2 a5 4. Nc3 Nf6 5. Qc2 d6 6. Nf3 Nc6 7. a3 Bxc3 8. Bxc3 Qe7 9. e4 e5 10. d5 Nb8 11. Bd3 a4 12. c5 O-O 13. Rc1 Bg4 14. cxd6 cxd6 15. Nd2 Nh5 16. Nc4 Nf4 17. Bf1 b5 18. Ne3 Bd7 19. g3 Nh5 20. Be2 Nf6 21. O-O Re8 22. Bd3 Na6 23. f4 exf4 24. Rxf4 Nh5 25. Rh4 g6 26. Qf2 Nc5 27. Bc2 Qg5 28. Rf1 f6 29. Bd2 Qe5 30. Bc3 Qg5 31. Ng2 Rf8 32. g4 Bxg4 33. Bd2 Qe5 34. Rxg4 Qxb2 35. Bb4 Rac8 36. Ne3 Qe5 37. Nf5 Kh8 38. Nd4 f5 39. Nc6 Qg7 40. exf5 Nf6 41. Bc3 1-0

Henrik tapaði í síðustu umferð - Hilmir hlaut stigaverðlaun

Stórmeistarinn Henrik Danielsen (2510) tapaði fyrir franska stórmeistaranum og félagsmanni í Taflfélagi Vestmannaeyja Sebastian Maze (2547) í tíundu og síðustu umferð Politiken Cup sem lauk í dag. Henrik hlaut 7 vinninga og endaði í 14.-33. sæti (20. sæti á stigum).

Hilmir Freyr Heimisson (1690) gerði jafntefli við Færeyinginn Sigurd Justinussen (1970) og 5 vinninga þrátt fyrir að hafa teflt umtalsvert upp fyrir sig allt mótið. Hilmir varð í öðru sæti í stigaflokki skákmanna undir 1700 skákstigum. Í sjálfu mótinu varð hann í 130.-176. sæti (151. sæti á stigum).

Frammistaða Henriks samsvaraði 2475 skákstigum og hækkar hann um 1 stig fyrir hana. Frammistaða Hilmis samsvaraði 1991 skákstigi og hækkar hann 52 stig. 

Indverski stórmeistarinn Parimarjan Negi (2634) sigraði á mótinu en hann hlaut 9 vinninga. Sjö skákmenn fengu 8 vinninga og þeirra á meðal voru Maze, Ivan Cheparinov (2678), Jan Timman (2584) og Sune Berg Hansen (2549) sem varð efstur Norðurlandabúa.

Alls tóku 309 skákmenn frá 26 löndum þátt í mótinu. Þar af var 21 stórmeistari og 11 alþjóðlegir meistarar. Henrik var nr. 17 í stigaröð keppenda og Hilmir var nr. 247. Tefldar eru 10 umferðir.

• Heimasíða mótsins
• Chess-Results
• Beinar útsendingar (hefjast flestar kl. 11)

Brynjar og Mikael Máni unglingalandsmótsmeistarar

Unglingalandsmótið er nú í fullum gangi á Höfn í Hornafirði. Brynjar Bjarkason, ÍBH, varð meistari í yngri flokki en Mikael Máni Freysson, UÍA, í eldri flokki.

Röð efstu manna:

Yngri flokkur:
1. Brynjar Bjarkason, ÍBH
2. Eiríkur Þór Björnsson, USAH
3. Símon Þórhallsson, UFA

Eldri flokkur:
1. Mikael Máni Freysson, UÍA
2. Arnór Ingi Ingvason, Keflavík
3. Örvar Svavarsson, Aðrir keppendur

Unglingalandsmótið

Hoang Thanh Trang Evrópumeistari kvenna

Ungverska skákkonan (2467) er Evrópumeistari kvenna. Það verður að teljast nokkuð óvænt enda var hún aðeins nr. 14 í stigaröð keppenda. Trang er fædd í Hanoi í Víetnam árið 1980 en flutti til Ungverjalands 10 ára gömul. Trang hefur náð þeim einstaða árangri að verða skákmeistari tveggja heimsálfa en hún varð skákmeistari Asíu árið 2000.

Alls tóku 168 skákkonur þátt í mótinu sem fram fór í Belgrad dagana 23. júlí - 3. ágúst.

Röð efstu kvenna:

1. GM Hoang Thanh Trang HUN 2467 - 9
2. IM Melia Salome GEO 2428 - 8
3. IM Mkrtchian Lilit ARM 2454 - 8
4. GM Cmilyte Viktorija LTU 2497 - 8
5. GM Kosteniuk Alexandra RUS 2489 - 8
6. IM Khotenashvili Bela GEO 2512 - 8
7. GM Socko Monika POL 2435 - 8
8. WGM Kashlinskaya Alina RUS 2334 - 7.5
9. WGM Arabidze Meri GEO 2320 - 7.5
10. WGM Pogonina Natalija RUS 2478 - 7.5
11. WGM Kovanova Baira RUS 2371 - 7.5
12. GM Muzychuk Anna SLO 2594 - 7.5
13. WGM Girya Olga RUS 2437 - 7.5
14. GM Stefanova Antoaneta BUL 2497 - 7.5
15. WGM Ozturk Kubra TUR 2293 - 7.5
16. GM Cramling Pia SWE 2523 - 7.5
17. IM Javakhishvili Lela GEO 2465 - 7.5
18. IM Atalik Ekaterina EUR 2430 - 7.5
19. IM Milliet Sophie FRA 2396 - 7.5
20. GM Arakhamia-Grant Ketevan SCO 2385 - 7.5 

• Heimasíða mótsins
• Chess-Results

 

Henrik vann í næstsíðustu umferð

Stórmeistarinn Henrik Danielsen (2510) vann Danann Martin Haubro (2204) í níundu og næstsíðustu umferð Politiken Cup sem fram fór í Helsingör í dag. Hilmir Freyr Heimisson (1690) tapaði fyrir Norðmanninum Gunnari Stray (2056). Henrik hefur 7 vinninga og er í 4.-14. sæti. Hilmir hefur 4,5 vinning.

Stórmeistararnir Sabino Brunello (2593), Ítalíu, og Parimarjan Negi (2634), Indlandi, eru efstir með 8 vinninga.

Í síðustu umferðinni, sem fram fer í fyrramálið (hefst kl. 8), teflir Henrik við franska stórmeistarann og Eyjamanninn Sebastian Maze (2547) en Hilmir við Færeying (1970) og hefur því teflt uppfyrir sig í hverri ufmerð mótsins.

Alls taka 309 skákmenn frá 26 löndum þátt í mótinu. Þar af er 21 stórmeistari og 11 alþjóðlegir meistarar. Henrik er nr. 17 í stigaröð keppenda og Hilmir er nr. 247. Tefldar eru 10 umferðir.

• Heimasíða mótsins
• Chess-Results
• Beinar útsendingar (hefjast flestar kl. 11)

Búdapest: Hannes vann Bagi Mate

Stórmeistarinn Hannes Hlífar Stefánsson (2526) tekur þátt í First Saturday-móti sem hófst í dag í Búdapest. Hann vann ungverska alþjóðlega meistarann Bagi Mate (2326) í fyrstu umferð. Í 2. umferð, sem fram fer á morgun, teflir hann við danska alþjóðlega meistarann Rasmus Skytte (2431).

Hannes teflir í lokuðum 10 manna flokki þar sem meðalstigin eru 2410 skákstig. Hannes er næststigahæstur keppenda.

• Heimasíða mótsins
• Chess-Results

 

Dagur vann í fyrstu umferð í Arad

Alþjóðlegi meistarinn Dagur Arngrímsson (2385) hóf í morgun taflmennsku í alþjóðlegu skákmóti í Arad í Rúmeníu. Í fyrst umferð vann hann stigalágan heimamann (1819) með laglegri hróksfórn.

Á morgun eru tefldar tvær umferðir. Í fyrri teflir hann aftur við stigalágan heimamann (2004).

241 skákmaður frá 16 löndum tekur þátt í mótinu. Þar af eru 8 stórmeistarar og 19 alþjóðlegir meistarar. Dagur er nr. 21 í stigaröð keppenda.

• Heimasíða mótsins
• Chess-Results
• Beinar útsendingar (ýmist kl. 6:30/7:00 eða 13:30)

Guðmundur vann í fyrstu umferð

Það líður ekki langur tími á milli móta hjá alþjóðlega meistaranum Guðmundi Kjartanssyni (2434). Hann lauk nýlega þátttöku í Andorra en hóf í gær þátttöku á alþjóðlegu móti í Badalona á Spáni. Í fyrstu umferð vann Spánverjann Miguel Diaz (2175) en í dag teflir hann við Skotann Adam Bremner (2228).

Alls taka 94 skákmenn frá 21 landi þátt í efsta flokki. Meðal keppenda eru sex stórmeistarar og 22 alþjóðlegir meistarar. Guðmundur er nr. 17 í stigaröð keppenda.

• Heimasíða mótsins
• Chess-Results 

Henrik vann í áttundu umferð í Politiken Cup

Stórmeistarinn Henrik Danielsen (2510) vann Danann Kresten Schmidt (2272) í áttundu umferð Politiken Cup sem fram fór í dag. Hilmir Freyr Heimisson (1690) heldur áfram að ná góðum úrslitum og gerði nú jafntefli við Danann Thomas Tange Jepsen (2079). Henrik hefur 6 vinninga og er í 12.-24. sæti en Hilmir Freyr hefur 4,5 vinning.

Stórmeistararnir Ivan Cheparinov (2678), Búlgaríu, Parimarjan Negi (2634), Indlandi, og Sabino Brunello (2593) eru efstir með 7 vinninga.

Í níundu og næstsíðustu umferð, sem fram fer á morgun, teflir Henrik við Danann Martin Haubro (2204) en Hilmir mætir Norðmanninum Gunnari Stray (2056). 

Alls taka 309 skákmenn frá 26 löndum þátt í mótinu. Þar af er 21 stórmeistari og 11 alþjóðlegir meistarar. Henrik er nr. 17 í stigaröð keppenda og Hilmir er nr. 247. Tefldar eru 10 umferðir.

• Heimasíða mótsins
• Chess-Results
• Beinar útsendingar (hefjast flestar kl. 11)