Kosta Ríka: Hannes og Guðmundur unnu í fyrstu umferð

Hannes Hlífar Stefánsson (2544) og Guðmundur Kjartansson (2453) eru meðal keppenda á alþjóðlegu móti sem hófst í Kosta Ríka í gær. Báðir unnu þeir stigalægri andstæðinga (1873-1910) í fyrstu umferð. Mótinu verður framhaldið í dag.

62 skákmenn taka þátt í mótinu. Þar af eru 2 stórmeistarar og 2 alþjóðlegir meistarar. Hannes er stigahæstur keppenda en Guðmundur er nr. 3 í stigaröð keppenda.

• Heimasíða mótsins
• Chess-Results

Æsir í Ásgarði - 15 ára afmælismót og jólafagnaður

Á fjórða tug skákþyrstra ellismella var mættur í Stangarhylinn til af fagna góðu starfi ÁSA -skákklúbbs félags eldri borgara- í hálfan annan áratug og hinn öldunga klúbburinn Riddarinn fagnar 15 ára afmæli líka í næstu viku jafnframt jólamóti sínu þann 18. desember.

Margir þessara skákvíkinga tefla sér til afþreyingar og yndisauka í báðum klúbbunum því skákin kætir og bætir eins og við vitum og dregur úr félagslegri einangrun sem hrjáir margan gamlingjann þegar árin færast yfir.

Tefldar voru 10 umferðir á 7 mínútum að þessu sinni áður en sest var að veislukaffi.

Ungmennið Ögmundur Kristinsson blandaði sér í hópinn og fór heim með bikar og Þorsteinn Þorsteinsson, fv. forseti SÍ og skólameistari er farinn að mætta til tafls á ný bæði hjá Ásum og Riddurunum og kemur sjálfum sér og öðrum á óvart með góðri frammistöðu.

Það var gaman að sjá Birgi Sigurðsson hin aldna formann 86 ára við mótsstjórnina og hann lét sér ekki muna um að tefla með líka þrátt fyrir að nokkurn heilsubrest.

Það var vel til fundið hjá Skáksambandinu að gera hann að heiðursfélaga á aðalfundi sínum sl. vor fyrir langt og heilladrjúgt starf að skákmálum um áratugaskeið.

Hér að neðan eru úrslit mótsins birt fyrir fréttaþyrsta skákfíkla innanlands sem utan.

 

 

 

 

London: Oliver og Guðmundur unnu í fjórðu umferð

Oliver Aron Jóhannesson (2078) og Guðmundur Gíslason (2318) unnu báðir í fjórðu umferð FIDE Open, sem fram fór í gær, og er hluti af London Chess Classic hátíðinni. Oliver vann Skotann Clement Streeves (2251) en Guðmundur lagði enska skákmanninn Jon S Friedland (2089).

Oliver hefur 3 vinninga og er í 12.-46. sæti en Guðmundur hefur 2½ vinning og er í 47.-71. sæti.

Oliver mætir enska stórmeistaranum Keith Arkell í dag en Guðmundur teflir enska skákmanninum Roger Williamson (2150).

Efstir með 4 vinninga eru stórmeistararnir Andrei Istratescu (2670) og Emil Sutovsky (2657). Þeir hætta báðir þátttöku í mótinu!

Skýringin er sú að tveir efstu menn mótsins eftir fjórar umferðir fá að taka þátt í aðalmóti hátíðirnar sem hefst í dag. Um er að ræða manna 16 manna atskák þar sem meðal keppenda eru Kramnik, Caruana, Anand og Nakamura.

190 skákmenn taka þátt í FIDE Open. Þar af eru 23 stórmeistarar. Guðmundur er nr. 56 í stigaröð keppenda en Oliver nr. 112.

 

• Heimasíða mótsins
• Beinar útsendingar - 8 efstu borðin (hefjast ýmist 14:30 eða 16:30)

Jólamót Víkingaklúbbsins fer fram í dag

Jólamót Víkingaklúbbsins fyrir börn og unglinga verður haldið í Víkinni Víkingsheimilinu miðvikudaginn 11. desember. Tefldar verða 5. umferðir með 10 mínútna umhugsunartíma á mann og hefst mótið kl. 17.15. Allir krakkar eru velkomnir og þátttaka er ókeypis.

Keppt verður tveim flokkum: Flokki fæddra 1998-2004 og flokki fæddra 2005 og yngri. Einnig verða sérstök stúlknaverðlaun auk þess sem veitt verða fjöldi aukaverðlauna. Barna og unglingaæfingar voru vikulega í vetur, en næsta æfing eftir jólafríð verður miðvikudaginn 15. janúar og verða æfingar vikulega fram á vor. 

Skráning á mótið fer m.a fram á netfangið:  vikingaklubburinn(hjá)gmail.com

Ríflega 100 keppendur skráðir til leiks á Friðriksmót Landsbankans

Ríflega 100 keppendur eru nú skráðir til leiks á Friðriksmót Landsbankans - Íslandsmótið í hraðskák sem fram fer 14. desember nk. í útibúi bankans í Austurstræti. Þar af eru fimm stórmeistarar og fjórir alþjóðlegir meistarar. Mótið er nú fullt en hægt er að skrá sig á biðlista hér. Upplýsingar um þegar skráða keppendur má finna hér og á Chess-Results.

Þetta er tíunda árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Margir af sterkustu stórmeisturum landsins hafa undanfarin ár teflt til heiðurs Friðriki.

Eftirtaldir stórmeistarar eru skráðir til leiks: Helgi Ólafsson (2546), Hjörvar Steinn Grétarsson (2511), Jón L. Árnason (2499), Stefán Kristjánsson (2491) og Þröstur Þórhallsson (2445). Auk þess tekur Lenka Ptáncníková (2245) stórmeistari kvenna þátt.

Alþjóðlegu meistararnir eru Bragi Þorfinnsson (2454) og Jón Gunnarsson (2412) eru meðal keppenda nú en þeir sigruðu á mótinu í fyrra ásamt Hjörvari Steini. Bragi hlaut Íslandsmeistaratitilinn eftir stigaútreikning.

Verðlaun fyrir efstu sæti eru eftirfarandi

1. 100.000 kr.
2.   60.000 kr.
3.   50.000 kr.
4.   30.000 kr.
5.   20.000 kr.

Aðalverðlaun skiptast séu menn jafnir að vinningum.  

Aukaverðlaun

• Efsta konan: 10.000 kr.
• Efsti maður með 2200 eða og minna: 10.000 kr.
• Efsti maður með 2000 stig og minna: 10.000 kr.
• Efsti strákur 16 ára og yngri (fæddur 1997 eða síðar): 10.000 kr.
• Efsta stúlka 16 ára og yngri (fædd 1997 eða síðar): 10.000 kr.
• Útdreginn heppinn keppandi: 10.000 kr.

Aukaverðlaun eru miðað við nýjustu útgefin íslensk skákstig. Reiknuð eru stig séu menn jafnir og efstir. Aðeins er hægt að fá ein aukaverðlaun og verða þau valin í ofangreindri röð.

Fyrri sigurvegarar

• 2012 - Bragi Þorfinnsson, Hjörvar Steinn Grétarsson og Jón Viktor Gunnarsson
• 2011 - Henrik Danielsen
• 2010 - Jón Viktor Gunnarsson og Þröstur Þórhallsson
• 2009 - Héðinn Steingrímsson
• 2008 - Helgi Ólafsson
• 2007 - Héðinn Steingrímsson
• 2006 - Helgi Áss Grétarsson
• 2005 - Jón Viktor Gunnarsson og Arnar E. Gunnarsson
• 2004 - Jóhann Hjartarson og Stefán Kristjánsson

Chess-Results

Hraðskákmót Garðabæjar fer fram á fimmtudagskvöld

Hraðskákmót Garðabæjar verður haldið frá kl. 19:30 næstkomandi fimmtudag 12. desember í Betrunarhúsinu, Garðatorgi 1. 2. hæð.
 
Skráning í hraðskákmótið er á þessum hlekk. 

Hægt er að sjá hverjir eru skráðir með því að smella hér.
 
Umhugsunartími er 5 mínútur á mann og er teflt í einum flokki. Reikna má með að mótið verði búið um kl. 22.
 
1. verðlaun í Hraðskákmóti Garðabæjar eru 15.000 kr. auk verðlaunagrips. Medalíur fyrir 2 og 3 sæti. Efsti TG ingur hlýtur 5000 kr. Verðlaunafé skiptist milli manna ef fleiri en einn hljóta jafn marga vinninga.
 
Frítt er í hraðskákmótið fyrir þátttakendur skákþingsins og félagsmenn TG en aðrir gestir borga 1000 kr.
 
Hraðskákmeistari 2012 var Pálmi Ragnar Pétursson GM Helli sem vann mótið í fyrra með fullu húsi.
 
Eftir hraðskákmótið er verðlaunahending fyrir bæði mótin.

Verðlaunahafar Skákþings Garðabæjar 2013 eru:
 
Jón Árni Halldórsson
Loftur Baldvinsson
Gauti Páll Jónsson
Bjarnsteinn Þórsson
 
Brynjar Bjarkason
Þorsteinn Magnússon
Mikael Kravchuk
Bjarki Arnaldarson
 

Jólamót Skákskólans/Skákakademíu Kópavogs í Stúkunni

Jólahraðskákmót Skákskóla Íslands verður haldið í Stúkunni á fimmtudaginn og hefst stundvíslega kl. 14.30. Þátttökurétt hafa allir krakkar í  grunnskólum Kópavogs. Tefldar verða níu umferðir eftir svissneska kerfinu  allt í einum flokki. Verðlaun verða tvískipt, þrenn verðlaun fyrir þá sem eru stigalausir eða undir 1400 elo stigum og einnig verða veitt verðlaun fyrir þá sem eru með 1400 elo stig og meira.

Meðal verðlauna eru bikarar, verðlaunapeningar og þátttaka í fyrirhuguðu tveggja daga skák-námskeið í Vatnaskógi síðustu helgina í janúar á ári. Í mótslok verður boðið uppá pizzur og gosdrykki. 

London: Oliver Aron vann í þriðju umferð

Oliver Aron Jóhannesson (2078) vann Englendinginn Simon Roe (2263) í þriðju umferð FIDE Open-mótsins sem er hluti af London Chess Classic-hátíðinni. Guðmundur Gíslason (2318) tapaði hins vegar fyrir búlgarska stórmeistaranum Alexander Delchev (2648). Oliver hefur 2 vinninga en Guðmundur hefur 1,5 vinning. 

Í 4. umferð, sem fram fer í dag, teflir Oliver við Skotann Clement Streeves (2251) en Guðmundur við enska skákmanninn Jon S Friedland (2089). 

190 skákmenn taka þátt í FIDE Open. Þar af eru 23 stórmeistarar. Guðmundur er nr. 56 í stigaröð keppenda en Oliver nr. 112.

Aðalmótið, þar sem 16 skákmenn taka þátt tefld er atskák, hefst á morgun. Tveir efstu á FIDE Open eftir fjórar umferðir fá keppnisrétt í aðalmótinu.

• Heimasíða mótsins
• Beinar útsendingar - 8 efstu borðin (hefjast ýmist 14:30 eða 16:30)

Dagur með jafntefli í gær við stigahæsta keppandann í Búdapest

Alþjóðlegi meistarinn Dagur Arngrímsson (2378) gerði jafntefli við makadóníska stórmeistarann Dragan Kosic (2515) í þriðju umferð First Saturday-mótsins sem fram fór í gær.

Dagur hefur 2 vinninga og er í 2.-4. sæti.

Tíu skákmenn tefla í efsta flokki og eru meðalstigin 2402. Dagur er nr. 6 í stigaröð keppenda.

• Heimasíða First Saturday
• Chess-Results

Jólaskákmót Ása í dag

Nú fer í hönd hrina jólaskákmóta í hinum ýmsu skákklúbbum vítt og breitt um landið. Í dag verður haldið Jóla- og 15 áraafmælismót Ása með veisluaffi og jólagjöfum. Það verður haldið í Ásgarði (húsnæði FEB í Stangarhyl).

Næstu Jólamót eru hér sem hér segir:  

  

   ÆSIR 10. desember kl 13 (eldri borgarar)

   Jóla- og 15. áraafmælismót Ása með veislukaffi og jólagjöfum.

 

   KR - 16. desember kl. 19.30 (öllum opið)

   Jólaharð - með pökkum og vinningahappdrætti.

  

   RIDDARINN - 18. desember kl. 13 (eldri borgarar)

   Jóla- og 15. ára afmælismót klúbbsins með veislukaffi og jólavinningum.

 

   GALLERÝ SKÁK - 19. desember kl. 18 (öllum opið)

   Jólahvað? - með góðum vinningum og veisluföngum.